Scare_shade
06-06-2008, 09:41 PM
السلام عليكم ورحمة الله وبركاته
بسم الله الرحمن الرحيم
-
-
-
[ مقدمة ما منها فايدة ]
<-- اذا مستعجل على القصة , أشقح على طول :D
أحيانا أتأمل اللي حولي , وأفكر ومثل ما يقولون أسبح في خيالي
بس مؤخرا اكتشفت أن هالخيال ضحل , جايب العيد , من جنبها
ويزيد إضحلالا ووجابة للعيد في وقت الاختبارات والمذاكرة
أقعد أفكر وأتعمق في التفكير وأحيانا تخلص الأفكار وأقعد أدور بعيني
أشوف أي شي أفكر فيه ومرة طاحت عيني على مكيف , ولا يفوتكم
قمت أتخيل لو كنت مكيف وش بيصير :D , أيه وأنا أخوكم الاختبارات وما تفعل
وتزيد الأفكار الغبية على غباوة الطالب , أجل واحد يفكر أنه يصير كرتون مناديل
أجل أعرفوا أنه جحش في المدرسة !! ويزيد تأمل الطالب بعد كل ما
كان مولي طول السنة , ووقت الاختبارات يكون يومه الأول يفتح الكتاب
هذا يعيش أفكار تصلح قصص ورعان أم 4 سنين
يقولك مرة فاتح كتابي على الصفحة الأولى ساعتين كاملة ,
قاعد أتأمل قوطي الكولا جنبي حتى لو تسألني غيب عن شكله
عطيتك الوصف كامل , ولو أنه كتاب جبت العيد , بس صدقوني تصير كثير
وعشان أسكت الوالد والوالدة تشوفوني حاط الكتب فوق بعض
على الطاولة , أول ما يدخل الغرفة تطيح عينه عليها ويرضى عني
بس المشكلة كل فترة وفترة لازم أغير موقع الكتب ولا أنتكبنا
وقال الوالد الكتب لها أسبوع وهي على نفس الحالة , وش صاير ؟؟
يا واااد في النهاية يصرف أبوه ويقول أنا ذاكرت وأحتاج ترويح عن النفس
وأنتم عارفين الكتاب حتى ما شم ريحته
وهذا اللي فوق كلها تجارب شخصية نتيجة الاختبارات خخخ
<-- طيب والمطلوب من المقدمة خخخ
طيب زبدة الكلام كله :D .. ادعوا لكل طالب وطالبة ابتلاهم الله بالاختبارات
بالنجاح والدرجات العالية , ترا النفسية زفت و محتاجة عون :(
[ ابو اللي علمك تكتب مقدمات بس :D ]
[ نعنبآهآآآ من تجآآآره ]
مفلح مواطن كأي مواطن سعودي ولا يختلف عن شباب ديرته أبدا
فهو يتصف بالهجولة والهياط الشديدين اللي يتصفون فيه عيال ديرتنا
زاد الله في خيرها وخير نفطها , سيارته كامري مثل أي سيارة شاب سعودي
شايل منها الطيس ومظللها أسود وكاتب ورا [ أبو عذاب ماله حل ]
وحاط على جنب صورة القطو اللي يلحق تويتي خخخ
وطبعا راح 80% من عمر السيارة نتيجة الزحف في شوارع الهايوي في الرياض
ومن كثر ما عرفوا العساكر السيارة صار مطلوب أمنيا بدون صورة
يرجع آخر الليل وتستقبله أمه مزنه بقدر الطبخ بعيون حمرا ووجه غير بشوش أبدا
<-- يا زين أمهات حارة العليا بس خخخ
ولو شفت أمه نصيحة رح حب راس أمك ألحين خخخ
أما أبوه وجوده كعدمه , حطله دلة قهوة وتعيش سالم منه اليوم كله
غير أن رجله اليسرى تورمت من كثر ما يرفس مفلح أوقات الصلاة
ومفلح حياته على بعضها وما يدري وش يبي منها , لو تفتح راسه تشوف ثلاث أشياء لا رابع لهما
[ بلوت , كامري , منيرة ] بلوت , من الفضاوة هو وربعه صار كل واحد منهم
في جيبه ورق :D و كامري من حبه لها نقش على ظهره [ كامري تحت أوامري ]
ومنيرة هاذي خاشه عرض في الآونة الأخيرة
طبعا كانوا ثنين إلا مرة من المرات شاف مفلح بنت الجيران منيرة
بينما هو يزحف بالسيارة على شارع الحارة وشافها وهي تشيل كيس الزبالة , وتلاقت الأعين
وقامت الكاميرا تروح يمين على مفلح ويسار على منيرة
وتمشي بالحركة البطيئة بينهم , حتى ارتطمت السيارة بعامود اللمبة
وطاح في غرامها من أول نظرة , المشكلة البنت ما عبرته :أفكر:
وذات يوم والقمر مكتمل ومفلح فوق سطح البيت يناظر فوق
وهو لابس فنيلة بيضا وسروال سنة وطاقية
ويفكر بمنيره وعيونها الكحيلة وجلابيتها الحمرا مع الشيلة على راسها وهي تشيل كيس الزبالة
وقاعد يركب نجوم ويحط وجه منيرة وهي تضحك وهي تبتسم و تدلع
حتى طرحت على مخه المنتهي فكرة جهنمية عن بكرة أبيها
وقام يصايح على أمه في المطبخ : يمه ,, أبي أتزوج :D , وردت عليه أمه:
يا ثور تخرج من الثانوي واشتغل وجب فلوس وزوجناك
مفلح: تبينا نخيس 7 سنوات لين ما نشتغل بعدين يجي واحد ويعرس عليها
امعصي والله لو أبيع بيتنا عشانها مافيش مشكل :D
<-- أيه واجلسوا أنت وياها في الشوارع خخخ
وجلس يفكر مفلح في الآونة الأخيرة بأن يكسب رزقه بسرعة حتى يتزوج
ولكن لا حياة لمن تنادي فمن وين يجيب فلوس وهو له 6 سنوات
في الثانوي :D وصار شغله الشاغل منيرة في البيت والشارع والمدرسة
<-- يا شين المراهق لا طاح في حب وحدة خخخ
وجاه مرة خويه السربوت ناصر , حكيم المدرسة والمخضرم فيها
صار له 9 سنوات وهو في الثانوي: مفلح شكلك تحب ؟؟
<-- تحسون مخرج يبي يخلص من السالفة بسرعة خخخ
مفلح: أيه والله أني أحب والمشكلة الطفرة تشكي وأنا أخوك
ناصر: الحل عندي , الحل عندي يا بعدهم :naughty:
مفلح: تكفى حتى لو أشنق راس أمي بس أتزوجها
ناصر: لا ياخوك خل أم كشة على جنب نبي سيارتك حنا
وبكرة أبيك تجي عندي عشان أعطيك المهمة .
وعندما جاء البكرة جا مفلح وهو يدربي مؤخرته وسعابيله
تقطر من فمه يبي يخلص بسرعة عشان يتزوج بكرة :D
مفلح: ها وش تبي أخلص بس نبي فلوس
ناصر: بضاعة ونبيك توصلها, كلها بطاطس تسالي لمدارس الابتدائي في الشرقية
مفلح: بطاطس :D ؟؟ الله يكثر خيركم سويتوا خير في عيال الابتدائي
ناصر: ايه بس نبيك تخشها تحت الكراسي عشان ما يصيدونها التفتيش
ولا تعرف خذوا البضاعة وكلوها وخلوا عيال الابتدائي
مفلح: افا عليك نويصر , أنا اشهد أن هالعساكر مناذيل من يوم ما شفتهم
حاطين خوينا راشد في السجن عشانه يبيع عصير تفاح في بيته وأنا غاسلن يدي منهم :D
ناصر: ما علينا يلا ركب البضاعة ودق علي لا وصلت هناك.
وشغل مفلح السفتي وبدا مشواره أبو 3 ساعات حتى يوصل للشرقية
عدا التفتيش الأول على خير وهو ما يدري وش ربه حاطه فيه
مشغل المسجل ويهز راسه ويردد كلمات راشد الماجد
[ مشكلني حبك يا حبيب الروح مشكلني , ابعد عن الشر وغنيلوووه ]
:D وعند نقطة التفتيش الثانية وقفه العسكري: الرخصة والاستمارة لو سمحت !!
مفلح: ياخوك ما سويت شي الله يهديك بس بوصل بطاطس تسالي لعيال الابتدائي :D
يعني اذا فحطنا وقفتونا واذا سوينا خير بعد وقفتونا :D ؟؟
<-- جاب العيد خخخ
الشرطي: صفط على جنب لا هنت بنفتش السيارة
مفلح: قسم بالله مافيها ألا بطاطس تسالي ( يطلع كيس واحد ) شف أفتحه وبتشوف :D
الشرطي: مخدرات ها ؟؟؟ ( يطلع المسدس ) انت رهن الاعتقال يا مجرم أطلع برا السيارة
مفلح: مخدرات ؟؟ شكلك مضيع يالحبيب , اسأل خويي ناصر هو اللي عاطني البضاعة :D
يطلع الجوال ويدق على نويصر , مفلح : ألو ناصر كلم الشرطي نشب لأهلي يقول مخدرات :D
ناصر: لعانه تلعنك يا ثور انحش بالبضاعة تراها مب بطاطس , هاذي مخدرات
انفتحت عيون مفلح وارتفع القفص الصدري حقه وقام الجرح في أصبع رجله أيام سادس ابتدائي يعوره :D
<-- أوصف زي الناس ولا كل تبن خخخ
وشغل مفلح السيارة وهو يلعن اليوم اللي شاف فيه منيرة وحبها
و داس بنزين ودخل عرض يمين على البران وهو ماشي 200 والدوريات ورآآه مشغله السفتي
:D دخلوا في وسط البران وسط الربع الخالي وقطعوه عرض وطول ومفلح يحوسهم يمين ويسار
والدوريات تدربي وراه مثل الهطوف :D ووصلوا الشرقية بعد ما غرست نص سيارات العسكر
في وسط الربع الخالي في الطعوس والنص الثاني ماسكه في راسهم ماسكين مفلح يعني ماسكينه
<-- يا ويل ويله اذا مسكوه بس خخخ
ودخلوا وسط المدينة وسط المباني وهنا طلع مفلح
مواهب الشباب السعودي من تفحيط وزحف في الشوارع
<-- يلعن أم المواهب يا شيخ خخخ
وفي عدة دقايق صار مفلح في بر الأمان وهو يقول: الحمدلله أنه علمني التفحيط :D
وفي غضون دقايق أيضا كانت البضاعة في يد المستلم والفلوس في يد مفلح
ورجع مفلح للديرة لبيت منيرة سعيدا فرحا ومعه 4 ملايين ريال سعودي ودخل على أبو منيرة على طول بشيفته وثيابه الوصخة
وطلب يدها للزواج ووافقت منيرة , وتزوجوا بمهر لا يقل عن نص مليون وسافروا وراحوا شهر العسل في هاواي وشرا
فلة في حي العليا وسيارة بي أم دبليو وخلفوا ذرية بس أبشركم ما طلعوا مفحطين :D وصار مفلح من أكبر تجار المخدرات في الديرة
, نعنبآآها من تجارة , مربحة :D
[ ما يستفاد من القصة ]
1-خل عنك الهياط والهجولة ترا ما منها ألا الشر
2-اذا باع لك أحد شي , تأكد من البضاعة أول
3-انت موهوب !! بس لازم تعرف وش موهبتك أول
4-الفلوس مب كل شي , أهم شي الأخلاق
:)
بسم الله الرحمن الرحيم
-
-
-
[ مقدمة ما منها فايدة ]
<-- اذا مستعجل على القصة , أشقح على طول :D
أحيانا أتأمل اللي حولي , وأفكر ومثل ما يقولون أسبح في خيالي
بس مؤخرا اكتشفت أن هالخيال ضحل , جايب العيد , من جنبها
ويزيد إضحلالا ووجابة للعيد في وقت الاختبارات والمذاكرة
أقعد أفكر وأتعمق في التفكير وأحيانا تخلص الأفكار وأقعد أدور بعيني
أشوف أي شي أفكر فيه ومرة طاحت عيني على مكيف , ولا يفوتكم
قمت أتخيل لو كنت مكيف وش بيصير :D , أيه وأنا أخوكم الاختبارات وما تفعل
وتزيد الأفكار الغبية على غباوة الطالب , أجل واحد يفكر أنه يصير كرتون مناديل
أجل أعرفوا أنه جحش في المدرسة !! ويزيد تأمل الطالب بعد كل ما
كان مولي طول السنة , ووقت الاختبارات يكون يومه الأول يفتح الكتاب
هذا يعيش أفكار تصلح قصص ورعان أم 4 سنين
يقولك مرة فاتح كتابي على الصفحة الأولى ساعتين كاملة ,
قاعد أتأمل قوطي الكولا جنبي حتى لو تسألني غيب عن شكله
عطيتك الوصف كامل , ولو أنه كتاب جبت العيد , بس صدقوني تصير كثير
وعشان أسكت الوالد والوالدة تشوفوني حاط الكتب فوق بعض
على الطاولة , أول ما يدخل الغرفة تطيح عينه عليها ويرضى عني
بس المشكلة كل فترة وفترة لازم أغير موقع الكتب ولا أنتكبنا
وقال الوالد الكتب لها أسبوع وهي على نفس الحالة , وش صاير ؟؟
يا واااد في النهاية يصرف أبوه ويقول أنا ذاكرت وأحتاج ترويح عن النفس
وأنتم عارفين الكتاب حتى ما شم ريحته
وهذا اللي فوق كلها تجارب شخصية نتيجة الاختبارات خخخ
<-- طيب والمطلوب من المقدمة خخخ
طيب زبدة الكلام كله :D .. ادعوا لكل طالب وطالبة ابتلاهم الله بالاختبارات
بالنجاح والدرجات العالية , ترا النفسية زفت و محتاجة عون :(
[ ابو اللي علمك تكتب مقدمات بس :D ]
[ نعنبآهآآآ من تجآآآره ]
مفلح مواطن كأي مواطن سعودي ولا يختلف عن شباب ديرته أبدا
فهو يتصف بالهجولة والهياط الشديدين اللي يتصفون فيه عيال ديرتنا
زاد الله في خيرها وخير نفطها , سيارته كامري مثل أي سيارة شاب سعودي
شايل منها الطيس ومظللها أسود وكاتب ورا [ أبو عذاب ماله حل ]
وحاط على جنب صورة القطو اللي يلحق تويتي خخخ
وطبعا راح 80% من عمر السيارة نتيجة الزحف في شوارع الهايوي في الرياض
ومن كثر ما عرفوا العساكر السيارة صار مطلوب أمنيا بدون صورة
يرجع آخر الليل وتستقبله أمه مزنه بقدر الطبخ بعيون حمرا ووجه غير بشوش أبدا
<-- يا زين أمهات حارة العليا بس خخخ
ولو شفت أمه نصيحة رح حب راس أمك ألحين خخخ
أما أبوه وجوده كعدمه , حطله دلة قهوة وتعيش سالم منه اليوم كله
غير أن رجله اليسرى تورمت من كثر ما يرفس مفلح أوقات الصلاة
ومفلح حياته على بعضها وما يدري وش يبي منها , لو تفتح راسه تشوف ثلاث أشياء لا رابع لهما
[ بلوت , كامري , منيرة ] بلوت , من الفضاوة هو وربعه صار كل واحد منهم
في جيبه ورق :D و كامري من حبه لها نقش على ظهره [ كامري تحت أوامري ]
ومنيرة هاذي خاشه عرض في الآونة الأخيرة
طبعا كانوا ثنين إلا مرة من المرات شاف مفلح بنت الجيران منيرة
بينما هو يزحف بالسيارة على شارع الحارة وشافها وهي تشيل كيس الزبالة , وتلاقت الأعين
وقامت الكاميرا تروح يمين على مفلح ويسار على منيرة
وتمشي بالحركة البطيئة بينهم , حتى ارتطمت السيارة بعامود اللمبة
وطاح في غرامها من أول نظرة , المشكلة البنت ما عبرته :أفكر:
وذات يوم والقمر مكتمل ومفلح فوق سطح البيت يناظر فوق
وهو لابس فنيلة بيضا وسروال سنة وطاقية
ويفكر بمنيره وعيونها الكحيلة وجلابيتها الحمرا مع الشيلة على راسها وهي تشيل كيس الزبالة
وقاعد يركب نجوم ويحط وجه منيرة وهي تضحك وهي تبتسم و تدلع
حتى طرحت على مخه المنتهي فكرة جهنمية عن بكرة أبيها
وقام يصايح على أمه في المطبخ : يمه ,, أبي أتزوج :D , وردت عليه أمه:
يا ثور تخرج من الثانوي واشتغل وجب فلوس وزوجناك
مفلح: تبينا نخيس 7 سنوات لين ما نشتغل بعدين يجي واحد ويعرس عليها
امعصي والله لو أبيع بيتنا عشانها مافيش مشكل :D
<-- أيه واجلسوا أنت وياها في الشوارع خخخ
وجلس يفكر مفلح في الآونة الأخيرة بأن يكسب رزقه بسرعة حتى يتزوج
ولكن لا حياة لمن تنادي فمن وين يجيب فلوس وهو له 6 سنوات
في الثانوي :D وصار شغله الشاغل منيرة في البيت والشارع والمدرسة
<-- يا شين المراهق لا طاح في حب وحدة خخخ
وجاه مرة خويه السربوت ناصر , حكيم المدرسة والمخضرم فيها
صار له 9 سنوات وهو في الثانوي: مفلح شكلك تحب ؟؟
<-- تحسون مخرج يبي يخلص من السالفة بسرعة خخخ
مفلح: أيه والله أني أحب والمشكلة الطفرة تشكي وأنا أخوك
ناصر: الحل عندي , الحل عندي يا بعدهم :naughty:
مفلح: تكفى حتى لو أشنق راس أمي بس أتزوجها
ناصر: لا ياخوك خل أم كشة على جنب نبي سيارتك حنا
وبكرة أبيك تجي عندي عشان أعطيك المهمة .
وعندما جاء البكرة جا مفلح وهو يدربي مؤخرته وسعابيله
تقطر من فمه يبي يخلص بسرعة عشان يتزوج بكرة :D
مفلح: ها وش تبي أخلص بس نبي فلوس
ناصر: بضاعة ونبيك توصلها, كلها بطاطس تسالي لمدارس الابتدائي في الشرقية
مفلح: بطاطس :D ؟؟ الله يكثر خيركم سويتوا خير في عيال الابتدائي
ناصر: ايه بس نبيك تخشها تحت الكراسي عشان ما يصيدونها التفتيش
ولا تعرف خذوا البضاعة وكلوها وخلوا عيال الابتدائي
مفلح: افا عليك نويصر , أنا اشهد أن هالعساكر مناذيل من يوم ما شفتهم
حاطين خوينا راشد في السجن عشانه يبيع عصير تفاح في بيته وأنا غاسلن يدي منهم :D
ناصر: ما علينا يلا ركب البضاعة ودق علي لا وصلت هناك.
وشغل مفلح السفتي وبدا مشواره أبو 3 ساعات حتى يوصل للشرقية
عدا التفتيش الأول على خير وهو ما يدري وش ربه حاطه فيه
مشغل المسجل ويهز راسه ويردد كلمات راشد الماجد
[ مشكلني حبك يا حبيب الروح مشكلني , ابعد عن الشر وغنيلوووه ]
:D وعند نقطة التفتيش الثانية وقفه العسكري: الرخصة والاستمارة لو سمحت !!
مفلح: ياخوك ما سويت شي الله يهديك بس بوصل بطاطس تسالي لعيال الابتدائي :D
يعني اذا فحطنا وقفتونا واذا سوينا خير بعد وقفتونا :D ؟؟
<-- جاب العيد خخخ
الشرطي: صفط على جنب لا هنت بنفتش السيارة
مفلح: قسم بالله مافيها ألا بطاطس تسالي ( يطلع كيس واحد ) شف أفتحه وبتشوف :D
الشرطي: مخدرات ها ؟؟؟ ( يطلع المسدس ) انت رهن الاعتقال يا مجرم أطلع برا السيارة
مفلح: مخدرات ؟؟ شكلك مضيع يالحبيب , اسأل خويي ناصر هو اللي عاطني البضاعة :D
يطلع الجوال ويدق على نويصر , مفلح : ألو ناصر كلم الشرطي نشب لأهلي يقول مخدرات :D
ناصر: لعانه تلعنك يا ثور انحش بالبضاعة تراها مب بطاطس , هاذي مخدرات
انفتحت عيون مفلح وارتفع القفص الصدري حقه وقام الجرح في أصبع رجله أيام سادس ابتدائي يعوره :D
<-- أوصف زي الناس ولا كل تبن خخخ
وشغل مفلح السيارة وهو يلعن اليوم اللي شاف فيه منيرة وحبها
و داس بنزين ودخل عرض يمين على البران وهو ماشي 200 والدوريات ورآآه مشغله السفتي
:D دخلوا في وسط البران وسط الربع الخالي وقطعوه عرض وطول ومفلح يحوسهم يمين ويسار
والدوريات تدربي وراه مثل الهطوف :D ووصلوا الشرقية بعد ما غرست نص سيارات العسكر
في وسط الربع الخالي في الطعوس والنص الثاني ماسكه في راسهم ماسكين مفلح يعني ماسكينه
<-- يا ويل ويله اذا مسكوه بس خخخ
ودخلوا وسط المدينة وسط المباني وهنا طلع مفلح
مواهب الشباب السعودي من تفحيط وزحف في الشوارع
<-- يلعن أم المواهب يا شيخ خخخ
وفي عدة دقايق صار مفلح في بر الأمان وهو يقول: الحمدلله أنه علمني التفحيط :D
وفي غضون دقايق أيضا كانت البضاعة في يد المستلم والفلوس في يد مفلح
ورجع مفلح للديرة لبيت منيرة سعيدا فرحا ومعه 4 ملايين ريال سعودي ودخل على أبو منيرة على طول بشيفته وثيابه الوصخة
وطلب يدها للزواج ووافقت منيرة , وتزوجوا بمهر لا يقل عن نص مليون وسافروا وراحوا شهر العسل في هاواي وشرا
فلة في حي العليا وسيارة بي أم دبليو وخلفوا ذرية بس أبشركم ما طلعوا مفحطين :D وصار مفلح من أكبر تجار المخدرات في الديرة
, نعنبآآها من تجارة , مربحة :D
[ ما يستفاد من القصة ]
1-خل عنك الهياط والهجولة ترا ما منها ألا الشر
2-اذا باع لك أحد شي , تأكد من البضاعة أول
3-انت موهوب !! بس لازم تعرف وش موهبتك أول
4-الفلوس مب كل شي , أهم شي الأخلاق
:)