بايونيير تفعلها وتعلن عن ديسك بلوراي حجمه 400GB

[ايوب الحسن]

السلام عليكم


من زمان ماكتبنا في البلاي ستيشن الصراحة ،،وعلى قوله عبدالرحمن العقل في " الكرة المدورة " صارك مدة .... مالك بينه " :D


المهم ... اعلنت بايونيير Pioneer انها قد اصدرت ديسك بلوراي يستطيع ان يحمل كمية المعلومات بحجم 400 غيغا بايت ،، وايضا قالت انها بدأت بالعمل على اطلاق ديسك بلوراي يستطيع تخزين المعلومات بحجم 500 غيغا بايت ،،،

وقالت ان الديسكات حاليا للقراءة فقط ولكن بحلول 2010 سيطلق ديسكات قابلة للكتابة او التسجيل عليها ( Rewritable) ،،

وايضا المفاجاة انها قالت انه بحلول 2013 .... سيكون هناك توقعات لاطلاق ديسك يستطيع التخزين 1 تيرا بايت يعني 1000 غيغا بايت :bigeyes: ،،



المصدر (http://news.teamxbox.com/xbox/18290/Pioneer-Shows-400GB-Bluray-Disc-1TB-Version-Coming/)


=========================

مادام انه من بايونيير انه مستانس .. لانه ماركة اثق فيها الصراحة ،،

بس سؤال // شنو هاللعبة اللي حجمها 1 تيرا بايت :ponder: ؟؟

[BIG BOSS]

يمكن كونامي تعمال متيل جير 1 و2 و3 و4 و5 و6 في سيدي واحد عشان تبين جميييييييييييع القصة


( تخمين غريب ...!! )



اشكرك بعنف وبقوة وبشدة وبقسوة على الطرح ^^

[Modi]

بس سؤال // شنو هاللعبة اللي حجمها 1 تيرا بايت ؟؟
سكوير سوفت + انكس .. كلاسكس

كل الالعاب الشركه من اول لعبه لأخر لعبه تصدرها وعروض كل العابها وديموز كل العابها
واي شي يخص الشركه من افلام وانميز "FF7" و قصة حياة كل شخصيه تعمل بالشركه
وبالتفصيل الممل من الفراش للمدير وكلها HD

لول مابقى شي خلاص

[Mr.X]

بس سؤال // شنو هاللعبة اللي حجمها 1 تيرا بايت :ponder: ؟؟
زيادة على اللي قالوه الشباب فوق احب اضيف ان الأفلام يمديها تستفيد من هالحجم الكبير يعني نقدر نقول ان شركه مثلاً تقدر تحط لك كل افلام داي هارد وكلها HD بالإضافة للـ مشاهد لكيفية صنع الفلم ولقطات ولقائات خلف الكواليس..
وعموماً إذا كانت MGS1على ايامها ما كانت تتعدى الـ 1400mb على 2 CDs والحين مع MGS4 اخذت 55 جيجا ... فما بالك بالأجزاء الجاية والأجيال والأجهزة والتقنيه القادمه !؟؟

[The Last Lombax]

ممكن يخلون جهاز ألعاب عبارة عن ديسك واحد فقط ( تخيل السوني 3 عبارة عن ديسك ؟!؟!؟! )

[alfaifi]

بتصير قطة

يعني يحطون ميتل قير 5 وليتل بيق بلانيت 2 وانشارتد 2 في قرص واحد :)

[meshofesho]

اعتقد ان هذي الاحجام لايستطيع قرائتها البلاي 3

[الفتاة المشاكسة]

راحت علي كنت ناويه انقل الخبر و سبقتني اخ ايوب
على كل حال مشكور على الخبر



اعتقد ان هذي الاحجام لايستطيع قرائتها البلاي 3

ردك غريب الشركه تقول ان القرص الجديد راح يشتغل على مشغلات Blue-Ray الموجوده حالياً و من ضمنها الـPS3
و شي ثاني على ما اعتقد ان قراءة البيانات من على القرص لها علاقه بصيغة كتابتها على القرص و ليس حجم القرص

[KasiH]

اعتقد ان هذي الاحجام لايستطيع قرائتها البلاي 3

لاتخاف يقراها حبيب القلب ^_^

According to a report on Digitimes.com, the upcoming Pioneer 400GB Blu-ray discs will be compatible will all current Blu-ray players, including the PlayStation 3.

المصدر (http://www.psu.com/400GB-Blu-ray-discs-coming-to-PS3-in-2010-News--a0005584-p0.php)

[Lonely Hunter]

بس سؤال // شنو هاللعبة اللي حجمها 1 تيرا بايت :ponder: ؟؟

التقنيه ليست للالعاب فقط *_^

كافي بس الـData

تخيل اتحط كل ملفاتك على قرص واحد فقط

انا اللي عندي الحين قريب و بوصل تيرا P:

يعني برتاح حييل اذا قدرت اخزن كل شي بقرص او قرصين و اخليهم back up اذا صار شي و انمسحت ملفاتي

طبعا هذا استفاتدي الشخصيه بس طبعا الشركات بتستفيد منهم بقوه

العاب اضخم
جميع المواسم لمسلسل في قرص واحد و بجودة HD
تمهيد لافلام Ultra HD
و غيرها و غيرها


---

على فكره ..كاتبين ان تكلفة الاقراص الجديده 0.1 تكلفة الاقراص الحاليه

يعني لو كانت القديمه اتكلف 10 دولارات ..هذه اتكلف دولار

[fox.x]

يمكن بيخلونه مثل جهاز العائلة...

يخلون كل الالعاب بدسك واحد:biggrin2:

[the fantasy man]

يا سلام راح انطر دسك ( xbox360 blu-ray collection) <<<< احب اتحرش :)

عالعموم اتوقع راح ينزلون العاب الpsn على دسك بلوراي .... او يمكن اتمنى

[Raikov]

شكراً على الخبر .. ماشاءالله مافي افيد من التكنولوجيا كل يوم تخدمنا وتقدم لنا الجديد :)


على فكره ..كاتبين ان تكلفة الاقراص الجديده 0.1 تكلفة الاقراص الحاليه
يعني لو كانت القديمه اتكلف 10 دولارات ..هذه اتكلف دولار

شلون يعني ما فهمت :33: يعني لو نزلت بتكون رخيصـة ؟


وتحيـه لجميع الشباب..

[The Last Lombax]

على فكره ..كاتبين ان تكلفة الاقراص الجديده 0.1 تكلفة الاقراص الحاليه

يعني لو كانت القديمه اتكلف 10 دولارات ..هذه اتكلف دولار

إذا كانت رخيصة زي ماقلت

فيعني هذا أن السوني 3 سيتم قرصنته قريبا

[Mr.X]

على فكره ..كاتبين ان تكلفة الاقراص الجديده 0.1 تكلفة الاقراص الحاليه
يعني لو كانت القديمه اتكلف 10 دولارات ..هذه اتكلف دولار
معليش ممكن المصادر على هالكلام !؟


إذا كانت رخيصة زي ماقلت
فيعني هذا أن السوني 3 سيتم قرصنته قريبا
الهكرز لو كانو يبغون يهكرونه فـ كان هكروه من زمان , والمشكله ماهي بسعر دسكات البلوراي
المشكله هي ان دسكات البلوراي نفسها ام 50 قيقا تحتوي على 5 طبقات , وكل طبقه لها حماية اقوى من الطبقه ياللي قبلها , فما بالك لو كان دسك البلوراي هو حجمه 400 جيجا !! , هذا يعني انه 16 طبقه , و 16 طبقه يعني تعقيد اكثر واكثر !!!!

على فكرة انا قد قريت من قبل ان الـPS3 نظام الحماية فيه معقدة بدرجة ما تتصورها , يعني الحين الهكر هم كيف فكرتهم في تهكير البلاي3 !؟ هم يبغون يحملون الألعاب على الهارديسك "مثل تحميل الألعاب بالمومري بالـPSP"
لكن وش المشكله ياللي واجهتهم !؟؟

طلع ان الهارديسك اصلاً عليه نظام حماية قوي , وهو متصل بشكل مباشر بالمعالج الـ Cell والمعالج برظوه عليه حماية معقدة بدرجة كبيرة ما تتصورها , فهذا يعني انهم إذا كانو يبغون يفكون حماية الهارديسك فـ لازم يفكون حماية المعالج , وحماية المعالج معقدة جداً .. فـ كيف اجل لو كانو يبغون يهكرون الجهاز بالإضافة لتهكير البلوراي بالإضافة لتهكير دسكات البلوراي ياللي هي عبارة عن طبقات وكل طبقه الحماية فيها اقوى من ياللي قبلها !!!

[The Last Lombax]

الهكرز لو كانو يبغون يهكرونه فـ كان هكروه من زمان , والمشكله ماهي بسعر دسكات البلوراي
المشكله هي ان دسكات البلوراي نفسها ام 50 قيقا تحتوي على 5 طبقات , وكل طبقه لها حماية اقوى من الطبقه ياللي قبلها , فما بالك لو كان دسك البلوراي هو حجمه 400 جيجا !! , هذا يعني انه 16 طبقه , و 16 طبقه يعني تعقيد اكثر واكثر !!!!

على فكرة انا قد قريت من قبل ان الـPS3 نظام الحماية فيه معقدة بدرجة ما تتصورها , يعني الحين الهكر هم كيف فكرتهم في تهكير البلاي3 !؟ هم يبغون يحملون الألعاب على الهارديسك "مثل تحميل الألعاب بالمومري بالـPSP"
لكن وش المشكله ياللي واجهتهم !؟؟

طلع ان الهارديسك اصلاً عليه نظام حماية قوي , وهو متصل بشكل مباشر بالمعالج الـ Cell والمعالج برظوه عليه حماية معقدة بدرجة كبيرة ما تتصورها , فهذا يعني انهم إذا كانو يبغون يفكون حماية الهارديسك فـ لازم يفكون حماية المعالج , وحماية المعالج معقدة جداً .. فـ كيف اجل لو كانو يبغون يهكرون الجهاز بالإضافة لتهكير البلوراي بالإضافة لتهكير دسكات البلوراي ياللي هي عبارة عن طبقات وكل طبقه الحماية فيها اقوى من ياللي قبلها !!!

شاكر لك على توضيحك

( الأخ يحسب تأخر تهكير الجهاز من سعر البلوراي :ee2::ee2:)

[Lonely Hunter]

معليش ممكن المصادر على هالكلام !؟

اتعرف شكثر تعبتني بهالجمله P:

لاني نسيت وين قريت الخبر (قريته قبل هالموضوع)

للأسف ماقدرت احصل المصدر اللي قريت منه الخبر ...لذلك اسحب الجمله اللي كتبتها

لان يمكن قريتها بتعليق و علقت بذهني على انها مع المصدر