خريج ثانويه: نقـص الوزن - شعـور بالبـرد الدائم .. محتاج مساعدتكـم ^_^

[Raikov]

السلام عليكم اعضاء المنتدى الكرام
حقيقة انا مو متعود ادخل منتديات صحـة ولكن .... استفسار :)


انا شاب كملت الثانوية العامة قبل شهرين وعمري 18 سنـه وشهور :أفكر:
كل مافي المشكلة ان بنيتي ضعيفـه (مو مره، يعني مو ممتلىء)
ووزني ناقص (حدود 45) وطولي 170 سنتيمتر تقريباً

وفي بيتنا مكيف (مركزي) على البيت كامل وانا اشعر بالبرد الدائم
طبعاً راح تقولون لي مو غريبه، من التكييف :biggthump
المشكلة اللي في البيت عندي مايقولون برد مثلي :أفكر:


فهل هذا طبيعي ؟؟ :33:

ربما تسألون عن شهيتي للطعام ، انا اقولكم اول ما اصحى من النوم
نفسي مسدودة ولكن بعدين يجيني جوع فظيع :D
حتى وقت العشاء.. آكل بشراهـــه
ولكن معدتي تمتلي بسرعه .. اهلي يقولون انا ما آكل :28:
بصراحه اكل حى احس بالشبع :)

ابيكم تطمنوني لاني خايف نوعاً ما ..
انوي اروح اسوي فحص دم بس .. زي ما تقولون قلق وخائف
وانا من النوع الموسوس والقلق دائماً :ponder:

تحياتي
وشكراً مقدماً :)

[DeadLy_]

ووزني ناقص (حدود 45) وطولي 170 سنتيمتر تقريباً

وزنك في حالة خطر... أنا متأكد إنه عندك نقص حاد في الفيتامينات... سو تحليل دم في أقرب وقت نصيحة.

ووزنك لازم يكون على الأقل 53-54 بالنسبة لطولك. "ركز قلت على الأقل" هذا يعني حتى لو وصلت وزنك ل56 بتكون ضمن اللي وزنهم "نازل" الوزن الطبيعي المفروض يكون تقريباً 60 كيلو أو أكثر تقريباً.

الشعور بالبرد لقلة الطعام وعدم وجود مخزون من الطاقة كافي للحرق داخل جسمك حتى يولد حرارة و يعيد حرارة الجسم لمستواها الطبيعي...

أهم شي سو فحص دم وحتى لو كان غالي قولهم انك تبي تشيك على كل المعادن والفيتامينات وخلهم يسوون فحص بول إذا قدرت.

[Dr.AbdulRahman]

والله ضروري تروح تشوف دكتور ... ما اقول فيه مشكلة لكن لازم تروح ... وماراح احط لك لسته من الأسباب اللي تسوي حالتك وأخوفك لكن راح أقلك لو سمحت روح الدكتور ... :)

احترامي لكم ...