مشاهدة النسخة كاملة : نقاش الرسامين اول محاولة لتلوين رسمة ارجو من الكل ابداء الرأي
حسين-911
03-01-2002, 11:03 AM
اول مره الون :) مع اني استخدم الفوتشوب من فترة طويلة وبغيت اجرب تلويني اليوم واخذ رايكم
طبعا لون الاذن انا مسويها جذي لوضع غرابة على الشخصية :)
http://www.mo7amed.f2s.com/hussien9111.jpg
وهنا بعد بعض التأثيرات بالفوتشوب :)
http://www.mo7amed.f2s.com/hussien+9121.jpg
وهنا بعض اللمسات السحرية التي أحب ان اضيفها :)
http://www.mo7amed.f2s.com/tatherat.jpg
الصور كبار تحملونا بس هذا الي حصلته وجربت عليه :)
orange road
03-01-2002, 12:56 PM
والله التلوين وايد حلو...
عاجبتني.. بس قبل التأثيرات :D
بس ذي مب رسمتك.. صح؟؟؟
حسين-911
03-01-2002, 02:04 PM
انا ما اعرف ارسم سفينه عدل :)
حسين-911
03-01-2002, 02:10 PM
احم احم
الصورة مو ملونة موجوده في موضوع اخوي كونان ويب في منتدى الفوتشوب وانا اخذتها ولونها وقلت اعرضها عليكم واي وحده حبيتيها ؟ الاولى الثانية الثالثة ؟
وللعلم شباب اول محاااااولة تلوين :)
orange road
03-01-2002, 02:50 PM
الأولى اللي عجبتني :D
fatoom
03-01-2002, 03:01 PM
حسين ....
رهييييييييييييييييب التلوين ...
أقول إشرايك تأخذ من رسومي و تلونهم لي ...ممكن؟
تلوينك روعه ....ولا هاي التأثيرات ....
صج فنان ....
Ranma Saotome
03-01-2002, 03:01 PM
تلوينك حلو
وااااااااااايد حلو...ألا ممتاز
أنا عجبتني الاولى أكثر شي...هي أحلى وحده فيهم...وايد أحلى من الثانيين
لكن عجبني في الثالثه بعض الخطوط والتاثيرات باللون الازرق
keep on movin' man
حسين-911
03-01-2002, 03:30 PM
مستعد الون :) هاتي خل نجرب :)
orange road
03-01-2002, 03:40 PM
ينفع آنا؟؟؟
حسين-911
03-01-2002, 03:55 PM
شنو الي ينفع !!
اذا رسماتك فهاتي خل اجرب قدراتي بالتلوين :)
حسين-911
03-01-2002, 03:59 PM
احم احم :)
اول محاولة ما اعتقد انه التلوين قوي بعد :)
conanweb
03-01-2002, 06:10 PM
حسين حبيب قلبي
اكبر غلط وقعت فيه انك خليت الرسمه كما هي
ثاني شي الشعر ما يتحدد الا بطريقه متساويه لانه مرتبط بالجلد
لازم تدقق عليها شوي
وبعدين خل لك لمسه على الرسمه تميزك مثلا ركز على التظليل والتفتيح بالشعر وراح يطلع التلوين
ممتاز
وهاذي مشاركتي وكانت امس الفجر على السريع لما كتبت موضوعي رحت ولونتها:D
http://cwforums1.netfirms.com/myprettyboy
واذا تبي نصايح راجع المنابر موضوع اخي سيلكشون 25 فيه نظاريات تبط الراس عن التلوين وطريقته;)
orange road
03-01-2002, 08:16 PM
اكاهي رسمة لي ابيض واسود...
يللا لونوها.. :D
orange road
03-01-2002, 08:18 PM
وهاي نفس الرسمة بعد ما لونتها :D
ادري انكم جفتوها قبل..
حسين-911
03-01-2002, 09:07 PM
التليون صعب اصصعب مما توقعت عاد انا انسحب من التليون واظل اشاهد لين اتقنه او ابتعد :)
حسين-911
06-01-2002, 11:29 AM
اقووول اورانج رووود رسمتك صعبة بالنسبة لي :)
ما رأيك بهذا التلوين طبعا الصورة تلقينا بموضوع صديقتج فطووم بالابيض والاسود :)
fatoom
06-01-2002, 07:15 PM
تدري حسين ما توقعت هاي الرسمه تتلون ....:)
بس حلو ...
orange road
08-01-2002, 01:24 AM
اخ حسين.. تلوينك للأسف.. خرب الرسمة...
سوري.. بس اختيارك للألوان ما كان موفق بالمرة....
والرسمة اللي عرضتها ما كانت صعبة.. بالعكس انا سهلت لك المهمة لاني حطيت لك رسمة كل اللي محتاج فيها انك تعبي المساحات بالألوان...
وبعدين تضيف الضوء والظل...
واذا على رسمة فطوم..
Noobsaibt
08-01-2002, 08:15 AM
أنا عندي نصيحة
مع أني ما جربت البرنامج......بس نصيحة عامة
لا توقف دائما لون بتاخذ خبرة وصير أحسن واحد
و تلوين السويته الصراحة وايد حلو وأنا انشاء الله بنزل رسمة
يازعم قصتي أبيك تلونها...و أبي وعد منك ok
mom_com3
08-01-2002, 09:06 AM
ما عندي خبره كبيره في التلوين بس حلوه
orange road
08-01-2002, 09:38 AM
اخ حسين...
هو تقينتك في التلوين عدله..
انت ركز بس على اختيار الألوان..
يعني انت لونت البنت.. ليش ما تعيد تلوين نفس الرسمة بس بألوان ثانية..
واذا كان اختيار الالوان صعب شوي في البداية.. تقدر تفتح صورة ثانية حق بنت مرسومة من الانترنت وبشفاطة الألوان تاخذ الوان الرسمة وتطبقها على الرسمة اللي تلونها.. :)
جرب..
اهم شي انك ما توقف..
لان الواحد ما يتعلم اي شي بين يوم وليلة...
وكل وا توقف جدام صورة ركز فيها وحاول انك تقلدها.. وشوي شوي بيطلع لك اسلوبك الخاص في التلوين..
حسين-911
08-01-2002, 10:47 AM
احم احم
طبعا انا ما راح اترك التلوين ومنو قال اني بتعلم بيوم وليله وللعلم انا الفوتشوب يمكن تعلمته بأكثر من 6 اشهر يعني بفترة كبيييرة لكن الحمدلله اعرف الكثير فيه :) وللعلم التلوين بعد بدخل في غمااره لكني ابحث عن الاداة الافضل هل ه البرش ام البخاخة ام الدلو ام قلم الرصاص لوضع اللمسات في التلوين اني ابحث وبالنسبة للألوان سوف احاول ان اتقن وضع الالوان لاني احب دمج الالوان اكثر من اني افرقها :)
Noobsaibt
08-01-2002, 12:21 PM
الشىء الي عاجبني في حسين أسلوبه في كلام وخاصة (احم احم )
وأحسن أنه أنسان طيب جدا جدا
بس أنت ما وعدتني أنك بتلون رسمتي الياية
حسين-911
08-01-2002, 12:36 PM
احم احم
والله ما همتك اذا عندك رسمه اجرب الوناها اوكي هات خل اجرب ولو تدري انه في رسماات لحد الان اجرب تلوينها وما اتقنه :)
حسين-911
08-01-2002, 04:28 PM
احم احم
اول محاولة تلوين جاااااادة :)
fatoom
08-01-2002, 06:21 PM
أيوه يا حركات أنت .... ;)
والله يا حسين-911منت سهل..............":"
conanweb
09-01-2002, 01:19 AM
شوفو يا جماعه 25 بالميه من فن التلوين يعتمد على هالادوات واكيد لها استخدمات اخرى لكن احنا ما نعرفها ولا زلت احاول اتعرف عليها وبشوف اذا فيه ادوات اخرى للتعلم
والي ما يستخدم هالادوات ماله في فن التلوين اي اساسات يعتمد عليها
اول شي نعدل بطبقة الرسمه بروحها نظللها ونفتح فيها ونعطيها اي مؤثر
ونضع اساسات التلوين بعدين نلون;)
conanweb
09-01-2002, 01:31 AM
عااااااااااد اقولكم
شنو تلاحظون من خلال هالرسمه":" ":" ":" ":"
رسمه ثانيه عدل:D
نطااااالب بهااااااا:D :D :D
conanweb
09-01-2002, 01:59 AM
الى كل من
orange road
و
حسين-911
تلوينكم جيد جدا لكن لم اراى لكم بصمه عليه
ولا اراى انكم زدتم عليه شيء غير التلوين
مثال على السررررررررييييييييع جدا جدا
قبل ان اذهب للاختبار
http://mypage.ayna.com/cwdes/girl
في الرقم واحد قمت ببعض التعديلات البسيطه على الظلال
والاصل هي الرقم اثنان لاختي فاطمه او كما تشتهر بتوتو
واريد ان اعرف ما رائيكم بعد ان وضعت لمستي عليها
هل تميزت الان عن رسمتكم ان لونتها؟؟
هنا الصواب يجب ان تضع لمستك;)
حسين-911
09-01-2002, 11:31 AM
احم احم
ترى في بعض التأثيرات او اللمسات مو حلوة مثل لاشعر وشكلك تحب الشعر الغاامق وبالنسبة ترى بعدي مبتدأ تلوين لدرجه كبيرة فما لونت الا 5 او اقل فلهذا اقولك انه في بعض اللمسات الي تقصدها مو حلوة وبالنسبة لي لا تحاتي اعرف هذي الادوات لكني لست محترفا علشان تقول لي هالكلام انطر مع الممارسة بذكرك شلون كنت الون والحين شنو صرت :) المهم التلوين ذوق مو كل مره اضيف لمسات ففي رسمات تحتاج فقط الى تلوين وفي بعضها لا تحتاج الى اضافات :) فقط واتمنى فهمت كل كلامي
conanweb
09-01-2002, 12:35 PM
هههههههههه حبيب قلبي بو حسين
ومن قال فينا احد محترف كلنا هواة حبيب قلبي انت انا اصلا مسوي الشغله على السريع ولو ابي الونها فعلا جان دققت فيها شعره شعره على قد ما اقدر
وانما كان الهدف واريك انه التظليل ممكن يبرز اشياء وايده من ملامح الرسمه مثل لما تظلل نص ويه وتخلي النص الثاني والخ الخ الخ....
فلا تظن انه التظليل هين بالعكس التظليل عندي اهم من التلوين بمليووووووووون مره:)
orange road
09-01-2002, 02:06 PM
يا اخ كونان...
كل واحد واسلوبه في التلوين...
انت مثلا تهتم بالظل.. والرسمة اللي عرضتها انت بظلها ما عجبتني وايد... حسيتها وايد غامقة...
ما احب اضيف لمساتي على رسوم فطوم... اذا التحديد بس ما احب احددهم لها لاني لما اخلص احسهم تحولوا حق رسمي.. وحتى التلوين نفس الشي.. ما اغير ولا اضيف بس الون في رسوماتها...
وانت لو تلاحظ ان اسلوبي غير عن فطوم... فطوم تحب تحط تأثيرات ظل وايد.. لكن انا احب تكون الرسمة out line وبس.. وبعدين الضوء والظل احطهم بالألوان...
مثل ما قلت كل واحد واسلوبه...
:)
shaheen
09-01-2002, 03:07 PM
حبيت اشارك معاكم:D ممكن؟؟؟
انا لونت رسمة خلود.. شرايكم؟؟؟:)
حسين-911
09-01-2002, 03:33 PM
احم احم وصحيح كل واحد وله اسلوبه :)
وهذي محاولة ثانية برسة لولي على ما اذكر :)
orange road
09-01-2002, 09:41 PM
واو..
حسين.. وايد تلوينك تحسن.. حتى اختيارك للألوان....
:)
واصل بهالاصرار.. وبيصير مثل ما قلت..
بتجوف الرسومات القديمة اللي لونتها وبتقول.. باااااال جذي كنت الون.. صج كان مسخرة :p
orange road
09-01-2002, 09:42 PM
واو..
حسين.. وايد تلوينك تحسن.. حتى اختيارك للألوان....
:)
واصل بهالاصرار.. وبيصير مثل ما قلت..
بتجوف الرسومات القديمة اللي لونتها وبتقول.. جوف شلون كان تلويني.. الحين احلى بوايد :p
shaheen
10-01-2002, 01:16 AM
كتب العضو (orange road)
واو..
حسين.. وايد تلوينك تحسن.. حتى اختيارك للألوان....
:)
واصل بهالاصرار.. وبيصير مثل ما قلت..
بتجوف الرسومات القديمة اللي لونتها وبتقول.. باااااال جذي كنت الون.. صج كان مسخرة :p
ههههههههههههههههههههههه حلوة:D
conanweb
10-01-2002, 01:59 AM
كل الي بقوله للأسف ما لقيت احد يفهمني :)
حسين-911
10-01-2002, 11:35 AM
احم احم
والله فهمتك لكن اكو شغلة وحده كل واحد يحب طريقة تلوينه مو الكل لازم يلتزم بطريقة انت حبيتها :)
orange road
10-01-2002, 12:46 PM
احم احم
وانا مع كلام الاخ حسين
conanweb
10-01-2002, 12:47 PM
حبيب قلبي حسين انت لا فهمتني ولا شي
انا مو قاعد افرض عليكم اسلوبي
انما كانت اوضح نقطه مهمة
انك اذا ما اضفت للرسمه شي من عندك ما راح تتميز
فاهم علي ولازم كل مصمم يحاول يضيف للرسمه ولا اظن انه احد فيكم
فكر جذيه الكل يقول اني ابي ارغمكم على اسلوبي
لكن هذا خطأ كل واحد واسلوبه بس لازم الواحد يضع لمسته على التصميم:)
حسين-911
10-01-2002, 02:19 PM
احم احم
بو يعقوب كلمة اخيرة لي ممكن ..؟؟
المهم يعني يا اخرب الصورة ويمكن اللمسات الي في بالي مو حلوة ولكن لازم اتميز فيها يعني انا واحد احب الالوان الهادئة واتغير كل مره الا صاخبة والى والى .... يعني متغير وما احب اكون على طريقة حده في التصميم علشان الكل يقول ملينا من الطريقة تدري ليش ؟ لانها اذا كل واحد بيقعد ويشوف نفس طريقة التلوين كل مره بيمل وبسرعة بيقول هذا تلوين يوسف وبعدين بتصير عادية الرسمة في كل مره بتشوفها اوكي وبالنسبة لي احب تكون هناك لمسة خاصه لكن ليست في كل رسمة وبالنسبة لك فأنت تحب الظلالالالالالال وتظلل بكل مكان وتعشق اللمسات الخاصه لكن انا ما ارسم ولا اعرف الرسم دخلت في عالم التلوين على رغبتي الخاصه لسبب واحد ابي اعرف اكثر واكثر واالله ما اعرف ارسم الا العيون عدل والباجي تعال اضحك بس التلوين له فنه والخلفيات له فنه وكل واحد يحب يكون مميز لكن مو في اشياء تكره المشاهد بالعمل
conanweb
10-01-2002, 02:32 PM
حبيب قلبي حسين
خلني ساكت احسن لي
لان لو شرحت من اهني لبكره ماني موصل الفكره لكم لو اموووووت وانت الحين ما وصلت لواحد بالميه من الفكره
حسين-911
10-01-2002, 04:23 PM
احم احم
عندي لك طريقة تشرح لي الي تقصده حط صورة ما فيها تأثيرات وحط تأثيراتك ولون وانا ناطريك لين تاريخ 20/1/2002 موافق ابي اشوف شنو هاللمسات الساحرية ونشوف الفرق ونعرف اوكي :)
orange road
10-01-2002, 10:53 PM
........................... ?:
(ما عادت تطلع الحمحمة ... خلاص شلت اللوز )
كلام اخ حسين صح.. يمكن انت ما قدرت توصل فكرتك يا اخ كونانويب.. وانا متأكدة انك اذا عرضت لنا صور تشرح فكرتك بنفهم اللي انت تقصده :)
وانا ناطرة بعد..
حسين-911
15-01-2002, 04:33 PM
احم احم
يوسف ترى انا ناطرك اوكي
وهذي اول محاوله تلوين مني............لا تنسون التعليق":"
orange road
15-01-2002, 06:33 PM
حل التلوين يا اخت tm ...
ما ادري ليش .. حاسة الرسمة تشبهج.. ;)
حسين-911
15-01-2002, 10:12 PM
احم احم
اختي تي ام
هل هذه اول محاولة تلوين في حياتج ؟ ؟ ؟ ماشاء الله
اذا الالولى فلك مستقبل بااااهر ويا ريت نشوف تلوينج لرسمات غيرها :)
conanweb
16-01-2002, 06:12 AM
ما عليه حسين خليتك تنتظر بس مثل ما قالت
لك تبي تتقن التلوين اتقن التظليل واماكن الاناره وراح تعرف بعدين ليش اقولك هالكلام
وهالكلام مو من عندي من مواقع كثيره ومن ناس محترفين في هالمجال وما أظن انه الامر يحتاج الى صور وشرح واكبر مثال الدرس الي عطيتك اياه
ترى هو اكبر مرجع لهذا الفن ولو رجعت له وشفت الرسمه وقريت نص الدرس تلقاه يقولك هالشي وأكد على الحرص التام عليه
واسمحلي الوقت مضايقني والشغل فوق راسي والموقع وبلاويه مثل مانت عارف :)
Rewayah
16-01-2002, 07:37 AM
أنا ويني عن هالموضوع!؟!؟!؟!
شاهين! تلوينك لرسمة أورانج رود فظييييييييييييييييييييييييييييييييييع!! :واو:
يا ريال شوه هالدقة والتفاصل! واااااااو @@
ليش ما تروح وتشتغل في سكوير سوفت ولا كابكوم وتفكنا من شرك! :غضب:
ما شاء الله! :p
الرسمة إحتلت قلبي وبقوة... ليش ما تلون لي رسمة :(
ليش ما تجرب؟
متأكد أنه تلوينك بيضيف لرسمتي طابع ساحر!
I will treasure it always! :)
سوو بلييييز!
الظاهر أن حسين وخلود وكونانويب مشغولين في النقاش وما أنتبهوا للرسمة... حسافة ^_^
كونان ويب, أنا وايد عاجبتني لمساتك! تعطي وزن وأتحط في الرسمة روح!
التضليل وغيرة... أسلوبك ياخذ بعقلي :)
وأنا فاهم قصدك يا أمير الأنوار والظلال!
-_^ !
أورانج رود, أنت لمساتش ذات طابع مميز وجميل! ولو أن اختيارتش مرات يكون صاخب وغريب بالنسبة لفتاة... مرات أخضر وأزرق! :)
لكن أغلب رسوماتج لها ألوان جذابة ومبتكرة! وتلوينتش لرسمة خلود هذه كان أكثر من ممتاز! بل ممتاز لا تحتمل ذلك... بل مذهل!
تحياتي لكِ يا ملكة الإبتكار!
حسين! يا سيد الألوان! يا ملك الأشكال! يا صاحب فنون قوس قزح!
أرحمنا! أسالوبك يعذبنا! ما شاء الله عليك! :)
تحياتي.
حسين-911
16-01-2002, 09:23 AM
احم احم
مشكور رغم انه مستواي في تراجع :)
لكن اقولها اوكي بشوف الظلالالالال عدل والانوار ممكن تييب لي رسمة غير ملونه وابي الونها واشوف :) اوكي
والمهم شباب شابات اليوم بنزل موضوعي خلفيات من تصميمي :) اوكي
:D حسين-911 orange road
:D مشكورين على التشجيع;)
shaheen
16-01-2002, 08:50 PM
يا سلام عليج يا تي ام.. تلوينك روعة!!
انا مذهول! بس ليش ماكملتي!
رواية انا بلوّن رسمه من رسوماتك وبتكون مفاجأة لك...:) حبيبي انت والله!
حسين انا برسم لك رسمة عشان تلونها بس اخاف ماتعجبك!!
وصح لسانك يا كونانويب.. كلامك درر!
fatoom
17-01-2002, 12:45 AM
تي أم .......
ناعم ناعم ناعم ناعم التلوين عجبني ....
:) shaheenشكرا ...ما كملتها لانها تجربه . fatoom
تصدقين انتي اول شخص يقولي ان تلويني او رسمي ناعم .....فرحتيني :D
حسين-911
20-01-2002, 12:43 AM
احم احم
خل اصير الثاني والله الاوان ناعمه بشكل حلو :)
المهم شاهين كل شيء يعجبني بس مو تخليها صعععبة :D ترى مبتدأ
Ranma Saotome
20-01-2002, 12:50 AM
تي أم رسمتك اسحرتني بهداوتها وتلوينها الsmooooooooth
رسمه وتلوين هاادي ويخلي الواحد يرتااااااح
يخلي اللي مشوط يسترخي عالآخر
يحس الواحد بالبرود اللي في عيون الشخصيه... ودي أعرف عن الشخصيه أكثر
حسين-911:D ______ زين اللي عجبتك التجربه يا Ranma Saotome
:)
تلوين حلو يا حسين و الشباب بعد مشاركاتهم حلوه
حسين اذا تبي تصير خبير في التلون و لك لمسه ساحره ............... خوذ من وقتك ساعه و حده بس جابل فيها رسمت الاخت الفنانه TM13 و انسى انها اول محاوله لها في الرسم و ركز على الرسمه و اذا فيك فن صدقني راح يتفجر بعدها ................. بس لا تنسى تقول ما شاء الله :D
يا اخت تي ام 13 ما اقول الا (( احساسك خلا الدنيا و شكل الدنيا عندي غير .............. غير))
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .