المساعد الشخصي الرقمي

مشاهدة النسخة كاملة : الجهاز و القطع مشكلة مع PAL و NTSC كيف اغير الدولة


fares_dubai
28-07-2008, 06:27 PM
السلام عليكم ورحمه الله وبركاته

اخواني الاعزاء ..انا عندي مشكلة مع الاكس بوكس لايف وهي اني لما فتحت الاكاونت اخترت الدولة UK وطبعا نظامهم يختلف عن النظام الامريكي..والمشكلة اني لما اشتري نقاط ميكروسوفت ماتكون موجودة الا بالنظام الامريكي..وبما اني حاط في البداية دولتي بريطانيا..فما راح يقبل الكود...حاولت بشتى الطرق تغيير الدولة وماقدرت..يمكن حد يقول لي سو لك اكاونت ثاني..سويت لي اكاونت ثاني وكل شي تمام بس المشكلة ان اشتراكي في الاكاونت القديم ذهبي..مادري اذا شي طريقة انقل الاكاونت القديم للجديد وتنحل المشكلة او ان هناك طريقة لتغيير الدولة في الاكاونت القديم عندي..

بانتظار الرد في اقرب وقت واتمنى اني وصلت لكم مشكلتي..

اخوكم فارس دبي
ROCKY_2001
28-07-2008, 10:25 PM
حبيبي النقاط الموجودة في السوق شغاله على النظام الامريكي والاوروبي ومافي داعي تغير الاكاونت ولاتسمع كلام الي يقولك الامريكي ماراح يشتغل مع الاوروبي والعكس وحتى راع المحل نفسة لاني انا عندي نظام اوروبي وشريت النقاط وقالي حق النظام الامريكي بس ويوم جربت قبل النقاط وشغال 100% بس الاختلاف الوحيد هو إشتراك الايف لازم لازم يكون نوع الاشتراك مطابق لنظام الكونسول عندك. إن شاء الله أكون نورتك يا أخوي.
fares_dubai
28-07-2008, 11:35 PM
اول شي مشكور اخوي عالرد السريع...
وثانيا..والله مادري شو اقول لك..بس النظام اللي عندي اعتقد انه بال..لاني شاريه من محل كبير وعليه ضمان الشركة..وماشغل الا السيديات الاصلية..والمشكلة اني كل ما اجرب افعل النقاط بهالبطاقة يقول لي ان هناك مشكلة ويرجى المحاولة مره اخرى ..قبل يومين كنت شاري من نفس المحل بطاقة القولد..وكان يظهر لي نفس المسج بس بطريقة..ماعرف كيف صارت بالحظ..قدرت اني افعل بطاقة القولد..اما هالبطاقة فمازال يظهر لي هالمسج...سواء كنت احاول اشبكه عن طريق اللعبة او عن طريق موقع اللعبة في النت

وهذا هو الامسج اللي يظهر لي بعد ما احط الرقم واضغط اوكي

"Can't redeem your code. Please try again."

الغريب في الموضوع اني اذا دخلت الموقع فوق على اليسار تكون اللغة عندي امريكية..بس اول مادخل على منطقة ادخال الرقم السري تتغير اللغة إلى بريطانية وطبعا ماقدر اغير اللغة..ولو غيرتها يظهرني بشكل تلقائي للصفحة الرئيسية واذا رجعت لمنطقة الرقم السري يرجع من اول ويديد للبريطانية

شو تفسيرك للموضوع..؟
ROCKY_2001
29-07-2008, 10:31 AM
أخوي إدخل هالموقع www.xbox.com وحط نفس الايميل والباسورد الي معرف الجيمرتاق حقك وراح تقدر تغير معلوماتك والبروفايل وحتى تقدر إتشوف ربعك الي ضايفنهم والالعاب الي تلعب فيهم..........أنا يا أخوي نظام لعبتي بريطاني بس يوم عرفت الايميل عرفته بأمريكي بس يظل إشتراك الايف بريطاني لكن microsoft point شغال على كل الانظمة. عزيزي إذا إنته من الامارات بدليك على محل راح يفيدك بس إنته جرب الطريقة الي في الاعلى أولا أو حتى تدخل www.hotmail.com وتعدل إيميلك وإذا بغيت مساعدات ثانية طرشي على الخاص الجيمرتاق حقك.
fares_dubai
29-07-2008, 11:47 AM
مرحبابك مرة ثانية اخوي...

بالنسبة للموقع ..المشكلة اني اقدر اغير كل بياناتي الا الدولة ماتقدر تغيرها..اما في الهوتميل نفسه انا مغير اللغة بس ماشي فايدة الاهم هو تغيير للغة في موقع الاكس بكس

انا عندي ثلاث حلول بس ماعرف اذا ممكن تصير او لا..الحل الاول اني اغير الدولة هالشي اللي مب قادر اسويه..الحل الثاني اني احول القولد في هالاكاونت على الاكاونت الثاني اللي سويته وفعلته على انه امريكي..او الحل الاخير اني اضيف النقاط للاكاونت اليديد وعقب اطرشه على الاكاونت الاصلي.."اذا كان هالشي ممكن".

غير جي ماعتقد في حل..واتمنى انك تفيدني اخوي..
ROCKY_2001
29-07-2008, 02:46 PM
إتأكد أخوي من الـcountry code في البروفيل عندك إذا الكود بريطاني أكيد ماراح يتغير شي إنته شوف وجيك إذا طلع بريطاني دورك كود أمريكي وحطه أعتقد من وجهة نظري راح تنحل المشكلة وإذا مانحلت أحسن شي إنك تغير الايميل بواحد يديد وتعرفة بالاكس بوكس
fares_dubai
29-07-2008, 09:37 PM
اخوي ..كيف اغير الكنتري كود..واي مكان ادخل بالظبط...لان الكنتري عندي بريطانيا مثل ماخبرتك..بخصوص اني اسوي اكاونت يديد..انا سويت اكاونت يديد بس المشكلة انه ماراح يكون قولد لاني فعلت الاكاونت اللي عندي حاليا وسويت له تحديث عالقولد...؟؟هل هناك طريقة لنقل القولد من اكاونت لاكاونت ثاني؟
fares_dubai
30-07-2008, 12:08 AM
تسلم اخوي على تواصلك ومساعدتك لي..الحل اللي سويته هو اني قمت وفعلت البوينتس على الاكاونت اليديد..بس ظهرت لي مشاكل ثانية..اول شي ماعرفت كيف انزل الكثير من الالعاب..نصها ثيمات بس ونصها افلام ودعايات..واللي مكتوب عليه داونلود فول فيرجن لما انزله يكتب لي انه غير متوفر في المنطقة اللي انا فيها..:umm2: