المساعد الشخصي الرقمي

مشاهدة النسخة كاملة : معرض تصاميم الأعضاء ~×--ღOnE..HeArt.. &.. GoAlKeEper PixElღ--×~


Hinata-sama
19-11-2008, 09:56 AM
السلام عليكم ^_^


كيف حالكم ؟ ان شاء الله بخير D:


بغيت أعرض تصميمين و أتمنى لو أسمع رأيكم


~×--ღ--×~


فكرة التصميم : قلب واحد..مشاعر عديدة.. سرعان ما تتغير!
** جاوبوا على السؤال اللي في التصميم :p



http://fc00.deviantart.com/fs39/f/2008/321/e/3/One_heart__many_feelings_by_Miss_Hinata.jpg


~×--ღ--×~




نحن في الامارات عايشين أجواء كروية هالأسبوع :09: ، فقلت أعرض هالبكسل ((قديم نوعا ً ما)) و أسمع رايكم فيه ^_^


فكرة التصميم : تخيلت موقف حارس مرمى ، و الكل يلعب بعيد عنه ، شو ممكن يصير له ؟ D:


http://fc54.deviantart.com/fs37/f/2008/268/8/5/Sleepy_Goalkeeper_by_Miss_Hinata.gif



~×--ღ--×~


آراؤكم و انتقاداتكم تسرني :)أترقبها بفارغ الصبر ..
حلزونه
19-11-2008, 03:42 PM
وعليكم السلام والرحمه والبركه


فكرة التصميم الاول ممتازه حبيتها كثير ^^
الوانك حلوه والخطوط ممتازه التوزيع 100% ابدعتي هيناتا :D
بالنسبه للسؤال مادري وانا اشوف لقلب والكلمات اللي فيه
حسيت اصوات كثيره براسي تتكلم وماكملت قراية :boggled:

اما البيكسل الكروي يزنن :32:
صح حارس المرمى مسكين واقف مكانه ويناظر هنا وهناك O.o"
ابدعتي هيناتا عسى الله يوفقك ويزيدك من فضله إبداع وتميز ^^

في امان الكريم :أفكر:
• S O N A •
19-11-2008, 07:33 PM
كونيتشوا

هيناتا - ساما

^.^

كيف الحال ان شاء الله تمااامو

واااااااااهـ

وااااااااااوز

واااااااااااااوااااااات

الله يحميك قلبو تصميم رائع وحلو ^.^

اعجبتني فكرة القلب

بالنسبة لشعوري

I'm bored >.<

يسلمو عالتصميم الحلو

نروح ع ذا بيكسلووو

يدنن مررره وافكر استخدمه بعد اذنك ^.^

من جد مسكين الحارس

يسلمو عالابداع لاتحرمينا جديدك

خيتك

صونااااا
ناي
20-11-2008, 10:30 AM
وعليكم السلام ورحمة الله وبركاته

:

هلا هيناتوو .. رديت في الدفيانت وبرد اكيد هنا مره ثانيه ^^
بالنسبه للتصميم الاول روعه ياعسل حبيته وحبيت فكرته .. فكره (التبوغرافي) كنا ناوين نسويها جوله من جولات مسابقة كن مبدعاً لكن خفنا يضيعون الاعضاء زي ماصار مع الكولاج :12::09:
وبالنسبه لجواب السؤال ..؟. مافيه شي محدد بس اتمنى يتأكد حجز الحج لاني خايفه مايتأكد لان ماباقي وقت << الإداره قررت الحج متأخر :12::09:

وتصميم البكسل روعه ماشاء الله ومتقن .. الله يعطيكِ العافيه ..




http://e.deviantart.com/emoticons/r/rose.gif
Noor Xp
20-11-2008, 05:24 PM
وعليكم السلام ورحمة الله وبركاته

تصميم رائع عجبتني فكرة القلب
والأحاسيس الكامنه فيه
وفكرة وضع كلمة الأبدع
بلون بارز.
اما عن سؤالك فأحس بأني:
iam so dizzy @_@
والبكسل جميل جداً.
بس لو تغمقين لون طبقات التظليل أكثر لأصبح شكله كروي أكثر.
تقبلي مروري
...
.
Iris
21-11-2008, 10:30 AM
وعليكم السلام و رحمة الله و بركاته


هيناتا تصميم القلب رائع, ماشاءالله, عجبتني فكرته,
و البكسل, حلو, رسمك له و الحركة رائعة,


بالنسبة للسؤال, أكثر من اختيار ببالي!!
واحد منهم Impressed من تصاميمك,

تصميمن مميزين, ورسمك بالبكسل رائع جدا,

بالتوفيق لك.
Another
21-11-2008, 05:25 PM
^^
تصميم قميل
وعندي مشكلة <<< بس مشكلة مشاكل عندك
باللب توب اشوف التصميم فاتح وبالبي سي اشوفه غامق فأيهم هو تصميمك !! :( "الحالة كسيفه"
الفكرة حلوه وطريقة الأخراج جميلة كمان
بس ملحوظة صغيرة .. ليه اللي بالصورة لعب كورة قدم ؟ XDصادوه
وبالنسبة لسؤالك ... احس بالضغطوات كثيرة بالحياة :(

وبالنسبة للبكسل فاهو رائع وصحيح شغلة الحارس تجيب الهم ^^"
sweet Mio
27-11-2008, 11:34 PM
مرحباااااااااااااا .. ادري نور القسم برجعتي XD
شخبااارج ..؟؟
هذاا انا جييت ^.^ ..
صراااحه ..!!
فكره التصميم وااايد حلوة ..
بس ماعجبتني الخلفيه ! -_-"
احس تقدرين تشتغلين عليهااا بشكل احلى من جذي !
والسؤاال صرااحه مادري شنو اقولج بس مستاانسه حالياا ^.^ ..
احب الالوان الفراايحيه اكثر من القمته >> ليتك ماجيتي ورديتي <_<"


والبكسل انا مااالي فيه بس عجبتني الفكره واااااايد حلوة ^.^ ..
ان شاء الله مايفووتني شي وما يتكود الغباار علي XD

موفقه سيس ^.^ ..
سي يووو ..
Eternal Love
30-11-2008, 04:07 AM
السلام عليكم ورحمة الله وبركاته

ما شاء الله عليك فكرة تصميم روعه ^^

بالتوفيق
PROFESSOR . F
04-12-2008, 02:14 PM
وعليكم السلام ورحمة الله وبركاته ...
كيفك أختي .. اشتقنا لإبداعك .. فوق الرائع يحكي الحال .. :09:

بس عندي إقتراح يارب يعجبك .. لو تحولين التصميم لعربي ؟؟

في حاجتين في نظري كان ممكن تكون أفضل لو اعتنيتي فيهم ..

الرجل اللي يمشي كان يمكن يكون أفضل لو اهتميتي بقصه ..
كذلك طريقة عرض العنوان أيضا ستكون أفضل لو أعطيتيها وقت أكثر ..

رأيي لا ينقص من إبداعك ..

موفقة خيتو ^^"

نسيت الحارس .. شكله مرة كيوت والرجال قلبها نووومة ..
تحياتي ..
d.o.d.y
04-12-2008, 05:44 PM
السلام عليكم ورحمة الله وبركاته ^^
اهلين خيتو ^^
أخبارك؟
التصميم الاول جدا رائع وفكرة رهيبة عاد صراحة لما تشوفين هالتصميم تحسين مشاعرك ملخبطة ماتدرين الحين انتي وشو P:
البكسل مرة حلو لووول رحمت هالحارس هذي مباراة ميتة الحارس نام P:
موفقة خيتو ^^
Hinata-sama
06-12-2008, 09:31 AM
آسفة على تأخري في الرد عليكم >< السموحة منكم ،

--ღ


حلزونة
أهلين حلزونة تشان D: شخبارج ؟
تسلمين على ردج و رأيج كلج ذوق ،و الابداع في تواجدج الحلو ^.^
لول ايوا الكلمات وايد في القلب ، و كنت أريد أزيدها أكثر بس تعبت و مليت و صرت أنسخ الكلمة كذا مرة :09:
تسلمين على تواجدج الطيب ^^، نورتي الموضوع أختي لا تحرمينا من طلتج الحلوة ^_-
بالتوفيق


×


سونا
كونيتشوا سونا تشان D:
تسلمين والله ، أحرجتيني بردج الطيب ^.^
أيوا الملل -_- الله يعيننا عليه :09:
خذي راحتج أختي و استخدمي البكسل حلال عليج ^_~
تسلمين سونا على ردج الطيب ، و خلينا نشوفج دووم اشتقنا لابداعاتج
بالتوفيق :)


×


ناي
هلا فيج و في ردودج سواء في المنتدى ولا الديفيانت ^_^،
خخخخخ تعرفين اني ما كنت أعرف ان هذا تبوغرافي بالصدفة طلع معاي ، والله ما عرفته إلا منج ^^"
للأسف تكنسل الحج، بس ان شاء الله تروحين السنة الياية ، و أروح أنا بعد ^^
تسلمين نايوو نورتي الموضوع بردج الحلو ، تواجدج يسعدني
بالتوفيق :)


×


نور
هلا أخوي ^_^
dizzy ؟؟ الله يعينك ان شاء الله الحين أحسن @_@
تسلم على رأيك أخوي ، و بالنسبة للبكسل أنا فعلا ً ما زلت مبتدئة في هالفن و ما أحس أن عندي الجرأة و المهارة في تظليل الطبقات ^^"
ان شاء الله بنستفيد من خبرتك ، و ألف شكر لك على تواجدك
بالتوفيق


×


هيكاري
هلا هيكاري ^_^
تسلمين والله ، أشكرج على ردج و تواجدج الطيب :)
بالعكس ! أنا الـ Impressed من تصاميمج و تطور مستواج في التصميم ^_~
شكرا ً لج هيكاري ، أسعدني تواجدج العطر ^_^
و خلينا نشوف كل يديد منج دوووم ،
الله يوفقج


--ღ
Hinata-sama
06-12-2008, 09:53 AM
--ღ


Another
هلا أخوي ^_^
لول تصميمي مب غامق وايد و مب فاتح وايد >>خخخ لغز :silly:
بالنسبة للي في الصورة ، يوم شفت كلامك انتبهت انه يشبه لاعب الكورة :09:، طلع معاي بالصدفة لأني نزلت مجموعة فرش على شكل ناس و هذا انسب واحد فيهم ^^
و الله يعينك و يعيننا جميعا ً على ضغوطات الحياة :)
تسلم أخوي أنوذر على ردك و رأيك ( القميل) ^^ ، أسعدني تواجدك أخوي
بالتوفيق


×


كوين
كح كح مرحبتين هلا بالختفية :silly:
أنا بخير الحمد لله ، انتي شخبارج ؟ عساج بخير D:
بالنسبة لانتقادج ، أنا أساساً ما أحب أزحم الخلفية بالشغل ^^ و كنت أريدها بسيطة عشان يبرز القلب أكثر :)
ان شاء الله تكونين دووم مستانسة ^_^
تسلمين على ردج و نقدج كوينوو ^^ لا تطولين الغيبة خلينا نشوفج
تسلمين على مرورج العطر
موفقة ان شاء الله


×


Eternal Love
و عليكم السلام و رحمة الله وبركاته
هلا أخوي ،
تسلم على مرورك و ألف شكر لك على ردك الطيب
بالتوفيق ان شاء الله :)


×


البروفيسور
هلا أخوي الغايب ^_^ الحمد لله على السلامة، و الله تفاجأت يوم شفت اسمك ^^
أنا بخير الحمد لله ، وأتمنى انك تكون بألف خير :)
بالنسبة لاقتراحك الصراحة ما فكرت اني اصممه بالعربي ، و بالنسبة للرجل اللي يمشي ، هذي فرشاة ^^ فأنا ما قصيت أي شي فيها ^^
و بالنسبة لطريقة عرض العنوان ، أنا ركزت على البساطة لكن معاك حق في نقدك :)
هههه الحارس المسكين من زود الملل في المباراة اللي يلعبها نام لعدة دقائق بس :silly:
تسلم أخوي ، و الله اسعدني تواجدك وايد
ياليت لو نشوف مواضيعك و تصاميمك مثل ما تعودنا منك يالمبدع :)
بالتوفيق


×


دودي
و عليكم السلام و رحمة الله و بركاته ^_^
أهلين دودي ، أنا بخير الله يعافيج ، شخبارج ؟
هههههه يعني انتي ثاني شخص يتلخبط و ما يعرف بشو يحس >>ما الومج :silly:
أيوا مباراتهم ميتة و المسكين قال انام لي كم دقيقة أحسن لي :09:
تسلمين دودي ، فرحت بتواجدج والله ، لا تطولين الغيبة
الله يوفقج ^^


--ღ
IL C a p i t a n o
06-12-2008, 10:25 AM
السلام عليكم

اعقد هذه المره الاولى

اللي ارد فيها على تصميم لج خخخ

عموما

ما شاء الله التصميم جميل

واحلى ما فيه الكلام اللي داخل القلب

فكرته حلوه

احييج عليها ^^

ومشكوره على التصميم

وطبعا المفروض ارشح بس دوام الحال من المحال T_T

جاااااااااو

IL C a p i t a n o
->Hussen<-
06-12-2008, 04:17 PM
السلام عليكم


مرحباااااااااااااا .. ادري نور القسم برجعتي XD

ومن قأل <.<" , شلونك يالملكة :D شلون الصراصير معك ؟ ان شاء الله بخير :)

{ارجع للموضوع قبل ما تطردني هينيتا :09:

التصميم رائع جداً بكل معانيه والوانه وتفاصيله وكل شيء :D
ارى ان الشخص (في التصميم) قد تعب من كثرة المشاعر التي يحملها في قلبه وصار يترنح بمشيته , تعبير رائع جداً :)

شعوري , رأيت الكثير من الكلمات امامي , تكاثرت المشاعر والاحاسيس في فكري , لكن اللون الاحمر نقاه ووضح الامور .. حسب ما شعرت به :D

{~ بس انتوا هيك تكسرون شغلنا بالقسم بهالسمايلات الرائعة :D , عن جد سمآيل " مدمر" :09:

ابدعت في كل شيء هينيتا

موفقة ان شاء الله
Ahmed Blight
14-01-2009, 03:13 AM
الظاهر انج صايره بخيله @@ مليت و انا ادور في الصفحة الاولى ما في شيء جديد لج و كان هذا اخر موضوع شفته لج في المعرض

اهلين شخبارج؟

جواب السؤال: احباط >> كان في باله بيشوف كذا موضوع لج << بالبحريني جم موضوع لج

المهم التصميم الاول حبيت فكرته ^^" و لو ان بعض هالامور احسها تدخل المخ اكثر من القلب لول
الي ما عجبني في التصميم هو اللون البرتقالي لكلمة كرييتف بس التصميم ككل حلو وايد

التصميم الثاني ما عليه كلام , مالي بالتعب و البكسل و أأيد الكسل >> خخ
عجبتني الفكرة و العمل ككل ^^

موفقة ليدي هيناتا :)
J I L L U N A
14-01-2009, 04:07 PM
يا هلا وعليكم السلااام..~

هلااااااغ هيـموو حبيبتي كيفتس يا عسل عساتس بخير ؟

البنت صـايرة رومنصـيه اليوم http://4majeed.files.wordpress.com/2008/04/07.gif?w=18&h=18 صراحه هالأيام صايرة الكورة حاااميه الله يتسر على فريقنا بالخيـر بس >.>
نرجع للموضوع تصاميتس كلها رهيبه يعني بصراححححححححححححححححه خطيرة الأول خيـال لو كان أكبر شوي بس عشان يصلح لخلفيه يعني مثلاً >> مجرد راااي لا أكثر..

الثـاني شئئئئئئئئ http://4majeed.files.wordpress.com/2008/03/04.gif?w=18&h=18 لأني متيمه بالسمايليااات !!

سـوعااالك ( شـعوري مضطرب ) http://4majeed.files.wordpress.com/2008/03/02.gif?w=18&h=18 !!!

مشـكورة حبوبتي و إلى الأمام يا وزة هع..

..~
بحـــ الشوق ـــور
18-01-2009, 04:01 AM
ابدااااااااااااااااااااااع كالعادة آنستي هيناتا - ساما

<<< يوم قال آنستي حس انه ناروتو P:
vital
19-01-2009, 07:43 PM
السلام عليكم ورحمة الله وبركاته،،
أهلا أخت هيناتا،، عساكِ بخير و سلامة،
بالنسبة للتصميم اللأول فما شاء الله إبداع ولا أروع صراحة، تمنيت أن التصميم أكبر وبأبعاد الخلفية حتى أخليه خلفية لسطح المكتب عندي، فن وإبداع و..simply ,, It is creative idea
التصميم البكسل بعد حلو وعسى أيام الكرة تستمر دوم ^.^

حياكم الله