VaSh ThE sTaMpEdE
11-10-2008, 06:31 AM
السلام عليكم
هما يقولون المنافق له وجهين ؟ النفاق نفسه له أكثر من وجه. عندك المنافق الصريح مع نفسه ، الي يقصد يقول شي بس ما يطبقه ، وهذا غني عن التعريف.و عندك النوع الثاني من المنافق ، الي محد يعرف عنه ، لأنها خدعة الواحدة يطبقها على نفسه بدون قصد ، عبارة عن خدعة نفسية ما ينتبه لها الواحد ، وهي لما ينتقد فعل لما يشوف واحد ثاني يسوييه ، بس ما يلاحظ نفسه لما هو يسويه.
أيام زمان واحد قال " هناك أربعة أصناف من الناس :
- من يعلم و يعلم أنه يعلم
- من يعلم ولا يعلم أنه يعلم
- من لا يعلم ويعلم أنه لا يعلم
- من لا يعلم ولا يعلم أنه لا يعلم "
آخر صنف ، الي ما يدري ولا يدري أنه ما يدري ، هذا الي مسبب لنا مشكلة في هالدنيا. والمشكلة في كثار من شعبنا زي كذا. يجيك الواحد وينتقد أفعال الناس ، بس هو يسويها كأنه على راسه راسة. والأمثلة كثيرة مرة :
- الي ينتقد الواسطة ، بس يلجأ لها لما يحتاجها
- الي ينتقد قطع الإشارة ، بس يقطعها لما يكون مستعجل
- الي يتهم الناس أن عقولهم متحجرة ، مع إنه عقله أكبر عقل متحجر في العالم
والسلسلة أزلية ما تنتهي
ليش يا حبيبي تنقهر لما تكون ماسك خط اليمين في الإشارة عشان تلف يمين بدون ما تكون الإشارة خضرة ، وتنقهر لما تشوف واحد وقح في النهاية صاف عشانه بيطلع قدام ولا يسار ، بعدين انت تسوي نفس الشي لما تحتاج تاخذ لفة غير اليمين ؟
اذا تبي المجتمع يتغير ، ابدا بنفسك أول ، ثمن قل للباقين يعدلون أخطاءهم. كيف تتوقع الناس يصلحون أغلاطهم اذا انت ما صلحت أغلاطك ؟ ما تتوقع إنه في واحد غيرك مسوي نفس الشي ؟ قاعد ينتقد بس يسوي الفعل الي قاعد ينتقده ؟ دام الدعوة كذا ، أجل مافي ولا غلط بيتصلح من الناس. اذا انت ما تبي أحد يكون عنصري ضد القبيلة الفلانية ، ليه انت عنصري ضد القبيلة العلانية ؟ .... نفاق في نفاق.. حتى لو ما كنت قاصدها.
في أمان الله
هما يقولون المنافق له وجهين ؟ النفاق نفسه له أكثر من وجه. عندك المنافق الصريح مع نفسه ، الي يقصد يقول شي بس ما يطبقه ، وهذا غني عن التعريف.و عندك النوع الثاني من المنافق ، الي محد يعرف عنه ، لأنها خدعة الواحدة يطبقها على نفسه بدون قصد ، عبارة عن خدعة نفسية ما ينتبه لها الواحد ، وهي لما ينتقد فعل لما يشوف واحد ثاني يسوييه ، بس ما يلاحظ نفسه لما هو يسويه.
أيام زمان واحد قال " هناك أربعة أصناف من الناس :
- من يعلم و يعلم أنه يعلم
- من يعلم ولا يعلم أنه يعلم
- من لا يعلم ويعلم أنه لا يعلم
- من لا يعلم ولا يعلم أنه لا يعلم "
آخر صنف ، الي ما يدري ولا يدري أنه ما يدري ، هذا الي مسبب لنا مشكلة في هالدنيا. والمشكلة في كثار من شعبنا زي كذا. يجيك الواحد وينتقد أفعال الناس ، بس هو يسويها كأنه على راسه راسة. والأمثلة كثيرة مرة :
- الي ينتقد الواسطة ، بس يلجأ لها لما يحتاجها
- الي ينتقد قطع الإشارة ، بس يقطعها لما يكون مستعجل
- الي يتهم الناس أن عقولهم متحجرة ، مع إنه عقله أكبر عقل متحجر في العالم
والسلسلة أزلية ما تنتهي
ليش يا حبيبي تنقهر لما تكون ماسك خط اليمين في الإشارة عشان تلف يمين بدون ما تكون الإشارة خضرة ، وتنقهر لما تشوف واحد وقح في النهاية صاف عشانه بيطلع قدام ولا يسار ، بعدين انت تسوي نفس الشي لما تحتاج تاخذ لفة غير اليمين ؟
اذا تبي المجتمع يتغير ، ابدا بنفسك أول ، ثمن قل للباقين يعدلون أخطاءهم. كيف تتوقع الناس يصلحون أغلاطهم اذا انت ما صلحت أغلاطك ؟ ما تتوقع إنه في واحد غيرك مسوي نفس الشي ؟ قاعد ينتقد بس يسوي الفعل الي قاعد ينتقده ؟ دام الدعوة كذا ، أجل مافي ولا غلط بيتصلح من الناس. اذا انت ما تبي أحد يكون عنصري ضد القبيلة الفلانية ، ليه انت عنصري ضد القبيلة العلانية ؟ .... نفاق في نفاق.. حتى لو ما كنت قاصدها.
في أمان الله