المساعد الشخصي الرقمي

مشاهدة النسخة كاملة : الجهاز و القطع اقتربت من شراء xbox360 فهل من نصائح راح تكسب أجر في المساعدة


كاسبرينو
19-06-2008, 09:27 PM
السلام عليكم ورحمة الله وبركاته

إن شاء الله راح أشتري xbox360 فهل من نصائح

1_ أهم المميزات

2_ أفضل الالعاب ( أرجوا كتابتها بالعربي )

3_ أفضل محل أشتري منه في السعودية

4_ العيوب

كل ما تعرفونه ..... أرجوا إنكم تساعدوني :ee2::ee2: :o:o
كاسبرينو
19-06-2008, 09:30 PM
ننتظر الردود والإقتراحات المفيدة
azooz25
19-06-2008, 10:45 PM
أخوي اعطيك أهم اشياء ركز عليها وتوكل على الله

حاول تاخذ الجهاز اللي يكون تاريخه حديث شهر 12 سنة 2007 وفوق
وشوف المواضيع اللي تتكلم عن الفالكون ابحث في المنتدى

بخصوص الالعاب عندك كثير
cod4
cod3
gears of war
ace combat
rainbow 6 vegas 2
battlefield bad company
GTA
والمزيد ...........

بخصوص المحلات اسف فأنا من الكويت وان شاءالله الاخوان من السعودية يساعدونك
كاسبرينو
19-06-2008, 10:46 PM
شكرا ع المرور
yawelle
19-06-2008, 11:14 PM
1_ أهم المميزات
أهم شئ يكون تاريخ صناعته من شهر 12/2007 وما فوق علشان يكون فالكون
وأنصحك تاخذ يا بريمير أو أليت طبعا الفرق بيناتهم الهارديسك فقط وأنصحك تاخذ البريمير لأنه سعره أرخص

_ أفضل الالعاب ( أرجوا كتابتها بالعربي )

هالو3
جيرز أو وار
كول أوف ديوتي4
لوست أوديسي
ننجا جايدن2
جراند ثيفت أوتو

3_ أفضل محل أشتري منه في السعودية
أذا كنت بتشتري الجهاز أصلي فأنصحك تاخذه من محل روح المنافسه أو محل بيت الكمبيوتر لأنهم معتمدين من الوكيل
أذا كنت تبي تشتري الجهاز كوبي فأنصحك بمحل جيم نيشن فهو من وجهة نظري أفضل محل للكوبي...في النهايه أنصحك تشتري الجهاز أصلي لأنه متعة الجهاز في الايف ومشكلة الكوبي أنه فيه أحتمال يعطونك باند أما أذا كنت ما تهتم في الايف فخذ الجهاز كوبي:)

4_ العيوب
حاليا لايوجد عيوب بعد أن نزلت الأجهزه المضافه إليها معالج الفالكون
langrisser
20-06-2008, 12:33 AM
أخواني أنا ناوي أشتري من جيم نيشن جهاز أكس بوكس 360 أركيد بكرة فهل من نصايح لهذي النوعية من الجهاز

وهل هناك احد جاله باند من الأجهزة الي تشتريها من جيم نيشن لأنه على حسب علمي المحل مختص بالكوبي والأجهزة المعدلة

أرجو الرد وشكرا جزيلا
العضو الخارق
21-06-2008, 07:56 AM
بخصوص الباند ما حد بالدنيا يضمن لك انك ما تأخذ باند
وحتى محلات جيم نيشن لو تلاحظ انك لو اخذت باند الضمااان يروح عليك صح ولا لا ؟
واذا شغلت كوبى على اللايف ممكن تأخذ باند ، للعلم فى ناس كثيرة جدا جدا تلعب بالكوبى عادى جدا :) ولا صابهم شئ ويارب ولا يصيبهم اى شئ :)
Emo Boy
21-06-2008, 09:22 AM
_ أفضل محل أشتري منه في السعودية أذا كنت بتشتري الجهاز أصلي فأنصحك تاخذه من محل روح المنافسه أو محل بيت الكمبيوتر لأنهم معتمدين من الوكيل
أذا كنت تبي تشتري الجهاز كوبي فأنصحك بمحل جيم نيشن فهو من وجهة نظري أفضل محل للكوبي...في النهايه أنصحك تشتري الجهاز أصلي لأنه متعة الجهاز في الايف ومشكلة الكوبي أنه فيه أحتمال يعطونك باند أما أذا كنت ما تهتم في الايف فخذ الجهاز كوبي

مشكور اخوي على النصاح بس مو كلشي بيت الكمبيوتر اصلي لنه انا من الارياض جيت ابشتري مومري 8 G حق psp بس طلعت تقلديه

تحياتي
كاسبرينو
21-06-2008, 05:39 PM
شكرا على مروركم ومساعدتي

بس فين محل جيم نيشن
][-][Mr.ZeNoN][-][
29-06-2008, 09:54 PM
وأنصحك تاخذ يا بريمير أو أليت

إسمها بريميوم وليس بريمير
القلوي222222
30-06-2008, 11:32 AM
دام فيها اجر باقولك
1- اهممم شي الجهاز يكون فالكون كيف تعرف بتاريخ الصنع يكون بعد 2007-12 والمحول الي مع الجهاز يكون 175 هذا اهممممممممممم شي مو 203 لان 203 هو اساس خراب الجهاز
2- اهم الالعاب فيه كثير وانا بذكر خمس
هالو 3 - كال اوف ديوتي 4 - ((جيرز اوف وار)) - جي تي اي 4 - نيد فور سبيد كاربون
3- العيوب يضيع وقتك من جد فانتبة ياخوك الصلاة الصلاة لان ماحد يعيش بدون الصلاة واسال مجرب
القلوي222222
30-06-2008, 11:39 AM
دام فيها اجر باقولك
1- اهممم شي الجهاز يكون فالكون كيف تعرف بتاريخ الصنع يكون بعد 2007-12 والمحول الي مع الجهاز يكون 175 هذا اهممممممممممم شي مو 203 لان 203 هو اساس خراب الجهاز
2- اهم الالعاب فيه كثير وانا بذكر خمس
هالو 3 - كال اوف ديوتي 4 - ((جيرز اوف وار)) - جي تي اي 4 - نيد فور سبيد كاربون
3- العيوب يضيع وقتك من جد فانتبة ياخوك الصلاة الصلاة لان ماحد يعيش بدون الصلاة واسال مجرب
زيفاكو
01-07-2008, 08:53 PM
انا جديد جدددددددددددددددددددداعليه وما عرف الكثير عن الاكس بوكس 360 عشان كذا ابي اعرف موضوع يتكلم عن الاكس البوكس يشرح بالتفصيل لاني كمان ابي اشتري انشاء الله........................
Uzumaki.Naruto
02-07-2008, 12:42 AM
مرحبا اخوي والله شوف انا اقول ان الاكس بوكس يكفي انه من مايكروسوفت بس هذي الكلمة تكفيك ^^ صراحة مميزاته توازي مميزات السوني3 ويعتبر من افضل الاجهزه عند ك الناس بغض النظر عن الاجهزه الاخرى وما يحتاج شرح ولا شي اشتريه وراح تعرف الفرق بينه وبين السوني3 فقط هذي نصيحه مني ^^ ارجو اني افدتك واسف على الاطاله وانصحك في Ninja Gaiden 1 and 2 شريط مميز صراحة وقوي
زيفاكو
02-07-2008, 09:17 PM
مششششششششششششششششششششششكور ماقصرت
الله يعطيك العافية
Dukefleed
03-07-2008, 12:21 AM
انا جديد جدددددددددددددددددددداعليه وما عرف الكثير عن الاكس بوكس 360 عشان كذا ابي اعرف موضوع يتكلم عن الاكس البوكس يشرح بالتفصيل لاني كمان ابي اشتري انشاء الله........................

أظن قديم الموضوع هذا لكن بيفيدك

هذا (http://www.montada.com/showthread.php?t=403436)

و

هذا (http://www.montada.com/showthread.php?p=5197668)