دب وضعف ..والحين يبا يشد..ساعدوه

[alzeraim]

السلام عليكم ..اخواني شحالكم ..


انا كنت وايد متين ..يعني وزني عالي وايد 157 قولوا ما شاء الله الله يخليكم:ponder:

طبعا سويت علمية ربط معدة في شهر 12 والى اليوم وزني 136 كيلو ..يعني 21 كيلو

.وصراحه كنت مواظب في صالة من عقب العملية بشهر ..كنت امشي 20 د وسيكل نص ساعة وجهاز مثل ما تزلج 15 د واروح البيت ..

الحين ابا اشويه ادخل حديد لانه سمعت انه ينفع في شد الجسم..

سجلت في صالة ثانية ..وعطاني جدول..

طبعا تمرين صدر وعضلة ظهر ..ورجل..ويدين ..لازم اسويهم كل يوم ..

صراحه مب مرتاح من الجدول احسن اني اروم زياده ..فقلت خلني اسوي ضغط بطن ..سويت حوالي 80 لكن طبعا 20 20 20 20

انا ابا حد يساعدني يعطيني نماذج او صور حق تمارين للصدر بالذات..ابا امحيه من الوجود..

والكرشه ..نزلت ..وصراحه ابا اشدها ..انا بديت من يومين ضغط بطن ..هل يكفي..؟

والسبب اني بسافر عقب شهرين ونص ..وابا احس بالتغير في اللبس..


ابا حد يقترح لي برنامج كامل للشد ..او على الأقل الصدر والبطن والرجل..
وياريت حد يعطينا مواقع نستفيد منها فيها صور او فيديو ..لانه صراحه ما اعرف با س وما باس..


والسموحة

خلاصة الموضو

[{solid-snake}]

اخوي افتح youtube في تمارين وايد

و سلالالالالالالالام

[AI_BARCA]

شوف حبيبي مع اني ما اشجع على العمليات واسمحلي غلطت يوم سويت عملية انت ولكن يله هذا اللي صار

المهم بخصوص الزوايد خذها قاعدة

اكل اكثر = عضلات اكثر = زوايد اقل

اقل قليل = عضلات اقل = زوايد اكثر

وكلما زدت عضل حرقت سعرات حرارية اكثر

طبعاً اكل كثير مو لدرجة الافراط لانه الجسم او العضل يحتاج لتغذية وبروتين وما إلى ذلك لكي تحافظ على العضلة بالاضافة للتمارين ولكن يبقى الاكل يجب أن يكون اكل نظيف واتبع هذا اللنك واقرء ردي بيفيدك كثير

http://www.montada.com/showthread.php?t=588725

بخصوص تمارين البطن لا تلعبها كل يوم ولا غيرها فقط يومين الى ثلاثة في الاسبوع من 10-20 تكرار وثلاث العاب عضلة العلوية والسفلية والخواصر وكررها 4 مرات يعني 4 جلسات

وانت دام هدفك جسم حلو اتبع التالي هذا الجدول وفيه صور كذلك للتمارين اللي ماتعرفها ولمدة 3 ايام في الاسبوع لانك غلط انك تلعب كل يوم وطبعاً لو تلاحظ يوم وترك وبعدين في يومين راحة اخر الاسبوع وتعود نفس الجدول ولكن في اليومين راحة اللي بالاخير لو قلنا مثلاً خميس وجمعة يوم الجمعة خله راحة كاملة بس الخميس اطلع تمشى واجري خفيف في الخارج خارج الجيم في الاجواء الخارجية منها تغير جو وتغير مكان علشان ماتمل ومنها تحرق سعرات حرارية

http://www.muscleandstrength.com/workouts/3-day-whole-body-toning-workout.html

بعد التمرين امشي على الجهاز من 30-45 دقيقة لا اكثر ولا اقل علشان تحرق الفات والدهون وتخلي العضل وطبعاً لا تمشي لي كأنك تتمشى على الكورنيش لا نوع في السرعات يعني مثلاً

تبدأ بسرعة بطيئة دقيقة او دقيقتين بعدين تزيد شوي وتواصل دقيقتين وبعدين مشي سريع دقيقتين بعدين دقيقة او اثنين حاول تهرول وبعدين دقيقتين او دقيقة جري سريع وبعدين ارجع نزل السرعة لمتوسطة ثم بطئية وهكذا فهذه التقلبات تحرق الدهون وبشكل صحيح وشكل اسرع

واسبوعياً ستنزل من نصف كيلو الى كيلو ولا تفكر انك تنزل بسرعة لانه اي شي يجي بسرعة يروح بسرعة لذلك لو اتبعت نظام غذائي سليم وتمرنت بشكل سليم ستخسر في الشهر من 2-4 كيلو من الدهون وليس العضل وشهر بعد شهر ستشعر بتحسن وجسمك سيكون مثالي وحتى ال6 باك سيكونوا موجودين لانه الفات ينزل تدريجياً واذا قل جداً تستطيع مشاهدة الـ 6 باك

وان شاء الله مع الزمن بتدعيلي

تحياتي

[alzeraim]

شوف حبيبي مع اني ما اشجع على العمليات واسمحلي غلطت يوم سويت عملية انت ولكن يله هذا اللي صار

قدر الله وماشاء فعل :)

المهم بخصوص الزوايد خذها قاعدة
اكل اكثر = عضلات اكثر = زوايد اقل (شو يعني زوايد ):33:

اقل قليل = عضلات اقل = زوايد اكثر

وكلما زدت عضل حرقت سعرات حرارية اكثر

طبعاً اكل كثير مو لدرجة الافراط لانه الجسم او العضل يحتاج لتغذية وبروتين وما إلى ذلك لكي تحافظ على العضلة بالاضافة للتمارين ولكن يبقى الاكل يجب أن يكون اكل نظيف واتبع هذا اللنك واقرء ردي بيفيدك كثير

http://www.montada.com/showthread.php?t=588725



بخصوص تمارين البطن لا تلعبها كل يوم ولا غيرها فقط يومين الى ثلاثة في الاسبوع من 10-20 تكرار وثلاث العاب عضلة العلوية والسفلية والخواصر وكررها 4 مرات يعني 4 جلسات


فهمنا نلعب 3 مرات في الأسبوع << من 10 الى 20 لكن كم جلسة ..بس وحده ؟؟

وانت دام هدفك جسم حلو اتبع التالي هذا الجدول وفيه صور كذلك للتمارين اللي ماتعرفها ولمدة 3 ايام في الاسبوع لانك غلط انك تلعب كل يوم وطبعاً لو تلاحظ يوم وترك وبعدين في يومين راحة اخر الاسبوع وتعود نفس الجدول ولكن في اليومين راحة اللي بالاخير لو قلنا مثلاً خميس وجمعة يوم الجمعة خله راحة كاملة بس الخميس اطلع تمشى واجري خفيف في الخارج خارج الجيم في الاجواء الخارجية منها تغير جو وتغير مكان علشان ماتمل ومنها تحرق سعرات حرارية

http://www.muscleandstrength.com/workouts/3-day-whole-body-toning-workout.html

يعني الحديد ألعب ..يعني 3 ايام في الإسبوع ..مب وشوية ..<انا صراحه كنت اتريض في الصالة لكن بس مشي وسيكل وومثل مال التزلج ..لمدة ساعة تقريبا ..اخاف انقص هاي الأيام ويزيد وزني.. <والأيام الباقية امشي فيها او اسوي رياضة لياقة.؟؟؟ شو رايك....لانه انا صراحه مستعد من الأحد الى الخميس اتريض ما عندي مشكلة..
يعني اني 3 ايام حديد ولياقة ويومين لياقة بس..شو رايك

والجدول هذا ممتاز ..لكن انا اخذ كل يوم بقسم ..كما هو مقسم ..
ام اني اخذه كله في يوم واحد <<متحمس :bigok:

بعد التمرين امشي على الجهاز من 30-45 دقيقة لا اكثر ولا اقل علشان تحرق الفات والدهون وتخلي العضل وطبعاً لا تمشي لي كأنك تتمشى على الكورنيش لا نوع في السرعات يعني مثلاً

تبدأ بسرعة بطيئة دقيقة او دقيقتين بعدين تزيد شوي وتواصل دقيقتين وبعدين مشي سريع دقيقتين بعدين دقيقة او اثنين حاول تهرول وبعدين دقيقتين او دقيقة جري سريع وبعدين ارجع نزل السرعة لمتوسطة ثم بطئية وهكذا فهذه التقلبات تحرق الدهون وبشكل صحيح وشكل اسرع

انا صراحه افضل السيكل وافضل بعد الجري الخارجي ..انا مشي برع لمدة 30 الى 40 قبل التمرين..:kiss:

واسبوعياً ستنزل من نصف كيلو الى كيلو ولا تفكر انك تنزل بسرعة لانه اي شي يجي بسرعة يروح بسرعة لذلك لو اتبعت نظام غذائي سليم وتمرنت بشكل سليم ستخسر في الشهر من 2-4 كيلو من الدهون وليس العضل وشهر بعد شهر ستشعر بتحسن وجسمك سيكون مثالي وحتى ال6 باك(وشو هذا) :ouch:سيكونوا موجودين لانه الفات ينزل تدريجياً واذا قل جداً تستطيع مشاهدة الـ 6 باك

وان شاء الله مع الزمن بتدعيلي


الله يوفقك ويسر امرك في الدنيا والإخرة..:biggthump

اسمحلي تفلسفت وايد بالرغم اني ما افهم شي في الحديد ..لكن الحرص على الرياضة


تحياتي


قالي رد اكتب عشر حروف..

[AI_BARCA]

هلا اخوي سأجيب على تساؤلاتك اللي باللون الاحمر

زوايد تعني شاقولك المفروض انها مفهومة .. تقدر تقول الترهلات اللي تصير في الخواصر والشحوم الزائدة والمترهلة في الجسم تقريباً ان شاء الله تكون وضحت الصورة

بخصوص الـ 3 ايام نعم مو شوية لمفروض من 3-4 ايام لانه الراحة شيء مهم جداً جداً والجسم علشان ما يتعب لو تعب الجسم ماراح يبني عضل ولا يصير صح فهاي غلطة كبيرة لناس كثار يلعب تشوفه يومياً وما يريح او يريح يوم واحد في الاسبوع بس ويشوف مافي نتايج ولا في فايدة

بخصوص المشي قبل التمرين ما انصح لانك بتكون في التمرين مجهد ولكن طبعاً قبل التمرين اعمل احماء مشي او سيكل 10 دقايق مع تمارين اطالة او ما يسمى الستريجنج بالعنجليزي ^_^ ولكن تقدر بعد ما تخلص التمرين تمشي من 30-45 سواء سيكل او جهاز المشي او جهاز اللي مثل التزلج ولكن المهم ما يقل عن 30 دقيقة لكي يحرق الجسم الدهون ولا يزيد عن 45 وممكن يصل لساعة ولكن الجسم بعد الـ 45 يبتدي يحرق العضل فلو تبي تحافظ على العضل خليها 45 دقيقة وتقدر لو كان عندك وقت وتحب بعد التمرين بثلاث او اربع ساعات او قبل النوم بساعتين ثلاث في الاجواء الخارجية تاخذلك نص ساعة او 45 دقيقة يبقى هالشيء فوق الممتاز وستحرق الدهون اسرع مما تتصور طبعاً مع المحافظة على نظام الاكل مثل ما قلتلك والاكل النظيف وفي ايام الراحة تقدر تمشي في الخارج نص ساعة الى 45 دقيقة ولكن خلي لك يوم راحة كامل من كل شيء لا حديد ولا مشي فهذا ضروري

والجدول اللي وضعته لك في اللنك هو لثلاث ايام وموضح فيه عدد الجسات وعدد التكرار وثلاث ايام في الاسبوع يعني على سبيل المثال سبت واثنين والاربعاء لعب والاحد والثلاثاء والخميس والجمعة راحة او ضبط بداية اسبوع التمرين ونهايته حسب ايامك ودولتك واجازتك لانه تختلف الاجازات من دولة لدولة :)

بخصوص تمارين البطن وضحت لك 4 جلسات " 3 ألعاب " التكرار من 10-20 المهم تاخذ الثلاث عضلات وبعطيك مثل لبعض التمارين او مجموعة واحدة تقدر تلعب عليها وتقدر برضوا تغير علشان ما تمل بس المهم مثل ما قلتلك ثلاث عضلات علوية وسفلية وخواصر على سبيل المثال هاي المجموعة والصور متحركة انتظر حتى تظهر الصورة متحركة يمكن تاخذ شوي وقت علشان تتحمل حسب النت تبعك

العضلة العلوية & الوسطية

http://kbierek.powweb.com/shapefit-pics/abs-exercises-crunches-hands-overhead.gif

10-20

العضلة السفلية

http://kbierek.powweb.com/shapefit-pics/abs-exercises-leg-pull-ins.gif

10-20

الخواصر

http://kbierek.powweb.com/shapefit-pics/abs-exercises-alternate-heel-touchers.gif

10-20

هذي الثلاث العاب تعتبر مجموعة واحدة تخلصها يعني خلصت جلسة وبكذا تكررها 3 او 4 مرات يعني جلسات اقصد وقتلك مو شرط تتقيد بهذول التمارين ممكن تحصل شي انسب لك ولكن المهم ياخذ الثلاث عضلات وممكن المدرب في الجيم يفيدك في تمارين اخرى

بخصوص تفضيلك للسيكل والجري الخارجي مو مشكلة تقدر بعد التمرين سيكل مثلاً ولو كان عندك وقت وتحب في المساء قبل النوم بثلاث ساعات او اربع اخذلك مشي سريع وجري زي ما قلتلك لا تجري لانه بتحرق العضل فخذها تنويع في النص ساعة او 45 دقيقة بطئ اسرع هرولة جري سريع جداً ثم بطئ وهكذا يجب ان تعمل هذه التقلبات لكي لاتحرق العضل وتحرق الدهون فقط

ولا يهمك اي سؤال اخر احنا حاضرين

تحياتي

[alzeraim]

السلام عليكم ..

انا اعرف اني ثقلت عليك باسئلة لانه صراحة الفهم بطئ شوية

من الاخر انا بعطيك برنامجي وانته عطني رايك


السبت :لياقة وبطن
الاحد :حديد و10 دقايق تسخين و30 بعد الحديد
الاثنين :لياقة وبطن
الثلاثاء :حديد و10 دقايق تسخين و30 بعد الحديد
الاربعا:لياقة وبطن
الخميس:حديد و10 دقايق تسخين و30 بعد الحديد
الجمعة رااااااااااااااااحة


اذا تقترح اي تغير او زيادة للراحة او شكل الجدول اجازتنا الرسمية الجمعة والسبت


سؤال اخير

رياضة البطن ..يعني اسوي الثلاث صورمرة وحده واكررها اربع مرات ..3 ايام في الاسبوع


ومشكووووووووووووور والسموحة تعبناك بالسئلة
لكن اعرف انه اهل البحرين كلهم قلوبهم طيبه ..

وتسلم

[alzeraim]

السلام عليكم ..

انا اعرف اني ثقلت عليك باسئلة لانه صراحة الفهم بطئ شوية

من الاخر انا بعطيك برنامجي وانته عطني رايك


السبت :لياقة وبطن
الاحد :حديد و10 دقايق تسخين و30 بعد الحديد
الاثنين :لياقة وبطن
الثلاثاء :حديد و10 دقايق تسخين و30 بعد الحديد
الاربعا:لياقة وبطن
الخميس:حديد و10 دقايق تسخين و30 بعد الحديد
الجمعة رااااااااااااااااحة


اذا تقترح اي تغير او زيادة للراحة او شكل الجدول اجازتنا الرسمية الجمعة والسبت


سؤال اخير

رياضة البطن ..يعني اسوي الثلاث صورمرة وحده واكررها اربع مرات ..3 ايام في الاسبوع


ومشكووووووووووووور والسموحة تعبناك بالسئلة
لكن اعرف انه اهل البحرين كلهم قلوبهم طيبه ..

وتسلم

[AI_BARCA]

اهلين لا ثقلت ولا شي حبيبي ومن طيبك شكلك من قطر او الامارات دام اجازتك الجمعة والسبت مثلنا ^_^


بخصوص برنامجك حلو جداً لو تحب هالشكل تقدر تواصل عليه مثل ما انت حطيت وايام الحديد تلتزم بالبرنامج والالعاب اللي وضعتها لك ودائماً في صالة الحديد حاول انك تلعب ولا تقعد تسولف او تفكر وتضيع وقت فحاول دايماً تمرين الحديد ما ياخذ منك اكثر من ساعة بالكثير


وبخصوص البطن نعم تسوي الثلاث صور مرة وحدة يعتبر مجموعة وتكررها 4 مرات في الثلاث ايام وسأضع لك تمارين اخرى للعضلات العلوية والسفلية والخواصر خزنهم عندك علشان تقدر تغير كل مرة او كل اسبوع او كل شهر حسب ما تريد


العضلة العلوية


http://kbierek.powweb.com/shapefit-pics/abs-exercises-butt-ups.gif


http://kbierek.powweb.com/shapefit-pics/abs-exercises-crunches-legs-on-exercise-ball.gif




http://kbierek.powweb.com/shapefit-pics/abs-exercises-crunches.gif


http://kbierek.powweb.com/shapefit-pics/abs-exercises-jackknife-sit-ups.gif


http://kbierek.powweb.com/shapefit-pics/abs-exercises-janda-sit-ups.gif


العضلة السفلية


http://kbierek.powweb.com/shapefit-pics/abs-exercises-hanging-leg-raises.gif


http://kbierek.powweb.com/shapefit-pics/abs-exercises-reverse-crunches.gif


http://kbierek.powweb.com/shapefit-pics/abs-exercises-scissor-kicks.gif


http://kbierek.powweb.com/shapefit-pics/abs-exercises-flat-bench-leg-pull-ins.gif


http://kbierek.powweb.com/shapefit-pics/abs-exercises-flat-bench-lying-leg-raises.gif


خواصر



http://kbierek.powweb.com/shapefit-pics/abs-exercises-cross-body-crunches.gif


http://kbierek.powweb.com/shapefit-pics/abs-exercises-oblique-crunches-on-the-floor.gif


http://kbierek.powweb.com/shapefit-pics/abs-exercises-russian-twists.gif


http://kbierek.powweb.com/shapefit-pics/abs-exercises-side-jackknifes.gif


اتمنى اني اكون قد افدتك وطبعاً اذكرك الصور متحركة فقط انتظر حتى يتم تحميلها


بالتوفيق لك


تحياتي

[alzeraim]

انا من الامارات..

مشكور ياخي والله ماقصرت ..عن السوالف لا تخاف ..
ترا الصالة خالية او اثنينه الى 3 هنود فماشي مجال تكلم حد ههههه


ويزاك الله خير

[alzeraim]

انا من الامارات..

مشكور ياخي والله ماقصرت ..عن السوالف لا تخاف ..
ترا الصالة خالية او اثنينه الى 3 هنود فماشي مجال تكلم حد ههههه


ويزاك الله خير

[alzeraim]

انا من الامارات..

مشكور ياخي والله ماقصرت ..عن السوالف لا تخاف ..
ترا الصالة خالية او اثنينه الى 3 هنود فماشي مجال تكلم حد ههههه


ويزاك الله خير

[AI_BARCA]

ههههه يعني ماتروم ترمس مع حد منهم

يله يا مرحبا الساع بأهل الامارات وان شاء الله تصل لمبتغاك ونكون قدمنا ولو شيء بسيط لك

واي مساعدة اخرى احنا حاضرين

تحياتي

[احمـ 9000 ـد]

اخوي بارسا شكلك
عندك معلومات عن التخسيس
ممكن تقترح علي تظام غذائي وبعض
الاطعمة الي توصي بها على طول للتخسيس

[AI_BARCA]

اخوي بارسا شكلك
عندك معلومات عن التخسيس
ممكن تقترح علي تظام غذائي وبعض
الاطعمة الي توصي بها على طول للتخسيس

هلا حبيبي راجع هذه اللنكات واقرء ردودي فيها واي شيء مو فاهمه انا حاضر

http://www.montada.com/showthread.php?t=589834

http://www.montada.com/showthread.php?t=589795

http://www.montada.com/showthread.php?t=589050

http://www.montada.com/showthread.php?t=588725

وهذا جدول تمارين لو بتروح الجيم ثلاث ايام في الاسبوع

http://www.montada.com/showthread.php?t=589653

وان شاء الله بتخس زي ما تحب ويصير جسمك زي ماتحب بس شوي صبر وعزيمة

وتمعن في كلامي زين في الردود او اللنكات اللي فوق

تحياتي