نقاش تخصيص جوالات للإناث.

[shahar]

:33:هل تعرف الامهات ما يوجد في جوالات بناتهن؟؟؟؟ ؟؟؟؟؟




:33:الأن وبعد أن كان الهاتف يرن في البيت والجميع يشعر بأنه معني بالامر ،
أصبحت اصغر الفتيات في ا لأسرة تمتلك جوالا تعطي رقمه لمن تشاء
وتتصل به أيضا بحرية مطلقة !!!

:33:لوكنت أماً هل تراجعين هاتف أبنائك وبناتك خصوصا؟؟؟
مع تحيات:shahar
لو كنت بنتاً هل تقبلين بهذه المراجعة؟؟؟

لوكنت اباً هل تراجع هاتف إبنتك ام لا؟؟؟

ولو كنت أخا هل تراجع هاتف أختك ام لا؟؟؟
وانتم يابنااات اعترفواااا وش فيه في جوااالاتكم

[Muw2]

انا ولله الحمد ماعندي خوااات ......
وليس لدي تعليق على هذا الموضوع تحياتي

[FARES360]

اهو نفس الكلام راجع للولد بعد ترا ..
بس البنت طبعا مراقبتها اكثر المفروض .
بس مثل منت شايف البنات لهم حيلهم .. في الهواتف
الي تكلم من ورا اهلها وتمسح اي شي بالتلفون بعدها
والي تحط اسم " بنت " في رقم معين واخرتها هذا واحد
وغيره

الأمهات والأباء يراجعونهم لكن متى؟ بعد فوات الأوان لما البنت تخترب او الولد ينحرف !
وتظهر مشكله اجتماعيه يضطر ألأهالي انهم يراجعون ويراقبون وهكذا

[الوردة الجريحة]

السلام عليكم ورحمة الله وبركاته

أولا شكراً لطرح الموضوع المهم
ونظراً لإنتشار الجوال بين الفتيات والفتية
الذين لازالوا في سن المدرسة الأمر الذي جعله
مألوفاً ومقبولا لدى الكثير من الآباء
وبصراحة أراه من الأخطاء الكبيرة في التربية
قبل فترة شفت عند بنت أختي اللي عمرها 11 سنة جوال
أبوها شرى لها اياه
استنكرت الأمر على أختي وقلت لها اشلون تعطون
هالبنت جوال ، والحمدلله شالته أختي منها.
حتى الأولاد بصراحة ما ينفع لهم
أختي الثانية ولدها توه بالصف الثالث وعنده جوال
المشكلة الأب يشجع عياله على الغلط
وأتصور هالأمور الأب والأم المفروض يكونون متفقين علينا
مسبقاً . ومو هذا السن اللي يعطون عيالهم فيه جوال.



لوكنت أماً هل تراجعين هاتف أبنائك وبناتك خصوصا؟؟؟

أكيد سأراجع هواتفهم ولكن بطريقة لا تجعلهم يظنون
إني أراقبهم ، كأن أرغب في إرسال مسجات لهاتفي وهكذا


لو كنت بنتاً هل تقبلين بهذه المراجعة؟؟؟

أمي تراجع التلفون حلالها وعلى راحتها
وبصراحة أنا ما راح أسمح يكون لعيالي جوالات
إلا لما يدخلون الجامعة
قبلها لا
وبناتي يكون لهم جوال واحد فقط
يستخدمونه للضرورة وما يستخدمونه قبل سن الجامعة

ممكن أنا متشددة بالأمر
بس بصراحة الدنيا تخوف وماعاد فيها أمان.

[hod hod]

السلام عليكم
الي واثق بتربيته مو محتاج يفتش ولا يتفتش :)
واكبر غلط الشك بالبنت ولا الولد والله لو واحد من اهلي يشك فيني ماعاد اكلمه لين مااموت :)
واذا على الجوال ياخي المكالمات من سنة جدي بتحرمها من الجوال بتحرمها من التليفون في الف طريقه للفساد
في بنت معي ابوها راس حجر مو مطلع لها جوال صاحبتها جابت لها جهاز مع شريحه سوا ولانها جابته بالغلط فسلكت طريق غلط
وانا مع اختي الورده الجريحه ان الجوال ينجاب بعد الثنوي مو شك ولا عدم ثقه بس علشان الاشاعات المضره على المخ مو زينه للي تحت 18 فقط لاغير وانا ضد بطاقات السوا الي بدون اسم
جوال فاتوره وكفى من المؤمنين شر القتال
وبالنسبة لاسئلتك فلله الحمد اني متربيه ببيئه مو عايشه على التجسس والتفتيش
اخذ جوال اخوي ياخذ جوالي اشوف بلوتوثاته وكذا من باب التسليه
ومااقبل احد ياخذ جوالي علشان تفتيشه بيشوفه علشان ياخذ رسايل بلوتوثات .. الخ ماعندي مانع

وانتم يابنااات اعترفواااا وش فيه في جوااالاتكم

رسايل وارقام ومقاطع :)

[اٍحساس حقيقي]

اذا انا ربيت عيالي على سنع وواثق منهم انهم ما بيسوون شي غلط .. ليش اتحول الى جيمس بوند واتجسس على حاجاتهم الخاصة !! والا يوم يدرون بالسالفة ما بيثقون في !

انا مع فكرة ان الولد والبنت يكون وياهم موبايل عقب الثانوية ..

شكرا

[حلزونه]

السلام عليكم ^^
كيف الحال والتحوال ..^^..


ليش محدد البنت بالذات وكأن الجوال بيدها غلط :28:

هل تعرف الامهات ما يوجد في جوالات بناتهن؟؟؟؟ ؟؟؟؟؟
مو شرط عن نفسي ماذكر امي خذت جوالي اصلا :09:

لوكنت أماً هل تراجعين هاتف أبنائك وبناتك خصوصا؟؟؟
اتفق مع جواب الورده الجريحه :D

لو كنت بنتاً هل تقبلين بهذه المراجعة؟؟؟
هي المراجعه بتكون من باب الحرص فعادي
لكن اذا زادت عن حدها ماحب التشكيك فيني وبتصرفاتي :28:

وانتم يابنااات اعترفواااا وش فيه في جوااالاتكم
جوال بعد شنو فيه يعني :wow:
زيكم يالاولاد مافيه شي غريب هعهعهع :09:

الجوال شي عادي سواء في يد البنت او الولد مافي اختلاف بينهم :D
اللي تختلف طريقة استعمالنا له
يعني بعضهم يستخدمه في علاقات محرمه وخرابيط
لكن هذولي مو شرط بنات بس <.<"

عموما اشوف انه مايصلح ياخذ الجوال اي ولد او بنت ماتخرجوا من الثانويه
لانهم ماهم في حاجته قبل الجامعه حتى لو كان الولد يخرج من البيت

بالتوفيق ان شاء الله :أفكر:

جااناا ^^

[shjoonal3in]

انا ولله الحمد ماعندي خوااات

خخخخ قوييية !
أنا ما خذت الجوال إلا بعد الجامعة وعلاقتي فيه تشبه علاقتي بالمنبه ماذكره الا اذا جيت أبي أنام وأبي أضبطه :D
...
لوكنت أماً هل تراجعين هاتف أبنائك وبناتك خصوصا؟
ممكن أطالعه لكن مو تفتيش ... إذا لاحظت شي راح ألمح مباشرة إذا قدرت .. ماله داعي اللف والدوران ... بشكل عام أنا أحبذ إن المراقبة تكون ذاتية أهم وبعدها ممكن و قد تكون المراقبة الخارجية مناسبة في بعض الظروف ...

لو كنت بنتاً هل تقبلين بهذه المراجعة؟
غالباً محد يحب هالإحساس إن فيه شخص يشكك في تصرفاته .. لذلك أرفض هالتصرف إذا جاء بهالطريقة ... و بالإضافة لهالسبب انا من النوع اللي ما أحب أغراضي تنمسك أبداً ... إن شاء الله مصحف ويخصني ما ينمسك إلا باستئذان و يمكن ما أوافق بعد !

لو كنت أخا هل تراجع هاتف أختك ام لا؟
لو تلفون أخوي ولا حتى إختي او أي شخص... نادراً أسويها لأن التلفون يعتبر من ضمن أسرار الشخص ... يعني حتى لو رفض أشوفه ما يعني إنه يخبي شي !
و أصلاً أنحرج أطلب هالطلب! ... مثل ما يحرجني إن أحد يطلب يشوف جوالي !
أو يفتح شنطتي أو أو ..... اعتبرها خصوصيات وكل شخص له حق يحتفظ بها
...
مرات أقولها للمزح عندك مسجات ومقاطع حلوة ؟
...
..
و بعدين وحدة تكلم بالتلفون وأهلها يصيدونها قديمة ..
ألحين صاروا مايكات وكامات و بالتوك وحركات ... أوفر وأحسن بكثير إذا فيه مقارنة !
يعطيكم العافية

[أنــفــاسـ]

انا ولله الحمد ماعندي خوااات
والحمدلله ان عندي خوات .. مدري كيف الحياه بدون خوات :( ..
الله يوفقهمن ويسعدهن

:33:هل تعرف الامهات ما يوجد في جوالات بناتهن؟؟؟؟ ؟؟؟؟؟
مو ضروري لازم يوجد شي ... مثل مقاطع او رسايل من شباب
يعني ترا ياما بنات تلقى جوالها فاضي
بس نصه ارقام شباب ... وتلقاها مسميتهم بأسماء بنات .!
بس الاهم من هذا التريبه ... يعني تربية البنت ودينها يلعب دور هنا
بس هذا ما يمنع ان الاب او الام تفتش في جوال بنتها بس بذكاء .. بحيث ما تحسس بنتها انها تشك فيها
لان محد يرضى انه يشك فيه


:33:الأن وبعد أن كان الهاتف يرن في البيت والجميع يشعر بأنه معني بالامر ،
أصبحت اصغر الفتيات في ا لأسرة تمتلك جوالا تعطي رقمه لمن تشاء
وتتصل به أيضا بحرية مطلقة !!!


تدري يالطيب انه على ان الجوالات موب منشره
ترا كان ياكثر المغازه على الهاتف الثابت .... وتلقى البنت تكلم شاب قدام اهلها او زوجها
على انه صديقتها ..!
يعني اللي بيسوي شيء غلط فيه طرق مليانه عشان يسويها
ومافي شيء يردعك غير الدين او التربيه
او ان البنت او الولد ... يحط فيه باله ... ان الفاعل مفعول
يعني انتي ترضين ان بنتك تسويها ..!
انت ترضى ان اختك تسوي نفس اللي تسويه .. !
هنا الكلام ... يعني الفاعل مفعول
ولا تحسب انتي تغازلين او انت تغازل ... وخواتك او بناتك او اخوانك ... ما راح يسون هالشي ..!

:33:لوكنت أماً هل تراجعين هاتف أبنائك وبناتك خصوصا؟؟؟
طبعا راح اتلكم بصفتي اب او اخ .. مو ام P:
زي ما قلت قبل ... تقدر تفتشه بس بأسلوب
يعني مثلا تبي تدق منه
بس فرض لقيت ان عندها رقم شاب .. او رساله من شاب
او شيء من هذا القبيل ..... وش راح تسوي ..!
طبعا من الغباء انك تفقد اعصابك ... حاول تفكر قبل وش بتسوي
وحاول انك تفهمها مو تفهمها بالطق .!
لانها لو بتسوي هالشيء من وراك فيه عشرين مليون طريقه تقدر تسويها
يعني الاهم انها تقتنع ان هذا الشيء غلط وما تسويه ثاني
لانك اليوم شفت رقم شاب في جوالها او رساله
بكره ما راح تشوف رقم او رساله .... لانها مسحتهم .. طبعا عشان ما تصيدها..!

لو كنت بنتاً هل تقبلين بهذه المراجعة؟؟؟
السؤال موجه للبنات بس راح اجاوب
انا ما اسمح ان احد يفتش جوال ... وتصدق عاد ان مافي جوالي ولا مقطع
وكمان ماني حق غزل :D
يعني جوالي فاضي .. بس ما اسمح احد يفتش فيه ويشكك فيني ... ابدا

بس تدري وش اللي يقهر ... ان واحد تلقاه حق بنات .. ونص جواله مخزن فيه ارقام بنات .... انوع المقاطع اللي بالي بالك
تلقاه يفتش في جوالي اخته ..!

لوكنت اباً هل تراجع هاتف إبنتك ام لا؟؟؟
زي ما قلت قبل اراجعه بأسلوب لاني خايف عليها

ولو كنت أخا هل تراجع هاتف أختك ام لا؟؟؟
اكرر زي ما قلت قبل بأسلوب ...
كل اخ يعرف خواته ... والمفروض نعطيهم الثقه وما نشكك فيهم



ألحين صاروا مايكات وكامات و بالتوك وحركات ... أوفر وأحسن بكثير إذا فيه مقارنة !

وربي صادقه ... اللي يدور الخراب فيه مليون طريقه له



بالتوفيق

تحيااااااااااااتي

[Bullet witch]

.
.

هل تعرف الامهات ما يوجد في جوالات بناتهن؟؟؟؟ ؟؟؟؟؟
على حسب الأم والثقة اللي بينها وبين بنتها..:أفكر:
أنا أمي ولله الحمد تثق فيني وبخواتي وأنا مقدرة هالثقة وهذا أهم شيء :biggthump
لوكنت أماً هل تراجعين هاتف أبنائك وبناتك خصوصا؟؟؟
عن نفسي نعم بس بدون ما يحسون بس من باب الطمأنينة مو شك مو هم لازم يكون لهم
مساحة من الحرية نحسسهم أنهم قد المسؤولية :o

لو كنت بنتاً هل تقبلين بهذه المراجعة؟؟؟
نعم بس مو كل شوي :28:
أنا ما أحب أحد يشك بأخلاقي أو بتربيتي لكن إذا كان من باب الحرص أنا أشوفه شيء طبيعي:33: ..

وانتم يابنااات اعترفواااا وش فيه في جوااالاتكم
أنا جوالي فيه صور مسلسلات كورية وأغاني كورية
وصور أنمي :09:
الخوووف منكم أنتم يالعيال ما يندرى وش تجيبون من الشوارع:jap002:

[محمدS.M]

السلام عليكم
عشت حوالي ربع قرن بدون جوال و الله يرحم جدي ما اشتراه الا في اخر ايام حياته :blackeye:

الفكره ما حاجت طفل بعمر 12 او 11 للجوال !؟ وما حد يقول موضه ودارجه او اصبح الامر طبيعي
فالتفسير للوضع الطبيعي هي الامور المرتبطه باساسيات الحياة ولا اجد اي حاجه للجوال بيد هاؤلاء الاطفال
اما الاصدقاء الذين تحدثوا عن الثقة وحسن التربية لا اخفيكم بانها ضرورة حتمية بالعلاقة بين الاهل و اولادهم
لكنها لا تكفي امام مغريات الحياة و الوضع الاخلاق المتدني بالشارع العربي بشكل عام
فمهما كان الثقة قوية لكنها لن تصمد امام هذه الاحمال و القوى الضاغطه عليها ,
يمكن الاعتماد على الثقة حين تصقل شخصية اولادكم بطريقة لا يمكن خدشها وهي تاتي عادتاً في عمر متقدم نسبياً :)

فكرة مراقبة الاولاد يجب ان تكون, ويجب ان يتاكد الاولاد بانها موجوده ولكنها بعدة طرق فلا باس بمراجعة خصوصياتهم
و في بعض الاحيان يمكن ان تكون بالصورة المباشرة فخلق فكرة المراقبة و العقاب تعطي نتائج جيده في تربية الاولاد ,,,

[azad1953]

السلام عليكم
فقط اقول لو استعملت الجوال بصورة صحيحة شىء جيد يجب ان نعرف بان جوال ضرورى جدا اليوم لانك ممكن ان تعرف غياب العائلة فى البيت و السلام

[الوردة الجريحة]

السلام عليكم
عشت حوالي ربع قرن بدون جوال و الله يرحم جدي ما اشتراه الا في اخر ايام حياته :blackeye:

الفكره ما حاجت طفل بعمر 12 او 11 للجوال !؟ وما حد يقول موضه ودارجه او اصبح الامر طبيعي
فالتفسير للوضع الطبيعي هي الامور المرتبطه باساسيات الحياة ولا اجد اي حاجه للجوال بيد هاؤلاء الاطفال
اما الاصدقاء الذين تحدثوا عن الثقة وحسن التربية لا اخفيكم بانها ضرورة حتمية بالعلاقة بين الاهل و اولادهم
لكنها لا تكفي امام مغريات الحياة و الوضع الاخلاق المتدني بالشارع العربي بشكل عام
فمهما كان الثقة قوية لكنها لن تصمد امام هذه الاحمال و القوى الضاغطه عليها ,
يمكن الاعتماد على الثقة حين تصقل شخصية اولادكم بطريقة لا يمكن خدشها وهي تاتي عادتاً في عمر متقدم نسبياً :)

فكرة مراقبة الاولاد يجب ان تكون, ويجب ان يتاكد الاولاد بانها موجوده ولكنها بعدة طرق فلا باس بمراجعة خصوصياتهم
و في بعض الاحيان يمكن ان تكون بالصورة المباشرة فخلق فكرة المراقبة و العقاب تعطي نتائج جيده في تربية الاولاد ,,,


أخوي لا تستغرب
كثير من الأطفال عندهم جوالات
مو 11 أو 12 سنة فقط
أصغر
ولد أختي عمره 9 سنوات وعنده
أحس إن هذا يقضي على طفولة الأطفال وبرائتهم
هذا هو عصر التكنولوجيا والله المستعان