لاتفوتكم المواقف !!!!!!!!!!!!!!

[G.F.S.L]

سلام سلام سلام بقوة تحية بنات تحيةأخوة
> يعني ياتماسيح المنتدى لا تشملكم التحية <
بدي أحكيلكم عن مواقف حياتي الطويلة بس تراني مو ختيارة (يعني عجوز عشان تفهمو)

نبدأ بأول موقف :

لما كنت بالصف الثالث كنت بالعب بالمجلس تبع الرجال اللي في بيتنا بيتنا اللي في حارتنا حارتنا اللي في جده(حابه اقروشكم شويه هاهاهاهاهاهاها)كلمة اقروشكم مصطلح يقال هنا وحصرياً في جده وطبعاً مع مرور الزمن انتشر في ارجاء ربوع بلادي اي في السعوديه... اقول مو كأنه كثر هرجي نرجع لمحور حديثنا المهم لما كنت العب بالمجلس جاء عندي بابا وقال يا......(لاتحسبوني باقول اسمي) فين مامتك قلتله في المطبخ طبعا كان ذلك اليوم هو يوم الجمعة وزي ماتعرفون أكيد فيه صلاة جمعة المهم بابا وهوخارج للصلاة قال لمامتي العفريتة تحت أنتبهي لها طبعا أنا جا في بالي العفريتة اللي هي الجن (سكنهم مساكنهم لا يطلعولكم ) المهم أنا اتجمدت في مكاني الي هو فين؟؟؟؟ (اللي يحله له جائزة)اقول لا تطمعون انا بحله المكان كان بالمجلس اللي في بيتنا وانتو عارفين الشرح اللي فوق مو لازم اعيد ...ماما صارت عم بدور على بنتا الوحيده(يعني اعرفو اني المدلعه فهمتو ولا لا "صرت عربجيه فجأه) جاءت ماما ولقيتني عم ببكي سألتني شو فيكي ليش عم تبكي ياروح ماما قولتلها ماما فيه عفريته ماما خافت على بالها إني شفت ربعنا والعياذ بالله الجن استنت لما جاء بابا وقالت الحق بنتك.....(ماراح اقول اسمي يعني لا تستنو يزل لساني عفواً يدي:wink2:)
المهم قال اشبك ياروح بابا(إلا اثبتلكم إني دلوعة الماما والبابا) قلت انت اللي تقول ان تحت فيه عفريته بابا وماما ضحكو ضحكو ضحكو .......إلخ طلعت العفريتة هي رافعة للسيارة
الموقف الثاني :
كنا وحنا صغار أنا وعيال خالتي لما نروح على بيت جدنا لازم نروح ونجلس على دكة البيت ( هي بالله كيف أشرحلكم معناها بس نقول هي كم درجة يعني مدخل بيت وفيها نص بلكونة...اقول فهمتو ولا عنكم لافهمتو اهم شي انا فاهمه هاهاهاهاها:silly:) كنا كل مانشوف سياره ماره نقول لهم عين الحسود فيها عود(ماادري ليه كنا نقولها:biggthump) المهم وقفت سياره فيها شباب وطفشناهم بذي العين وذا الحسود المهم الشباب ماعجبهم الوضع ونزلو من السياره ونحنا عيونكم ماتشوف إلا النور جري على البيت من الخوف...:cray:...
الموقف الثالث:
مره امي ارسلتني انا وبنت خالتي...(ماراح اقول اسمها:09:)..... نجيب خيار بيتنا قريب من بيت جدتي يعني فشخة رجل في نفس الحاره الدنيا كانت لليل والحاره بتخوف اللي مايخاف رحنا وجبنا الخيار ونزلنا ورجعين لبيت جدتي خايفين كل ماشفنا سياره نقول بيخطفونا(متأثرين بقصص الخطف:ee2:)
المهم وقفت سياره والمشكله الرجال ماطالع فينا وانا وبنت خالتي رمينا الخيار وهربنا:vroam: نحسب الرجال بيخطفنا رحنا جنب البيت حق جدتي بس مادخلنا رجعنا نطول شفنا الرجال مشي مسكين اكيد خاف مننا ورجعنا اخذنا الخيار اللي ماله ذنب في السالفه...
الموقف الرابع:
حصل لما بديت اتغطى اشتريت عبايه جديده (كنت متعوده البس بالطو) اشتريت غطوه اسمها الرميه(الرميه:لا تحسبوها الرميه الملتهبه ...هي نوع من القماش لها اتجاهين واحد خفيف والثاني شويه ثقيل مربعة الشكل تضعها المرأه على راسها كي لا احد من التماسيح ينظر إليها ) رحنا لسوق الكورنيش بجده نشتري لماما ساعه جديده المهم ندخل من محل لمحل تعرفو محلات الكورنيش صغيره
كل مادخل رجال انا الصق ببابا وبابا يبعد مني ويقول استغفر الله وماما تسأل بابا الساعه ذي احلى ولا ذي وبابا غرقان لشوشته من العرق والخوف ويقول لماما اي حاجه كلها حلوه وماما استغربت من بابا بس عدتها طبعاً انتو مو عارفين شو السبب؟؟؟؟؟؟؟؟ السبب ياحلوين بابا الغالي ماعرف بنتو الوحيده:wow: مصيبه والله مصيبه هذا وانا بنتو الوحيده والدلوعه كمان اجل لو عندي اخوات كثير..
الموقف الخامس:
مره كنا نتعشى واحنا وناس يمونو علينا ونمون عليهم وعندنا خالتي وبنتها واحنا نتعشى قمنا نتكلم عن المطاعم وايش احلى الاكلات قمت انا امدح في شيش اكسبرس وامدح سنويشات شيش طاووق والكباب جيت ابغى اقول سندوتش شيش كباب قمت جبت العيد وقلت سنوتش شباب والحمدلله ماحد انتبه بس بنت خالتي النذله سمعت الكلمه وتقول شباب هاااااااه !!!! عاد قامو يضكو عليه بس يابنات تخيلو معايه سنويشات وفيها عيال حارتكم وعععععععععععععع...إلخ من الوعات(عفواًً تماسيحنا الكرام لانقصدكم نقصد تماسيح امريكيه أو تركيه أو يابانيه عاد انا في بالي تمساح ياباني اسمه ماتسومو تو جون(ترى هذا اسم لاحد يحسبني اغلط على احد:D).....
الموقف السادس:
رحنا السوق وماما كانت حامل في الشهر الثامن ورحنا عشان نتقضى لنونو الجديد:)وانا برضو لابسه الرميه وعباية على الراس وانا حاطه الرمي على الجهه الخفيفه والدنيا ليل وانا لابسه نظارات وما اشوف:boggled: واخويه طفشني كل شويه يقول وجهك باين طفشني من كثر مايعيدها فأنا قمت وحطيت الرميه على الثقيله وياليتني ماسمعت كلام اخوي مالبثت دقائق معدوده(ولا جراده)المهم إلا شوي وانا طايحه على الارض ولا وبعد جاره ماما معايه مسكينه بغت تولد قبل موعدها وكله من التمساح اخوي ماحد شاف إلا تمساح من النوع النادر من مصر وقال( دي وإعت) (ماادري كيف كتبتها بس إنشاءالله صح) المهم الناس طالعت فيني كله من المصري الله يسامحه بس باين عليه من النوع النذل:ds001:..
الموقف السابع:
رحنا نتمشى للطائف ( شوفو أنا أشجع السياحة الداخلية أقول بس أنطمي لو قالوا لك وين تبغين على طول بتقولين طوكيو) رحناوخيمنا في البراري(مسوين فيها عيش سفاري:ridinghorse: )
طبعاً نبغى نتروش ونبغى نغير ملابسنا ولازم نروح:Flush: الصوره تعبر ين رايحين المهم اطال الله اعماركم رحنا ميقات وادي محرم راحو اخواني مع بابا لحمامات الرجال(اكرمكم الله) وانا وماما رحنا حمامات الحريم(اعزكم الله)المهم انا وماما دخلنا ومالقينا احد قلنا ياللله بنأخذ راحتنا وفجأه سمعنا صووووووووووت (طبعاً مو لابسين عباياتنا وكل وحده فينا بتدخل عشان نتروش) رحت انا واشوف من وين الصوت جاي إلا اشوف ثلاث رجال بنقاليه و فليبينيتين(شوفت الجوازات حقهم:biggthump)
على طول جريت عند ماما وقلت لها وماما بسرعه تلبس عبايتها وقالت بسرعه يابنتي الوحيده(هاااااااه صدقتو اني الوحيده ودلوعه:baby:) البسي عبايتك وانا من الخوف لبست العبايه مدري كيف وتغطيت بطرحتي وطالعه اجري اجري اجري وجبت المركز الاول (بسم الله علي على بالي اني في سباق الخيل) المهم نرجع لمحور حديثنا وطحت على وجهي في الدرج:jap025: السبب كان طرحتي كلها قدام و ورا ماشاءالله شعري كله برى العين تحرسني....
الموقف الثامن:
وقت اختبارات نهائيه رجع اخوي من المدرسه وكان يلعب بلعبه تجي هديه مع وجبة كاكو( الله يقطعها هي وسندويشة الطعميه حقتها اللي مايعرف الطعميه يحسبها طوبه) اللعبه شكلها يد لونها مائي بس ماادري مصنوعه من شو بس اذا تبللت بالمويه تلصق في اي حاجه اخوي يلعبها قامت لصقت بسقف الصاله تغدينا ونمنا وصحينا وقمنا نذاكر وماما في العصر جايبتلي مكسرات مع شاي:coffee: عشان المذاكره جابته لي وهي رايحه على الصاله إلا طاحت يد الغفله وماما تحسبها وزغه( الوزغه: عباره عن كائن له اربع اررجل وذيل من الخلف ورأس من الامام وهو كائن يثير الهلع لدى الفتيات وله اساء عده منها:البريعصي, الظاطور,الابرص............وما خفيا كان اعظم... بالله انفع اصير مدرسة احياء ولغه عربيه او بمعنى اصح مديرة مدرسه بسم لله علي لا احسد نفسي)نرجع لمحور حديثنا ماما صرخت بالصوووووووووووووت العالي وززززززززززززززززغه:scared: وانا البنت الوحيده اللي تحب امها مرررررره كثير اول وحده اهرب وماما تصيح لحالها تبغى احد يلحقها الا شوي هدأ الوضع واسمع ضحك ماما وسمعتها تناديني وتقول........(ماراح اقول اسمي لو تنطو سبع مرات في الجو والبر والبحر:jap017:) انا رحت عند ماما وتقول يابنتي الوحيده ينذله طلعت من الالعاب اللي يجيبها اخوكي.....
الموقف التاسع والاخير:
رحنا مكه في رمضان بنسوي عمره دخلنا من بوابة الملك عبدالعزيز وبلحق اهلي إلا جو رجال من الصعيد ملبين لبيك الله هم لبيك وشالوني معهم رجولي ماتلمس الارض وانا اصيح واصارخ:jap033:
ولا من مجيب المهم بطلعت الروح تخلصت منهم وانا ماشيه رحت عند اهلي وانا ابكي:jap053:تخيلو مين شفت؟؟؟؟؟؟ شفت عبدالرحمن السديس وبدون شعور وقفت واصارخ وأشر عليه عبببببببدددددددددالرررررررررررررررررررحممممممممممممممممممممممممننننننننننننننننننننننن السسسسسسسسسسسسسسسسسسسسسسسسسسسسدييييييييييييييييييييييسسسسسسسسسسسس..
والف على اهلي واقول والله عبدالرحمن السديس.. ماما جرتني وتقول يعني وين تبغي تشوفيه ياذكيه بس فضحتينا.....:D........وذاك اليوم كنت مبسوووووووووطه من زمان كان نفسي اشوفه لايف يعني عالطبيعه....
ملحوظة : ترى هذا الموضوع يالله نزلي لأنه كل ماكتبته ضرب الكمبيوتر فيروس
ومشكوووووووووورين على تحملكم الفلسفه الزايده

وانتظر ردودكم:ee2:....