المساعد الشخصي الرقمي

مشاهدة النسخة كاملة : معرض رسوم المانجا مغامرات النحلة زينة


Ranze Eto
07-01-2002, 08:44 AM
سلالالالالالالالالام ..... (( اكيد تذكرونها و اتحبونها ))

بما انكم قررتوا في كل مره تفتحون موضوع عن كارتون معين و اتحطون صور له ... انا موضوعي اليوم عن زينه و نحول .....

في البداية احب اعطيكم بعض المعلومات عن الكارتون اللي بعرضه عليكم اليوم :D ( انفع اصير أبله;) )

أسم الكارتون : -
بالعربي : مغامرات زينة.

بالانجليزي :Adventures of maya the honeybee

بالياباني : Mitsubachi Maya no Boken

بالأسباني: La abeja Maya

أنتج عام :1975-1976 (( يعني قبل لا انولد :D ))

أسم الشركة المنتجة : Zuiyo and Nippon Animation

عدد حلقات المسلسل الكارتوني :52

:أفكر: مممممممممممممممم .. و بس:D
Ranze Eto
07-01-2002, 08:50 AM
الشخصية اللي كانت تعجبني في المسلسل :(( نحـــــــــول ))

:) يجننننننننننننننننننننننننن احبه:D
orange road
07-01-2002, 11:33 AM
واو رانزي.. النحلة زينة...
والله ذكرتيني بأيام..
اذكر لما كنت صغيرة كان عندي وايد اشرطة عليها.. ويات بنت مع امها تزور امي.. وقالت لي لمي احط زينة ونحول ونقعد نجوفه علشان نهدى..
والمشكلة ان هالبنت تعلقت بشريطي.. وما رضت تطلع وقعدت تصيح تبيه.. :(
وبعدين لان امي كريمة وايد (على حسابي) عطتها الشريط بحساب ان عندي اشرطة وايد غيره... لكن الظاهر انها ما كانت حاسبة اني افهم في ذاك الوقت واعرف افرق بين الحلقات.. وان هالشريط بالذات الحلقات اللي فيه ما كان عندي منها في اي شريط ثاني.. :(
بعدها ما صرت ارواي اي حد اشرطتي الفيديو لو كان من.. بس الحين تخلصت من هالعقدة.. :) وبعد ما اعطي اي حد..

ادري اني طلعت عن الموضوع لكن هالقصة للحين حازة في قلبي.. المهم .. انا بعد احب نحول.. ولا لما يتكلم .. كلامه مخربط خربطه.. ينن.. :)
Ranze Eto
08-01-2002, 04:47 AM
كسرتي خاطري خلود:(

بس تدرين زين اللي سوه فيج :D

تستاهلين تستاهلين تستاهلين :p
Ranze Eto
08-01-2002, 04:48 AM
شسالفه شباب ؟؟؟ محد يحب زينه ونحول ؟؟؟؟؟؟؟؟؟؟؟؟


وين مشاركاتكم :غضب: (اجباري)

هذا نحول يسلم عليكم :)
Noobsaibt
08-01-2002, 07:54 AM
أفا عليج بس
على أيامه كان المسلسل صراحة وايد حلو حتى الوالدة لين حطونه
كانت تابعه ويانا
شخصية الجرادة عاجبتني وايد
Ranze Eto
08-01-2002, 11:24 AM
Noobsaibt مشكور على المشاركة ;)


و هذي الصورة لك .....
Ranze Eto
08-01-2002, 11:26 AM
شباب شسالفة ?:


ليش محد يشارك ...ما عندكم صور زينه و نحول ؟؟؟؟؟

تقدرون تستعينون بأسم المسلسل بالانجليزي او الياباني في البحث
orange road
08-01-2002, 01:55 PM
ما لقيت صور حلوة حق زينة...
كلهم صغار :(
يعني شاسوي؟؟؟ انتحر؟؟ ?:

بس تعرفين انتي..

تستاهلين تستاهلين تستاهلين :p
حسين-911
08-01-2002, 05:01 PM
http://www.is-koeln.de/einwohner/cms/maya/
Ranze Eto
08-01-2002, 09:39 PM
مشكور يا حسين الصور وااااايد حلوه :)

اعجبوني ;)
Ranze Eto
08-01-2002, 09:44 PM
Orang Road >>>>



يعني شاسوي؟؟؟ انتحر؟؟


أيه انتحري :p

عادي ...عشان خاطر زينه ما فيها شي :D
orange road
09-01-2002, 12:00 AM
انتي شريرة يا رانزي...
اخرجي من مدينتنا وعودي الي عالم الاوهام...
هيا اذهبي..
shaheen
09-01-2002, 09:35 PM
نحول: ذييييينة.. ذينة!
فرفور: هوبلااااااااا..
نحول: ثيّد فرفور.. ألم تر ذينة؟
فرفور: أهلا نحول.. لا لم ارها.. اين تراها تكون؟

ههههههههه.. انا احب شخصية فرفور.. تعجبني نطاته وخاصة الحلقة اللي تظهر فيها النبتة الصائدة للحشرات ويقع فيها فرفور فيتذكر حياته كلها هههههههههههه.. ولا تنسوا الدودة سلمى وخنفسانة اسمها روزة تغني على ورقة شجر وسط البحيرة وتقول: حبيتك في الصيف .. حبيتك في الشته.. هههههههههه كانت حلقات ممتعة.. وفي حلقة تموّت من الضحك يوم نزل المطر فاختبأت مجموعة من الحشرات في غار من بينهم زينة ولكن كانت هناك خنفساء تطلق رائحة كريهة فازعجت الموجودين الذين لا يستطيعون الخروج من الغار بسبب المطر!! هههههههههههه ذاكرتي ماشاء الله عليهه شغالة.. اتذكر كنت اشوف المسلسل باللليل في تلفزيون الكويت! كانت اخر محطة تلفزيون بتحط كرتون في اليوم الواحد..(هذا طبعا قبل الفضائيات)

وهذه صورة من الموقع اللي حاطه حسين مشكورا!
orange road
09-01-2002, 09:44 PM
ما شاءالله عليك يا شاهين..
للحين متذكر هالحلقات؟؟؟

انا اتذكر الحلقات الاولى والثانية.. وحلقة العنكبوت الصغير اللي دخل بيت الناس وامه تصارخ تبي حد يساعدها تطلعه وراحوا نادوا الصرصور لانه خبير بالناس وبيوتهم...

واتذكر الحلقة اللي زينة حاولت انها تلتحق بالنمل بس ما كانت تكشي مثلهم.. الا كانت تطير الغبية :p
Ranze Eto
10-01-2002, 05:15 AM
Orang Road :D

الصوره وايد حلوه اعجبتني ..هئ هئ هئ :D

كثري من رسوماتج لي ( انا رانزي الجميلة :p )

Shaheen:D

وينك ما اتبين وين هالغيبه يا القاطع ؟؟؟؟؟؟؟؟؟؟؟

و بعدين تعال قول لي ايش هالذاكرة العجيبة :واو: ( تبخر بسويده ترى عيني حارة:p )

ماشاء الله عليك ... انا لو ما اتابعها للحين كان ما تذكرت حتى اسمها ....
:D
Ranze Eto
10-01-2002, 05:26 AM
:D
Rewayah
21-01-2002, 08:30 AM
كتب العضو (shaheen)
نحول:ولا تنسوا الدودة سلمى وخنفسانة اسمها روزة تغني على ورقة شجر وسط البحيرة وتقول: حبيتك في الصيف .. حبيتك في الشته.. هههههههههه



شاهين! سلمى نحلة! وهي أبلة زينة ونحول... يعني أستاذتهم! :)
مو دودة! :p

راجع معلوماتك! هاي غلطت فيها :D كخخخخ...
بس ما شاء الله عليك! تذكر كل شئ! :)

كان عندي شريط فيه الحلقة الأخيرة واللي قبلها!
كان لها وقع درامي هايل, يوم يهجمون الدبابير على خلية نحل قوم زينة :)
كنت مدمننها! :D كخخخخ

شكراً رانزي على هالموضوع الحلو... توني إلا شفته! :)