متى كانت بدايتك مع الاكس بوكس ؟

[ايوب الحسن]

السلام عليكم


سؤال واضح .. متى كانت بدايتك مع الاكس بوكس ؟ هل كانت مع الاكس الاول .. ام الثاني 360 ؟

وشنو كان رايك قبل والحين ؟



------------------------------------------------

بالنسبة لي // كانت بدايتي مع الاكس بوكس 360 ... وشريته تقريبا بعد صدور الجهاز بجم شهر ،، عجوني جم لعبة الصراحة وشريت الجهاز :أفكر:


ورايي فيه قبل قلت .. على ايام صدور الاول وكان اسود وكبير .. قلت مادام اغلب الالعاب موجودة على البلاي 2 .. قلت شحقه اشتريه .. ولو كان فيه جم لعبة حلوة كانت فقط على الاكس الاول ..بس كشت فيه وتميت على البلاي 2 ،،

اما الحين فنظرتي تغيرت ... بعد ما شريت الاكس 360 ... وبعد ماشفت روعة الالعاب والاونلاين ، صج صار حلو وروعة :D


=================================

يالله دوركم الحين

[rare games]

بدايتي فيه كانت مع الاكس بوكس الاول تقريبا اول ما نزل في عام 2001 شراه اخوي ويا الكيوب مره وحده وكان وياه ديد اور لايف 3 و raw is war لكن كان الجهاز بالنسبه لي فقط ديد اور لايف 3 بعد ما مليت منها غبر الجهاز وما عاد احد يستعمله عندنا واخذنا شين مو 2 وهالو لكن للاسف ما جازولي


وبدايه الفعليه كانت مع الاكس بوكس 360 وبالتحديد مع صدور بلو دراغون مع اني ماخذه من يناير 2007

[Sanabsie]

هنلا
انا بدايتي مع 360 كنت ماخدنه علشان لعبه اسمها فروم سيتي كيلر وتكنسلت للاسف بعدين شفت جيرز والجماعه واعجبت بالجهاز اكثر يوم ينزل الكوبي لاني كنت اشتري لاكل ما اتمناه

[King36o]

انا اشتريت اول شي 360 ,, مادري شنو الي خلاني اترك التفكير بالـ PS3 و انا فرحان بقراري

الجهاز شريته اول مرة في صيف 2007 لكنه مات بعد 3 شهور :(

و بعد 7 شهور تقريباً اشتريت اكس بوكس 360 اليت و هو لا يزال عندي :)

سبب شرائه ,, مرة رحت مع ربعي حق محل العاب و كانوا حاطين فيه 5 اجهزة اكس بوكس القديم

و لعبنا Halo 2 مع بعض و اللعبة اعجبتني بقوة !

اول ما سمعت انها حصرية قلت خل السوني يولي :D

و بصراحة انا ما كنت اعرف شي عن الألعاب ابدا ,, حتى غيرز 1 اشتريتها من 6 اشهر من اليوم :D

مابي اطول و انا اقول قصة حياتي ,, صوت مسج فارس ليحين مشير في راسي :D

مشكووور ايوب :)

[حلاالي]

كانت بداياتي على الاكس بوكس 1 عام 2004
ومنها انا مع ماكروسفت إلى الان ^^

[bader686]

بدايتي مع الجهاز كانت في صيف 2007 اول لعبة لعبتها بورناوت ريفنج و حبيت الجهاز و من ذاك اليوم لحين اعتبرة افضل جهاز عندي

الي ماعندة الجهاز مايدري شكثر متعة فوت علية

[Modi]

طبعا الاكس بوكس الاول "بما اني متعود اشتري اي جهاز ينزل"
شريته بالـ 2001 بعد ما عرفت ان شين مو 2 بتنزل عليه امريكيه
"دورتها على الدريم كاست مالقيتها حتى اليابانيه كانت ناقصه بذاك الوقت"

جهاز ممتاز وصار ثوري بوقته بعد مالعبوا فيه الهكر وصار تقدر تنزل
اللعبه على الجهاز وتقدر تتفرج على avi "كنت وقتها بعز الانميشن والافلام"

طبعا كان فيه حصريات مثل halo و doa3 و oddworld وغيرها
بس كلها ماشدتني لأنها ماكانت على المود حقي -__-" بس الجهاز ممتع
شين مو 2 تكفي على الجهاز اشتريه لول XD

الاكس بوكس 360 شريته ببدايته طبعا بعد ماشفت الالعاب والجرافكس القوي وقتها
بالبدايه كنت مبسوط من kameo رجعتني لأيام crash على PS1 ومتعتها

[FARES360]

بدايتي طبعا ويا الأكس 1... انا شريته مو لأنه كان الأقوى بالجرافكس وقتها ..
انا شريته لأنه اسم جديد في عالم الألعاب .. وغير جذي الناس كلها تقول بلاي 2 !
فأنا احب اتميز فشفت ربعي كلهم بلاي 2.. انا حولت ..اكس 1 والحمدلله جهازي راضي عليه
من الألعاب الي نزلت... طبعا شريته في بدايته نزوله .. وحوالي 66 لعبة أصليه عندي .. ثم بعدها طورت جهازي
وشريت باقي ال300 لعبة كوبي لول .. , اتصالي وقتها دايل آب .. فما اقدر اجرب اللايف وقتها
سبب شرائي له كان jet set radio future .. لأنه كان من افضل العابي عالدريم كاست بالجزء الأول له
بس بعدين طلعت كميه العاب حلوه عجبتني منها fable وغيرهم ..

ثم إنتقلت الى ال360 حيث الأعتماد على اللايف .. =)
ما يحتاي اقول الألعاب لول .. اولهم جيرز الي طلعت بعد فتره بس في البدايه كنت العب kameo وperfect dark

الجهازين شريتهم في بدايه صدورهم بالكويت.. -_- بأسعارها الناريه لول ..

[kingx11]

بدايتي كانت مع 360 سألت الشباب في قسم الاكس بوكس عنه لاني شريت تلفزيون hdtv وماستفدت منه وقالو لي خذ الاكس بيعجبك وخذيته في ابريل 2006 وبصراحه مالقيت فيه شي يعجبني لين gow نزلت انبسطت عليه من جد

وفوق هذا قعد الجهاز عندي لين 2008 ماشفت اللمبات الحمرا فيه الا كم مره عشان الواير مب موصل عدل بس

الاكس 1 شفته عند واحد من الشباب ومادخل مخي بس داينو كرايسس كانت حلووه عليه وفالنهايه قلت لنفسي no JRPG no xbox =D

[Sheva.7.]

متى كانت بدايتك مع الاكس بوكس ؟ هل كانت مع الاكس الاول .. ام الثاني 360 ؟

وشنو كان رايك قبل والحين ؟

الأول

انا بدايتي كانت بتاريخ 2003 11 \ فبراير وسبب هو Doa3 ++ هيلو اول جزء بعد ماعلنو كنسلته في ps2 الأني كنت احس انها لعبه حلوه مع اني ماكنت اعرف غير اسمها++ كنت احب الخيال العلمي ..

لازال نفس شي بلنسبه لي روعه × روعه غير انه العاب الحلوه زادت عن قبل :ponder:..

++سبب شرائي ثاني هو انه الps2 مايتم عندي اكثر من شهر و تخترب العدسه و الأكس بوكس عوض ..
---

ال360

السبب الي خلني اشتريه


اعتيادي ع الأزرار


التاريخ الي اشتريته فيه ..

شريته من يوم نزل عندنا مادري تاريخ بلضبظ اضن 2006 بس حتى الحين ماصارلي 3 ريد لايت :D و الحمد الله ع ها شي ..

[xbox x360]

بدايتي مع الأكس بوكس الأول سنة 2003 شريته عشان ديد اور لايف وهالو وبعدها اخذت اكس بوكس360 سنة 6/6/2006 شريت الجهاز ولا كنت منتبه للتاريخ :)

[Ice Moon]

بدايتي مع الاكس بوكس كانت متاخرة شوي وحتى البلي 2 لاني كنت مدمن العاب حاسوب واشترية البلي 2 2005 وبعد ماشفت الاكس بوكس الاول وتخزينه للالعاب وقوة الجهاز وبالاخص شين مو2 ماتحملت وركض اشتريته وكنسلت البلي 2 لاني بصراحة ما احب سوني مع احترامي لعشاق سوني احس سوني انهم مخادعون
ولمن شفت الاكس بوكس 360 يصراحة طار عقلي اشتريته 2007-7-19 واشتريت معاه لوست بلانت وكيرز اوف وار ودبل اجنت سبلنتر سيل ويا فرحة مادامت بعد احد عشر يوما الجهاز اعطاك عمره 3ريد لايت وانتظرت بعده4 اشهر حتى وصل الاليت وصارله سنة والحمدله بعدما اخذت حذري وفتحته وعملت له مراوح داخلية

[GHOST 360]

انا بدايتي اول ماقال لي اخوي في جهاز يديد
احسن من البلا 3 ( بعده مانزل ^_^ كان يخمن بس )
ورحت على طول وشتريته
وجبت معاه فول اوت ولعبته لين ماقيمته وطلعت الاتشيفمنت من الملل ماكان معي شريط غيره
وقال اخوي يصير تلعب مع ناس وانا من الخبال مقلت له "كذاب كيف مايصير " علشان يشغل^_^
ودخلة الايف وكان العبه الايف يمكن 24 متواصل
وانا قاعد العب رانك متش
حصلة best one في الشريط
قال اخوي إلى العب معه ولعب معه وغلبه لووول
والله فله
360 وبس
مع اني كنت متحمس مره للبلاي 3 بس خلاص طاح سوقه عندي

[tekken1663]

بدايتي مع XBOX,360 2007 أول لعبة لعبتها HALO3

[Yusuke Urameshi]

بدايتي كانت مع الاكس بوكس سنة 2002 و كان سبب شرائي هو لعبة شين مو 2 و بافي و لعبة القتال الغنيه عن التعريف ديد اور الايف..........

[SN!PER WOLF]

انا بداياتي يوم دخلت منتدى المنتدى

وشفت الناس يتكلمون عنه وعن الاونلاين تحمست للموضوع تمتيت اتابع المواضيع

وعقبها قررت اشتريه xbox360

لكن الاكس بوكس الاول كان كبير وشكله غير مقبول وبعد اكثر الالعاب الي فيه على ps3 وتاخر فتره الى ان نزل الكوبي

عموما ال360 وايد جميل ويعطيه العافيه

مع انه اخترب عندي جهازين منه الا اني ما زلت احبه

ومشكوور

[ERGO PROXY]

بدات معه الاكس بوكس الاول اخذت اول ما نزل لانه في كم لعبة كانت شادتني للجهاز + انه كان اقوه في الرسم على جميع الاجهزه في الجيل الي نزل فيه فا اخذته معه 3 العاب هالو 1 وwwf raw وdead or alive 3
طبعا المصارعه تحسفت ليش خذيته لانه كان مرض يذكرني مرات بتومب رايدر مادري ليش
ديد اور الايف 3 كانت عجيبه وهي اول لعبه طلبتها اول ما خذيت الجهاز لاني كنت العب الاجزاء القديمه من السوني 1 والدريم كاست وعن هالو اول ما خذيتها بصراحه انعجبت فيها وكانت اكثر لعبة العبها
وبعد فتره امدحولي فيبل 1 في النت وقالو حلوه .... الخ رحت خذيتها وبصراحه طلعت شي وله اروع
وعن الجهاز كان قوي الصراحه والرسم الي فيه كان مو طبيعي وقتها خصوصا لعبة سبلنتر سيل الي نزلت على الاجهزه الثلاث البلاي ستيشن 2 والقيم كيوب والاكس بوكس كانت الافضل على الاكس بوكس من ناحية الرسم بس الصعوبه كان مبالغ فيها شوي
بس بصراحه الجهاز كان جيد نوعا ما لكن القيم كيوب والبلاي ستيشن 2 كانوا متفوقين عليه بنظري لانه العابه كانوا ينعدون بالاصابع عكس الجهزه الاخرى
بالنسبة لل360 اخذته اول مانزل بفتره صغيره
كان من اسباب شراء الجهاز انه كان ودي العب نفس الالعاب الي لعبتها على الاكس بوكس الاول وبصراحه تفاجأة انه طلع بهل الصوره وتفاجاة من الالعاب الحصريه الي نزلت عليه
لانه من توقعاتي انه يكون نفس القديم بس الشركه شكلها اعرفت اخطاءها وصلحت كل شي اله الديث رينق لوول
وبصراحه الجهاز شدني اكثر لانه كل فتره تلقه العاب قويه تطلع من الارض وتنزل عليه
واشوه انه ماحاشني ديث رينق احمد الله واشكره لوول