وش فايدة التروفيز؟ ما اشوف ان لها اي فايدة

[alfaifi]

سلام :)

اقرأ في النت كلام اعضاء (ملاك PS3) عن العاب معينة ويقول انه ما بيشتري اللعبة الفلانية عشان ما فيها تروفيز

اشوف بكذا ان المعادلة انقلبت تماما...المفروض انا اشتري اللعبة عشان متعتها والتروفيز شي ثانوي بس بكذا اشوف ان التروفيز صارت الاساس واللعبة شي ثانوي :bigeyes:

من ناحيتي انا ما اطق خبر للتروفيز اطلاقا ولو يقولون وانا العب BadCompany او LBP رح المكان الفلاني وتلقى فيه عشرة تروفيز ما رحت...الا لو كان على طريقي :D

ممكن اسمع وجهة نظر اللي يشوف ان التروفيز مهمة جدا في اللعبة

[الماء القاهر]

التروفيز اللي انه فاهمه يا حبيبي هو عشان خدمة ال Home
راح يساعدك لتطوير نفسك بالخدمة وشارء بعض الاشياء ووووو
وكل هذا ماتقدر الا بالتروفيز فهي حركة رائعة ومادري اذا لها مغزى
اخر ... فيمكن الاعضاء يفيدونا

[Yamato]

من ناحيتي..
قيمة اللعبة اللي العبها اكبر من اي تروفي يكون مصاحب لها!

هي نوعا ما تظهر مهارتك في تحقيق مستوى معين باللعبة.. مثل ما في ليتل بيغ بلانيت انك تجمع مليون كرة في مرحلة واحدة! بالطبع مصممي المراحل من اللاعبين سهلوا على كثير منا الحصول على الكثير من التروفيز باللعبة..

لذا.. هي تظهر مدى براعتك بلعبة معينة.. هذا بالاضافة الى اشياء اخرى سوني تريد ان تستخدم التروفيز فيها.. اظن مثل انه اذا توصل لمستوى معين من التروفيز تقدر تجرب عندهم لعبة او مرحلة بيتا لاحدى العابهم.. انا قريت شي بخصوص هالشي!!

[Lonely Hunter]

التروفي هو فعلا شيء ثانوي و ليس اساسي لاي لعبه

و لكن وجودها افضل بكثيييير من عدم وجودها (على فكره ترى كل العاب 2009 و بعدها بتكون فيها تروفي)

فهي تطيل عمر اللعبه لانك بترجع تلعبها على شان اطلع التروفي

فهي متعه انك تلعب و يكون لك هدف تحاول ان تحققه .. و هنا يأتي دور التروفي

فمثل لو لعبة تصويب ..اذا كان في تروفي (10 طلقات راس بدون ماتموت) ستحاول جاهدا ان تعلمها ة ايضا سيعلم اصدقائك ان فعتلها (طبعا التروفيات الصعبه اهيا اللي تقدر تفتخر فيها)

بدون التروفي...مايهمك هالشي

[gran]

اهليــــــــــــــــن اصدقائي :umm2:


ممكن احد ايكلمني شو معنى تروفيز :umm2:

انتم تتكلمون عن البلايستيشن :umm2: ولا شي ثاني :umm2::02:

[Lonely Hunter]

ميزه موجوده بالبلي3 اتقابلها الاتشيفمنت بالبوكس360

[SUPER HUNTER]

^
^
التروفيز مثل نظام الاشيفمنت
التروفيز مال السوني
الاشيفمنت مال الاكس بوكس

المهم شباب التروفيز له فائدة كبيرة يزيد من التحدي وتحس انك انهيت اللعبة 100% وعرفت كل شي فيها والالعاب الاصلية غالية فيجب ان نهتم بكل مافي اللعبة

وثاني شي تستفيد من التروفيز في الهوم الكاملة انشاء الله

[gran]

فهمت انها ميزة في البلايستيشن 3 اوكي
ممكن اتوضحولي اكثر يعني بالتفصيل :33:

كيف تعرف ان لعبتك فيها ترافيز
يعني اريد توضيـــــــــــــــــح اكثر :32:

[Mr.X]

مثل ما انا سمعت وقريت من زمان , سوني راح تنزل خاصية او خدمة انك تقدر تشتري اشياء مجاناً من الستور , عن طريق انك تجيب التروفيز كاملة في اللعبة الفلانية ,,

يعني مثلاً انا عندي التروفيز جبتها كامله لأحد الألعاب , فبأقدر اشتري مثلاً خرائط وارهوك ولعبة آركيد مجاناً ..
بينما غيري يروح ويدفع $$$ علشان يشتريها.

[Lonely Hunter]

فهمت انها ميزة في البلايستيشن 3 اوكي
ممكن اتوضحولي اكثر يعني بالتفصيل :33:

كيف تعرف ان لعبتك فيها ترافيز
يعني اريد توضيـــــــــــــــــح اكثر :32:

بالمراجعات يكتبون اذا كان فيها او لأ

اعطيك مثال على قيمة التروفيز للاعبين

لعبة انشارتد اللي انزلت قبل سنه ..ماكان فيها تروفيز

بس لمه اعلنت سوني عن خدمة التروفيز فيصيف هذه السنه ..صدر للعبه باتش(اضافات للعبه اتنزلها اون لاين اذا كنت شابك بالانترنت و انت تلعب ) فيها تروفيز للعبه

اغلب اللي عندهم اللعبه و انهوها ..لعبوهات مره اخرى و انهوها مره اخرى بل لعبوها اكثر من المره الاولى بستمتاع لان الان هناك جائزه اذا اتمتمت بعض المهمات و هذا من فوائد التروفيز

مثال للتروفيز في العاب مختلفه

- تلقي قنبلة تقتل 3 اشخاص
- تصنع مرحلة في lbp يلعبها 50 شخص اون لاين
- تنهي اللعبه بطور النورمال
- ايزي
- هارد
..الخ

[SALM0RE]

التروفيز مثل نظام الاشيفمنت


Sony see , Sony Do :09:

[om1406]

انا اشوف ميزة اللعبة بالتروفي

ولو كملت التروفي 100% صدقني راح تكون تمتعت باللعبة بكامل مقايسها

اقرب مثال uncharted قبل التروفي لعبتها وعادي ما حسيتها ذاك الزود

لما نزل التروفي وخلصتها ثلاث مرات بمختلف الصعوبات وخلصتها 100% حسيت بمتعت اللعبة وحسيت اني سويت انجاز ^_^

راي شخصي

[General BiG Boss]

حبيت أضيف أن التروفيز يطول عمر اللعبة
وفيها أيضا مقارنة بينك وبين صديقك إذا عندهم نفس اللعبة , نوع من التحدي مثلا شي حلو
* * *
أذكر لكم سالفة صارتلي لوووووول
واحد من الشباب الله يهديه قالي جم يمعت في مدنايت كلاب $$$ ؟
قتله أكثر من 1,000,000 مليون ماصدقني للأسف !
وبعدها دخل يقارن وشاف التروفيز وقالي Sorry !!!

[gran]

مشكورين شباب على ردودكم

الان فهمت يعني تكمل اللعبه 100% ان كان في اللعبه تروفيز اتروح لموقع اللعبه وتحمل باتشات وملفات اضافيه اهههههههههههه :33:

شي حلو هذا الاسلوب لتشجيع الحوار والتنافس بين اللعيبه :biggthump

[VEETO]

التروفيز نظام ممتاز اذا احسن تطبيقه .. فبامكانه ان يضيف الكثير للالعاب
ما يحدث الآن هو مجرد (( حشو )) لهذه الميزة بالالعاب
لذلك نشعر جميعا ان لا فائدة ترجى منها

تخيل مثلا في ميتال جير .. لو طلب منك ان تنهي اكت كامل من دون (( اليرت ))
الا يضيف هذا الكثير للعبة .. او ان تنهي اكت كامل بنسبة تصويب 100 %
بحيث تصيب كل طلقة تطلقها احد الجنود

هذه امثلة بسيطة لكيفية تطبيق نظام التروفيز بطريقة صحيحة

للاسف في الالعاب التي جربتها للآن لا اجد الا GTA IV ضبطتها نوعا ما بطريقة جيدة

[Lonely Hunter]

^
هالنوعيه من التروفيز بس لمغرمي اللعبه

مو معقوله تبيها اتكون جميعها مثل هذه الصعوبه بجميع الالعاب

لازم يكون في تنوع بصعوبات التروفيز

و هني ايي دور التروفيز النحاسي-فضي-ذهبي-بلاتيني

[acd]

التروفيز الحين تبين الـGamer الحقيقي ..انت خلصت لعبة وانا خلصتها ..انت التروفيز اخذته كله باللعبه وانا ماحصلت شي<انا العب واركض واقتل وانهي اللعبه وانت تجمع التروفيز وتعيد مره ومرتين و3 وراح تصير بروفيشنال وانت ماتدري ^_* هني الفرق واذا بتقيم اللاعب شوف البروفايل وشوف مستواه جم وصل *_&

وعلى فكرة دعوات العاب البيتا تكون اكبر للي الليفل حقهم عالي من غيرهم ,,

*والحين ضافو خاصيه جديده بالتروفيز تقدر تشتري ملابس واثاث للـ Home

بس حسافه عالالعاب الي انهيتها قبل عالفاضي الحين تراكمت علي كلها عندي GTA IV
وBad Campany لازم اعيدهم من اول :bigeyes:

[احلىى مجهوول]

انا الحين خلوني ادخل الهوم وبعدها ادور ع التروفيز :)

[meshale]

ما اعتقد ان التروفيز يأثر على الالعاب القوية مثل متل جير و وكيل زون و غيرهم بل اعتق انه يأثر على الالعاب النص او نص

[alfaifi]

بس حسافه عالالعاب الي انهيتها قبل عالفاضي الحين تراكمت علي كلها عندي GTA IV
وBad Campany لازم اعيدهم من اول :bigeyes:

ما ادري عن GTA بس BB صارت قلق انك تجيب بعض انواع التروفيز..قبل ما اشتريها قريت لواحد من الشباب هنا انه خلص جميع الرتب في اسبوعين واستغربت وقلت وش ذي اللعبة السريعة..واخوي برضو جاب 800 نقطة في جولة مع انه غشيم وقتها (لعبها اول ما نزلت)

بس الحين الوضع صار غير بعدما احترفوها العالم..800 نقطة بالعادة مستحيلة..فالتروفيز الحين صعبه فيها..وانا العبها للاستمتاع فقط واتفاجأ بعض الاحيان اني جبت تروفي ما كنت احلم به :biggthump

[SUPER HUNTER]

اتمنى يكون هناك موضوع رسمي للتروفيز والكل يشارك فيه تحديات ومساعدات :ponder:
عالعموم شباب توني خلصت تروفيز كول اوف دوتي 5 وحصلت على البلاتينيوم :)

[ضلماوي]

فيدته انك تشتري بيه أغراض من home إذا نزلت

[الماء القاهر]

فعلا التروفي يبين لك مدى براعتك بالالعاب وتخلي الناس تتكلم عنك