مشاهدة النسخة كاملة : المغامرة و الحركة HEAVENLY SWORD والمزايا الكثيره التي قد لا تعرفها
rare games
28-07-2008, 01:35 PM
السلام عليكم ورحمه الله وبركاته
اولا لعبه هافنلي سورد لعبه رائعه جدا وفي كثير قالوه عنها انها فلوب بس عشان انها قصيره مع الجوانب الاخرى متعووووب عليها وممتازه في البدايه راح اتكلم عن عمر اللعبه الي يعتبر اكبر سلبيه عند الكثيرين وراح يكون كلامي دفاع عنها وتوضيح مزاياها اكثر من انطباع او مراجعه ادري ان اللعبه قديمه شوي لكن ظلمت بشكل قوي لذا قررت كتابه هالموضوع وكنت ابي اكتبها في الموضوع الرسمي للتقاييم لكن حسيت ان هافنلي سورد تستاهل
عمر اللعبه
اللعبه تاخذ منك 6 ساعات طيب قصيره مو مشكله فيه مزايا تعوض
الاولى
هافنلي سورد طريقه لعبها ممتعه جدا والقتال خرافي (وانا ما ابالغ فعلا) هافنلي سورد نفسه سيف ممتع وفيه حركات حلوه كثير الخيوط الي تدور بسرعه مكونه رياح وتطير الاعداء وكذلك اسلوب القوه البرتقالي الي يحطم الدروع واهم شي الحركات التفاعليه (كنها حركات مصاعه) الي تسويها ناريكو على الاعداء ويوجد الكثير منها
طيب انت حاليا وانت تقرا تقول شنو دخل طريقه القتال في عمر اللعبه
انا اقولك طريقه القتال تصير ايجابيه بطريقتين
1-تساعدك على اعاده اللعبه على الاقل مره وحده
2- اللعبه في ميزه انك تختار المرحله وقت ما تبي حتى قبل لا تختم اللعبه وممكن تعيد اي مرحله تبيها من اللعبه وتستمع بطريقه القتال الي اشوفها انا افضل من نينجا غايدن2 وديفل ماي كراي4
الثانيه
الاكسترا الموجوده باللعبه
1-تستطيع مشاهده كل المشاهد الي مرت عليك باللعبه في اي وقت
2-فيه 129 دائره ذهبيه مطلوبه عليك انا انهيت اللعبه وعدت كذا مرحله وللحين موصل 73 دائره فقط
فوائد الدوائر
1- تطلعلك ارت وورك رهيب
2- تطلعلك making of حوالي 6 مقاطع تقريبا
3- تطلعك الانمي
الثالثه
في انمي موجود باللعبه قصتها تدور قبل احداث القصه ويقولك اشياء عن قصه السيف واشلون ظهر وشنو قوته
مقطعين موجودين باللعبه تطلعهم بالدوائر الذهبيه وثلاث مقاطع بالستور الامريكي(طلعهم تدخل اول على view all by tititle بعدين تدش على h بعدين على هافنلي سورد وتلقاه المقاطع كلهم)
هذا تقريبا كل الي فيه بالي عن عمر اللعبه نقاط سريعه اخرى
الجرافكس
حلو وممتاز والالوان حلوه وتقدر تقول اول لعبه nexgen على البلاي3 (اذا ماني غلطان) وتفاصيل الوجوه قويه على الاقل في الشخصيات الرئيسيه والبيئات جميله من مناطق الثلج والمباني التراثيه الشرق اسيويه الرائعه
القصه
رائعه وتحكي عن حرب قائمه للاستيلاء على قوه السيف والشخصيات ممتازه وقوى غامضه تحرك الصراعات
الاصوات
الحان شرقيه رائعه وعربيه و دقه ياليل وكل موسيقى اللعبه بصوب و اللحن الي في اول مرحله بصوب هذا لحاله فن وابداع وعود ورعه وانا حاليا مدمن على هالنغمه
الغيم بلاي
متنوع ورعه والقتال ممتاز وفيه تنويع مرات ترمي بالمدافع ومرات تقتل الاعداء بالسهام ومرات يطلبون منك ان تحمي شخص من الاعداء وهكذا
التقييم النهائي
9.3
بالنسبه لي تصميم شخصيه ناريكوو الكاريزما القويه الي فيها ونغمه اول مرحله يكفي
عندي صراحه:biggthump
الصور
http://news.filefront.com/wp-content/uploads/2007/06/9608-noscale-heswp30701.jpg
http://www.become.com/pocketchange/v-2204-HeavenlySword4large.jpg
http://www.armchairempire.com/images/Reviews/ps3/heavenly-sword/heavenly-sword-2.jpg
اللعبه حبيتها اكثر من god of war
rare games
28-07-2008, 02:27 PM
^^^^^^^^^^^
طالعت الانمي ؟؟؟
fall out boy
28-07-2008, 02:48 PM
اللعبه فعلا حلوه خاصة الجرافيكس انا ختمتها في 4 ايام طبعا كنت اقدر انهيها مثل ماقلت ب 6 ساعات
بس الي خرب عليها عمر اللعبه قصير بس القصه حلوه و اسلوب اللعب مثل god of war
^^^^^^^^^^^
طالعت الانمي ؟؟؟
ماكملته .. اكره الرسم الي طالع كأنه كومكس -__-"
PRO~GaMeR
28-07-2008, 03:46 PM
اولا ...... مشكور على الموضوع الجميل ومنذ فتره لم اقرأ مراجعات لذيذة مثل هذه ^^
اللعبة فعلا اتظلمت بمعنى الكلمة سواء من مواقع التقييم او من بعض اللاعبين
يعنى مثلا بجانب ماذكرته بموضوعك
الاداء التمثيلى بها كان عالى جدا
بس انا مستغرب ... كيف شركة Sony لم تضم هذا الاستوديو الى ستوديوهاتها ؟؟
يعنى افتكر ان Sony دفعت مش فاكر (كم مليون دولار) لتضم ستوديو evolution صاحب Motor Storm
وبعدها كان فيه اشاعات ان Ninja Theory بتبدى بتطوير لعبة جديدة ولكن مالتى
فهل شركة Sony ايضا كانت شايفة اللعبة (فلوب) والفريق مش قوى
انا النقطة هذه الصراحة متداخلة عندى ومش فاهمها
rare games
28-07-2008, 04:48 PM
هلا اخوي
PRO~GaMeR (http://www.montada.com/member.php?u=271779)
هافنلي سورد جابت مليون وشوي تقريبا يعني مبيعاتها طيبه وبصراحه مادري اذا كانت سوني تبي تفرط فيها لكن فعلا لو كان نينجا ثروي عنده لعبه ملتي (واعتقد ان اسم هافنلي سورد مملوك لسوني) هل معناته ان ماراح نشوف جزء اخر لها راح اكون محبط جدا
وعندي استفسار عن عقد سوني مع نينجا ثروي شنو تفاصليه
Al-RaQmi
28-07-2008, 04:57 PM
صراحه متحسف على الفلوس الي دفعتها فيه T_T
ماعجبني جدا .. اسلوبة فيه تكرار كل حلقة نفس الي قبلها ..
الميزة الحلوة فيه الرسوم + التحكم في قذائق القنابل
وصلت الجولة الاخيرة ووقفت .. اتمنا اذا نزل اصدار جديد لها يكون اكثر حماس
اعطيها 7/10
شكرا على الموضوع ^^
devil x
28-07-2008, 05:00 PM
القصه
رائعه وتحكي عن حرب قائمه للاستيلاء على قوه السيف والشخصيات ممتازه وقوى غامضه تحرك الصراعات
الاصوات
الحان شرقيه رائعه وعربيه و دقه ياليل وكل موسيقى اللعبه بصوب و اللحن الي في اول مرحله بصوب هذا لحاله فن وابداع وعود ورعه وانا حاليا مدمن على هالنغمه
^^^^^^^
فعلا اللعبه قمه في الابداع ..قصه وموسيقى وكل شي احسن من العله dog of war الي فيها بلاوي الدهر كلها ..
بصراحه اسلوب اللعبه وقصتها شي مب طبيعي والي زاد روعتها الموسيقى تدخلني جو وانا مدمن على اغنيه البدايه :D عجيبه ..
و في النهايه هذي اللعبه يمكن تخليني اشتري الجهاز بكبره وفوقها العاب ثانيه ..
rare games
28-07-2008, 05:12 PM
صراحه متحسف على الفلوس الي دفعتها فيه T_T
ماعجبني جدا .. اسلوبة فيه تكرار كل حلقة نفس الي قبلها ..
الميزة الحلوة فيه الرسوم + التحكم في قذائق القنابل
وصلت الجولة الاخيرة ووقفت .. اتمنا اذا نزل اصدار جديد لها يكون اكثر حماس
اعطيها 7/10
شكرا على الموضوع ^^
هافنلي سورد مافيها تنويع:wow:
اخوي الراكمي اول كيف حالك وعساك بخير
لما تبي تقارن هافنلي سورد قارنها بالعاب نفس نوعها مثل نينجا غايدن وديفل هي الاكثر بينهم في التنويع
اول شي كاي
1-اسهم تقتل الاعداء مباشره- محاوله انقاذ ابوها بين الجسر - الهرب في التل فريك:D
2-حصارها وقتل الجنود المكشوفي الراس -الهرب والاختباء
ثاني شي ناريكو
مثل ما تفضلت المدافع والقتال لو مكرر القتال قمه روعه وممكن فتح بعض الابواب باستخدام الدروع
وفي النهايه كل واحد ورأيه :D
ولو تلاحظ لا نينجا غايدن ولا ديفل ماي كراي فيهم نص عالتنويع الموجود في هافنلي سورد
The Shadow
28-07-2008, 05:40 PM
ماعندي تعليق لاني مالعبت اللعبة + سمعت انتقاد حاد من ناحية الفريم ريت ، يقول لك انه مضروب عالاخر والله اعلم ... ويا شباب ، كثروا من هالمواضيع .. من جد ، كثروا منها .
rare games
28-07-2008, 07:03 PM
اخوي
PRO~GaMeR (http://www.montada.com/member.php?u=271779)
بالنسبه للتمثيل الصوتي وياك حق مثلا لو تشوف الي يمثل صوت bohan يشبه حيل وهذي صورته
http://i.testfreaks.com/images/products/600x400/248/heavenly-sword.405752.jpg
وهذا bohan
http://o.aolcdn.com/gd-media/games/heavenly-sword/playstation-3/48.jpg
حتى لو تلاحط اجهزه الاستشعار موجوده على الوجه ايضا انا شفت ميكنق اوف انترشالد ولقيت الاجهزه مو موجوده على الوجه نفس الي سووه هافنلي سورد
+محد يعرف اتفاق سوني ويا نينجا ثروي واحتماليه صدور جزء ثاني
RESIDENT EVL
28-07-2008, 07:25 PM
مشكوووووور على الموضوع الرئع :biggthump
جربت اللعبه قبل شهر وبنسبه لي افضل
من الألعاب الي ذكرته ابداع بس لو تلاحض
في التصور فيه تقطيع في الصور نفس الخطوط
تطلع اثناء اللعب وصرحه انقثيت كل دقيقه تطلع
وما قصرت ;)
شاي الوزه
28-07-2008, 09:44 PM
فعلا اللعبه قمه في الابداع ..قصه وموسيقى وكل شي احسن من العله dog of war الي فيها بلاوي الدهر كلها .
لول اخوي انت اكيد ما لعبت اللعبه بس قريت عنها واضح مره .
وياك انا موسيقى هيفنلي سورد و قصتها حلوه بس ما تقرب من god of war الاول علشان تفكر تقرب من god of war 2 .
لعبه هيفنلي سورد لعبه ممتعه صراحه بس ودك تاجره اللعبه علشان تنهيها و ترجعها لاني بصراحه لما نهيتها ما في شئ حمسني اني العبها مره ثانيه .
ما ابقى اقلب الموضوع مقارانات.
سمعت انتقاد حاد من ناحية الفريم ريت ، يقول لك انه مضروب عالاخر والله اعلم
للاسف صحيح ....
وانصحك تلعبها ترى اللعبه والله تستاهل انك تلعبها .
و اتمنى صدور الجزء الثاني او نزول تيزر او اي شئ عنها .
rare games
28-07-2008, 09:49 PM
^^^^^^^
الفريم ريت شنو هل هو المشاكل في انتقال المناطق واللودنق الطويل ؟؟
اذا هو ترا سوي ابديت عدلوه فيه هالمشاكل في اللودنق
بالنسبه للمقارنتها بgow انا ما اقدر احكم لان ما جربت ولا جزء ولا راح اجرب الاجزاء القادمه لاني عندي تحفط عليها
لكني اشوفها افضل من نينجا غايدن2 وديفل ماي كراي4
Pika-Chu
28-07-2008, 10:08 PM
صراحه متحسف على الفلوس الي دفعتها فيه T_T
ماعجبني جدا .. اسلوبة فيه تكرار كل حلقة نفس الي قبلها ..
الميزة الحلوة فيه الرسوم + التحكم في قذائق القنابل
وصلت الجولة الاخيرة ووقفت .. اتمنا اذا نزل اصدار جديد لها يكون اكثر حماس
اعطيها 7/10
شكرا على الموضوع ^^
لووول ، الرقمي انطباعي تقريبا نفسك xD
بس انا عاد ما تحسفت على الفلوس ،بالرغم من انها مملة وفيها تكرار بس تضل من احسن الالعاب الحصرية على الـps3
اللي تحسفت عليها صدق فلوكلور الخايسه >.>
بالنسبة لي جميع عناصر اللعبه حلوة إلا عنصر واحد وهو اهم عنصر .. الجيم بلاي ~_~
مثلا الجرافيكس مبهر ، والأداء الصوتي والالحان روعة ، والقصه حلوة بعد بس الجيم بلاي موومل فيه تكرار قاتل مثل ما قال الرقمي ^^
rare games
28-07-2008, 10:15 PM
^^^^^^^^^
ردي هو نفسه الي رديته على الرقمي بالصفحه السابقه جيك عليه
ويا شباب اللعبه مغامرات قتاليه يعني طبيعي بتكون اكثر من 80% قتال لان اساسا هذا نوعها مع ان هافنلي نوعت شوي
ومشكور على المرور اخوي
شاي الوزه
28-07-2008, 11:47 PM
^^^^^^^
الفريم ريت شنو هل هو المشاكل في انتقال المناطق واللودنق الطويل ؟؟
اذا هو ترا سوي ابديت عدلوه فيه هالمشاكل في اللودنق
بالنسبه للمقارنتها بgow انا ما اقدر احكم لان ما جربت ولا جزء ولا راح اجرب الاجزاء القادمه لاني عندي تحفط عليها
لكني اشوفها افضل من نينجا غايدن2 وديفل ماي كراي4
ما دري والله سويت الابديت و احس نفس الشئ خصوصا لما تبدل نوع الاستايل L1 او R1 تحس في فريم ريت بس مو ملحوظ .
و بخصوص god of war اخوي انا احترمك لان ما قارنت بين لعبه ما جربتها و لعبه جربتها و عجبتك .
اللي بيحكم على شئ لازم يجرب الاثنين . ما يسمع بس كلام الناس .
ننجا جايدن سيجما جربت الديمو حقها ما عجبتني وايد حتى ديفل ماي كراي . مهي حلوه وايد .
DARK PAST
29-07-2008, 01:16 AM
اللعبة اكثر من رائعة لكن للأسف لم أجرب غير الديمو ><"
ShinGundam
29-07-2008, 01:28 AM
ما شاء الله موضوع وايد حلو و هذي اللعبة عجيبة أتمنى تنزلها جزء ثاني
ثانيا بسكم مقارنات أوف >_> ! الى الأمام Rare games ^_^
شاي الوزه
29-07-2008, 06:00 AM
ثانيا بسكم مقارنات أوف >_> ! الى الأمام Rare games ^_^
اخوك فكره المنتدى هي طرح الاراء و تبادل الافكار . و احنا مقارنتنا ما كان فيها اي تعصب .
إذا شايف في المقارنه حاجه غلط صححني اخوي
asdwe
29-07-2008, 04:51 PM
شباب تراكم حمستوني حق Sound track حق اللعبة ممكن تعطوني رابط حق اللحن اللي تتكلمون عليه
أنا ما عندي بلاي 3 عشان ألعبها ، بس تراها من نوع الالعاب اللي يختلف عليها إثنين يعني مش كل من لعبها يحبها
يعني مش نفس GOW من بين مية تلاقي مية عجبتهم اللعبة طبعا بعد ما إستبعاد الذين لم يلعبونها ، ترى أنا أقصد أسلوب لعب GOW مش القصة و المشاهد اللي في اللعبة
و شكرا لك على هذا الموضوع و السرد المميزين
rare games
29-07-2008, 10:28 PM
هلا اخوي شكرا على مرورك
لقيتلك هالمقطع من يوتبي اللحن يبدا في 1:40 تقريبا
http://www.youtube.com/watch?v=nKQ3oOfQX4A
حاولت القى اصغر واوضح ما لقيت اسمعها ترا عجيبه وانصح الكل يسمعها
من زمان ما شفت موضوع حلو زي موضوعك . . موضوع رائع و ممتع و مفيد . . اللعبة قد شفت لها عروض لكن ما حبيتها زيادة لا بعد موضوعك . . شكرا جدا رير جيمز . .
با النسبة للعبة . . موسيقة البداية دايم اسمع مدح حولها :33: . . اسوبها غريب من العروض كأنها ديفل ماي كراي . . با النسبة لقصر اللعبة بالنسبة لي عادي جدا ! . . إذا كانت قصيرة و حلوه احسن من تكون طويلة و قوية و مملة بسب التكرار . .
~ شكرا ^_+ ~
Black.Pearl
30-07-2008, 08:29 PM
تقريبا اقدر اقول افضل لعبه لعبتها على PS3
THE ROCK IS THE BEST EVER
30-07-2008, 11:20 PM
لعبة HEAVENLY SWORD كانت اول لعبة اشتريها للبلاي 3
وصحيح ان عيب القتال للعبة HEAVENLT SWORD هو قصر اللعبة
لكن فيها مميزات كثيره مثل قصة اللعبة الرائعة
وايضا الجيم بلاي المتنوع و اساليب السيف الثلاثة
وايضا التمثيل المتقن من المثلين والتقنية الجديدة الي كانت فقط تستخدم في
الافلام
لو يسون جزء ثاني وفي جميع العناصر الي ذكرتها سابقا و يطولون عمر اللعبة
راح تكون لعبة ما فيها عيب بالنسبة لي
rare games
30-07-2008, 11:40 PM
هلا اخوي
THE ROCK IS THE BEST EVER (http://www.montada.com/member.php?u=55016)
بالنسبه للمميزات اللعبه كلها ممتازه مثل ما قلت
بس الي مو راضي افهمه احتماليه صدور الجزء ثاني اللعبه من تطوير نينجا ثروي الي طلع مو مملوك لسوني وله لعبه ملتي حسب الاشاعات يعني للحين ما نعرف مصير الاجزاء القادمه
مشكور اخوي DRO على المرور والاطراء
وموسيقى اللعبه موجوده برابط اليوتبي الي بردي الي فوق ياليت تسمعها رهيبه
Lara Croft
31-07-2008, 01:38 AM
اللعبة حلوة ، بس طبعآ أنا خذيتها يوم يبت الـ PS3 وكان في عندي ألعاب قوية مثل Metal Gear 4 فسويتلها طاف و ماكملت المرحلة الثانية ، بس بصراحة تقريرك حمسني إني أرد ألعاب و الحين بقوم أجربها مرة ثانية إن شاء الله ، بس أذكر إنه أكثر شيء ضحكني فاللعبة هو شعر الشخصية ما أدري ليش أحسه غلط مرة ، كأنه شعر ميدوسا ^_^ (ضغطوا على الصورة لمزيد من التفاصيل ^_^)
http://upload.wikimedia.org/wikipedia/commons/thumb/d/d3/Medusa_by_Carvaggio.jpg/200px-Medusa_by_Carvaggio.jpg (http://en.wikipedia.org/wiki/Medusa)
q8pro
31-07-2008, 03:09 AM
اللعبه رائعه
ويكفي انها في اول نزول لها قدر تطغي على العاب لها ثقلها مثل ديفل ماي كراي 4 ونينجا قايدن
اللعبه رائعه والى الان اشوف هي و انتشارد افضل مانزل على الجهاز حصري
meshale
31-07-2008, 05:06 AM
اللعبه حدها قويه الصراحه او من كثر ما كنت متولع باللعبه طلعت اكثر من 120 كره ذهبيه بس ما كملتهم كان باقي كرتين مادري ثلاث
او مثل ما ذكرت عيب اللعبه الوحيييد قصر عمر اللعبه وهذا العيب قتل اللعبه يعني ما يمديك اطلع او تعلم على الكومبوات الا اللعبه خلصت
هم بعد الذكاء الاصطناعي مو شي ... او الصراحه ما حبيت الاعداء
او مشكوووور على الموضووع او واصل
meshale
31-07-2008, 05:13 AM
اللعبه قويه الصراحه او من كثر ما كنت متولع باللعبه طلعت اكثر من 120 كره ذهبيه بس ما كملتهم كان باقي كرتين مادري ثلاث
او مثل ما ذكرت عيب اللعبه قصر عمرها وهذا العيب قتل اللعبه يعني ما يمديك اطلع او تعلم على الكومبوات الا اللعبه خلصت
او الصراحه ما حبيت الاعداء
او ميزات اللعبه وايد مثل ما ذكرتو
او مشكوووور على الموضووع او واصل
هذه اللعبة اول ما نزلت الديمو لها من الستور لعبت فيها وما عجبتني
لكن بعد ما حصلت على النسخة الكاملة انسجمت في اللعبة وعجبتني قصتها + اغنية يا ليل ^^
كنت اعرف ان اللعبة قصيرة عشان هذا الشي كنت اللعب فيها مرحلتين كل يوم
من الاشياء الحلوه فيها انك تتحكم بالسهم لما تطلقه وايضا قذيفة المدفع
وهذه اول لعبها اشوف فيها اكبر استيعاب للكائنات في وقت واحد واكبر دليل على ذلك
المرحلة قبل الاخيرة التي تواجه فيها جيش كامل شي حماسي بحق تقتل اللي عندك وتشوف غيرهم
جاينك من وراء التلال ولما تروح عندهم الجنود اللي خليتهم وراك بعدهم موجودين مو مختفين ...................... زحمة جنود
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .