للنقاش:هل هؤلاء فيه طريقهم الى الانقراض؟

[البيكهام هام]

السلام عليكم

فيه اسئله ببالي من سنه او سنتين وقلت اكتبهم عشان اشوف راي الناس عن الشي هذا:wink2:

مع قدوم الدي اس ال صاروا العالم ينزلون الاغاني من النت وينسخونهم على سيدي وفيه السنه الاخيره صار فيه شي اكبر من السيدي اللي هو اجهزةmp3وmp4 يعني المطربين قبل ربحهم على الاشرطه الكاسيت اللي تنباع بالمحلات اما الحين محلات قليله اللي تبيع اغاني كاسيت فالسؤال اللي يدور ببالي شلون راح يربحون المطربين مدام انه محد قام يشتري اشرطه كاسيت وكل واحد ينزل اغاني سواه قديمه او جديده وقبل لاتوصل المحلات بعد ويحطها على ام بي3 او يسمعها بكمبيوتره

1-هل بعد 5او 10 سنين كل محلات الكاسيت تسكر؟
2-هل المطربين سوف يتوقفون عن الغناء؟
3-هل هذا الشي فيه طريقه الى الانقراض؟

-----------------------------------------
ونقاش ثاني مشابه له
حقوق نقل المباريات سواه على شوتايم او اي ار تي او الجزيره قبل لاتنزل الرسيفرات اللي تبطل القنوات عن طريق الدي اس ال كانوا الكل يشترك عندهم اما الحين اكثر اللي اعرفهم عندهم رسيفرات تبطل القنوات عن طريق الدي اس ال وهذا الشي يوم عن يوم ينشهر اكثر واكثر يعني لو عطيناه 5سنين او 10 سنين نلقى 90 بالميه من المشتركين كلهم مبطلين قنواتهم عن طريق الدي اس ال

1-هل سوف تنقرض حقوق نقل المباريات فيه السنوات القادمه؟


هذه الاسئله دائما تدور فيه بالي وان شاء الله القى الجواب الشافي منكم وتقبلوا تحياتي;)

[Mahdee87]

وعليكم السلام ورحمة الله وبركاته

والله فعلا انا فكرت بنفس التفكير سابقا

لكن بالإضافة الى ما تقول .. فيوجد محلات تسجيلات تشتري السيدي او الكاسيت الأصلي وتعمل منه نسخ أخرى وتقوم ببيعها بسعر زهيد :D

اذا كان على المغنيين فأحسن .. خلهم يولوا:09:

وفي النهاية الأشرطة والسيديات مو هي مصدر الدخل الأول للمغني

فهناك حفلات يعملها يطلع في الليلة ارباح هائلة:boggled:

كما انه فيه ناس كثيرين يحملوا الأغاني من الانترنت وبعدين في سيارته ما يكون فيه الا مسجل كاسيت وليس سيدي:09:

فيروح يشتري الكاسيت أيضا ...

يعني انا فكرت مثلك في البداية لكن بعدين لقيت انه الناس حتى لما تحمل الاغاني من النت تذهب وتشتري السيدي او الكاسيت أيضا .. والمغني يربح منها ومن حفلاته ومن الدعايات أيضا

لا تخاف عليهم حاسبينها مزبوط:09:

وحقوق النقل .. والله انا شايف انه الناس تشترك بقوة في القنوات هذي

وفك تشفير القنوات مش منتشر بصورة كبيرة هنا

انا مثلا لا أعرف كيف ولم أستطع ان اعرف كيف أفك تشفير قنوات الجزيرة الرياضية :09:

ولكن ايضا هذه القنوات لديها دعايات .. والدعايات معروفة بسعرها الهائل:bigeyes:

وايضا هنالك ناس يخافوا يفكوا التشفير بطريقة غير مشروعة وفجأة وهو يتابع ومتحمس تلاققي المحطة راحت :09::09::09:

فيشترك علشان يتجنب مثل هالأمور :28:

الخلاصة :biggthump

انا أتوقع انها ليست في طريقها للإنقراض أبدا ... :)

واشكرك على الموضوع والمناقشة الجميلة :D

[أنــفــاسـ]

السلام عليكم

وعليكم السلاام ورحمة الله

فيه اسئله ببالي من سنه او سنتين وقلت اكتبهم عشان اشوف راي الناس عن الشي هذا:wink2:
راح اجاوب على القسم الاول الخاص بالمطربين :D


مع قدوم الدي اس ال صاروا العالم ينزلون الاغاني من النت وينسخونهم على سيدي وفيه السنه
الاخيره صار فيه شي اكبر من السيدي اللي هو اجهزةmp3وmp4 يعني المطربين قبل ربحهم
على الاشرطه الكاسيت اللي تنباع بالمحلات اما الحين محلات قليله اللي تبيع اغاني كاسيت
فالسؤال اللي يدور ببالي شلون راح يربحون المطربين مدام انه محد قام يشتري اشرطه كاسيت
وكل واحد ينزل اغاني سواه قديمه او جديده وقبل لاتوصل المحلات بعد ويحطها على ام بي3 او
يسمعها بكمبيوتره

من ناحيتي دايم انزل الاغاني من النت واحطها على سي دي واسمعها بالسياره
ولا اذكر متى اخر مره شريت فيها شريط :33: !

يعني غالبا اسويها :D


1-هل بعد 5او 10 سنين كل محلات الكاسيت تسكر؟

كل شي ممكن ... بس ممكن يكون بعد هالمده فيه قرارات تحفظ حقوق الفنان والبومه
يعني يتعب عليها ... واخر شيء تنزلها ببلاش :D
بس ممكن في المستقبل نشتري الالبوم من النت
اذا ما خانتني الذاكره ...اذكر قد شفت في فلم او برنامج ان فيه فنان تقدر تنزل البومه من النت
وتحول على حسابه المبلغ اللي تشوف ان الالبوم يستحقه
يعني ان شاء الله تشوف الالبوم يستحق دولار ... تحوله له.... فله :D


2-هل المطربين سوف يتوقفون عن الغناء؟

مافي امل :D
قد سمعت في برنامج ان الفنانين ما يعتمدون كثير على الالبوم
بس اغلب ما يعتمودون على الحفلات
قد سمعت ان احلام تاخذ على الحفله 30 الف او 50 الف مانيب متأكد:33:
يعني شف من حفله وحده بس جابت هالمبلغ :D
يعني لو احييت كم حفله في السنه كم بيطلع لها .... عد واغلط :D
هذا طبعا غير الاعراس ( حفلات الزواج)
وغير الاغاني الخاصه.... وهذا كوم ومبيعات الالبوم كوم:D


3-هل هذا الشي فيه طريقه الى الانقراض؟

زي ما رديت على اول سؤال ..ممكن
يعني ممكن تكون ذاك الوقت فيه قرارات اكثر صرامه على النت بشكل عام
يعني ما تكون سايبه :D


اما النقاش الثاني ما افهم فيه واجد ... عشان كذا ما ابي اتفلسف في شي ما اعرفه :09:



بالتوفيق


تحياااااااااااااااتي

[-Cheetah-]

والله سؤال مهم فعلا... فمصير محلات الأشرطة شيء حيوي لنا.
بل ويطغى على أهمية المجاعة الضاربة في الصومال.
والذل الذي يتعرض له المسلمون في الإيجور الصينية.
والقتل في العراق و فلسطين.