"و أنا فالسيارة"... موضوع قصير بس تحول لرواية P: ... و أور دايريكتور...

[Rave Master]

السلااام عليكم و رحمة الله و بركاته ^^

:D<<< أكيد سوات مستانس الحين دام أن هالسمايلي صار ضمن قائمة السمايلات اللي في المنتدى
>_>" ياااااه ما أقدمج يا ريفاااا :wow: <<< يحليله حاسه بتطلع روحه هالسمايلي :09:

هلاااااااااا أنا تماااااااام الحمد لله بخييير و أنتوا أخباركم علومكم وينكم محد يشوفكم
( يالله اليوم أنا ما بخلص سلام و وراي صف طويييييييييل من الأعضاء أسلم عليهم :boggled:) <<< أي صف طويييييل؟!؟!؟! ما اشوف حد:09:

يه يه يه و اليوم تذكرت يوم أني أيام الثانوية كنت مشاركة فالمنتدى و كيف كنت عضوة فعـّالة فالمنتدى <<< فعـّاله طل :أفكر:

أهلي دخلوني مدرسة حكومية صغييييييييييرة... كانت فحارتنا ... كبرت و الحمد لله درجاتي تمام.... تخرجت من المدرسة وقبلوني الكلية و الحمد لله امشية تمام بس طلع لي الرياضيات أول سنة و رسبت فيه، خذته معاي السنة اللي بعدها و بعد رسبت و الحين عدت السنة علشانه و حاليا مسيطرة على الوضع ... وبما أني أعيد السنة بس علشان رياضيات كان عندي وقت فراغ كبيرو استغليته....و يا اليوم اللي أطلع فيه أفكاري و أحلامي للعلن لكن تجري الرياح بما لا تشتهي السفن و الكل يعارض و لا يعطيك الأسباب.... و تذكرت سنيني اللي طافت من شاركت بهالمنتدى ... و قلت و الله كبرت و كبرتني معاك يا منتدى المنتدى ....
HSBS أمانة علينا أن نكون معكم في كل خطوه :wow:
>>> ينت الأخت >_>"

يا أعضاء يا كرام... انا اليوم ياية أسلم عليكم و أخبركم عن شي حلوة شو هالشي؟! بخبركم فيه بس المشكلة هو موضوع صغيييييييييييييييييييييييييييييييير جدا فلازم أطلع سوالف شوي و هذربان علشان أطول الموضوع D: ...

و بما أني خلصت إإمتحاناتي السبوع اللي طاف... قلت ليش ما أنزل موضوع دام أني كنت أصور في الكلية بس علشان هذا الموضوع (طبعا الموضوع كان بينزل من 3 أسابيع بس تأخرت أنا)...
و بما أن بنات أفكاري الحبيبة حابة تطلع و أنا مسطلة و النوم مالي عيني و خلاص واصلة حدها مو قادرة أبطلها إللا بالغصب لدرجة أن احس الماي اللي فيها جف :silly: <<<< تراني كاتبة الموضوع من 3 أسابيع خخخخخ
قلت أدخل و أقول لكم كم سالفة بما أني اشتهرت بالمجتمع <<<أقول جلبي ويهج :yuck:

أقول ترا حطوني فالجريدة بس للحين ما شفت هالجريدة ..:09: و موجودة صورتي على موقع من المواقع بس ما لقيته :silly:.... و قالوا لي أني صارت معاي مقابلة و نزلوها على اليو تيوب بس ما لقيتها لحد الحين .... أنا ابغي اعرف هالناس كيف يشوفون هالأشياء و أنا صاحبتها ما شفتها للحين >_<"
(بس لا تصدقون وايد بعدين تتعبون نفسياً :p )


السالفة الله يسلمكم من 3 أسابيع و أنا رايحة الكلية (و أنا فالسيارة) خخخخخخخخخخخخخ
لحظة لحظة تذكرت سالفة بقول هالسالفة بعدين بقول سالفة الكلية D:

السالفة الله يسلمكم كنت قاعدة مع ربيعاتي في الكلية و كلنا ملتمين و سوالف و حركات و ترقيم<<< ايه مصختيها >_>"
لووول قلت لهم سالفة بـ6 دقايق هاهاهاها أتحدا حد منكم يالبنات يقول سالفة ب6 دقايق ... أقل سالفة تقولونها يالبنات بنص ساعة هذا لو ما كانت بساعة او أكثر :D <<< أقول مو جنج تغلطين و أنتي وحدة منهم؟!؟!

أكيد أنا وحدة منكم XD
المهم ... السالفة أطلقنا عليها عنوان "و أنا فالسيارة" ..... السالفة كانت عبارة عن مغامرة من مغامراتي اللي تصير معاي و أنا أسوق السيارة هع هع هع ..... ( شوماخر ما يسوي مغامراتي هذه :D )


هي السالفة لو بقولها ما بتاخذ دقيقة أو ثنتين ....بس علشان التغليس و ليش عيبتني سالفة الترديد كل شوي... طولتها و خليتها 6 دقايق :wow:


تخيلوا حد يردد على راسكم "و أنا فالسيارة" 5 دقايق و رابعض!؟!؟!؟ بتتحملون؟؟ و للا بتصفعون اللي يقول السالفة!! :smashfreakB: و للا بتقومون و بتروحون بعيد علشان راسكم ما يعوركم زيادة؟! :D


للعلم أن ربيعاتي فضوليات و إللا يعرفون السالفة خخخخخ طبعا و أنا أردد الكلمتين طلعنا أبيات صغيرة أنا و ربيعتي (ثنتين محششات قاعدات عند بعض عن شو تتوقعون الأبيات تكون؟! :naughty:)
القصيدة هي... إحم إحم :

(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

<<< وقفنا هني XD
طبعا ربيعتنا الثالثة تقول "خربانات" :wow: خخخخخخ

(هذه بس سخافة انقالت يعني لا تمت بالحقيقة بــِصـِلَة :D )

الحلو اللي صار هاك اليوم و أنا أقول السالفة ربيعتي الثالثة كانت تسجل السالفة علشان جي عرفت وقتها... قهر مسحتها بالغلط T__T
السالفة و ما فيها كنا طالعين من الصالون أنا و بنت أختي و أختي الصغيرة (خواتي مخلصين قبلنا و راحوا عنا)... على أساس أننا بنروح بيت أختي في عيمان بنتلبس لملجة (ملكة) أخوي و بنروح بيت العروس في الشارجة...
و أنا في السيارة :D <<< الله يخليج لا تعيدينها مو ناقصين >_<"

كنت أتكلم مع بنت أختي و نحن في الدرب... و أقول لها عن تأخرنا الدائم لأعراس أو مناسبات خاصة فعائلتنا... النحاسة و عمايلها :28:

و أنا أكلمها طلعت أغنية ... أردد فيها >>> دايما متأخرين دايما متأخرين دااااااااااايما متأخرين... يللا يا إشارة خلصينا و شبي يا خضرا خلينا نوصل ...و بعد ما شبت الإشارة الخضرا أقول يللا يا سيارة تحركي و يللا يا تكسي خلصني....
يعني أي شي أشوفه حواليني أحطه فإغنيتي ههههههه

و بنت اختي و اختي يدقون و يرددون وراي :D (هبلات الحمد لله و الشكر :silly: )
( أصلا بديت أقول السالفة علشان أخبرهم بالأغنية العبيطة اللي طلعت معاي في السيارة XD و طولت السالفة لأن عيبتني الحركة و حبيت أغلس و أرفع ظغط الربنات هههههههههه )


(بس تخلص سالفة و أنا فالسيارة هني XD ... بكمل شو صار معاي قبل ما اوصل بشوي...)

في طريق العودة من الصالوون

الجو متوتر لأننا متأخرين و خواتي يتصلون فيني و انا مستطربة ما أرد ع التلفون وصلنا عند بيت اختي و دخلت و للا أشوف اختي تقول بسرعة بدلوا ملابسكم لأن بتلحقونا بسيارتي الصغيرة و زوجي بيودينا نحن... أناع :wow:... أقول فخاطري... ماباااااااع كااااشخة ما أبغي كشختي تخترب T__T<<< هي اختربت اختربت تراج سقتي من الصالون للبيت :D

قلت لها أوكي أختي... و بدلنا و ركبنا مرة ثانية... أختي الصغيرة و بنت اختي ورا قاعدين... أنا أسوق و أختي اللي أكبر مني قاعدة جنبي... للعلم أنها كانت حامل هذيج الفترة و ما كنا نعرف خخخخخخ <<< وايد يضحك يا عبيطة >_>" ؟!؟!؟!

ماذا حدث؟

سمعوا شو صار XD
انا ما أدل بيت العروس... (مرت أخوي)... يعني ريفووه عليكييي بلحاق زوج أختوووكييي... زوج أختي كل دروبه إختصارات... راح من درب قريب من بيتهم و الشارع كانوا يعدلونه ذاك الوقت يعني للحين مش مخلص و كله رمل :أفكر:

انا يحليلي أسوق الألتيما و هو عنده الأرمادا يتحراني أسوق ستيشن ><"... و المنطقة كلها رملة يعني عادي الألتيما تغرز و أختي تتصل تبغي تقول لي ما امشي على الرمل وراهم و اروح من الدرب الطويل و انا ما أرد... ما عندي واحد و للا ثنين بظيع بدونهم <<< روبوت ما تفكر بحلول ثانية لووول
و أدخل في الرملة و بكامل سرعتي ريولي على الرييييييييييس و السياره ترقص يمين و يسار و را ورا وراااا عاشوووو عاشووو يوؤ يوؤ يوووؤ :09: <<< بسج خلاص >_>"

و اختي شوي و تطلع روحها (هي اللي حامل) وانا اضحك و اقول لهم شوفوا ويلااات رملية مواهاهاهاهاهاااااااي... درفت درفتتتت (السكان(دريكسيون) صعب التحكم فيه خخخخ) و طبعا القير يتغير كل شوي و للا كيف السرعة تزييد P: و الدرفت شوووووووو الله لا يراويكم هههههه ... و بنت اختي من ورا ريفوووه شوي شوي T__T... و انا بعدني أضحك و اقول درفتتتت يا بنت الحلااال لازم تستانسين:09: <<< تسريحة بنت اختي راحت فيها هههههه
(الحمد لله انا كنت بس مسشورة شعري XD )
أخيرا وصلنا الشارع و اللي على يميني خلاص شوي و ترجـّع XD
و اللي قاعدين ورا اونهم مستانسين بس شكلها وحدة منهم سوتها فعمرها من الخوف :D
والحمد لله وصلنا بسلااام... :biggthump

خلاص دام أن الموضوع طول خل أكمل اللي عندي... نرجع للسالفة الأصلية خخخخخ


و أنا فالكلية


و أنا رايحة الكلية :D ... وصلت من وقت <<< يااااه سبحان الله
للعلم رايحة بالباص <<< للحين ما عندها سيارة خخخخ تستغل زيارتها لأختها و تسوق سيارتها :D
(الله و أعلم متى بتوصل صديقتي العزيزة T__T <<<قصدها سيارتها خخخ )

المهم كان عندي إمتحان ماث كبير قبل الفاينل يسمونه MOCK Exam بالعربي نموذج عن إمتحان النهائي...
رحت الإمتحان و خلصت و طلعت رايحة صوب صديقاتي... و شفت وحدة منهم فطريقي و سلمنا على بعض و قعدنا نمشي... وصلنا Block C و يوم دخلت شفت شي غريب على أغلبية اللوكرات (خزائن الكتب)<<<الله على الترجمة بسP:

و لما قربت علشان أشوف شو هالشي قلت ربيعتي أعرف هالشي وااااااه خل أصوره بحطه في المنتدى بسوي موضوع... هع هع هع و طبعا شاقة حلجي على الأخير و مستانسة

صورت و مشينا لين كلاس صديقاتي سلمت عليهم و قعدنا نسولف و مر الوقت و يا وقت كلاسي قلت لهم بروح كلاسي

هذه صورة نمبر ون... لاحظوا اللوكر اللي مفتوح :D <<< مش لوكرها ههههه

http://www.montada.com/picture.php?albumid=365&pictureid=2139

هع هع بالأول ما فكرت بشي لما شفت الشي <<< شعندج تتكلمين بألغاز >_>"
هع هع بفاجعكم بعد شويي XD

خلصت كلاسي اللي في Block C و رحت لـ Block A علشان أفر كتبي في لوكري و أروح أتغدى مع ربيعاتي
ولما وصلت شفت نفس الحكاية اللي موجودة على اللوكرات اللي في Block C كنت بصور بس قلت خل أنطر بعدين لين ما اخلص كلاسي الثاني اللي يبدأ من 1 و نص لين 4 و نص عصراً و لأن فترة العصر البنات يخفون في الكلية و باخذ راحتي في التصوير XD
و طبعا قعدت أفكر و أقول شالسااالفة :33:

خلصت كلاسي و رجعت صوب لوكري علشان أصور و أفر الكتب فيه XD

هع هع شوفوا لوكري :D

http://www.montada.com/picture.php?albumid=365&pictureid=2141

شرايكم كذااااع :biggthump صح :D

و هذه صورة للوكرات المجاورة للوكري... يعني جيراننا (جيراني أنا و لوكري :09:)

http://www.montada.com/picture.php?albumid=365&pictureid=2140

و بعد هذا كله أتوقعكم تقولون شو عندها هذه... ههههههه
و تبون تعرفون شفيها هاللوكرات؟!؟!

أوكي شوفوا هاللوكر اللي عند لوكري <<< لوكر ريفووه ما فيه مكان علشان جي ما حطوا عليه شي xD

أنا أتوقع اللي كان يلزق الملصقات خاف مني :33: <<< روحي زييين >_>"

http://www.montada.com/picture.php?albumid=365&pictureid=2142

و لااا شو كاتبه على الورقة صاحبته خخخخخخ وش ذا؟... هي هذه يا إما أنها ما تشوف و للا ما تبغي تشووف :09:
يعني شو بيكون غيره أنه موقع و لاااا عنوانه منتدى يا حلوة خخخخخخ <<< أقول بلا استهبال >_>"

أنا درست الظاهرة هذه و طلعت بهالإستنتاجات P:

شوفوا.... هي واحد من الأثنين...
يا إما دايركتور كان فكليتنا يسوي دعاية لمنتدى المنتدى :09:
و للا أنه عنده أحد من أهله معانا XD
و أنا أتوقع الثانية P:

و هذه سالفتي و سخافتي اللي من زمان ما طلعتها و كيفكم يت عليكم انا مالي خص خخخخخخخ

ما يستنتج من قصة ريفووه:

1. إذا أنت تعبان و مالك خلق لا تقراها لأنها ما عندها سالفة تخلي سالفة دقيقة وحدة ب 6 دقايق
2. أعترف أن موضوعي فاضي و فيه نوع من أنواع الغلاسة :D
3. أحلى شي سويته الدرفت بالسيارة (علما أن القير كان أتوماتيكي:wow:) <<< يالله على الإكتشاااف بس
4. روحوا الصالون من وقت علشان ما تتبهدلون... مع أني كنت هناك من وقت T__T و ملجة أخوي وصلناها الساعة 9 و نص قريب العشرة بالليل <<< أهل المعرس أخر الناس >_>"
5. دايريكتور سأمسك بك يوما ما و أنت تحوم في كليتنا :09:
6. لوكري و لوكر وحدة من البنات في آخر الممر نحن الوحيدات اللي لوكراتنا عليها صور ههههه
<<< هذا إن دل يدل على الفياجة P:
( طبعا ألاقي تعليقات على لوكري و هذا الشي يسعدني ) XD
7. الإجازة مللللللللل ><"
8. أنا وحدة كسووووولة بس اليوم تنشطت و قلت لازم أخلص هالموضوع خخخ
9. ما عندي وقت لازم أروح أتجهز لأن بروح الكلية علشان كم شغلة نسيت أخلصها السبوع لالي طاف (ما برتاح فإجازتي انا ><")
10. أحبكم كلكم .... ردوا على موضوعي لو أنه طويل و سخيف خخخخخخ
<<< مو كأن في أشياء مالها أي علاقة بالإستنتاج؟؟؟

لوول أترك لكم باقي الإستنتاجات لأن وراي باص لازم ألحق عليه خخخخخخ

نشوفكم على خير و نرجوا أن ينال موضوعنا رضاكم

و دايريختووور... انا وراك وراك و الزمن طوييل <<< لايشوف الجملة و أنتي باجر في الباي باي خخخخخ

[man for girl]

أتشرف أكون أول من رد عليك
بس ويش القصه<<<<<<محشش

[Rave Master]

أتشرف أكون أول من رد عليك
بس ويش القصه<<<<<<محشش


الشرف لي ياخي... كلللللوووش رد طازة مع الموزوووع خخخخ بس خسارة ما تعرف شو السالفة P:

ما أذكر الصراحة:33: ... انا بروحي محششة أكثر منك :D
أنت قريت الموضوع؟؟؟ :D

[رعبه]

وانا فالمنتدي :ds011: خخخخخخخخخخخخخخخخخخخخخخ <<< ما تقلد موو :09:
ياااااااااااااااااااااااااااااا دبشه اللى عليه الكلام ما حطيييييتييييييييه :boggled:
وين الصور هااااااااااااااااااع :ds010:
ولا من العجله والهلوسه نسيتيهم :D خخخخخخخخخخ
بس وناسه الموضوع :biggthump
بالذااات فالسيارة :driver:خخخخخخخخخخخخخخخ
وتعالي يا الخبله اختك صار لها شي ولا سليمه :nurse:؟؟ طمنينا عليهااا:sgrin:
وعقبال ما يصير لك سياره نطلع نتمشي فيهااا :ridinghorse:<< انتي ليه قاطه بسيارتها هااااع :ds020:
لا تطولين الغييييباااات هاااااع :jap038:
وصح ويلكم باااااك :jap021:
لااااااااااااااااااع كنت ابي اصير الاوليييي تهى تهى :ds007:
بس الثانيه مش بطاله :ds015:
تشخراااااااااااااااااات & تسلمات

[Rave Master]

وانا فالمنتدي :ds011: خخخخخخخخخخخخخخخخخخخخخخ <<< ما تقلد موو :09:
ياااااااااااااااااااااااااااااا دبشه اللى عليه الكلام ما حطيييييتييييييييه :boggled:
وين الصور هااااااااااااااااااع :ds010:
ولا من العجله والهلوسه نسيتيهم :D خخخخخخخخخخ
بس وناسه الموضوع :biggthump
بالذااات فالسيارة :driver:خخخخخخخخخخخخخخخ
وتعالي يا الخبله اختك صار لها شي ولا سليمه :nurse:؟؟ طمنينا عليهااا:sgrin:
وعقبال ما يصير لك سياره نطلع نتمشي فيهااا :ridinghorse:<< انتي ليه قاطه بسيارتها هااااع :ds020:
لا تطولين الغييييباااات هاااااع :jap038:
وصح ويلكم باااااك :jap021:
لااااااااااااااااااع كنت ابي اصير الاوليييي تهى تهى :ds007:
بس الثانيه مش بطاله :ds015:
تشخراااااااااااااااااات & تسلمات



لا تقلدييييييين :12:

هلااااااااع يا دبوووشااااا.... لوول شوفي الذكية ريفا... رايحة رافعة الصور في القاليري تبعها <<< توفر وقت و عناء خخخخخخخ
و الأخت مخلية القاليري ((خاص - تظهر محتوياته للإدارة فقط)) أما أكبر ذكية طلعت انا :silly:
أوني برايفت و خاص و حاله خخخخخخخخخخخخ
يلعن أم التطور بس... أوني أسوي روحي فاهمة في الكمبيوتر:D (طل بويهي... الله يعيني بتخصصي السنة الياية خخخخ)
ما نسيتهم يا حلوة... أنا عمدا تنيذلت و خليتهم غير ظاهرين لكم أبغي دايرختور يشوفهم قبلج شو تقولين أنتي ظفي وجهشششش بس :09: <<< الله على التصريفة
الحين شوفيها أعتقد بتظهر لج لأني حولته لمعرض عااااام يطول لي بعمرج :biggthump

أهم شي عجبج الموضوع... وهذه السالفة اللي في السيارة ما أنساااها ما حييييت... وايد صارت لي سوالف و أنا فالسيارة و لو عجبتكم الفكرة أكتبهم هني في الموضوع :D <<< كسوولة تقول بس ما تسويها... تلاقونها كل سنة منزلة رد بالموضوع :09:

أي و الله تعالي نسيت أختي :wow:.... لحظة أروح أتطمن عليها :09:
الحمد لله أختي ولدت تاريخ 26-5 و عندنا الحين بنت صغنونة فبيتنا سميناها عائشة ... أدوس فبطنها كل ما سنحت لي الفرصة :D <<< كفاية انها انخضت كاللبن في بطن أمها و بعد تدوسينها يا مجرمة ><"
هع هع علشان تصير قوية من هي و صغيرة ما تعتمد على احد غير نفسها :silly:

خليها تطلع السيارة و فالج طيب... تعالي بيبتنا و كل يوم أطلعج :D
لااااع ماني بمطولة بالغيبة... بس أحب أتغلى :D
و ثاااانكس على الولكمنق... و مواهاهاهاهاهاهااااااااي انا الأولى محد قالج تتعايزين يالعيوووز... خلج على كسلج <<< باين من الكسوول فيكم >_>"
أي مش بطالة... بس الأولى غيييييير من ناحية الشعور و القوة و الجمال و البطيخ ... الله اشتهيت بطييخ خاطري فبطيييخ بروح أشوف لو في بطيييييخ (سمايلي لعابه يسييل) <<< اقول سكتي بس سكتي

تعفوااااااااات و تشخييييرااات على كيفج و انتي نايمة :09:
مشكووووووووووووور أرباب كتير كتير مشكوور منشان زيارة مال أنت... أنا واااااااااااااااجد واجد يستانس منشان هزا رد مال أنت :D

يعطيج العافية و ردي بعد ما تشوفين الصور خخخخخخخ <<< ما يكفيها رد واحد :silly:

[Levana]

هلآآآآع ريـــ‘فـو :D..

شلـونج.. آخبـآرج يآلدوبهـ هع ..؟ّ!

صرآحتـون قوصهـ طويلهـ دوختـي رآسي :09:..

(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

لووووووووووووووولوز مآ شآء الله شو هـ القصيـده XD

بسـ بسـ ريـفوهـ تعآلي هون آسألج آنتي مآخذه جوينت!! عآدي عآدي قولي مآ آعلم ">.> ..

×ـخخخخخخخخخخخخخخخخـ×

آني ويززز يســلمو علىآ هيكـ قوصهـ هع :D..

[Mahdee87]

السلام عليكم

سوحقن لكم ايوها الفتيات http://xs128.xs.to/xs128/08246/msgplus_img0786903.png

صار لي ساعة ادور على الجوهر الأساسي للموضوع

فعلا انك دوبة :tongue2:

اولا اهلا وسهلا بيكي مرتن أخرتن

كمان ما شاء الله دايركتور يحاول ينشر اسم المنتدى في كل مكان خخخخخخخخخخخhttp://i237.photobucket.com/albums/ff133/onionethan/onion_Emoticons/053_XD.gif

خلني أنشر لك شوية دعايات عنا في الجامعة http://i237.photobucket.com/albums/ff133/onionethan/onion_Emoticons/102_.gif

يسلموا على الموضوع الجميل

والله يخليلنا دايركتور الذي دائما يحرص على الارتقاء بالمنتدى http://xs128.xs.to/xs128/08245/king315.gif

[Sander]

تخيلوا حد يردد على راسكم "و أنا فالسيارة" 5 دقايق و رابعض!؟!؟!؟ بتتحملون؟؟ و للا بتصفعون اللي يقول السالفة!! و للا بتقومون و بتروحون بعيد علشان راسكم ما يعوركم زيادة؟!
معليش يعني بس منجد راسي وجعني و مالي خلق أكمل موضوعك..
صدق من قال الحريم يحبون الثرثرة و السوالف الفاضية :ponder:
مشكورة عالموضوع.. و لا عاد تجينا .

__________________

Ignorance is No Excuse

(Loneliness Hurts)
Along the way, I have lost many precious friends I made, I am getting use to it as well, but I would really like to have a way to stop this

Current Status: Inactive
--------------
حلف شياب المنتدى (http://www.montada.com/group.php?groupid=38) :ds015:
^
للشياب و المغبرين فقط :ds022:
______________________________________________________




































































































مافيه شيء تحت وش تدورين؟ أتكلم جد.. مالي خلق لا أقرأ موضوعك ولا أرد عليك :28:

:dot:
__________________

Ignorance is No Excuse

(Loneliness Hurts)
Along the way, I have lost many precious friends I made, I am getting use to it as well, but I would really like to have a way to stop this

Current Status: Inactive
--------------
حلف شياب المنتدى (http://www.montada.com/group.php?groupid=38) :ds015:
^
للشياب و المغبرين فقط :ds022:
______________________________________________________




































































































كيف الماوس حقك بس ؟ :006:

حركة قديمة و مكشوفة بس تنفع كعقاب للي يحبون المط زيك :knockedout:
رد ممطوط عالآخر :D
اجل نص الموضوع مقدمة؟ بلاه تأثير الرياضيات أكيد :D
الله يعينك.


(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة)
:D حمارة عاد.. صدق شلة سكارى :09:

أقول موضوعك فاضي ومدري وشي يبي بالضبط
كان مفروض أضيف رد فاضي لك بس قوانين المنتدى ما تسمح :09:
لذلك ضفت رد نص فاضي :09:


و أقول الله يعينك عالماث، توني مفحط بإختبار بن كلب و شكلي جبت العيد :D
باقي ننتظر المكتوب الرسمي ليأكد الخبرية السعيدة عشان نحتفل سوا :biggthump

أحلى شيء بالموضوع كله اللوكر حقك ، كذه :biggthump
و مقطع الدرفت شيء خخخخخخ المره الجايه لا تسوقين الله يخليك :driver:

يسلمو و ثاني مرة لا تمطين السوالف عسب ما نمط الردود :silly:

[S.W.A.T._911]

وعليكم السلام ورحمة الله وبركاته :D

اهلين ريفا الزايك يابت .. عامله ايه :D
شفت موضوعك قبل فترة بس ما قدرت ارد , كيبورد اللاب خربان عندي
بس ما عليك الحين دبرت لي كيبورد بالغصب خخخ
<< تقول قصة حياتك انت ؟ رد وضف وجهك بلا فضايح :D



:D<<< أكيد سوات مستانس الحين دام أن هالسمايلي صار ضمن قائمة السمايلات اللي في المنتدى

يووه من صدقك .. مستانس وبس :D
تصدقين ودي اسوي حفلة على شرف الايقونه ذي خخخخ
( صورة الايقونة وهي مرتاعة :wow: وتقول هذا جزاي اللي وثقت فيك تسوي حفلة على شرفي :D )
<< فاهمة الشرف غلط :D خخخ
( اعتقد قلت اسوي حفلة على شرفك مو حفلة بشرفك خخخخ في فرق يا خبلة :D ) << يكلم ايقونته مالكم شغل خخخ

لا جد والله مبسوط :D
والبركة فيك انتي وفوكس وبقية الزملاء اللي كافحتوا على شانها :أفكر:


و النوم مالي عيني و خلاص واصلة حدها مو قادرة أبطلها إللا بالغصب لدرجة أن احس الماي اللي فيها جف
حشى سلحفاة تتولد :D مو بنت تكتب موضوع خخخ



السالفة الله يسلمكم من 3 أسابيع و أنا رايحة الكلية (و أنا فالسيارة) خخخخخخخخخخخخخ
لحظة لحظة تذكرت سالفة بقول هالسالفة بعدين بقول سالفة الكلية D:

ذكرتيني بالمنعطفات الاجبارية اللي على الطرق خخخ
الواحد ماشي في أمان الله فجأة لوحة صفرا تحسينها تتبتسم بخبث وتقول
( سوري هناك أعمال قائمة :D تبي تطلع يمين تبي تطلع يسار .. تبي تطمر رصيف مالنا شغل ! دبر نفسك :D )


السالفة الله يسلمكم كنت قاعدة مع ربيعاتي في الكلية و كلنا ملتمين و سوالف و حركات و ترقيم<<< ايه مصختيها >_>"
لووول قلت لهم سالفة بـ6 دقايق هاهاهاها أتحدا حد منكم يالبنات يقول سالفة ب6 دقايق ... أقل سالفة تقولونها يالبنات بنص ساعة هذا لو ما كانت بساعة او أكثر <<< أقول مو جنج تغلطين و أنتي وحدة منهم؟!؟!

صحيح ليه كذا انتوا ؟ :boggled:
ودي اسمع بنت تقول سالفة لحالها بدون ما تدخل يمين يسار وتتشعب خخخ

حنا على سبيل المثال .. مثلا رجال تأخر على دوامه
يوم وصل لاصحابه هناك سألوه سلامات شفيك تأخرت ؟
ابد والله .. بس صار معي بنشر وتأخرت شوي ..
بس .. هذي هي السالفة :D

شوفوا الوضع مع البنت
وصلت متأخرة عند صاحباتها بالدوام
سلامات شفيك تأخرتي خفنا عليك ؟؟
يووه يا بنات .. بقولكم سالفة بغيت اموووت اليوم :D
البنات خير وش فيه :wow:
قعدت الصبح اوكي .. رحت لبست ملابسي اللي شريتها قبل امس :D
اصلا كنت طالعة للسوق ذاك اليوم مع اختي ما كان عندي شي .. بس شفت الملابس هذي برا المحل معروضة وطار عقلي وقلت مافييييه لازم اشتريها :09:
طبعا ما اخذت نفس اللون المعروض اخذت لون ثاني على شان ......
بعد خمس دقايق ...
الحين انا واقفة عند الاشارة حلو ؟ :D وقفوا جنبي شباب مطولين على المسجل الله ياخذهم فقعوا طبلة اذني
كيف لهم خلق يغازلون على الصبح ؟ عالم غريبة :ponder:
يوم فتحت الاشارة انا لفيت يسار وهم كملوا سيدا .. ما بغيت افتك منهم :blackeye:
حسيت اني تأخرت شوي قمت أسرعت .. وانا غااافلة تخيلو كنت سرحااانة مرررررررررة :D
والا تبنشر السيارة وهي تمشي :wow: << شراي امك يعني ؟ في سيارة تبنشر وهي واقفه ؟ خخخ والا لزوم التهويل بس :D
يوم وقفت السيارة كنت خايفة مرررة .. قعدت يمكن خمس دقايق وانا ماسكة السكان ومتجمدة :D
حدا البنات : بسم الله عليك :(
مشكورة حبيبتي وهـ بس يلوموني فيك :D
عاد اتصلت على اخوي وجاني بعد ربع ساعة وصلحها ..

شوي والا يرن تلفونها ... ألو ؟ هلا يمه شلونك حبيبتي .. يمه ما تدرين بغيت اموت اليوم :D



(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

<<< وقفنا هني XD
طبعا ربيعتنا الثالثة تقول "خربانات" :wow: خخخخخخ

(هذه بس سخافة انقالت يعني لا تمت بالحقيقة بــِصـِلَة :D )

أكيد وقفتوا ؟ خخخ
مدري ليه احسكم مسكتوا خط ودعستوا :D
يا حليلها ربيعتكم الثالثة احسها انصدمت منكم بقوة خخخ

ابياتكم ذكرتني باغنية شعبية قديمة خخخ

موتر (ن) قفى به المحبوب من تحت العمارة
موتري عيا يجيبه يا خسارة يا خسارة
واعسى الجندي يصيده يوقفه عند الاشارة
يطلب الرخصة من السواق والا الاستمارة
وألحقه لو ضاع عمري واوقف الموتر جواره
واخذ المنظر من ادنى حتى لو دون اختياره

مجدي فون الفنان حجاب خخخخخ


و بعد ما شبت الإشارة الخضرا أقول يللا يا سيارة تحركي
راكبة حصان الاخت :D ؟
اتخيل رجلك تضرب بطنه .. هيه يلا يلا تحرك بسرعة :D
أيها الحصان اللعين ورانا ملكة اخلص خخخخ

او شكلك تسولفين على السيارة اللي قدامك الظاهر ..
اذا كذا ركبي ميكروفون .. ينفع لحالات الطوارئ ترا :D


و أدخل في الرملة و بكامل سرعتي ريولي على الرييييييييييس و السياره ترقص يمين و يسار و را ورا وراااا عاشوووو عاشووو يوؤ يوؤ يوووؤ :09: <<< بسج خلاص >_>"

و اختي شوي و تطلع روحها (هي اللي حامل) وانا اضحك و اقول لهم شوفوا ويلااات رملية مواهاهاهاهاهاااااااي... درفت درفتتتت (السكان(دريكسيون) صعب التحكم فيه خخخخ) و طبعا القير يتغير كل شوي و للا كيف السرعة تزييد P: و الدرفت شوووووووو الله لا يراويكم هههههه ... و بنت اختي من ورا ريفوووه شوي شوي T__T... و انا بعدني أضحك و اقول درفتتتت يا بنت الحلااال لازم تستانسين:09: <<< تسريحة بنت اختي راحت فيها هههههه

^
^
^
صورة مع التحية للمطالبين بقيادة المرأة :D


للعلم رايحة بالباص <<< للحين ما عندها سيارة خخخخ تستغل زيارتها لأختها و تسوق سيارتها :D
(الله و أعلم متى بتوصل صديقتي العزيزة T__T <<<قصدها سيارتها خخخ )

الحين السيارة صديقتك العزيزة وللحين ما تقابلتي معها ؟
شكلك تعرفتي عليها عن طريق المراسلة :D خخخخ

اتخيل ذا الحوار اللي يدور بالرسائل بينكم
ريفا : ياااه لقد اشتقت إليك
السيارة : وانا كذلك يا عزيزتي .. لقد سمعت الكثير عن بلادكم :D
اتوق شوقا لاشرب من بانزينكم في الخليج .. يقال بانه الافضل في العالم ! :D
ريفا : أجل انه كذلك حقا , عندما تأتين سأجعلك تشربين من كل محطات البترول لدينا :D
السيارة : سنمضي وقتا ممتعا بكل تأكيد خخخخ

========

موضوع فاضي بس متروس :D
اعجبتني السوالف الجانبية تحسين هي لب الموضوع خخخ

بس والله غريبة منو اللي سوا كذا بكليتك :33:
مافي كاميرا مراقبة شي ؟ :D
ايا كان الشخص اللي سوا كذا .. هذا اكيد واحد مجنون في المنتدى
الظاهر سواها بعد ما دايركتر سوا الاضافات والبلوقات خخخخ شكله يحب المنتدى من اول بس من بعد هالحركات خلاص ما قدر يستحمل :D

حلو اللوكر على فكرة.. والميدالية شي صراحة خخخ
خلاص اعتقد الامر صار رسمي الحين .. انتي مجنونة ون بيس بكل جدارة :D

ويعطيك العافية على الموضوع الحلو ..
سلام واستري ما واجهتي :D

[MiSs.ChiPs]

هلا ..وعليكم السلام ورحمة الله وبركاته^^>>> مدري قلتي السلام ولا لاع خخخ

نور الترفيهي دوباااع من زمااان عنك
بس عااد جيبتي العيد بموضوعك الحلووو

مشكلتك كسولة ولا لو جزئتيهم موضوعين خخخخ

اول شي لوكرك ينااان يهبل والله ^^...

وناااسه الامارات بجي عندكم اسوووق :D

علا السالفه بس...
امس رايحه انا واخوي للسوق ونا مستعجله .. قام اعطاني المفتاااح وقالي اسبقيني وشغلي السيارة
و اشغل السيارة انا:D
من جد كنت بتشقق من الفرحه ونا طالعه ف الشااارع ومليان نااس وبيبول
ونا داخله السيارة واشغلها ...>> حسيت اكتملت انوثتي بذيك اللحركه:D
>>>فاهمة الانوثة خطا :09:



(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

<<< وقفنا هني XD
طبعا ربيعتنا الثالثة تقول "خربانات" :wow: خخخخخخ

خخخخخخخ شكلها مطوعه :D
خدشتو الحياااا عندها :09:

وناااسه متخيله شكلكم بتساريح ومكياااي والسيارة ماشيه علا الرمل وتتهزز يمين شمال فوق تحت خخخ
درس تعليم رقص:09:


مبرووك عيوش علا اختك تتربى بعزكم ان شاء الله^^
http://www.montada.com/picture.php?albumid=365&pictureid=2142

خخخخخخ شكله دايركتور مسوي جولة توزيع يعني حملة ترويجيه خخخ
زي المطربين يوم يسوون جولة توزيع الالبوم الجديد خخخخ

او عضوة مجنونة المنتدى ... يبيلنا نسوي بحث منهي العضوة الاماراتيه اللي تحب المنتدى كل هالحب؟؟
معقولة اتكون ابتسامه؟؟ خخخخخخخخ
ولا ليكون انتي ريفا مسوية هالحركه خخخخ

>>> يقلع العذرا وظنونها خخخخ شجون فاهمتني :09:
علعموم انشر ولك الاجر
مشكورة عالموضوع الجميل والفه واللي يونس من قلب خخخ

ذكرتيني بريبعاتي يوم نجتمع .. وتاخذنا السوالف
خخخخخخ مافي شي مانجيب سيرته :09:



أقول ترا حطوني فالجريدة بس للحين ما شفت هالجريدة ..:09: و موجودة صورتي على موقع من المواقع بس ما لقيته :silly:.... و قالوا لي أني صارت معاي مقابلة و نزلوها على اليو تيوب بس ما لقيتها لحد الحين .... أنا ابغي اعرف هالناس كيف يشوفون هالأشياء و أنا صاحبتها ما شفتها للحين >_<"

>>> جالسة تسوي بحث بقوقل خخخخ
فيه ناااس تصدق :09:



(الله و أعلم متى بتوصل صديقتي العزيزة T__T <<<قصدها سيارتها خخخ )

يلا عقبال ماتوصل سيارتك:D
وعقبال مايسمحون لنا بالسواااقه ان كي اس اي ( فيس يدعو يااارب)
علعموووم يسلمووو ولاتحرمينا طلتك يااااعصل ^^

[Evil Gaara]

طرااااااااان
مفاجأة ^_^ !
سلام شو أخباركم كلكم :)
أول شي حاب أسلّم على Rave Master وحاب أهدي سلامي للماما والبابا وكل المسلمين و المسلمات <<< لا يكثّر بس -_- !

إييه شفتي إشلون يا ريفوه شبكت من بعد إنقطاع دام أكثر من سنة ونص خخخ
إيه بعد شنسوي هذي الدنيا يوم لك ويوم عليك و مثل ما تفضلتي حضرتج إن لم تمت بالسيف تمت بغيره
هههه لا لا خلاص خلاص أدري حده إللي طلعت بره الموضوع و ألّفت موضوع خاص بروحي لوول

الموهيم >_< نرجع لموضوعج
تعليقاتي , همممم صراحة أعجبتني فكرة الغناء بالسيارة :) , وحسيت إني وياكم قاعد بالدّبة( خلف السيارة داخل الشقول إللي يتصكر من فوق لي تحت) يالدوبة P:

فـ هذا أول شي خلصنا منه الإغنية عجبتني :)

خنشوف بعد شكو شكاتبه...إيييه كا لقيت شي حلو D: , طلعتي إحم إحم بالرياضيات لووووووول ههههه, أووله من صجج عاد شنو هذا مو إلى هالدرجة >_< 3 مرات تآخذين الرياضيات @_@ بل بل بل ولا تمل

إييه بعد هذي عجبتني >>>> عيمان لوول حتى الجيم إنقلبت عندكم صارت ياء !!
وبعدين الحين يا سعادة الآنسة مرمر ياية بتفهمينا وتبسطين كلمة ملجة و كتبتيها ملكة -_- !! لا بالله إنفهمت القصة وإنقصت البدليات ^_^ !<<< هوووص قريت ردّي 10 مرات عشان أتأكد إنه مافيه أخطاء إملائية ومحّد يصيدني هع هع


و شقول بعد مادري تعبت نفسيا من كثر ما أدور بالجرايد والـ You Tube عن وحدة طالعة من الصالون وشعرها كشّه وردي ولوكرها بـ Block C داخل الكلية بس مالقيت <<<< فهمتوا شي خخخخ
إي فـ حمدلله على سلامتج يا أخت Rave و عاش من قرأ موضوعج و سامحينا عالقصور وكان الله غفورا رحيما

[Rave Master]

السلام عليكم و رحمة الله و بركاته ^^

يه يه يه الموضوع منور نور قوي لدرجة أن النور وصل لين غرفتي قبل ما أشغل الكمبيوتر :silly:

ما هذااااااااااااااع هناك أعضاء مخضرمين في موضوعي... شكرا لكم يا مخضرمين :D

يااااااااه ودي أفتح موضوع فاضي ثاني من الوناسة :09: <<< علشان خاطر ولد عمي ساندر بس :D

و إيفل قارااا منورنا كماااااان... لأ لأ لأ لازم أنزل موضوع فاضي ثاني :09:

المهم.... خل أرد عليكم يا حشاكل يا محشكلين :D

Levana


هلآآآآع ريـــ‘فـو :D..

شلـونج.. آخبـآرج يآلدوبهـ هع ..؟ّ!

صرآحتـون قوصهـ طويلهـ دوختـي رآسي :09:..

(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

لووووووووووووووولوز مآ شآء الله شو هـ القصيـده XD

بسـ بسـ ريـفوهـ تعآلي هون آسألج آنتي مآخذه جوينت!! عآدي عآدي قولي مآ آعلم ">.> ..

×ـخخخخخخخخخخخخخخخخـ×

آني ويززز يســلمو علىآ هيكـ قوصهـ هع :D..

هلاااااع ليفانا من جبال السافانا :D
<<< من متى كان في "جبال السافانا" ؟؟ :31:

لوني مثل ما هو ما تغير و لله الحمد :silly: و أنا الحمد لله بخير :D
قوصة طويلة؟!؟!؟!؟! هذه أقصر قوصة عندي :09:

و عن القصيدة تراها عبط طلع وقت قولي للسالفة لربيعاتي :D

و لحظة لحظة... شو جوينت؟؟؟؟:أفكر:

الله يسلمج و كل يوم تعالي :D
يعطيج العافية ^_^

====================================================

Mahdee87


السلام عليكم
سوحقن لكم ايوها الفتيات http://xs128.xs.to/xs128/08246/msgplus_img0786903.png
صار لي ساعة ادور على الجوهر الأساسي للموضوع
فعلا انك دوبة :tongue2:
اولا اهلا وسهلا بيكي مرتن أخرتن
كمان ما شاء الله دايركتور يحاول ينشر اسم المنتدى في كل مكان خخخخخخخخخخخhttp://i237.photobucket.com/albums/ff133/onionethan/onion_Emoticons/053_XD.gif
خلني أنشر لك شوية دعايات عنا في الجامعة http://i237.photobucket.com/albums/ff133/onionethan/onion_Emoticons/102_.gif
يسلموا على الموضوع الجميل
والله يخليلنا دايركتور الذي دائما يحرص على الارتقاء بالمنتدى http://xs128.xs.to/xs128/08245/king315.gif

و عليكم السلام و رحمة الله و بركاته ^^
يا هلا بزعيمنا البرتاوي... مرحبا الساااااااااع و الله :D

هع هع هع هع وناسة يعني ضيعت :D.... ترا هذا جوهر الموضوع أنكم تضيعون و الشاطر اللي يحصل طريقه :09:

شكرا و مرحبا بك في موضوعي :biggthump

إيه إيه... دايريكتور طلع مو هيـّن هههههههه :D
انشر ليش لأ علشان تزيد شعبية المنتدى... هذا إذا ما سبقك دايريكتور :09:

الله يسلمك و كل يوم تعال :D

آآآآمين يا رب و يعطيك العافية على المرور :biggthump

[TEDUSE 1=BAGGIO]

(( و أنـــا في السيـــارة ××××× وقفــنـــا عند الإشــــارة
و طلعنــــا عود الزقـــارة ××××× و جمعنــا شللة السكـــارى
و قلنا تعالي يا حمارة))

ممم تنفع نغنيها على الاشاره بس نبدل المقطع الأخير بـــ : و قلنا تعال يا بغل :أفكر:

انا ما قررت أشخبط رد هني الا علشان ذكرتي مدينتي الحبيبه عجمان :biggthump او عيمان مثل ما نقول او فريج البواليع مثل ما الحاقدين و الأعداء يقولون :12:

خخخ عيل سويتي درفت بعيمان :أفكر: الظاهر بتصل على جون والكر و فان ديزل عسب يحطوج في الجزء الرابع من فاست اند فيريوس

انا أذكر آخر مره سويت درفت ولد كلب بعجمان يوم طلعت لي قطوه صغيرونه حلوه :o فسويت ذاك الدرفت و دشيت بيدار الجيران :D ودينا السياره الكاراج و تصلحت ب11 ألف خخخ

بس طلعتي أحسن من صاحبنا اشترى ستيشن و بغى يجربها قام غرز في ملعب الكوره :p

يلا قولي مبروك لاخوج و الله يرزقه الحياة السعيده و عيال نفسي :D و ان شاء الله أختج تكون ولدت و هي و طفلها او طفلتها بخير :)

لوكراتكم نفس لوكراتنا قلت يمكن انتي في جامعتنا الحبيبه :blackeye: قصدي اللعينه :biggthump

خخخ أذكر مره كتبت على طاوله عنوان المنتدى اليوم الثاني حد كتب يمه ترا المنتدى نفس ويهك :blackeye: انا استنتجت ان المنتدى حلو لان ويهي حلو :09:

سالفة الرياضيات الظاهر عالميه انا حصل لي نفس الشي نزلت الرياضيات الفصل قبل الماضي اول حصه باليوم الساعه 8 الصبح و وحيد بين الوحوش :أفكر: كنت انام طول الحصه خخخ بالنهاية مسكت على الاستاذ شي و نجحت خخخ :أفكر:

الاجازه قمه في الملل بس انا قاعد أقضيها بلعوزة الناس أمس صيحت ناس في أحد مواقع الشات خخخ :D

يلا بروح أكمل السبات الصيفي وحليلي ما رقدت من بعد صلاة الفجر اونه أركض على البحر و أشرب عصير مانجو - فراوله مكس ( طبيعي ) جربيه من اقرب كافتيريا و يفضل الي يمب بحر الشارجه ترا عصير على قولة الصعايده كدددده :biggthump بصور له الرد و بعطيه يمكن يعطيني عصير مجانا عشان الدعايه :)

في أمان الله

[Evil Gaara]

يه يه يه الموضوع منور نور قوي لدرجة أن النور وصل لين غرفتي قبل ما أشغل الكمبيوتر :silly:

لول يا مرض , شو عايشة على نور شاشة الكمبيوتر !!
أدري توفير وإتقصاد حتى بنور الشمس عندكم :p



يااااااااه ودي أفتح موضوع فاضي ثاني من الوناسة :09: <<< علشان خاطر ولد عمي ساندر بس :D


هههه يعني أشكره تعترفييين أن موضوعج هذا الأوّلي فاضي وناوية تفتحين موضوع ثاني وهم فاضي ها يا بنت العم <<< مو لإن ساندر أساسا أهو ولد عمي.. والحين توني إكتشفت إنه ولد عمج فـ صرتي بنت عمي :biggthump



و إيفل قارااا منورنا كماااااان... لأ لأ لأ لازم أنزل موضوع فاضي ثاني :09:

إييه قولي جي من قبل :09: حاكرتنا بموضوع هالسيارة يالله روحي فوقه فتحي موضوع يديد وقلوبنا كلها وياج
وأهم شي إن موضوع فاضي -_-!



هلاااااع ليفانا من جبال السافانا :D
<<< من متى كان في "جبال السافانا" ؟؟ :31:


لول عفستي جغرافيا العالم فوق حدر :p
غابات السافانا يا أبلة الريضيات :wink2:
بس يبتيها Right راكبة عليها ليفانا من جبال السافانا خخخ

وشو بغيت أقول , إي شكرا لطرحج هذا الموضوع ولم شمل عائلة المنتدى وكل الأعضاء الحلوين لهم معزة عندي وحلاوة أم عود هدية :D

[رعبه]

ريفاااااااااااااااااااع دووووبع
كنت بقولك الله يرجك بس قد قريت انها ما يصلح قولها :D
ثم قلت بقول سحقن برضو عرفت انها ما تصلح كماااان :D
فا فنكرت فنكرت وش اقولك :33: خخخخخخ
فا لقييييتها :biggthump
يااااااااااااااااا بااااااااكااااااااااااااااااااااااا :silly: << ايه هذع اللى تعلمتيه بس من الانمي :09:
مو انتي قلتينى اول هع تقدلين توقعي الجميييل :أفكر:
و ليه موزيه الصور هاع هاااع
تبين نرد ردين يعنى :bigeyes: كشفت خطتك :D يا دبشه خخخخخخخخخ
اما الالكر حقك شيي رايق حتى الميداليه :biggthump
وراقبي الكر اللى عليه المنتدي يمكن تكون عضوه اكتشفي مين :33:
والله يعين بنت اختك عليك :09: خخخخخخخخخخخخخخ
اوكي اعطينى خبر انتي بس لين طلعت السياره وانا ادوخك طلعات :D
تسلمااااااااااااااااااااات

[Rave Master]

Sander

يااااااااااااه شهالرد الممطوط اللي يبالك دوس بطن علشانه :wow:

هلا هلا بولد عمي هلاااااااع... نورت الصفحة ياخي زمان عنك شو هااااه من متى ما زرتنا :أفكر: ... أبوي يسأل عنك من كم يوم <<<خلج فالموضوع أحسن :blackeye:





معليش يعني بس منجد راسي وجعني و مالي خلق أكمل موضوعك..
صدق من قال الحريم يحبون الثرثرة و السوالف الفاضية :ponder:
مشكورة عالموضوع.. و لا عاد تجينا .

عششششششششششششتوووووووووووا
كيفي بيي وقت ما بغيت :D

أصلي بحب التغلييس أوي أوي أوووويييييي :D




































































































مافيه شيء تحت وش تدورين؟ أتكلم جد.. مالي خلق لا أقرأ موضوعك ولا أرد عليك :28:

:dot:


هيه صح مبيييييييييييييييييييييين!!!!... :D
كيفي كيفي كيييييييييفيييييييي :silly:














































































كيف الماوس حقك بس ؟ :006:

حركة قديمة و مكشوفة بس تنفع كعقاب للي يحبون المط زيك :knockedout:

رد ممطوط عالآخر :D
اجل نص الموضوع مقدمة؟ بلاه تأثير الرياضيات أكيد :D
الله يعينك.
لا تحاتي ماوسي.... هييييييييه تربية بريّة و أنا بنت عمك :09: لا تحاتي كل شي تمااام
أحسن من نوع الهامستر بعد :D

الحركة قديمة و مغبرة بعد XD
هيه تأثير الرياضيات شكله :09:
الله يكون بعوننا أجمع يا رب ^__^




:D حمارة عاد.. صدق شلة سكارى :09:
أقول موضوعك فاضي ومدري وشي يبي بالضبط

كان مفروض أضيف رد فاضي لك بس قوانين المنتدى ما تسمح :09:
لذلك ضفت رد نص فاضي :09:


هههههههههههههههههه شلة سكارى و أنا أشهد :09:
أحلى شي... أنت فاهم الموضوع خلاص ما يحتاي تفهمه زيادة... تراه صدق فاضي و هذا الغرض منه محد يفهم شي:09:
في له شفرات خاصة بس ما يعرفون يفكونها إللا الخبراء:D
و أهنيك بقوة... طلعت خبير من الخبراء اللي عرفوا لموضوعي هههههههههه
شكرا على الرد النص الفاضي و اللي طول لي الصفحة على الفاضي :D



و أقول الله يعينك عالماث، توني مفحط بإختبار بن كلب و شكلي جبت العيد :D
باقي ننتظر المكتوب الرسمي ليأكد الخبرية السعيدة عشان نحتفل سوا :biggthump
أحلى شيء بالموضوع كله اللوكر حقك ، كذه :biggthump

و مقطع الدرفت شيء خخخخخخ المره الجايه لا تسوقين الله يخليك :driver:
يسلمو و ثاني مرة لا تمطين السوالف عسب ما نمط الردود :silly:

أجمعين يا رب، أغلب الإمتحانات عيال كلاب... و تراني يبت العيد و سلمت عليه بعد :D
طلع المكتوب الرسمي لي الجمعة اللي طافت... T-T الله يعين شو راح يسوون فيني السنة الياية
أقول خبرني عن نتيجتك لما تطلع يمكن أتشجع و أقول لكم نتيجتي بعدين :أفكر:

أي أي شي طبيعي يكون أحلى شي لأنه متعووب عليه... لوكري العزيز سأفتقدك :D
ههههههههههههههههههههههههه لووول هالدرفت شي عادي... كذا مرة فحطت أنا... كل هذا بس علشان ما أطوف اللفة اللي أبغي ألفها و سبحان الله ما تكون معاي في التفحيطات إللا بنت أختي و ربيعتها في طريق عودتنا من المدرسة <<< دريولية الأخت خخخخ

التمطيط هو الجوهر في الموضوع :D... و بحاول ما أمط مرة ثانية :09:

يعطيك العافية على المرور و تنوير الموضوع... أسعدتني بردك الممطوط :biggthump

[Rave Master]

وعليكم السلام ورحمة الله وبركاته
اهلين ريفا الزايك يابت .. عامله ايه
شفت موضوعك قبل فترة بس ما قدرت ارد , كيبورد اللاب خربان عندي
بس ما عليك الحين دبرت لي كيبورد بالغصب خخخ
<< تقول قصة حياتك انت ؟ رد وضف وجهك بلا فضايح

مرحبااااا السااااع... و الله الحمد لله أنت ازيك يا وااد عامل إيه :D
أهم شي أنك ترد... وناسة دبرت الكيبورد علشاني <<< أقول روحي زين >_>"
هههههههههه عجبتني قصة حياتك كثر منها بس فمواضيعي الفاضية :09:


يووه من صدقك .. مستانس وبس
تصدقين ودي اسوي حفلة على شرف الايقونه ذي خخخخ
( صورة الايقونة وهي مرتاعة :wow: وتقول هذا جزاي اللي وثقت فيك تسوي حفلة على شرفي :D )
<< فاهمة الشرف غلط خخخ
( اعتقد قلت اسوي حفلة على شرفك مو حفلة بشرفك خخخخ في فرق يا خبلة ) << يكلم ايقونته مالكم شغل خخخ
لا جد والله مبسوط
والبركة فيك انتي وفوكس وبقية الزملاء اللي كافحتوا على شانها

ههههههههههههههههه كما توقعت XD
لازم تعزمني على شرفها :D <<< شو مستانسة الحين زين يوم أنك فهمتها السالفة عدلP:
الحمد لله يااااااا رب... يعني مو بس انا المينونة هني :silly:
إن شاء الله دوم يا رب مبسووط
هع هع هع هذا إن دل يدل على شهرتي P:
أقول علمت أخوك الحين... روح شوف توقيعه اللي يشوفه يقول عاشق قلب ينط و وردة حمراااا... خربت أخوك الله يهديك :09:


حشى سلحفاة تتولد مو بنت تكتب موضوع خخخ
ضحكت ضحك على هالجملة... يا ريااال مواصلة كنت ذاك اليوم و أنا أكتب الموضوع
عليك تشبيهاااااات... الله و أعلم من وين تييبها... تف بس تف عليك عن الحسد XD


ذكرتيني بالمنعطفات الاجبارية اللي على الطرق خخخ
الواحد ماشي في أمان الله فجأة لوحة صفرا تحسينها تتبتسم بخبث وتقول
( سوري هناك أعمال قائمة تبي تطلع يمين تبي تطلع يسار .. تبي تطمر رصيف مالنا شغل ! دبر نفسك )


:D رضاؤكم هو هدفنا :D
فاهمة قصدك... قابلت هالمنعطفات فالشارجة... الله لايراويك يومها أذكر ضيعت و وصلت أول الشارجة و تميت وسط الزحمة 4 ساعات بس علشان أرجع عيمان و وصلت البيت بخفي حنين <<< يعني ما وصلت للمحل اللي تباه هههههههه


صحيح ليه كذا انتوا ؟
ودي اسمع بنت تقول سالفة لحالها بدون ما تدخل يمين يسار وتتشعب خخخ

سؤالك صعب خخخخخخخخخخ
ما يصيييييير ما يصييييييير... جربت أختصر و الله بس البنات مخهم مبرمج على التفاصيل... ما تقول بالتفصيل ما يفهمون عليك و يفهون :wow:
مش مشكلتي يعني :D ... أنا حاولت بس هم ما يتجاوبون معاي :09:


حنا على سبيل المثال .. مثلا رجال تأخر على دوامه
يوم وصل لاصحابه هناك سألوه سلامات شفيك تأخرت ؟
ابد والله .. بس صار معي بنشر وتأخرت شوي ..
بس .. هذي هي السالفة
هههههههههههههههههههه... شوف لو أنا قلت لربيعاتي اللي انت قلته
مريوم: أوف ريفووه شسويتي بعدين
ريفا: ماشي وصلت الكلية الحمد لله :D
مريوم: أقصد شسويتي علشان توصلين الكلية
ريفا: اخوي انقذني
فطوم: كيف ياج أخوج؟
ريفا: بسيارته
فطوم: لا أقصد كيف عرف أخوج؟
ريفا: اتصلت فيه بعد كيف:31:
فطوم: ما قال لج شي؟!
ريفا: مثل شو:boggled:!؟
فطوم يعني تهزيئة... تحمد لج بالسلامة... شيء من هذا القبيل
ريفا: ما أذكر كنت في وضع صعب P:
فطوم: اهاااا
أمون: ما وقف لج حد على طرف الشارع <<<شوف التفكير P:
ريفا: لأ ما وقف لأني ما نزلت من السيارة :wow:
أمون: مالت عليج ما منج فايدة خخخخخ
ريفا: -_-"

و هكذاااا :D... يعني يستجوبوني لين ما يعرفون التفاصيل خخخخخخ


شوفوا الوضع مع البنت
وصلت متأخرة عند صاحباتها بالدوام
سلامات شفيك تأخرتي خفنا عليك ؟؟
يووه يا بنات .. بقولكم سالفة بغيت اموووت اليوم
البنات خير وش فيه
قعدت الصبح اوكي .. رحت لبست ملابسي اللي شريتها قبل امس
اصلا كنت طالعة للسوق ذاك اليوم مع اختي ما كان عندي شي .. بس شفت الملابس هذي برا المحل معروضة وطار عقلي وقلت مافييييه لازم اشتريها
طبعا ما اخذت نفس اللون المعروض اخذت لون ثاني على شان ......
بعد خمس دقايق ...
الحين انا واقفة عند الاشارة حلو ؟ وقفوا جنبي شباب مطولين على المسجل الله ياخذهم فقعوا طبلة اذني
كيف لهم خلق يغازلون على الصبح ؟ عالم غريبة
يوم فتحت الاشارة انا لفيت يسار وهم كملوا سيدا .. ما بغيت افتك منهم
حسيت اني تأخرت شوي قمت أسرعت .. وانا غااافلة تخيلو كنت سرحااانة مرررررررررة
والا تبنشر السيارة وهي تمشي << شراي امك يعني ؟ في سيارة تبنشر وهي واقفه ؟ خخخ والا لزوم التهويل بس
يوم وقفت السيارة كنت خايفة مرررة .. قعدت يمكن خمس دقايق وانا ماسكة السكان ومتجمدة
حدا البنات : بسم الله عليك
مشكورة حبيبتي وهـ بس يلوموني فيك
عاد اتصلت على اخوي وجاني بعد ربع ساعة وصلحها ..

شوي والا يرن تلفونها ... ألو ؟ هلا يمه شلونك حبيبتي .. يمه ما تدرين بغيت اموت اليوم


ههههههههههههههههههههههههه في الصميييييييييم :D


أكيد وقفتوا ؟ خخخ
مدري ليه احسكم مسكتوا خط ودعستوا
يا حليلها ربيعتكم الثالثة احسها انصدمت منكم بقوة خخخ

ههههههههههههههههههههه ليش كنت معانا و أنا ما أدري :wow:
تراها تستهبل الثالثه :09:


ابياتكم ذكرتني باغنية شعبية قديمة خخخ

موتر (ن) قفى به المحبوب من تحت العمارة
موتري عيا يجيبه يا خسارة يا خسارة
واعسى الجندي يصيده يوقفه عند الاشارة
يطلب الرخصة من السواق والا الاستمارة
وألحقه لو ضاع عمري واوقف الموتر جواره
واخذ المنظر من ادنى حتى لو دون اختياره

مجدي فون الفنان حجاب خخخخخ

ياااااه وناسة... اتخيلك راكب تريلتك و بما أن المسجل خربان قاعد تغنيها XD



راكبة حصان الاخت ؟
اتخيل رجلك تضرب بطنه .. هيه يلا يلا تحرك بسرعة
أيها الحصان اللعين ورانا ملكة اخلص خخخخ

او شكلك تسولفين على السيارة اللي قدامك الظاهر ..
اذا كذا ركبي ميكروفون .. ينفع لحالات الطوارئ ترا

أبغي سمايلي المسنجر اللي يضحك من خاطره خخخخخخخخخخ
ويا خشمك أنا أسولف عن السيارة اللي جدامي... أي شي كنت أشوفه جدامي ذاك الوقت دخلته فالأغنية العبيطة اللي كنت اغنيها :D

جدا عجبتني سالفة الحصان... (سمايلي ميت من الضحك)



^
^
^
صورة مع التحية للمطالبين بقيادة المرأة

ولــه.... إمشي بعيد :D
قصدك صورة تعبر عن المرأة القيادية :D<<< أقصد اللي تقود سيارة :09:


الحين السيارة صديقتك العزيزة وللحين ما تقابلتي معها ؟
شكلك تعرفتي عليها عن طريق المراسلة خخخخ

اتخيل ذا الحوار اللي يدور بالرسائل بينكم
ريفا : ياااه لقد اشتقت إليك
السيارة : وانا كذلك يا عزيزتي .. لقد سمعت الكثير عن بلادكم
اتوق شوقا لاشرب من بانزينكم في الخليج .. يقال بانه الافضل في العالم !
ريفا : أجل انه كذلك حقا , عندما تأتين سأجعلك تشربين من كل محطات البترول لدينا
السيارة : سنمضي وقتا ممتعا بكل تأكيد خخخخ

هههههههههههههههههههههههههههههههههههههههههههه
ما أدري لو قلت هالشي من قبل...
جدا جدا جدا جدا أستمتع بردودك. تبعث السرور و البهجة ف قلبي :wow: <<< السمايلي هني طاير من الوناسة :09:

أفا عليها سيارتي العزيزة بشربها بنزين قد ما تبغي :D... و بنغامر مع بعض و بنسهر مع بعض و بنحب مع بعض <<< اقول اخلصي:ponder:
خل توصل بالأول لووول... حاليا عزيزتي و صديقتي و حبيبتي هي سيارة أختي :biggthump<<< ما عندها غيرها :09:


موضوع فاضي بس متروس
اعجبتني السوالف الجانبية تحسين هي لب الموضوع خخخ

:D هذه الناس اللي تفهم للمواضيع... الله يكثر من أمثالك يا سواتووو :biggthump


بس والله غريبة منو اللي سوا كذا بكليتك
مافي كاميرا مراقبة شي ؟
ايا كان الشخص اللي سوا كذا .. هذا اكيد واحد مجنون في المنتدى
الظاهر سواها بعد ما دايركتر سوا الاضافات والبلوقات خخخخ شكله يحب المنتدى من اول بس من بعد هالحركات خلاص ما قدر يستحمل

ما أعرف... انا محتارة مثلك :33:
لاااع ما في كاميرا مراقبة XD
أتوقع انه مجنون المنتدى و عجبته السوالف اليديدة اللي في المنتدى علشان جي :D
بس ليش ما يكون دايركتور هو نفسه اللي سوا هالشي... الأخ تعبان على الإضافات اليديدة و حب يسوي له إعلان... عاد عندنا البنات في الكلية مبققين عيونهم في اللابات الله يهديهم :09:
<<< شعندج حاطة دوبج دوب دايركتور :ponder:


حلو اللوكر على فكرة.. والميدالية شي صراحة خخخ
خلاص اعتقد الامر صار رسمي الحين .. انتي مجنونة ون بيس بكل جدارة

تسلم و الله... ما شفتك و للا كنت رديت عليك و قلت لك عيونك الأحلى :09:
بس ما أعتقد دامك تشبه هالسمايلي >>>>> :D <<<<<
اتوقع مالك عيون :silly:
سوات: :wow: <<< هاااااع و الله هذه عيوني شوفي شوفي بس يوم أضحك تصير كذاا :D
ريفا: أوكي أوكي صدقت :09:

على فكرة الميدالية ما حطيتها إللا علشان الصورة خذتها من شنطتي و حطيتها فقفل اللوكر... عادي أحطها و ارجع بعد ساعة ما ألقاها :أفكر:

الأمر رسمي من زمان يا ولد الحلال... مجنونة ون بيس و بجدارة انااا:biggthump


ويعطيك العافية على الموضوع الحلو ..
سلام واستري ما واجهتي

الله يعافيك يا رب... تسلم على الرد التحفة كالعادة:D
سلامين... و شكرا جزيلا :biggthump