اعذروني يا جماعة الخير...انا و نواف نطلب الانسحاب... [الأرشيف]

داج2222

30-12-2001, 02:52 PM

بسم الله الرحمن الرحيم

أخواني أعضاء و مراقبين......

حقيقه ما أعرف من وين أبدأ و من وين أنتهي....

حقيقه ما أدري أيش تغير بعد ما صرت مراقب......

حقيقه ما أدري ليه تغير كل الي حولي....

حقيقه ما أعرف ألوم مين الأعضاء؟! أم المراقبين؟! أم المشرف بعينه؟!

اسمعوا مني الي حاصل و انتوا احكموا عاد.....

من يوم ما فتح عماد الترشيحات و انا متشوق اني افوز و احصل على الرقابه و اعدل هالمنتدى و انعش حركته شوي و صار الي ابيه و انتهت الترشيحات و انا و نواف في قمة سلم الترشيحات و لكن جاء الرد المفاجئ من مشرف الألعاب بنفيه لهالترشيحات و انها مجرد تحصيل حاصل لا معنى لها على الإطلاق.......

قلت في نفسي على الأقل عرفت ان في ناس يبغوني مراقب و مو لازم اراقب دام ان صاحب الشأن لا يريد....

مر كم من يوم و جاني عماد على المنسجر و قال لي((المشرف بياخذ الأول من كل ترشيح و يعينه مراقب))...

انا ما عرفت اعبر عن فرحتي بهالكلام استانست بشكل خيالي...

و فعلا دخلت اليوم الي بعده للمنتدى و شفت إسمي معلق فوق و كأنه بأحرف من ذهب داج2222 و معي زميلي و اخوي naf ففرحت أشد فرح و كلمت نواف في الأمر و بنينا مشاريع و بنسوي و نسوي........

سوينا مسابقة احسن موضوع...........ردوا الأعضاء على هالمسابقه بالنكران:(

ما شفنا مواضيع......ما شفنا ردود....ما شفنا شي.....المنتدى ناااااام نومه أبديه

و الآن دعوني أضع النقاط على الحروف.....نشوف ويش سويتوا ردا لمحاولاتنا بتعديل هالمنتدى:

1-المشرف:أنت أعتبرك كأخ عزيز و قدير و مسؤول عن هالمنتدى....و لكن إشرافك و بنائك لهذا الكيان يعطيك كل هذا الغرور؟! أستغرب اذا رحت لأي منتدى ألقى المشف يرد أكثر من الأعضاء بعينهم و مرح و لا يفرق بينه و بين أحد الأعضاء فليه أنت غيره يعني؟! و غير هذا أبي أسالك سؤال ابيه باللون الأحمر عشان الغير يشوف..
أنت حاطني أنا و نواف مراقبين مغصوب؟؟!! ...
لا تسألني ليه فتصرفاتك تكفي...
أولا إنكارك للتصويت ككل و من ثم رضائك بنتائجه و بعدها تمنعنا من دخول منتدى المراقبين!!!اي رقابه هذه؟!
فلو كنت تعيننا على شي لإرضاء أعضائك فأشكرك على هذا التفكير الأخوي و لكن عين غيري فأنا لا أرضى بتعيينك مراقب كإسم فقد.....

2-المراقبين:أسألكم بالله أين أنتم؟! متى آخر مره أحد منكم دخل هالمنتدى أو دخله خير شر؟! تتعينون على شي لا تريدونه لا تقبلونه أجل!!! أم أنتم خائفين من ردة فعل الأعضاء من غضب أو ما شابه ذلك عند قايمكم بالواجب زي الي صاير لأخواني عماد و نواف......أترك لكم الإجابه على هالسؤال....

3-الأعضاء:البعض منكم أعتبره زي الأخوان و مرحين و من دونهم المنتدى لا يسوى أي شي كان و لكن البعض الآخر......تافهين و مطالبهم تافهه....و مواضيعهم اتفه....واذا قال لكم عماد توقيعكم مخالف قومتوا الدنيا و لا قعدتوها!! ليه طيب؟! الي قدامكم بشر و لا آلات لا تخطئ اذا غلطنا بحقك و لا شي علمنا بالي حاصل برساله خاصه فيها نقد هادف بناء و نسوي لك الي تبي....لكن تجي تسوي موضوع شكوى و كلام فاضي هذا ما ينفع....

و في الأخير اترك لكم الحكم اذا انا و نواف غلطانين فنحن آسفين و لا راح تشوفونا في المنتدى مره ثانيه اما اذا احنا على حق فنطلب الانسحاب من الاشراف على صرقعه و شكرا...

داج2222

30-12-2001, 02:59 PM

و احب اضيف شي اخير.....

أخواني و أخواتي الأعضاء....

الحين تغير فينا شي انا و نواف بعد تعيينا رقابه علشان تصيرون غامضين كل هالغموض...يا ناس و لا مباحث تتصرفون معه كذا!!

على العموم احنا نواف و دجو ما تغير فينا شي انتوا الي تغيرتوا علينا!!

Chandler

30-12-2001, 03:02 PM

يسلموووووو يا احلى دجو...

والله كلامك درر...

خاصة...

و احب اضيف شي اخير.....

أخواني و أخواتي الأعضاء....

الحين تغير فينا شي انا و نواف بعد تعيينا رقابه علشان تصيرون غامضين كل هالغموض...يا ناس و لا مباحث تتصرفون معه كذا!!

على العموم احنا نواف و دجو ما تغير فينا شي انتوا الي تغيرتوا علينا

خـالد عبدالرحمن

30-12-2001, 03:53 PM

صح لسانك دجو

و الله كل كلمه قلتها صح و انا اساندك بكل الي قلته

يعني من جد له حق اذا انتوا حاطينه مراقب وش هالعنصريه

يعني هل دجو و نواف ناقصين شئ ؟!

لا و الله انا ابصم بالعشر انهم احسن من ثلاث ارباع مراقبين هالمنتدى

و يا مشرف ما سمعت ليه الغرور لاصاله :أفكر:

و اختم كلامي بهالكلمه

دجو و نواف قد المراقبه و قدود و اذا ما كان هذا اعتقادكم لهم

فماضن انكم كفوا اشخاص امثال دجو و نواف

باباسنفور

30-12-2001, 03:56 PM

احبائي :
داج ونواف

منذ بدا الترشيح ووضعه من قبل المراقب الفذ عماد وانا كنت اعرف ان هالشىء سيصبح سلبي على المنتدى ....

وكان العضو RPG-master اول من طالب بالغاء هذه الفكره واضافة مراقبين للمنتدى زيادة لاتغيير...
مع العلم ان الاعضاء داج ونواف وفهد من خيرة الاعضاء بالمنتدى ولولا الله ثم جهود هؤلاء لاصبح المنتدى ممل لدرجه لا تحتمل واكبر دليل على كلامي عندما ذهب نواف الى القصيم وعندما جاء داج الى الرياض وعندما قلل فهد من مشاركاته لسب او باخر ..... لا استطيع ان اوصف لكم مدى العزل الذي عشته انا شخصياً والمنتدى ايضاً مع العلم انهم كانوا يدخلون للمنتدى ولكن بشكل قليل على غير العاده ...

وانا هنا لا انقص من حق الاعضاء الاخرين فى الجميع يحاول ان يرقى بهذ المنتدى واعلم ان عماد ونواف وداج وفهد وغيرهم الكثير يزعجهم ركود المنتدى ....

وانا لاحظت مدى الحماس الذي كان عليه نواف وداج عندما عينوا كمراقبين ..... واعلم ان المراقبين وخصوصاً عماد ونواف تعرضوا لاحراجات واساآت ولكن يا جبل مايهزك ريح ...

لكنى انا للاسف لم اواكب تطور المنتدى او ايام عزه لاني للاسف لم اسجل هنا الى منذ الشهرين اي بعد بدا مسلسل السبات العميق .....

للمراقب عماد :
اعلم انك حريص على نجاح المنتدى اكثر مني ولكن الا تعتقد انك قد تسرعت فى وضعك الترشيحات للمراقبين ... خاصة انك على ما اظن لم تاخذ موافقة المسؤول الاول عن الموقع او المنتدى ....

وربما هذا الشىء نابع من غيرتك على المنتدى وحرصك على تطوره وتقدمه وارجاعه الى قواه المنهاره ....

وهذا عتب من عشم ياعزيزي عماد....

وبالاخير اقول لنواف وداج انكم ملح المنتدى و انتم من ضبطتم وزنه لذا ارجوا منكم الا ياثر عليكم تجاهل المسؤولين لكم لانكم ببساطه فوق مستوى النقد او التجريح وخساره ان نرى ثمرة المنتدى نوااف وداج فى مثل هذه الحاله الميؤوس منها ...
ولكن بعزيمتكم وهمتكم سنرجع المنتدى لمجدهم ولنعمل سوياً لنجقق هدفنا المنشود وكرتنا الضائع ..

تحياتي لكم .,

swat

30-12-2001, 04:16 PM

الله يقطع ابليسك يا داج شوي و ببكي
اقول والله المنتدي ماله طعم بدونكم خلكم مراقبين و بس:)

alex

30-12-2001, 04:51 PM

هئ هئ هئ هئ :(

والله جبتلي الهم يا شيخ ........ هئ هئ ....... غطيت على نهاية فاينل فانتسي :p

عماد 18

30-12-2001, 07:52 PM

:) ..
بخصوص كلامك عن المشرف انا قلتها في موضوع سابق احس انهم معينينه مشرف على هالمنتدى غصب ..
اتفق معك بانه تارك المنتدى و انه مهمل فيه و انه و انه و انه ..
لكن ما اتفق معك بنقطة انه مغرور :) ..
بخصوص سالفة التصويت ..
للاسف فعلا انا الان عرفت اني غلطت لما وضعته ..
لكن لما فكرت فيه بذاك الوقت كان ودي فقط اني اخلي المشرف يحط مراقبين غصب و لعلمكم لي اسبوع مرشح له كم مراقب يساعدني في منتديات البلايستيشن كلهم ما اعرفهم و لا عندي ماسنجراتهم اللهم الا ان مواضيعهم مميزة و متواجدين في المنتدى بشكل كبير و كذلك شعبيتهم و اخلاقهم ..
لكن لا حياة لمن تنادي ..
و نرجع لكم ..
نواف و عثمان ..
بذمتكم الحين انتم زعلانين على كم عضو عشانكم اذا عدلتوا في ردودهم اعترضوا ؟
اذا كان معك حق فلا يهمك ..
ماحد يحاسبك غير المشرف اما العضو الغلطان فالمفروض ينطم ..
ما احب اطول عليكم لكن ودي اقول اذا انتم زعلانين عشان منتدى المراقبين ..
فيمكن المشرف نسى و ما اعطاكم خاصية الدخول له لكن المهم انه اعطاكم خاصية التوقيف و اللي اظن انها اهم و انها ايضا دليل على ثقته فيكم اكثر من انه لو اعطاكم خاصية الدخول لمنتدى اخر رد انكتب فيه كان قبل شهر و انا اللي كتبته و اقول فيه ثبتوا الموضوع اللي فيه اللنك حق لوحة التحكم للمنتدى :) ..

سيلفي2065

30-12-2001, 08:06 PM

:واو: :واو:

تنسحبون من المراقبه والا من المنتدى ككل؟؟؟

داج2222

30-12-2001, 08:18 PM

كتب العضو (سيلفي2065)
:واو: :واو:

تنسحبون من المراقبه والا من المنتدى ككل؟؟؟

الرقابه بس:D

اما بقية الشباب لي عوده بالردود بس شوي:)

crazy

30-12-2001, 08:25 PM

لاااااااااااا تكفون ترى المنتدى بدونكم مايسوى .. ومافي غيركم صراحة يستحق الرقابة ... :)

سيلفي2065

30-12-2001, 08:37 PM

يووووووووووووووووووووه

شف عاد,,,بعد ماقريت موضوعك اللي بالفصحه عشر مرات (تخبر ثقافتي سيلانيه ومااتعامل بالفصحى)
احسست والاحساس ينتابني <-------على بالها بتقلد

يمكن محد يقدر يمنعكم لو قررتوا تتركون الرقابه....ولو اني مااتمنى كذا

بس والله ثم والله تتركون المنتدى كل ابوه لااحش كراعينكم حش :غضب:

ايه صح.....ترى زي ماقالوا الشباب....المراقبه ماتحق الا لكم...مافيه الا انتم وعماد اللي متحمسين

وراه بتتركونه؟؟؟؟؟؟؟؟؟

ومن تغير عليكم؟ انت تقول فيه اعضاء تغيروا عليكم والا؟؟؟ <-----لالحين مااستوعبت الفصحى

ياااااااااااااااخخخخخي لازم تتحمل يااااااخخي على قولتهم الشجره المثمره يطقونها بزبيرياتهم

وبعدين العضو ماله ايييي حق يزعل اذا تم تعديل رده....يعني لاتهتمون للي يزعل...بيزعل يزعل على نفسه وبيرجع يرضى

وبالنسبه للمشرف...لاتعليق....انا مااحب اتكلم على الحكومه :أفكر:

بس والله انه اجودي وحبيب بس عيبه انه مدد سيقانه ومخلي القرعا ترعا (والله مدري هي قرعا والا درعا الله اعلم)

ادري اني ماجبت شي جديد هذا عماد 18 كفى ووفى ":"

بس راااااجعوا انفسسسسكم وراجعوا سالفه الرقابه ذي....ترانا تونا ماقطعنا تورته مرور الشهر على رقابتكم

هذا بالبدايه بس....بعدين بتحسون كل شي طبيعي.....انت استنى لاتستعجل

جيم سنتر

30-12-2001, 09:27 PM

افا يا دجووووو تنسحب بعد كل مشاركاتك بتوصل للقمر وبتنسحب لا يالحبيب خلك بمكانك احسلنك لاحظ يا داج انك انت محبوب مره وبقوه يعني لو مراقب غيرك كان كل الشعب سفل فيه او ما رد عليه لكن انت يا خي مقدر اوصفك لو طلعت نص المنتدى بيركضون وراك مين يفرفش المنتدى مين يضحكنا مين الي يشوف طلباتنا <=== حشا صرت فراش عندنا :D

اذا عن المشرف مين تقصد مشرف الألعاب اذا هو فهذا والله مدري عنه لانه قليل المشاركه لكن ماله حق يسوي فيك كذا ياخي ما يدري ان انت احسن واحد وبجداره في منتديات موقع الالعاب العربي وصدقني كلامي ذا يشهد عليه كل الاعضاء

اما اذا تقصد forumaster فهو تنطبق عليه هذي المقطه من غنيه طلال مداح ((((( الاصل طيب والمعدن ذهب))))) وذا هو مزعلك فانا اشك انك صحيح لانه مايرد احد وانا اعرفه ويعرفني وما شفت منه الى كل خير

وانشالله اثرت عليك ...

داج مشاركااااااتك كثير خفف شوي ........ ودي اعرف كم فاتورة التلفون تجيك

اتحدى اقل من 1500 ريال ....:D :D :D ياله اضحك :D

Chandler

30-12-2001, 11:10 PM

انا بصراحة...ما قهرني الا الاعضاء....

والحين انا عذرت المراقبين النايمين...معهم حق اذا ناموا وتركوا الرقابة...لأنه وبكل صراحة فيه اعضاء يحاسبون الواحد على الخطوة.....مع انهم غلطانين بس لاااااا...ليه هذا المراقب يتلقف ويسوي كذا بردي...ولا يحذف موضوعي....<=== اجل حاطينه مراقب ليه؟:(

والله يا زيننا يوم كنا اعضاء....محد يقدر يفتح فمه بكلمه علينا ((عضو زيه زيك)) اما الحين...بعض الناس يدورون اي خطأ علي انا ودجو عشاننا صرنا مراقبين.....والله حراااام ((هالكلام ينطبق على كل المراقبين))

جيم سنتر

30-12-2001, 11:17 PM

مين من الاعضاء يعارض مراقب والله احسن واحد عماد مهجدهم محد يعارضه ولا بالشلوت بره ومدام عندكم خاصيه التوقيق تقدرون تهددون الي يعارض وترا تتندمون اذا تركتوها

Chandler

31-12-2001, 12:27 AM

اوكي....اصلا انا طاير من المنتدى كله...

الفير

31-12-2001, 01:11 AM

صراحة معاكم حق تسووون اللي تبونه .....حنا مستعدين نسوي أضراب عن الآكل بس تقعدو (نصااااب) .....بس دجوو أنت وناف ماتغيرتم في نظري .....الدلوخ الحبوبين حق المنتدى خخخخخخخخخخخخخخ....:D :D :D

وأنتم أعتقد أنكم في المكان المناسب ....ومراقبين في مكانهم الصحيح ....

دجووو انت وناااااف ...تخيلو المنتدى بدونكم شلون يصير ....انتم بهارات للمنتدى .....أنتم زي الطحينة يطلع للفول طعم .....أنتم زي الصلصة اللي من غيرها ماتكمل الكبسة .....أنتم زي ثوم وسط الفلافل ...انتم نكههه المنتدى .....أنتم زي الثلج في البيره ....أنتم زي الخس في البرجر....أنتم أساس منتدى الصقرعة ...وأنتم مضيفين نكهه لهذا المنتدى اللي فيه عيوب أكثر من مزايا خخخخخخخخخ....المهم خل عنكم أحلام اليقظه ....والفلسفة وأنتم قدها وقدود ....

أوووووف وش تبون بعد مدحت فيكم الين جعت خخخخخخخخخخخخخخ:D :D :D :D

RPG_master

31-12-2001, 01:38 AM

اقول لا يكثر انت وياه:o

وعن الدلع الفاضي:p

konnan87

31-12-2001, 02:37 AM

guys plz dont go

:( :( :( :(

yala
salam
soso:(

RPG_master

31-12-2001, 02:54 AM

كتب العضو (konnan87)
guys plz dont go

:( :( :( :(

yala
salam
soso:(

اقول مصدقه انتي ترا كله كلام فاضي:p

يعني يبون يستعطفوننا:o
ياحليلهم:أفكر:

CARLA

31-12-2001, 09:09 AM

نصيحه لك ياداج انت وناف

مافي مراقب ماصارله الي صار لكم يعني هذي هي سلبيات المنصب......فلازم تتحملوها او تتركوها

الواحد ما يقعد يحرق اعصابه على غيره وهو مو مستاهل.......

وخروجكم من المنتدى هذا اكبر غلط راح تسووه لانكم راح تزهقوا من اي منتدى ثاني غيره وراح ترجعوهنا ثاني.......))

على فكره........في معلومه احب اوضحها

سبب نجاح منتديـــــــــــــات جيمز فور ارب هي سببين

1- انه من اوائل المنتديات

2- كفاءة اعضاؤه

يعني الاداره مالها دور .....وهم عارفين كذا فما همهم اذا خرجتوا لانهم عارفين انكم راح ترجعوا

داج2222

31-12-2001, 10:54 AM

سلام:D

ويش الي صاير؟!:p<<<<ناسي

احم معليه المهم.......

يعطيكم العافيه على الردود الي كلها اطول من الثانيه:أفكر:

ما قصرتوا:)

على العموم....

انا ما قلت اني بانسحب من هالمنتدى خير شر انما ردودي بتقل يعني زي الحين...غير كذا اول دليل ان كلامي صح ان محد رد من المراقبين و لا المشرف الا عماد الله يقويه:D

و احب اضيف اني على وشك بأنقل لمنتدى ثاني الي هو منتداي:)و اخاف انشغل فيه فتقولون((هذا دجو الي يقول المراقبين نايمين و فيهم و ما فيهم و باسوي و اسوي و اخر شي يرقد معهم بشقتهم الأبديه للنوم!!))

على العموم كلام أغلبكم ينقط عسل و واقعي خصوصا رد ديجي مع جداره:p....

المهم ما قصرتوا و انا ما اتخذت قراري الا علشان انشغالي في الوقت القريب و اخاف اقصر معكم و نواف بيضف عفشه و يلحقني":"و المضايقات دايم تلاحقه فما ادري القرار صح يبي له تفكير و انا فكرت فيه و اتخذته و ودي اتراجع عنه بس خوفي اني اقصر معكم و بس....

RPG_master

31-12-2001, 11:01 AM

كتب العضو (داج2222)
سلام:D

ويش الي صاير؟!
احم معليه المهم.......

يعطيكم العافيه على الردود الي كلها اطول من الثانيه:أفكر:

ما قصرتوا:)

على العموم....

انا ما قلت اني بانسحب من هالمنتدى خير شر انما ردودي بتقل يعني زي الحين...غير كذا اول دليل ان كلامي صح ان محد رد من المراقبين و لا المشرف الا عماد الله يقويه:D

و احب اضيف اني على وشك بأنقل لمنتدى ثاني الي هو منتداي:)و اخاف انشغل فيه فتقولون((هذا دجو الي يقول المراقبين نايمين و فيهم و ما فيهم و باسوي و اسوي و اخر شي يرقد معهم بشقتهم الأبديه للنوم!!))

على العموم كلام أغلبكم ينقط عسل و واقعي خصوصا رد ديجي مع جداره

المهم ما قصرتوا و انا ما اتخذت قراري الا علشان انشغالي في الوقت القريب و اخاف اقصر معكم و نواف بيضف عفشه و يلحقني":"و المضايقات دايم تلاحقه فما ادري القرار صح يبي له تفكير و انا فكرت فيه و اتخذته و ودي اتراجع عنه بس خوفي اني اقصر معكم و بس....

ايييييييييه هذي السالفه وما فيها...

اول شي جا باتي قول سوالي منتدى...وسحب معه نص الاعضاء...

وجا ديجي سوى منتدى سحب النص الثاني وما بقى الاشوي...

وانت بتكمل على المنتدى:)

ما قصرتوا...صراحه نعم الاعضاء:)

داج2222

31-12-2001, 11:07 AM

كتب العضو (RPG_master)
ايييييييييه هذي السالفه وما فيها...

اول شي جا باتي قول سوالي منتدى...وسحب معه نص الاعضاء...

وجا ديجي سوى منتدى سحب النص الثاني وما بقى الاشوي...

وانت بتكمل على المنتدى:)

ما قصرتوا...صراحه نعم الاعضاء:)

و من قال اني باسحب معي احد؟!:)

منتدى بافتحه و اعضائه كلن جديد على الثاني ماني ساحب احد من هنا و جاره لهناك الي يبي يجي حياه الله ينور المنتدى بس كان السالفه فيها تخريب ما تخريب خلاص عادي مو لازم يجي احد:D

RPG_master

31-12-2001, 11:14 AM

كتب العضو (داج2222)

و من قال اني باسحب معي احد؟!:)

منتدى بافتحه و اعضائه كلن جديد على الثاني ماني ساحب احد من هنا و جاره لهناك الي يبي يجي حياه الله ينور المنتدى بس كان السالفه فيها تخريب ما تخريب خلاص عادي مو لازم يجي احد:D

ايه صح...واذا فتحت انواع العزايم...وبيبسي تويست وكيك ومكسرات وفله:p

داج2222

31-12-2001, 11:16 AM

كتب العضو (RPG_master)
ايه صح...واذا فتحت انواع العزايم...وبيبسي تويست وكيك ومكسرات وفله:p

ترا العزيمه شغل امريكي":"تبي تجي جب قطيه معك:p

RPG_master

31-12-2001, 11:18 AM

كتب العضو (داج2222)

ترا العزيمه شغل امريكي":"تبي تجي جب قطيه معك:p

لا خلني السواق اجيب الاغراض كالعاده:o

داج2222

31-12-2001, 11:21 AM

كتب العضو (RPG_master)
لا خلني السواق اجيب الاغراض كالعاده:o

امممممممممممممممم طيب

جب تويكس توب:D

اوريو":"

مكسرات الي ما لها طعم:أفكر:

و شاهي بارد:p

RPG_master

31-12-2001, 11:25 AM

كتب العضو (داج2222)

امممممممممممممممم طيب

جب تويكس توب:D

اوريو":"

مكسرات الي ما لها طعم:أفكر:

و شاهي بارد:p

ههههههههاااااااااااااااااااااااااااااااااو توها تطلع الفضايح ليش ما قلت كذا من زمان":"

ولا خايف:أفكر:

باباسنفور

31-12-2001, 11:41 AM

داج ونواف تراك بتخربون المنتدى بفعلكم هذا

وبعدين وش ذنب الاعضاء الكرام اللى ماسوووا لكم شي

ولا عشان المسؤول لحطكم

يعني والله من جد مسخره

كل واحد جاي وساحب له مليون عضووو وبالاخير تقولون المنتدى نابم ...

بلا بشكلك انت وياه:غضب: :غضب:

الفير

31-12-2001, 11:56 AM

أصلن هذا المنتدى أعضائه المنسمين أغلبهم طلع وراح لمنتديات ثانية ......وداج بيروح يدور على مستقبله (أمحق مستقبل خخخخ)...وناف شكله بيفتح منتدى هو الثاني ....ومابقى شيئ خهخخخخخخخ:D :D :D

Kubaj

31-12-2001, 11:57 AM

((المشرف بياخذ الأول من كل ترشيح و يعينه مراقب))...

:أفكر:

و فعلا دخلت اليوم الي بعده للمنتدى و شفت إسمي معلق فوق و كأنه بأحرف من ذهب داج2222

سبحان الله :أفكر: ...كاد المريب ان يقول.....:أفكر:

باباسنفور

31-12-2001, 12:23 PM

كتب العضو (king_kubaj)

:أفكر:

سبحان الله :أفكر: ...كاد المريب ان يقول.....:أفكر:

خذوني....

والله انك فاهمني ياعزيو :D

وفاضحهم ...

وادلع ياكايدهم

ادلع يافاضحهم

عطهم درس بجسمك ...:p

Chandler

31-12-2001, 12:49 PM

انا نفس حالات دجو...

لكن....

انا عندي سبب زياده.....((من يوم ما استلمت الرقابه...وكل يوم يزيدون اللي يكرهوني...حتى اني خلااااااص طقييييت وما لي الا اني اطلع من المنتدى))

باباسنفور

31-12-2001, 12:59 PM

كتب العضو (naf)
انا نفس حالات دجو...

لكن....

انا عندي سبب زياده.....((من يوم ما استلمت الرقابه...وكل يوم يزيدون اللي يكرهوني...حتى اني خلااااااص طقييييت وما لي الا اني اطلع من المنتدى))

الله وياك

تتغلون علينا
والله عالم

Chandler

31-12-2001, 01:36 PM

انت ما شفت اللي انا شفته...

ناس كنت اعتبرهم اصدقائي...ينقلبون علي...هذا غير الحش اللي يجيني على الايميل...والله حاله...:( :( :(

باباسنفور

31-12-2001, 01:52 PM

كتب العضو (naf)
انت ما شفت اللي انا شفته...

ناس كنت اعتبرهم اصدقائي...ينقلبون علي...هذا غير الحش اللي يجيني على الايميل...والله حاله...:( :( :(

عزيزي نواف انت من سعى وراء المراقبه ... لذلك تحمل

واعلم جميع الحقائق فى الترشيح .... ولكن يداك اوكتا وفوك نفخ وجنت على نفسها براقش ....

اما بالنسبه للمراقبه وبلوبتها ...

فانا مراقب فى اكثر من منتدى ومشرف فى كثير من المنتديات

لا وازيدك من الشعر بيت مسؤول لاحد المواقع ....

فاعلم مذا يمر به المراقبون ... ومن تحميل المسؤوليه عليهم ...

وتعرضهم للاهانات ... ولكننا حينما نرى مثل هالتهجم ... لا ننلجا للاستسلام او التافوه
فليس هذا هو الحل .... او الانسحاب

الحل بيدك وباسلوبك ايها المراقب ...

وانت شخص عاقل وبالغ ومميز وتميز الخطا من الصواب لذا لن تجد لك حلاً سوا اتاخذ قرارك الموزون لا المتسرع ....

crazy

31-12-2001, 01:58 PM

كتب العضو (باباسنفور)

فانا مراقب فى اكثر من منتدى ومشرف فى كثير من المنتديات

لا وازيدك من الشعر بيت مسؤول لاحد المواقع ....

فاعلم مذا يمر به المراقبون ... ومن تحميل المسؤوليه عليهم ...

وتعرضهم للاهانات ... ولكننا حينما نرى مثل هالتهجم ... لا ننلجا للاستسلام او التافوه
فليس هذا هو الحل .... او الانسحاب

الحل بيدك وباسلوبك ايها المراقب ...

وانت شخص عاقل وبالغ ومميز وتميز الخطا من الصواب لذا لن تجد لك حلاً سوا اتاخذ قرارك الموزون لا المتسرع ....

اخس يالفصحى ..:p

Arsene Lupin

31-12-2001, 02:22 PM

اللهم لك الحمد اللهم لك الحمد اللهم لك الحمد :

الحين انت وياه يوم انكم توافقون على انكم اقل شي تكونون موجودين في ترشيحات الرقابة، ما كان كل واحد منكم عارف انه قد الرقابة؟؟؟

ولا يوم جا الجد طرطعتوا، كل واحد يطلعلي عذر اهبل من الثاني، واحد يقول ما اقدر ادخل على منتدى المراقبين ...... ياخي كلم المشرف و يصلح الوضع .

لا و يجيك الثاني و يقول الناس بدوا يكرهوني ...... ما اقول الا يـــــــاي.. يقوللك فيه خكري دبجه عربجي الين قال آمين ، من بكرا جمع الخكري كل اخوياه و راح للعربجي و قال له ، شفت هذولي كلهم ...... ما يحبونك .... و انت افهمها ..... اذا غلطوا عليك ولا شي ، انت مراقب ، شته و لا احد يقدر يقول شي.

و اذا كانوا يجونك في الماسنجر ، فيه شي اسمه حظر ، ثم حذف ... ما ادري ان كنت تعرف تسويه.

اختصار سواليفكم ..... تبون تطلعون اي عذر عشان تتركون المنتدى، بس اعذاركم طلعت تجيب الهم ، تبون تصيرون في منتدى انتم ((( المشرفين فيه ))) ، و الله اعلم اذا كان بيصير عندكم اعضاء ولا لا . مع ان اغلب الظن بيكونون نفس الاعضاء الموجودين هنا .... و مثل ما قلت قبل كذا :

اللي بيطلع يطلع بدون صجة، الا اذا بيقعد يتغلى و يسوي زحمه شوي.

و مره ثانية اذا بتقولون كلمة خلوكم قدها .

و آسف اذا غلطت على احد

Chandler

31-12-2001, 02:23 PM

سنفوري..

انت والله ما تدري وش السالفة...((اقول لك بالماسنجر))

واذا بغيت ايميلي..

naf9naf@hotmail.com

Arsene Lupin

31-12-2001, 02:25 PM

شي ثاني يا مراقب داج2222 :

هذا منتدى صرقعة عشان كذا يا ليت تنقل موضوعك لمكان ثاني ، للاسف ما فيه منتدى توديع.

Chandler

31-12-2001, 02:27 PM

شوف يا لوبين...

خلااااص..انا الغلطان....

والله انكم ما تدرون وش السالفه....

وانا الحمدلله...احسن من بعض الناس..((اللي يعرفون نفسهم))....منيب فاضحهم......

واللي يبغى يعرف كل شي...يكلمني بالماسنجر

Chandler

31-12-2001, 03:11 PM

اوكي...

انا حذفت ذاك الرد....لأن البعض كان يحسبني اتدلع واتغلى....

لكن...لا تقولون نواف جحد المنتدى..اوكي...انا بالكثير بادخله بالشهرين مرة....<=== وهذا بسسس عشان حبايبي اللي هنا

((واللي مو مصدق..لا يصدق))

داج2222

31-12-2001, 03:16 PM

يحق لك نواف

و الله ما اكل هالغثى زيك على العموم يا جبل ما يهزك ريح انت اصبر بعد الاختبارات و تلقى مني الي يسرك:)

crazy

31-12-2001, 03:17 PM

كتب العضو (naf)
اوكي...

انا حذفت ذاك الرد....لأن البعض كان يحسبني اتدلع واتغلى....

لكن...لا تقولون نواف جحد المنتدى..اوكي...انا بالكثير بادخله بالشهرين مرة....<=== وهذا بسسس عشان حبايبي اللي هنا

((واللي مو مصدق..لا يصدق))

افا والله ... يعني كل ذا بسبب بعض التفاهات من بعض الاعضاء ... وبعدين منهو اللي حاقد عليه اوريك فيه ؟؟؟:غضب:

جيم سنتر

31-12-2001, 03:25 PM

انا الصراحه يأسة من عودتكم شكلكم مره مصممين على العموم اطلعو لكن لا تقولون لاحد وخلو المراقبه لكم يمكن ودكم ترجعون .

يمكن ...... يمكن ؟ّ؟ّ؟ّ؟ّ؟ّ؟ّ؟ّ؟

الكوبرا

31-12-2001, 04:45 PM

اسمعوااا الكلاام الي يثلج الصدر...((ترااه غثيث شوي...بس صريح))

1-دااج اذا انت ودك تترك المنتدى ترى محد ماااسكك

2-نوااف برضواا نفس الكلاام

3-اذا انتم رااح تتركون المنتدى لاسبااب شخصيه بعيده عن المنتدى

ترى انا اول وااحد رااح يباارك هالخطوه .

4-اذا انتم رااح تتركون ان المنتدى عشاان عضو ولا عضوين اسمح لي اني
اقولك انك انساااان ضعيف...جداا..جداا..ولا عندك ارااده ولا قوة تحمل

5-اذا المرااقبه مسويه مشااكل لك...هذا مع احتراامي الشديد...بسبب سوء معااملتك و تخااذك قرااراات عكسيه سوااء في حذف موضوع ولا الابقااء على موضوع

انت ماااا سمعت عن شعرة معااويه؟!!...طبقهاا اجل!!

6-ثااااني شي احتراام الاعضااااااااء شئ مهم للغاايه...حتى لو كاان سخيف و سطحي...لازم تتعاامل معه على انه شخص محترم الا اذا رفض انك تتعاامل معه بشكل محترم ذيك السااعه محد يلومك

7-حااجه مهمه ترى انت و نواف ماا تغيرتواا عليناا ودي بس اعرف من الي لاعب عليكم و قاايل هالكلاام!!
ليش صرتوا مبااحث ولا وزراااء و حناا ماا ندري ياا بوي لاتضحكني و انا ماا ودي اضحك..:D .

8- ارجوا اني ماا ثقلت عليكم...سلااام

شوف ياا دااج انت و نواااف ترى تعرفون معزتكم عندي و درجة المياانه

الي بيناا...لدرجة انكم تناادوني((نوكياا))..ولا منتهى الصلااحيه..:D

لالا تااخذون كلاامي هذا على اني اكرهكم ولا شى..و مثل ما يقول برناامج

(((((((((((لا تفهمونااا غلـــــــــــــــــــــــــــط))))))))))))))...و انا قلت هالكلام

لاني ماا ودي اشوفكم تقولون مثل هالكلااام ابدااا....الا اذا كاان مزح

خذواا راااحتكم .

و المثل العربي يقول: ((القااافله تسير و الكلااااب تنح))

RPG_master

31-12-2001, 05:23 PM

اقول كوبرا وراك تكثر الـ ااااااااااااااااااااااااا في ردودك:D

الكوبرا

31-12-2001, 05:29 PM

كتب العضو (RPG_master)
اقول كوبرا وراك تكثر الـ ااااااااااااااااااااااااا في ردودك:D

مااركه مسجله باسمي...":"

RPG_master

31-12-2001, 05:37 PM

كتب العضو (الكوبرا)

مااركه مسجله باسمي...":"

اها":"

بدى الموضوع يقلب تشات:cool:

konnan87

31-12-2001, 07:03 PM

whats the Url of ur montada:أفكر:

yala
salam
soso":"

راعي الاوله

31-12-2001, 08:37 PM

هههههههههههههههههههههههههههااااي .. هههههههههههههههههههههههااااي

اموووت انت يالموضوع الصااااحي ههههههههههههههههههاااي ..

و الله اني ادريبك يالمناااااااااااافق ههههههههههههههههههههههههههههاااي ..

صرفهااااااااااااا المنافق اجل يحقدون عليك يالمسكين هههههههههههههههههههههاااي ..

الله يعينك بس ..... كخخخخخخخخخخخخخخ ... يوم صار محترف في المنتدى ...

-----> ايه و مناك منحرف ... يبي يسوي زحمة .. اقول تعرف تسوق كخخخخخخخخخخخخخ ...

طيب اسمع اذا تبيها بسرعه انا قلتلك في الماسنجر و انا ابو علاج (( ماسنجر و الا صيدليه ))

و صدقني و لا خمس دقايق الا و انت في بر الاماااااااان ...

... ســـــــــــــــــــــــــــــــــــــلام :)

RaEe3

31-12-2001, 10:36 PM

يا جماعة الخير...........

تصالحواااااااااااااااااا

والا انا غلطان؟؟!!

باباسنفور

31-12-2001, 10:57 PM

اقول الوعد الماسنجر يانواف

جيم سنتر

31-12-2001, 11:04 PM

كتب العضو (باباسنفور)
اقول الوعد الماسنجر يانواف

اخـــــس يالقوي :D :D :D :D

باباسنفور

01-01-2002, 12:24 AM

كتب العضو (جيم سنتر)

اخـــــس يالقوي :D :D :D :D

اجل
انا باباسنفور راعيها مو اي واحد:p :D
<.....مصدق روحه:p

Chandler

01-01-2002, 03:58 AM

احم احم...

بصراحة..وبعد مناقشات حاميه مع كثير من الاعضاء....

انا اعترف اني غلطان...والاعتراف بالحق فضيله...وان شاء الله باقعد بذا المنتدى وباحاول اوزع نفسي بين منتديين...

لكني يا شباب..احتاج مساعدتكم...عشان افتك من ذولي المزعجين اللي كرهوني بعيشتي....

وان كنت غلطت على احد...فأنا آسف...

وبس عشان تقدرون ليه انا كتبت هالكلام...باقول لكم ليه انا كتبته...

اولا...تعرض جهازي للاختراق اكثر من مرة وكلها يكتب المخترق سب فيني ((وبعضه في دجو))

ثانيا...وصلتني ايميلات كثر التراب كلها سب فيني...

ثالثا...الاعضاء ما يساعدون المراقب في شي...بس ينتقدونه اما التشجيع..لا حياة لمن تنادي

بس مع كذا انا قاعد على قلوب اللي موب عاجبهم...

Arsene Lupin

01-01-2002, 04:21 AM

اولا : نواف و دجو ، انا آسف ان كنت غلطت على احد منكم في ردي الاول.

ثانيا: مشكور نواف على هالرد ، و اذا بتقعد حياك الله، و اذا بتنشغل بمنتديات ثانية ياليت تدخل هالمنتدى من كل فتره و فتره و عساك على القوه.

و خل عنك حثالة المنتدى، ايميلات و احذفها، و اللي يجيك على الماسنجر حظر ثم حذف، و بالنسبة للجهاز ركب برنامج حماية ..... ما فاد ... فورمات و نزل ويندوز جديد :D .

و انشالله الاعضاء- و انا من ضمنهم- ما راح نقصر معك. اهم شي سو المطلوب من اي مراقب، ولا تاخذك في الله لومة لائم (حشى قريش طلعنا ) .

و سلام عليكم .

ملاحظه:

تقدرون = تدرون <<<<<< رد ناف

ملاحظة لديجي:

اقصر الشر و رح اشرب مويه .

باباسنفور

01-01-2002, 10:41 AM

كتب العضو (naf)
احم احم...

بصراحة..وبعد مناقشات حاميه مع كثير من الاعضاء....

انا اعترف اني غلطان...والاعتراف بالحق فضيله...وان شاء الله باقعد بذا المنتدى وباحاول اوزع نفسي بين منتديين...

لكني يا شباب..احتاج مساعدتكم...عشان افتك من ذولي المزعجين اللي كرهوني بعيشتي....

وان كنت غلطت على احد...فأنا آسف...

وبس عشان تقدرون ليه انا كتبت هالكلام...باقول لكم ليه انا كتبته...

اولا...تعرض جهازي للاختراق اكثر من مرة وكلها يكتب المخترق سب فيني ((وبعضه في دجو))

ثانيا...وصلتني ايميلات كثر التراب كلها سب فيني...

ثالثا...الاعضاء ما يساعدون المراقب في شي...بس ينتقدونه اما التشجيع..لا حياة لمن تنادي

بس مع كذا انا قاعد على قلوب اللي موب عاجبهم...

هذا الكلام اللى يجمد على السكسوكه

داج2222

01-01-2002, 10:52 AM

كتب العضو (naf)
احم احم...

بصراحة..وبعد مناقشات حاميه مع كثير من الاعضاء....

انا اعترف اني غلطان...والاعتراف بالحق فضيله...وان شاء الله باقعد بذا المنتدى وباحاول اوزع نفسي بين منتديين...

لكني يا شباب..احتاج مساعدتكم...عشان افتك من ذولي المزعجين اللي كرهوني بعيشتي....

وان كنت غلطت على احد...فأنا آسف...

وبس عشان تقدرون ليه انا كتبت هالكلام...باقول لكم ليه انا كتبته...

اولا...تعرض جهازي للاختراق اكثر من مرة وكلها يكتب المخترق سب فيني ((وبعضه في دجو))

ثانيا...وصلتني ايميلات كثر التراب كلها سب فيني...

ثالثا...الاعضاء ما يساعدون المراقب في شي...بس ينتقدونه اما التشجيع..لا حياة لمن تنادي

بس مع كذا انا قاعد على قلوب اللي موب عاجبهم...

?: ?: ?:

الحين الفيلم الهندي الي سحبت به جلنطات بوجهي قبل كم يوم بس كلام؟!