ازاى المطبخ يكون مريح واخر شيااااااااااااااكه.....؟؟؟

[ابنة الحرية]

طبعاً المطبخ من أهم الأشياء في المنزل ومن وجهة نظري من أكتر الأماكن اللي المفروض نصرف عليها لأنه مش بيتغير وكمان لازم يكون مريح علشان يطلع منه أحلى الأكلات.

السيراميك والجرانيت نظافة وشياكة

http://www.boswtol.com/mastaba/images/205/daily/kamar_02.jpg

أول حاجة تعالوا نتكلم عن أرضية وحيطان وسقف المطبخ طبعا أحسن حاجة علشان المطبخ يفضل نضيف إننا نعمل حيطة المطبخ سيراميك لغاية السقف وفيه حاجة كمان ممكن نعملها وهي إننا نعمل الأرض سيراميك وبين الدولايب رخام بنفس الرخام اللي بن**ي بيه الدولاب من فوق، وعلى فكرة ممكن نعمل رخام أو جرانيت وطبعا الجرانيت أمتن وبيستحمل أكتر.

لمطبخ أجمل لازم نحدّد لون وحجم الأجهزة الكهربائية

http://www.boswtol.com/mastaba/images/205/daily/kamar_01.jpg

والأجهزة طبعا مهمة جدا في المطبخ وعايز أقولكم حاجة إننا قبل ما نفصّل المطبخ الخشب أو الألمونيوم لازم الأول نشتري الأجهزة الكهربائية وده علشان نبقى عارفين حجم الجهاز إيه وعلى أساسه يكون حجم الدولايب حواليه.

ونحاول دايما نجيب كل الأجهزة بنفس اللون يعني لو التلاجة بيضاء يبقى كل الأجهزة التانية بيضاء.. موضة قوي الأجهزة الإستانلس وشكلها بيكون أحلى وبتعيش أكتر لكن مشكلتها إن سعرها غالي.

وبالنسبة للأجهزة اللي المفروض نشتريها في المطبخ فدي بتختلف من شخص للتاني على حسب الإمكانيات والاحتياجات لكل واحد.

التلاجة يا ريت نختارها كبيرة

http://www.boswtol.com/mastaba/images/205/daily/kamar_07.jpg

وأول حاجة بقت من الأساسيات دلوقتي وما أعتقدش إن في بيت ممكن يستغني عنها هي طبعا التلاجة وطبعا كل ما كانت أكبر كانت أحسن علشان تاخد حاجات أكبر لكن ده طبعا بيتوقف على الحجم المتاح في المطبخ وكمان الإمكانيات المادية. ولو فيه إمكانية إننا نجيب الديب فيرز يبقى نعمل حسابنا إنه يكون موقعه جنب التلاجة.

بوتجاز الغاز أفضل

http://www.boswtol.com/mastaba/images/205/daily/kamar_08.jpg

فبالنسبة للبوتجاز ففيه أشكال كتيرة وأنواع كتيرة من البوتجازات في السوق دلوقتي يفضل دايما إننا نجيب بوتجاز من الغاز وتكون العين اللي في الوسط بالكهرباء في بوتجازات "بيلت إن " وده بيكون البوتجاز جوه رخامة المطبخ زي اللي عندي في البرنامج كده، وده عيبه إنه بالكهرباء ومفيش منه بالغاز ومفيش فيه فرن وبيحتاج نجيب فرن لوحده كده كده بيكون شكلهم أحلى في المطبخ لكن أغلى وأنا شايف إنهم مش عمليين.

الشفّاط.. ضروري جدا

http://www.boswtol.com/mastaba/images/205/daily/kamar_09.jpg

طبعا وجود شفاط فوق البوتجاز مهم جدا علشان بيمنع تراكم الدهون على حوائط المطبخ وبيمنع وجود ريحة الأكل في المنزل.

غسالة الأطباق

http://www.boswtol.com/mastaba/images/205/daily/kamar_13.jpg

وطبعا دي بتعتبر من الكماليات عند ناس كتير ولذلك ممكن الاستغناء عنها ولكن لو هنجيبها يبقى مكانها أسفل حوض المطبخ علشان سهولة رصّ الأطباق والمعالق، ولكن فيه منها حجم صغير ممكن يتحط جنب الحوض.

غسالة الملابس

http://www.boswtol.com/mastaba/images/205/daily/kamar_14.jpg

يستحسن وضعها في الحمام مش في المطبخ.

ولو المطبخ عندنا فيه بلكونة صغيرة يبقى دايما نحط البوتجاز جنب شباك البلكونة ولو إحنا معندناش غاز طبيعي نحط الأنبوبة في البلكونة ونعمل وصلة في الحيطة نحط فيها خرطوم الأنبوبة كمان السخان لو بالكهرباء من الأحسن إننا نحطه في البكلونة دي لكن لو غاز نحطه أحسن في الحمام علشان الشعلة بتاعته لا تنطفئ.

دواليب المطبخ

http://www.boswtol.com/mastaba/images/205/daily/kamar_17.jpg

في رأيي إن أحسن حاجة إننا نجيب الدولايب الخشب المبطنة من جوه بطبقة فرمايكة من الأفضل دائما إن لون الدولايب يكون لونه لون الخشب الطبيعي.

لو المطبخ صغير نحاول إننا نجيب أجهزة كهربائية صغيرة ونخلي الدولايب جرّارة علشان ما تخدش مساحة في الفتح، وطبعا في جميع الحالات سواء المطبخ كبير أو صغير هنقفل تحت الحوض دولايب خشب إلا إذا كان فيه غسالة أطباق، ونعمل وازرة نحاس أو المونيوم حوالين داير المطبخ كله علشان ما يتأثرش بالمية.

ممكن نبطن الحوائط بالحجر الهاشمة أو الفرعوني وده طبعا بيدّي شكل جمالي للمطبخ.

استايل المطبخ يا مودرن يا كلاسيك

طبعا اختيار استايل المطبخ بيكون على حسب ذوق كل واحد وكمان يكون مريح نفسيا لأصحابه ومريح في استخدامه ومناسب لفرش البيت بصفة عامة وبالنسبة لاستايلات المطابخ فهنلاقي إن في الاستايل المودرن والكلاسيك.

http://www.boswtol.com/mastaba/images/205/daily/kamar_03.jpg

http://www.boswtol.com/mastaba/images/205/daily/kamar_04.jpg

الاستايل الكلاسيكي ده بيكون غالبا خشب بني وممكن نحط نجفة فيرفورجيه مع ستارة بكرنيشة.

http://www.boswtol.com/mastaba/images/205/daily/kamar_06.jpg

http://www.boswtol.com/mastaba/images/205/daily/kamar_05.jpg

أما المطبخ المودرن بيكون ألوانه صارخة وبيكون مصنوع من الألمونيوم أو الفرمايكة وممكن لونه يكون أحمر أو أصفر أو أخضر وأنا عن نفسي مش بافضلّه قوي.

لراحة أكبر في المطبخ

وعلشان يكون المطبخ فعلا مريح ومنحسش إننا عايزين نخرج منه بأسرع وقت ممكن فلازم ناخد بالنا من شوية حاجات بسيطة...

فمثلا ممكن نحط في المطبخ نجفة مروحة تدينا إضاءة حلوة وفي نفس الوقت هتهوي المطبخ.

يا ريت كمان المطبخ مايكونش فيه بلوعة صرف علشان دي بتدخل صراصير وحشرات وبيكون التخلص منها صعب قوي.

ودايما الدولاب اللي فيه منظفات أو مبيدات يكون عالي بعيد عن متناول الأطفال ويكون بعيد عن البوتجاز علشان الموادّ دي سريعة الاشتعال.

وفي الآخر المطبخ طبعا لازم يكون فيه طفاية حريق..

ودي تشكيلة من المطابخ


http://www.boswtol.com/mastaba/images/205/daily/kamar_10.jpg

http://www.boswtol.com/mastaba/images/205/daily/kamar_11.jpg

http://www.boswtol.com/mastaba/images/205/daily/kamar_12.jpg

http://www.boswtol.com/mastaba/images/205/daily/kamar_15.jpg

http://www.boswtol.com/mastaba/images/205/daily/kamar_16.jpg

http://www.boswtol.com/mastaba/images/205/daily/kamar_18.jpg

http://www.boswtol.com/mastaba/images/205/daily/kamar_19.jpg

[Amanda~]

شكر خيتو على النقل ..موضوع رائع
تعرفي أفضل في رأيي المطبخ الكلاسيكي
جداً مريح ..
http://www.boswtol.com/mastaba/images/205/daily/kamar_04.jpg

[ابنة الحرية]

شكر خيتو على النقل ..موضوع رائع


تعرفي أفضل في رأيي المطبخ الكلاسيكي
جداً مريح ..
http://www.boswtol.com/mastaba/images/205/daily/kamar_04.jpg


تصدقى انا كمان بفضل الكلاسيكى اكتر
شكرا اختى بلوووو
على مرورك العطر
نورتى الموضوع
تحياتى
ابنة الحريه................

[saudi.girl]

الله يعطيك الف عافية اختي وتسلم يدك

وانا من راي اختي بلوو في المطبخ الكلاسيكي

[ابنة الحرية]

الله يعطيك الف عافية اختي وتسلم يدك



وانا من راي اختي بلوو في المطبخ الكلاسيكي


شكرا حبيبتى على مرورك العطر
نورتينى
تحياتى
ابنة الحريه

[ابتسامــــــه]

مكان الموضوع المناسب ^_^

[ابنة الحرية]

شكرا لكى ابتسامه
تحياتى
ابنة الحريه