Wall-E اول لعبة فيها " اللغه العربيه "

[FARES360]

http://electricityandlust.files.wordpress.com/2008/03/wall-e.jpg
اللعبة من Disney .. وهي اساسا اللعبة تتكلم عن نفس الفلم الي نزل قبل فتره
الحين السؤال هني.. كون هي اول لعبة فيها Arabic language option ..
هل راح تشتري اللعبة أصليه عشان تساند السوق عندنا بدايتها بهذي اللعبة البسيطه ؟
للمعلومه .. اللعبة راح تنزل عالWii والps3 وال360 ..
هذا عرض عشان تأخذ فكره عن طريقة اللعب
OKVzKzi-x_Y
وهذا عرض ثاني يثبت انه اللعبة قوائمها بالعربي داخل=)
l4_L7LrqJL8

[meshale]

wb FARES

عاد ما كنت امصدق ان في لعبه ابتنزل بالعربي بس اطلعت السالفه صج ... يحليلهم

لأ مراح اشتريها ... مع اني احس ن الالعاب باللغه العربيه لها طعم اخر بس احس ان راح العب بهل اللعبه لمدة ربع ساعه او اشوف القوائم العربيه بعدين راح اقطها او تتكدس او اتغبر نفس مجموعة الالعاب البايخه اللي عندي ... و اتمنى ان تكون لعبه اقوى بالمستقبل

و اتمنى لهم النجاح او التوفيق

[SALM0RE]

صج ؟!!!! توني أدري شيء جميل ولله بس الصراحة ماقدر اخذها اصلية

[FARES360]

لووول عيل محد بيساند السوق العربي :P هههههههه

[HUMAED]

بصراحة , لو تنزل لعبة "قوية" بالعربي والأنجليزي أكيد باخذ النسخة الإنجليزية ..
تعودنا على الأنجليزي, يعني تخيل MGS4 بالعربي ! "النظام لي !" "الحرب تغيرت" "إنهم الضفادع!" "نحن وحوش ما كان يجب أن نوجد أبدا !"
XD XD XD
المهم, ما أعتقد شغل التعريب بيطلع من ألعاب الأفلام وهذا شي جيد
لأنه هالألعاب معظم اللي يشتريها هم صغار السن وشي جيد تكون لهم لعبة مترجمة للعربية عشان يستفيدون منها شوي (&)
بالنسبة للموضوع << (&)
اللعبة طبعا ما بشتريها لأنها لعبة فلم xD

[V O L P E]

اهلاً اخي
FARES360 (http://www.montada.com/member.php?u=933)


والله إذا بتصدر وفيها لغه عربيه فعلاً

على حسب توقعي ان الشركه راح تكسب كثير من ورا هاللعبه

لأن اللغه العربيه في عالم الألعاب شئ جديد فعلاً وخصوصاً انها من شركة ديزني

الحقيقه عدم اتقان الانجليزيه راح تفقدك كثير من متعة اي لعبه

وانا اعاني من هذي النقطه صحيح اني افهم بعض الانجليزيه ولكن ليس لدرجه توضح لي تحليل القصه و احداثها

يعطيك العافيه اخوي على الخبر بالصراحه افرحتني كثير بارك الله فيك

[fall out boy]

عن نفسي مثل هذي الالعاب ما تعجبني لانها مقتبسه من الفلم يعني تناسب الصغار بس فكره
حلوه انها مترجمه للعربيه

اتمنى في المستقبل انه تكون في العاب قويه

[Mr.X]

اللعبه ماعجبتني ,, لكن راح اشتريها علشان ادعم الترجمة للعربيه وياليت الكل حتى اللي ما عجبته يسوي مثلي.. واتمنى هالشي يكون بالفعل داعم لترجمة العاب اقوى بالقريب العاجل او حتى بالمستقبل..

[sssuuu]

شباب ترا اللعب بتنزل لل psp يوم 18\7 \2008
وأنا صراح يمكن راح أشتريها لم تنزل على psp >>>>> أشتروها مو تحملومها
اللعب صج تراها ما تستاهل بس كدعم
ما تستاهل ول دينار واحد


نصيحة مني أشتروها بس كدعم

[The Shadow]

ماراح اشتريها لأسباب :
- اللعبة سيئة من نظرة نقديه والكل شاف هالشي .
- حتى لو كانت جيده ، ماراح ادفع 180 في لعبة ما تكون من النوع اللي احبه .
- يبدو انه ترجمة مع دبلجة ! انا افضل اللعبة تضل باصواتها الانجليزية مع ظهور سبتايتل عربي .
- لو فكرت اشتريها ، راح تكون نسخة الـPSP ، الافضل تقييما من المواقع + الارخص

[rare games]

شريت نسخه البلاي3 واللعبه غلافها روعه ومحليه اللغه العربيه وكتيب التعليمات كووول وكاتبين تحاذير عن القرصنه واشياء اخرى

لعبت اللعبه اول مرحله ابو 10 دقايق وطفيتها بعدين كملها اخوي الصغير وصل بعيد شوي

والقائمه الرئيسيه تذكرني بلعبه الحيه على التلفون:D لعبه جديده وخيارات بس بدال استمرار حاطين باللعبه اكمال

اللعبه كونها اول لعبه عربيه المفروض ندعمها

اما عن الدبلجه في دبلجه خفيفه لما توصل عند السوق باللعبه بس شوي مو واضحه

[Modi]

عن نفسي لأ .. فاشله كلعبه
غير كذا للاطفال مو لي

لو مثلا ميتل جير او رزدنت ايفل او فاينل فانتسي
ويكون لها تغيير الدبلجه والترجمه من انقلش لعربي

هنا اقدر اقول انا بشتري وادعم

[GHOST 360]

راح اشتريها كدعم
بس انا مو متاكد انها تنزل ع 360 معربه

[tekken1663]

والله أنا لن أشتري اللعبه أطفال 200 ريال
والألعب فيها 10 دقائق وأرميها أعلى رف مع الغبار

[Al-RaQmi]

هو فعلا المفترض ان الواحد يدعمهم .. الي عنده اخوان صغار وودهم يلعبونها .. ماهي فكر سيئة انك تشتريها لهم كهدية نجاح مثلا ومنها تدعم الشريط
لكن للاسف ماتوقع راح افكر اشتريها ولا حتى كوبي ..

[راؤول الأسطورة]

ما راح أشتريها :-
- أعلنت افلاسي قبل يومين :blackeye:
- لو تكون مترجمة بدون دبلجة أفضل بكثير..الا بحالات استثنائية مثل صوت دافيد هايتر في مجس 5 يمثله سلوم حداد ..
- الدعم يستاهل ، وأخوي يستاهل بس قوية أهديه لعبة أطفال على شغله الجديد :D
- المصيبة اتحقق أهم عاملين اللي يخلوا معادلة شرائي لها مستحيلة بأنها انميشن + لعبة أطفال..:28:

[][-][Mr.ZeNoN][-][]

رح أشتريها كدعم..

ونتمنى تكون لعبة أقوى المرة الجاية منهم GT5

[D r e a m]

مرحبـا السـاع . !
شحـالكم عسـاكم بخير . ^^ "

.
.

أنا عضـو من الإمارات : و نزلـت اللعبـة عندنـأ
و مكـتوب ع الغلاف . ! أول لعبـة باللغـة العربية . !

أستغربـت أنا بس الحمـدلله شي لعبـة بالأنجليزي لوول ^^ "
و أشكـركم ع الموضوع
‘‘ دريـم كـان هنـأ ،،

[PS3 GEEK]

جبت لكم مقطع للعبة .. القوائم بالعربي يعني شي جميل بس تحس أنك بتزهق منها بعد 3 دقايق.
<object width="425" height="344"><param name="movie" value="http://www.youtube.com/v/l4_L7LrqJL8&hl=en&fs=1"></param><param name="allowFullScreen" value="true"></param><embed src="http://www.youtube.com/v/l4_L7LrqJL8&hl=en&fs=1" type="application/x-shockwave-flash" allowfullscreen="true" width="425" height="344"></embed></object>

[Nado Ps3]

اذا من باب المسانده باخذها اصليـــه لنسخه البلاي ستيشن للمسانده فقط
لكن لااحبذ فكــره صدور الالعاب بالغه العربيه اما اذا كانت الاوبشن بالعربي ففكره رائعه اما الدبلجه فلا ...........

[كلو توري]

لعبة سيءة جربتها على psp ماراح اشتريها على الوي

[sora1]

والله اذا دعمنا اللعبة هذي راح تنزل العاب اكثر جدية باللغة العربية بس اتمنى انها تكون ترجمة مو دبلجة.
وشكرا على الخبر الجميييييل جداااااااااااا.

[بروفيكتور]

انا اايد كلامsora1 (http://www.montada.com/member.php?u=478042)
واهم شي مثل ما قال تكووووووووون ترجمة وليست دبلجة

[ramizak]

السلام عليكم

كما يعرف البعض اخوكم من الشركة التي تبنت موضوع تعريب اللعبة شركة ألعاب بلوتو في دبي ولدينا فروع في المملكة والكويت ومصر.

استفسار بسيط شو القصد بين الترجمة والدبلجة من وجه نظر الاخوان اللي ذكروا هذا الموضوع؟ هل الsub-title? ترى هذه اسهل بكثير من الدبلجة.

[Modi]

^
^
على فكره اللعبه كم باعت بالشرق الاوسط ؟؟
وصلت للعدد المطلوب ولا باقي ؟؟

[Al-RaQmi]

هل النسخة العربية موجودة على XBOX360 ؟! دورتها عند اكثر من محل وماحصلتها الا نسخة PS3 فقط

[u,a,e]

السلام عليكم

كما يعرف البعض اخوكم من الشركة التي تبنت موضوع تعريب اللعبة شركة ألعاب بلوتو في دبي ولدينا فروع في المملكة والكويت ومصر.

استفسار بسيط شو القصد بين الترجمة والدبلجة من وجه نظر الاخوان اللي ذكروا هذا الموضوع؟ هل الsub-title? ترى هذه اسهل بكثير من الدبلجة.
الترجمة يعني تكون مكتوبة تحت والدبلجة هي الأصوات

انا من وجهة نظري ان الترجمة احسن من الدبلجة وأرخص هههه

[GT4 SKYLINE]

والله انا من رأيي اي شركة تنزل اللعبة ويكون فيها اختيار عربي او انجليزي ترجمة اوتعريب للقوائم وكل شي يقرأ....................ردد ياليل ما أطولك
دبلجة اذا بتصير مثل اللعبة الاصل بدون اصوات بايخة مركبة ويكون الاصوات فيها طبق الاصل من الجودة مافي مانع بس يحطون لنا اختيارت دبلجة او لا مع انه صعبة شوي الاختير هذا
واحسن شي تنزل اللعبة لأول مرة بالطريقة ذي تبغى لغة عربية او انقلش غير في الاعدادات والله ان تكسب الشركة المعربة للعبة مليارات مش ملايين طبعا لعبة جديدة

[مذكرة الموت]

ماراح اشتريها لأسباب :
- اللعبة سيئة من نظرة نقديه والكل شاف هالشي .
- حتى لو كانت جيده ، ماراح ادفع 180 في لعبة ما تكون من النوع اللي احبه .
- يبدو انه ترجمة مع دبلجة ! انا افضل اللعبة تضل باصواتها الانجليزية مع ظهور سبتايتل عربي .
- لو فكرت اشتريها ، راح تكون نسخة الـPSP ، الافضل تقييما من المواقع + الارخص





عدل كلامه ..


أصلا مايسوى تقط على لعبة مثل هذي فلوس وخصوصا الي بيشتريها ل PS3 !! (&)

[FARES360]

tktkklg
glglg
gkgk

:أفكر: وبعدين ؟

[d.o.d.y]

انا مو قادرة استوعب لعبة بالعربي لو على بشتري انجليزي حتى لو نزل عربي