اللمبة الحمراء..... خير يا طير

[junioreb]

السلام عليكم

أخواني انا تكلمت قبل لمن سألت شباب الكويت عن الأشرطة الموجودة

المهم أنا معزم أشتري أكس بوكس 360
و مقرر أشتريها من بريطانيا و أنا حاليا مناك قبل لا أرجع الكويت
المهم
سمعت عن مشكلة اللمبة الحمراء
و أنا ببريطانيا ما أشوف الصبيان يسولفون عنها
الحين هل السبب بشي يصير بالخليج............. ما أعتقد

و لكن حبيت أعرف
الحين تطلع لك لمبة حمراء و لا زرقاء شنو يعني

هل المشكلة إهي بس اللمبة الحمراء ولا في أشياء تصير للأكس بوكس بسببها؟
و شلون طرق أتفادى فيها المشكلة
دورت على السؤال الأول بالقوقل و ما لقيت شي


و سؤال أخير <<< يبا فكنا مالنا خلقك:p

الأكس بوكس اللي أنا عيني عليها الحين من بريطانيا العرض أهو xbox 360 premium +3games

و سعرها 220 باوند و الباوند يساوي تقريبا :33:
6 و نص ريال سعودي<<<< ترى أنا كويتي بس المنتدى أغلبه سعوديين
يعني المجموع بيكون 1430 ريال يالتمام و الكمال
بس ألأشرطة محددة من قبلهم و ما أتذكر منها إلا PES 6
و في عرض نفس السعر و نوع الأكس بوكس بس معاها gta 4 و كتاب القايد ماله

شرايكم أي عرض أفضل؟
و تتوقعون أرجع الكويت و أشتريها يمكن السنة الياية أحسن...

و سمعت إن البلاي ستشن 3 بدت تصير أقوى و إن الأكس بوكس 360 بيصمد يمكن 3 سنوات بينما البلاي ستيشن 3 تصمد 10 سنوات
هل الكلام صحيح؟

أدري تعبتكم بس والله محتار لأنها مو رخيصة و أنا أمي قالت بتدفع 50 باوند و أنا حاليا عندي 50 باوند و مفكر أبيع الدي أس مع أشرطتها مرة وحدة على المحل و يمكن أحصل 40 باوند و الوالد قال يساعدني

أما بالكويت أقدر أشتري العرض اللي أبيه و لكن راح نقعد ندور بيت و على ما نستقر إلا بدت الثانوية و أقعد سنة لحد ما أشتريها

فأبي رايكم و الشكر مقدما

[H a S a N]

أهلين أخي ... أنا الصراحة مو من متابعي الإكس بوكس ....

بس سؤال ليش ما تفكر في البلاي 3 .... خصوصا إن ميتال جير 4 ... راح تنزل بعد عشرة أيام تقريبا ؟؟؟

وجاينك سيل من الألعاب في خلال فترة بسيطه .... Silent Hill V , Resident Evil 5, Final Fantasy ..... وغيرها الكثير من الألعاب القوية والعريقة ....


أسفين يا إخواني عشاق الـ X boX .... على التدخل ... بس حبيت أبدي رايي ... خصوصا إن الأخ ذكر مقارنه في العمر المتوقع للجهازين ...

تحياتي والسلام ...

[FARES360]

اللبمات الحمر هي بسبب ارتفاع حراره الجهاز مما يؤدي الى خراب الcpu تبع الجهاز
شلون تتفاداها .. لا تشتري النسخ القديمه من جهاز .. دور على اكس بوكس360 من نوع فالكون
او على الأقل ألييت الأسود .. , اي عرض احسن؟.. ولا واحد لول لأنه بيعطونك البريميوم واهو الأكثر خراب...
انا اقول دور على أليت او فالكون واخذ وياه gta iv ..

و سمعت إن البلاي ستشن 3 بدت تصير أقوى و إن الأكس بوكس 360 بيصمد يمكن 3 سنوات بينما البلاي ستيشن 3 تصمد 10 سنوات
هل الكلام صحيح؟
مجرد توقعات .

[mk88]

عمر الجهاز صرحت به الشركة رسميا وهو 8 سنوات

[عاشقOnimosha]

بس سؤال ليش ما تفكر في البلاي 3 .... خصوصا إن ميتال جير 4 ... راح تنزل بعد عشرة أيام تقريبا ؟؟؟

وجاينك سيل من الألعاب في خلال فترة بسيطه .... Silent Hill V , Resident Evil 5, Final Fantasy ..... وغيرها الكثير من الألعاب القوية والعريقة ....
أقووووووووووول.....أروح أقطع طماطم وخيار وبصل....وأسويها سلطة.......!!!!!
أفضل من ان اكبس كبسة زر ليد ps3
و سمعت إن البلاي ستشن 3 بدت تصير أقوى و إن الأكس بوكس 360 بيصمد يمكن 3 سنوات بينما البلاي ستيشن 3 تصمد 10 سنوات
هل الكلام صحيح؟
مجرد تفاهات....ليقنعوا أنفسهم ملاك ps3 بأن جهازهم الافضل......الله يعين

* وبالنسبة للريد لايت مافيها مشكلة........لاتلعب بالجهاز أكثر من 4 ساعات(بالنسبة للعادي)
أو.......لا تلعب بالجهاز لأكثر من 7 ساعات(بالنسبة للإلت)

وبالنهاية ابي وصيك وصيتين
1_ سلملنا على الفان بيرزي
2_أبيك تقتلي جون تيري((((((الحمااار الكبير)))))

[junioreb]

شكر للجميع
و أخوي والله أنا بجلاسجو

تشلسي مو يمي بس
لا بغيت رينجرز أو سيلتك أنا حاضر
و تسلمون على النصايح

[البيكهام هام]

عدل كلام حسن ليش ماتفكر تشتري البلاي3:33:انشارتد وريسيستنس وهيفنلي سوورد العاب تستحق التجربه هذا غير ادمان الاونلاين مال لعبة وير هاوك:bigok:عالعموم شوف اللي يريحك بس لو تبي تشتري اكس بوكس انا شريتها من الغانم اكس بوكس360 اركيد معاها كل اغراضها ويده وحده اوروبيه فالكون تاريخ صنعها شهر1 اللي طاف وعليها كفاله سنه ب72دينار ويجي معاها لعبه اصليه وحيده بداخلها 5العاب اركيد:)

ولاتنسى تروح لمانشستر وتسلملي على ريو وروني وسكولز ورونالدو وجيجز:bigok:وخصوصا سكولز قوله ليش سويت لهم جذيه ياسكولز كل يوم احلامهم كوابيس من بعد هدفك الصاروخي :bigok:

[ساسوكي]

شفيكم قلبتوا موضوع الأخ كورة وشات

الي يبي يتكلم عن الكورة المنتدى الرياضي يستقبلكم....

----

junioreb

بالنسبة لو كنت أنا مكانك آخذ العرض الي يجي معاه 3 أشرطة مجانية وأشتري gta IV وحدها...
اعتقد ان مشكلة اللمبات الحمر انتهت...خاصة بأوربا وأمريكا المحلات ما تبيع غير الاصدار الجديد من الجهاز على حد علمي

فأحسن لك تتوكل وتاخذ الجهاز من هناك واذا تقدر خذ معاك كم لعبة...

واذا احتجت اي شي الاخوان حاضرين

[البيكهام هام]

ونسيت اقول سامحني ياصاحب الموضوع ماكان ودي ارد هذا الرد بس بوقف الحقير عند حده;)

[K to the D]

مسكين صاحب الموضوع :)

أخوي كل الي اعرفه ان الموديلات القديمة هي الي تشتكي من مشكلة اللمبة الحمراء أما الجديدة لا.... يعني باختصار تأكد من تاريخ الصنع يكون حديث أو خذلك أليت الأسود (بس تراه أغلى) وانا اقول دوم عندك وقت فراغ الحين اشتريه ولا تترد :bigok:

أنا ما يجيني وقت فراغ الى بعد سنة يعني راح اشتري ان شاء الله بعد سنه

وما متأكد اخذ بلي ستيشن 3 او اكس 360 بس عالأرجح بلي ستيشن 3 لأن أتوقع عمره أطول

بس الي يخليني احب الاكس 360 هو شيء واحد وهو lost planet شباب هاي اللعبة حصرية للاكس 360 ام لا؟؟؟؟؟ انا بش شفت كام فيديو للعبة واعجبت بيها كثير بس قالولي حصرية للاكس 360 صحيح؟؟؟ اذا صحيح فبشتري الجهاز من شانها حتى لو اشتري السنة الجاية ps3 والي بعدها x360 بس المهم العبه :D

سلااااااااااااام

[FARES360]

X
:banned:
عاشقOnimosha :) إستريحلك 3 أشهر مره وحده إخذ مني Vacation صيفي ..
البيكهام هام :) إستريحلك أسبوع راجع فيه قوانين المنتدى .

[FARES360]

بس الي يخليني احب الاكس 360 هو شيء واحد وهو lost planet شباب هاي اللعبة حصرية للاكس 360 ام لا؟؟؟؟؟ انا بش شفت كام فيديو للعبة واعجبت بيها كثير بس قالولي حصرية للاكس 360 صحيح؟؟؟ اذا صحيح فبشتري الجهاز من شانها حتى لو اشتري السنة الجاية ps3 والي بعدها x360 بس المهم العبه
لوست بلانيت كانت حصرية مؤقته على مدى سنه ونلزت عالبلاي3 بعدها ..
والحين نزلت نسخة مطوره من لوست بلانيت تحت اسم colonies
حصرية لل360..وهي تتميز بشي واحد
التركيز عالأون لاين .. اسلحة يديده وmode يديد تتحكم بالوحوش الحين في الأون لاين..
السينجل بلاير نفسه بالضبط النسخة العاديه

[ShinGundam]

أخوي
جهاز الـPS3 Free Region و الـ360 الأوروبي يمكن راح يخليك تنطر بعض الألعاب بحكم أن في ألعاب
Region Lock لذا أنصحك تاخذ PS3 الحين و لما تجي الكويت تاخذ الـ360 أمريكية

[K to the D]

لوست بلانيت كانت حصرية مؤقته على مدى سنه ونلزت عالبلاي3 بعدها ..
والحين نزلت نسخة مطوره من لوست بلانيت تحت اسم colonies
حصرية لل360..وهي تتميز بشي واحد
التركيز عالأون لاين .. اسلحة يديده وmode يديد تتحكم بالوحوش الحين في الأون لاين..
السينجل بلاير نفسه بالضبط النسخة العاديه

مشكوووووووووووووور جزيل الشكر :D

[junioreb]

لوووووووووووول
أخوي شنغاندم شقالولك ولد الشيخ و لا الخرافي أنا:33:
من صجك أشتري البلاي ستيشن3 و أرجع الكويت أشتري أكس بوكس 360:wow:
يعني بيطلع علي تقريبا 450 جنيه إسترليني:bigeyes:
تحسبهم شوي؟؟؟ وك أنا ياله إذا قدرت أيمع المطلوب بشتري البريمنيوم مع عرض
تقولي سوني 3 اللي إهي أغلى و لا :09:
لمن ترجع إشتر الأكس بوكس 360 و نعيش على بساط الفقر:D

على العموم مشكورين الجميع على معلوماتكم

[الفتاة المشاكسة]

السلام عليكم أخوي
أنا ما أعرف شي عن الأكس بوكس بس سمعت ان حتى الإليت ما سلم من مشكلة اللمبات الحمر
على كل حال انا أخذت بلاي ستيشن 3 موديل 40 جيجا من الوكيل بسعر1799 ريال
و انبهك إلى ان أحد الأخوه قال لا تشغل الإليت أكثر من 7 سبع ساعات انا أشتغل على جهازي أكثر من 12 ساعه و لما أقول أشتغل أعني كل شي لعب+أفلام+أنترنت
و لا تنسى ان البلوراي يخدم الجهاز ‏ ونسبة موت الأجهزه( مثل ما سماها موقع أمازون) للأكس بوكس :33%
للبي أس 3 : 0.02 %
‏(أعرف أمازون موقع للتسوق بس هاذي كانت إحصائيه موضع مناقشه بين الزبائن )
‏
مع تحياتي :
المشاكسة

[حياتي الكس بوكس]

وخير ياطير اللمبات الحمره في لها حل كل محل يصلحه
وانصحك اشترها من الكويت انت الي تختار الشرطان مو راعي المحل.

انا شاريه من الكويت 110 ويها 2 يده 3 شرطان.
وهذي نصيحتي.

وشكراً..

[حياتي الكس بوكس]

و97 شرطان حصريه على الكس بوكس والبلاي3 41 وكلهم سخيفات الى يمكن 2 بس وانصحك تشتري اكس بوكس واجد اعرهم شرو بلاي 3 وبعد شهر باوعه وشرو اكس بوكس وشرطان البلاي غاليه والاكس بوكس رخيصه وفيه بعد كوبي تقدر تنزلهم من الانترنت

[بحر الورود]

مسكين صاحب الموضوع :)

أخوي كل الي اعرفه ان الموديلات القديمة هي الي تشتكي من مشكلة اللمبة الحمراء أما الجديدة لا.... يعني باختصار تأكد من تاريخ الصنع يكون حديث أو خذلك أليت الأسود (بس تراه أغلى) وانا اقول دوم عندك وقت فراغ الحين اشتريه ولا تترد :bigok:

أنا ما يجيني وقت فراغ الى بعد سنة يعني راح اشتري ان شاء الله بعد سنه

وما متأكد اخذ بلي ستيشن 3 او اكس 360 بس عالأرجح بلي ستيشن 3 لأن أتوقع عمره أطول

بس الي يخليني احب الاكس 360 هو شيء واحد وهو lost planet شباب هاي اللعبة حصرية للاكس 360 ام لا؟؟؟؟؟ انا بش شفت كام فيديو للعبة واعجبت بيها كثير بس قالولي حصرية للاكس 360 صحيح؟؟؟ اذا صحيح فبشتري الجهاز من شانها حتى لو اشتري السنة الجاية ps3 والي بعدها x360 بس المهم العبه :D

سلااااااااااااام

كانت حصرية للأكس بوكس بس ألحين على الPS3 و الأكس بوكس و أنا عندي اللعبة على الجهازين و ماشي فرق إلى في القير أن قير الإكس بوكس يريحك في لعب ألعاب مثل Lost Planet

[Grand Marshal]

و لكن حبيت أعرف
الحين تطلع لك لمبة حمراء و لا زرقاء شنو يعني


على مدار اسبوع ماضحكت على شي كثر ماضحكت على هالكلمه هذي...

أهنّيك انا صراحه مشكوور :) You made my day

[saidkh11]

بالطبع توجد lost planet على ps3 لكنه لاتقارن أبدا مع اللعبة الخارقة لل xbox 360 وهي الأسطورة

العملاقة gears of war 2

صراحة لولا سلسلة gears of war لكان ps2 أقوى من x360

[dragon fury]

أنا (لحضة لازم يقول ماشاالله أول عشان مايخرب الجهاز ثم تبلشنا أبي جهلز أبي جهاز)أقول وشرايك تسكت وتخليني أكمل....المهم أنا جهازي الحين له سنة ونص تقريبا ماجته اللمبات الحمرا أبدأ...عشان كذا يقول أوخي الصغير (لازم يقول ماشاالله )