كيف تتعامل مع زوجـ ( ـتـ ) ـك لحظة الغضب....نقاش

[.::RaK_BoY::.]

السلام عليكم

كيف حالكم

عساكم مرتاحين

حبيت اليوم اشوف ارائكم عن هالموضوع
وهو كيف تتعامل مع زوجـ ( ـتـ ) ـك لحظة الغضب

هل انت من النوع اللي ينفعل ويعصب ويكسر الدنيا

ام من النوع اللي يكتم غضبه في داخله بس اثار الغضب واضحه في عينيك

ام انك من النوع اللي ما ينفعل (بارد) ... او انك تكون مسامح :D

انا بعدين بقولكم عن نفسي...لازم اشوف ارائكم بالاول :09:

[sweet Mio]

مرحبااا ..
موضوع كوووول ..
صرااحه انا مشكلتي مشكله اني ما امسك اعصاابي واكسر الدنياا تكسير ..
بس هذي الحاله تكون ربع ساااعه تقريبااا ..
بعدهااا اهدى واحااول اتقبل الموضوع ان كااان ينقبل .. وانا بكل الاحوااال اقبل الاعتذاار مهما كااانت المشكله كبيره ..


طبعا ما اكذب واقول ان دااخل بقلبي نسيت لكن مع الوقت اكيد بنسى ..
>> هذي بنت وجذي شلون الرياال لما يعصب !! لووول ..


الخلاااصه انا سريعه الانفعال وبسرعه ارجع لطبيعتي ولا كأن فيه مشكله !! ..
يعطيك العافيه اخ رااك بوي ..
يلاا انت بعد قول من اي نوع تنتمي لوول


موفق ..
ســلام ..

[Agent Ryan]

آخذ كل شيء ببرود أسلم ..

من عادتي لما آعصب أعصب بهدو و أعطي نظرات حادة (و يكون هذا الهدوء الي يسبق العاصفة)
لأن متى ما زاد الضغط يحصل إنفجار لا تحمد عقباه ! و وقتها ماعرف لا أمي ولا أبوي و الله يعين الي يقرب مني :bigeyes:

[.::RaK_BoY::.]

مشكورين عالمساهمات الطيبه

بالنسبة لي
انا من النوع اللي ما يعصب بسرعه

في اشياء بسيطه تخليني اعصب بسرعه بس ما انفعل

اما اذا اشياء فعلا تخليني اعصب بس الملاحظ فيني النظرات القاتله
...

وما بتكلم عن اذا فعلا عصبت....

[ابتسامــــــه]

دايما أسمع يقولون إن الريال ما يعامل أمه و أخواته .. و زوجته نفس المعامله
يعني إذا كان من النوع إلي بسرعه يعصب قبل الزواج بعد الزواج يهدا

مرات ألاحظ نفسي أعصب على أمور ماله داعي أعصب عليها :boggled:
بس أهدا بسرعه الحمد الله وما أكبر السالفه و أتفهم و مثل سويت اقبل الاعتذار


مشكور أخويه عالطرح
:)

[فارس المجد]

--------------- داخل عرض << مو متزوج :D

بس لا أعرف , هل فعلاً التصرفات مع الزوجة أصلاً تختلف ؟؟؟
أنا لست عصبياً أبداً وأعصابي باردة... وأتحكم بها بسهولة (غالباً)

[Black Nega]

أنا شخصيا أكون بارد طووول الوقت لكن اذا انفعلت تكون انفاعل مخزنة من شهووور...

وبما أن الموضوع عن الأزواج حبيت أذكر قصة قصير : عن اثنان أو إثنين من الأزواج<<< لا تعليق

تشاجرا فخرج الزوج الى الشارع فصادف المسجد في طريقه فسبح الله عزوجل وطلب التوبه ورجع الى البيت

ليعتذر لزوجته ليجدها تنتظره أحر من الجمر فتبكي وتعتذر له ويبادلها بإبتسامه ليعتذر لها أيضا ...

وشكرراا لك يا راك بوي

[عاشقة الخيال]

السلام عليكم و رحمة الله و بركاته
أنا بصراحة بالي طويل
لكن إذا زعلت ممكن توصل في حالة عصبية
و إذا عصبت أترك كل شيء بجنبي و أدخل الغرفة و أقفل الباب على نفسي
لكن بسرعة أهداء و لا كأنه شيء سار
أنا بالعادة ما أزعل أنسي نفسي بسرعة
لكن لما أشوف الغلط أشحن في نفسي و أزعل
أحاول بأن أوضح الغلط بأي طريقة
و إذا ما في أي فايدة و قتها أنفجر
و هذي بصراحة أسباب الخلفات الزوجية إذا تواجد الخطاء من الزوج أو الزوجة
و كما قال الأخ الكريم Black Nega
أن أسباب الخلافات الزوجية هي أصلاً بسبب البعد عن الله و عدم الإلتزام بالصلاة
و الطاعة إلى الله
هذه نصيحة مني كزوجة
الحمدلله أنا أعيش سعيدة لكن إلا ما توجد الخلفات
شكراً لك :)

[Black Nega]

الحمد لله لم أتزوج إلى الان والله يعين اذا تزوجت .....

[فارس المجد]

Black Nega موجود في كل مكان!! حاسس هالشهر بتاخذ وسام النشاط في القسم العام (ربما!!)

إن شاء الله لما أتزوج بكون لسا في هذا المنتدى :D ما أعرف مين حيكون في أعضاء وقتها ;)

[.::RaK_BoY::.]

دايما أسمع يقولون إن الريال ما يعامل أمه و أخواته .. و زوجته نفس المعامله
يعني إذا كان من النوع إلي بسرعه يعصب قبل الزواج بعد الزواج يهدا


واااااايد شفت ناس مثل هالنوع.....
مشكورة اختي عالمشاركه ولا هنتي

...

وشكرا اخوي black nega
عالمساهمه وجزاك الله الف خير

---

عاشقة الخيال

مب شرط الخلافات تكون بالاسباب اللي ذكرتيها
هو في سببين رئيسيين....
اختلاف العادات والتقاليد بين الزوجين
و اختلاف الاراء

وجزاج الله خير

[.::RaK_BoY::.]

إن شاء الله لما أتزوج بكون لسا في هذا المنتدى

معليك اخوي

بتحصل نفس الناس موجودين

انا للحين (ماشالله) اشوف نفس الناس
حتى بعد ما تزوجت

[Black Nega]

والله الزوجات مسكينات ففي النهاية 80% من الزوجات بعد أن نغضب عليهم نحن معشر الرجال

ونضربهم ونسوي فيهم جميع البلاوي يسامحونا ويرجعوا لنا ههههههههه

فسبحان الله على قلب النساء والعاطفة الكبيرة....

[sweet Mio]

^
^
^
احمدو ربكم والله احنا نعمه <_<"

[Aero]

عادي اتعامل معاها بنشافه
يعني بتكلم معاها بقرف ولا كانها هامتني
اسامحها لما تقولي اسفه واحسها ندمانه
مشكور على الموضوع اخوي ..

[AZPC]

^
^
^
ماظن الحرمه تقولك اسف . ما سمعت بالمقوله: They're always right ؟

[.::RaK_BoY::.]

^
^
^
^
لا اخوي انت غلطان
شوف اصابع ايدك
مب نفس الشي
الحريم بعد مب نفس الشي

[AZPC]

^
^
ههههههه ايه والله وانت الصاج .. (:

كل انسانه وكيف تفكريها .. ع العموم مشكور على الموضوع (:

ولي عوده بإذن الله ^_^

[Naeelove47]

موضوع رائع
أنا بالنسبة لي
من النوع اللي أكتم غضبي في داخلي بس أبين آثار الغضب في عيني
وأكون في أكثر الأحيان مسامح
سوائا" قبل الزواج أو بعده
مثلا" قبل الزواج عندما أغضب من صديق ما أذهب إليه بعد شي 3أو 4 أيام وأصالحه ولو كان الذنب ذنبه
وبعد الزواج كذلك أيضا أحاول أن أضبط أعصابي عندما أغضب من زوجتي
تحياتـــــــــــــــــــــــــــــــــــــــــــــــــــــــــــــي

[.::RaK_BoY::.]

^
^
ههههههه ايه والله وانت الصاج .. (:

كل انسانه وكيف تفكريها .. ع العموم مشكور على الموضوع (:

ولي عوده بإذن الله ^_^


نتريا عودك ^^


موضوع رائع
أنا بالنسبة لي
من النوع اللي أكتم غضبي في داخلي بس أبين آثار الغضب في عيني
وأكون في أكثر الأحيان مسامح
سوائا" قبل الزواج أو بعده
مثلا" قبل الزواج عندما أغضب من صديق ما أذهب إليه بعد شي 3أو 4 أيام وأصالحه ولو كان الذنب ذنبه
وبعد الزواج كذلك أيضا أحاول أن أضبط أعصابي عندما أغضب من زوجتي
تحياتـــــــــــــــــــــــــــــــــــــــــــــــــــــــــــــي

احس في وايد ناس نفسي....مشكور اخوي عالطلله


ولا تنسون يا جماعه
اهم شي تسامحون...
لا تحطون فخاطركم من اي شي اذا ترا هاي مب لعبه
--- عندك زوجه وحده (الا اللي يفكرون يتزوجون الف ها شي ثاني) -- او ها زوج واحد...

ماافي شي احلى من الزواج ^^

[الوردة الجريحة]

أتوقع لو إني عصبت

على حسب المزاج والموقف
يعني ممكن إني أعصب وأظهر غضبي :12:
وفي مواقف ثانية أكتم وأسكت بس بنتقم منه بطريقة ثانية <<< شريرة :09:
وممكن إني أسامح وأسكت :)

[ابتسامــــــه]

يعني بتكلم معاها بقرف ولا كانها هامتني

عيل لا تتزوج



ماظن الحرمه تقولك اسف . ما سمعت بالمقوله: They're always right ؟

بالعكس المعروف إن الريال إلي صعب إنه يعتذر


لا اخوي انت غلطان
شوف اصابع ايدك
مب نفس الشي
الحريم بعد مب نفس الشي

إنت فوق النخل محد يروم يوصل لك :D
الله يسعدك و إن شاء الله للأبد طيوووب و حنيِّن


كل انسانه وكيف تفكريها .. ع العموم مشكور على الموضوع (:


وكل إنسان وكيف تفكيره :silly:

[AZPC]

بالعكس المعروف إن الريال إلي صعب إنه يعتذر

اي اكيد بس.. مرات يتنازل عن "عناده" ويعتذر حتى لو يحس عمره مب غلطان... بس بعدين يكتشف انه غلطان SOMEHOW ! .. ومرات يعرف انه مب غلطان بس يعتذر .. لأنه "رجال" ^_^ ولازم يتسامح ويحترم حرمته

:)

[ابتسامــــــه]

اي اكيد بس.. مرات يتنازل عن "عناده" ويعتذر حتى لو يحس عمره مب غلطان... بس بعدين يكتشف انه غلطان SOMEHOW !


العناد صفة مذمومه سواء عند الريال أو الحرمه
و إلي يخاف على حياته الاسريه و مستقبله ما يعاند الطرف الثاني
حتى لو كانت صفه من صفاته و هو طفل .. لازم يتخلى عنها عشان المركب يمشي :D


.. ومرات يعرف انه مب غلطان بس يعتذر .. لأنه "رجال" ^_^ ولازم يتسامح ويحترم حرمته
:)
المفروض جذي ..
وايد تمر علي مواقف
الحرمه زعلانه و الزوج عارف إنه غلطان انزين كلم حرمتك راضها طيب خاطرها
مب شرط يعتذر و يتوسل كلمه وحده أطيب الخاطر تكفي ..
ولما الأهل يحاولون يصلحون الموقف أقل شي يقولونه الريال عنده كبرياء وما يقدر يعتذر ! :boggled:

[AZPC]

العناد صفة مذمومه سواء عند الريال أو الحرمه
و إلي يخاف على حياته الاسريه و مستقبله ما يعاند الطرف الثاني
حتى لو كانت صفه من صفاته و هو طفل .. لازم يتخلى عنها عشان المركب يمشي :D


المفروض جذي ..
وايد تمر علي مواقف
الحرمه زعلانه و الزوج عارف إنه غلطان انزين كلم حرمتك راضها طيب خاطرها
مب شرط يعتذر و يتوسل كلمه وحده أطيب الخاطر تكفي ..
ولما الأهل يحاولون يصلحون الموقف أقل شي يقولونه الريال عنده كبرياء وما يقدر يعتذر ! :boggled:


^

اي ها المعروف عندنا لوول .. بس الي المفروض.. هو العكس.. الرجال دايما يكون عاقل وموسع باله ويعتذر لها ويراضيها مهما كان ;) .. الرجال ما يكون رجال الا اذا سوى جذي ..
^
^
الحين احس فيه ناس بيسبوني :31: ومب رجال ومادري شنو .. عيل خلي حرمتك تبجي بروحها !! وتطيب خاطرها بروحها !! .. جيه يا "الرجال" ؟ :31:

صح انا كان تفكيري جذي .. بس بعدين اتوضح لي انه مجرد "عناد" او يعني اني رجال خلاص .. لازم تحترمني غصب عنها ولازم اذا غلطت تعتذر ..ووو <-- نو نو نو :31:

- طبعا ها الشي تقريبا كل واحد يمر فيه لانها مرحلة يتعلم فيها الرجال كيف يكون رجال! -

صدقني انك تكون رجال .. مب معناته تستعرض عصبيتك جدام البنت :31: خل عصبيتك وها الاشياء حق الي يحاول يقربها او يأذيها :D:D


وكم من بنت علمت الرجال يكون رجال :) !

سبحان الله الي خلقهن ^_^ ..

الحين فهمت ليش الاسلام عظم المرأه ها الكثر !


هذا رأيي والله اعلم

الله يحفظكم اجمعين ,, ^_^

[أنــفــاسـ]

انا طبعي هادي ... واطوف واجد ..
واحب التفاهم ما احب الهواش والصراخ لان مالها اي فايده
بلعكس يزيد المشكله سوء ..
بس اذا وصلت وعصب //
فاتوقع راح اطلع من البيت او الغرفه الي هي فيها الين اهداء واروق وارجع
لاني يمكن اقول كلام او اسوي شيء اندم عليه بعدين
خصوصا انها حرمه ومهما كان ما بيدها شيء .... وانا الرجال والمفروض اكبر عقلي


هذا طبعي مع اهلي ... وما اتوقع بتغير بعد الزواج ... بس كل شي جايز


شكرا على الموضوع خيووو


بالتوفيق


تحيااااااااااااااتي

[.::RaK_BoY::.]

خذو العبره من عمر بن خطاب -رضي الله عنه-

شديد عند المنافقين والمشركين
بس عند اهله نفس الصبي الصغير

[sweet Mio]

عادي اتعامل معاها بنشافه


يعني بتكلم معاها بقرف ولا كانها هامتني

انت ترضى الحرمه تكلمك بقرف ؟؟؟؟
:ponder:


اسامحها لما تقولي اسفه واحسها ندمانه

مشكور على الموضوع اخوي ..




ليش تقول لك اسفه اذا انت تعاملها بهذااا الاسلوب ..؟؟

ما اظن الحيااه بتستمر على هذاا المساار :)

انا مع ابتساامه
ان عند الغلط مافيها شي لو الرجل اعتذر .. مارح ينقص من كراامته شي بالعكس تمااامااا !! ..
يعني ما يصير انا اشد من طرف والزوج يشد من طرف لان بجذي رح ينقطع اللي بينا ..

افضل شي التساامح لانه يصفي القلوب ويهدي النفووس ويريحها ^.^

الله يكتب لنا كل الخير ان شاء الله

[AZPC]

بس اذا وصلت وعصب //
فاتوقع راح اطلع من البيت او الغرفه الي هي فيها الين اهداء واروق وارجع
لاني يمكن اقول كلام او اسوي شيء اندم عليه بعدين
خصوصا انها حرمه ومهما كان ما بيدها شيء .... وانا الرجال والمفروض اكبر عقلي




يؤ يؤ ,, شكلك مثلي يا انفاس .. وانا اقول ليش الرجال هذا مبدع :D <-- (&) ما يمدح نفسه ابدا :D

انزين انا ابي اعرف شرد البنت/المره على هذا التصرف!؟ .. انه يهدها زوجها ويطلع برع :boggled: (لأنه معصصصصصصصصصصصصصصصصصب) ^.^"

انا يوم عصب اكون هادي هادي هادي هادي .......... الين اوصل لمرلحه الانفجار xD .. وبعدها خلاص اقوم اقط اي كلام وبعدين اتحسف علييييه -_-" عشان جذي اتمنى اطلع او اذلف احسن لي :D

[sweet Mio]

انزين انا ابي اعرف شرد البنت/المره على هذا التصرف!؟ .. انه يهدها زوجها ويطلع برع :boggled: (لأنه معصصصصصصصصصصصصصصصصصب) ^.^"
تحاااول تهدأ وتدور حل للموضوع ..
وتحاافظ على زوجها ما تخسره مهما كان حجم المشكله ..
وان كل شي له حل ..
العصبيه مارح تفيد ولازم اثنينهم يهدون ..
الرجاال شاايف الافضل هو خروجه براا البيت بعض الوقت عشااان يهدأ .. حتى المره لاازم تستغل هالوقت بشي ممكن يرجع الميااه لمجااريها ..
وان مهماا كانت المشكله ف اللي يجمعها مع زوجها اكبر بكثير من المشااكل ^^

والله يبعد عنا المشااكل ان شاء الله ..

[الوردة الجريحة]

انا يوم عصب اكون هادي هادي هادي هادي .......... الين اوصل لمرلحه الانفجار xD .. وبعدها خلاص اقوم اقط اي كلام وبعدين اتحسف علييييه -_-"



بس حاسب
أهم شي ما تقط كلمة
أنتي طالق :D

[AZPC]

تحاااول تهدأ وتدور حل للموضوع ..
وتحاافظ على زوجها ما تخسره مهما كان حجم المشكله ..
وان كل شي له حل ..
العصبيه مارح تفيد ولازم اثنينهم يهدون ..
الرجاال شاايف الافضل هو خروجه براا البيت بعض الوقت عشااان يهدأ .. حتى المره لاازم تستغل هالوقت بشي ممكن يرجع الميااه لمجااريها ..
وان مهماا كانت المشكله ف اللي يجمعها مع زوجها اكبر بكثير من المشااكل ^^

والله يبعد عنا المشااكل ان شاء الله ..


:)

شاكر لج اختي الرد ,, والله يبعد المشاكل عن الكل

يعني الي افهمه // هي ما بتعصب من هذا التصرف؟ :boggled: ... are u sure ؟ :blackeye:

[AZPC]

بس حاسب
أهم شي ما تقط كلمة
أنتي طالق :D



لا شدعوه ! ..

اخاف يقول : انتي طالق بالثلاث :09:

>_< اعوذ بالله

انا احس المره هي الي تقول طلقني طلللللللللللللللقني -_- طلقني طلقني :31:

الرجال ما يقول شي .. حليله عاقل :ponder:

[AZPC]

خذو العبره من عمر بن خطاب -رضي الله عنه-

شديد عند المنافقين والمشركين
بس عند اهله نفس الصبي الصغير

رجل عظيييييييييييم :)

ماشاء الله ،،

مشكور أخوي على هذا الموضوع مره ثانيه :)

[sweet Mio]

يعني الي افهمه // هي ما بتعصب من هذا التصرف؟ :boggled: ... are u sure ؟ :blackeye:

تعصب لما هو يطلع براا البيت معصب ؟؟
بلااا تعصب وتنقهر بعد ..
لكن لو شااطره ما تخلي العصبيه تسيطر عليها وتخسر زوجها بسبب حده الوضع ..
وتتفهم رغبته واللي هي اصلا عشانها ..
عشاان يهدأ ومصيره بيرجع لهااا ..

امااا اذا قصدك شي ثاااني ف وضح ^^ ..
موفقين ..

[.::RaK_BoY::.]

افضل طريقه ان محد يترك الثاني لحظة الغضب...

ابوي علمني شي .... لازم يكون واحد منكم نفس التمرة (قصده انه يكون طري)=مسامح وهادي وما يكون حشافه (التمرة الميته اليابسة)= معصب

لان اذا انتو الاثنين حشافه محد بيلصق بالثاني...اما اذا واحد على الاقل تمرة..بيقدر يلصق بالحشافه..

[sweet Mio]

ههههههههههههههههه
حلو تشبيه التمره واايد عجبني ..
يعطيك العافيه عالرد الواافي وهذااا هو الافضل ..

[AZPC]

تعصب لما هو يطلع براا البيت معصب ؟؟
بلااا تعصب وتنقهر بعد ..
لكن لو شااطره ما تخلي العصبيه تسيطر عليها وتخسر زوجها بسبب حده الوضع ..
وتتفهم رغبته واللي هي اصلا عشانها ..
عشاان يهدأ ومصيره بيرجع لهااا ..

امااا اذا قصدك شي ثاااني ف وضح ^^ ..
موفقين ..



نعم ها الي قصدته ^_^

:p يعني يرجع لعناد الحرمه بعد :D <--- الله يستر :blackeye:

لو شاطره :D



عجبني مثال التمره ! .. والي عجبني اكثر انه والدك الي معطيك هذه النصيحه !! ^_^

[.::RaK_BoY::.]

ههههههههههههههههه
حلو تشبيه التمره واايد عجبني ..
يعطيك العافيه عالرد الواافي وهذااا هو الافضل ..


عجبني مثال التمره ! .. والي عجبني اكثر انه والدك الي معطيك هذه النصيحه !! ^_^

شي حلو انكم استفدتوا...ان شالله تفيدوا وتستفيدوا ^^