أسئة مهمة جدا أحاول إجابتها قبل شرائي XBox 360 وبعد قرائتي مواضيع المنتدى

[عبقر]

السلام عهليكم ورحمة الله وبركاته:)

كيف الأحوال شباب انشاء الله بخير :biggthump

:)أنا ودي اشتري xbox 360 وقرأت مواضيع المنتدى ولكن صار عندي استفسارات أخرى بعد قرائتها فاعذروني على كثرة الأسئلة...

وممكن تقولون أسئلة قبل الشراء في المنتدى صارت كثيرة أقول معليش وأتمنى تجاوبوني على الأسئلة وانشاء الله تكون عامة

ورجاءا ما أبغى رد "بعد ما تشتري نعلمك كيف..."

س1/ مالفرق بين xbox 360 elite أو premium وهل يوجد أنواع أخرى وأيهم أفضل؟ ولماذا؟

س2/ أيهم أفضل الأمريكي أم الأوربي أم الياباني؟

س3/ هل كل نظام يشغل الألعاب الخاصة فيه ؟ أي إذا كان ياباني فهو لا يشغل الأمريكي والأوربي وإذا كان أمريكي فهو لا يشغل الياباني والأوربي وهكذا...؟

س4/ هل xbox 360 يأتي بجميع الإضافات مثل الوايرلس وقطعة لعب الأونلاين أو يأتي لوحده وأنا أقوم بشراء القطع؟

س5/ مالمعالجات الأفضل للـ xbox360 ؟

س6/ ماهو المعالج فالكون؟

س7/ قرأت كثيرا عن فتحة الـ hdmi ماهي ؟ وكيف أعرفها ؟

س8/ هل يهم فريق صنع الجهاز ؟

س9/ ما المقصود إذا قال شخص "جهاز معدل" ؟

س10/ هل الـ xbox 360 الذي يشغل ألعاب من نوع PAL لا يمكنه تشغيل ألعاب من نوع NTSC أو العكس وهل يمكن تشغيل كِلا النوعين ؟ وما هو أفضل النوعين ؟ ولماذا ؟

س11/ بالنسبة للقطع ما الأشياء التي تنصحوني بشرائها ؟

س12/ ما هي الـ Red Light ؟

س13/ هل الـ xbox 360 الذي يشغل الكوبي لا يمكن لعب الأونلاين فيه ؟

س14/ هل يمكن شراء جهاز يشغل الكوبي والأصلي و أقدر ألعب أونلاين فيه ؟

س15/ في حال اشتريت جهاز مايشغل إلا الأصلي هل يوجد قطعة أضيفها بحيث يشغل الكوبي ؟

س16/ في حال اشتريت جهاز يشغل الكوبي هل كل ألعاب الكوبي تشتغل ؟

س17/ بانسبة للـ xbox القديم هل يمكن لـ xbox 360 تشغيل ألعابه؟

س18/ خلال قرائتي في المنتدى دائما ما أقرأ Region Free مالمقصود بها ؟ وهل يوجد مصطلحات أخرى ؟ مع شرحها.

س19/ بالنسبة للبرامج, مالبرامج المميزة الموجودة والتي تنصحوني بإضافتها في الـ xbox 360 ?

س20/ بالنسبة للعب الأونلاين هل يوجد رسوم وهل هي شهرية أم سنوية ؟

س21/ كم هي رسوم الإشتراك, وكيف يتم الإشتراك ولعب الأونلاين في الـ xbox 360 ?

س22/ في حالة حدوث باند ماذا يحدث للجهاز ؟ يعني ماهي الأشياء التي لا يمكن استخدامها في الجهاز بسبب الباند؟

س23/ بالنسبة للباند يصير بعد ما أحاول ألعب لعبة كوبي أونلاين وإلا ما دام الجهاز يشغل كوبي يصير لي باند ؟ وممكن تشرحون أسباب الباند ؟

س24/ في حالة حدوث باند هل يوجد لها حل ؟

س25/ ما هو شريط مايكروسوفت ؟ وهل يوجد له أنواع ؟

س26/ في حالة وجودي في المحل وطلبي للـ xbox 360 ماهي الدلائل التي تدلني على نوع المعالج وهل هو NTSC أو PAL وهل هو ياباني أو أمريكي أو أوربي وكيف أعرف أنه يشغل ألعاب الكوبي وإلا لا ؟

[بحر الورود]

عندي جواب لسؤال واحد اليابان أحسن من الأمريكي و الأروبي أنا عندي ياباني و يشغل كل الألعاب و ماياه ريد لايت

[S a R iVi e D]

الـ Elite ما يفرق عن البريميوم ، سوى فقط في حجم الهارديسك وطبعا الأيليت يحتوي على فتحة HDMI ، البريميوم في أصداراته ودفعاته الحديثة أصبح يحتوي Already على HDMI لذا لا فرق بينهم سوى حجم الهارديسك 120 واللون .

بالنسبة للأفضل ، مافي فرق بينهم حقيقة ، وطبعا الأمريكي الأفضل في الشرق الأوسط لان العابه هي المتوفرة وتصدر قبل الـ Pal الأوروبي ومتوفرة بكثرة . يعني ينصح بشراء الأمريكي دائما والعابه متوفرة ، أما لو أخذت أوروبي فلازم تشوف العاب الـ Free Reigon وهالسوالف .

طبعا كل نظام يشغل الألعاب الخاصة فيه عدا ألعاب الـ Free Reigon اللي ممكن تشتغل على اي نظام هالموقع يوضح لك ايش الالعاب الفري والـ Locked

http://forum.xbox-sky.com/xbox360_regional_compatibility_guide/

بالنسبة للياباني ، بعد عنه افضل لك ، اللهم الا اذا كنت من محبي الكوبي فحسب علمي راعين الكوبي ينصحون بالياباني .

بالنسبة لقطعة الـ Wireless هذي طويل العمر ما تجي مع الجهاز ، هي قطعة رسمية منفصلة تباع في المحلات تشبكها بجهازك وتلتقط الأرسال من الـ Wireless Routers .
http://media.teamxbox.com/xbox-hardware/ss/39/1133308555.jpg

http://www.microsoft.com/library/media/1033/windowsxp/images/using/networking/setup/68590-connect-wireless-adapter1-small.jpg

طبعا هالقطعة ما أستخدمها ، وما أظن تحتاجها ألا لو كنت في مكان بعيد عن الكومبيوتر و مودم او راوتر النت مالك ، لأن الجهاز يجي معاه كيبل أيثرنت تشبكه وأنتهت السالفة ألا لو أنت بعيد مثل ما قلت لك راح تحتاج هالقطعة ، الأيليت والـبريميوم يجي معاهم كل شي عدا كيبل الـ HDMI و والـ audio Breakout فهم غير موجودين في الـبريميوم

هذي محتويات الأيليت بالصفحة التالية

http://www.llamma.com/xbox360/news/inside_the_xbox_360_elite.htm
البريميوم نفس الشي عدا اللي قلته سابقا

بالنسبة للمعالجات أكيد لو شريت آخر دفعات من البريميوم أو الأيليت راح يكون ذو معالج فالكون وهو الأفضل والأريح طبعا . وبالنسبة للفريق المصنع فكالعادة الفالكون = Team FDOU
هذا رابط يخليك تعرف كيف تميز الفالكون من بين الاجهزة
http://www.xbox360fanboy.com/2008/02/05/how-to-spot-a-falcon-65nm-360-in-the-wild/

شيك على رقم الـ 175 w على المحول وخلف الجهاز .

بالنسبة للكوبي ما أنصحك صراحة فيه ، مع الوقت بتصدر تحديثات من مايكروسوفت ويعطون Banned للأجهزة المعدلة " اللي تشغل كوبي يعني " ، الا اذا كنت تلعب اوفلاين فهذا شي ثاني ، وحلاة الجهاز ما تكمل ألا بالأونلاين ماله .

بالنسبة لـلـ HDMI مثل ما قلت لك كل الدفعات الحديثة من البريميوم والايليت فيهم فتحة HDMI

http://www.llamma.com/xbox360/news/images/xbox-360-elite/360elite%20026.jpg

الفتحة الصغيرة تحت ، طبعا الأيليت يجي معاه كيبل الـ HDMI لكن ما عندي علم هل البريميوم يحتوي على كيبل للـ HDMI ؟ هذي انشاءالله يجاوبك حد فيها

HDMI = أفضل وضوح + أفضل نقاء وجودة للصوت بس بشرط أن تكون شاشتك HD تدعم HDMI .
هذا شكل الكيبل

http://www.llamma.com/xbox360/news/images/xbox-360-elite/360elite%20063.jpg

بالنسبة لقطع الجهاز المهمة مافي اشياء كثيرة مهمة ، الجهاز كل شي يجي معاه تقريبا الا أذا اقتضت الضرورة وحبيت تشتري قطعة وايرليس ، كاميرا - مايك وايرليسس .

الأكس بوكس 360 يستطيع تشغيل العاب الأكس بوكس لكن ليس كلها ! هذي قائمة بالالعاب المدعومة القابلة للتشغيل على الجهاز

http://www.xbox.com/en-US/games/backwardcompatibilitygameslist.htm

وبين فترة وفترة تصبح العاب جديدة مدعومة على الـ 360 .

برامج الـ 360 حقيقة ما عندي علم فيها ، اظن مافي برامج ، ألا لو كنت راعي كوبي :p .

[عبقر]

أخ : بحر الورود
أشكرك جزيل الشكر على النصيحة وهذا اللي أفكر فيه

أخ : Guardiola
الله يجزيك ألف ألف ألف ألف ألف ألف ألف ألف ألف ألف خير على المعلومات وأشكرك على طريقة ردك الواضحة والمميزة

=============
وأرجوا الإجابة على الأسئلة الأخرى

[S a R iVi e D]

عبقر شنو الأسئلة اللي تبيها بالضبط غير هذول ؟! هذي اهمها باقي الأسئلة تركتها لأنها للكوبي .

[عبقر]

مشكور أخي Guardiola على ردك والأسئلة اللي أبغى أعرف اجابتها بالضبط
س10, س12, س17, س20, س21, س22, س24, س25, س26

[-Gunners-]

سؤال شنو الافضل pe3 xbo360

[-Gunners-]

سؤال شنو الافضل pe3 xbo360

[S a R iVi e D]

مشكور أخي Guardiola على ردك والأسئلة اللي أبغى أعرف اجابتها بالضبط
س10, س12, س17, س20, س21, س22, س24, س25, س26
س10 راجع سالفة الـريجون وراح تعرف .

س12 ما راح تشوف الريد لايت انشاءالله خصوصا لو اخذت جهاز فالكون من الدفعات الاخيرة وقلت لك كيف تعرف ما اذا كان فالكون ببساطة شيك 175 W على المحول وخلف الجهاز .

س17 تمت الاجابة عليه ، بس مو كل الالعاب .

س20 الجهاز فيه نوعين اشتراك Silver وهو مجاني لكن لن يتيح لك اللعب مع اصحابك وبعض الخدمات الاخرى وعلشان تتمتع بكل خدمات اللايف لازم يكون اشتراكك Gold وهو الافضل بكل تأكيد ، طبعا الجهاز يجي معاه شهر مجاني ولما ينتهي لازم تجدد أشتراكك الذهبي عن طريق بطاقات تباع في المحلات في بطاقات اشتراك 3 شهور كذا تشتريها وتمسح الكود وتدخله في الـ 360 . المهم هي حسب مدة الاشتراك اللي تعجبك عن نفسي استخدم اشتراك سنوي 12 شهر في قطر سعرها 250 ريال تقريبا .

س21 راجع هالرد http://www.montada.com/showpost.php?p=6178783&postcount=2

س22 ما عندي علم لان الحمدلله جهازي للاصلي بس . بس لو صار لك باند خلاص ما تدخل لايف .

س24 ما عندي علم صراحة ، أظن مافيه . ولو فيه راح تتعذب يعني سالفة تبديل Fimware وهالتعب اللي ماله داعي بسبب الكوبي

س25 ما فهمت عليك بس اذا تقصد نظام الالعاب فنعم هي انواع NTSC UC و Pal والياباني .

س26 وضحت لك انه الفالكون احسن وكيف تعرفه ، والنظام فقط اسال صاحب المحل ابي جهاز امريكي كذا كذا وهو راح يفهم انك تبي امريكي NTSC UC طبعا الاوروبي Pal والياباني NTSC JP

والكوبي لا تسألني فيه :p

[عبقر]

أخي Guardiola الله يجزيك ألف ألف ألف ألف ألف ألف ألف ألف ألف ألف خير على المعلومات وأشكرك على ردك

[abd33d]

كل الشكر لك اخي العزيز guardiola
أفدتني جدا والله انك ما قصرت
الله يرزقك ويوفقك ويحميك ويعطيك الصحة يارب

[abd33d]

كل الشكر لك اخي العزيز guardiola
أفدتني جدا والله انك ما قصرت
الله يرزقك ويوفقك ويحميك ويعطيك الصحة يارب