selvar
28-01-2001, 09:22 PM
الصحفي / السلام عليكم يا خال .
البدوي / وعليكم السلام , يا هلا حيّاك الله , عجيب وين راحت شوشتك ... الظاهر إنك أعتمرت ؟
الصحفي / لا أبداً .
البدوي / وبعدين ويش هالقذله ليش ما حلقت راسك كله ؟
الصحفي / ويش أسوّي ياخال هذي الموضة .
البدوي / طيب وراك أملط ليش شلت لحيتك وشنبك ... صار وجهك تقول ركبة بعير .
الصحفي / ياخال يقولون لو في الشعر خير ما نبت في الـ .....
البدوي / بس !! ... لا تكمل , هذا الكلام يقوله إللي وجهه ومقفاه واحد , أما إللي عنده دين ورجولة يفرق بينها .
الصحفي / طيب يا خال نرجع لحديثنا ويش آخر الأخبار عندك .
البدوي / تدري وش آخر موضة شفتها في أمريكا ؟
الصحفي / لا .
البدوي / صارت عندهم الموضة تترك لحيتك وتخفف شاربك .
الصحفي / صحيح !! من بكره أطبقها .... بس ما أشوفها منتشره بين الشباب , وبعدين ويش السالفة أنت صحيح رحت لأمريكا ؟
البدوي / نعم .....لآنه جاني ورم في راسي وقلت أروح أتعالج هناك .
الصحفي / بس عندنا مستشفيات كبيره وفيها إمكانيات والعلاج هناك مكلف .
البدوي / والله أنا أشوف المسؤلين ما يتعالجون إلا هناك وهم أبخص مني , يعرفون البير وغطاه , وبعدين أنا رحت على حساب واحد منهم الله يجزيه خير , قدمت عليه معروض ويوم راجعت مدير مكتبه طلع من ربع سبتان .
الصحفي / ومن هو سبتان ؟
البدوي / هذا واحد كل ما تجيه في معاملة يقولك تعال السبت الجاي .
ويوم شفته طوّل علي قمت وكتبت قصيده في المسؤول ونشرتها في الجريدة , وما جا اليوم الثاني إلا جاني واحد بالتذكره والمصاريف .
الصحفي / ويش طلع منه هالورم ؟
البدوي / ما تقول تعشيت عند واحد من الربع خروف نعيمي وبعد ما سريت من عنده نمت , وما قمت في الصباح إلا وهالورم في راسي مثل ماتشوف ويوم سمعت الأخبار عن هاليورانيوم إللي كبّوه الأمريكان في الشمال عرفت السالفة .
الصحفي / شوقتنا لأخبار أمريكا طيب ممكن تعطينا أخبارك بالتفصيل ؟
البدوي / أخباري ما تسر , ما تقول يوم وصلت هناك إستقبلني سواق المستشفى وصرت كل يوم وأنا رايح جاي على هالمستشفى وما خلّوا فيني عرق إلا وفحصوه , وبعدين ما شفت عندهم طعوس ما فيه إلا هالشجر عن يمينك وشمالك .
ومرة وأنا رايح للمستشفى ويوم ناظرت في هالعلامات إللي على جوانب الطريق لقيت مكتوب إنتبه عبور غزلان وأنا كنت أحسبها للبعارين قلت للسواق أصفط بالأنقليزي .
ويوم وقف طلّعت الشوزن وقلت قام حظك ياولد هالغزلان إللي محرومين منها جاتك هالحين بالكوم , وقمت أصيد , ولا خذيت شوي إلا والشرطة محاوطيني .
الصحفي / كان المفروض تتقيد بالأنظمة والتعاليم وما تخالفها .
البدوي / ليتكم تحرصون على تطبيق الشريعه مثل حرصكم على تطبيق الأنظمة وبعدين أنا أحترم الأنظمة حتى وأنا في الطيارة ما فيه واحد مطبق النظام غيري لكن حظي ردي .
الصحفي / أي نظام ؟
البدوي / ما تسمع القهوجي إللي في الطيارة يقول إرفع اللسان إلى أعلى ! ... لو ما راسي تعب ولساني نشف ما وقفت . ويوم شفت ما فيه إلا أنا والناس كلهم يطالعوني نزلت راسي ودخلت لساني .
الصحفي / وبعدين ويش صار مع الشرطة ؟
البدوي / ركبوني في سيارة فخمة ما هي بالجيوب إللي يوم يشوفونك الناس فيها يحسبونك قاتل , ولا أسمع منهم إلا لو سمحت وتفضل ولا شفت مع واحد منهم هراوه .
الصحفي / شفت كيف الإحترام !!
البدوي / تجيك السالفه وصلنا المخفر وجابوا لي شاهي قمت حطيت رجل على رجل ومثل ما قال راعي السالفة حزّت البسط لا تفوتك , تقول ما كأني في شرطه . هذا يضحك لي وهذا ينكت .
المهم قامت تحقق معي حرمة ياهي نقيب وإلا رقيب لأني ألخبط بينم , ويوم شفتهم طولوا معي قلت أطلّع لهم الجواز وياوجه إستح عساهم يقدرونا مثل ما نقدرهم .... الأمريكي عندنا لو ينسجن ما يجي ثالث يوم إلا وهو مع عياله لو عليه رقبه وإذا كلّم سفارته مايفطر إلا في بيته .
قمت وطلعت الجواز ويوم شافوا هالأخضر , تغيرت علومهم وتبحلقت عيونهم وقام كل واحد منهم يعض براطمه وجوني كلّهم هذا يسبني وهذا يتكلم عليّ , قمت ورفعت السماعة وكلمت السفاره .
قام واحد منهم ( عنده شنب يوقف عليه الذباب ) وقال لي أنتم يا عرب قذرين .
قلت / طيب ... كم مرة تغسل وجهك في اليوم يا نظيف ؟
قال / كل صباح .
قلت / أنا أغسّل رجلي في اليوم خمس مرات .... يعني رجولي أنظف من وجهك .
المهم ما صدقت إني شفت هالنشمي إللي جاي من السفارة ... رجّال كبير ما يدخل مع الباب وحاط يديه ورا ظهره , وقلت في نفسي جا الفرج .
الصحفي / طيب وعسى أخذ حقك منهم ؟
البدوي / اسكت ياخوي لو دريت ما كلّمته . قام يتكلم معهم ويهز راسه ولا شفت إلا جاني وطلع الهراوه من ورا ظهره .
قلت في نفسي والله إني داري إن هالهراوه مربوطة مع هالأخضر وين ما راح كأنهم تواما , وقام يضربني في راسي وهم يضحكون قلت ما دام معزّم خله بيني وبينك !
قال / ... خير البر عاجله , لكن بعدما عرفت سالفته عذرته لأن عنده ترقية متأخره ويبغى يحسن وضعه عند المعازيب , وقلت الواحد لازم يحب لإخوانه الخير.
الصحفي / طيب والورم إللي في راسك ؟
البدوي / أقول صحيح ... ما يجي منهم إلا كل خير , يوم كشفت بعدين ما طلع في التقرير إلا أورام حميده من الهراوه ويقول الدكتور الورم الأول ما عاد له وجود ... الظاهر مثل ما قالوا الكثره تغلب الشجاعة , لا وأبشرك حتى التذكره صارت عليهم لأني جيت مخفور .
ويوم ركبت الطيارة قمت أهوجس وأدور لي على حل , قلت ما فيه إلا العامل حقي عساه يوافق أتبادل معه يعطيني جوازه وأعطيه جوازي حتى لو أزيده وأكون تحت كفالته , بس بعدها صرفت النظر لأني تذكرت إن دوري في الصندوق العقاري قرّب وقلت ناخذ القرض وبعدين يحلّها حلأل .
الصحفي / طيب ولمّا وصلت ويش صار لك ؟
البدوي / يوم وصلت سحبوا الجواز مني ومنعوني من السفر . واليوم الثاني طلبوني للتحقيق .
الصحفي / تحقيق !! ..... لماذا ؟
البدوي / ما تقول وأنا جاي في الطيارة قمت أخربش بالقلم على الجواز ومع الهواجيس رسمت هراوه مكان النخلة إللي على غلاف الجواز , وصارت قضية ومشكله . وقاموا يسألوني ويش قصدك بالرسمه ويش معناها وانت وانت .....
المهم قعدت في السجن ثلاث سنين وشفت في السجن عالم ثاني , لقيت إثنين شيبان مسجونين من أيام الطفره ... دوروا على معاملاتهم لقوها ضايعه , وواحد لقوا قضيته في وارد مدرسه في الخرخير , والمدير الله يهديه يوم ما عرف صاحبها قام وقفّل عليها في الدرج , وناس كثير لهم على خمس سنين وأربع سنين ما يدرون ويش قضيتهم , وواحد مظلوم بغوا يطلعونه بس أحد هالمسؤلين الله يهديه صرح في لقاء صحفي إنه متهم قاموا وقالوا ما نقدر نكسر كلامه , اسجنوه وانتظروا حتى رمضان المقبل وطلعوه بمكرمه والأمر بسيط , المهم الله يكفينا وإياك الشر والحمد لله يوم إني تخارجت منهم .
الصحفي / طيب ما لاحظت كيف يحترمون المرأة ويعطونها حقوقها ؟
البدوي / أنا شفتهم يفضلونها على الرجل بس على دورات المياه يكتبون للسيدات وللرجال حتى ما يساوون بينهم .
الصحفي / المرأة هناك دائماً مقدمة على الرجل ما تشوفها دائماً تمشي أمامه .
البدوي / تدري ليش ؟
الصحفي / الإحترام طبعاً .
البدوي / ما لك لوا , هذا علشان الرجل هناك ما يثق فيها حتى وهي معه لأنه لو تركها تمشي وراه وغفل عنها ما عاد يلقاها , أما عندنا فالمرأة صاحبة الدين على الفطرة ... وتمشي خلف الرجل لأنه واثق فيها ولو يغيب عنها سنين رجع ولقاها على حطّة يده .
الصحفي / لكن المرأة هناك شاركت في كل المجالات وأثبتت نفسها .
البدوي / سمعت خبر وأنا في أمريكا جلست أضحك حتى جاتني الكحة ... يقول الخبر : إن فيه قائدة في الجيش برتبة عالية أ....
الصحفي / أكيد أثبتت كفاءتها وتقدمها على الرجل .
البدوي / ما لك لوا , أشتكت واحد من جنودها لأنه جاها بالقوة وأعتدى عليها , فجلست أضحك من هاللي تدافع عن البلد وهي ما قدرت تدافع عن نفسها , يا خوي المرأة ضعيفة وبسرعة ينضحك عليها وكلمة توديها وكلمة تجيبها , أما عندنا المرأة عاقلة وقوية بدينها وهالكلام ما يمشي عليها , والحريم إللي تشوفهن عندنا في وسائل الإعلام من نوعية هالمسكين .
الصحفي / لكن فيه مجالات ثانية تقدر تساهم فيها المرأة مثل القضاء والـ .....
البدوي / ذكرتني بمشكلة صارت لي هناك , ما تقول أنهدّ علي كلب كان مربوط في يدّ راعيه , ويوم شفته ناويني قمت ورميته في راسه ومات في الحال , قام صاحبه ورفع عليّ دعوى في المحكمة وجا حظي عند قاضية .
أخذنا موعد للجلسة ويوم حضرت قالوا تجينا بعد شهر لأن القاضية ما داومت , عندها أضطرابات نفسية , وأظن يا خوي إنه جاها ما يجي الحريم .
وبعد شهر جيت في الموعد قالوا القاضية حامل وتوحّمت في الرجال وما تستقبل إلا حريم , تعال بعد 9 شهور .
قمت وجيت بعد 9 شهور وزودت من عندي 40 يوم مثل ما أنت عارف , ويوم وصلني الدور قالوا تعال بكره لأن عندها ساعة رضاعة .
وجيت اليوم الثاني ويوم دخلت عليها لقيتها مغمى عليها , يقولون جاها إتصال من البيت إن ولدها طاح وألتوت رجله .
المهم صلحت أنا وراعي الكلب , وأقتنعت بعدها إن الكلام إللي أسمعه عن ضياع حقوق المرأة وظلمها صحيح وواقعي .
الصحفي / في الواقع بعد هالكلام ذكرتني بروحتي لأمريكا .
البدوي / ليش عسى ما شر ؟
الصحفي / كان عندي دوره بعد ما توظفت في هالجريدة الجديده إللي تصدر عندنا .
البدوي / إييه ... إللي يسمونها العفن , بس ويش دخّل أمريكا في الجريدة ؟
الصحفي / لأن كل واحد يتوظف فيها لازم يروح لأمريكا يشيكون عليه حتى الفراشين .
البدوي / ليش يعلمونكم اللغة ؟
الصحفي / لا ... يعطوننا دوره في الفقه وأصول الدين .
البدوي / هاهـ ضحكتني .
الصحفي / صحيح ... لأن المسؤلين في الجريدة مضايقهم تخلف المرأة عندنا ... يقولون من 1400 سنه وهي على حالها , لازم نغير من وضعها علشان نواكب العصر والتقدم و.....
البدوي / عجيب أجل هاللي قاعدين يحللون ويحرمون في الجريدة ماخذين نفس الدوره , طيب عطنا من إللي تعلمته هناك .
الصحفي / أهم شيء تعلمته ورسخوه في عقولنا ويركزون عليه دائماً ... إن ما فيه شيء إلا وفيه خلاف وله أكثر من قول , وبعدين نختار من الأقوال إللي يتناسب مع العصر حتى لو كان شاذ .
البدوي / أجل كل شيء عندكم فيه خلاف ؟
الصحفي / إلا شيء واحد .... الحرية المطلقة اللي ما عليها أي قيود , فهذي عندنا ثابته قولاً واحداً .
البدوي / والله إنك صادق لأن إللي يقولون عندكم عقول ما هم صادقين ... لأن هالمسألة طلع فيها قول ثاني وصار هو الراجح .
-------------------------------------------------------
شوفو أنا راح أكتب بس القصص والرويات فى المنتديات
أيش رايكم بالقصة؟ عطونى رأيكم
البدوي / وعليكم السلام , يا هلا حيّاك الله , عجيب وين راحت شوشتك ... الظاهر إنك أعتمرت ؟
الصحفي / لا أبداً .
البدوي / وبعدين ويش هالقذله ليش ما حلقت راسك كله ؟
الصحفي / ويش أسوّي ياخال هذي الموضة .
البدوي / طيب وراك أملط ليش شلت لحيتك وشنبك ... صار وجهك تقول ركبة بعير .
الصحفي / ياخال يقولون لو في الشعر خير ما نبت في الـ .....
البدوي / بس !! ... لا تكمل , هذا الكلام يقوله إللي وجهه ومقفاه واحد , أما إللي عنده دين ورجولة يفرق بينها .
الصحفي / طيب يا خال نرجع لحديثنا ويش آخر الأخبار عندك .
البدوي / تدري وش آخر موضة شفتها في أمريكا ؟
الصحفي / لا .
البدوي / صارت عندهم الموضة تترك لحيتك وتخفف شاربك .
الصحفي / صحيح !! من بكره أطبقها .... بس ما أشوفها منتشره بين الشباب , وبعدين ويش السالفة أنت صحيح رحت لأمريكا ؟
البدوي / نعم .....لآنه جاني ورم في راسي وقلت أروح أتعالج هناك .
الصحفي / بس عندنا مستشفيات كبيره وفيها إمكانيات والعلاج هناك مكلف .
البدوي / والله أنا أشوف المسؤلين ما يتعالجون إلا هناك وهم أبخص مني , يعرفون البير وغطاه , وبعدين أنا رحت على حساب واحد منهم الله يجزيه خير , قدمت عليه معروض ويوم راجعت مدير مكتبه طلع من ربع سبتان .
الصحفي / ومن هو سبتان ؟
البدوي / هذا واحد كل ما تجيه في معاملة يقولك تعال السبت الجاي .
ويوم شفته طوّل علي قمت وكتبت قصيده في المسؤول ونشرتها في الجريدة , وما جا اليوم الثاني إلا جاني واحد بالتذكره والمصاريف .
الصحفي / ويش طلع منه هالورم ؟
البدوي / ما تقول تعشيت عند واحد من الربع خروف نعيمي وبعد ما سريت من عنده نمت , وما قمت في الصباح إلا وهالورم في راسي مثل ماتشوف ويوم سمعت الأخبار عن هاليورانيوم إللي كبّوه الأمريكان في الشمال عرفت السالفة .
الصحفي / شوقتنا لأخبار أمريكا طيب ممكن تعطينا أخبارك بالتفصيل ؟
البدوي / أخباري ما تسر , ما تقول يوم وصلت هناك إستقبلني سواق المستشفى وصرت كل يوم وأنا رايح جاي على هالمستشفى وما خلّوا فيني عرق إلا وفحصوه , وبعدين ما شفت عندهم طعوس ما فيه إلا هالشجر عن يمينك وشمالك .
ومرة وأنا رايح للمستشفى ويوم ناظرت في هالعلامات إللي على جوانب الطريق لقيت مكتوب إنتبه عبور غزلان وأنا كنت أحسبها للبعارين قلت للسواق أصفط بالأنقليزي .
ويوم وقف طلّعت الشوزن وقلت قام حظك ياولد هالغزلان إللي محرومين منها جاتك هالحين بالكوم , وقمت أصيد , ولا خذيت شوي إلا والشرطة محاوطيني .
الصحفي / كان المفروض تتقيد بالأنظمة والتعاليم وما تخالفها .
البدوي / ليتكم تحرصون على تطبيق الشريعه مثل حرصكم على تطبيق الأنظمة وبعدين أنا أحترم الأنظمة حتى وأنا في الطيارة ما فيه واحد مطبق النظام غيري لكن حظي ردي .
الصحفي / أي نظام ؟
البدوي / ما تسمع القهوجي إللي في الطيارة يقول إرفع اللسان إلى أعلى ! ... لو ما راسي تعب ولساني نشف ما وقفت . ويوم شفت ما فيه إلا أنا والناس كلهم يطالعوني نزلت راسي ودخلت لساني .
الصحفي / وبعدين ويش صار مع الشرطة ؟
البدوي / ركبوني في سيارة فخمة ما هي بالجيوب إللي يوم يشوفونك الناس فيها يحسبونك قاتل , ولا أسمع منهم إلا لو سمحت وتفضل ولا شفت مع واحد منهم هراوه .
الصحفي / شفت كيف الإحترام !!
البدوي / تجيك السالفه وصلنا المخفر وجابوا لي شاهي قمت حطيت رجل على رجل ومثل ما قال راعي السالفة حزّت البسط لا تفوتك , تقول ما كأني في شرطه . هذا يضحك لي وهذا ينكت .
المهم قامت تحقق معي حرمة ياهي نقيب وإلا رقيب لأني ألخبط بينم , ويوم شفتهم طولوا معي قلت أطلّع لهم الجواز وياوجه إستح عساهم يقدرونا مثل ما نقدرهم .... الأمريكي عندنا لو ينسجن ما يجي ثالث يوم إلا وهو مع عياله لو عليه رقبه وإذا كلّم سفارته مايفطر إلا في بيته .
قمت وطلعت الجواز ويوم شافوا هالأخضر , تغيرت علومهم وتبحلقت عيونهم وقام كل واحد منهم يعض براطمه وجوني كلّهم هذا يسبني وهذا يتكلم عليّ , قمت ورفعت السماعة وكلمت السفاره .
قام واحد منهم ( عنده شنب يوقف عليه الذباب ) وقال لي أنتم يا عرب قذرين .
قلت / طيب ... كم مرة تغسل وجهك في اليوم يا نظيف ؟
قال / كل صباح .
قلت / أنا أغسّل رجلي في اليوم خمس مرات .... يعني رجولي أنظف من وجهك .
المهم ما صدقت إني شفت هالنشمي إللي جاي من السفارة ... رجّال كبير ما يدخل مع الباب وحاط يديه ورا ظهره , وقلت في نفسي جا الفرج .
الصحفي / طيب وعسى أخذ حقك منهم ؟
البدوي / اسكت ياخوي لو دريت ما كلّمته . قام يتكلم معهم ويهز راسه ولا شفت إلا جاني وطلع الهراوه من ورا ظهره .
قلت في نفسي والله إني داري إن هالهراوه مربوطة مع هالأخضر وين ما راح كأنهم تواما , وقام يضربني في راسي وهم يضحكون قلت ما دام معزّم خله بيني وبينك !
قال / ... خير البر عاجله , لكن بعدما عرفت سالفته عذرته لأن عنده ترقية متأخره ويبغى يحسن وضعه عند المعازيب , وقلت الواحد لازم يحب لإخوانه الخير.
الصحفي / طيب والورم إللي في راسك ؟
البدوي / أقول صحيح ... ما يجي منهم إلا كل خير , يوم كشفت بعدين ما طلع في التقرير إلا أورام حميده من الهراوه ويقول الدكتور الورم الأول ما عاد له وجود ... الظاهر مثل ما قالوا الكثره تغلب الشجاعة , لا وأبشرك حتى التذكره صارت عليهم لأني جيت مخفور .
ويوم ركبت الطيارة قمت أهوجس وأدور لي على حل , قلت ما فيه إلا العامل حقي عساه يوافق أتبادل معه يعطيني جوازه وأعطيه جوازي حتى لو أزيده وأكون تحت كفالته , بس بعدها صرفت النظر لأني تذكرت إن دوري في الصندوق العقاري قرّب وقلت ناخذ القرض وبعدين يحلّها حلأل .
الصحفي / طيب ولمّا وصلت ويش صار لك ؟
البدوي / يوم وصلت سحبوا الجواز مني ومنعوني من السفر . واليوم الثاني طلبوني للتحقيق .
الصحفي / تحقيق !! ..... لماذا ؟
البدوي / ما تقول وأنا جاي في الطيارة قمت أخربش بالقلم على الجواز ومع الهواجيس رسمت هراوه مكان النخلة إللي على غلاف الجواز , وصارت قضية ومشكله . وقاموا يسألوني ويش قصدك بالرسمه ويش معناها وانت وانت .....
المهم قعدت في السجن ثلاث سنين وشفت في السجن عالم ثاني , لقيت إثنين شيبان مسجونين من أيام الطفره ... دوروا على معاملاتهم لقوها ضايعه , وواحد لقوا قضيته في وارد مدرسه في الخرخير , والمدير الله يهديه يوم ما عرف صاحبها قام وقفّل عليها في الدرج , وناس كثير لهم على خمس سنين وأربع سنين ما يدرون ويش قضيتهم , وواحد مظلوم بغوا يطلعونه بس أحد هالمسؤلين الله يهديه صرح في لقاء صحفي إنه متهم قاموا وقالوا ما نقدر نكسر كلامه , اسجنوه وانتظروا حتى رمضان المقبل وطلعوه بمكرمه والأمر بسيط , المهم الله يكفينا وإياك الشر والحمد لله يوم إني تخارجت منهم .
الصحفي / طيب ما لاحظت كيف يحترمون المرأة ويعطونها حقوقها ؟
البدوي / أنا شفتهم يفضلونها على الرجل بس على دورات المياه يكتبون للسيدات وللرجال حتى ما يساوون بينهم .
الصحفي / المرأة هناك دائماً مقدمة على الرجل ما تشوفها دائماً تمشي أمامه .
البدوي / تدري ليش ؟
الصحفي / الإحترام طبعاً .
البدوي / ما لك لوا , هذا علشان الرجل هناك ما يثق فيها حتى وهي معه لأنه لو تركها تمشي وراه وغفل عنها ما عاد يلقاها , أما عندنا فالمرأة صاحبة الدين على الفطرة ... وتمشي خلف الرجل لأنه واثق فيها ولو يغيب عنها سنين رجع ولقاها على حطّة يده .
الصحفي / لكن المرأة هناك شاركت في كل المجالات وأثبتت نفسها .
البدوي / سمعت خبر وأنا في أمريكا جلست أضحك حتى جاتني الكحة ... يقول الخبر : إن فيه قائدة في الجيش برتبة عالية أ....
الصحفي / أكيد أثبتت كفاءتها وتقدمها على الرجل .
البدوي / ما لك لوا , أشتكت واحد من جنودها لأنه جاها بالقوة وأعتدى عليها , فجلست أضحك من هاللي تدافع عن البلد وهي ما قدرت تدافع عن نفسها , يا خوي المرأة ضعيفة وبسرعة ينضحك عليها وكلمة توديها وكلمة تجيبها , أما عندنا المرأة عاقلة وقوية بدينها وهالكلام ما يمشي عليها , والحريم إللي تشوفهن عندنا في وسائل الإعلام من نوعية هالمسكين .
الصحفي / لكن فيه مجالات ثانية تقدر تساهم فيها المرأة مثل القضاء والـ .....
البدوي / ذكرتني بمشكلة صارت لي هناك , ما تقول أنهدّ علي كلب كان مربوط في يدّ راعيه , ويوم شفته ناويني قمت ورميته في راسه ومات في الحال , قام صاحبه ورفع عليّ دعوى في المحكمة وجا حظي عند قاضية .
أخذنا موعد للجلسة ويوم حضرت قالوا تجينا بعد شهر لأن القاضية ما داومت , عندها أضطرابات نفسية , وأظن يا خوي إنه جاها ما يجي الحريم .
وبعد شهر جيت في الموعد قالوا القاضية حامل وتوحّمت في الرجال وما تستقبل إلا حريم , تعال بعد 9 شهور .
قمت وجيت بعد 9 شهور وزودت من عندي 40 يوم مثل ما أنت عارف , ويوم وصلني الدور قالوا تعال بكره لأن عندها ساعة رضاعة .
وجيت اليوم الثاني ويوم دخلت عليها لقيتها مغمى عليها , يقولون جاها إتصال من البيت إن ولدها طاح وألتوت رجله .
المهم صلحت أنا وراعي الكلب , وأقتنعت بعدها إن الكلام إللي أسمعه عن ضياع حقوق المرأة وظلمها صحيح وواقعي .
الصحفي / في الواقع بعد هالكلام ذكرتني بروحتي لأمريكا .
البدوي / ليش عسى ما شر ؟
الصحفي / كان عندي دوره بعد ما توظفت في هالجريدة الجديده إللي تصدر عندنا .
البدوي / إييه ... إللي يسمونها العفن , بس ويش دخّل أمريكا في الجريدة ؟
الصحفي / لأن كل واحد يتوظف فيها لازم يروح لأمريكا يشيكون عليه حتى الفراشين .
البدوي / ليش يعلمونكم اللغة ؟
الصحفي / لا ... يعطوننا دوره في الفقه وأصول الدين .
البدوي / هاهـ ضحكتني .
الصحفي / صحيح ... لأن المسؤلين في الجريدة مضايقهم تخلف المرأة عندنا ... يقولون من 1400 سنه وهي على حالها , لازم نغير من وضعها علشان نواكب العصر والتقدم و.....
البدوي / عجيب أجل هاللي قاعدين يحللون ويحرمون في الجريدة ماخذين نفس الدوره , طيب عطنا من إللي تعلمته هناك .
الصحفي / أهم شيء تعلمته ورسخوه في عقولنا ويركزون عليه دائماً ... إن ما فيه شيء إلا وفيه خلاف وله أكثر من قول , وبعدين نختار من الأقوال إللي يتناسب مع العصر حتى لو كان شاذ .
البدوي / أجل كل شيء عندكم فيه خلاف ؟
الصحفي / إلا شيء واحد .... الحرية المطلقة اللي ما عليها أي قيود , فهذي عندنا ثابته قولاً واحداً .
البدوي / والله إنك صادق لأن إللي يقولون عندكم عقول ما هم صادقين ... لأن هالمسألة طلع فيها قول ثاني وصار هو الراجح .
-------------------------------------------------------
شوفو أنا راح أكتب بس القصص والرويات فى المنتديات
أيش رايكم بالقصة؟ عطونى رأيكم