المساعد الشخصي الرقمي

مشاهدة النسخة كاملة : الجهاز و القطع أبغي بعض النصائح في شراء PS3


hamad1337
03-05-2008, 08:31 PM
السلام عليكم

لو حد يعرف من وين أشتري ps3 من الإمارات أمريكي 80 GB في واحده من هالمدن(بوظبي دبي الشارجه العين)
يفضل من العين
و ياليت حد يقولي ع السعر لأني سمعت السعر يتراوح ما بين 2700-3200 و يعني شو اللي ايي ويا ال PS3 ( الكنترول - وصلة النت و ما شابه) و لو يعني لازم أشتري أشياء مهمه للجهاز عشان ألعب ع النت

و سلمتوا
Yoh Asakura
03-05-2008, 09:26 PM
هلا والله أخوي شحالك شعلومك ...

أنا اليوم سرت محل أر بي جي ف السطوه قلت يمكن اسعاره رخيصه .. أنا يوم رحت سألت عن 80 GB قاللي الحبيب انه هاي اخر وحده وعقب مابييب غيرها قلتله ليش قاللي خلاص ماقامت تنزل ف السوق حالها حال 60 GB و ومال 80 GB يقوللي بعد ماعليها ضمان :28: بس ال 40 GB هي اللي عليها ضمان وسعرها ع 2000 مع اي لعبه بس غير جران ثيف :boggled:. والجواب ع سؤالك ال 80 GB ع حدود 2600 تقريبا مع لعبه وكونترول واحد. وبالمناسبه راعي المحل قاللي شي مافهمته اونه انا ببيعلك 80 GB لو تبي مع برنامج أب ديت حق الالعاب وانا ماعندي خلفيه عن هالشي اتمنى اللي عندهم معلومات عن هالموضوع يساعدوني ويجاوبون ع أسألألتك :09:

والسموحه :D
hazaaa
03-05-2008, 09:58 PM
انا شاري سوني في محل اسمه شارع الالعاب في خوانيج 80 gp يبانيه عنده 2100 وانا اشترت لعبه معاها طلعت 2300 انا اشوف هذا محل احسن من الايراني الحرامي الي في سطوه
120Crazy
04-05-2008, 04:10 AM
نصيحة مني لك


- PS3 نظام اوروبي 40 جيجا من الوكيل ( جامبو ) + الضمان + لعبتين + الجهاز يشغل افلام الديفيدي اللي متوفرة بالسوق + يشغل افلام البلوراي واللي بدات تنتشر بالسوق ب 1999 درهم افضل من الامريكي و الياباني الي مالهم ضمان ولا يشغلن افلام الديفيدي ولا البلوراي اللي بالسوق
meshale
04-05-2008, 04:48 AM
لو تبي مع برنامج أب ديت حق الالعاب وانا ماعندي خلفيه عن هالشي اتمنى اللي عندهم معلومات عن هالموضوع يساعدوني ويجاوبون ع أسألألتك :09:

والسموحه :D

حرااااااامي ديربالك من هل السوالف كانو يستخدمون عندنا بالكويت نفس الاسلوب ل النصب على الناس ... لأنه الابديت اي واحد يقدر اسويه يعني مثلا الابديت مالك كان قديم او دخلت على النت عن طريق البلايستيشن فا الجهاز تلقائيا يطلب اخر ابديت او انت ما عليك الا اختيار كلمة yes و الانتظار قليلا ( ما ياخذ ربع ساعه ) و يظهرلك اخر ابديت ... كذلك ممكن ان يسوي ابديت في حالة عدم دخولك النت (online ) ففي هذه الحاله هناك بعض الالعاب الجديده التي تطلب منك ابديت لتشغيلها ... و كذلك في طريقه ثالثه انك تنزل الابديت عن طريق الكمبيوتر و تنزله على اي محتوى مثل فلاش او غيره و تنقله بالسوني :)

طبعا ممكن تكون ما فهمتني لأنك ما دخلت عالم البلايستيشن ولكن لو رحتله مره ثانيه قوله افرض لو ان انا بالطريق الى البيت و شركة سوني قررت ان اهي اتنزل ابديت جديد شسوي اهني ؟؟ جواب صاحب المحل سيكون تعالي باجر انزلك اياه ... او راح يسكت او ما يتكلم ولا كلمه :boggled:
hamad1337
04-05-2008, 01:46 PM
ممكن أعرف الفرق بين 40 gb , 60 gb
80 gb
أكيد كلهن يشغلن كل الألعاب بس شو الفرق؟ هل بالمساحه التخزين بس؟


الأمريكي ما يشغل أفلام الديفيدي و ال Blu-ray ?
ما أظن أخوي
meshale
04-05-2008, 08:01 PM
^^

الفرق بينهم بالسعه و بالنسبه ل ال40 جيجا فا هي ما تشغل العاب الps2 او انا قاري ان في قطعه اضافيه موجوده في ال60 جيجا و هي مو موجوده في ال 80 و ال40 و الحقيقه ما فهمت شنو وظيفتها بالظبط ولكن هي متعلقه بتشغيل العاب ال ps2 اتوقع
120Crazy
04-05-2008, 09:18 PM
- في فروقات بينهم ولكنها بسيطة الاصدارات القديمة لل PS3 كانت تحتوي على 4 مداخل لل USb وبعضها كان لا يحتوي على تقنية ال واي فاي وبعضها كان يوجد به 4 مداخل لبطاقة الذاكرة طبعا كل هذي الاشياء بالاصدارات القديمة اما الان فان الاصدار الرسمي لل PS3 من SONY فهو ذو ال 40 جيجا ويحتوي على فتحتين لل USb ويحتوي على تقنية ال واي فاي وباقي المواصفات

- جهاز ال PS3 يشغل الالعاب وبكافة الانظمة ولكن من ناحية الافلام السينمائية فهو يتبع ال ريجيون يعني ال PS3 الامريكي يشغل الديفيدي والبلوراي الامركي فقط ( ريجيون 1 ) اما ال PS3 الاوروبي يشغل الديفيدي والبلوراي الاوروبي فقط ( ريجيون 2 ) وكافة افلام الديفيدي والبلوراي اللي موجوده بالامارات والخليج والوطن العربي فهي اوروبية ( ريجيون 2 )
hamad1337
04-05-2008, 11:54 PM
مشكورين جميعًا و ماقصرتوا

انزين أخوي كريزي لو أنا نزلت فلم من النت و سويت دي في دي منه هل أقدر أشغله ع الأمريكي؟ و تسلم
hamad1337
04-05-2008, 11:58 PM
<P>مشكورين جميعًا و ماقصرتوا <BR>&nbsp;<BR>انزين أخوي كريزي لو أنا نزلت فلم من النت و سويت دي في دي منه هل أقدر أشغله ع الأمريكي؟ و تسلم</P>
hamad1337
04-05-2008, 11:59 PM
<P>مشكورين جميعًا و ماقصرتوا <BR>&nbsp;<BR>انزين أخوي كريزي لو أنا نزلت فلم من النت و سويت دي في دي منه هل أقدر أشغله ع الأمريكي؟ و تسلم</P>
120Crazy
05-05-2008, 01:36 AM
نعم تقدر تشغله
وجهاز ال PS3 يقبل هذه الصيغ للموفي ( avi.divx.mp4.wmv) يعني اي موفي بتنزله من النت شوف صيغة الموفي قبل التنزيل اذا كانت وحده من هالاربع نزله وبيشتغل على الجهاز طبعا بعد التنزيل انقل الملف للجهاز في فلاش او سيدي او ديفيدي
لمزيد من المعلومات ادخل هالموقع الرسمي لسوني
http://manuals.playstation.net/document/en/ps3/current/video/filetypes.html
hamad1337
05-05-2008, 04:23 AM
تسلم كريزي و يعطيك العافيه ;)