للبيع جيل 130 مليون

[Detective_Conan]

السلام عليكم,
بعد ما توظفت و بدينا بشغل الشفتات, مافي وقت ألعب أبد و حتى لو كان عندي وقت بمالي خلق ادخل الجيم كلش فقررت اني أسكر الأكاونت بس فكرت فيها اول شي قلت خل ابيع الجيل
جربت موقع ige لو بيشترون, عطوني سعر تقريبا 8 دنانير للمليون, فيمكن أبيعه لهم, بس بغيت أتأكد لو أحد يبي يشتري من هني يكون أفضل
130 مليون بسيرفر راجناروك, اقدر احولهم لأي سيرفر ثاني لو في احد يبي يشتريهم دفعه وحده بس لو احد يبي يشتريهم من سيرفر ثاني بس كمية قليلة فهو لازم يحول mule ياخذهم, السعر 8 دنانير للمليون او ما يعادل 110 ريال سعودي اعتقد ؟ عمري ما نقلت فلوس من دولة لدولة فماني عارف شلون بتكون طريقة ارسال الفلوس

على راحتك تبي مليون او مليونين اي كمية عادي بس لو سيرفر ثاني مثل ما قلت, يا كلهم أو التحويل عليك لو تبي كمية بسيطة بس

المواقع تبيع على 13-14 دينار فاعتقد انه السعر معقول و بصراحة مو هامني السعر وايد لأنه ما كنت متوقع انه راح ابيعهم اساسا

لو في احد يبي يشتري الcharacter ارسل سعر و انا اشوف اذا يسوى أو لأ, الشخصية Kiraa بسيرفر راجناروك
excalibur
full af2 rdm
full af2 pld
rng75
nin75
full sky gods set except osode
all sky ex/rare gear for the jobs above uncursed on HQ quality
homam hands/legs
وايد شغلات بعد بس ناسي والله و مالي خلق اسوي update عشان اشوف بس اللي يبي معلومات زيادة يقدر يرسل لي ايميل على
kiraster@gmail.com

و شكرا.

[azuman]

حسابك عقيب والله. محظوظ اللي بيشتريه

بس طريقة إرسال الفلوس المشهورة هي PayPal , بعد ما يرسلون الفلوس لك سو Withdraw يعني سحب المال من حساب Paypal إلى بطاقتك , بس لازم تكون VISA لأن MasterCard ماينفع لل سحب في الدول العربية.

بس ماقلت كم سعر الحساب بالدولار$؟

[Detective_Conan]

والله مافي سعر للحساب في بالي بس كنت بشوف لو في احد يعطي سعر حلو فيمكن ابيعه, لو مافي سعر حلو يمكن اعطيه حق واحد من الربع اللي انسرقت اكاونتاتهم

اما بالنسبة للدفع, اللي من الكويت ممكن بس نتقابل اما من باقي الدول في western union او اللي يريحهم, انباع 52 مليون
باقي 78 مليون

[OdinX]

سلام
رسلت لك رسالة^^

[Detective_Conan]

ماشاءالله 12 رسالة وصلت, الشباب مو مخلين الفيزا اب حالها
40 مليون انحجزت لشخص, و 20 مليون لشخص ثاني
باقي 18 مليون و بالنسبة للي يرسل رسالة يسأل عن سعر الشخصية, انا مو محدد سعر بصراحة بس بشوف منو يعطي اعلى سعر لأنه ما عندي فكره عن اسعار الشخصيات

اللي من خارج الكويت, افضل لو ترسل بالدولار الامريكي ما يعادل 30 دولار

[azuman]

أنا أنسرق عندي أكاونتين ; ;

[Master X]

KIraa

حسافة والله روحتك :( بس وش نقول هذي الدنيا , وبعد فترة بتحن لفاينل :D

عموما الله يوفقك ان شالله بدنياك ووظيفتك , وفي كل خطوة تخطوها ..

بالنسبة للبيع شي حلو اللي سويتة احسن من انك تمسح كل شي , والمردود راح يكون تعويض حلو عن كل الوقت اللي اشتغلتة باللعبة .

الكاركتر عندك فوق الممتاز ولاتبيعة برخيص ابدا , بصراحة لان الكل يتمنى كراكتر زيه ولازم يكون السعر متناسب مرة مع مايحتوية من ايتمات , يكفي الريلك :)


واتمنى نشوفك بالجيم قبل الاعتزال , عشان نسوي لك حفل (وداعية ) لووول .:biggthump

[azuman]

أنا أعرف واحد ماليزي مستعد يدفع 2000$ لحسابك بس عن طريق PayPal فقط

[Sub^Seven]

الله يوفقك اخوي وصراحة سعر الجيل جدا رخيص منها انت تستفيد وتفيد اخوانك العرب
(رحم الله امرء نفع واستنفع)
ونفس ما قال اخوي Devilboy
لاتفكر تبيع اقل من 250 ديناركويتي للشخصية
وموفق خير
اخوك ابو عبدالله

[Detective_Conan]

Azuman ما اثق بالاجانب بصراحة و لهذا السبب انا قلت ابيع هني احسن ولا هناك حتى عارضين على 35$ للمليون كانوا بس لو paypal يدفعون يقدرون بنفس اليوم بعد ما يسلموني و يستلمون انهم يتصلون على paypal و يقولون لهم اني ما ارسلت لهم شي و مافي اثبات اني ارسلت لهم شي لأنه الجيل و الشخصية مو شي واقعي فراح يردون لهم اللي دفعوه من حسابي و هذا الشي اللي يخاف منه وايد ناس.

مغبر devil boy هههه, والله للأسف بس هالمره مافي رجعه, أكثر الناس اللي اعرفهم طلعوا من اللعبه او انسرقت اكاونتاتهم و مليت من محتوى اللعبه, حفضنا كل شي و خلصنا كل شي حتى odin ذبحناه خمس مرات بس باقي AV و ما تسوى اقعد العب بعد خمس سنين بس عشان نعرف شلون نذبحه ههه, والله بالبداية كنت مو ناوي ابيع بس قلت شسوي فيهم, اوزع على منو اذا كل اللي اعرفهم 4 اشخاص بس, و الشخصية تعبت عليها وايد و لي ذكريات وايد فيها فهذا الشي اللي ممكن يخليني ما ابيعها.

سب سيفين
الله يوفقنا اجمعين, يعطيك العافيه ابو عبدالله

[da diver]

i think you should just keep it
you might miss it someday

[Hawu]

:( لااااااااااا, لا تبيع كيرا بزعل!!

[ddr]

السلام عليكم

اخوي Detective_Conan
دزيت لك رساله على بريدك

[Detective_Conan]

Hawu

ok ;; i won't

و عليكم السلام اخوي ddr, للأسف الgil كله خلص

[Light.Darkness]

والله ماتخيلت يجي يوم تمشي و تبيع الي عندك كيرا
(انا من المحاربين القدامى :p)

نصيحة الشخصية و الايتمز خلهم على ما هم
اذا خلاص تبي تستريح خل الشخصية ان اكتيف
ماتدري وش يصير مع الوقت

بالنسبة للناس انا معاك اصحاب ايام النوبيز غير :D
بس صدقني فيه ناس فيهم الخير و اكيد بتحصل ناس زيهم
بس انت مفتقد الي راحوا ولا انت عاطي الناس الجدد فرصة

[alroomi]

اخواني ترا اخوي detective-conan توفى ,, ادعوله الله يرحمه

[Angel Of Night]

اخواني ترا اخوي detective-conan توفى ,, ادعوله الله يرحمه
والله ماأدي وش أقول إذا كلامك غلط فال الله ولا فالك

وإذا كلامك صح الله يرحمه ويدخله جناته

بس بصراحة أنا ماأصدقك

[.dark man.]

بالمناسبه سب سفن :) لاتنسى ان فيه ناس طفاره على الحديده

مثل اخوك في الله انا ^^ فاللي حاب يتبرع لي لو 10 الاف ماقول لا

وخصوصا اني كنت اظن نفسي ربحت 100 الف جيل من الايفنت الغبي وفي الأخير طلع سكرول اكس بي :(


- وبالتوفيق في البيع حبيبي ^^ ان شاءلله من زبون عادي الى واحد حق اسهم

[dark_dot]

اخواني ترا اخوي detective-conan توفى ,, ادعوله الله يرحمه

؟؟؟؟؟؟؟؟؟؟؟؟؟؟؟؟؟
اقول
تمزح او منـصج؟
( ترى هذه سوالف ما تنمزح فيه )

[المـلقب بالخطير]

شباب تعوذوا من ابليس ...

بالله في أحد يمزح ويقول توفي أخوي ادعوا له بالرحمة ؟؟؟؟

ايه نعم اللاعب Kira قائد PeaceMakers سابقا إنتقل إلى رحمة الله ...

وهو نفس العضو Detective_Conan

أما العضو alroomi يقول هو أخوه من أبيه و أمه ! أنا لا أدري ليش تكذبونه ؟؟؟

ترى كتب موضوع وفاته لكن في منتدى العام :

http://www.montada.com/showthread.php?p=6177863#post6177863

الله يرحمك يا Kira ، حتى اسمه الحقيقي ما نعرفه >.<

اللهم اغفر المؤمنين و المؤمنات ، المسلمين و المسلمات ، الأحياء منهم و الأموات .

أنا لو كنت أخو Kira كنت سويت DELETE على الشخصية .

أو يبيع الشخصية و يتصدق بالفلوس عسى ربي يخفف عليه من ذنوب .

إنا لله و إنا إليه راجعون .

[Light.Darkness]

شباب تعوذوا من ابليس ...

بالله في أحد يمزح ويقول توفي أخوي ادعوا له بالرحمة ؟؟؟؟

ايه نعم اللاعب Kira قائد PeaceMakers سابقا إنتقل إلى رحمة الله ...

وهو نفس العضو Detective_Conan

أما العضو alroomi يقول هو أخوه من أبيه و أمه ! أنا لا أدري ليش تكذبونه ؟؟؟

ترى كتب موضوع وفاته لكن في منتدى العام :

http://www.montada.com/showthread.php?p=6177863#post6177863





انا انصدمت لما قريت مشاركته و فضلت ما اعلق الا لما اتاكد
انا لله وانا اليه راجعون :(

الله يرحمه ويغفر له ويسكنه فسيح جناته




الله يرحمك يا Kira ، حتى اسمه الحقيقي ما نعرفه >.<




اسمه احمد




اللهم اغفر المؤمنين و المؤمنات ، المسلمين و المسلمات ، الأحياء منهم و الأموات .



امين :(





اخوي alroomi

ممكن توضح وش السبب لو سمحت ؟

[المـلقب بالخطير]

اسمه احمد


الله يرحمك يا احمد .

[بو ضاري]

الرجال توفى ..وانتقل إلى رحمه الله ..واهله اشتكوا على المستشفى ووصلوا شكوتهم لوسائل

الاعلام..

http://www.alraimedia.com/Templates/frNewsPaperArticleDetail.aspx?npaId=48598


لفظ مواطن أنفاسه بعد عملية شفط دهون أجريت له في مستشفى خاص دفع قيمتها 1200 دينار بواسطة (الكي نت).
ذوو الشاب أحمد الرومي فوجئوا صباح الأربعاء باتصال من صديق له يخبرهم أنه تلقى اتصالاً من مستشفى خاص يفيد ان حاله الصحية سيئة بعد اجراء عملية شفط الدهون التي خضع لها، ووفق ما قاله أيمن الرومي شقيق أحمد لـ «الراي» فوجئنا بالاتصال وكانت مفاجأتنا مضاعفة أن ابننا أجريت له عملية من دون علمنا.
ويضيف أيمن «وعلى وجه من السرعة انطلقنا إلى حيث المستشفى الخاص حيث أبلغنا الأطباء وكان ذلك قرابة الواحدة ظهراً أن أحمد واجه ارتفاعاً في حرارة جسده بلغت 42 درجة وانخفاضا في الضغط وسيولة في دمه قبيل الانتهاء من العملية وان الأطباء يفعلون ما بوسعهم للحفاظ على حياته».
وقال أيمن «بعد استفسارنا من إدارة المستشفى عن الذي حصل أبلغتنا ان أحمد كان حضر قبل يوم أي الثلاثاء وأعرب عن نيته أداء عملية شفط دهون وأجريت له الفحوصات اللازمة لذلك، وطلب منه الحضور صباح الأربعاء حيث خضع للعملية في تمام التاسعة والنصف وقبيل الانتهاء منها قرابة الحادية عشرة حصلت له مضاعفات (الحرارة والهبوط وسيلان الدم)، وبدلاً من أن يترك أرقام هواتفنا في الاستثمارة التي عبأها ترك رقم صديقه الذي اتصلت عليه ادارة المستشفى وأبلغنا بواسطته».
ويتابع أيمن وقائع ما حصل لشقيقه قائلا: «بقي الأطباء يبلغوننا بين تارة وأخرى بأن حاله الصحية مستقرة وتارة غير مستقرة حتى وصل الأمر بهم إلى الطلب الينا بنقله إلى مستشفى العدان، ووقع ذلك الخبر علينا وقع الصاعقة، وسألناهم كيف ننقله إلى مستشفى آخر وهو موجود لديكم؟ ولم نجد اجابة شافية رداً على سؤالنا».
ويمضي أيمن «وفي حين استفسرنا من إدارة المستشفى عن سبب عدم ابلاغنا قبيل خضوعه للعملية، كانت اجابتهم لنا ان ابننا فوق العشرين من العمر وهو مسؤول عن تصرفاته، وهنا تكمن المفارقة العجيبة بأنه كيف تمت الاستعانة بنا لنقله إلى مستشفى آخر في وقت يقولون فيه ان ابننا فوق السن القانونية ويدعون بأن لديهم أفضل الأجهزة الطبية».
ويتابع أيمن الرومي انه «علم لاحقاً أن شقيقه أحمد كان أبصر إعلاناً يروج لعملية شفط الدهون في المستشفى إياه فقصده، وحسب الأوراق التي أطلعتنا عليها ادارة المستشفى تبين ان أحمد دفع ثمن العملية بواسطة (الكي نت)».


الله ياخذ المستشفيات الخاص..وإن شاء الله ينتقم منهم ..بعد مادفعلهم حولوه على مستشفى حكومه

وتوفى..1200 دينار ان شاء الله سم على قلوبهم ..

اللي عنده مجال للتشكيك الحين ..ياريت يكرمنا بسكوته الحين :)

أو يراسل عضويه الرومي أذا مو متأكد لأنه انا متأكد أنه اخوه ..

المتوفى أعرف نكه بالقيم ولا لي معرفه شخصيه بأي أحد بفاينل فانتسي اونلاين

بس شنقول غير الله يرحمه ويغمد روحه الجنه

[Angel Of Night]

الله يرحمه ويغفر له
ووالله راح نفتقد أخ عزيز وصديق

لكن ياأخ الخطير أنا وش معرفني إنه أخوه الحقيقي لاإنه قالي أخوي DC وكلنا هنا نقول لبعض أخوي فلان وأخوي فلان

الله يرحمه ويغفرله إن شاء الله بس ياليت لو أنه معلم أهله قبل لايسوي العملية

الله يرحمه والله يعين أمه على فراقه

[Master X]

الله يرحمة ويغفرة ويمسح خطاياة

بصراحة خبر صدمني جدا , خصوصا انه كان من اعز الاصدقاء لدي

[alroomi]

اخواني الي الي ما صدقني ما عليه :(

يعني في اخ يقول اخوي مات و يجذب !!

انا ما كنت ادري انه يشارك بهالمنتدى , عرفت امس بالصدفه من google و دخلت و سجلت هني عشان اقولكم و تترحمون عليه :(

الله يرحمه ان شاء الله , بس الي يقول ليش ما تبيع اكاونته و تتصدق فيه , انا ما اعرف حق اللعبه نهائيا ولا اعرف الباس و لا ولا ولا شي , بس الي اعرفه انه نك نيمه Kiraster

[alroomi]

نسيت اقولكم ترا اخوي احمد الرومي متوفي من تاريخ 28-5 و استغربت انه ماكو موضوع بالمنتدى

[Light.Darkness]

الرجال توفى ..وانتقل إلى رحمه الله ..واهله اشتكوا على المستشفى ووصلوا شكوتهم لوسائل

الاعلام..

http://www.alraimedia.com/Templates/frNewsPaperArticleDetail.aspx?npaId=48598



المشكلة ان ولا واحد هنا يعرف اسمه الكل يعرفه بنكه في المنتدى وشخصيته في ffxi
ولذلك محد درى مع الاسف



الله ياخذ المستشفيات الخاص..وإن شاء الله ينتقم منهم ..بعد مادفعلهم حولوه على مستشفى حكومه

وتوفى..1200 دينار ان شاء الله سم على قلوبهم ..



امين
الله ياخذ بحقه ان شاء الله



اخواني الي الي ما صدقني ما عليه :(

يعني في اخ يقول اخوي مات و يجذب !!



والله ياخوي من الصدمة اعذرهم
محد يعرفك ولاحد يدري انك اخوه الحين كل شيء واضح ولا احد يشكك ابدا



انا ما كنت ادري انه يشارك بهالمنتدى , عرفت امس بالصدفه من google و دخلت و سجلت هني عشان اقولكم و تترحمون عليه :(



زين سويت
والله يرحمه ويدخله فسيح جناته ان شاء الله
والله يصبركم



نسيت اقولكم ترا اخوي احمد الرومي متوفي من تاريخ 28-5 و استغربت انه ماكو موضوع بالمنتدى


والله مانعرف اسمه غير نكه في المنتدى واسمه في اللعبة فما ندري اخر اخباره عندنا كانت هالموضوع
مشكور على توصيل الخبر لنا والله يعينك

[zuos]

مرحبا اخوي انا ناوي اشتري جل ويمكن اشتري منك الاكاونت بالمرة اذا ممكن تتصل علي عشان نتفاهم انا من الكويت يعني ماراح تحتاج تحويل اوغيرة رقمي 4477746

[المـلقب بالخطير]

الله يرحمه ويغفر له
ووالله راح نفتقد أخ عزيز وصديق

لكن ياأخ الخطير أنا وش معرفني إنه أخوه الحقيقي لاإنه قالي أخوي DC وكلنا هنا نقول لبعض أخوي فلان وأخوي فلان

الله يرحمه ويغفرله إن شاء الله بس ياليت لو أنه معلم أهله قبل لايسوي العملية

الله يرحمه والله يعين أمه على فراقه

حصل خير عزيزي أنجل ، أنا سمعت الخبر في اللعبة لكن لم أسمع الخبر كخبر رسمي ، إلين ما ظهر أخوه فتأكدت من كلامه .




الله يرحمه ان شاء الله , بس الي يقول ليش ما تبيع اكاونته و تتصدق فيه , انا ما اعرف حق اللعبه نهائيا ولا اعرف الباس و لا ولا ولا شي , بس الي اعرفه انه نك نيمه Kiraster

ترى شخصية اللعبة التي كان يلعب بها شخصية عظيمة و يتسحق مبلغ و قدره ، ولكن ما فائدة المال لشخص رحل عن هذه الدنيا ؟
رحمك الله يا أحمد ...
أتمنى إنكم تتصدقون عليه عسى ربي يخفف عليه من الذنوب و ترفع حساناته ، خلاص ما بقي الآن إلا الحساب ، هذه هي الدنيا كله بلاء و امتحان .

بس أخوي ودي استفسر ... وش صار للمستشفى ؟ هل تم حكم الإطباء ؟ أو على الأقل هل استرجعت مال أخيك ؟

[dark_dot]

و انا قول ليش ما يرد علي (كنت ناوي اشتري حسابه )
لكن ما اقول الا الله يرحمه
( بصراحة كيرا كان مثلي ومثل كل بلدن\ريد في اللعبة وخاصة انه اول عربي اعرفه عنده ريليس )

وعن 1200 دينار
....
130مليون الي باعه = تقريبا 1200 دينار كويتي

( وهذيله الايام مستشفيات بلا رقيب ولا حسيب يستعملون ارخص الاجهزة
ويقولون انهم يستعملن احدث الاجهزة )
و
الله يرحمه ويغمد روحه في جنة
شباب اقرؤا سورة الفاتحة على الاخ أحمد الرومي ( kiraa )
( هذه اقل شي نقدر نسوي له )

[alroomi]

Light.Darkness .. مشكور اخوي ما قصرت و لا تنساه بالدعاء :)


مرحبا اخوي انا ناوي اشتري جل ويمكن اشتري منك الاكاونت بالمرة اذا ممكن تتصل علي عشان نتفاهم انا من الكويت يعني ماراح تحتاج تحويل اوغيرة رقمي 4477746
اخوي او اختي ,, ياريت لو انك قريت الموضوع بالاول و انه الولد توفى




ترى شخصية اللعبة التي كان يلعب بها شخصية عظيمة و يتسحق مبلغ و قدره ، ولكن ما فائدة المال لشخص رحل عن هذه الدنيا ؟
رحمك الله يا أحمد ...
أتمنى إنكم تتصدقون عليه عسى ربي يخفف عليه من الذنوب و ترفع حساناته ، خلاص ما بقي الآن إلا الحساب ، هذه هي الدنيا كله بلاء و امتحان .

بس أخوي ودي استفسر ... وش صار للمستشفى ؟ هل تم حكم الإطباء ؟ أو على الأقل هل استرجعت مال أخيك ؟


اي والله ما فائدة المال :( اصلا لو اعرف للعبه او الباسوورد او اي شي كنت عطيتكمياه او بعته و تبرعت بالمال بس ما اعرف عن اللعبه شي

بالنسبه للمستشفى ما صار شي و ما زال التحقيق جاري و توقعاتي انه ما راح يصير له شي لأنه وراه ظهر :( ,, بس وين بيروحون من عذاب ربك :)



و انا قول ليش ما يرد علي (كنت ناوي اشتري حسابه )
لكن ما اقول الا الله يرحمه
( بصراحة كيرا كان مثلي ومثل كل بلدن\ريد في اللعبة وخاصة انه اول عربي اعرفه عنده ريليس )

وعن 1200 دينار
....
130مليون الي باعه = تقريبا 1200 دينار كويتي

( وهذيله الايام مستشفيات بلا رقيب ولا حسيب يستعملون ارخص الاجهزة
ويقولون انهم يستعملن احدث الاجهزة )
و
الله يرحمه ويغمد روحه في جنة
شباب اقرؤا سورة الفاتحة على الاخ أحمد الرومي ( kiraa )
( هذه اقل شي نقدر نسوي له )

مشكور اخوي ما قصرت و اذكره بالدعاء :)

[starak]

الله يرحمه ويرحم جميع المسلمين يارب