المساعد الشخصي الرقمي

مشاهدة النسخة كاملة : نقاش الرسامين استجواب العضو ::. odin .:: ادخل وإسأل (3)



حسين-911
27-12-2001, 10:07 AM
السلام عليكم اخواني عدنا لكم مع برانامجنا الاستجواب :)
وهنا استجواب العضو الثالث بالسلسلة البسيطة اودين

وطبعا السابقين هم
رواية (http://montada.com/games4arab/showthread.php?s=&threadid=43145) و شاهين (http://montada.com/games4arab/showthread.php?s=&threadid=44664&perpage=20&pagenumber=1)

وهنا اودين العزيز :

اولا : ما هي البطاقة الشخصية ؟
ثانيا : متى كانت اول بداية لك على الفوتشوب ؟
ثالثا : من تعتقد انه السبب الرئيسي في حبك للفوتشوب ؟
رابعا : من من المصممين تحب طريقة تصاميمه ؟
خامسا : من هو الذي تعتقد انه له الفضل في تعلمك الفوتشوب بعد الله ز وجل ؟

واذا لم تكن ترغب بالموضوع فالرجاء اخبارنا :)
وطبعا هناك اسئلة متخصصة سوف اسألها غير هذي في مخي لكن ناطر الاجابات على هذي

والشباب كل واحد يحط الاسئله الي في باله
اوكي

ODIN
02-09-2002, 02:31 AM
اهلين حسين ...

ممم الله يهديهم منتدى الفتوشوب ميت الحين .. لذلك لو نغير مكان هذا الموضوع حتى الكل يستطيع المشاركة ..


1- اخوكم بدر .. 18 سنه . مقبل على اخر مرحله بالثانوية .. الي يستغرب من العمر يا ويله اوكي ؟:)

2-اول مرة . كنت اشوف احد اصدقائي قبل سنه تقريبا وشفته يصمم كم تصميم حلو ..:) وكنت دائما اجلس بجانبه واشوف كيف يصمم .. بعدها رجعت للبيت ... وجلست افكر بالفوتوشوب والتصميم .. وبديت بالبرنامج من حوالي سنه او 11 شهر .. لا اعلم متى بالضبط ..

هذا جواب مختصر للسؤال الثاني والثالث ..

4-المصممColin Smith وهذه احد تصاميمه /

http://www.photoshopcafe.com/gallery/made-in-photoshop-d1.jpg


5- صديقي بدر .. ماشاء الله شجعني وتعلمت من الاساسيات ..

اي سؤال ثاني ؟:)

ODIN
02-09-2002, 04:29 AM
اسمحلي ياخوي حسين .. نقلت موضوعك لمنتدى المنوعات للرسم .. بسبب تواجد جميع الاعضاء هناك ...

Neo Cid
02-09-2002, 04:37 AM
هاهاهاهاهاهاهاهاههههااااااااااااااااااااااااااه :D :D

أخيرا استجواب أودن ... :D

أسألتي لحبيبي بو عمر :

1- شنو ناوي تشتغل لمن تتوظف ؟

2- أنت مدخن ؟ :D

3- اشرح لنا شوي عن عائلتك الكريمة لو تفضلت ؟:)

4- منو أقرب عضو بالمنتدى إلى قلبك صراحة ؟ ( المنتدى كله )

5- منو أكثر عضويت يتهاوشون بالمنتدى كله بالنسبة لك كمراقب ؟ .. :D ههههههههههههه .. انت تعرف الجواب .. كيفك إذا تبي تجاوب ولا لأ ... :p :D
6- ما هي الألعاب اللي حركت روح المرح فيك ؟

7- ما هو أفضل مسلسل أنمي و فيلم أنمي شاهدته ؟ ..

8- تاريخ ميلادك ما عليك أمر ؟ :p

9- ما شعورك لمن حصلت على الإشراف على المنتدى ؟ :أفكر:

10- اشرايك فيني ؟ :أفكر: :أفكر: ":" ":"

شكلة كافي .. راح أخلي المجال حق غيري .. :)

بس بدر .. جاوب على الأسئلة عدل .. بدون لف و دوران .. :D

ODIN
02-09-2002, 05:11 AM
اهلين نيو سيد ..

1- افكر بوظيفه ثانويه .. وليست اساسية . وهي التصميم ... واتمنى افتح مؤسسة للتصميم والاعلان بالمستقبل ..

2- لا ولله الحمد ..

3- ممممم انا اصغر واحد من اخواني .. وعندي 7 اخوان ولله الحمد .. لكن عندي عيال اخوي واخواتي ماشاء الله يترسون البيت يوم الخميس والجمعه :)

4-ممم ما ادري اقرب واحد لي شخصيا بحياتي العامه يشارك بهذا المنتدى وله معزة خاصه جدا .. وهو DOOM ..

لكن اذا بالحياة الانترنتيه :) كثير ما اقدر احدد واذكر صراحه ..

5- هههه ما يحتاج ..! بس ولا يهمك راح اذكرهم . محمود VS نيو سيد .. ماشاء الله حتى الماسنجر واصلتلي مشاكلكم ..:):)

6- .. ما ادري العاب فيديو جيم والا العاب عاديه ؟

7- مدري كثير . لكن اكثر شيئ عجبني كونان .. والافلام .. ساموراي اكس طبعا :)

8- 1405/12/28

9- ارتياح ..

10- عضو طيب ومحترم .. لكن لو تقلل مشاكلك مع بعض الاعضاء تطلع 100% ..

غريبه جاوبت عليهم كلهم ..:أفكر:

Neo Cid
02-09-2002, 05:17 AM
مشكور أخوي على أجوبتك .. والله بدعت .. :D

بس تصحيح للأسئلة اللي أنت ما جاوبتها :

6- الفيديو جيمز .. و إذا تبي تتكلم عن العادية ( LEGO )عادي فباب الأجوبة مفتوح ! :D

7- مشاء الله .. نفس تفكيري .. سبحان الله ... :D

8- و التاريخ الميلادي ؟

10- مشكور أخوي على مديحك لي .. :# :6 بس أنا ما عندي مشاكل مع كل الأعضاء والحمد لله .. بو واحد و هذا الواحد اللي قاعد على جبدي .. :D :)

يلا تصبح على خير .. لازم نروح نسوي Zzzz :D

Tidus_2007
02-09-2002, 06:41 AM
هلاااااااااااااااااااااا بدر :)

نبدأ الأسئله :6


1 - أنت شخبااااااارك ؟ :0)























2 - و شخبارك بعد ؟ :0) :6

3 - بدر ... تحب عالم فاينال فانتاسي !!! ؟ :)

4 - و لو تحبه شنو احسن الاجزاء الي عندك ؟ و شنو فرقهم عن غيرهم ؟

5 - شرايك بمنتدى الرسم و بكل صراحه ؟ ((يعني هل نايم و لا لا !!! اعضاءه مشاكل و لا لا !!! و شنو الي ناقصه !!! ))

6 - كمشرف !!! منتدى الانيمي ليش موجود بمنتدى الالعاب !!! مع انه له صله اكبر بمنتدى الرسم ؟

7 - و كمشرف :0) ...

...

... :6

...

...

....... ليش مو ناوي ترد اسمي القديم Tidus !!! على الايميل Anxious_Soul@hotmail.com ?:

من جد حيرتني :0) :"

ههههههههههههه و يعطيك العافيه اخوي بدر :)

استنى الاسئله البارت تووووووو :cool:

BaSBoOsA
02-09-2002, 07:56 AM
:D :D لوووووووووووول


الاعضاء ماشا الله عليهم ماخلوا مجال الا واسالوك فيه
مابقى عندي شي


بسسسسسسسس
اممممممممممم:أفكر: :أفكر: لحظه عندي كم سوال لك



1-شنو برجك ؟
":"
2-من كم سنه وانت تزاول الرسم والتصميم
3-تحب الاكل؟(:D ) وشنو اكلتك المفضله ؟
3-شنو الحيوان اللي تخاف منه ؟









:! وفي النهايه



شنو نصيحتك للمبتدئين بالرسم :6 :6 :6

alucardracula
02-09-2002, 02:04 PM
ما هذا!! :! أخ أودين والله أن توقعتك أكبر منّي بكثير:!
و آخر شي أطلع أكبر منّك..يا أخي ما شاء الله طريقة كلامك فيها عين الحكمة و العقل ..الله يزيد و يبارك..
بما أن دخلت الموضوع و ردّيت أسأل;-)
-ما هي الظواهر التي تكرهها في المنتدى عموما؟؟
-ما الذي ترغب أن تراه منتشر في المنتدى ؟؟
-عضو تتمنى أن يأخذه الأعضاء البقيّة مثل لهم في المعاملة و الأخلاق؟؟
أتمنى لم دوام التوفيق..

ODIN
03-09-2002, 01:27 AM
تايدوس../

1- الحمدلله بخير..

3- ايه :) وافضل جزء العاشر .. مع اني انهيت الثامن والتاسع وجربت السابع ..

5- منتدى الرسم افضل مافيه اعضاءه صراحه ..اقولها بكل صراحه .. تحس اعضاء بينهم اخوة اكثر من معنى الصداقه ..

6- وجوده هناك .. لانه اغلب الشعب متواجدين بمنتدى الالعاب:) واتوع هنا راح يكون مدعوس :)


8- .. مدري ياخوي الظاهر اني غيرت لك الايميل:)وارسلتك الباسورد . والا ؟

BaSBoOsA/

البرج:) مدري ما أؤمن بهذي السوالف .. بس مدري اذكر ان واحد قالي العذراء مدري الاسد .. واحد منهم :)

بالنسبه للتصميم .. صارلي اقل من سنه يمكن .. مثل ما ذكرت فوق يمكن 11 شهر ..

اما الرسم ..

الرسم بالفتوشوب صارلي ثلاث اسابيع من اول محاولة ..

اما الرسم باليد بصارلي اسبوع واحد بس :) وان شاء الله راح اعرض عن قريب رسماتي البدائيه للرسم باليد ..:)

- اما عن الاكل :) احب اكل الوالده الله يحفظها والطبخات الشعبيه ..
- اما عن الحيوانات ... مدري ايش شيئ يخرع اخاف منه هههه..

alucardracula/

شوف انا قلت الي يستغرب ياوييله ! ههه

الظواهر الي اكرهها .. صراحه في اشياء كثيرة ما يسعني ذكرها هنا فقط ..

اولا المواضيع المنقوله كثيرة صراحه .. وهذي تسبب لخبطه للزائر وعدم المشاركه ..

وثانيا .. / المنتدى الترفيهي .. ودي بصراحه افجر مفاعل نووي هناك ..!

- بالنسبه للعضو .. والله في كثير كثير كثير ما اقدر اذكرهم كلهم ..


اعطيكم بعضهم .. واسف اذا نسيت احد ..

في عندنا ماشاء الله الاخت yara والاخ شاهين ورواية واورانج رود .. وكثير صراحه ما اقدر اذكرهم :)

وشكرا لكم

Neo Cid
03-09-2002, 01:38 PM
أمممممممممممممم ..

أسألة : :D

1- تاريخك ميلادك الميلادي و الهجري ؟

2- تحب قراءة الكتب الانجليزية ؟ .. و شنو آخر كتاب قريته ؟ . .

3- ما هي الصلاة اللي تحس وقتها أنك بتعب لكنك تصليها على كل حال ؟ .. و أحيانا تنساها ؟ ..

4- هل تتلمذ ناس على أيدك بالرسم ؟

5- ليش تعتقد أن المنتعدى اليوم أغلق ؟ .. و هل كان التصليح فيه فايدة ؟ .. و من أيه ناحية ؟ ...

سلام ;)

shaheen
03-09-2002, 02:44 PM
وأخيرا سنحت لي الفرصة:)

نياهاهاهاهااااا:0)

وين بتروح مني:0)

عندي كم سؤال واذا فكرت بشئ ثاني باقول لك...

1- ما مستوى موقع www.montada.com بالمنتديات الأخرى بمواقع المنتديات؟

2- ما هي النواقص في برنامج الفوتوشوب التي تشعر انها لو كانت موجودة لاصبح البرنامج افضل؟

3- ماذا كنت تفعل قبل الفوتوشوب؟ يعني قبل ان تعرف هذا البرنامج؟

4- ما الاضافات التي تتمناها لموقعنا؟

5- لو أعطوك فرصة لانشاء موقع.. ما هي فكرة الموقع الذي تحب ان تنشئه؟؟؟ وما أهدافه؟:)

6- متى تتزوج؟ وهل ستختار زوجة من العائلة؟ :6

ODIN
03-09-2002, 03:28 PM
نيو سيد .. الميلادي مدري . ما نتعامل احنا الا مع الهجري.. لكن تقريبا عام85 يمكن ..

2- كتب انجليزية .. لا لغتي الانجليزية ليست قوية بمافيه الكفايه .. يعني ادبر عمري بالمواقع الانجليزية . هذا مستواي .
بس بالنسبه لاخر كتاب .. اسمه نهاية التاريخ .. لفرانسيس فوكاياما .. لكن الى الان ما خلصته .. ولا لي نية اخلصه :)

3-بالرسم .. لا للحين بس بالتصميم . عندي ولد اخوي عمره 12 ماشاء الله عليه له مستقبل كبير الظاهر :)

4- عدلوا مشكله ارفاق الملفات ..

شاهين /

1-بصراحه اشوف انه بالمركز الثاني من بعد الساحات .. ليست مجامله لنفسي :) لكن بصراحه عندنا اعضاء هنا يسوون ذهب وكنوز الدنيا ..وان شاء الله نطمح معكم لنصبح افضل منتدى عربي ..

2-كنت اتمنى لو انه يدعم الرسوم المتجهه .. يعني مثل الفلاش . تكبر الى مالا نهاية ولا يتغير بالدقه شيئ..

وكنت اتمنى ايضا انه يحفظ خطوات الهيستوري الى مالا نهاية ..

واتمنى ايضا يتعدل مستوى دقه تكبير الصور النقطية ..

وكثير اشياء صراحه ..

ممم لو ما عرفته .. كان ما اسوى شيئ الحين .. مدري احس بكذا :)

....

بالنسبه للموقع .. مدري صراحه انا جدا مبعد عن راسي فكرة انشاء موقع الان .. لكن ان شاء الله اذا بدينا بداية جديه بموقع جرافكس فور اراب .. راح اضع كل طاقتي فيه ..

اما بالنسبه للسؤال الاخير / ههه قلنالك يا شاهين حبيبي ادخرها بس لا تنتقم ههه

عموما انا صراحه مخطط اني اتزوج وعمري 30 .. يعني متى ما استقريت وشبعت من الشباب ههه نفكر ..

alucardracula
03-09-2002, 03:37 PM
اعذرني أخ أودين والله أن ما تمالكت نفسي!!
عموما الله يبارك لنا فيك:)
و أتمنى لك التوفيق..

wildkitty
03-09-2002, 08:29 PM
- متى تتزوج؟ وهل ستختار زوجة من العائلة؟


لووووووووووووووووووووووووووول




انتقم منك شاهين يا بدر :6

GM Head
03-09-2002, 08:44 PM
إن شاء الله أسئلتي ما يحرجك:D


س1 :
ما هو سبب إختيارك لإسم عضويتك Odin ?

س2 :
هل تعرف ان Odin هو كبير آلة المعتقدات النرويجية الوثنية؟

:p

wildkitty
03-09-2002, 08:58 PM
هههههههه
انا بجاوب على سوال من اسالتك جي ام هيد :6
لاني لوعت جبده من كثر ما سالته هل سوال

اودين يعني فارس اسطوري :o



وما اعتقد انه يعرف لو يعرف جان ما اختار هل اسم

ODIN
03-09-2002, 11:18 PM
GM Head/

اسم اودن .. يكثر بالاساطير اليونانية والخزعبلات هذي .. وهو عبارة عن فارس اسطوري مدري وش قصته ..

كنت اعرف هذا الشيئ من زمان .. الى ما جاء اليوم وشفت ولد اخوي يلعب فاينل فانتسي 9 :) وشفت عرض اودن . كان رهيب جدا ..

واخترت هذا الاسم بالمنتدى ..

واما بالنسبه للسؤال الثاني /

مب بس انت الي قلت . في واحد ثاني قال ان اودن يعني رب الارباب :) مدري من وين جابها ..


لكن عموما لو صار معناها الي يصير .. تبقي نيتي الحسنه بأذن الله .. وهذي ما يضر معاها شيئ..

wildkitty
04-09-2002, 03:32 AM
انا عندي سوال























بسم الله الرحمن الرحيم



















سم




















سم الله عدوك


























اقول

































:غضب: مته بتوريني الرسمه

حسين-911
04-09-2002, 04:08 AM
الموضوع قديم ايام الي كنت
كاتب جيد ..
راح احاول أرد هذه الايام ..
بالايام القادمه :)

ODIN
08-09-2002, 02:53 AM
الرسالة الأصلية كتبت بواسطة حسين-911
الموضوع قديم ايام الي كنت
كاتب جيد ..
راح احاول أرد هذه الايام ..
بالايام القادمه :)
المعدن الاصيل يبقى .. وان شاء الله تبقى كاتب جيد كما نعرفك الحين :)وشكرا لك ..

Neo Cid
08-09-2002, 03:11 AM
Questions :D ( يعني ثقافة ) :p

1- ليش أنت مراقب ؟ .. يعني في أي منتدى كنت مميز ؟ ..

2- ليش أنت عكس الناس ؟ .. رسمك بالفوتو شوب روعة ... بس بالرصاص .. .. @@@@ .. :": :D :p

3- هل تتمنى أن لون المنتدى يتغير ؟ .. ليش ؟ ..


بس كافي .. كح كح . :أفكر: :)

ODIN
08-09-2002, 03:21 AM
الرسالة الأصلية كتبت بواسطة Neo Cid
Questions :D ( يعني ثقافة ) :p

1- ليش أنت مراقب ؟ .. يعني في أي منتدى كنت مميز ؟ ..

2- ليش أنت عكس الناس ؟ .. رسمك بالفوتو شوب روعة ... بس بالرصاص .. .. @@@@ .. :": :D :p

3- هل تتمنى أن لون المنتدى يتغير ؟ .. ليش ؟ ..


بس كافي .. كح كح . :أفكر: :)


1- كنت على الفتوشوب والعام والسياسي والاسلامي ..والعام حق الالعاب بعد :)

2- الفتوشوب يا عزيزي قوانين رسمه غير عن قوانين الطبيعه ===> عاد انت ركبها وافهمها مالي خص :)

يعني شوف اداة الباث . ما يحتاج له يد رسام ابد .. اعرف قوانينها وتتدرب عليها وتقدر ترسم الي براسك .. بس طبعا لا تظاهي رسم اليد بأي حال من الاحوال ..

3- لا كذا حلو :)