لعبة Time Crisis 4 بـ 138 دينار!

[Uncharted81]

محل إلكتروزان الموجود في الري يعتبر من المحلات بالكويت اللي اسعارهم أقل من السوق. المفاجأة اللي ما كنت متوقعها انه المحل عارض لعبة Time Crisis 4 على الـ PS3 اللي تيي معاها المسدس بسعر فوق الخيالي بـ138 دينار!! ليش؟ مادري! :bigeyes:
علما بأن سعر اللعبة الرسمي هو 90 دولار وحاليا موجودة باقل من هالسعر. وبالكويت اللعبة موجودة (بالرحاب على سبيل المثال بين 25 إلى 30 دينار).
طبعا صارت من بعدها سالفة وتجمع اكثر من شخص على الموضوع وفجأة اختفو جميع الموجودين في قسم الألعاب الله أعلم شنو صار بعدها.
هذا النصب على أصولة.. ديروا بالكم يا جماعة..

[acd]

ليش مادقيت على مكافحه الغش.؟
وفوق الـ20 ماله حق يرفع دينار واحد@
انا يوم بغيت اشتري GTA IV حلصتها بـ25 وقتها تناجرت معا صاحب المحل وهددته اني ادق عالبلديه والناس تطالع :D,,
عطاني اللعبه بـ22 دينار:biggthump قالي عطني سعر الفايده بس دينار :33:

اي محل موعاجبني اهدده بالبلديه بس بعضهم جلاب يعرف يتصرف يقول الالعاب مو عندي :boggled:
بس والله لازم مانسكت على هالحال ونشوف لنا حل :blackeye:

[ShinGundam]

هذا بوق أشكره خلها تقعد إن شاء الله ما حد يشتريها

[ERGO PROXY]

السعر مرتفع اكثر من الازم صج نصابيين

acd
شكلي باخذك معاي اذا بشتري شي خخخخخخ

[Uncharted81]

ايه نعم السعر مبالغ فيه وايـــــــــــــــــــد بعد مو شوي.
يعني لو اقول 38 دينار هم وايد بس تقول انه طمعان بفلوس أكثر.. بس 138 دينار هذي اللي مو راضية تدش بالعقل كلش!
إهي وحدة من الثنتين.. يا أما الموضوع فيه غلط عندهم أو استخفاف بعقول البشر!
وتره والله في ناس ما يعرفون الأسعار تلقى يشتري له أو حق ولدة هدية وأهو ما يدري عن الموضوع كلش..

[hummer2009]

اصلا سعره اب 30 دينار

[foxs80]

ليش مادقيت على مكافحه الغش.؟
وفوق الـ20 ماله حق يرفع دينار واحد@
انا يوم بغيت اشتري GTA IV حلصتها بـ25 وقتها تناجرت معا صاحب المحل وهددته اني ادق عالبلديه والناس تطالع :D,,
عطاني اللعبه بـ22 دينار:biggthump قالي عطني سعر الفايده بس دينار :33:

اي محل موعاجبني اهدده بالبلديه بس بعضهم جلاب يعرف يتصرف يقول الالعاب مو عندي :boggled:
بس والله لازم مانسكت على هالحال ونشوف لنا حل :blackeye:

السلام عليكم اخوي بس حبيت اصلح معلومه لك ياا غالي

البلديه مالخا شغل بالمحلات اهي للمطاعم
ام المحلات التجاره
واسف اذا تدخلي ازعجك

[Urahara Kisuke]

السلام عليكم

لحظة....... 138 دينار =1400 ريال:bigeyes: تقريباً صح
يعني لو اكمل 250 اشتري ps3. والله مصخره:12:
بس هو من جده يبيعه السعر ذا هو مو عارف ان الناس عندها عقول وتفكر
حتى GTA IV ما وصل لنص السعر ذا:ponder:

[ToUaReG]

138 فيها قسط سياره :D ..

مشكله النصابين متى نفتك من شرهم +_+ ..

بس بعرف اذا اللعبه 138 عيل الجهاز جم ؟؟؟

[acd]

اخوواني للتوضيح فقط البلديه مالها دخل بالمحلات البلدية للمطاعم
ام التجارة اهي الي لها دخل بالمحلات

عارف حبيبي انها التجاره ,,واظن اسمها مراقبة الغش :33:او شغله جذي ..بس لو تسأل اي محل ليش موعارض الاشرطة بيقولك البلديه مشددة..عشان جذي اقولهم عالبلدية,^_*

بس لازم ياجماعة نشوف حل والله.. لو احد يعرف رقم قسم مكافحة الغش يحطة هذول يستغلونا استغلال تام بحجة الرسوم ,,كل خوفي على ميتل غير بجم راح تكون:D,,
اتوقع 40 دينارانا :blackeye:
--
اخوي Urahara Kisuke
130 دينار = 1800 ريال :biggthump يعني جهاز 40 جيجا

[MiNOoOoON]

عارف حبيبي انها التجاره ,,واظن اسمها مراقبة الغش :33:او شغله جذي ..بس لو تسأل اي محل ليش موعارض الاشرطة بيقولك البلديه مشددة..عشان جذي اقولهم عالبلدية,^_*

بس لازم ياجماعة نشوف حل والله.. لو احد يعرف رقم قسم مكافحة الغش يحطة هذول يستغلونا استغلال تام بحجة الرسوم ,,كل خوفي على ميتل غير بجم راح تكون:D,,
اتوقع 40 دينارانا :blackeye:
--
اخوي Urahara Kisuke
130 دينار = 1800 ريال :biggthump يعني جهاز 40 جيجا

والله عدل كلامك

واذا احد عنده تلفونهم يحطه لنا علشان نشتكي على النصابين

138 ديناااااااار ليش اشتري سوني 3 من الشركة معا كفاله شنه :biggthump

[ToUaReG]

كل خوفي على ميتل غير بجم راح تكون:D,,
اتوقع 40 دينارانا :blackeye:

GTA وصلت 40 دينار عند محل GameStation والمشكله انه حاجزها منه وقال احتمال ابيعها بين 20 و25 ..
ولما نزلت قال 40 دينار ..
المشكله النصاب اقوله ليش يقولي وبكل ثقه انه احنا شارينها بسعر غالي من بره ..
ولا كأنه بره ب 16 دينار يبيعونها !!!!!

[Bierhoff]

معقولة 138:bigeyes: ؟؟ يبا اخاف فيه لبس ولا انته قاريها غلط ؟

138 ازيد عليه شوي واخذ NEW PS3

لوووول شلون صاير النصب اذا السالفة صـج

[your8]

بصراحه مساعد السالفه اتنرفز الواحد شنو يشتري لعبه ب 138 دينار

هذا يا أما مصطول مايعرف شي بالألعاب أو مايبيله جوتي اتصكه على ويهه

والله لو انا منك اسكر المحل بنفس اليوم

دزلي اسم المحل تلفون :P

[Uncharted81]

والله يا جماعة أني مسكت العلبة بيدي وقريت السعر اكثر من مرة ما كنت مصدق الموضوع ورحت سألت البياع قلت له هذا السعر صحيح؟ جان يقولي ايه 138 دينار! قلت له ليش؟ جان يقولي لأنه معاها مسدس (لو مسدس صجي جان سعره اقل من 100 دينار) :)
اخذت اللي يبيع على جنب وقلت له انه السعر هذا مو صحيح ولازم يكلم فيه الادارة ومن بعدها اختفى اهو مع ربعه.. واللي يبي يتأكد يروح إلكتروزان اللي على شارع الغزالي في منطقة الري..

[acd]

ان رحت دشيت عليه بمسدس صجي عشان اوريه المسدس العدل :D

[Devils Reaper]

GTA وصلت 40 دينار عند محل GameStation والمشكله انه حاجزها منه وقال احتمال ابيعها بين 20 و25 ..
ولما نزلت قال 40 دينار ..
المشكله النصاب اقوله ليش يقولي وبكل ثقه انه احنا شارينها بسعر غالي من بره ..

ولا كأنه بره ب 16 دينار يبيعونها !!!!!



انت اكيد قصدك صاحب المحل اسمه مبارك

هذا لو اقول عنه اكبر نصاب بالدنيا

ما اوفيه حقه:boggled:


والمشكلة ان في ناس والله اغبياء اشتروا منه لعبة gta

بسعر 35 دينار ( قبل اسبوعين)


بس هذا النصاب الحقير :12:

دواه عندي


موظفين الاعلام دوم موجودين بالرحاب الصبح الساعة 9 ونص


مرة كنت بعلم عليه بس كسر خاطري:blackeye:

بس الحن خلاص لازم نأأدبه ذبحنه بنصبه:ouch:

[ERGO PROXY]

قوله خلها عندك لين تطيح بجبدك
وتبيعها 10 دنانير

[q8pro]

ماكو الى قطيه يا الربع :)
وكل يوم عند واحد فينا خخخخخ
ولا نأجرها على عيال الفريج

[MiNOoOoON]

ماكو الى قطيه يا الربع :)
وكل يوم عند واحد فينا خخخخخ
ولا نأجرها على عيال الفريج

هاها هااااااااااااااااااااااااااااااااااااي :p

بس اخاف ياخذها واحد فينا ويخون خخخخخخخخخخخخخخخخخخخخخخخخخخخخخخخخ

بس ماكو الا الي ياخذها نكتب عليه كمبياله هههههههههههههههههههههههههههههههههههه