متى كانت بدايتك مع البلاي ستيشن !

[ايوب الحسن]

السلام عليكم


حبيت افتح موضوع شوي نقاشي بسيط .. :D

سؤالين فقط !!

متى كانت بدايتك مع جهاز البلاي ستيشن بشكل عام ؟

وشنو رايك فيه قبل لا تشتريه والحين ؟

==================================

بالنسبة لي // يووووووووووه .... بدايتي كان تاريخ والله ،، كانت بدايتي مع البلاي ستيشن 1 عام 1996 على ما اذكر ... واول لعبة لعبتها اهي رزدنت ايفل الاول .. اول ماطلع .... يوووه صج صج حبيت هاللعبة بشكل غير طبيعي والله ،، واستمريت معاه والحمد الله وديته الورشة بس مرتين مادري 3 بس .. علشان تنظيف العدسة وتدرون ليش (&) ،، حتى كنت حطيت على الجهاز لزقة صور كونان .. لوووول يعني كشخة :09:


ورايي فيه // الصراحة قبل لا اشتريه كنت شاري 3DO ... وكانت العابه صج قوية وكنت مستهين بالبلاي ستيشن 1 ... بس شفت انه العابة حلوة البلاي .. وشريت البلاي (( الوالد الله يذكره بالخير ماقصر وشرالي اياه :o )) ... وبعد ماشريته تغيرت نظرتي فيه 180 درجة والله ،،


==============================

يالله ... دوركم :D

[kingx11]

نفسك تقريبآ عام 1996 مع رزدنت ايفل وتكن

وكراش وتوستد ميتل لين شريت فاينل 7 تحولت الى جيمر حقيقي من كثر ماسهر عليها واخلص مهماتها

[White Knight]

أما أنا بدايتي كانت مع البلاستيشن1
وقتها كنت محتار أشتري سيجا ساترن أو البلاستيشن1
وكنت ناوي على الساترن وبقوة بصفتها جهاز معروف ومن شركة سيجا حتى أن شركة سيجا وقتها لها سمعة عريقة بعكس سوني إلا كانت جديدة على السوق
بس لعبت كراش وتكن 1 و2 هي إلا غيرت رأيي .

[SALM0RE]

اول مرة شفت البلايستيشن كنت في بيت صديقي و اخوه كان توه مشتريها وقاعد
يلعب الديمو الى فيه Hercules . . . و بعدين شغلنا Fifa 98 و Fighting Force
حتى أذكر لما تظهر شاشاة التحميل صديقي يقول لي : اضرب الأزرار أضرب
عبالنا كل ماتضغط اكثر كل مايسرع التحميل :09:

أول لعبتين شريتهم Men in Black و G-Darius

[الفتاة المشاكسة]

اشكرك على الطرح الجميل ايوب و لا تحرمنا من طلتك في القسم (حتى اذا كنت مشغول في قسم الاكس بوكس ^^)
شخصياً الـPS1 ما لي ذكريات وياه لأني ما شريته ><
و بدايتي كانت مع الـPS2 عام 2004 و الوالده ( جزاها الله خير ) كانت هي اللي شرته لي بمناسبه النجاح ( آخخ على ايام هدية النجاح ) و من يومها و انا مدمنه على الالعاب و اكثر الالعاب اللي سببت لي الادمان MGS3 و الجزئين الاخيرين من سلسلة Onimusha
آه ... كانت ايام حلوة و دائماً اول جهاز يكون له طابع خاص حتى بعد ما شريت الـPS3 الـPS2 لسا موجود و شغال زي الفل ^^
و اشكرك مره ثانيه على الموضوع

[fall out boy]

بدايتي مع البلايستيشن كانت في 1997 .............. كنت 7 سنوات لما اخوي اشتراه
اول العاب كانت winning eleven 3 و 4 الله يذكرهم بالخير .... لوول
و كراش 1 و 2 و 3 .... تويستد ميتال ..... جراند تريسمو 1 .... ايام
smackdown

[ايوب الحسن]

حتى أذكر لما تظهر شاشاة التحميل صديقي يقول لي : اضرب الأزرار أضرب
عبالنا كل ماتضغط اكثر كل مايسرع التحميل :09:


اووو .. لوووووووووووول والله صج حتى انه مره لمن العب عند ولد عمي .. اشوفه يضغط على الازرار حيل جنه مجنون لووول اقوله شفيك يقولي علشان يسرع التحميل .....



كانت هي اللي شرته لي بمناسبه النجاح ( آخخ على ايام هدية النجاح )

يوووه ذكرتيني والله ... ايام ماكنت اشد حيلي بالدراسة بس علشان الهدية لوووووووول :09: ،،

[rare games]

بدايه كانت مع ps1 مو ذاكر بالضبط بس اما ان 1996 او 1997 كان ولد عمتي شاريها ويلعب هو واخوانه كراش ويقهروني انا واخواني وبعد يومين شراها اخوي وياها كراش وهرقل والعاب ثانيه واهم الالعاب الي مرت علي لps1 ثلاثيه كراش وبراسات ايف 2 وزريدنت 2و3 وبوي بوي 2 ( لعبه اعتقد سخيفه جداً بس مادري اشلون قبل كنت اموت فيها) وفاينل 8 وسول ايدج وراها شريت 64 وانتهت حياتي مع ps1

[fall out boy]

اووه انا نسيت طرزان و هرقل و Toy story

[dro]

والله ما اذكر با الضبط لكن هو ايام 1996 او قبل بعد :ponder: ؟ . . الي اذكر انه جاء مع الجهاز سي دي يوريك قوة الجهاز كان فيه ديناصور يمشي و سمك في الماء واذكر سي دي دعايات كان فيه تستويد ميتال و لعبة قتال ادمنت عليها نسيت اسمها والله و كمان اممم رن ابوت . . فيه لعبة ممكن هي من اول العابي ارنب كان تشوفه من المنظور الأول وتخليه يسرع في المرحلة ويروح با اشياء زي الملاهي ينزل و يرقى هذه اللعبة ادمنت عليها ! . . اذكر كمان تكن 1 اول ما جربتها بغى يغمى علي ايام والله . . يعني تخيل النقلة من الثنائي الأبعاد إلى الثلاثي . . كان خيال في ايامها . .




Toy story


هذه اللعبة من اروع الألعاب با النسبة لي . . ادري انها طفولية . . بس عشت معاها ايام روعة والله . . طبعا اقصد اللعبة الي للجزء الثاني ! . .

[Lonely Hunter]

بلي1

شنو اول لعبه لعبتها ...اممم

والله ماتذكر بالضبط , وحده من الثنتين ...كراش 1 او توستد ميتال

بس اللي اتذكره اهو اول شريط شريته ...crock 1 , حتى شريته قبل لا اشتري البلي1 P:

كنت العبه عند ولد خالي الى ان تحاططت مع اخوي و شرينا الجهاز

ايام والله البلي1

و للحين متحسف اني مالعبت بعض الكلاسيكيات بوقتها مثل الاربجيات و ميتل قير 1 و باراسايت ايف

لعبت بعضهم على ايام ps2 و مازلت

[FARES360]

بدايتي مع البلاي كانت معاه في 1996 اذا ما خاب ضني .. وتعرفت عليه عند الجيران .. كنت اشوف كل فتره عندهم يمعه فبيوم رحت لهم هناك وكانو يلعبون لعبة الرقص best a move ..
وانا وقتها كنت احب سوالف الرقص وغير هذا كان جهازي ثلاثي الأبعاد .. انا على ايامها كنت للحين اطقطق في الميجا درايف لول.. بالتسعينات مع العاب سونيك..
وعجبتني شخصية heat الي يلبس ابيض في لعبة best a move .. المهم بعدها قلت حق الوالد جذي وجذي وطايح امدح بالجهاز اقول انه ثلاثي الأبعاد و و و.. .. فشرالي ياه ..
وطبعا شريت اللعبة وكانت من افضل العابي.. وفيه مجموعة حلوه قضيت وياها اوقات حلوه .. كراش بانديكوت
بعدها سبايرو التنين , وسيفون فلتر , وfear effect .. وهم ميتل جير 1 حبيته بس مو لدرجة اتعلق بالسلسله لكن كانت اللعبة من احد الألعاب الجيده خصوصا من ناحية تقديم القصه وقتها.. ولعبة twisted metal , tekken < silent hill , resident evil .. وغيرها من الألعاب وفي لعبة رعب كانت تعجبني بس نسيت اسمها..تتحكم في بنت معينه وتتفادى الtraps وهم تصنع traps للأعداء.. , وفيه لعبة رعب ثانيه كنت اخاف العبها لول صورة الغلاف كانت صورة شيطان لازم قناع شبيه بفلم the strangers , المهم ... كان عندي فوق 600 لعبة اذا مو اكثر.. , بس راح تنصدمون اذا قتلكم اني احب rpg وقتها لوول اي نعم لحد يطالعني .. ترا انا خلصت فاينل فانتازي 8 و 9 ..بس ما اذكر النهايه.. وايضا لعبة اربيجي ثنائية الأبعاد اسمها grandia II او شغله... كانت من الألعاب المفضلة ...
ملاحظة : ترا وقتها ما كنت ادري انه دسكاتي كوبي... كنت افكر انه مجرد دسك وبس -_-" مافيه شي اسمه دسك اصلي او دسك كوبي.. بس لا تلوموني وقتها الأصلي قليل تشوفه بالسوق... لول
وبس بعدها تركت سوني.. لأني احب التغير.. رحت شريت دريم كاست بعدها وله ذكرياته الحلوه بعد .. ثم اكس 1 الى 360 :D

[sackboy]

^^^

انزين ويوم ماعندك PS3 على كلامك ليش مصوت بموضوع الHome على انك لاتهتم بالخدمه اصلا

لووووووووووووووووووووووووووووووووووووووووووووووووووووووووووووووووووول

سوري بس ياريت ماتزعل

[ShinGundam]

, بس راح تنصدمون اذا قتلكم اني احب rpg وقتها لوول اي نعم لحد يطالعني .. ترا انا خلصت فاينل فانتازي 8 و 9 http://www.moonbattery.com/archives/nuclear_blast.jpg


----------------------------------------------------------------

أعتقد بدايتي في 1997 و اول لعبة أشتريها كانت Z Gundam و منها حبيت gundam الي
يومكم خخخخخخخخخخخ :D

و كانت أحلى لعبة gundam لأن ستايل ألعاب الروبوتس في ذلك جيل كان فيه مقاطع أنمي قوية و مع
لعب و جرافيكس و موسيقى حماسية كان شي فضيييييييع بالنسبة لي و هو الشي الي ما حصلته في
هذا الجيل :cray:

[FARES360]

^^^

انزين ويوم ماعندك PS3 على كلامك ليش مصوت بموضوع الHome على انك لاتهتم بالخدمه اصلا

لووووووووووووووووووووووووووووووووووووووووووووووووووووووووووووووووووول

سوري بس ياريت ماتزعل
اولا انا الي مسوي التصويت لول
ثانيا بخصوص التصويت.." لا اهتم" ما ينطبق على الي مجرب .. كنت حاطه على اساس الي ما جرب او الي ما عنده اهتمام عموما ..
بخصوص اختيارات المجربين اهي ال4 الي فوق .. اما الخامس معناته للي ما جرب وغير مهتم
:ponder: فهمت علي؟
يعني لا اهتم عموما .. وليس لا اهتم كوني مالك للجهاز مثلا ..
لو بغيت اصوت بطريقة تعصبيه جان اصلا حطيت التصويت غير مرئي للأعضاء :09:
+
:12: لا تطلع برا مسار الموضوع !

[sackboy]

لوووووووووول زين تسلم على التوضيح يالغالي

سوري صدق طلعت برا الموضوع..

ع العموم لي رجعه للموضوع والتعليق عليه

[bader686]

في شي ماصدقتة في الموضوع و هو في رد رير جيمز ... كنت فاكر بس انة الي بالعالم كان يموت في بوي بوي 2 لوووووووووووووووووول رجعتلي ذكريات العبة

بدايتي مع البلاستيشن كانت في 1997 على مااذكر و اول لعبة جربتها كانت رامبج 2 و كانت احلى لعبة عندي و لعبة توستيد متل بعد كنت احبة و كنت اشتري باالهبل العاب يمكن عندي فوق ال 400 لعبة و كنت مثل الاخو فارس ماادري عن الكوبي و الاصلي .... من كثر حبي لسلسلة تويستد متل شريت psp و ps2 و ps3 بس علشان العبة بس الجزء الي بينزل على البلاستيشن3 شكلة مطول !!! للاسف

[The Snipers]

انا كنت مدمن اتاري كان عمري 6 سنوات وكان عام 1996 بعد سنتين توفى الأتاري :02:
بعدين الوالد رح جاب لي الأتاري و PL 1 الكبير الأتاري معد لعبت فيه بس البلاي 1 كراش 1 هبل فيني :09:
اتذكر ان البلاي 1 كان دائم الخراب شريت 4 بلاي1 3 كبير وواحد صغير و الحمد لله إلى الآن عايش :D
بعد سنتين بديت اللعب لعبت رزدنت ايفل 1 :biggthump

[XORO]

بدايتي كانت مع الـ PS1 في سنة 1997 قبل لا اشتريه كنت مسمنه الصحن لان الاشرطة كانت
دسكات ونحن وكنا متعودين على الكادرتج في الاتاري والفيملي والسيجا ميجا درايف

واول لعبة شفتها في الـ PS1 هي لعبة تيكن 2 كانت الشخصيات مربعة لكن نحن ما كان يهمنا هذاك اليوم
لاننا كنا في ذهول من هذه الالعاب

واول لعبة لعبتها بعد ما شريت الـPS1 هي لعبة قتالية ما اعرف اسمها بس كانت مسلية لنا

[sack girl]

والله ما اذكر اي سنه بالضبط بس كل اللي اذكره اول ما نزلت بلي ستيشن 1 اشتروها حق اخوي الاصغر عني وانا كنت اللعب وياه << رزه :p

بس والله كانت ايام حلوه نسهر للصبح ونقيم ونتحدى بعض..:أفكر:

واللعاب اللي اذكرها: -
بيبسي مان << كانت روعه
درايفر << ما كنت احبها واايد بس اذكرها
كراش << الله على كراش
ومصارعه ما اذكر اسمها شو ودوم اختار البنات وانغلب :D
هرقل كنت اموت على هاللعبه هيه وليون كينق
وسيارات بعد ما اذكر اسم اللعبه ودوم ادعم واخسر :09:

اما بلي ستيشن 2 ما كان لي معها ذكريات ابدا ابدا:31:

وبلي ستشين 3 توني جديده عليها شريتها من اكثر من شهر وحبيتها وتعلقت فيها :biggthump

[الزعيمclub]

هههههه

الصراحه كنت اشتري واخرب وارجع اشتري ثاني مره وبعدين اخربه لعنة جدفه بالكوره 3 :D

وذاك اليوم كنت العب مع عمي كوره ابو 3 :D شاتها من نص الملف وطلعت برى قال قوووول وانا اللي امسك اليد وأسدحه على السوني :D اتقاويت عليه وهو الضعيف ماله حيله علي:02:


عالعموم طالع اللي بتوقيعي وربي لتنصرم بس باقي سوني العيله وتكمله الشله:09:

حلو موضوعك:biggthump

[Suden Dithe]

انا كانت بدايتى مع السونى ايام الابتدائيه سنه خامس
ورايي انه احسن جهاز الى الان وحاليا ماعندي سونى 3 ولاكن بشتريه مع نزول فاينل 13 ان شاء الله

[Modi]

انا شريته في 1995 اتوقع ببداياته بعد ماكنت اشوف صور بالمجلات عن الالعاب وغيرها
اتذكر اني شريت الجهاز الساعه 10 الصبح مع الوالد من بيت الكمبيوتر وكنت مبسوط ^_^
شريته وقت الاختبارات النهائيه صف 5 ابتدائي "والله دنيا"

اتذكر الالعاب الي شريتها
http://upload.wikimedia.org/wikipedia/en/thumb/4/48/Battle_Arena_Toshinden_PSX_cover.jpg/256px-Battle_Arena_Toshinden_PSX_cover.jpg

http://bayimg.com/image/eakbjaabe.jpg

http://upload.wikimedia.org/wikipedia/en/thumb/0/0e/Tekken_1_game_cover.jpg/252px-Tekken_1_game_cover.jpg

http://upload.wikimedia.org/wikipedia/en/d/d3/Ridge_Racer_Coverart.png

http://upload.wikimedia.org/wikipedia/en/c/c3/Street_Fighter_Alpha_flyer.png


طبعا كان شكل الاغلفه كبيره وعلى شكل مستطيل بلاستيكيه

[skith]

1996 كانت بدايتي في البلايستيشن واول لعبه لعبتها هي skull monkey وتكن 1
بصراحه كانت ايام غير طبيعيه

[THE ROCK IS THE BEST EVER]

بصراحة ما اذكر متى شريت الجهاز

بس ايامه مره حلوه

وذيك ايام ما كنت احب ار بي جي بس احب الالعاب المغامرات

ادمنت على الجهاز كنت احب الالعاب ديزني مثل هرقل و ليد كينغ

واحب لعبة سبايرو و كراش

[Yusuke Urameshi]

بداياتي مع البلاي ستيشن 1 كانت لم شريت ال 3دي او و كنت اللعب فيه سنة 1996 بعدها بسنه بالعيد جمعت عيادي سنة1997 بنصها كان عمري وقتها 12 سنه رحت مع اخوي الكبير و كان في عرض وقتها اشتر بلاي ستيشن و احصل على 25 دسك اتذكر شريته من محل الاقصى الي اول ما تدش الرحاب تلاقيه على يسارك..........كنت حيييل متحمس و كان شعوري مو طبيعي يعني وين اخلي و وين اخذ من الاشرطه كنت مولع بألعاب الفايت و اخترت اول شريط بدون تردد تكن الاول و الثاني و جربت اول لعبه bushido blade قتال سيوف كانت رهييبه........و اخترت لعبة كراش و تومب رايدر و كانت عندي خلفية بسبب شرائي المتواصل لمجلة اللعاب الكمبيوتر الي اهي وصلتني للمنتدى و كنت اشتري بعض المجلات الاجنبيه الي تعرفت على لعبة nightmare creatures منها.......و كانت اول لعبة كره قدم اللعبها على الجهاز هي فيفا الطريق الي كأس العالم 98 و كانت عجيبه ليمن عرفت الوينينج اليفين 3 فاينل فيرجن الي اهو كان جزء اسطوري من السلسلة......ايام زمان كنت لم اشتري اللعاب بلاي ستيشن 1 ما اطلع من المحل الا و انا معاي خمس ست اشرطه و كان شعور ما ينوصف لم تختار اللعاب كثيره.......بلاي ستيشن 1 جهاز اسطوري و صعب الحصول على نفس الايام الجميله الي عشتها معاه خصوصأ في وقتنا هذا اللعاب قليله الابداع و الفكر مكرر اما زمان بسيطه و افكار متنوعه بالنسبه لي بلاي ستيشن 1 افضل جهاز على مر التاريخ

[tekken1663]

كانت البدايه مع PS1 2001 أول جهاز العاب أشتريه وأول لعبة لعبتها TEKKEN

[Jiyad]

بالنسبة لي بدايتي كانت مع نزول البلايستيشن 1, في ذيك الفترة كنت في المتوسط , و كنت ألعب كل شي ينزل على الجهاز تقريبا XD
بس أكثر الألعاب اللي حبيتها هي سلسلة فاينل فانتسي, و ما زالت بالنسبة لي في المرتبة الأولى.
الله يصبرنا على الـ13 , سنة لحد ما ينزل ~_~