الشكوى لغير الله مذله .. ||عندك تجربه مع الدعاء او غافل عن فضله ياليت تشآركنآ ||..

[G Girl]

سلام عليكم ..

أحس جآز لي العام وأدمنته بالحيل وأخذت رآحتي فيه مره :أفكر:

مدري يمكن حاله الادمان ذي تروح عقب مده ..

---------------------------------------------------------------------

سبحان الله .. كثير أتعجب .. وأحقر نفسي وتفكيري السطحي قبل مده ..
كنت ومازلت ..أبحث في الدنيا أبحث عن الكمال المستحيل ..
في نفسي وفي الي حولي .. كنت عايشه باحلام او عاشقه الدنيا ومازلت ..
بس كنت غافله عن شي .. كنت اسمع به بس ماعطيته بالي ..
مثل كل مراهقه طايشه .. الحياه ماخذتها بإستهتار ..
كنت اسمع امي واهلي يتكلمون عن فضله عن اهميته
بس ماحسيت اني في حاجته رغم اني في قمه حاجتي له..
وفي ليله على كثر صحبآتي ومعآرفي وناس كل ماضقت أوسع صدري معها
في هاللحظه كرهتهم .. ما ابي احد حولي ولا ابي نفسي
اصعب واحلى وقت في حياتك لاتقفلت كل ابواب الدنيا بوجهك
كل مالتفت لباب لقيته اسوء من اللي قبله
تدور اي نفس تشكي لها بس هالشخص اللي بتشكي له تحس اقل بكثير انه
تحس لو تجمع الكون كله إستحاله يفهمون الي فيك أو ربعه ..
تقعد في ألمك وضيقتك .. تلف وتدور
تحس مالك قريب ولا اهل ولاناس وانقفل في وجهك كل باب
وعقب تذكر الي عيونه ماتنام ..الي بابه مايتسكر ..
باب الدعاء والرجاء ..
اقل قمه لذه انك تدعي الله والناس نيام ..
تحسه ارحم من امك لي هي جزء منك ..

أنا شخصيا تجربتي مع الدعاء عظيمه .. منيب قآدره اوصلكم وش كثر
إسلوبي خانني صرآحه في هاللحظه بس حسيت في هالعباره ..
( وإذا سألك عبادي عني فإني قريب)


وودي احيان في دنيتي مايستجاب لي ولا دعاء ..
ودي ان الدنيا بحزانها تزيد .. ودي أكون من الي : (إن الله لاحب عبد إبتلاه )
ودي يوم الحساب تكون دعواتي الي ماستجابت والي استجابت ..
وامراض الدنيا وبلاويها
توقف بيني وبين ذنوبي .. او بيني وبين النار ..
ماتحملنا نار الدنيا بنقوى نار الاخره ..

طيب ..ياليت نتشارك وكل منآ يحث الثاني على الدعاء من تجارب سارت له ..
ووآقع عآشه .. وش تجربتك مع الدعآء ..؟

عن نفسي كثير.. طيب اقولكم .. والله على ما اقول شهيد ..
انا كافتاه سعوديه ومن اسره محافظه وتعرفون عادتنا وتقاليدنا وكيف سمعه البنت
قبل مده ليست بالبعيده ..تجيني إتصالات من شخص ما اعرفه يعرف اسمي ويدل بيتنا وانا كانت ظروفي صعبه ..
يعني اهلي ما اقدر افاتحهم بالموضوع مشغولين موب حول مشاكل كانت بنظري تافهه.. صبرت وطنشت ..
استمرالحال وكلمت الوالد الله يطول بعمره وغير لي الرقم وحكيت المشكله له
وثقته كانت عمياء فيني والحمدالله في محلها ..
عقب شهرين رجعت الاتصالات على رقمي الجديد...
وصبرت وسكت وانا بموت خوف شخص يبي يفضحني ..وانا ماقد اذيت انسان ..
ومالي إنسآن أقوله من بيفهم ..
اسمترت المشكله وطبعان انا طنشت ..وماحبيت ازعج اهلي وابوي كان مسافر
وفي يوم لقت الوالده رساله عند الباب الشارع من نفس الشخص الي يتصل علي
وفيها معلومات شخصيه وكلام ملفق وزور ..
امي طبعا وكاخوف اي ام بدون تفاهم
وعلى غفله جت وطقتني ولا فهمت ولا اخذت استفسار
حسيت بشعور المظلوم .. كرهت العالم ومن فيه ..
ورفعت يدي للي ماكتب الظلم على نفسه ..
والحمدالله ماكملت 24 ساعه والله يطلع برائتي
وتجيني الوالده ماتدري وشلون تعوضني جت لي تعتذر وانا الي منها اعتذرت
لاني ماقلت لها المشكله من بدايتها إكتفيت اني قلت لابوي ..
والله والله اني اول مره بكيت مدري هي دموع فرحه ان ربي استجاب لي دعوه
او هي خوف او صدمه لان من ناس ماتوقعت منهم الاذيه ..

موضوع وليد الكيبورد تو اتمنى وصلت فكرتي لكم ..
وقليل من ما كان يجول في خاطر حبيت اشاركم فيه ..
ما ابي غير دعائكم ان الله يطول بعمر ابوي ..

[حلزونه]

وعليكم السلام والرحمه والبركه



دائما ندور على حاجتنا عند الناس اللي حولنا لكن عمرنا مابنحصلها
مهما كانو الناس قريبين واتضح اهتمامهم لنا نحس بداخلنا انه ماحد فاهمنا
لانه اخطينا والمفروض اتجهنا لربنا اللي مابيخيبنا ولا يتركنا
ليش نحاول ندور على اللي يفهمنا واحنا بعيدين عن ربنا الاولى نتجه له وقتها بنحس فعلا براحه كبيره
وماراح نحتاج لاحد يسمع لنا ونشتكي له

صراحه مو جا في بالي موقف حصلي مع الدعاء
لكن حاليا تقربت من ربي اكثر واحس براحه كبيره نسأل الله الثبات والهدايه ^^


ياحبي لك جوجو منوره العام بمواضيعك ^^
يعجبني اسلوبك كثير واتمنى اشوف لك مواضيع اكثر


بارك الله فيك تقبلي مروري وفي امان الكريم :أفكر:

[مـُـحـب العجمي]

سلام عليكم ..






أحس جآز لي العام وأدمنته بالحيل وأخذت رآحتي فيه مره :أفكر:



مدري يمكن حاله الادمان ذي تروح عقب مده ..






وعليكم السلام ورحمة الله وبركاته

حي الله اختنا جي جيرل

بصراحه مواضيعك بالمنتدى العام جميلة ومميزة
بالتوفيق أختي ونتمنى لكـ كل خير
نرجع لموضوعك
بخصوص الدعاء
فصدقتي أختي
الله عز وجل لا يمكن أن نجازيه على نعمه ولا أن نشكره حق شكره
من الذي دعاه فرده
ومن الذي إلتجأ ببابه فطرده
خيره إلينا نازل وشرنا إليه صاعد
عصيناه فأمهلنا وسترنا وأطعناه فشكرنا
سُبْـحَانـَهُـ كاشف الضر ومجيب المضطر
سُبْـحَانـَهُـ للدعوات مجيب وللعباد قريب
فمن رضي الله عنه لا يضره سخط أحد ومن سخط الله عليه لا ينفعه رضى أحد
و الدعاء من العبادات التي يرفع الله بها الدرجات
والقصص عن فضل الدعاء كثيرة جداً
لعلي أعود لاحقاً بقصة حدثت لي " من كثرها مش فاكر إيش أقول "

وودي احيان في دنيتي مايستجاب لي ولا دعاء ..
لعل هذا من الأخطاء :]
على المرأ أن يدعو الله ويتيقن الإجابة منه سبحانهـ
وإن لم يستجب الله له دعائه فسوف يعوضه خيراً منه
رابط له صلة بالموضوع أرجو الإطلاع عليه
http://www.montada.com/showthread.php?t=611609





" تــَّــــــمَّ الـتـَّــــثـــبـــــيــــــتـــــ "

[بطووووطه]

.
.


( g girl )
و عليكم السلام ورحمة الله و بركاته ..
جوجو .. لا عاد تفكين العام أبدا ^__^" .. و الله مواضيعك عجبتني .. :)
للأسف كل ما كنت أقرا أكون مشغوله .. و ماجات فرصه أرد ..

عمومًا .. نرجع للموضوع ..:)
بالنسبه للدعاء .. و الله ما أتذكر قصص حصلت معي ..
لأني ادعي على كل شي .. لدرجة اختي كانت تقول لي .. ادعي لي اشتري لاب توب ديل ^__^ و و و... !
يعني ما خلينا شي إلا دعينا ^___^"

اللي أبغى أقوله .. هو الفرق بين راحتي بأيام الدعاء أو بدونها ..!
مثلاً .. أيام العشر الاواخر من رمضان .. أتمنى من جد انها ترجع .. ! مع أني يوميًا بالمنتدى هون ^__^" .. بس من جد راحه عجيبه .. و أي مشكله كانت تصير لي كانت تعدي بلمح البصر ..!
تقريبًا .. هذيك الايام لا بكيت فيها ولا زعلت من جد .. !
لكن دحين >.<" و الايام اللي بعد رمضان .. ماصار الدعاء زي أول ..!
فحسيت انه بعض الامور تصعبت علي .. و ماصارت متيسره كثير ..!

و لا أنسى ..
الله يطول بعمر أبوكِ .. و يخليه لكم يااااااااارب .. !
دمتم بود ..


.
.

[G Girl]

سلخيـر

هلآ فيكم كل وآحد بإسمه .. بطوطه جزاك الله خير قلبو

ابي اقولكم سآلفه ..< يآكثري :D

سمعت سآلفه مع وحده من البنات وأثرت فيني قلت أشآركم فيهآ
تقولي وحده من البنات .. كانو عند شيخ يقرى المهم دخل رجال في نص عمره
قال للشيخ : تكفى جاينك من المكان الفلاني وبعيد لاتردني , اختي برا في السياره ماتقدر تنزل
تكفى ياشيخ ابيك تشوفها , المهم طلع معه الشيخ وشاف المره ..
قرى عليها الشيخ شوي وعرف منها انها مسحوره
بعد ماقرى قالها : بدال المشآوير والتعب اقري على نفسك احسن
قالت ياشيخ انا اميه ما اعرف اقرى !
قالها ادعي الله وان شالله مايردك ..
يقول الشيخ توني مفقي عنها الا تقول بصوت مسموع ومن قلب
"يالله دآخله عليك تشفيني ":(

مدري اعلق على بساطه الدعوه ولا على المتعلمين الغافلين ولا على رحمه الله..
يقول الشيخ ويحلف للسامعين انها بعد دعوتها ذي رجعت " زاعت "
والله اشفآهآ من السحر ..

---------------------------------------------

سبحآن الله .. كنت أتنآقش مع وحده تقول الله مآيستجيب لي دعوه ..
مستحيل الله يستجيب لي !! قالتها لي تسذآ :(

قلت لهآ ليش طيب بعد نقاش وتعب نفسي معها ..
قالت انا عاصيه عشان تسذآ أحس ربي مايسهل لي ولا يستجيب لي
سكت شوي وقلت لها لو على المعصيه كلنآ عاصين مافينا الكمال ..
بعدين احنا يالبشر لو واحد غلط عليك مره و3 وعشر بتسآمحين مره مرتين عشر ماتسآمحين
نزلي موضوع في آي منتدى إكتبي انا وحده دايم تخطي علي اسامحها !! كلهم بيكونون ضدك ..
بس الله غيييييير .. بالله مآتستحين منه !! يعني نغلط ونستغفر ويسآمح ..
موب مره ولا مرتين ولا مليون .. نمشي ونكذب نمشي ونحش نمشي وذنوبنا تمشي ..
ومع ذآلك باب السمآح مفتوح وبعد باب الاستجابه
وانتي بهالسهوله عندك اليئس من رحمه الله ..


رجعت البيت طقيت قوقل كتبت " أدآب الدعآء " أعرف بعضهآ وقريتهآ من زمآن بس حبيت أسترجعهآ وبذآت بعد كلام صديقتي لقيت وستفدت اشياء ماكنت اعرفها ..
يعني كنت اعرف الوضوء واعرف استقبال القبله ..
بس وقفت عند ذي -ألا يستعجل الإجابة -
قبل كانت فيني طفاقه اقول: يارب استجيب لي الحين الحين < مدري وش كنت احس فيه :D