شريت 5 العاب اليوم وانطباعي عنها

[sackboy]

السلام عليكم ورحمة الله وبركاته..


كيف حالكم اخواني ..


اليوم وبعد طول انتظار رحت لمحل العاب الvideo game وشريت من عنده كم لعبه .. وحبيت انشارك بعض بانطباعاتنا عن هالالعاب اللي بذكرها بالموضوع..


طبعا بقولكم القصه من البدايه<<سهران وماعنده شغل..

امس بعد صلاة العصر قررت اني اشتريلي كم لعبه لاني من زمااااان ماشريت العاب..

ركبت سيارتي وتوجهت صوب محل بشارع الصر (قطر)اسمه دريم ستيشن..<<تراني عميله خخخ


واخذت منه كم لعبه بذكرهم لكم مع الانطباع ...

1- METAL GEAR SOLID 4

انطباعي: لعبه رائعه بتصميم رائع وقرافيكس اروع.. باين عليها لعبه صعبه نوعا ما خصوصا ان هذا الجزء هو الجزء الاول اللي العبه عليها من السلسله فمحتاج الى وقت ومعلومات عن اللعبه..
بس باين عليها روعه..بالنسبه للاون لاين ماجربته ولا اعرف كيف طريقته..

2- Eternal Sonata

انطباعي: لعبه راااائعه بكل ما تعنيه الكلمه .. قرافكس روعه وقصه اروع...طريقه الار بي جي فيه جميله جدا ... كنت متخوف من شرائها بس بعد تجربتي للديمو وقرائه المواضيع قررت شرائها..عيب اللعبه انها لاتدعم الاون لاين..

3 -MADAGASCAR : ESCAPE 2 AFRICA

انطباعي : اللعبه ذات قرافكس عالي.. تنفع للاطفال احسها اكثر من الكبار..ممكن انك تغير بها روتين اللعب الجاد وتروح لها كتغيير..وطبعا لاتدعم خاصية الاون لاين


4 - Silent Hill :homecoming

انطباعي: اللعبه قمه بالروعه .. الا انها تفتقر لبعض الشغلات.. عندك القرافكس فيها ماكان موجود .. كثرة الوحوش بشكل لايطاق مما يخليك تخاف على طاقتك اكثر من خوفك من اجواء اللعبه ..المسيقه رديئه..القصه موب بالمستوى المطلوب.. ولكن بالرغم من هذا كله يبقى عامل الرعب حاضر بقوه بالاضافه الى عامل التشويق..وتبقى Silent Hill :homecoming لعبه رائعه بنظري بالرقم مما ذكرت سالفا..من ناحية الاون لاين فهي غير داعمه له

PES 2009:

انطباعي:الصراحه لعبت ديمو الPES 2009 وديمو الFIFA2009 وللامانه الفيفه كانت الافضل من ناحية القرافكس واللعب الواقعي من وجهة نظري .. ولاكن تبقى الPES 2009 هي الافضل من ناحية طريقة اللعب..والصراحه اللي خلاني اشتريها هي طور الاحتراف فلو لا وجود هذا الطور ماكنت فكرت في ال PES 2009 من الاساس..وبالنسبه للاون لاين صراحه لحد الحين ماجربته..



هذي ارائي وانطباعاتي عن الالعاب اللي اخذتهم..وفي انتظار ارائكم وانطباعاتكم عنهم..طبعا اللي جرب اي لعبه منهم يقول رايه وماتمنى ان حد يقول سمعت عن اللعبه كذا وكذا فحنا نتكلم من واقع التجربه وبس..


محدثكم من قناة بيتنا..

sackboy باشا..

[lost feel]

اول شيئ مبروك الاشرطة الجديده ... و انا جربت منهم بيس و ميتال جير

1- METAL GEAR SOLID 4 طبعا العبه معروفه انها من اجمل الالعاب لكن للاسف ما جربت الاونلاين :(


2- Eternal Sonata بصراحه ما اعرف عنها لكن سويتلها دعايه حلوة ..ان شاء الله اجرب ديمو

3 - MADAGASCAR : ESCAPE 2 AFRICA حلو التغير و هذي النوعيه من الالعاب تونس

4 - Silent Hill :homecoming ما جربتها بس اتفق معاك في نقطة بكثرة الاعداء او الوحوش في العاب الشوتينج بشكل يخليك تمل من العبه

PES 2009 عاد انا احب الالعاب الرياضيه عندي بيس و فيفا ...انا شريت بيس علشان اجرب هذا الطور و على فكرة ترى موجود بفيفا و هم حلووو بس الي خلاني اشتري بيس بعد احب الماستر ليج مالهم مع انه ما اتوقع في اختلاف عن 2008 ... بس نصيحه مني اذا تحب الكورة اشتر فيفا ماراح تندم و خصوصا الاونلاين شيئ ثاني 24 انا عليه

_____

اذا رحت السوق مره ثانيه اشتر هذي العبه اذا مو عندك حلللوة و خصوصا الاونلاين bad company :biggthump
و الله انا بعد يبيلي روحت سوق في بالي اكثر من لعبه ودي اشتريها :biggrin2:

[the fantasy man]

توك تشتري metal gear???!!!
عالعموم تلقا بالPSN برناكمج يتكلم عن كل شي بعالم ميتل قير نزله اذا حاب تفهم القصه و الاون لاين مخربه konami ID و هالسوالف البطاليه.لعبت الثالث؟

eternal sonata انا ما جربت الديمو بس يمكن اجربه

[sackboy]

اول شيئ مبروك الاشرطة الجديده ... و انا جربت منهم بيس و ميتال جير



1- METAL GEAR SOLID 4 طبعا العبه معروفه انها من اجمل الالعاب لكن للاسف ما جربت الاونلاين :(



2- Eternal Sonata بصراحه ما اعرف عنها لكن سويتلها دعايه حلوة ..ان شاء الله اجرب ديمو


3 - MADAGASCAR : ESCAPE 2 AFRICA حلو التغير و هذي النوعيه من الالعاب تونس


4 - Silent Hill :homecoming ما جربتها بس اتفق معاك في نقطة بكثرة الاعداء او الوحوش في العاب الشوتينج بشكل يخليك تمل من العبه


PES 2009 عاد انا احب الالعاب الرياضيه عندي بيس و فيفا ...انا شريت بيس علشان اجرب هذا الطور و على فكرة ترى موجود بفيفا و هم حلووو بس الي خلاني اشتري بيس بعد احب الماستر ليج مالهم مع انه ما اتوقع في اختلاف عن 2008 ... بس نصيحه مني اذا تحب الكورة اشتر فيفا ماراح تندم و خصوصا الاونلاين شيئ ثاني 24 انا عليه


_____


اذا رحت السوق مره ثانيه اشتر هذي العبه اذا مو عندك حلللوة و خصوصا الاونلاين bad company :biggthump
و الله انا بعد يبيلي روحت سوق في بالي اكثر من لعبه ودي اشتريها :biggrin2:



الله يبارك فيك يالغالي...

بالفعل كلامك صحيح بالنسبه للالعاب اللي ذكرت ميتل قير لعبه ضخمه ومدقشقر الواحد يحتاجها للتغيير

اما اتنرال سونيتا لااااااااااازم تجربها اذا كنت تحب الاون لاين والديمو مالها مطروح بالسوق الامريكي رقمه 13<<حافظ الرقم خخخخخخ


وترا باد كومباني عندي من زماااان بس مالعب فيها وايد..


تسلم على المرور وطلتك الحلوه ولاتحرمني هالطله..

وياريت تقولي الالعاب اللي في بالك عشان اقلدك خخخخخ

[sackboy]

توك تشتري metal gear???!!!
عالعموم تلقا بالPSN برناكمج يتكلم عن كل شي بعالم ميتل قير نزله اذا حاب تفهم القصه و الاون لاين مخربه konami ID و هالسوالف البطاليه.لعبت الثالث؟

eternal sonata انا ما جربت الديمو بس يمكن اجربه

هلا والله بالدب ..اخبارك..امس اشوفك مواصل على كول اوف ديوتي شكلك مبطي عنها وتودعها حق الجزء الجديد لووول...


تراك زعلتني قلتلي برنامج على البي اس ان يعني بالانقلش وانا تييييس مقرن بالانقلش خخخخ

لحد الحين مالعبت الاون لاين ابي افضاله ياخي الوقت يمر بشكل فضيع مالحق اخلص شغلي والعب شوي الا خلاااااااص جا وقت النوم..
الثالث لا والله هالجزء اللي هو الرابع اول جزء العب فيه من السلسله كلها واحس ان اللعبه حلوه بس صعبه لاني موب عارف طريقة اللعب..

انصحك جرب اتنرال سونيتا صدقني ماتندم اذا تحب الاربي جي قمة الروعه انا الحين ارد واطالع القصه صح اني موب فاهم شي بس مستانس على الرسومات:09:

وتسلم يالغالي على مرورك يالدب <<<<<لازم هالكلمه لكل واحد وياه على البي اس ان :biggthump

[H a S a N]

METAL GEAR SOLID 4
غنيه عن التعريف ... وإن كانت لا ترقى لما يجب أن تكون عليه لعبه بثقل وتاريخ ميتال جير ... لكنها تبقى ممتازه ولا توجد لعبه هذه الأيام بنفس المستوى الراقي ... والأونلاين ... ولا أروع جميل جدا .... ووصل اللاعبين اليوم إلى مليون لاعب ...

Silent Hill :homecoming

اللعب جميل ومسلي ... بالرغم من الجرافيكس التعبان..

تحس كأن اللعبه ما تزال في طور التصميم .. وأحد سربها وباعها في السوق!! ... لأن مو معقوله الأخطاء ورداءه الجرافيكس ...
لا واللي مزعلني أكثر ... إن اللعب جميل جدا ... من أروع ما يكون ... حرام يكون الجرافيك بهالمستوى

وكل السبب إن اللعبه ما تحقق المبيعات اللي تخلي كونامي البخيله تصرف عليها ... بالإضافه إلى تغير فريق التصميم ...

PES 2009

ما أقدر أعطيك رايي ... لأنها لعبتي الأولى والأخيره على السوني ... فشهادتي فيها بتكون مجروحه ...

...

وطبعا لو ما إسمك sackboy ... كان قلت لك إشتري Little Big Planet ...


وسلامتك ..

[الماء القاهر]

بالنسبة ل Metal Gear

طبعا لا تعليق ولعبة ضخمة وخلصت جميع الاجزاء ولكن افشل جزئ شفته بحياتي من ناحية قصر اللعبة للاسف

اما PES

طبعا اسطورة على ايام ال 2 واما حاليا ... اعتقد ان pes بخطر وطبعا الحمدالله ان في شي اسمه Fifa واللي يقول التحكم سئ .. تقدر تظبط التحكم مع الشريط الجديد وتخليه نفس pes

اما Silent hill

فعلا خلصتها والجرافيكس مرة روعة ومرة فااااااشل .. الاعداء كثرو والكومبو وخرابيط انه ماحبها لانها كانه لعبة مغامرات اكشن ... افضل شي اقدر اعطيه اوسكااااااااار عليها وهي الالغاز الثلاثة المحيرة..فعلا يستاهل تصفيق من ناحية الالغاز.. الموسيقى طبعا اسطورية واما الباقي لم يعجبني شي


انه والله شريت socom و far cry 2 و dead space و bad company و fifa 09 و silent hill

[جنغر]

السلام عليكم
انا ما جربت اي من اشرطتك الا ميتل غير واللعبة الصراحة تستاهل ال10 بالراحة




بالنسبة ل Metal Gear

طبعا لا تعليق ولعبة ضخمة وخلصت جميع الاجزاء ولكن افشل جزئ شفته بحياتي من ناحية قصر اللعبة للاسف
silent hill
اللعبة تطول بس الافلام طويلة مرة لدرجة انك تحس ان اللعب قصير

[sack boy 15]

1- METAL GEAR SOLID 4


انطباعي: لعبه رائعه بتصميم رائع وقرافيكس اروع.. باين عليها لعبه صعبه نوعا ما خصوصا ان هذا الجزء هو الجزء الاول اللي العبه عليها من السلسله فمحتاج الى وقت ومعلومات عن اللعبه..
بس باين عليها روعه..بالنسبه للاون لاين ماجربته ولا اعرف كيف طريقته..






مبروك اخوي على العاب بنسبه لي احسنهم ميتل جير


انا اول ما شريته كنت ماعرف شسالفه حتى القصه مكنت عارف شي فيه بس بعد ما لعبته والحين انا في النهايه وفهمت القصه وطريقه العب واذا علقت في مكان او شي فا انا حاضر ع المسن ومشكووور على لانطباعات

[sack girl]

هالألعاب اشتريتها ها الاسبوع مع اني كنت رايحه وهدفي شي واحد بس اللي هو ليتيل بيق بلانيت بس ما لقيتها للأسف الشديد.. :cray:


عاد امس قلت خل اجرب اللعاب واشوفها اول لعبه جربتها هيه METAL GEAR SOLID ، لكن كانت صعبه علي وما قدرت اكملها.. قلت خل أٌقرى عنها أكثر وبعدين ارجع لها..

اما Silent Hill رعب في رعب.. والله اني كنت اللعبها في الليل وكنت ميته خوف حتى مقصره على الصوت ومابا اسمع شي.. فكرة اللعبه روعه تذكرني بالمحقق كونان وهو يتحرى عن قضيه صارت ويحل لغزها.. لكن لو ما كانت مرعبه يمكن كانت تناسبني اكثر.. الأنه الجرافيك كان فضيع..

أما امس وبالصدفه كنت طالعه ولقيت لعبه ليتل بيق بلانيت.. :biggthumpوكانت آخر حبه سبحان الله.. رجعت البيت وانا ميته من الوناسه و الفرحه.. حظي كان حلو هاليوم الانه صار لي اسبوع وانا ادورها..

bad company للحين ما فتحتها بقراطيسها.. :32:

بس باقي لعبه وحده في خاطري للحين وما لقيتها :02:اللي هيه Eternal Sonata



تقبلوا تحياتي..

أختكم/ Sack Girl