المساعد الشخصي الرقمي

مشاهدة النسخة كاملة : اسئله عن الكمبيوتر


ابورابحح
24-12-2008, 03:02 PM
السلام عليكم
كيفكم ياحلوين
انا حبيت اطرح اسئله مهمه
1:كم سعر كرت الشاشه حق الألعاب (512) في الرياض
2:هل كرت شاشه 512 ينفع للعاب الجديده مثل pro 2009
3:انا عندي معالج جديد انتل بس ماهو بنتيوم نوع ثاني الجديد وعندي جهاز 2005 هل اذا ركبت المعالج الجديد في جهازي 2005 يخرب ولا يحترق الجهاز
4:هل المعالجات القديمه تركب على الاجهزه الجديد مثل بنتيوم 4
5 : مواصفات جهازي وشرايكم قولو الحقيقه مايحتاج الشتري جهاز جديد
هاذي هي
بنتيوم فور
2,80 هرتز الرامات 992 رامين 512 هل هي زي واحد جيجا
السرعه من 4000 الى 3500
مذربورد 2004 ينفع للعاب ولا لا
MOOON
25-12-2008, 01:28 PM
للأسف معلوماتك أكثرها غلط !!

لذلك بحاول اساعدك قد ما اقدر .. وأخمن قصدك !!

1/ما حددت نوع الكرت هل هو AGP أو PCIاكسبرس وهذا يفرق في السعر وفي التواجد!!

وتحديده يكون على حسب ماذربوردك هل تقبل النوع الأول أو النوع الثاني ؟؟

فالأول هو النوع القديم ولا يتواجد بكثرة في المحلات !! والثاني هو الجديد والسريع والمتوفر!!

2/لكن عموماً اذا تبغى كرت لتشغيل ألعاب 2009 لا تفكر بأقل من 512 وبقيمة أكثر من 1000 ريال !!!

وفيه أقسام خاصة تهتم بكروت الشاشة وتفاصيلها (قسم هاردوير ألعاب البي سي)

3/اذا ما تعرف معالجك كيف اساعدك؟؟ لكن يمكن تكون تقصد دول كور أو كور2 ديو !!

أما عاد 2005 كثّر منها !!!!!!!!

ترى مافيه شي اسمه جهاز 2005 او الفين ومليون ؟؟!!

ولا يخرب ولا يحترق !! الا قل ما يركب أصلاً !!

4/المعالجات اللي أسرع من 3000 صارت نوع ديجيتال (LGA) يعني بالعربي بدون أسنان (بين) !!

أما المعالجات اللي أقل من 3000 مثل معالجك (2.8) فهو من نوع (بين) ولا يركب على الماذربوردات الجديدة!!

وبعد انتبه لراماتك ترى نوعها قديم لا يركب على الماذربوردات الجديدة اللي عندك (DDR1) والجديدة (DDR2) وانتبه للباص حق الرام انه يكون عالي ومناسب لجهازك واذا عندك اكثر من رام لازم يكون الباص نفسه على الرامين !!

5/ ما فهمت وش تقصد بالسرعة 4000 الى 3500 !!!!

وطبعاً رامين 512 = ا جيجا .. وكرت الشاشة أخذ حصته :::

512 × 2 = 1024 - 32 (حق كرت الشاشة) = 992

ولا عمرك تقول ماذر بورد 2004 (:

لكن عموماً الألعاب الجديدة تحتاج أجهزة جديدة وسريعة .. بل إن بعض الألعاب تحتاج أجهزة جبّاره !!

عشان كذا فيه كروت شاشة بـ 2000 أو أكثر ريال !!!!

بالنسبة لي .. تعبت من كثر ما طاردت كروت الشاشة وتطوير الأجهزة حتى مليييييييييت !!

وأنصحك استخدم جهاز ألعاب متخصص وريح بالك .. مثل XBOX360 أو بلاي ستيشن3 أو غيرها ...

وبالتوفيق ،،،
AAGun
25-12-2008, 04:03 PM
اخي ضع هذا مثل هذا الموضوع في منتدى الهاردوير بس عنوان يحتوي على تجميع جهاز جديد او ترقية الجهاز

وحدد السعر اللي تقدر عليه ومكان الشراء

بخصوص جهازك اتوقع انه ما ينفع لألعاب 2008
كحد اقصى العاب 2006 يمشي عليه

واشكر الار قمممر على الرد والتفاعل مع الاعضاء وإفادتنا بخبرته : )-