مشاهدة النسخة كاملة : لينك شيل يجمع العرب - قول رأيك ولا تهون
Sub^Seven
26-06-2008, 02:24 PM
السلام عليكم
----------------------------- الموضوع عن سيرفر راجناروك ---------------------------
اخواني شلونكم عساكم بخير
حاليا في لينكشيلات كثيره براجناروك عربية انا اقصد شيل عادي للسوالف والضحك وتعارف
لان كل واحد وده بشيل يضمه هو مع اصحابه ولكن ليش ما نسوي شيل يضم الاغلبية ؟ البعض راح يقول فلان اكرهه او ما احبه انا راح اقولكم انـــــا + كارش = هواش 24 ساعة خخخخخخخخخخ شكلنا بالاحلام كنا نتهاوش بعد ولكن حصل تفاهم والحين سمن على عسل لان مهما كان كلنا اخوان وربع بالعكس الحين اتمنى يكون اول عضو بالشيل عشان نكسر الحواجز والحين تقريبا في 10 في شيل رقم 1 & 10 في شيل رقم 2 & 10 في شيل رقم3
انا ودي نكون 30 في شيل واحد يكون متفاهم من ناحية القوانين والانظمه تكون من قبل الاعضاء وليس الليدر لان الشيل يكون باصحابه مو راعيه انا حطيت هالموضوع لان كنت بشيل ربعي وواحد من ربعي قالي تعال مسوين شيل جديد فانا شنو اسوي ؟ كلهم اخواني واستانس معاهم هل يعقل 5 دقايق هني و 5 دقايق هني ؟
طبعا لأ
والبعض يكره الشيل العربي الجديد يقول راح يكون في نوبز فاحب اقولك انا ما انولد ومعاي SKY ACCESS
ومعاك حق في نوبز يطلعون عينك كانه اجباري تساعدهم لأ هالكلام ماراح يكون موجود ممكن نخصص يوم بالاسبوع نساعد الي يبون رانك طبعا لغاية 5 مبدئيا نعمه او 6 خير على خير
اما واحد يقولي ابو عبدالله انت ثيف تعال في ان ام يطلع كل ساعتين ساعدني ولو قلته ما اقدر يقول عرب ما فيكم خير لول لأ يا روحي انا مو اشبك عشان عيونك السود والله لو انك ميثرا شقرا وعيونك زرق ما همني لووول انا جاي العب بس ممكن اساعدك لو اقـــــــــــــــــــــــدر
عل العموم ما ودي اطول بس اتمنى محد يقول شكرا او يعطيك العافيه جزاك الله خير خلها دعوه بينك وبين ربك بس عطنا رايك + نبي مميزات + عيوب الاقتراح
شروط الشيل مبدئــــــــــــــــيا:
يكون الليدر بكاونت بروحه مو اساسي وفيزا نظيفه عشان لا ينطرد او ينباع ( انا عندي BDR نظيف وانتم مو مجبرين عليه ممكن نسوي ترشيح ) لان ما ودي مثلا اكون انا ليدر بشخصيتي الاساسيه يمكن ابيعها او ما اشبك او او وهالشي صار مع كذا شيل انه يخترقون الليدر او ينباق وانا من ناحية الاختراق مبين من نكي ساب سفن خخخخخخخ يعني هكر متقاعد 300% محد يقدر يخترقني وبالنسبة للباند الاكاونت انا مخليه مول بفيزة بروحه يعني 300% استحالة انطرد ( قولو رايكم ولو احد يشوف عنده نفس الاكاونت يقول )
----
نفس ما قلت تكون القوانين من الاعضاء وليس الليدر وممكن بعد أذن اخواننا المشرفين نخلي موضوع فقط للشيل من اقتراحات واستفسارات
----
تبي مساعده تقول يا شباب ابي كذا وكذا لقيت الي يساعدك خير على خير ولو ما لقيت الي يساعدك لا تقول ما منكم فايدة او تسوي دراما لان راح يشرفنا نستبعدك لان مانبي عوار راس
----
العموم راح يكون SACK عدا اللاعبين الجدد باللعبه او يمكن الكل او البعض هالشي قراركم مو قرار الليدر لان هالشيل لنا مو لليدر كان من كان
----
ادري طولت بس تعبت من الكتابه طلعت لأصابعي عضلات ههههه
لو في اقتراحات اتمنى يقولون ولا تبخلووووووووووووووووووووووووووووووووووووووووووووووووووووووووووون
(((((((((((((((((((هالموضوع للشيل لو وافقتم راح نرشح ليدر تنطبق على اكاونته المواصفات ويكون معروف باخلاقه سواء هنا او باللعبه بعدين نقرر اسم الشيل وباقي القوانين اتمنى حاليا تركزون بس عالفكره )))))))))))))))))))
ملاحظه ترا مو معنى هالكلام انا الليدر اتمنى تفهمون اني ابي المصلحه العامه فقط لا اكثر ولا اقل
اخوكم ابو عبدالله
شكر خاص لاخواني tamem / twan للتشجيع على الفكرة
Sub^Seven
26-06-2008, 03:13 PM
لأ عيوبه اكثر من مميزاته (اذكر السبب)
شنو من الكلمة مو فاهمه يا اخ رامشي ؟
+ انا ما شفتلك موضوع بالمنتدى هني بالقسم ولا انت تبي ترفض وبس مع الخيل يا شقرا ؟
تكفوووون يا بشر الله ما عطانا مخ عشان الواحد تكون حياته اكل ونوم حط رايك ولا وفر على نفسك وزيد عدد مشاركاتك بمكان ثاني
وشكرا
هلا اخوي بوعبدالله
انا صوتت لأ عيوبه اكثر من مميزاته
السبب :
اول شىء هذا رأيي انا حر فيه لحد يدخل ويقعد يتفلسف على راسي كل شخص حر برأييه
نرجع للسبب الى خلاني اصوت على هذا شىء
لو شفنا تجارب الى صارت للنك شلات عربيه كا صوره عامه نلاحظ تكرر نفس مشاكل
احنا فينا (عقدة الواسطه)
وانت صديقي وخليت الى ماتعرفه يسوي لوت على ايتم X ( ويطلع زعلان من لنك شل )
كثير صارت هذي المواقف بتقول لأ ؟ بتكون تخدع نفسك
(عقدة الأنا)
ليدر العربي لوت 70% من الايتمات وبعد مايشبع وياخذ الايتمات يصكر لنك شل بتقولي انك قلت انه الاعضاء هم الى يحطون القوانين ومافيه ليدر ؟ مستحيل لنك شيل مافيه ليدر ولا بتفشل لنك شل من اول ايفينت
وايضا راح تشوف اعضاء مايحضرون الا حق الايفينت الى هم يبونه ويطنشون الباقي الانه اغلبهم
داخلين يبون ايتم ولا ايتمين ويطلعون من لنك شل حقك ولا عندهم روح التيم ورك
(عقدة الشك)
لو سويت لسته للنقاط وشباب الى يحضرون للايفينت بيطلعك واحد ولا اثنين يقول انتم ظالميني بالنقاط ويزعل ويطلع كثير تكررت
ادري كلامي بيزعل الكثير ولكن هذا من واقع لنك شلات العربيه بسيرفرنا والى يقول لأ يخادع نفسه
هذي نقاط تجدها بصوره اقل حسب ترتيب التالى
NA > EU > AE
Sub^Seven
26-06-2008, 05:18 PM
اشكرك اخوي كويت وكلامك 100% بس انا مثل ما قلت :
الشيل سوالف مو HNM ....
الليدر ميول فقط والكل سواسيه (المفترض)
كل مكان فيه الزين والشين الزين يبقى لكن الشين الاعضاء بامكانهم يطردونه وان شاء الله تكون عنده كرامه يطلع قبل يطردونه
meshari260
26-06-2008, 05:30 PM
(( هـــــوّن عــلــيــك يا kuw ..!! ))
فحديثك بعيداَ كل البعد عن موضوعنا هذا.!!
وبما انك خضت في حديث بعيداَ عن موضوع الاخ سب سفن سأخوض معك واحاول ان أفكك جميع العقد التي عقدتها :D..
هون عليك ياسيدي فسياسه إيجاد العقد وسياسه التخذيل وإحباط العزائم سياسه الخرقاء.. ليست من الحصافه في شي !!.. ولا من المصلحه في شي ..بل انها سياسه الحمقى والجبناء !!. الذين أوكلوا اخطاء الغير بأنها نهايه العالم :أفكر:..ويرشقون بها سواعد الرجال ..! ويغتالون بها حماسه الشباب ..
اما سمعت اخي KUW عندما التقى المسلمين بالروم في معركه اليرموك حيث قائل قائل من المخذلين : ما اكثر الروم وتماسكهم وأقل المسلمين وما اكثر تفككهم .. فقال خالد بن الوليد : ويلك بئس ما قلت ..!! ، أتخوفني بالروم ..؟؟ ، بل ما أكثر المسلمين (!) و أقل الروم ..!! ، و إنما تكثر الجنود بالنصر (!) و تقل بالخذلان .. فانتصر المسلمين في ذاك اليوم .. لاعتقادهم وايمانهم بالله وعدم إعطاء الفرص للمشككين وموجدي العٌـقد .
فلا تيأس يا KUW ولا تكن انسان متخاذل ويضع العقبات والحواجز والعقد في طريقه وطريقه تفكيره ..كثيره هي العقبات التي تعترض طريقك كل يوم .. خلاف مع صديق.. سماع كلمه جارحه من الليدر .. اخفاق في مهمه .. تعطيها كل وقتك وجهدك وتفكيرك.
وعندما تشعر بالياس وتمسح له باختراق حياتك تصبح انسان سلبي في حياتك وتعاملك
وطريقه تعبيرك .. فمثلا :
لو احضرنا كأس به ماء نصف ممتلئ ..فنظرت اليه لقلت هذا كأس نصف فارغ..
ولو نظرت اليه في وقت كنت بقمه الثقه بمن حولك وبنفسك لقلت هذا كأس نصف ممتلئ
وهذا الفرق ..
واسف اذا كلامي يزعجك . واعتبر كني ماقلت شي :o
على العموم يابوعبدالله الموضوع تعرفه من ناحيتي انا موافق . وفكره هالموضوع اشكر اخوي TWAN اللي طرح الفكره وتفاعل معها ابوعبدالله .. وهو موضوع بسيط بعيد كل البعد عن العقد .. وهو شــات عادي :) نطق فيه سواليف وضحك بس
لكن ابوعبدالله سرد الافكار مره وحده .. كنه مجمعها في قدر وكبها عليها :D
ياحبيلك يابوعبدالله :ee2:
Sub^Seven
26-06-2008, 05:43 PM
اشكرك عالرد الطيب وكلام كويت مثل ما قلت والله 100% اغلب الشيلات فيها هالكلام هذا بالنسبة HNM ولكن الشيل الي نبيه خفيف يعني بالكثير مساعدات بسيطة وكلامك عين العقل يالحكيم انت وهالمعلومات عطها اخوك ترى تفيده في ترافيان ههههههههههه
وموفقين خير وشكرا عالتجاوب
meshari260
26-06-2008, 05:49 PM
(((((((((((((((((((هالموضوع للشيل لو وافقتم راح نرشح ليدر تنطبق على اكاونته المواصفات ويكون معروف باخلاقه سواء هنا او باللعبه بعدين نقرر اسم الشيل وباقي القوانين اتمنى حاليا تركزون بس عالفكره )))))))))))))))))))
ارشح Kight المدير عام لمصلحه الارصاد الجويه
و TWAN مساعد المدير والعضوالمنتدب :D
انا مع لينك شل توان حاليا ومعنا شباب مستعدين ننمدج مع اي لينك شل ثاني ..
الاعضاء Aliii + Twan + Tamem+ Kight + Faysl + Alkhaled +Tidusss+ Elso + Fhoodi + Lordvan
مشاري حبيبي لينك شيل يجمع العرب - قول رأيك ولا تهون هذا العنوان
( يعني كل شخص يكتب رايه وكل شخص حر يعبر عن رايه يعني موضوع مو نقاش علشان ترد علي وارد عليك على العموم مو مشكله )
اذا كان القصد لينك شيل يكون شات !!؟!؟ هذا شىء ثاني وبنظري مو محتاج تصويت الشات الكل يحبه
حسب الى فهمته من موضوع اخوي بوعبدالله انه لينك شيل يكون HNM LS مو شات وهذا سبب ردي اتمنى تراجع الرد مره ثانيه اخوي
وتسأل شباب الى كانوا بلنك شلات عربيه ( HNMLS) والله وهذا انا احلف والله اغلب لنك شلات العربيه راح تلقى فيها الى قلته لك وبنسبه كبيييره واضحه ايضا
لا تخدع نفسك بالكلام وتعشم نفسك كثير الواقع العربي للنك شلات العربيه كبير والعقد الى كتبتها لازم تلقاها بصوره كبيره فيها للاسف
اى على فكره اذا سالفه شات LS بس يعني تجمع عربي انا اغير تصويتي لموافق الانه الشات حلو :)
اما لو كانت الفكره تجمعهم على انه شات LS بعدها بكم اسبوع تشوف شباب حطوا افينت سكاي وبعدها بشهر كامب HNM ابقى على تصويتي الاول وهو معارض للفكره
على العموم الله يوفقكم وان شاء الله منها الى الاعلى ولكن رأيي وحبيت اقوله
meshari260
26-06-2008, 07:25 PM
KUW الله يعافيك ويخليك لعين ترجيك .. الحمدلله انك فهمت الموضوع باخر لحظه والا كنت ناوي تكثر من العقد.. ويكفي انك قلت رايك واستفدنا من افكارك النيره .. ومن غير ماتحلف وتقسم بالقرآن لو فكرنا نسوي لينك شل ايفنت انشاءلله بحول الله اول مانستدعي انت عشان تضع النقط على الحروف وتعلم كل واحد عربي يفكر انه يفتح لينك شل ان فكرته من الحين لافينها بقماش ابيض ودفناها ومصلين عليها بمقبره العود ..
رايك وقلته مشكور على العموم :)
Sub^Seven
27-06-2008, 12:03 AM
هههههههههههههه
مشكورين يا اخوان وعلى التشجيع وننتظر باقي الاخوان لان الظاهر الكتابة هني بفلوس :)
Broodex
27-06-2008, 02:21 AM
ابوعابد لو بحثت في مواضيعي تحصلني احث على التجمع بغض النظر عن فكرة نوع اللنكشيل
فطبيعي موافق
.dark man.
27-06-2008, 05:09 AM
وانا معكم , بس همتكم
- حاليا مع Hope والحمدلله مرتاح والقوانيين ممتازه (( فيه قانون مايصلح للعصبييين :) .. طبعا لما اكون معصب ماكون في اللينكل شيل احتراما وتقيدا بالقوانيين ^^ ))
وزياده الخير خيرين :) همتكم
Sub^Seven
27-06-2008, 11:57 AM
لأ عيوبه اكثر من مميزاته (اذكر السبب)
(اذكر السبب)
(السبب اذكر)
كتبتها من الجانبين عشانكم :)
شيطون جعلي ما فقدك باللعبه قلتلي ان العرب ما يتحدون بس الي اشوفه الحين انت تعارض على اتحادهم وترفض تقول السبب
يا اخوان بسكم احباط ارجوكم الي يعترض يكتب سبب او لا يدش الموضوع ياخي قول شي يفيد او توكل مو بس احباط ودراما خليتوا الواحد يكره يفكر بالموضوع من قبل يصير اشوف ناس تشجع وناس تحبط وتنحاش من المواجهه شباب تعاونو لو برفض الاقتراح بس اذكروا سبب ولا نصكر الموضوع ابرك لان احس اني قاعد اقترح على نفسي :)
موفقين خير :)
Angel Of Night
27-06-2008, 02:41 PM
والله أنا متحير فماأدري صراحة وش أصوت
لاإن كلام الأخ Kuw 100% صحيح
وكلام الأخ مشاري بعد صحيح
أما إذا كلامكم على لينك شيل شات فاأنا موافق طبعاً 100%100
لكن HNM ماأدري والله فالعرب كل همهم إذا يضبطون نفسهم وينسون الأخرين طبعاً أتكلم عن تجربة
وغير هذا حتى أنا أعترف إني طماع فوالله ماأدري علشان كذا ماراح أصوت الحين
لكن أنا سمعت إن بالفعل في لينك شيل في بيسمارك أغلبهم عرب وهم الأفضل هناك وأتوقع في عضو موجود معانا هنا وإسمه Man
Zatar
27-06-2008, 08:45 PM
لا قلت العرب حط ابالك انك واحد من هالعرب
وليش ماخذين فكره مو زينه عن العرب
وصاابع ايدينك مو سوى
انا يااكثر الينك شلات لي دشيتها عرب وجاانب فيها الزين وفيها الشين
شفت اليدر لي يسوي لوت على لي يبيه ويعطي ربعه وماطول ويا هالاشكال >> عربي اليدر الله يستر عليه اتوقع واحد شاك من نفسه راح يرد على :p
وشفت اليدر لي يقدر للاعضااء اكثر من نفسه من اول ماانفتح الينك شيل لي اخر شي ماعمره سوا لووت يمكن مره
حتى الايتماات مالاته موزعها على الاعضااء وواليدر هذا يمكن قليل لي يعرفونه لان مايحب يذكر طيبه للنااس Frage والله خيييره واايد على
عيبنه حنى كعرب بس شاطرين نتكلم عن عيوبنه ومايشوف العيب الا المعيووب
وماعمريي شفت احد يتكلم عن حسنااات العرب بالعبة
نصييحه اذا تبي مساعده من العرب و اولهم انااا
اذا ميثرااا والشعر ابيض والعيون عسليه من عيووووني لو تبي بور لفل من 1 لي 100 !!!:09:
Angel Of Night
27-06-2008, 09:08 PM
ويأأخ أبو عبدالله الأخ رامشي حر بتصويته وياليت ماتغلط على أحد فهو حر بتصويته
وياشباب كلكم إخوة لحد يحقد على الثاني
وتقولون ليش العرب مايتجمعون الحين هذا موضوع وشوي وينقلب طقاق :p عاد وشلون لو طاح دروب وشلون لو طاح D Ring o.o
طبعاً أذكر الإخوة لو الله ثم تعرفي على أخوي أبو عبدالله كان ماوصلت اللي أنا واصله الحين
أذكر كان لفلي 20 عطاني 30 ألف
وقتها 30 الف تعتبر واااااااااااااااو
Light.Darkness
28-06-2008, 01:13 AM
السلام عليكم :)
اهنيك يابو عبد الله على رغبتك في تجيمع العرب
بما انك لاعب اكيد عارف وش صار في اللينك شلات العربية فلا تلوم الناس على تشاؤمهم ابدا
بالنسبة لي بفكر في الموضوع وبكتب رأيي بعدين اذا طلعت بشيء وبطبيعة الحال بأجل تصويتي
بالنسبة لأخونا رامشي
ابو عبد الله رجاءا لاتخلي غضبك يخليك تكتب كلام جارح لأي شخص
ادري انك طلبت السبب على التصويت بس يظل لكل عضو صوت وان لم يوضح لأي سبب كان
الاخ رامشي ما يشارك هنا عادة و يمكن يكون هذا السبب في عدم الرد لان الناس هنا ما يعرفوه ولكنه وضع رأيه في التصويت وهذا حقه
الرامشي لاعب قديم في اللعبة من سنوات عدم مشاركاته هنا مو دليل انه ما لعب ولا يعرف اللعبة
انا ما واجهته وجها لوجه في اللعبة و هو ما يعرفني بس انا عارف انه معنا و من سنوات وان لم اكن اعرف اسمه داخل اللعبة :D
ويا شباب اخذ الامور بروية و النقاش بعيدا عن الاستهزاء و احترام الغير هو افضل طريق للوصول لنتيجة مرضية
وبالتوفيق :)
starak
28-06-2008, 08:25 AM
والله فكره حلوه ابو عبدالله
والي مو عاجبه لا يدخل
بس لازم الليدر يكون واحد محترم واخلاق عاليه وانسان باله وسيييييع وقلبه نظيف
ويكون معاه ساك محترمين مختارين بعنايه
وانت يابو عبدالله صراحه ما مثلك
بس اهم شي اي واحد بيقبل في الشيل لازم يدرس بعنايه
لان فيه كثير شباب الله يستر عليهم حسودين على بدن سبب هخخخخ
انا معك
Master X
28-06-2008, 09:30 AM
بصراحة فكرة ممتازة وانا أؤيدها ..
وبحكم خبرتي السابقة بوضع قوانين النقاط في anzana (الله يذكرها بالخير ) كان كل شخص ياخذ حقة , ومستعد للمساعدة بوضع نظام محكم معكم اذا حاب بشرط يطبق على الجميع حتى على الساك هولدر والليدر .
الاخوان المعارضين والمتشائمين احب اقولهم ترى مافية شي كامل او شي مافية غلط , نعم فية بعض العرب الليدرز لهم سوابق لكن الخطأ الاساسي انا احملة على الاعضاء , اذا هم شايفين الغلط وساكتين هذي مصيبة , فلذا الواحد اذا بينجح او كنا نبي اللنك شيل ينجح لازم اذا شفنا الخطأ نصححة على طول , وبعض القوانين اذا وضعت وكان فيها ثغرات تتصلح , وبكذا بالاخير راح يكون فية نظام قوي للنك شيل , الشي الاخر المهم هو عدم وضع بنك للنك شيل من وجهة نظري , الجيل الي ينجمع يتوزع على الاعضاء حسب النظام بكذا يكون فية مصداقية اكثر .
وتقبل مني اطيب تحية ..
Sub^Seven
28-06-2008, 02:44 PM
البعض ما شاء الله كانهم يهود يكرهون تجمع العرب فتلقاه يحبط المعنويات وينحاش بلا برهان واعذروني مو من عوايدي اكون عصبي بس ما احب الي يتكلم بلا برهان يقول كلمه وينحاش او يخرب على ربعه لان لغاية الان فقط معارض واحد وهو اخوي شيطون لان كويت تراجع عن تصويته و3 يقولون حالنا افضل و 7 يشجعون وطبعا محد يذكر سبب ليش ما ادري لا يغركم اني مرتفع ضغطي من رامشي عادي يبا :)
عالعموم اذا اكتمل النصاب راح نقرر الليدر والاسم والقوانين ومبدئيا رامشي هو نائب الليدر :)
اشكركم على حسن تعاونكم
zatar انت تارو وواجد عليك يبيلك ذيل وتصير ميثرا حجم صغير :)
Love Angel
28-06-2008, 06:17 PM
لحظه لحظه ...
ههههههه انا موافق عالفكره لكن في شي...
شو الحل لو كنا بسيرفرات متفرقه...
يعني انا كفكره ما عندي مانع عليها... << نوووب وبدا يتفلسف لوول
المهم الفكره حلوه وتستحق المحاوله ...
طبعا HNM LS ماعرف عنها شي ابد لانه بعمري ما كنت بوحده ... << علشان تصدقون نووووب
فاترك هالشي لاهله... أهل مكه أدرى بشعابها ^^
Light.Darkness
29-06-2008, 02:44 AM
ابو عبد الله
رامشي من لاعبين ffxi منت مصدق ؟
والله العظيم انه من لاعبين ffxi
وصدقني انت بكذا تفرق اكثر مما تجمع مو بس نفرت الاخ رامشي اي واحد ثاني وبالذات اذا كان بس متابع ولا شارك هنا من قبل مستحيل يرد او يشارك او حتى يدعم
الكلمة الطيبة هي السحر اذا اي واحد حاب يتفاهم مع اي شخص ثاني :)
اتعوذ من ابليس :)
Sub^Seven
29-06-2008, 08:42 AM
عزيزي انا مو مهتم لاعب او لأ بس مهتم انه في شخص كتب موضوع
وقالك تبي تجاوب اذكر سبب ولا لا تجاوب فليش الاخ يحبط معنويات الشباب وما يذكر السبب ؟ لا تصوت لو ما تبي تذكر سبب التصويت مو اجباري ولكن انا قلت السبب اجباري بما اني صاحب الموضوع فالي يشارك لازم يشارك بكل الموضوع ولا لا يشارك اما اني مثلا اقول موقع المنتدى مو زين وانحاش ما اذكر عيوبه فهذا شي راح ينفر الناس منه لان انت لو تبي الاصلاح تنصح اخوانك بالاخطاء مو تحبط معنوياتهم مثلا اخوي كويت صوت على الرفض وجزاه الله خير وضح السبب وطلع فاهم كلامي غلط بس عالاقل نصح وقال رايه انت شلون تبي ترتقي لو ماكان في تنظيم ؟ فالاسف حنا نفتقر التنظيم واحيانا نفتقر التفكير وخير الكلام ما قل ودل وسامحوني لو اخطأت بحق احد مهما كان كلكم اخواني واولكم رامشي ولا تزعل بعد :)
ابو عبدالله
mojahid00
29-06-2008, 12:19 PM
مرحبا الساع
اسف على مداخلتي المتاخرة لكن صارلي فترة ما دخلت المنتدى .
اول موضوع لي كان بالمنتدى كان دعوة اخوانا العرب لسيرفر ريمورا و الحمدالله حصلت تجاوب طيب و تعرفنا على شباب طيبين نفتخر بصحبتهم، و انا من اكبر المؤيدين لأي تجمع عربي (لكن)...
شباب العرب كأفراد ناجحين تماما لكن كتجمعات فاشلين في بعض الايفنتات طبعا ليس كل العرب و هذا ما يقلل من شأنهم لكن طبيعتنا نحن العرب تختلف عن الاجانب في ادارة الوقت و الالتزام، و لا أويد الكلام kuw اخونا كعقدة الانا و الشك لانها صفة شائعه في الاجانب اكثر منا نحن العرب، لكن نعم اؤيده في رفضي بعض نوع الايفنتات خصوصا الي تستغرق وقت طويل لمعرفتي لطبيعتنا نحن مثل HNM، ادارة الوقت مهم جدا تخيل hnm وقت الصلاة و كثير تصير و يمكن يوميا ما تقدر توقف و لا تروح AFK في نص الضرابة حتى التزامنا العائلي مختلف على الاجانب نحن ما نقدر نتجاهل العائلة و متطلباتها مثل الاجانب، لهذا اشوف استمرارية hnm ls العربي اقل، انا ما اتكلم عن قدرتنا على التغلب بالعكس اذا ما تقدر تفوز اليوم بتفوز بكرة لكن الاستمرارية و الالتزام اهم للنجاح، بالنسبة لي اشارك العرب في limbus لنكشل ناجح تماما ووقته حلو بعد صلاة العشاء و يومين في الاسبوع ساعة بالكثير و عندي سالفج لنكشل بعد صلاة العصر ثلاث ايام في الاسبوع و كلهم عرب ماعدا واحد او اثنين من الربع و المشاكل عادية مثل homam leg ما تشوفه كثير او ares body ما يطيح يعني مشكلة حظ لا اكثر مافي ايدك تسوي شي ..
الهدف من اللنكشل الصداقة و السوالف و الوناسه و ما يمنع تعمل ايفنتات تكون خفيفة مو شرط الي يعمل hnm يكون افضل لنكشل او حتى افضل لاعب بالعكس احين في ايفنتات احلى من ground hnm مثل انهاجر و مو محتاجة وقت و السالفج الي يعتبر من افضل الالبسه في اللعبة و الافنت الجديد Znm البوب مالها وااااااايد سهل بس محتاجة تكتيك و اسلوب .
الله يوفقكم و انا اؤيد بشدة و للاسف ما أقدر اكون معاكم لاني في سيرفر ثاني و متواجد مع عرب و كل يوم يكثرون تقول قطاوة ...
starak
29-06-2008, 01:16 PM
^^^
خخخ اما قطاوه
ابو عبدالله انا اووول مره اشوفك معصب وتراني والله ما الومك عصب وانا خوك فرغ شوي
وعلى العموم انا اتوقع لو يجتمع في الشيل على الاقل 30 شخص ويكون جاد صدقني راح يكون
من افضل اللنكات
Angel Of Night
29-06-2008, 02:31 PM
^^^
خخخ اما قطاوه
ابو عبدالله انا اووول مره اشوفك معصب وتراني والله ما الومك عصب وانا خوك فرغ شوي
وعلى العموم انا اتوقع لو يجتمع في الشيل على الاقل 30 شخص ويكون جاد صدقني راح يكون
من افضل اللنكات
حط خطين تحت جادين تدري عندنا لنكشيل في ريمورا هو أول لينكشيل قتل AV في اللعبة
اليوم توني أدري إن اللينكش شيل بانك حقهم هو اللي يوفر الريلكات لهم طبعاً أنا ماصدقت بس طلع صحيح هالكلام اللينكشيل يوفر ريلكات من البنك الليدر عنده 3 ريلكات وأعضاءه كلهم ريلكات أقلهم الملابس اللي لابسه يكلف 20 مليون
إلا Shark الطفران معاهم بس مسكين مطفر يقول معاي hagun ويوم سويت له check معاه Zipcana GK :p
أما العرب فصدقني والله ماتشم يسويلك ريلك لو تقامز أول شيء بيسوي لنفسه أوكي مايخالف هذا من حقه
بس الباقي راح يسويها لخوياه ولشلته الطيبه علشان كذا أي دروب يطيح في الإيفنت أنا أقترح علاطول ينباع ويتوزع على اللي حظروا الأيفنت هذا مثل اليوم سكاي والحاظرين 20 وطاح دوربات تنباع 400 الف تتوزع على العشرين في نفس اليوم
بس حلوة يامجاهد يتكاثرؤون زي القطاوة :p
starak
30-06-2008, 07:31 AM
^^^
تراني بعلم عليك الاداره دايم تكرر ردودك ما تلاحظ خخخخخخخخخخخخخخخخ
الله يعطيك العافية بو عبد الله
أنا من الأشخاص إلي صوتو على (نعم وله مميزات أكثر من العيوب) ولي فيها وجهة نظر , مع بعض الملاحظات اعتقد انه راح تحسن من الفكرة
أولا: تجمعات العرب:
الشكر وكل الشكر على من حاول أن يطرح مثل هذي الفكرة في تجميع العرب مع انه وللأسف إن الشائع عندنا إنا لا نصلح نكون مع بعض ( وهذي الفكرة لا اعتقد بصحتها) لان العرب مثل غيرهم من الأجناس فيهم الزين وفيهم الشين , والمعروف إن كل اللنك شلات العربية والغير عربيه يحصل فيها مشاكل بس دايم نعتقد انا الأكثر مشاكل ... لان أكثر من نعرفهم أو نحتك فيهم عرب فـ بالتالي أكثر الأخبار إلي تصلنا عن الإخفاقات عموما والمعروف أن أكثر ما يذكر هو الإخفاق وليس النجاح !!!
ثانيا: لنك شيل HNM , أو لنك شل جات :
أنا مع الفكرتين مجرد فكرة التجمع شي طيب على الأقل أوقاتنا قريبه يم بعض , أكثر عاداتنا وتقاليدنا نفس بعض, متفقين على البساط إلي نقف عليه فأنا مع التجمع بكافة أنواعه ولكن اذا حدثت مفاضلة بين لنك شيل عادي (سوالف ..الخ) او يكون (HNM) أفضل الخيار الثاني لأسباب أراها مقنعه مع احترامي لوجهة نظر الفريق الأخر .
ممكن نتخيل شنو طبيعة السوالف إلي راح تصير خصوصا إن اغلب الموجودين ما يعرفون بعضهم إلا على النت !!, هل راح نتكلم عن ( السيارات أو السفرات أو الأفلام الاجنبيه أو أي هواية ثانيه !!
اعتقد ماراح يحصل مثل هذا الشي وان حصل فـ بشي قليل ... راح يتركز كل الحديث عن القاسم المشترك بينا إلي اهوااا (الـFFXI) وكل شي يختص فيها فـ بتالي راح يتطور اللنك شيل تدريجيا ليصبح لنك شيل (HNM) مع الأخذ في الاعتبار أن هذا التطور راح يكون من غير سن القوانين الخاصة بلنك شيل الـHNM وهني تبدي المشكلة والامثله لا تعد ولا تحصى منها...( ما تكلمتو عن المكان إلي بتروحونه , ما تكلمتو عنه جدامي , ما ذكرتوني, ما ما ... الخ) بتفكير متواضع اعتقد لو أردنا لهذه الفكرة أن تستمر يجب أن يكون هناك هدف واضح ومحدد مثال( يوم في الاسبوع نروح مكان معين) وباقي الايام سوالف .... بهذا الشي ممكن نجمع لنك شل يكبر مع الوقت ... واعتقد هذا يحدث بشكل أفضل اذا حذفنا المرحله الاولى من تكوين اللنك شيل واقصد بها (مرحلت السوالف) الي تكثر فيها الخلافات والمشاكل ....اكرر شكري للباحثين عن التجمع J
Sub^Seven
01-07-2008, 06:19 PM
اشكرك اخوي على افكارك وبارك الله فيك
بس وانا اخوك لو كل الموجودين محترمين ما اعتقد بتكون فيه مشاكل وكل مكان تمر عليه مشاكل ومصاعب اما سالفة HNM الكل مو مأيدها وانا منهم لان في شيلات كثيره قوية وفي شيلات عربية كثيره وغير جذي في ناس ما عندها وقت كافي للايفنت وانا منهم مبدئيا راح يكون سوالف وانا كلمت اغلب الاخوان و باقي الاسم فقط :)
Destiny Light
02-07-2008, 12:36 PM
إختياري : لأ عيوبه اكثر من مميزاته (اذكر السبب)
يا عزيزي الشهاده لله انا ما لعبت FFXI لفترة طويلة بس لعبت WoW لفترة مررررررة طويله
في WoW في الجيلد الى هوا نفس فكرو اللنك شل لو ماني غلطان
مر على حول اربع جلدز من العرب (يولد يا لي مو عربي) :p
والشباب كانوا من كل المجموعة العربية بس كثر من عندنا (الخليج العربي)
الاول فشل في بدايتوا ال GM سوي مشكله وانقسم الجلد وكل واحد راح في حالوا
أثنين منهم مشكل عدم تفاهم علي اللوت
يعني كل واحد يقول انا اقدم وهو مايلعب معانا الا مرة في الشهر بس مسجل من زمان
يعي كذا صار ليه احقية في اللوت والثاني ياعيني على الواسطة قريب الGM ياخد اللوت ...
ومن دي المشاكل المعروفه :blackeye:
وواحد كان أكثر من مهزله :biggrin2: يعني أول ما اتزبط الجير تبع الـGM ساب الجلد
وراح جيلد ثاني قوي عشان نحنا الي معاهم جيرنا لسا أندر جير والغريب منهم انوا ماشوفا
انوا 90% من الجير كانوا ياخدوا هما :umm2::umm2::umm2:
هذا رأي وارجوا انكم تحترموه وعلى فكره كملت أكثر من 8 شهور مع جيلد من إنجلند شباب
حلوين مرة زي الفل وحالياً انا توب جير ماعندي مشاكل بس طفشت من دي اللعبة .....
خلاصة التجربة :
1 - نفسي نفسي (كل GM ليه الاولويه في الوت حتي لو ماتشوفوا الا في السنه حسنة)
2 - شعب الواسطة (كل بارتي ليدر يعطي اللوت للي يعرفوا حتي لو مايستحق الايتم)
3 - لا ولاه (من اول حركة تصير ماتعجب الواحد تشوف الواحد سحب زي سلام عليكم)
4 - إسمنا واحد وراياتنا متعدده (ممكن نكون قاعدين نلعب بالساعات وفي لحضة واحد يخروج ... ليش
في عندك حاجة كل واحد مقدرة ظرفوا:wink2: بس أسمع ليش ... :cray: لالا بس طفشت :wow: ولا انتوا ماتعرفوا تلعبوا :12: ما ابغ العب معاكم لانوا خويتي تتصل على .... :28:)
هذا الكلام يسير في كل دول العالم بس عندنا يسير اكثر من اي مكان
ملاحظة :
GM : Guild Master
الجير (Gear) : الدروع والاسلحة والإكسيسوارات
الجيلد : مجموعة من اللاعبين مجموعين تحت إدارة واحدة لتنظيم الرايدات والمعارك الكبيرة والبحث عن party member في المجموعات الصغيرة
طولت عليكم بس حبيت القا مكان اقول فيه الي في قلبي
Sub^Seven
02-07-2008, 12:55 PM
صراحة مدري شنو اقولك
اول شي شكرا لانك وضعت السبب
اخوي لا تقيس لعبة واو على فاينال ى
اخوي انا قلت شيل سوالف مو ايتمات
وشكرا
Sub^Seven
02-07-2008, 11:01 PM
اخواني الشيل تم عمله واسمه arabknight
نفس القديم وحاليا العموم ساك لسهولة نشرة وشكرا على ارائكم والليدر ميول بدر الي قلت عنه لان ما اشوف احد قال عنده نفس المواصفات عالعموم الموضوع انا ما اقدر اغلقه مالي صلاحيات واتمنى لكم التوفيق
للعلم اكاونت الليدر بدر ميول فقط يعني فعليا انا ساك وعمومنا ساك عشان متاكد 100% في ناس حلويين راح يقولون اني مسوي هالموضوع دعاية لشيل ملكي (صرت خبير بافلام العرب الهندية) :)
esslin-davidoof-muvc-alkhaled-more-bdr-kight-tamem-twan-starak
اي واحد منهم راح يفيدكم
بالنهاية اذكركم قول الرسول عليه السلام
من كان يؤمن بالله واليوم الاخر فليقل خيرا او ليصمــــــــــــــــــــــت
+ تحياتي يالمعارضة :)
اخوكم ابو عبدالله
Light.Darkness
03-07-2008, 02:26 AM
اخواني الشيل تم عمله واسمه arabknight
نفس القديم وحاليا العموم ساك لسهولة نشرة وشكرا على ارائكم والليدر ميول بدر الي قلت عنه لان ما اشوف احد قال عنده نفس المواصفات عالعموم الموضوع انا ما اقدر اغلقه مالي صلاحيات واتمنى لكم التوفيق
للعلم اكاونت الليدر بدر ميول فقط يعني فعليا انا ساك وعمومنا ساك عشان متاكد 100% في ناس حلويين راح يقولون اني مسوي هالموضوع دعاية لشيل ملكي (صرت خبير بافلام العرب الهندية) :)
esslin-davidoof-muvc-alkhaled-more-bdr-kight-tamem-twan-starak
اي واحد منهم راح يفيدكم
بالنهاية اذكركم قول الرسول عليه السلام
من كان يؤمن بالله واليوم الاخر فليقل خيرا او ليصمــــــــــــــــــــــت
+ تحياتي يالمعارضة :)
اخوكم ابو عبدالله
اول شيء الف مبروك الشيل الجديد وان شاء الله يكون خير وبركة للكل :)
بالنسبة للموضوع اذا الشيل خلاص اعتمد من قبلكم بإمكانكم تستخدموا هالموضوع كالمقر لكم تناقشون اوضاعكم فيه فكروا في الموضوع و عطني رأيك :33:
وبالتوفيق اخواني :biggthump
Sub^Seven
03-07-2008, 12:29 PM
اشكرك عالتشجيع والمساهمه وفكرتك حلوه يا حلو :)
اتمنى يكون هناك نقاش هــــــــــــادف بيننا ونستفيد من خبرات الاخرين
اخوك ابو عبدالله
meshari260
18-07-2008, 04:15 PM
يابوعبدالله بالله حبه لينك شل مع الرز .. اذا دخلت القيم tell بليز
ماوصلني لحد الان :jap054:
Sub^Seven
19-07-2008, 09:54 AM
والله ياخوي مشاري مالقيت تشجيع كافي + في كثير قالو اوكي بس كلام عشان جذي تراجعت انا وبامكان اي واحد يسوي الفكره + kight اخذها اخوي انا الحين العب في بيسمارك :)
Ykuwait
20-07-2008, 03:48 PM
السلام عليكم
اتمنى انه يكون اللينك شيل موجود الحين لان ودي ادش وياكم ^^
اسمي باللعبه حاليا Darkwar
انا مو جديد على اللعبه كان عندي شخصيه قديمه وهي Ykuwait RDM75
سلام
starak
26-07-2008, 08:34 AM
انا كنت مؤيدي الموضوع هذا وتشوفون تأيدي في الصفحه الاولى والثالثه على ما اعتقد
لاكن انا اعتذر لابو عبدالله واغير رأي في الموضوع وفي التأييد هذا
لاني قلت من قبل لازم الليدر والساك يكونون ناس محترمين وقلوبها بيضا
لاكن انا شفت ليدر تاروتارو الصراحه والشهاده انه مريض نفسي او فيه خلل عقلي
ويوم كلمت واحد عنه قال هذا اول كل شوي يترجاني اساعده يومه جديد والحين يوم صار كبير
حتى السلام ما يرده
لا تزعل مني يابو عبدالله انت حبيبي وعلى عيني وراسي واذا بيزعلك كلامي تعال بالقيم اراضيك ببوسه
Sub^Seven
26-07-2008, 01:15 PM
عطني البوسه هني وانا راضي عليك افا عليك :)
starak
26-07-2008, 01:24 PM
http://kelmah.jeeran.com/بوسة.JPG
Zoren
07-08-2008, 04:48 AM
Hello everyone,
Kuw, you were talking about the arabls and you not agree and the arab never will be togather. Yes we are arab ls and we have a good system of fair, No matter what NA did with you, Honstly all the NA in this server and the espaneol i don't found the good point as what we talking about, Name to me a good leader in this server.
Knight, I really thank you about what you tryin to do, Peace
Zoren~
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .