تسجيل الدخول

مشاهدة النسخة كاملة : شباب ابا دفاع حديدي كيف


yoyo5576
12-07-2008, 09:47 AM
اتمنى من الاخوانا المساعده كيفية الدفاع الصح وخاصه اني الاعب باربع لاعبين ابي حد يشرح لي كيف تكون طريقة الدفاع من قطع الكرة ومن تقدم لاعبين الدفاع وكيفية وضع اسهم المدافعين اخواني ابي حد محترف يشرح لي الطريقة لو امكن .

على فكرة انا الاعب بفريق ميلان
ronywbas
12-07-2008, 11:04 AM
السلام عليكم .. انا ماني محترف لكن فاهم شوي باللعبة ..
تبي دفاع حديدي .. العب باربع مدافعين ومحورين .. افضل طريقة للدفاع هي 4 -2 -2-2 او 4 - 2 - 3 - 1
اهم شيء الهدوء في نص ملعبك ولا تحاول تجري ورا الكورة خل اللاعبين في مراكزهم وكل لاعب يغطي منطقته واعيد واكرر ركز وخليك هادئ ترا المسالة نفسية والتسرع هو اللي يلخبط دفاعك ويخليك تحسه مكشوف .. بعض الناس من الربشه يقطع الكورة ويردها لك مباشرة فهمت قصدي ؟؟
# الاسهم انا انسان ما افضل انها تتغير او يتم تحويلها الا حسب ظروف المباراة .. اذا لعبت 4 - 5 - 1 ( محورين ) خلي الاسهم لا تعدل فيها .. اما اذا لعبت 4 - 4 - 2 محورين طبعا .. فرجع الاظهره بالاسهم للخلف .. وخلي واحد من المحاور حر والثاني يغطي للخلف ولجهة الظهير الضعيف او اللي يتقدم كثير ..
مع اني مثل ما قلتلك ما افضل تعديل الاسهم الا حسب ظروف المباراة .. !!
ميلان دفاعه لك عيه شوي .. لكن
يانكلوفسكي .... نستا ... كالادزي ( او اي مدافع اخر اذا كان سهمه احمر ) ... بونيرا او اودو
بيرلو ....... جاتوزو
كاكا سيدورف

رونالدو جيلاردينو او انزاغي ( دور اللاعب اللي سهمه احمر خخخ)

** ملاحظه :
حاول تستفيد من اللاعبين اللي يكون سهمهم احمر لانهم يشتغلون صح و حاول تخرج اللي سهمه على تحت حتى لو مين ما كان يكون .
تحياتي
yoyo5576
12-07-2008, 03:03 PM
مشكور اخوي على الرد وإن شاء الله نقدر نطبق كلامك
مختص كرة قدم
13-07-2008, 07:26 AM
السلام عليكم
اخوي اهم شي انك تكون تعرف تدافع لأنه لو جبت افضل المدافعين وانت لاترفع كيف تدافع لن تفيدك اي طريقة دفاع اهم شي انك تكون تعرف تدافع
ونصيحتي لك واتمنى انها تنفعك العب بفرق ضعيفه جدا جدا مثل السعوديه والخ الخ الخ يعني يكون منتخب ضعيف والعب مع اخوانك او المنافسين اللدودين لك يمكن تخسر بنتايج كبيره بس صدقني (( بعد توفيق الله اولاً واخيراً طبعاً )) بعد فتره من لعبك بالفريق الضعيف وعند رجوعك لفريقك القوي سوف تشعر بالفرق الكبير واهم شي انك تتحمل النتايج وانا مجرب هذي الطريقه (( أسأل مجرب ولاتسأل طبيب )) وان شاءالله تنفعك طريقتي
اهم شي انك تباري منافسينك ويكونون يلعبون بفرق قويه مثل فرنسا البرازيل الارجنتين ايطاليا الخ الخ ولاتقول انك تباري الجهاز مهما يكون صعب الجهاز فهو تافه بالمقارنه مع الشخوص وخاصه الشخص الي تكون معاه ديربي مقايسه تختلف على العموم هذه طريقتي واتمنى تفيدك


والسلام خير ختااام
roony10
13-07-2008, 04:58 PM
العب بأيطاليا أقوى دفاع في البلاستيشن
speedery
13-07-2008, 11:52 PM
تبي اقوى دفاع

اول شي تطبيق طريقه الاخ مختص و هو انك تلعب بالفرق الضعيفه ضد فرق قويه لتتعلم الدفاع

ثاني شي تطبيق كلام الاخ روني و بس و هو التركيز و عدم الركض فقط ورا الكوره و انما التركيز على غلق المنطقه و التركيز على الكره و قراءه افكار الخصم واستباقه بخطوه ليسهل عليك اخذ الكره لاني اكتشفت ان اصعب شي باللعبه هو الدفاع خاصه و انه من الصعب اخذ الكره من لاعبين امثال ابراهيموفتش الا بشق الانفس

ثالث شي ان يكون المدافعين اقوياء و اظن اي سي ميلان فيه هذه المواصفات

رابع شي الاسهم اذا كنت تخاف من الهجمات المرتده اعمل التالي
في الحاله امتلاك الكره:

الباكات تكون الاسهم الى الخلف فقط
قلبي الدفاع على جوانب الملعب اي يسار و يمين على اساس التغطيه اذا ما تقدم احد فياخذ الاخر مكانه
الوسط المحاور اذا بتلعب اثنين خلي احدهم سهم الى الخلف فقط و الاخر الى الامام و الخلف

في حاله فقدان الكره:
يكون الرجوع الى الدفاع اعلى مستوى اي ازرق غامق لكل المدافعين
يكون الرجوع الى الدفاع اعلى مستوى اي ازرق غامق للوسط المحور الذي سهمه الى الامام و الخلف
يكون الرجوع الى الدفاع اقل مستوى اي ابيض للوسط المحور الذي سهمه الى الخلف فقط
يكون الرجوع الى الدفاع اعلى مستوى لباقي اعضاء الفريق او المستوى المتوسط

اذا كنت تخاف من لاعب معين مثل ادريانو او ابراهيموفتش او رونالدينيو او كاكا فانه عندك نظام المراقبه اختر لاعب لديه نجمه ( نقطه برتقالي ) للمراقبه و راقب اللاعب بنظام( Aggressive ) اي كالظل و هذا سوف يقلل من قدره في التاثير على سير المباراه

و تقدر انك تجعل تكتيك الفريق هو الرجوع الى الدفاع و عمل الاوفسايد الى الحاله A او B

ان شاء الله اني افتدك و هذي خطتي الخاصه
و هذا اسمي في الوننج
ID : Q8-STAGER
H a S a N
19-07-2008, 01:34 PM
عذرا .. بس عندي سؤال ..

الأسهم اللي تختارا متى يتبعها اللاعب في حال الهجوم ولا الدفاع ؟ .. مع العلم إنها محطوطة تحت عنوان attack

وأيضا كيف يتحرك اللاعب لما يكون سهم للأمام وسهم للخلف ؟