مشاهدة النسخة كاملة : هل تفعلينها بليلة الدخله؟؟؟؟
خيالات مجنون
19-06-2008, 04:49 AM
هذا موقف عصيب صار مع وحده بليله الدخله....بعد ماانتهى الزواج وصارت مع عريسها فجأه جاء اتصال من طرف الزوج.....وكان هذا الحوار مابين الزوج واخوياه ....الو ,,,الو مبروك ع الزواج,,,,الله يبارك فيكم وينكم ماشفتكم,,,,حنا والله جينا بعد مارحت لانه تاخرنا بالجيا ,,,المهم تعشيتوا ,,,لا والله وحنا رادين للديرهّّ لا والله احين تيجون ماتعودون الا انتو متعشين !!!!والزوجه المسكينه مستغربه من كلام زوجها المهم سكر الخط وطلع الزوجه علا بالها بيجيب عشاء من المطعم .....وصل الزوج ومعه اغراض العشاء وقال لزوجته اطبخي!!!!!المهم الزوجه رضخت للامر الواقع وقامت تطبخ تخيلوا!!!بعد ماتعشوا وراحوا الضيوف جاء الزوج وعطى زوجته 50الف ريال كان تحدي بينه وبين اخوياه بالعمل السؤال انتي لو صار الموقف ذا معك شنو بيكون ردك؟؟؟؟وشكرا
العضو الخارق
19-06-2008, 08:47 AM
هذا موقف عصيب صار مع وحده بليله الدخله....بعد ماانتهى الزواج وصارت مع عريسها فجأه جاء اتصال من طرف الزوج.....وكان هذا الحوار مابين الزوج واخوياه ....الو ,,,الو مبروك ع الزواج,,,,الله يبارك فيكم وينكم ماشفتكم,,,,حنا والله جينا بعد مارحت لانه تاخرنا بالجيا ,,,المهم تعشيتوا ,,,لا والله وحنا رادين للديرهّّ لا والله احين تيجون ماتعودون الا انتو متعشين !!!!والزوجه المسكينه مستغربه من كلام زوجها المهم سكر الخط وطلع الزوجه علا بالها بيجيب عشاء من المطعم .....وصل الزوج ومعه اغراض العشاء وقال لزوجته اطبخي!!!!!المهم الزوجه رضخت للامر الواقع وقامت تطبخ تخيلوا!!!بعد ماتعشوا وراحوا الضيوف جاء الزوج وعطى زوجته 50الف ريال كان تحدي بينه وبين اخوياه بالعمل السؤال انتي لو صار الموقف ذا معك شنو بيكون ردك؟؟؟؟وشكرا
يا غالى هذه زوجة فعلا تستحق هذه المكافئة ، والراجل يا حظه بعد تزوج امرأة قليل جدا ما تجد مثلها :(
هذه هى الزوجة التى تتحمل اعباء المنزل
The Shadow
19-06-2008, 10:07 AM
حرمة بيت ، هذي الحرمة الصح ، الرجال حركته حقيرة من جد ! مو طلبه للعشاء ، بل ان هذا في النهاية طلع تحدي بفلوس
من اول يوم جذي .. ومن المفترض يكون فيه حفل زفاف يسون بوفيه او عشاء كبير بقاعة العرس .. بصراحة هالرجال حركته حقيره وبقوة بعد
تسلم حبيبي على طرحك الموضوع الروعه
DREAMCATCHER
19-06-2008, 11:10 AM
الرهان حرام :أفكر:
سلام
Mohammed
19-06-2008, 11:51 AM
^
^
^
كفيت ووفيت ..!!
shjoonal3in
19-06-2008, 12:33 PM
نتي لو صار الموقف ذا معك شنو بيكون ردك؟؟؟؟
يرجعني لأهلي ... و الخمسين ألف ياخذها و يتزوج غيري
FinalFantasy9
19-06-2008, 12:44 PM
والله ماعندها سالفة لو تطبخله .. الا المفروض تتصل لاخوانها يجون يشوتونه شوي علشان يتعلم تحمل المسئولية >_> .
وشــــــــــhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifــــــــــكراً
sweet Mio
19-06-2008, 01:05 PM
اطبخله واروح بيت اهلي ..
ولا يوريني ويهه مرة ثاانيه XD
..
..
HUMAED
19-06-2008, 01:23 PM
من أولها رهان , هذا (الرجال) صدق ما عنده سالفة
حركة ما لها داعي بالمرة , والمشكلة أنها بليلة الدخلة كمان ..:31:
هههههههههه
حليلهم الشباب :D
يتخيلون في حرمه جذي !! XD
والله لا تعطيك كف محترم (&) وتقولك اجلب ويهك
DREAMCATCHER
19-06-2008, 01:43 PM
والله ماعندها سالفة لو تطبخله .. الا المفروض تتصل لاخوانها يجون يشوتونه شوي علشان يتعلم تحمل المسئولية >_> .
وشــــــــــhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifhttp://www.montada2.com/images/smilies/new_icons/yup.gifــــــــــكراً
لول :D .. انزين يقولون عند المشاركه 6666 (http://en.wikipedia.org/wiki/Number_of_the_Beast) الوحش الاسطوري يطلعلك من الشاشه ويبلعك داخلها صحيح هالكلام ولا لأ :ponder: ؟؟
---------------
see also:
The beast (http://en.wikipedia.org/wiki/The_Beast_%28Bible%29)
أنــفــاسـ
19-06-2008, 01:45 PM
اخوي الموضوع منقول .... واقل شيء اكتب انه منقول ..!!
الشيء الثاني انا مع موقف الاخت سويت وشجون ... ما يستاهل انها تقعد معه
تسوي العشاء بعدها على بيت اهلها
لان اذا هذا اولها .... ينعاف تاليها
بالتوفيق
تحيااااااااااااااتي
Levana
19-06-2008, 02:45 PM
يرجعني لأهلي ... و الخمسين ألف ياخذها و يتزوج غيري
i think so 2
The Destroyer
19-06-2008, 02:51 PM
السلام عليكم
أعتقد أن هذه القصة كانت عبارة عن نكتة لا غير
وهي نكتة قديمة جداًُ
طبعاً لا أعتقد أن شيئاً كهذا قد يحدث
فالأمر مبني على نكتة وحدوثه في الواقع شيء غريب ولا أظن أن أمراً مثل هذا قد يحدث
مع أرق تحياتي
وردة1986
19-06-2008, 03:37 PM
هدا يعتبر ادلال للزوجة يعبر عن عدم احترام لها في يوم زواجها الدي يجب أن يكون أحسن يوم في حياتها هي مرأة تحترم لأنها فعلت ما يريده ولم ترد الاساءة بمثلها حرام عليه لازم يحطها فوق راسو لو كنت مكانها سأفعل ما فعلته ولكن سنتكلم فيما بعد لنوضح الأمور وأتمنى صراحة أن أتزوج زوجا يحترمني
The_source
19-06-2008, 05:55 PM
هذا حيوان والله ........شوه بالرجال
Nado Ps3
19-06-2008, 06:51 PM
الســلام عليكم :::
موضوع مـــكرر:33:
هذه القصــه مكتوبــه في منتدى الصرقعه والقصص الترفيهيه منقول الى هنــا
والموضوع بعنوان:: هذا محصــل ليله الدخــله
من عضو اخـــر
انظرو للتاريــــخ
تشارط انـــه الشــــــرط حـــــــــــرام :umm2:
الرابـــط (http://www.montada.com/showthread.php?t=591821)
Word Life
19-06-2008, 06:54 PM
خخخخخ لو انا مكانها و لا يمكن اصير مكانها ..
بآخذ الخمسين ألف و اسحب على الرجال :D ..
-Cheetah-
19-06-2008, 09:33 PM
والله فكرة :33:
-Cheetah-
19-06-2008, 09:35 PM
والله فكرة :33:
=========
لم أر تعليقا على موقف الصديق "المتعشي".
ناصر المحمدي
19-06-2008, 09:45 PM
صعب جداً تصديق القصة .. خمسين ألف ريال ..
بس أعرف قصة غيرها .. واحد ترك مرته في ليلة الدخلة .. وراح مع أصحاب يعسل في كزينو ..
القصة جاتني من ثقة ..
G Girl
19-06-2008, 10:31 PM
سلآمز ..
وللهي انا ما اشوف فيهآ شي ذي الحياه الزوجيه وذي سنه الحياه ..
اجل عشان اني طبخت له ولأخوياه اقوله طلقني واخرب حياتي بيدي ولا ودني بيت اهلي
هههه طيب جيت لاهلي ليله عرسي وش اقولهم رديت لكم عشان رجلي قال اطبخي لي اخوياي عندي !!
خخخ اما انادي اخواني يطقونه ذا رجلي يعني ما اعرست عليه إلآ وأنآ ابيه وهو يبيني
وووعآتي اخذ الخمسين الف وقوله يسفرني شهل عسل <--مسكت خط :D
ولله فلله عشان كبسه ماتاخذ نص ساعه خمسين الف T-T
الحياه الزوجيه ماتوقف على أمور تآفهه مثل تسذآ اجل وشلون تعآملهم مع الامور الي أكبر من تسذآ !!!
بالعكس المره كفو كسبت رجالها ورضاء ربها وخمسين ألف بعد فوقها ..
وشكرآن على الموضوع اخوي
صعبة علي !! .. ما أقدر أسويها .. أعتبرها خباثة! <--- بإعتباري العريس :D
RICH BOY
19-06-2008, 10:55 PM
هذه هي الزوجة التي يطمح كل رجل عاقل ان يتزوجـها
تقوم بواجبها وتطيع الاوامر ..
وتستحق المكافأة
كما قال الشباب ..نادرا نرى هذا الزمن زوجة بمثل هذا الاخلاص والاخلاق العالية !!!! :31:
sweet Mio
19-06-2008, 11:22 PM
8
8
اوكي على عيني ورااسي ..
اسوي اللي يبيه ومو مهم اي شي ..
بس في اوقااات يابو الشباب .. يعني بالله جااايني في ليله الدخله تعالي اطبخي لربعي ..
ورهااان ومادري شنو ..!!
هذا حده تاافه وما يقدر ان لك شي وقته ..
هذاا اول يوم يكونو مع بعض وتحت سقف واااحد ..
ما اظن المره بتكون قاادره عالطبخ في مثل هذا اليوم ..
اما لو يجيني اليوم الثاني ويطلب هذا الطلب والله من عيوني اسويله اللي يبيه ..
هي مو رفضت اوامر زوجها والا شي من جذي .. لكن من الذوق يأجل شوي خبال الربع وهالحركااات لووول .. ^.^
يعني المسأله شوي تبي وقت مناااسب للطلبات وبعدها لكل حاادث حديث ^.^
إذا هي ما عصت امره لا سمح الله ..
لكن انتو تقدرون تسوون جذي بليله الدخله .؟؟ ( اقصد الشباب )
موفقين ^^ ..
The Destroyer
19-06-2008, 11:32 PM
الظاهر إن البنات خذن السالفة على محمل الجد :09:
السالفة وما فيها إنها مجرد نكتة :D
ولاّ أشوف كل وحدة حاطة يدها على خدّها وتتخيل الوضع على أنه راح يصير لها :09:
A + S
20-06-2008, 12:20 AM
اما لو يجيني اليوم الثاني ويطلب هذا الطلب والله من عيوني اسويله اللي يبيه
ليش اليوم الثاني؟
والمره اللي كذا أحب راسها ويكون هذا سبب كبير ودافع لي عشان أحطها بعيوني وياربي لك الحمد..
ولو بيدي وسام كان عطيته g girl
shjoonal3in
20-06-2008, 12:21 AM
ولاّ أشوف كل وحدة حاطة يدها على خدّها وتتخيل الوضع على أنه راح يصير لها
يعني راعي الموضوع يقول وش موقفكم ؟ بالله أقوله سالفتك هذي خيالية ... !
لا طبعا الواحد يتخيل سواء نكته ولا ان شاء الله قصة كان يا مكان :D
...
وبعدين بنات ويش اللي فلة بالضبط حبايبي
الفلة إني أشوف بأم عيني ومن أول ليلة ان اللي وافقت عليه طلع دجة و شليتي!
ولا الفلة في الخمسين ألف !! اللي بروح بهن ماليزيا وبعدها يمكن أمر موزمبيق !
...
السالفة مو إنها نص ساعة بس ولا إنها أسبوع
ولا السالفة شوية كبسة أو حتى كيكة بحجم ديناصور
السالفة سالفة عقل وثقل واتزان!
و مثل ما يقولون لكل مقام مقال ... ولكل حادث حديث
ليلة العرس ما يناسبها انه يدخلها مطبخ ولا يناسب أبداً يجيب ربعه لبيته ... وش هالعقل!
...
نفس الشي ... لو صار له عزيمة بيوم عادي
ما يناسب تخلي البيت فوق تحت و تخلي الضيوف من غير أكل عشان تقص شعرها و تمكيج
وش هالعقل!
...
يعني كل شي بوقته !
و ما دام هو تصرف هالتصرف بليلة العرس راح استنتج انه انسان تصرفاته فوضوية بشكل عام وما يحط في حسابه الظروف والموقف والأشخاص والوقت وشعور اللي قدامه!
في أحلى من كذا كانطباع أول !
...
الله عطانا عقل ... و اختبار ان الزوجة كفو ولا موب كفو ... مب بهالطريقة!
...
يعني اذا قلت انه عادي عندي افصخ الفستان واقعد اقطع بصل
بصير انسانه زينة و زوجة مافي مثلها بالدنيا ...!!! شي عجيب ...
...
صراحة لو أنا أقل شي ممكن أحس فيه بموقف مثل هذا خيبة أمل و ندم عميق !
..
انا شطحت بردي ... أحس في ردود حفزتني :D
..
أذكر نفس القصة قلتها زمان لحريم أخواني
وحدة استانست قالت بشتري طقم! و الثانية قالت والله ماقعد معه دقيقة !
سبحان الله الناس تختلف بردود أفعالها P:
الله لا يحطنا بهالمواقف
...
بس الغريب إننا ما عرفنا صاحبة القصة الحقيقية وش سوت !!!
Ahmed Blight
20-06-2008, 01:12 AM
يتزوج الخدامه احسن له XD
احم ترى عن نفسي مو مع g girl و لا الي قالوا زين سوت
صراحة اعتبرها عبيطة ,, هذا اذا في يوم الدخلة فضل رهان عليها
بالنسبة لي لو هو يشتغل في النيابة و معروف ان عادي يطلبونه في اي وقت و لو طلبوه يومها ما يروح و يخليهم يقيلونه احسن XD
The Destroyer
20-06-2008, 01:42 AM
يعني راعي الموضوع يقول وش موقفكم ؟ بالله أقوله سالفتك هذي خيالية ... !
لا طبعا الواحد يتخيل سواء نكته ولا ان شاء الله قصة كان يا مكان :D
...
أكيد سالفة خيالية :D
ولا بالله عليج في ليلة العمر والوقت متأخر
من وين بيروح العريس يشتري أغراض للطبخ ؟؟ شو هالسوق اللي مفتوح في أنصاف الليالي :09:
وبعدين هو في ليلة العمر معقولة بيطنش لعروسه وبيهتم ببطون ربعه :D
يعني واحد يقول لي سالفة مألفنها ومظبطنها ومخيطنها على قياسه وآخر شيء يكون تعال البس؟؟
أكيد ارفض أي نوع من مثل هذي القصص الخيالية وأناقشها على أنها واقع يمكن أن يحدث
مثلاً واحد من الربع يقولي : تخيل لو انت معرس وليلة عرسك نهائي كأس العالم
ووقت الزفة بتكون المباراة النهائية شو راح تسوي ؟ هل راح تتابع المباراة ولا تروح للزفة ؟ :D
بالله عليكم هو يحطني بموقف ولا يمكن في يوم من الايام راح يصير لي وبعدين أجاوبه بكل جدية :33:
ببساطة قلت له في الكوشة بحط تلفزيون وأنا والعروس بنقعد نتابع المباراة :09:
ببساطة ليش الواحد فينا يفترض افتراضات أعتقد أنها نادرة الحدوث وبعدين
يسأل الكل شو راح تسوون لو كنتم مكان هذا الشخص؟؟
خاصة وإن كانت هذه الإفتراضات فكاهية :D
مع أرق تحياتي
sweet Mio
20-06-2008, 12:09 PM
يتزوج الخدامه احسن له XD
احم ترى عن نفسي مو مع g girl و لا الي قالوا زين سوت
صراحة اعتبرها عبيطة ,, هذا اذا في يوم الدخلة فضل رهان عليها
بالنسبة لي لو هو يشتغل في النيابة و معروف ان عادي يطلبونه في اي وقت و لو طلبوه يومها ما يروح و يخليهم يقيلونه احسن XD
اي والله ..
واحناا ندري انها من الخيال ..
بس صراحه شي مايدخل العقل ..
اللي قال ان كلامي غلط هذااا عمره مارح يتزوج XD
لان مارح يحصل مرة جذي عبيطه .. ولو فيه ترا مااا رح تستحمل ثقاله دم هالرجال ..
واذا شايفين كلامي غلط .. خلص ان شاء الله يارب تتزوجون وتطبقون هالمثال هذاا وشوف شنو رح يكون ردة فعل زوجتك XD
HUMAED
20-06-2008, 01:04 PM
أكيد سالفة خيالية :D
ولا بالله عليج في ليلة العمر والوقت متأخر
من وين بيروح العريس يشتري أغراض للطبخ ؟؟ شو هالسوق اللي مفتوح في أنصاف الليالي :09:
وبعدين هو في ليلة العمر معقولة بيطنش لعروسه وبيهتم ببطون ربعه :D
يعني واحد يقول لي سالفة مألفنها ومظبطنها ومخيطنها على قياسه وآخر شيء يكون تعال البس؟؟
أكيد ارفض أي نوع من مثل هذي القصص الخيالية وأناقشها على أنها واقع يمكن أن يحدث
مثلاً واحد من الربع يقولي : تخيل لو انت معرس وليلة عرسك نهائي كأس العالم
ووقت الزفة بتكون المباراة النهائية شو راح تسوي ؟ هل راح تتابع المباراة ولا تروح للزفة ؟ :D
بالله عليكم هو يحطني بموقف ولا يمكن في يوم من الايام راح يصير لي وبعدين أجاوبه بكل جدية :33:
ببساطة قلت له في الكوشة بحط تلفزيون وأنا والعروس بنقعد نتابع المباراة :09:
ببساطة ليش الواحد فينا يفترض افتراضات أعتقد أنها نادرة الحدوث وبعدين
يسأل الكل شو راح تسوون لو كنتم مكان هذا الشخص؟؟
خاصة وإن كانت هذه الإفتراضات فكاهية :D
QFT .. ما أزيد شي على كلامك
بطووووطه
20-06-2008, 01:26 PM
.
.
لو انا مكانها !
بأسوي العشا .. بس لا تسألوني وش بنفسي ! :33:
تلاقيني اقول بيني و بين نفسي: وش هالآدمي ؟ .. يفضل اصحابه الحين ؟ وقتهم بالله ؟ و .. و ..
بس ماراح اسوي مشكله كبيره ! لأنه الموضوع ما يستاهل هذا كله !
من الافضل كان يتفق معاها .. ويقول لها السر .. !
على الاقل تسوي طبخه مضبوطه .. ! :D مو من القهر تلاقي ملح زااااايد !
انا بنت خالي .. تحدوها صحباتها ..
لو ترجع بيتها و تقعد تكلمهم بالتلفون لييييييييييييييييييييييين ماهم بنفسهم يقفلوا ..
ولو سوتها .. لها هي وزوجها .. 3 ايام إقامه بـ هيلتون .. كـ هدية ! :)
بس اتفقت مع زوجها .. و جت من الله انهم ما قدروا يطلوا و راحوا يصلو الفجر !
و آخذوا الهديه ! ترا قصه حقيقيه .. مو خياليه مثل هذي !
بس شجووون لا تعصبي عليا :D هههههههههههههههههههه
بالاخير موقف بايخ هذا .. و ما أتوقع شخص مثقف يسويها ! :33:
و لو صارت لي .. يمكن أطالب بتعويض طول عمرنا :09: .. على هالبدايه البايخه !
دمتم بود ..
.
.
ابتسامــــــه
20-06-2008, 01:58 PM
أمري لله
ولا إني أرد بيت أهلي من أول يوم و أسمي مطلقه
ترا مب شي هين خذني بيت أبوي ! و لا من أول يوم !!! :boggled:
عاشقة الخيال
20-06-2008, 03:25 PM
السلام عليكم و رحمة الله و بركاته
للأسف في هذا الزمن في شباب عقولهم تافه
مو مسألة أن القصة خيالية ، لا ترى تسير لأن العقول للأسف ما عد سارت موجودة
(( مع أحترامي ))
الزواج مو لعبة يا خذ بنت الناس و يدفعلها مهر و يأثث بيت وووو
و بعدين أطبخي و أنتِ بعدها طالق
ليه ؟؟؟
الزواج لعبة
أصلاً يوم الزاج تكون العروس تعبانة و دايخة غير أنها خايفة
و لاتنسوا أن يوم العرس الناس سارت تخلي زواجها يخلص في الفجر
ثم هذا الرجل مو قد المسؤلية
فلنفترض أنه رجل متعصب
الحرمة هي إلي تطبخ و لو كان أول يوم في زواجها
ما في مشكلة أطبخلك على عيني و راسي
بس تقدرني بعدها مثل ما قدرتك
مو تديني فلوس بعدها و تقولي أنتِ طالق
هذا يعتبر سفاهة و ما عنده أي جدية في الحياة
رجال اليوم ليسوا كرجال الأمس مع الأسف
و شكراً لك :)
محمدS.M
20-06-2008, 03:26 PM
الموضوع خيالي ! في الواقع صعب يصير ,,,
لكن بما انه قلب جد,, عندي سؤال كم شخص متزوج من اللي شاركوا في الموضوع ؟!
و باختصار شديد الزواج هو حياة ولا يختصر على هذه الليله او على حفل الزواج بل ان الحياة اكبر من تلك الشكليات :)
اما عن صاحبنا فلا اعتقد بوجود شخص يحمل مقومات الاتزان العقلي يستطيع ان يفعل ما عمله و الامر يرجع الى الاصل بان القصة تأليف و ابطالها خيالات :31:
و موضوع تحضير الطعام يرجع ذلك الى العادات المتبعه لدى الشعوب فكل عاداته و تقاليده :)
-Cheetah-
20-06-2008, 03:31 PM
و باختصار شديد الزواج هو حياة ولا يختصر على هذه الليله او على حفل الزواج بل ان الحياة اكبر من تلك الشكليات :)
بالضبط.
الزواج ليس ليلة واحدة.
عاشقة الخيال
20-06-2008, 03:44 PM
الموضوع خيالي ! في الواقع صعب يصير ,,,
لكن بما انه قلب جد,, عندي سؤال كم شخص متزوج من اللي شاركوا في الموضوع ؟!
و باختصار شديد الزواج هو حياة ولا يختصر على هذه الليله او على حفل الزواج بل ان الحياة اكبر من تلك الشكليات :)
اما عن صاحبنا فلا اعتقد بوجود شخص يحمل مقومات الاتزان العقلي يستطيع ان يفعل ما عمله و الامر يرجع الى الاصل بان القصة تأليف و ابطالها خيالات :31:
و موضوع تحضير الطعام يرجع ذلك الى العادات المتبعه لدى الشعوب فكل عاداته و تقاليده :)
معك حق و كلامك كله صحيح و حكيم
هذا لو كان أنه مجرد بخيليها لسى على ذمته
و حتى لو كان من الخيال
القصص إلي تسمعها عن الشباب
و الله يخلي الإنسان يصدق أن في ناس بهذي الشكلية
لأن الشباب في هذا الزمن أصبحوا تافهين و ما عندهم مسؤلية
و ما أنكر أن في شعوب عندهم عادات و تقاليد الطبخ من أول يوم
على عيني و راسي بس ما يسوي إلي سواه يطلقها بعدها
سامحني على أنفعالي
بس القصص إلي أسمعها دلت على أن في ناس يسوا كذا
و شكراً لك :)
Q8.LAWYER
20-06-2008, 04:41 PM
رجال اليوم ليسوا كرجال الأمس مع الأسف
حتى حريم اليوم ليسوا كحريم ألأمس :)
أنــفــاسـ
20-06-2008, 05:49 PM
من وين بيروح العريس يشتري أغراض للطبخ ؟؟ شو هالسوق اللي مفتوح في أنصاف الليالي :09:
عادي ترا فيه محلات 24 ساعه مفتوحه :D
The Destroyer
20-06-2008, 06:25 PM
عادي ترا فيه محلات 24 ساعه مفتوحه :D
أظن يمكن الأخ معشيهم شكشوكة :D
كان أحسن لو اشترى أكل من برع وقص عليهم وقال هذا طبخ الحرمة :D
الوردة الجريحة
29-06-2008, 03:46 AM
يمكن أطبخ له
بس ببكي بكاء مر على الحظ الشين اللي قطني مع
هالزوج اللي ما يخاف ربه. :cray:
وبقاطعه حتى يتوب لله والفلوس يرجعها لأصدقائه
لأنها فلوس حرام
Saku Ra
29-06-2008, 11:41 AM
{آلسلآم عليكم ...
صح آن الموضوع خيآلي:D
بس لو صآر بستحي من الزوج وغصــــــــــــب بطبخ T.T
ثآنيآ زي مآقآلت بسووومه صعبه ارجع لبيت اهلي لأول يوم :ponder:
ولمن آموون عليه بيكون لي لسان بآخذ حقي منه مو هلي يآخذونه:09::09:!!
.. سلآآآآآآآآآآآآآآمزز ..
Mahdee87
29-06-2008, 01:55 PM
الصراحة شايفها حركة غير لائقة وتنم عن حب النقود
وحتى لو رفاقه فعلا جو متأخرين .. المفروض انها ليلة دخلة
يعني الحركة هذي ممكن تخرب العلاقة بين الزوجين من اولها
يبي يعمل خير يروح وياهم على مطعم وخلاص
انا لو عاملها مع زوجتي .. ما ألومها اذا رجعت لأهلها
وبالنسبة للفتاة في القصة ففعلا انها بنت أصل .. .:)
وشكرا على الموضوع :)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .