My First Pictures in HDR?????

[o0Lavender0o]

السلام عليكم ورحمة الله وبركاته
مشاركتي اليوم عباره عن صورتين
أستخدمة فيهن خاصيةHDR
مثل ما تعرفون إن السخص مايقد يحكم ع صوره (من وجهة نظري)
حبيت أخذ تقيمكم لي الصورتين و أتمنى أنه يكون من 10
يعني كم من 10 تاخذ الصورة :33:
إن شا الله الكل يستفين
بالتوفيق

[D3BOL]

صوره حلوه الريحه الوانها مناسبه للخلفيه فوكس حلو


بس لاحظت مو طالعه واضحه علبة الريحه اقصد مو طالعه بارزه وايد يمكن اهتزت الكاميرا لما التقطتيها


اممم جربي اتسوين sharpen على برنامج الفوتوشوب او على برنامج اخر


وهذا الكلام على الصوره الثانيه اما الصوره الاولى اعتقد انها الافضل بس سوي sharpen عليها همن بتطلع وايد حلوه


والاضاءه ممكن كنت تتلاعبين فيها و تبرزين الجزء الاساسي في مظهر جميل



صعب التقيم !! ولكن لازم تعلمين انه كل واحد له مقاييسه في التقييم
امممم تقيمي اعطي على الصوره الاولى 7 والثانيه 6 :)

[o0Lavender0o]

مشكور أخوي D3BOL ع المرور و ع الملاحظات و التقيم
سويت لهن Sharpen بس جفتهن يعني مب أوكي
بالتوفيق

[q8tya]

و عليكم السلام ورحمة الله وبركاته..

أهلاً بكِ أختي و أهلاً بجديدكِ :) ..

قبل أن أبدأ بالتعليق أود أن أرى الصور الأصلية التي قمتي بدمجها إذا أمكن حتى نعرف كيف نقيمك ..

[o0Lavender0o]

هلا أختي كويتيه مشكوره ع المرور
هاي الصور إلي طلبتيهن

[D3BOL]

اها سويتي عملية دمج لذلك اشوف اهتزاز على الحرف H
الصراحه مافهمت HDR
بالعكس اطلعت الصوره حلوه ولكن مثل ما قتلج الاهتزاز هذا امخربها والناتج من دمج الصورتين
وتقدرين اتقليلين الsharpen يعني استخدمي الامر مره وحده
بالعكس جربي sharpen على اي صوره ابتطلع وايد حلوه الا اذا كان فيها اهتزاز
يعني احسها يجمد الصوره ويعطيها بروز او شي جذي


وما اقدر اقيم على شي مو فاهمه هههه اعذريني ما فهمت شنو تقصدين
مره ثانيه فهمينا تره ما افهم هسوالف :)

[O.Almazroo3y]

الصورة جميلة لكن الحامل مو ثابت لازم تثبتين الحمال صح

وتاخذين ثلاث تعريضات مختلفة..وتصورين

بس للعلم ما تحتاجين HDR ..هنا في تصوير المنتجات

بس صورة جميلة حفا ابدعتي

[o0Lavender0o]

السلام عليكم أخوي D3BOL حطيت موضوع عن HDR بتلقاه في هذا اللنك
http://www.montada.com/showthread.php?t=616692
مشكور أخوي UZUMAKI JAK ع المرور

[q8tya]

تطبيق جيد .. أعتقد أن الصورة النهائية قريبًا جدًا من صورة التعريض المتوسط ! ..

و كما ذكر أخي ( UZUMAKI JAK)

بس للعلم ما تحتاجين HDR ..هنا في تصوير المنتجات

الهدف الأساسي من هذه التقنية هو الحصول على تعريض متوازن في الصورة ..و عادة تستخدم لتصوير المناظر الطبيعية أو التصوير الخارجي عمومًا لأننا لا نستطيع التحكم في الاضاءة .. فعند تصوير منظر طبيعي مثلاً وفي وقت الظهيرة حيث الشمس تكون قوية .. ستكون النتيجة إما إضاءة جيدة للأرض و تظهر السماء باللون الأبيض أو ان تحصلي على تفاصيل السماء مقابل ظهور الأرض باللون الأسود .. لذا طورت هذه الطريقة لتعمل على دمج التعريضات المناسبة من كل صورة و الحصول على إضاءة مناسبة في جميع أجزاء الصورة ..

اما بالنسبة لتصوير المنتجات ففي الغالب يمكنك التحكم الاضاءة بكل سهولة ..

---

بالنسبة لتطبيقك للتقنية فتقيمي له هو ٧:

١. ( - ) هناك صور مهزوزة .. و يجب أن تكون الصور متطابقة تمامًا ..
٢. ( + ) على الرغم من وجود صور مهزوزة .. تمكنت من الحصول على نتائج مشابهه لإضاءة الصورة الجيدة ( الثانية).


ولكن تظل التجربة راائعة .. قد فتحتٍ لي أفاقًا جديدة حيث أعتقد أنني قد استخدم هذه التقنية في الحالات التي لن أستطيع التحكم فيها بالإضاءة و لا أمتلك حامل لتثبيت الكاميرة عليه ( كالتصويير في المتاحف مثلاً) .. فحتى لو حصلت على صور مهزوزة .. سأتمكن من تعديلها لاحقًا كما فعلتِ :) ..

شكرًا على مشاركتنا بهذه التجربة :) ..

أتوق لرؤية جديد إبداعاتك :)

[Fanaan]

و عليكم السلام ...
اختي الصوره حلوه
بس مثل ما قال اخوي عمر بخصوص الـ Tripod
و مثل ما قالت اختي كويتيه حاولي تصورين مناظر طبيعيه Landscape
و طبقي عليها الـ HDR
و ورينا النتايج
قواج الله

تحياتي
اخوج : Fanaan

[o0Lavender0o]

مشكوره أختي كويتيه ع المشاركه تدرين لي محاولات في تصوير المناظر الطبيعيه
بس الإهتزاز كان مخرب كل شي و هذا يبالي أتقنه إن شا الله خير
مشكور أخوي Fanaan ع المرور

[The Dark Moon]

السلام عليكم ورحمة الله وبركاته ..

اهلا اختي لافندر ..
بصراحة اختي ..
الصورة كصورة جميلة ..
لكن تقنية الـ HDR لا تستخدم لهذا النوع من الصور ..
قد تستخدمينها في اللاند سكيب في غالب الاحيان ...

لكن الصورة جميلة كفكرة

شكرا لكِ

[o0Lavender0o]

هلا أختي The Dark Moon
ع المرور و المشاركه
بالتوفيق

[o0Lavender0o]

هذه صوره Landscape أتمنى أسمع ملاحظاتكم!!!!!!!