مافعلته فرنسا بـ 200 عام ستفعله السعوديه في سنتين

[hod hod]

السلام عليكم









مافعلته فرنسا بـ 200 عام ستفعله السعوديه في سنتين


للي يتسأل عن العنوان هذا عباره عن خبر قريته من اربع او خمس سنوات بأحد الجرايد ومخطوط بالخط العريض بتصريح جريء وقوي اول مابدأ التحفر وانتشار الاسطوانات السوداء الكبيره (تبع المجاري وانتم بكرامه ) على الرصيف الي صارت تزيين الرصيف بدل النخل المصوفر




أي عاقل في الرياض اليوم سيفكر بشيء واحد الا وهو روعه تصريف المياه في السعوديه
فمع النظام الكلاسيكي (شفط المياه) من القرن 16 طبعا احنا ناس نقدر الكلاسيكية وقديمك نديمك والي ماله اول ماله اخر !
ففي نظام جديد هالسنه
واخيراً عرفت فائده الحفريات الي مغطيه كل شوارع الرياض
هذي ياحبائي مافعلته فرنسا بمئتي عام فعلته السعوديه في سنتين
هذا احدث نظام تصريف للمياه
فمع المطر الغزير الي سبب فيضان غطى الرصيف وراح للجهه الثانيه وعود ورجع للجهه الأولى بتراطم انسيابي رائع كالأمواج
تخيلوا بس عدم وجود هذه الحفريات الي استقبلت مياء المطر بكل حب وموده لتخفف كثافة المياه كان غرقنا !
كان المويه غطت المملكه وصار توسانامي من نوع جديد !
ولكن فعلا فعلا مافعلته فرنسا في 200 عام فعلته السعوديه في سنتين
صحيح ان نظام الحفريات هذا له عيوبه
مثل ماانتم عارفين الزين مايكمل (لاتدققون عاد ! ) فيمكن اثناء طريق عودتكم من الدوام لقيتوا سيارات طايحه ومنقلبه رأساً على عقب في واحد من هالحفر


لكن للأسف هذه الحفريات لم تنقذ السياره المتواضعه (نقل خاص) الي ارجع فيها انا ومرت اخوي
شوي شميت ريحه شيء يحترق والسواق مستمر يمشي
الكبوت طلع دخان والسواق مستمر يمشي
السياره جتها حاله هستيريه من الرجفان والسواق استمر يمشي
بعدها قررت اعمل حركه انتحاريه وانزل وياروح مابعدك روح
مااعرف هل انا صاحية فعلا يوم مانزلت بالشارع ؟
مع الزحمه والمويه الي توصل لركبتي وحالتي حاله وانا احاول اوصل للرصيف


للاسف ماتوقعت احد بيعرض علي المساعده
ولا احد بيغض النظر مثلا
شفت الي هو متوقع
تصوير كل واحد مطلع راسه من الشباك والي يصفر والي ياخذ لي كم صوره
حسيت نفسي عارضه ازياء ولا غنمة منحاشه
أول مارجعت للبيت رميت عباتي وشنطتي وفتحت يوتيوب ادور على فضيحتي!
نعم فضيحه المجتمع يعتبر بنت تمشي بالشارع فضيحه !
مثل ماعتبر بنت تمشي بكليه او جامعه فضيحه !
مثل ماعتبر بنت ترقص بزواج فضيحه !
والمضحك بالموضوع ان مع هالحثاله كان في جندي (والنعم بحماة الوطن) اعطاني كم تصفيره وكم تصفيقه وياهوه ومشى !
ترى الموضوع والي فيه بنت مشت من الشارع للرصيف ولا هو الرصيف حكر على الهنود مثلا !


الله يكملهم بعقولهم بس!

[urca]

أول مارجعت للبيت رميت عباتي وشنطتي وفتحت يوتيوب ادور على فضيحتي!
نعم فضيحه المجتمع يعتبر بنت تمشي بالشارع فضيحه !
مثل ماعتبر بنت تمشي بكليه او جامعه فضيحه !
مثل ماقلتي الله يكملهم بعقولهم بس.ههههههههه والله شبابنا شباب عجيب(لا اعمم)
اجل فضيحه..لول.


ترى الموضوع والي فيه بنت مشت من الشارع للرصيف ولا هو الرصيف حكر على الهنود مثلا !

هع لا .بتروحين تحررين فلسطين من هالرصيف :09:<==مالها داعي بس وش نقول
عموماً @@.انا بصراحة ماحبيت اعلق الا على هالجمل المقتبسه لأنه بصراحة تمثل عجب العجاب بشبابنا ال(فاضي)
وشكراً عالموضوع ^_^..

[alamid]

مرحبًا هُدهُد ،
"تبكينَ" على الرياض ؟!،فهلَّا رأيتي "الحال" في جِدَّة ؟.

أكثَر ما تخشاه وأنتَ في جدَّة أن "تهطُل" الأمطار ،لِأنَّ الأمطار إن هطَلتْ مِنَ السماء ستختلط حتمًا بِمياه "الصرف" الجارية على الأرض ،أو حتَّى تِلكَ التي تصعدُ مِنْ جوفِ الأرض لِإستقبال "الأمطار" ومُعانقتها ،فحينما تسيرُ على قدميك بعدَ نزول الأمطار والمياه تُغطِّي الأرض ،تتسآءل ما نِسبة مياه "الصرف" في هذه البقعة ؟،والغالِبْ أنَّ المياه التي "تسير" عليها مُعظمها مياه "صرف" ،فيلزمُك أن تغتسِل حينما تمشي على تِلك المياه ،في مدينةٍ لا يوجدُ بِها نِظام صرف صحي ،وباتت "المياه الجوفية" فيها عِبارة عن مياه "صرف" ،فتأمَّلي .
ومنْ رأى مُصيبَة غيرِه ،هانتْ عليهِ مُصيبتُه أُختي هُدهُد ،فاحمدي الله !.

بِخصوص "موقِفك" المُغامِر ،فربُما مِنَ الأفضل في المرَّات القادِمة أن تأخذي معكِ قارِبًا "مطاطيًا" ،حتَّى يتسنَّى لكِ عبور "الأنهار" بِأمان :smile2:.
ولا تعليقَ على ما هُو "مُتوقَّع" .

شُكرًا .

[AL ADMIRAL]

وعليكم السلام ورحمة الله

أولا عنوان الموضع حمسني الصراحه

في البدايه أحب أن أأكد أن أغلب هذي الأمور و التقنيات
موجوده في الهيئة الملكية (في مدينة الجبيل الصناعيه وينبع )

فهذه المدنتين مصممه بأحسن الطرق في الملكه و تقنيات أخرى
كـ الأشارت (( من زماااان وأشارات الجبيل تفتح أتوماتيكيا لمن أتى قبل الآخر ))
و مع بدايه ضهور تقنية الويرلس كان كورنيش الجبيل بالكامل مغطى أنترنت مجاني (متى سارت هذي في الرياض )
وأما تصريف المياه فهي مصممه بحيث لايوجد أرتفاع ملي واحد من المياه في الشوارع (( مثل الكباري))
وهذا الكلام من زمااان وليس حديثا
ولاكن من يعلم !

شكرا على الموضوع
وأحزنني وضع شباب الأمه بما رويته من أحداث

[El.Mariachi]

دام ال سعووود حفظهم الله فالسعوووديه الى اماااااااااااااااااااااااااااااااااام وهذي مو غريب على السعودية فهي السباقة في النمو ولازدهار ولو انه في اهمال في بعض المناطق لكن شي ايجابي يغطي جميع السلبيات تحياااااااتي

[Scorpion KING-911]

السلام عليكم .

عندنا و عندكم و عند جميع مناطق ممكلتنا الحبيبة خير من ها الناحية .

إذا نزلت الأمطار بشوية غزارة ما يفسد فرحتها إلى المستقعات و البحيرات اللي تصير و مثل ما ذكرتي الرصيف
يتغطى و نمشي بالسيارات كأننا مغمضين عيوننا . أو بالأصح كأننا نسبح في بحر .

طبعاً سمعت عن وجود شركة فرنسية هي اللي راح تحل الوضع في الرياض و جدة و هالكلام له أكثر من نصف
عقد من الزمان , طبعاً ولا شفنا شي غير الحفريات اللي مالها أول من تالي .

طبعاً هذا ما يخص العاصمةو الميناء التجاري الأكبر ..و صار فيها كل هذا اللغط و الخربطة .
فما بالك بباقي المدن و المناطق اللي تعتبر للأسف الشديد مناطق نائية و نعاني من الحفريات مدة و يتبعها
شوراع بطناجية من الدرجة الأولى تبغثر الكبد و تقصر العمر الإفتراضي للسيارة .

أما بالنسبة لنقطتك الأخيرة يوم نزلتي من السيارة فما أقول إلا لا تعليق

[hod hod]

السلام عليكم
حياكم الله يالطيبن :)

urca
ماقدر اقول الا لله في خلقه شؤون ! :D
وين شباب فاضي اخوي اقول لك منهم واحد لابس عسكري ! :D
عموما الله يهديهم متعودين على هالحركات :blackeye:
حياك الله اخوي :)


alamid
والله شفت الحال في جده بدون امطار !
فكنت اتسائل عن الوضع بدون امطار !
للاسف روائح تعطر المدينه
حتى الكورنيش ماسلم !
يوم مارحت لجده نشبت لاهلي ابي الكورنيش قالوا ماننصحك ماصدقت رحت هناك ساعه ورجعت واخذت لي حبتين اكسترا بندول !
عموما حتى الرياض الحبيبه مناطق جنوب الرياض كلها تعاني من فيضان المجاري بأمطار او بدون !
لاقارب مطاطي ولا بطيخ :D
بقعد بالسياره لو تحترق لو اغرق لو ايش ماعاد اطلع :D
حياك الله اخوي :)


AL ADMIRAL

ومين يسكن في الجبيل وينبع !
هالمناطق مش سكنيه رحت لينبع بغيت اموت الاجواء كئيبة بزياده !
عموما هي مدن صناعيه وتحت يد الهيئة الملكيه فلها اهتمام خاص
بس مثل ماقلت مصصمه بشكل ممتاز ولكن وباقي مناطق المملكه ماش
الرياض العاصمه واجهت المملكه !
ولا اذا جا وفد راحوا فروا فيهم بحيي السفارات وقالوا هذي الرياض ؟ :D
حياك الله اخوي :)

El.Mariachi
كح كح الله يحافظهم :D
حياك الله اخوي :)

Scorpion KING-911
انت كاتب بمكان الاقامه طيبه الطيبه
يعني المدينه
فما اقول الا الله يعينكم !
الله يعين اهل الحجاز عموما !
المدينه كسرت الرقم القياسي بأعفن شوارع بالمملكه !
اختي بالمدينه كانت حامل اعتزلت الطلعه بسبب المطبات والحفر المرعبه الي تهدد خطر حقيقي على الحمل !
مع شوارع المدينه خاصه والمملكه عامه ماينفع تكشخ لك بسياره رقيقه
هنا مايمشي الا وانيت ولا جيب واذا عندك شاحنه بيكون احسن واحسن :D
حياك الله اخوي :)

[L A H B]

موضوعك حمسني الى درجة غير طبيعية
وشكرا لك على موضوعك الجميل

[urca]

ماقدر اقول الا لله في خلقه شؤون ! :D
وين شباب فاضي اخوي اقول لك منهم واحد لابس عسكري ! :D
عموما الله يهديهم متعودين على هالحركات :blackeye:
حياك الله اخوي :)

مو هذا الي بالاحمر هو الي زاد الطين بله:D
لابس عسكري المفروض يكون عقل عن هالحركات :D
وش نقول بس ><

[Blue Ocean]

عشت بسياتل سنتين ولاعمري شفت حفرية واحدة ومع ان الجو اغلب السنة امطار لكن الشوارع نظيفة وحركة المرور سلسة وتصريف المياه يتم بدون الواحد اصلا مايلاحظ ...... سؤال ابي اطرحه بما ان التقنية موجودة عند غيرنا اصلا واحنا الحمدلله الفلوس موجودة والميزانية فائضة من سنين, ليه ماتم تطبيقها بشكل فعلي الى الان؟ لااحد يقولي انهم قاعدين يشتغلون عليها ,, لان الشارع ينحفر اكثر من مرة وكل مرة جهة معينة تحفر عشان شغلها من اتصالات لمصلحة المياه للكهرباء ... الخ واخرتها يتركون الاسفلت كما هو او يرقعونه اي كلام ويييييييييييين التنسيق والتنظيم بين الجهات المسؤولة والا كل واحد على راسه ؟؟!!




للاسف ماتوقعت احد بيعرض علي المساعده
ولا احد بيغض النظر مثلا
شفت الي هو متوقع
تصوير كل واحد مطلع راسه من الشباك والي يصفر والي ياخذ لي كم صوره
حسيت نفسي عارضه ازياء ولا غنمة منحاشه
أول مارجعت للبيت رميت عباتي وشنطتي وفتحت يوتيوب ادور على فضيحتي!
نعم فضيحه المجتمع يعتبر بنت تمشي بالشارع فضيحه !
مثل ماعتبر بنت تمشي بكليه او جامعه فضيحه !
مثل ماعتبر بنت ترقص بزواج فضيحه !
والمضحك بالموضوع ان مع هالحثاله كان في جندي (والنعم بحماة الوطن) اعطاني كم تصفيره وكم تصفيقه وياهوه ومشى !
ترى الموضوع والي فيه بنت مشت من الشارع للرصيف ولا هو الرصيف حكر على الهنود مثلا !


المشكلة ان هذا حال اغلب الشباب واذا تكلمنا فيهم بمناسبة والا قدام احد قال: انت ماعندك وطنية هذول اولاد بلدك ..... ايه نعم اولاد بلدي لكن الحق يقال ولو كان محزن ,,, انا لااقول كلهم لكن اقول فئة كبيرة منهم شوهت صورتنا وشوهت صورة شئ اسمه اسلام ومسلمين
واتوقع ان افلام اليوتيوب كافية ووافية لعرض هذا الواقع المحزن (بما إنك جبتي طاري اليوتيوب :) )


واشكرك اختي هدهد على طرح هالموضوع مع انني اكتب حاليا والنعاس يكاد يغلبني لكن موضوعك اثار في نفسي حرة قلت خلني افش ولو القليل منها ... ودمتم بخير :)

[ابتسامــــــه]

عليييكم السلاااام

هلا هدهد
مطول الغيبات :D

بصراحه للحين مو مستوعبه شو تقصدين بـ الحفريات إلي تكلمتي عنها

بس سؤال .. ليش حاطين دوبكم من دوووب فرنسا ؟؟! :D
يعني الله يعلم هم من أي قرن مسوين المجاري و هذاك الوقت لا آلات و لا تقنيات حديثة
الشغل كله على الأيدي العامله أكيد بتااخذ وقت كبييير

بس المشكله إن فكرنا بالمجاري و الصرف الصحي بـ عااام 2004 أو 2003 :D


و بخصوص الفئة الضاله من الشباب
كأنه بحياااتهم ما شافوا بنت ! :boggled: .. لا أم ولا أخت و لا خاله ولا عمه !!!!!

الله يهديهم و يصلحهم

[جبال السراة]

سؤال ابي اطرحه بما ان التقنية موجودة عند غيرنا اصلا واحنا الحمدلله الفلوس موجودة والميزانية فائضة من سنين, ليه ماتم تطبيقها بشكل فعلي الى الان؟

شكلك ما سمعت بشئ اسمه الفساد الاداري والمالي :)

مشاريع التنفيذ تروح لشركات اي كلام ,, ودائما اول شركة تاخذ المشروع بـ مليون مثلا تعطيه لشركة ثانيه تاخذ المشروع بـ 800 الف ,, وتقوم الشركه الثالثه تعطي المشروع للرابعه بـ 600 الف , وفي النهايه يروح المشروع لشركه تنفذه بـ 100 الف وهو اصلا ميزانيته مليون , فهل تتوقع بيكون تنفيذ جيد؟

[dream catcher]

عادك انتي والشكاوي
:D

بالنسبة لموضوع الحفريات, الحكاية عندنا احفر لك كم حفرة "وربك سامع الدعاء"
اما بخصوص موضوع شعب التصوير و "الفضايح", اذكر مرة كنت في مول من مولات القاهرة ايام الدراسة كانت في عائلة سعودية, اب وام وبنتين وكم ولد..البنات لابسين عباياتهم وكل شي بس من غير غطاء للوجه وداخلين على السينما مع اهلهم, وكان في كم شاب من شعب "الفضايح" شغالين تصوير في العائلة الغافلة بعد كم يوم واحد من اصحابي من الناس المدمنين على اليوتيوب وراني مقطع ويقولي مانت فاكر اليوم هذا ؟

مكتوب في العنوان "فضيحة عائلة سعودية بالخارج" !
وجايبين العائلة وهي داخلة على السينما, بداية..كان عندي انواع العجب والاستغراب, معقول في بشر زي كدا ؟
بعد فترة اكتشفت انو في شباب من عندنا اذا راحو على المولات ولا اي مكان عام ما ياذو الا البنت اللي لابسة عباية..على اساس انها بنت "بلدنا" وفيها "ريحة الحبايب" على قولتهم يعني," منتهى الوطنية" !

كبري دماغك يا ستي
=)

[koyoko]

مرحبا هدهد
والله زمان عن مواضيعك
انا الي غايبة ...~~
شلونك
اه هذي المقالة من ورى اخر مطرة
ايه تعالي للاردن وشوفي الميمعة
الشوارع لدينا تتحول الى مسبح عمومي
الكل يسبح به مجانا
والاجمل من هيك ان المدينة كلها على قمم جبلية مبينة اذا نزلت الجبل تسي حالك على زحليقة عملاقة في مدينة الملاهي
بعدين مقاس المسبح اكبر مقياس خاص للعمالقة !!!!!!!!!!!!
..عشان يسبحوا وهمي مستانسين


..الوضع عندكم بالف خير

يا شيخة احمدي ربك XD
بالشكر تدوم النعم

[hod hod]

السلام عليكم

اللهب66
العفو اخوي وحياك الله :)

urca
يابني ماهو حاميها حراميها :D

Blue Ocean
الجواب مثل ماقاله بالضبط الأخ جبال السراة
تعرف المستشفيات خياس عندنا ليه ؟
يعطون مسؤول مبلغ ويالله شغل مستشفى
طبعا نصف المبلغ بيطير بيجيبه هو والي معه
ويشغل مستشفى بنصف المبلغ
فتشوف اطباء زفت معدات زفت والخ
فنفس الكلام على كل شيء عندنا:cray:
اول طريقه لعلاج مشكله هي الاعتراف فيها
وهنا عندنا رفض تام للأعتراف بالمشاكل الحقيقه هيه صحصحوا ترى راحت ايام ماكان الشاب السعودي رمز للشاب الأسلامي والكلام نفسه على البنت
الله يصلح الحال ويهدينا اجمعين :)
العفو اخوي وحياك الله يالطيب :)

ابتسامــــــه
اهلن اهلن :D
مايجيب غنايم :p
انتوا جيبوا لي هديه كنت تاركه كل المنتديات خخخ :p
هذي الحفريات :D
http://www.alriyadh.com/2007/08/30/img/308197.jpg
انا ادري عن الي صرح الله يهديه ! :D
مجاري فرنسا كانت عنصر فعال في الحرب العالميه تخبوا فيها جنود وناس واحنا نبي نبني زيها وبسنتين بس ياعيني :D

والله انك صادقه ايش نقول غير الله يهديهم :o
حياك الله اختي :)

جبال السراة
مشكور على الاضافه اخوي وطبعا دام مافي رقابة عليهم فما راح نتوقع الا الاسوء :(
حياك الله اخوي :)


dream catcher

خلوني اتشكى شوي ايش فايدتكم هاه ؟ :D
يكفيك اهلي اخذوا السالفه مسخره وضحكوا علي :blackeye:
وبالنسبه للي قلت عنها يمكن تقول هذي بنت طلعت وحاطه ببالها احتمال انها تتصور
حتى عندنا بالجامعه مجتمع كله بنات والوحده ماتأمن لنفسها
لا من بنات ولا من شباب
تصدق ان تصوير البنات وبيع صورهم يعتبر تجاره خخخخ !
عارف ليش الناس يشوفوا هالشيء فضيحة ؟
لانهم لسى مافرقوا بين المفضوحة والي فاضحة حالها
مافرقوا بين البريئة و غيرها
لسى مامتقبلين فكرت
طيب صورة بنت سو وت ؟ ايش الاكشن بصوره بنت قاعده ولا بنت تمشي .. الخ

حاليا دماغي اصغر منه مافيش :D
حياك الله اخوي :)


koyoko
اهلين خيتو :D
واللهي كنت قاطعه عن كل المنتديات :(

الله مسبح ملاهي :D
<<<فاهمه غلط
يابنتي هو اغلب الدول العربية مثلنا :(
بس يزنينون كم شارع علشان يطلعونهم بالتلفزيون ههههه :D
المشكله عندكم زياده
ان حسب الي اعرفه ان طبيعه الارض بالاردن ارتفاعات وانخافضات زي مكه

الف الحمدلله والشكر على كل حال بس هذي مجرد فضفضه :D

:(<<<تحب التشكي

حياك الله اختي :)

[فارس المجد]

مو بس هذا الشيء اللي عملته السعودية, في أشياء أخرى في السعودية صارت بسرعة عجيبة,, طبعاً لأنها مو اختراعات تتطور ببطء, بس يعني فعلاً أحترم دولة بهذه الحضارة ...


متى سارت هذي في الرياض
لا أعرف متى صارت هذي بالضبط لكن من زمان صار في شارع التحلية إنترنت مجاني دائماً, وهو شارع طويل

وأنا بصراحة ما احتجت النت إلا لقيته في الرياض, كل ما أعمل scan يطلعلي عدد كبير من الشبكات , أشبك على أي وحدة وخلاص ;)

[AL ADMIRAL]

أهلا بالفارس

لا أعرف متى صارت هذي بالضبط لكن من زمان صار في شارع التحلية إنترنت مجاني دائماً, وهو شارع طويل
أيوا صح ^_^ , وكان أسمو الشارع الذكي

أما عن التطور فهو موجود ماشاء الله
والرياض حاليا فيها WiMax ^_^ أتوقع الأجهزه (فوق الكوره الي بـ برج الفيصليه)

[Mr.alOne]

تبكون على الرياض وجدة..ماذا لو رأيتم الدمام!

[LongJohnSilver]

بسم الله الرحمن الرحيم
الأخت هدهد /

قرأت موضوعكِ - الذي أدهشني عنوانه - ولم يخطر ببالي قط أنكِ تتحدثين عن الحفريات.

حقيقة أن الأمر استغرق الكثير من الوقت ، حتى أنني - صدقاً - بدأت أنسى شكل المدينة دون حفريات!
المشكلة هي أن الحفريات هذه لم تعد في الشوارع حصراً ، بل أصبحت حتى داخل الشوارع الصغيرة والأزقة.
والأسوأ من ذلك: تغيير مسارات الشوارع....!
الشوارع المحيطة بمنطقتي - حين كانت الحياة جميلة - كانت مثل كل الشوارع: ذات اتجاهين.
الآن؟ تم (تعديلها) لتصبح باتجاه واحد ، ليشتد الزحام فوق المعتاد ، وليصعب الوصول إلى وجهتك!

فوق ذلك كله ، مدينة الرياض هي في ازدياد مستمر في السكان - من أكثر من جنسية - وبالتالي: ازدياد في زحام الناس وفي زحام السيارات.
كثير من أعمال ال(إصلاحات) - إن لم يكن كلها - تتضمن فقط زيادة مساحة الأرصفة ، وبالتالي: تضييق الشوارع.
لا يظنن أحدكم / لا تظنن إحداكن أنني أبالغ في كلامي ، هذه حقيقة 100%..
ولست أدري لم يفعلون ذلك!
وإذا اعترض واحد من عامة الناس على ذلك ، يكون الرد شيئاً على غرار: "وهذا العامة ما الذي يجعله (يفهم) في هذه الأمور؟" أو "وش دخل أبوك بهالموضوع؟ هذا مو شغلك!"

أزيدك من الشعر بيتاً ، الحفريات لم تعد حصراً على الرياض كما كانت منذ عامين أو ثلاثة. اذهبي إلى جدة على سبيل المثال ، وستجدين حفريات على طول المدينة: من أقصاها إلى أقصاها.

فيما يخص فقرتك الأخرى ، لا أقدر سوى أن أقول: لا حول ولا قوة إلا بالله.
ليس على حال الشباب ، بل على حالك أنتِ. أستطيع أن أتخيل ما حصل لكِ ، وأكتفي بقول: ماذا كنتِ تتوقعين؟

[ابتسامــــــه]

ابتسامــــــه

هذي الحفريات :D
http://www.alriyadh.com/2007/08/30/img/308197.jpg


اهاااااااااا
ما تدرين يمكن قاعد يدورون على آثار :أفكر: >>> :D

أذكر بـ نصف شهر رمضااان عملوا صيانه كبيره على دوار يعتبر رئيسي بـ مدينتي
المهم الكل قاال إن الشركه غلطت لما أختاارت هاليوم لصياانه وووو لانه رح يصادف العيد و قبل العيد زحمه الناس تشتري و بعد العيد إجازه ووو

المهم قبل العيد تقريبا بـ 3 أيام الدوار انفتح والحركه صااارت طبيعيه فيه :)

بخصوص شارع التحليه شفت تقرير كاامل عنه على قناة السعوديه
تمنيت يصير نفس الشي عندنا
و حتى منطقة الجبيل بالسعوديه يقدرون يتصلون عن طريق الواير لس :)


موفقين
:)

[moneeeb]

الشوارع المحيطة بمنطقتي - حين كانت الحياة جميلة - كانت مثل كل الشوارع: ذات اتجاهين.
الآن؟ تم (تعديلها) لتصبح باتجاه واحد ، ليشتد الزحام فوق المعتاد ، وليصعب الوصول إلى وجهتك!



عندى احساس قوي انك تتكلم عن شارع حراء :D


المهم...

صراحة منى عارف اذا انتى قاعدة تمدحى ام تولولى :09:

فين فرنسا و فين السعودية , هناك الدولة يتم محاسبتها, عندنا الدولة تحاسبنا :biggthump


و صراحة الواحد تعود على الشوارع و حفظنا الحفر و المطبات, لا يقعدو يخربطونا, انا كل سنة ارجع لازم اسوى رى فورمات

و اما بخصوص المعاكسة لو كنتى فى دار كفار و يهود و مشعوذين ما كان احد تكلم و لا طل , لكن ايش نقول الانحارف الفكرى و دواهيه,و بعدها يقولو ان المستور اشرف من الظاهر , طيب كيف تداوى السوس غير اذا ظهر :33:

فى امان الله

[اٍحساس حقيقي]

أهلا بالاخت هدهوده ^^

من زمان عن مواضيعج الخنفشاريه ^^

بقولج شيء ..

دول اوروبا على الاغلب .. تكون ممطرة وفي احيان اخرى تصير غزيرة .
لكن هل شفنا سيول ! او شوارع مغطية بالمياه ! او ناس تتمشى بالشوارع والمياه وصلت عند صدورهم !!

لا !

بينما في دول الخليج .. أشكال وانواع !!

مرة شفت عامل ماسك خرطوم كبير عشان يسحب المويه اللي من الشوارع وينقلها
للصهريج .. خلال النقل .. ما عرف كيف يتحلم بالخرطوم .. طارت الخرطوم وطار هو معاها ! هع

وبس

اليوم جانا مطر ^^ والحمدالله

[كاسبرينو]

هذا في الرياض

لكن انظر في المدينة وجدة وبريدة

[Fire Cat]

بأي شارع! بأي شارع! ابي اصور

[M!$s No0oNe]

مراحب اخت هدهد
وانا أقراء الموضوع التعليق الوحيد الي جا في بالي عبر عنه الاخ alamid بكلمتين

،
"تبكينَ" على الرياض ؟!،فهلَّا رأيتي "الحال" في جِدَّة ؟.


وعلى الفيضانات في الشوارع واختلاط موية المطر بالمجاري ماحتكلم على مشاكل التصريف وغير لان كلكم عارفين الاوضاع لكن الغريب ان في اولاد يقعدوا يلعبوا في المويه الموسخة ومبسوطين تحت المطره المشكله بعضهم من صغرهم الموية تجي لنصهم وين اهلهم دول مايخافوا يمرضوا او يخذوا برد غير ان قرف ..:02:

ولا الحفريات والمطبات عاملتلي ازمة المطبات على قولت ماما "ذبحتني المطبات" ترج الواحد رج بذات اذا اكثر من وحدة ورى بعض ولا الحفريات اتاخرت على اختباري يوم الخميس بسبب الحفريات الي حولين بيتنا

وعن المعاكسه فكرتيني بيوم ما قررت انا واختي ننزل ع المكتبة في بداية الترم وكان بابا تو راجع من العمل وتعبان فنام فقلنا خلاص نروح مشي لانها باخر الشارع وكان الوقت عصر وحنا بنص الطريق حتى مابعدنا عن البيت لسه جات سيارة وطلع الولد راسه وصفر وبعدين صرخ يعني مدري وش الغباء حقهم وش له داعي التصفير والصريخ وسيارة بعدها رمت كلمه بس مافهمناها <من البراءة الزايدة< وطبعا كانت دي اخر مره نروح للمكتبه ع رجولنا