الربط بين Crisis Core و أجزاء فاينل افنتسي 7 والفيلم والاوفا..مشاركة جميع الاعضاء

[Arashi]

السلام عليكم يا أعضاء المنتدى
حبيت بس أفتح موضوع جماعي لنا كلنا نتكلم فيه عن جميع أجزاء فاينل فانتسي 7 من حيث الربط بينها وخاصة عن طريق جزء crisis core
انا توني ألعب اللعبه وحاليا وصلت عند ايريس لما تطلب صنع عربة لبيع الورود
المهم...الفكره ان كل واحد فينا يقول علاقة كل شي يطلع في أي جزء من فاينل فانتسي له وجود أو يشرحح فكره في جزء غيره
مثلا:
1-تجد في كرايسيس كور لما زاك..بعد مقتل انجيل يكلم مجموعه من الجنود وتلاحظ ان تنتقل الكاميرا الى داخل أحد خوذ الجنود وهو يشاهد زاك وهو يقول له عباره بما معناها انك لو تشد حيلك راح تقدر تصير soldier ... هالمشهد نفسه يطلع في الفلم ومنه تعرف ان كلاود هو اللي كان حاط البال على كلام زاك
2-شريطة شعر ايريس اللي رابطتها في الجزء السابع عرفنا انها من زاك في كرايسيس كور
3-لما تلعب داخل المصنع..الي يقع في موطن أنجيل..يحتوي على حافظات داخلها سائل أخضر مضيء..راح تلاحظ وجود نفس الحافظات في ديرج اوف سيربيريس لما تلعب في داخل مصنع(مب متأكده اذا هو نفس المصنع ولا غيره) بس هالحافظات كلها لها علاقه بمشروع G ويتم ذكرها في ديرج اوف سيربيريس
4-ظهور جينيسيس في النهايه السريه لديرج اوف سيربيريس (ممكن تكون علامه لجزء جديد)
5-عرفنا من هو المالك الاصلي للسيف اللي عند كلاود في الجزء السابع: انجيل>زاك>كلاود
6-سبب اهتمام ايريس ببيع الزهور: كانت فكرة زاك ولذلك نراها تبيع الزهور في الجزء السابع

ماعندي معلومات اكثر لأني ماكملت اللعبه...اللي عنده ملاحظات ثانيه يتفضل يشارك في الموضوع

ملاحظه: عشان ماتتلخبط الملاحظات مع الردود العاديه نخلي الملاحظات بلون موحد وهو الازرق الغامق

[red diamon]

دقيق في الملاحظه !!
شكيت انه في جزء جديد لاني انهيت dirg of cerubrusولا عرفت منهو هذا بجناح واحد الي في النهايه الا بعد crisis core
ماودي هذي اللعبه يوقفونها مررررررررررررره رهيبه

and welcom

[Arashi]

انا نفس الشي ماودي تنتهي...ودي توصل حتى لين ffvii-10 :09:

وحده من الاشياء الثانيه اللي لاحظتها هي في الdmw لما يتذكر زاك شي لأحد الشخصيات اللي تطلع صورها قبل ماتبدأ الحركه
يتذكر يوم يقول لإيريس ان لما اجوفج مره ثانيه لبسي ودري
عشان جذي تلبس وردي في نهاية اللعبه وحتى في الجزء السابع عالبلاي ستيشن1

أيضا طريقة لقاء زاك بإيريس هي نفسها مع كلاود وهي السقوط من أعلى Reactor5 (اظنه 5) على حديقة زهور ايريس
وحتى تذكرون لما كلاود يكون مع باريت في reactor5 ولما يقوم كلاود بتشغيل جهاز يسمع صوت يكلمه من الداخل...اكتشفت انه صوت زاك والسبب ان زاك يشغل نفس الاله في كرايسيس كور

[promiseland]

السلام عليكم
أنا عضو جديد وصراحه موضوعك أعجبني كثيييييييييير
تشكر عليه وإلى الأمام

[dro]

من ناحية الأسئلة أختي عن العلاقة بينهم أنا جاهز ! . .

_ بالنسبة لركوتر عندما سمع كلاود صوت لا تنسي ان كلاود كان جنفوفا تأثر بعقله ! وعشان ذا يحط يدينه على رأسه ! . .

_ كرايسس كور كانو يقدرون يستفيدون اشياء كثيرة من قصة فاينل فانسي 7 لكن للأسف طلعت كرايسس كور بعد ما انهيتاها انها تافهة الصراحة بعض الأحيان ! . . ان شاء الله راح اسوي موضوع اقول فيه أيش الي كان مفروض يكون موجود بكرايسس كور ! . . لكن إذا رجعت ان شاء الله بعد مدة . . وشكرا لكي اختي على الموضوع الرائع للنقاش . . dro

[Arashi]

اقول dro ماوصيك تطرش لي رساله لما تنزل موضوعك لأني راح أكون متابعته معاك من الاول لين الاخر( انشالله ماله اخر) :biggthump

بالنسبه لعقل كلاود...هو متأثر بجينوفا بس حسيت ان اللي يكلمه وايد friendly معاه وطريقته تشبه طريقة كلام زاك:bigeyes:
ولأنه يتكلم معاه الوقت اللي يكون في مكان له علاقه بزاك او بعد مايقول قصه كان زاك موجود فيها حتى لو هو ناسيه ومايجيب طاريه في القصه :33:

promiseland
أهلا وسهلا^_^
انشالله تستفيد من الموضوع:biggthump


اكتشاف اخر:
ملابس كلاود في فاينل فانتسي 7...وانا اقول شلون كلاود عنده ملابس soldier 1st class :bigeyes:
طلع ان وهو مع زاك في shinra mansion كان تحت تأثير mako energy وخلايا جينوفا
ولأن ثيابه مليانه ماكو فقام زاك وفتح الخزانه اللي احد الغرف في القلعه ولبسها كلاود لأنها خاليه من الماكو
وكنت أتساْل ليش كلاود عنده عين soldier وهي الازرق الفاقع وهو اصلا كان جندي خيبان
طلع هذا كله من خير هوجو يوم سوى عليه اخر تجاربه:33:

الحين انا واصله يوم زاك يلحق جينسيس في مكان تحت الارض...شكلي قربت اخلص اللعبه:bigeyes: