تستاهلون يا أهل السعوديه

[الفتى الشرقي]

أقولها بصراحه وبكل صراحه..ان المنتخب السعودي هو المنتخب اللي يستاهل لقب(أفضل منتخب آسيوي في كل سنه).

وبصراحه انتوا من صج تستاهلون انكم تتأهلون ثلاث مرات متتاليه لكاس العالم..وإن دل على شي فإنما يدل على انكم من صج(برازيل اسيا)

انا اماراتي وبصراحه استحي يوم اقول اني اشجع المنتخب الإماراتي..بصراحه منتخبنا من أفشل المنتخبات ..يعني حتى يوم انحط في المجموعه السهله ما قدر يتأهل.

بصراحه الخراب وكل الخراب من وزير الرياضه السابق سمو الشيخ(....)
يعني هو اللي دمر زهير بخيت..وطلعه من المنتخب يوم كان في عز شبابه..وهو اللي كن يحط على الأقل8 من لاعبي نادي الوحده بس لأنه رئيس نادي الوحده...مو حرام هذا؟؟؟؟مع علمه بأنه في لعيبه في نادي الشارجه والشعب والوصل من صج يسمونهم لعيبه.
ويوم استقل ويا بداله الشيخ سعيد بن زايد آل نهيان .رأينا بعض التحسنات في وضع المنتخب(في البدايه فقط)..فرجع زهير للمنتخب ورجع ايضا بخيت سعد(اللي ما سوا لنا شي).وطبعا زهير اكيد ماراح يكون لمثل مستواه السابق..لأنه عمره الآن33سنه.

واللي زاد الطين بله المدربين اللي ما ادري من وين يجيبونهم..
أول شي الجمهور طالب بالمدرب الاماراتي(اللي ما يعرف كوعه من بوعه)عبد الله صقر..بصراحه في حياتي ما شفت مدرب اغبى من هذا المدرب.
بالله عليكم يا شباب عمركم شفتوا مدرب يلعب بتشكيله وحده مع جميع المنتخبات؟؟؟؟؟ صج انه اضحوكه


وبعده يوم استقال الغبي هذا..يابولنا مدرب سيرلنكي...قصدي هولندي(خبلا) تخيلوا يا اهل الخير يوم لعبنا مع منتخب عمان المتواضع(مع احترامي)شنو كانت التشكيله؟؟؟؟5-4-1يعني لو بنلعب مع البرازيل يمكن يخلي التشكيله..9-1ومابيخلي هجوم
والباقي آتي.....نرجو منكم التعليق على وضع المنتخب وشكرا

[الرهـــيـــب]

مشكور اخوي






لكن اصبر على منتخبكم شوي وشوف وين راح يوصل اتمنى لكم التوفيق

[فيلسوف 15]

منتخب قادم وبقوة بس يحتاج مدرب صاحي زي يوردانيسكو
بعدين منتحبكم يملك لاعبين ماشاء الله عليهم احسن من لعب بعض السلنتح اللي عندنا ومحسوبين علينا لاعبين بعدين ياخي ميزانية النوادي اللي عندكم كبيرة يعني ميزانية نادي العين او الوحدة او الوصل او اي نادي 14مليون درهم بينما عندنا لا ميزانية انديتا 5مليون ريال يعني لو ميزانيتنا زي ميزانيتكم كان تلقى ريفالدو و زيدان يلعبون في الدوري السعودي

[باباسنفور]

بالعكس ابرز شىء كسبه المنتخب الاماراتي هو اللاعب والظهير الايمن فهد مسعود فهولاعب ماهر وينتظر له مستقبل كبير فى الكره الخليجيه والعربيه والاسيويه ... وربما العالميه اذا حافظ على مستواه او حاول يطوره.....

[الفتى الشرقي]

السلام وعليكم...
ردا على كلام الأخوه الكرام اللي يقولون ان المنتخب الاماراتي راح يوصل أقولهم مته؟؟؟هذا الكلام نسمعه من عام مونديال امريكا لما اخفقوا في التأهل وقالوا ان المنتخب راح يكتمل عام 98 يوم ويا وقت المونديال واخفقنا في التأهل قالوا راح يكتمل عام2002 ويوم اخفقنا هذي المره بعد ..قالوا ان المنتحب راح يكتمل عام 2006,ما ادري هم يقصون على أعمارهم ولا يبغون يسكتون الجمهور.......

وثاني شي أصلا لعيبه الامارات دلوعيين.(من الناحيه الماديه) يعني انا اللي اعرفه واشوفه ان معاشاتهم توب ويمكن تكون احسن معاشات بالنسبه للوطن العربي..مثل ما قلت لكم اللعيبه دلوعييين..والاكراميات اللي تجيهم ما تجي لأحد..يعني الشيوخ معززينهم مكرمينهم..بس هم ما ادري شيبون أكثر؟؟؟؟؟

ثالثا..منتخبنا فيه أكثر من 5لاعبين ما يستاهلون انهم يكونون بالمنتخب واولهم هذا اللي قاص على عمره(ياسر سالم)..والله هذا الآدمي صج قاص على عمره..والله انه ما يخصه بالكوره..بس فالح يسوي تلميس لشعره..وثاني شي هو وايد بطيء يعني لو تسابق هو وسلحفاه يمكن يغلبها..يمكن..وبعد هالخال عبد الرحيم جمعه وبعد عبد الله سالم هذا صدق ماله خص بالكوره(لو يروح يلعب كريكت وايد ابركله)

ورابعا:صح ما قلنا شي ..فهد مسعود لعيب وريال..وغيره بعد سعيد الكاس وبعد العمبري..بس اللي صدق يلعبون هم ما يتعدون نص المنتخب

وفي اسم لمنتخبنا سمووه(منتخب الواسطه)يعني لو أي لاعب من نوادي أبوظبي يضمن انه يدخل المنتخب(خاصه الوحده)..اما نوادي الإمارات الاخرى مساكين ما يحلمون بالمنتخب إلآ قليل طبعا..وقلت ليش هذا التحيز لنادي الوحده لأنه رئيس نادي الوحده السابق هو الأن رئيس الاتحاد الاماراتي لكره القدم ...
أعتقد فهمتوني. :D :D :D

شكــــــــــــــــــــــرتم

[DE NILSON7]

الى الفتى الشرقي: الف شكر لك واعود واكرر المنتخب السعودي يمثل كل ابناء الخليج يعني يمثل قطر وعمان وبحرين وكويت وامارات



وانا بصراحة معاك منتخب الإمارات فاشل وضايع
ياحبيبي انا ما ادري انتم كيف مستحملين فضيحة الهند واليمن

وياسر سالم صدق السلحفاة تسبقه

ونادي العين آخذ في نفسه مقلب اهو و الوحدة وانا اقول انه افضل نادي اماراتي هو: الوصل ثم الاهلي



وفي الختام اتمنى من الكرة الإماراتية التطور وعدم تفشيلنا خارجيا

[alamid]

:D :D

[بحـــ الشوق ـــور]

مشكور يالفتى الشرقي وطول بالك وانشاء تتطور الكرة الامارتية الكرة السعودية في بدايتها كانت زيكم لكن شويه شويه اتطورت وانشاء الله يتطور مستواكم

[walhan2cu]

مشكور اخوي..


وأنا



أقول ان منتخبكم يبي له


فورمات:D :D :D