هل كان شرائي لـ Xbox 360 غلطة كبيرة ؟

[HAMAD D]

كيفكم جميعا ؟

دا اول موضوع ليا في المنتدى واتمنى الكل يشارك


انا تقريبا اشتريت Xbox 360

قبل شهر

وطبعا انا من محبيه هذه السلسلة
مع اني مقتنع ان سلسلة البلاي ستيشن قوية
واملك منها الاول والثاني

ولكن المعذرة الان في اعتقادي عصر الاكس بوكس ومايكرو سوفت

المهم

طبعا كنت في الاول

مقرر اشتري الياباني لانه يشغل كوبي
وراح يوفر عليا في الالعاب وكده

ولكن سألت في عدة محلات

ووجدت سعر جهاز الياباني
يتراوح بين 1900 الى 2200

وبدون عرض ولا شي

وسعر الللى مايشغل كوبي ( الاوربي )
يتراوح بين 1200 الى 1500

وبعد تفكير طويل وسمعت من هنا ومن هنا
وعلمت مزايا الاونلاين وانه لابد من الاصلي عشان اقدر العب فيه

فقررت واشتريت الاوربي PAL

وطبعا لفرق السعر ووجود عرض

اتحمست وجبت كرت اشتراك سنة لل xbox live
وقطعة واير لس عشان النت

وكل شي تمام

الين انصدمت بعدة اشياء
رجعتني لنقطة حيرة البداية
هل كان قرار صائب شراء هذا الجهاز الاصلي ؟


الاسباب :

* الالعاب الاصلية ال PAL غير متوفرة على عكس العاب الNTSC الاصلية
كــ
Def Jam: Icon
Virtua Tennis 3
واللسته تطوول


* وجود العاب ممنوعة .. صعب الحصول عليها
كـــ
Grand Theft Auto IV
call of Duty 4: Modern Warfare
بينما اصحاب الكوبي يتمتعون بها من زمااان


* لم اتمكن من الاستمتاع بالالعاب الاكس بوكس الاول الاصلية التى املكها
للاسف لها من نظام NTSC اي مخالف لنظام جهازي ال PAL

* الافلام اغلبها لا يعمل خاصة الاصلية !!!!

* انا مو عارف اشغل الويدوز ميديا سنتر .. لان حتى ماعندي نفس البرنامج في اللاب توب

* خدمة الاونلاين : بطيئة نوعا ما خاصة في التحميل

* الهارد ديسك يتعبى بسرعة يعني 20 جيجا صاروا في اسبوع 8 ؟؟؟

* مشكلة تغير البروفايلات وسط اللعب تعني عدم التسجيل وضياع التعب

* بطاريات اليد تخلص بسرعة مع انها من احسن انواع البطاريات
قد يقول البعض ان الحل بشراء الشاحن
فسعره يتجاوز ال 120 !!!

* اسعار الالعاب بين 260 الى 300 !!
* يد التحكم 200 ريال !!
* لا اعلم كيف اخزن اغاني وملفات على الجهاز نفسه

* اللعب اونلاين يفرق من لعبة الى لعبة من حيث الجودة
وسي جدا في برو افلوشن ( الكورة)

* مشكلة شخصية : ما اعرف احد يلعب معايا اونلاين


وشكرا واتمنى ما اكون طولت عليكم او ازعجتكم

واتمنى اللى يقدر يساعدك او يجاوب على بعض تسأولاتي

يكون مشكور جزيل الشكر

واخيرا وليس اخرا

اتمنى تقبلوني بينكم

وشكرا

[weldbayan]

اخوي المشاكل هذي الي مضايقتك ممكن تحدث مع اي جهاز ثاني نفس البلايستيشن 3 و الويي..انا جربتهم كلهم و الصراحة الأكسبوكس وايد أفضل من الباقي مع اني من محبي البلايستيشن و العاب ننتندو.. الأكس بوكس أحتيار حلو ترى

[ShinGundam]

عندك حلين يا أنك تبيعه و تشتري أمريكي أو أنك تطلب من النت ألعاب أوروبية

[Dukefleed]

مرحب أخوي.. أولاً مبروك على الجهاز وبصراحة ماشوفها غلطة. معظم الأشياء الي كاتبنها لها حلول سهلة جداً.



الاسباب :

* الالعاب الاصلية ال PAL غير متوفرة على عكس العاب الNTSC الاصلية
كــ
Def Jam: Icon
Virtua Tennis 3
واللسته تطوول

أولاً.. معظم الألعاب الكبيرة تكون Region Free.. يعني تقدر تلعب الNTSC على جهازك ومنهم Virtua Tennis و هيلو وكول اوف دوتي وغيرهم الكثير.. جيك في النت وبتحصل انه معظم الألعاب الحين جذي.

أما الألعاب الي مب Region Free ف للأسف مادري وين تقدر تحصلهم، لكني متأكد لو دورت زيادة يمكن تحصل !




* وجود العاب ممنوعة .. صعب الحصول عليها
كـــ
Grand Theft Auto IV
call of Duty 4: Modern Warfare
بينما اصحاب الكوبي يتمتعون بها من زمااان

صح ممنوعين في الخليج.. ولكن بسهولة تحصلهم.. اسأل عنهم هني في المنتدى وبتشوف انه معظم المحلات تبيع هالألعاب :D

وحتى لو مب موجودات، الحين عندك خدمة أرامكس والطلب من النت.. يعني بسهولة تقدر تشتري اي لعبة تباها !



* لم اتمكن من الاستمتاع بالالعاب الاكس بوكس الاول الاصلية التى املكها
للاسف لها من نظام NTSC اي مخالف لنظام جهازي ال PAL


ما عندي حل لهالمشكلة .. لو كنت تبغي تلعبهم ليش ما اشتريت جهاز NTSC وفكيت عمرك. بس ما أظن هالألعاب مهمين يعني كثر الألعاب الجديدة.


* الافلام اغلبها لا يعمل خاصة الاصلية !!!!

والله بالعكس.. أي سيدي فيديو عندي دايماً أجربه على الإكس بوكس ويشتغل.. غريبة مشكلتك بصراحة.



* انا مو عارف اشغل الويدوز ميديا سنتر .. لان حتى ماعندي نفس البرنامج في اللاب توب

غير مهم أبداً. جربته مرة وما يسوى لول.


* خدمة الاونلاين : بطيئة نوعا ما خاصة في التحميل

أولاً كم سرعة الإتصال عندك؟ لا تتوقع انك تنزل العاب بحجم 1+ GB في دقايق.. احنا في الخليج النت عندنا بطيء يعتبر حتى لو عندك أسرع اتصال متوفر عندنا.

وبعدين انت لو تشيل الوايرلس وتلعب في الاكس بوكس بواير بيكون اسرع واحسن.. فأقول حاول وخبرنا.


* الهارد ديسك يتعبى بسرعة يعني 20 جيجا صاروا في اسبوع 8 ؟؟؟

هم يكونون حاطين لك فيديوات ماخذة مساحة.. وبعدين انت تقول انك تنزل اشياء فكيف تتوقع الهارد دسك بيتم ثابت؟ يوم بتشوف المساحة قلت ادخل على الفيديوز الصور الديموز وامسح الاشياء الي مب مهمة وخلاص.


* مشكلة تغير البروفايلات وسط اللعب تعني عدم التسجيل وضياع التعب

وليش تغير البروفايلات وسط اللعب من الأساس؟



* بطاريات اليد تخلص بسرعة مع انها من احسن انواع البطاريات
قد يقول البعض ان الحل بشراء الشاحن
فسعره يتجاوز ال 120 !!!


والله تحط فيه 120 مرة ولا اتم تغير في البطاريات كل يوم.. الجهاز يسوى ومن اشتريته ما ندمت.. رخيص ويوفر عليك وايد وحتى لو الريموت الي تلعب فيه ما فيه بطاريات تقدر تركب الجهاز وتلعب فيه كwired controller.



* اسعار الالعاب بين 260 الى 300 !!
* يد التحكم 200 ريال !!

هذه أسعار الألعاب ومعروفة.. تبدا من 200 وتوصل ل400+ للألعاب الكبيرة أول ما تنزل.. ف شو المشكلة انك تاخذ لعبة وحدة في الشهر يوم انته تقدر تلعبها اوفلاين وأونلاين واتم فترة طويلة؟ (عكس الكوبي.. أوفلاين وخلاص)

أما يد التحكم انا اقول شوف لك اي محل ثاني..


* لا اعلم كيف اخزن اغاني وملفات على الجهاز نفسه

ما أظن يصير عكس الجهاز الأول.. أتذكر كنت احط فيه أغاني عشان اسمع :D بس فيه حل بسيط وهو انك تستعمل النتوورك بين الإكس بوكس وكمبيوترك.. وتقدر تسمع اي اغنية موجودة عندك في الكمبيوتر.

وعندك بعد جهاز الفلاش ميموري.. تقدر تستعمله في وصلة الUSB الموجودة في الإكس بوكس وتسمع الأغاني منه.



* اللعب اونلاين يفرق من لعبة الى لعبة من حيث الجودة
وسي جدا في برو افلوشن ( الكورة)

كما ذكرت في ردي على بطء التنزيل.. نفس الحل

أما برو ايفولشن الخطأ من كونامي وقريت وايد عن انهم مب قادرين يضبطون الأونلاين.. دايماً يكون فيه مشاكل. حاول تلعب ويا ناس من نفس بلادك وبتنحل المشكلة ان شاء الله.


* مشكلة شخصية : ما اعرف احد يلعب معايا اونلاين

في منتدى الإكس بوكس وتقول ما تعرف حد يلعب وياك؟ أقترح تدخل على هذا الموضوع (http://www.montada.com/showthread.php?t=512142) وتشوف الجيمر تاجز الي فيه.. وكلهم عرب وبيلعبون وياك فالمشكلة هذه سهل حلها والله :D

ولو عندك اي استفسار ثاني خذ راحتك.. موجودين الشباب وبيردون عليك لو ما كنت موجود انا:biggthump

[العضو الخارق]

الاكس بوكس يا غالى عالم اخر
المهم الجهاز فى البداية ممكن تحس انه محتاج مصاريف كثيرة يعنى على اشتراك الاون لين والشرايط وكده
الاوروبى ميزته الضمان الى معه وخلاص ، ممكن تعدله وتلعب فى الكوبى اذا تريد ما فيها اى شئ اما بخصوص الالعاب فمثل ما قال اخوى Dukefleed الالعاب الكبيرة والمشهورة تكون فى الاغلب free region يعنى اطمن من هذا الشئ ، انا عندى جهاز اوروبى والصراحة مريحنى جدا والحمد لله

[HAMAD D]

weldbayan
ShinGundam

شاكر لكم تجاوبكم السريع


---------------------

Dukefleed

شاكر لك اهتماامك الشديد وياريت الكل زيك في دي النقطة
والاعضاء امثالك من شجعني بالتسجيل هنا

..

معظم الألعاب الكبيرة تكون Region Free
صح ولكن الحيث منها فقط
فهناك DEAD RIsING
لعبة كبيرة ولكن قديمة ومستحيل تلاقي منها PAL

سألت اصحاب المحلات عن الممنوع
كله مايجيب الا الامريكي .. اوربي لأ

اشتريت البال على كلام الرجال انه له المستقبل
ومعاه ضمان ولم اكن اعلم ان كل نظام وله العابه

ميديا سنتر مهم جدا لفتح الماسنجر + مواقع النت
شايفها في اليو تيوب

وشاكر لك اهتماامك وتوضيحك لكل التساولات

-------------------------------

العضو الخارق

تسلم على تجاوبك ورفعك للروح المعنوية

[geece]

يالحبيب انت في السعودية تحصل الالعاب الي طلبتها في العاب طوكيو او بيت الكمبيوتر اغلبها فري ريجن يعني تشتغل عندك
بعدين العاب البال ب 150ريال لين 230 شكله الي تشتري من عنده حرامي سعر الوكيل يبدا من 150 ريال وبعدين العاب الps3 ب 230 ريال واحيانا توصل عند الحرامية 550 ريال لكل الالعاب الممنوعة زي gta iv و ميتل غير سولد 4 واي لعبة ممنوعة في المستقبل راح تكون نفس السعر لانه الشباب يقصون في المستهلك زي الشورما ؟
وبعدين الخدمة مش بطيئة اتصالك بطئء ؟
دايما الاعضاء الفاهمين ينصحوك بالياباني والسبب بسيط لانه العابه متوفرة وبجودة تقارب الاصلي وبدون مشاكل وتهنيق
المشكلة يجيك واحد يقلك انه البال المعدل احسن شي ونرجع نفس الموال ؟
ولو ماعجبك الموضوع بيعه وخذلك امريكي اليت تحصله في العاب طوكيو وبيت الكمبيوتر هذا اذا تبغى لايف وانت مطمن
وخدمة الايف بمبلغ رمزي انت تزعل لمن تدفع بس لا زم تعرف انها افضل خدمة بين جميع الاجهزة علشانها بفلوس يعني الجودة مضمونة وقارنها بغيرها عشان تعرف الفرق ؟
ولعدبن تراه البكج مش غالي حتى وهو معدل ارخص جهاز ال ps3 بدون تعديل 2259 ريال لا والالعاب نار
الوي بدون تعديل 1650 ريال مع تعديل 1900 ريال ؟

[HAMAD D]

العاب طوكيو 99 من 100 من العابه امريكي والبال جدا قليل
وكل ما اطلب لعبة بال يقولي حجيبها واكلمك .. واحلى طنااااش

ومو كل الالعاب فري ريجن .. خاصة اللى انا ابغاهم

مو اللى بتشتري منه العاب طوكيو اللى بتنصح بيه .. تعرف محل احسن ؟؟؟

[SN!PER WOLF]

weldbayan
ShinGundam

معظم الألعاب الكبيرة تكون Region Free
صح ولكن الحيث منها فقط
فهناك DEAD RIsING
لعبة كبيرة ولكن قديمة ومستحيل تلاقي منها PAL


اللعبه فري ريجن ,, انا عندي اللعبه وكان عندي جهاز امريكي لكن صابته الريد لايت والشرايط الاصليه الامريكيه كلها عندي وكنت اتحراها راحت علي

لكن تميت اجرب الشرايط الاصليه على الاكس بوكس اليابانيه
وشفت انه اغلب الشرايط الحلوه فري ريجن ومن بينهم

DEAD RIsING

[HAMAD D]

DEAD RIsING

كل ما اسأل محل مالا اقي عنده الا NTSC

ويؤكد ليا ان اللعبة لاتعمل على ال اجهزة ال PAL

حتى المواقع اللى تقول اللعبة تشتغل ولا لأ

مافي منهم من قال انها تعمل

واللعبة ابغاها وبحثت ولم اجدها

[HAMAD D]

وين الناس ....

[Dukefleed]

جان على هاللعبة بس ليش ما تطلبها من النت وتفك عمرك؟ :28:

[HAMAD D]

كيف اطلب من النت ؟

[انمار عدنان]

والله غلطه اني من العراق واشتريت 4 اجهزة وكلهن خربن حته اخر شي فالكون وخرب موقياس وتندمتع ياريت مشتري بلي 3 احسن صح اجهزته غاليه وشرايطه بس احسن من يوميه يعطل الجهاز مصيييبهههههههههههه

[ZiDaNe 5]

والله غلطه اني من العراق واشتريت 4 اجهزة وكلهن خربن حته اخر شي فالكون وخرب موقياس وتندمتع ياريت مشتري بلي 3 احسن صح اجهزته غاليه وشرايطه بس احسن من يوميه يعطل الجهاز مصيييبهههههههههههه

مره تقول جهازين و مره تقول 4 يأخي انت ماعندك شغل غير تكتب انه الاكس بوكس يخترب؟
و انت اول واحد يقول فالكون اخترب
شوف اذا بتكتب مره ثانيه ابيك تصور لي الاجهزة 4 بعدين تكلم ....
و تعال دام انك شاري اربع اجهزة يعني عندك فلوس روح اشتر سوني 3 و ريحنا :31: