الجيم بوي

[البواسل]

السلام عليكم

بصراحة مواضيعكم مثيرة حول الجيم بوي

فهل احد ينصحني اشتري لي جيم بوي او كتفي اني العبها بالكمبيوتر الشخصي (أرجو من جميع الزوار الرد علي)

وهل الجيم بوي تستحق اني اشتريها ولا لا (من حيث العابها )

وممكن ايضا اذا ما فيها تعب تذكرون لي كل واحد فيكم بكم شاريها

(لأني اليوم بروح اشوف سعرها)

ممكن

[إنتي]

انصحك ما تشتريها لانها مب حلوة انصحك بشراء نينتاندو او دريم كاسل
انا شريتها السنة الماضية في عيد الفطر كان سعرها 250 بعد ما طهقتوا بعيشتوا نقصها الى 210
بعدين في اخر السنة الدراسية رحت مع صاحبي ليشتري جيم بوي كلور اشترها ب185 درهم
الحين سعرها يمكن 180 درهم

[البواسل]

شكرا لنصيحتك ولردك

انشاله بعد ما اخذ كم رأي من شباب الجيم بوي بشوف

وانشاله اعمل على نصيحتك

[إنتي]

نصيحة اذا قررت تشتري الجيم بوي اشتري ادفانس لانة يشغل العاب الادفانس والكلور والصور تكون ثلاثية الابعاد

[البواسل]

والله اشكر ردودك علي

وانا بصراحة ودي اشتريها

واليوم رايح السوق

بس بكم جيم بوي ادفانس

[إنتي]

مادري اذا كانت ب700 ولا 500 درهم

[البواسل]

شكرا على معلوماتك القيمة اخوي

[إنتي]

يا البواسل فاتتك فرصة رهيبة ايام العيد كانوا يبيعون الجيم بوي ادفانس في كارفور ب299 درهم مع شريط مجانا

[البواسل]

يا خساااااااااااااااارة يا إنتي:(

خسااااااااارة لو كنت اعرف بس

لو الادفانس كان 299 درهم

كيف عيل الجيم بوي كلر

خسارة بس

وانا اليوم رحت السوق وشفت السعر بتاع الجيم بوي كلر وجيت

وشفت سعره 250 درهم ما ينقص غير 20

شو رايك اشتريها ولا تنصحني بشي

((((وييييين الاعضاء ليش ما يقولون آرائهم )))))

انا ابغي رايكم ?: :(

إنتي(( يوم رحت السوق برأس الخيمة ما حصلت ادفانس لذلك قررت اشتري جيم بوي كلر ))

تقدر تقول مميزاته او اي احد من الشباب (مميزات جيم بوي كلر )

انا واحد نصحني اشتريه

ولكن يهمني رأيك?:

[إنتي]

شو هذا باين ان الالعاب في راس الخيمة مولعة نار نحن عندنا في ابوظبي رخيص
انت تزور ابوظبي ولا لا
مميزات الكلور انه ملون بس هذي مميزات

[البواسل]

والله ونحن نحسب ان نحن ارخص ناس بالعالم العربي ":"

يا ما وراء السواهي دواهي


وانا ما ازور ابوظبي بصراحة (ما فيها شي ينزار)(اسمحلي)

وانا قالوا لي مميزات كثيرة

لهذا عجبني

[إنتي]

صحيح كلامك ما فيها شي انا قلت يمكن عندك اقارب عايشين في ابوظبي تحب تزورهم
وجهت نظر انا من راي ان ملون وبس :D ;) :cool:

[البواسل]

ولكن فيه واحد

قالي 5 مميزات غير انه ملون

مااذكرهن ولكن حبيته منها

وانا احبه لأنه فيه بوكيمون

ويكون معاي اين ما رحت

(وين آراء الزوار)

[إنتي]

فعلا انك تقدر تحمل لاي مكان لكن اعوذ بالله يصرف بطاريتين كل ساعتين متواصلة
انا اول كنت استخدم البطاريات لما واحد يشوفهم من كثرهم يقول اني فاتح معمل بطاريات
انا الحين استخدم الكهرباء من خلال موصل

[البواسل]

كيف توصل

هو بس لازم بطاريات شو عملت فيه

[إنتي]

اعتقد ان اسمة فيشة
انت خبر بائع الالعاب وهو بيوريك الموصل

[البواسل]

على العموم انا اشكر مجهودك وتعبك معاي يا انتي
وانشاله اقدر ساعدك بإي شي تبيه مني

وانا في الخدمة


والف شكر بس اللي ابغي منه تفسير
ليش إنتي هو الوحيد اللي يرد علي انا ما ابغي رأي واحد ابغي آراء الجميع

لأني على وشك الشراء

فهل احد يبدل لي رأيي
بس على الاقل قولوا ما انصحك فيها على الاقل او العكس

[baggio8]

اخووووووي انه قلت لك ونصحتك على المسنجر وباعيد لك الجيم بوي ماتسوه كلش لانه مو قويه نفس ماكانت عليه من قبل .......
وااذا تبي تشتري ومصر اشتر الادفاااااااااااااانس او لاتشتري ؟.......
الادفانس فيه تحمل اكثر وصور احلى وفي ميزه احسن من الكلر تتميز بها الادفانس وهي انها تقدر تشتغل 30 ساعه على البطاريه بينما 15 او 18 ساعه على الكلر ...............
وانشالله قدرت افيييدك

[البواسل]

شكرا على ردك يا باجيو08 ياغالي

وانا فيه ناس شوهولي صورة الادفانس

لهذا مصر على ان اشتري الجيم بوي كلر

[baggio8]

العفووووووووو انت اامر بس اشر انجاوبك ...... يا غااالي

[asf4ever]

لا تشتر الكولور اشتر الادفانس
لأنه بينزل بعد مدة بوكيمون على الادفانس وكل ألعاب البوكيمون الي تلعبها على الكولور تلعبها على الادفانس
والادفانس فيه كل مزايا الكولور ومزايا يديدة

[البواسل]

تسلم والله

ما فيه احد له نصيحة لي يا شباب

[baggio8]

ايه صح الادفااانس زينه واحلى خذها احسن من الكلر ....

[بوحمـOWENــد]

انا انصحك ان تشتري GBA لأنها اشغل العاب الكلر والعابها
وهي وسعره تقربا مثل الجيم بوي كلر ( 350)

[البواسل]

انت من وين يا حميد سعيد

ارجو انك تقولي التفاصيل بتاع لعبتك يعني ميزاتها وكم شريط مجاني معاها

واشكر asf4ever لتنبيهي

وانشاله بعمل على اني اشتريها

[بوحمـOWENــد]

انا من خورفكان بس اشتريتها من دبي
بس في محل عندنا يبيعها ب350 يمكن تكون بدون شرايط و يبيع شرايط كوبي انتشغل العاب الكلر بعد
ومافي فرق بين الياباني والأمريكي و الأوروبي
اقول انت ليش امتعب نفسك
تقدر تلعبها في الكمبيوتر واتزل اي لعب وانت مرتاح

[البواسل]

نحن عندنا في رأس الخيمة واحد يبيعها ب320 درهم مع شريط واحد

وفيه محل ثاني يبيعها ب290 مع شريط مخزن اعتقد قالي 300 لعبة تافة (على ما اعتقد)

[بوحمـOWENــد]

انا اشتريتها اول ما نزلت
اخذ الي 320
لايقص عليك ويعطيك شريط كلر بدال ادفانس

[البواسل]

وكيف اعرف الاصلي الكلر من الادفانس

[بوحمـOWENــد]

ما ما فهمت قصدك
بس
اذا كنت تبغي اتفرق بين الكلر والأدفانس
الشريط الأدفانس مكتوب عليه جيم بوي ادفانس
اما بين الأصلي ونقلي
شوف شكل الكارتون مال الشريط
انا انصحك
العب الأدفانس على الكمبيوتر بدل ما اتخسر بيزاتك وخلها حق الكيوب احسن

[البواسل]

اوكي مشكوووووووور جدا

[البواسل]

انا ابغيه للتجوال

والكيوب غالي

بكم الكيوب ممكن تقولي

[baggio8]

ايه صح وفر بيزاتك وخلك على البيسي مالك احسن واحلى واكبر ...... واشلك بالتجوااال خساااره ..............

[Mesharey]

أقول مو نسيتو الموضوع
بس هذ لعبة كونان