المساعد الشخصي الرقمي

مشاهدة النسخة كاملة : خليجي 19 يضايق «الجماهير»


ابتسامــــــه
03-01-2009, 10:57 PM
http://www.uaeec.com/vb/imgcache/40548.imgcache

أثارت قناة الجزيرة الرياضية غضب الجماهير الخليجية عامة، والإماراتية على وجه الخصوص، ليس لامتلاكها حقوق نقل مباريات خليجي 19 المقرر انطلاقها غداً في مسقط، وإنما للمضايقات التي تمارسها على بقية القنوات، وكأنها تحشد لحرب إعلامية تجاهها (على حد تعبير رواد المنتديات).
وذكرت تقارير داخل العاصمة العمانية أن اللجنة المنظمة لبطولة الأشقاء الثمانية ستمنع الزميل حسن حبيب مقدم برنامج الجماهير في قناة دبي الرياضية من دخول مدرجات الملاعب العمانية، ورصد انطباعات الجمهور الخليجي قبل وبعد المباريات.
وعللت اللجنة المنظمة الأمر بأن البرنامج ينحاز لمنتخبات من دون غيرها، ويثير التعصب بين الجماهير الخليجية، علاوة على أن حقوق التغظية ملك لقناة الجزيرة، وبإمكان برنامج الجماهير نقل ردود أفعال الجماهير خارج أسوار الملاعب الخارجية.
وأدى برنامج الجماهير رسالته الإعلامية في دورات خليجية سابقة عبر خليجي (الكويت 16، الدوحة 17 وأبوظبي 18) من دون أن يواجه صعوبات وعراقيل في نقل نبض مشجعي جميع المنتخبات الذين ينظرون الى كأس الخليج على أنه لا يقل أهمية عن المونديال.
وما أثار حفيظة الجمهور الإماراتي المعاملة التي تجدها القنوات المحلية لدى تغطيتها البطولات الخليجية، في وقت سهلت فيه الدولة مهمة الأشقاء الإعلاميين لدى استضافة الأحداث الرياضية الخليجية، خصوصاً في خليجي 18 التي أقيمت في أبوظبي مطلع 2007.
وما زاد الطين بلة، المعلومات القادمة من بلاد مأرب عبر موقع «الثورة نت» الذي أفاد بموافقة قناة الجزيرة الرياضية على العرض المقدم لها من المؤسسة اليمنية للإذاعة والتلفزيون لنقل مباريات البطولة، وسط دهشة القنوات الخليجية الأخرى التي ما زالت تلهث للحصول على البث مقابل ملايين الدولارات.
وقال عضو منتدى هدف خليجي 19 (ولد زايد الشعباوي): «قناة الجزيرة تذل جمهور الخليج، حتى إنها نالت من معنوياتي وقلصت من رغبتي في متابعة البطولة».
وعلق المشارك (عيناوي مغرم): «دع الجزيرة تنقل البطولة، فأنا أفضل السفر الى عمان لحضور مباريات المنتخب من الملعب على أن أتابعها على شاشة الجزيرة».
ودخل عضو المنتدى (أندر غراوند) على خط الحوار بأسلوب عقلاني وقال «حقوق نقل المباريات هي حق امتلكته الجزيرة، ولكن ما يجب التركيز عليه هو الضغوط التي تمارس ضد برامج القنوات المحلية، فلماذا يتم منع برنامج الجماهير من دخول الملاعب العمانية، رغم أننا عاملنا الجميع في خليجي 18 على أفضل ما يكون؟».
وتحدث المشارك (عيناوي بلا حدود): «البطولة الخليجية غير معترف بها من الفيفا، وهم يتعاملون معها على أنها نهائيات كأس العالم، وأعتقد أن الطيبة لا تجدي نفعاً مع مثل هذه القنوات في البطولات التي نستضيفها».
وقال عضو المنتدى (أبو سعيد): «كان من المفترض أن يكون هناك تنسيق منذ البداية بين قناتي أبوظبي ودبي للفوز بحقوق النقل الحصري، لكن التنافس على مؤتمر صحافي لمدرب منتخب الشباب في كأس آسيا، وكيل اتهامات القرصنة لبعضهما تسبب في ما يحدث الآن».


المصدر (http://www.emaratalyoum.com/Articles/2009/1/Pages/01032009_1c7050344fa14f799d8ff3767e471f1e.aspx)
ابتسامــــــه
03-01-2009, 11:12 PM
وعللت اللجنة المنظمة الأمر بأن البرنامج ينحاز لمنتخبات من دون غيرها، ويثير التعصب بين الجماهير الخليجية،

خل يرجعون الأشقاء العمانيين لـ برنامج الجماهير قبل نهائي خليجي 18
و كيف تعامل معهم الجمهور الإماراتي و كيف تعامل برنامج الجماهير معاهم
بعدها يتكلمون :أفكر:


وبإمكان برنامج الجماهير نقل ردود أفعال الجماهير خارج أسوار الملاعب الخارجية.

على حد قولهم التعصب ..
و التعصب داخل المدرجات أما خارج المدرجااات لا يوجد تعصب !!!



وأدى برنامج الجماهير رسالته الإعلامية في دورات خليجية سابقة عبر خليجي (الكويت 16، الدوحة 17 وأبوظبي 18) من دون أن يواجه صعوبات وعراقيل في نقل نبض مشجعي جميع المنتخبات الذين ينظرون الى كأس الخليج على أنه لا يقل أهمية عن المونديال.
يدل على حسن الضيافه :ponder:


وما أثار حفيظة الجمهور الإماراتي المعاملة التي تجدها القنوات المحلية لدى تغطيتها البطولات الخليجية، في وقت سهلت فيه الدولة مهمة الأشقاء الإعلاميين لدى استضافة الأحداث الرياضية الخليجية، خصوصاً في خليجي 18 التي أقيمت في أبوظبي مطلع 2007.
نحن إعيال زاايد :wink2:


وما زاد الطين بلة، المعلومات القادمة من بلاد مأرب عبر موقع «الثورة نت» الذي أفاد بموافقة قناة الجزيرة الرياضية على العرض المقدم لها من المؤسسة اليمنية للإذاعة والتلفزيون لنقل مباريات البطولة، وسط دهشة القنوات الخليجية الأخرى التي ما زالت تلهث للحصول على البث مقابل ملايين الدولارات.

:biggrin2:


وقال عضو منتدى هدف خليجي 19 (ولد زايد الشعباوي): «قناة الجزيرة تذل جمهور الخليج، حتى إنها نالت من معنوياتي وقلصت من رغبتي في متابعة البطولة».

والله صادق


وعلق المشارك (عيناوي مغرم): «دع الجزيرة تنقل البطولة، فأنا أفضل السفر الى عمان لحضور مباريات المنتخب من الملعب على أن أتابعها على شاشة الجزيرة».
عفيه عليك :)


ودخل عضو المنتدى (أندر غراوند) على خط الحوار بأسلوب عقلاني وقال «حقوق نقل المباريات هي حق امتلكته الجزيرة، ولكن ما يجب التركيز عليه هو الضغوط التي تمارس ضد برامج القنوات المحلية، فلماذا يتم منع برنامج الجماهير من دخول الملاعب العمانية، رغم أننا عاملنا الجميع في خليجي 18 على أفضل ما يكون؟».
قلت لك .. نحن إعيال زايد :wink2:


الاتحاد العماني و الجزيره الرياضيه .. اشتركوا بهذي اللعبه الـ ....
و التصرف إلي ظهروا فيه ما يزيدهم إلا استنكارا لـ دى الجماهير الإماراتيه و الخليجيه خاصه
و الجزيره الرياضيه فرضت نفسها بالقوه :31:
sweet Mio
03-01-2009, 11:41 PM
شفيهم هذوول -_-" ..


وقال عضو منتدى هدف خليجي 19 (ولد زايد الشعباوي): «قناة الجزيرة تذل جمهور الخليج، حتى إنها نالت من معنوياتي وقلصت من رغبتي في متابعة البطولة».
حراام كسر خااطري !
مااينلاام والله .. -____-" ..


قلت لك .. نحن إعيال زايد :wink2:

والنعم ..


شكرااا بسووومه ^^
ابتسامــــــه
04-01-2009, 12:23 AM
شفيهم هذوول -_-" ..
فيهم طمع و بخل
و تناسوا الهدف الأساسي إلي قامت عليه هذي البطوله :أفكر:






حراام كسر خااطري !
مااينلاام والله .. -____-" ..

فرصه إنه يآزر المنتخب قلبا و قالباً ;)




والنعم ..
شكرااا بسووومه ^^

حياااج كويييييييييين :)
Exodia
04-01-2009, 09:22 AM
صباح الخير

أخالفكم في الرأي : )
الجزيرة قناة احترافية ولا يمكن مقارنتها مع أي قناة رياضية عربية ويكفي إن أبوظبي والـ ART حالياً منظمين حلف على الجزيرة حتى يقدروا ينافسوها ( والدوري السعودي مثال ) وهم المنافسين فقط للجزيرة حالياً على الساحة لكن الفرق لا زال شاسع لصالح الجزيرة ..
ومن حق الجزيرة تمنع أي قناة تنقل أي شيء عن البطولة لأن هذا النظام في أي بطولة حصرية والدليل احترام الجزيرة لقناة الـ ART رغم المنافسة وما نقلت حتى هدف من أهداف الشامبينزليج في الأخبار مع إنها تقدر تشتري الأهداف من أي قناة أوروبية وتعرض على الأقل الأهداف ..
برنامج الجماهير تابع لقناة دبي وما أدري ليه البرنامج الوحيد بين كل البرامج الرياضية في كل القنوات العربية يبغى يشارك والقناة أصلاً ما تملك حق نقل المباريات !
هذي بطولة ما فيها مجاملة ومثل ما قال المسؤولين والنقاد على قناة أبوظبي في أكثر من برنامج إن البطولة صارت تدخل ملايين والكل يبغى ينقلها حصرياً حتى يستفيد وتغير الحال عن السابق وهذا الكلام لو أحد قال ليه دبي الرياضية سمحت للجزيرة تنقل والجزيرة في هذي السنة ما سمحت + الجزيرة دفعت مبلغ خيالي حتى تنقل البطولة حصرياً عكس حال دبي الرياضية اللي اشترت البطولة في أرضها وأكيد الفارق المادي بسيط ..

والمقال كل اللي فيه مشجعين من الامارات وأكثر الشكوى من النقل الحصري في هذي البطولة كان من القنوات الاماراتية ( أبوظبي ودبي ) لأن هذي تعتبر ضربة للقنوات المنافسة للجزيرة ورأي الموجودين في المقال ما يعكس رأي الجميع يعني هذي فئة بس تشتكي لكن الحق يقال لا مقارنة مع نقل الجزيرة ..
الغريب إن الجزيرة بتقدم البطولة بطريقة راقية جداً ولا قناة عربية تقدر تقدم البطولة بنفس الطريقة ولنا في بطولة أمم أوروبا خير مثال << أشهد إنها أجمل تغطية لبطولة شفتها في حياتي ..
الجزيرة بتقدم البطولة في اكثر من قناة + بتقدم البطولة على قناة HD واللي ما تملكها أي قناة عربية ويمكن بعض القنوات العالمية ما تملكها وهي تقنية عالية جداً في التصوير واللي بيشوف التصوير بيشوف فرق كبير جداً عن التقنية العادية اللي نشوفها + الجزيرة بشكل متواصل تقدم برامج بطريقة احترافية وبشكل ما نمل من القناة وكل هذا ببلاش وعلى القنوات المفتوحةوليس على قناة أو قناتين فقط ، والأخوان اللي في المقال يقولوا احتكار وبنسافر وما أدري شنو وما في سبب واحد لكلامهم لأن البطولة على قنوات مفتوحة وبأفضل تغطية ..
الجزيرة ما فكرت أبداً في ضرر المشاهدين والدليل إن أغلب البطولات على القنوات المفتوحة لكن بعض البطولات على المشفرة لأن عقدهم مع الشركات الأوروبية يشترط عليهم التشفير وبكم التشفير ( 150 ريال ) !
أي مقال أو هجوم في الوقت الحالي معروف مصدره ( القنوات المتضررة ) أما المشاهد فهو المستفيد من اللي صاير الحين ..
طولت و إن شاء الله يشوفوا الجزيرة المقال ويوافقوا على تعييني XD

أطيب تحية
ابتسامــــــه
04-01-2009, 10:39 AM
صباح الخير

صباح النور


الجزيرة قناة احترافية ولا يمكن مقارنتها مع أي قناة رياضية عربية
هههههه
تعرف ليش ما تقدر تقارنها بـ بأي قناة عربيه
لأنها احترفت على ظهر المواطن العربي :)


ومن حق الجزيرة تمنع أي قناة تنقل أي شيء عن البطولة لأن هذا النظام في أي بطولة حصرية والدليل احترام الجزيرة لقناة الـ ART رغم المنافسة وما نقلت حتى هدف من أهداف الشامبينزليج في الأخبار مع إنها تقدر تشتري الأهداف من أي قناة أوروبية وتعرض على الأقل الأهداف ..

لو كاان باليوم 25 ساعه كان شفتها اشترت أهداف الدوري الإنجليزي


برنامج الجماهير تابع لقناة دبي وما أدري ليه البرنامج الوحيد بين كل البرامج الرياضية في كل القنوات العربية يبغى يشارك والقناة أصلاً ما تملك حق نقل المباريات !
أوكي يكتفون بهذا القول .. ما يفترون عالبرنامج و يقولون إنه عنصري و تعصب ووو
الظاهر إن الجزيره رشّت الإتحاد العماني رش إلين خلتهم يقطون خيط و خيط :)


هذي بطولة ما فيها مجاملة ومثل ما قال المسؤولين والنقاد على قناة أبوظبي في أكثر من برنامج إن البطولة صارت تدخل ملايين والكل يبغى ينقلها حصرياً حتى يستفيد وتغير الحال عن السابق وهذا الكلام لو أحد قال ليه دبي الرياضية سمحت للجزيرة تنقل والجزيرة في هذي السنة ما سمحت + الجزيرة دفعت مبلغ خيالي حتى تنقل البطولة حصرياً عكس حال دبي الرياضية اللي اشترت البطولة في أرضها وأكيد الفارق المادي بسيط ..
شوف أكسوديا
تبقى بطولة الخليج لها خصوصيتها عند أهل الخليج
يعني كل واااحد يحب يشوف المباراة بقناته أو القناة إلي يحبها
لما دبي الرياضيه باعت الحقوق .. كانت تقدر تبيع بـ 10 مليون مثلا .. لكنها ما فضلت الماده وسيط بين البطوله المحببه في الخليج
يعني أنا كـ إماراتيه ليش مثلا أشوفها على قناة الجزيره و أحس إن الجزيره منحازه لـ منتخبها
خلني أشوفها على قنواتي الرياضيه وخلنا ننحاز أو عالاقل بالتعليق نسمع المعلق يقول بالتوفيق للأبيض ووو
لو كانت البطوله كاس العالم ما يهمني على أي قناة أشوفها
أنا ماا قلت إن الجزيره مالها حق ووو
لكن اختفت المبادئ و القيم بهذي البطوله و هذي الحصريه إلي قامت على أساسها بطولة الخليج :)



لكن الحق يقال لا مقارنة مع نقل الجزيرة ..

ليش لا مقارنه ؟؟؟!!!
البطوله الماضيه كااانت تغطية دبي فوق الممتاز
وكااان في برناااامج ولااا أروع قدمه لاعب المنتخب الإماراتي السابق زهير بخير مع قطري
و هذا من غير برنامج الجماهير إلي كااان يرصد تحركاات المشجعين من غير أي انحيازيه
و الدليل إنه كان يستضيف رؤساء روابط المنتخبين
و المذيع حسن حبيب كان يتفاعل مع الطرفين بكل حيادية ومن غير أي انحياز


الغريب إن الجزيرة بتقدم البطولة بطريقة راقية جداً ولا قناة عربية تقدر تقدم البطولة بنفس الطريقة
مع احترامي لـ كلامك و رايك .. مباالغ بطريقة خيااااليه
أقلها سير شوووف ردودي بـ برابطة اليوفي
بالمباراه الوحده ولا 3 مرات تعلق علي بطاقة الجزيره بالمباراة الواحده و تفصل تقريبا من 3 لـ 8 دقايق
معني اتصلت لـ الدوحه مرتين يعالجون لي المشكله واستمرت + و أخذت البطاقه للمحل وحطها بجهاز عشان يرسلون لها إشارات من الدوحه
والمشكله ما زالت مستمره .. و على فكره مب بس عندي :)


الجزيرة بتقدم البطولة في اكثر من قناة + بتقدم البطولة على قناة HD واللي ما تملكها أي قناة عربية
هذي الراديو ؟؟
حتى ببطولة خليجي 18 كنت استمع لـ الراديو وانا بالسياره .. بس مااا ادري لو كان النقل على مستوى الخليج بهذيك الفتره
يمكن بس بالإمارات :أفكر:


وكل هذا ببلاش وعلى القنوات المفتوحةوليس على قناة أو قناتين فقط
يعني بـ أبوظبي و دبي الرياضيه بتدفع ؟!!! :boggled:


والأخوان اللي في المقال يقولوا احتكار وبنسافر وما أدري شنو وما في سبب واحد لكلامهم لأن البطولة على قنوات مفتوحة وبأفضل تغطية ..
شوف أكسوديا .. الجزيره الرياضيه فرضت نفسها غصبن عن المشاهد الخليجي
و ما أخبي عليك .. خلتني ماا أشتهي وما اتحمس لـ خليجي 19 بعد الأسلوب إلي تعاملت فيه إدارة قناة الجزيرة .. و تصدق إني حتى مااا افتح على القناة


أي مقال أو هجوم في الوقت الحالي معروف مصدره ( القنوات المتضررة ) أما المشاهد فهو المستفيد من اللي صاير الحين ..
تكلم عن نفسك
نحن بالإمارات مب مستفيدين و كنا نتمنى نتابعها على قنواتنا الرياضيه
لأنه بالنسبه لنا إن قنواتنا ما رح تقصر بنقل الحدث بالصورة إلي نحن نبغيها :)
عكس باقي القنوات الرياضيه الخليجيه مب متحمسين لأنهم عارفين إمكانياتهم بالنقل :)

طولت و إن شاء الله يشوفوا الجزيرة المقال ويوافقوا على تعييني XD
ما أنصحك تشتغل فيها .. لأنه رواتب الموظفين كلها من دم قلب المواطن العربي :)

حياااك أكسو .. أسعدني تواجدك بالموضوع
و استمتعت بالرد عليك ^_~
Exodia
04-01-2009, 05:59 PM
هههههه
تعرف ليش ما تقدر تقارنها بـ بأي قناة عربيه
لأنها احترفت على ظهر المواطن العربي :)


:boggled:
من متى الجزيرة محتاجه فلوس !!!
الجزيرة تشتري البطولات بالملايين واللي اخذته من المواطنين غصب عنها لأن التشفير من بين الشروط ومبلغ رمزي جداً 150 ريال يعني المبلغ ما يعوضها ولا شي من خسائرها + أنا وغيري خلصت السنة وللحين البطاقة تشتغل عاااادي وهذا دليل إن الجزيرة ما فكرت بالفلوس ..



لو كاان باليوم 25 ساعه كان شفتها اشترت أهداف الدوري الإنجليزي


يعني نقل أهداف في الموجز أو الأخبار صار الوقت ضيق !! :boggled:
ونقل أهداف الدوري البلجيكي والهولندي عادي فيه وقت !! :boggled:



أوكي يكتفون بهذا القول .. ما يفترون عالبرنامج و يقولون إنه عنصري و تعصب ووو
الظاهر إن الجزيره رشّت الإتحاد العماني رش إلين خلتهم يقطون خيط و خيط :)


لا تدخلي في ذمم الناس :12:
وبعدين برنامج الجماهير تابع لقناة دبي والبرنامج الوحيد بين كل البرامج الرياضية في كل القنوات العربية يبغى يشارك والقناة أصلاً ما تملك حق نقل المباريات يعني شيء بالعقل لازم يكون مفهوم إن البرنامج بيلقى الرفض في النقل ..



شوف أكسوديا
تبقى بطولة الخليج لها خصوصيتها عند أهل الخليج
يعني كل واااحد يحب يشوف المباراة بقناته أو القناة إلي يحبها
لما دبي الرياضيه باعت الحقوق .. كانت تقدر تبيع بـ 10 مليون مثلا .. لكنها ما فضلت الماده وسيط بين البطوله المحببه في الخليج
يعني أنا كـ إماراتيه ليش مثلا أشوفها على قناة الجزيره و أحس إن الجزيره منحازه لـ منتخبها
خلني أشوفها على قنواتي الرياضيه وخلنا ننحاز أو عالاقل بالتعليق نسمع المعلق يقول بالتوفيق للأبيض ووو
لو كانت البطوله كاس العالم ما يهمني على أي قناة أشوفها
أنا ماا قلت إن الجزيره مالها حق ووو
لكن اختفت المبادئ و القيم بهذي البطوله و هذي الحصريه إلي قامت على أساسها بطولة الخليج :)


البطولة حالها حال كل البطولات في النقل ..
والجزيرة ما أرتبكت غلط + نقلها مجاناً للبطولة يعني ما كانت تبغى تستغل المشاهدين + عندها نقل مميز عن باقي القنوات ..



ليش لا مقارنه ؟؟؟!!!
البطوله الماضيه كااانت تغطية دبي فوق الممتاز
وكااان في برناااامج ولااا أروع قدمه لاعب المنتخب الإماراتي السابق زهير بخير مع قطري
و هذا من غير برنامج الجماهير إلي كااان يرصد تحركاات المشجعين من غير أي انحيازيه
و الدليل إنه كان يستضيف رؤساء روابط المنتخبين
و المذيع حسن حبيب كان يتفاعل مع الطرفين بكل حيادية ومن غير أي انحياز


أنا واحد من اللي ما شاف ولا مباراة على دبي الرياضية ، وكنت أتابع البطولة على الجزيرة وشفت الحيادية + الاستفتاءات في المواقع الرياضية ( مثل كورة ) حصلت الجزيرة على أفضل تغطية :silly:



مع احترامي لـ كلامك و رايك .. مباالغ بطريقة خيااااليه
أقلها سير شوووف ردودي بـ برابطة اليوفي
بالمباراه الوحده ولا 3 مرات تعلق علي بطاقة الجزيره بالمباراة الواحده و تفصل تقريبا من 3 لـ 8 دقايق
معني اتصلت لـ الدوحه مرتين يعالجون لي المشكله واستمرت + و أخذت البطاقه للمحل وحطها بجهاز عشان يرسلون لها إشارات من الدوحه
والمشكله ما زالت مستمره .. و على فكره مب بس عندي :)


بطولة الخليج على الجزيرة المفتوحة ويش دخل المشفرة !! :ponder:



هذي الراديو ؟؟
حتى ببطولة خليجي 18 كنت استمع لـ الراديو وانا بالسياره .. بس مااا ادري لو كان النقل على مستوى الخليج بهذيك الفتره
يمكن بس بالإمارات :أفكر:


:D
أي راديو !!!
قناة قناة ..
قناة تنقل بنظام الـ HD ..
قلت لك ما في أي قناة عربية عندها هذي التقنية + كثير من القنوات الرياضية العالمية ما تملك هذي التقنية + الجزيرة وفرتها للمشاهد ومجاناً مع إنها مكلفة :)



يعني بـ أبوظبي و دبي الرياضيه بتدفع ؟!!! :boggled:


أنا تكلمت عن التقنيات اللي وفرتها الجزيرة ومجاناً وما تملكها دبي ولا أبوظبي + مو على قناة أو قناتين + الجزيرة عندها معلقين من أكثر من دولة خليجية يعني الانصاف مضمون ، لكن دبي و أبو ظبي !!؟؟ :blackeye:



شوف أكسوديا .. الجزيره الرياضيه فرضت نفسها غصبن عن المشاهد الخليجي
و ما أخبي عليك .. خلتني ماا أشتهي وما اتحمس لـ خليجي 19 بعد الأسلوب إلي تعاملت فيه إدارة قناة الجزيرة .. و تصدق إني حتى مااا افتح على القناة


إذا كانت بتفرض نفسها غصب بهذا التميز ( مثل تغطية أمم أوروبا ) وبهذي التكاليف اللي ما تقدر عليها القنوات الثانية فحياها الله :D



تكلم عن نفسك
نحن بالإمارات مب مستفيدين و كنا نتمنى نتابعها على قنواتنا الرياضيه
لأنه بالنسبه لنا إن قنواتنا ما رح تقصر بنقل الحدث بالصورة إلي نحن نبغيها :)
عكس باقي القنوات الرياضيه الخليجيه مب متحمسين لأنهم عارفين إمكانياتهم بالنقل :)


قبل كم يوم في استفتاء فازت قناة المغرب الرياضية بأفضل قناة مفتوحة ومتفوقة على أبوظبي ودبي الرياضية وشارك في التصويت 60 ألف مشارك :)
وفازت الجزيرة الرياضية بأفضل قناة مشفرة وبفارق كبير عن باقي القنوات وشارك في التصويت 54 ألف مصوت :)
الجميع يشهد للأفضل لكن للعاطفة الوطنية عندك دور في الانحياز :silly:



ما أنصحك تشتغل فيها .. لأنه رواتب الموظفين كلها من دم قلب المواطن العربي :)


ههههههه
يعني الجزيرة تدفع ملايين على البطولات وقيمة الاشتراك ما يعوض ولا واحد بالمية من الخسائر اللي تدفعها القناة + اليطولة مثل ما قلت على المفتوحة وتقولي الرواتب من المواطن العربي XD



حياااك أكسو .. أسعدني تواجدك بالموضوع

و استمتعت بالرد عليك ^_~



الله يحييك ^_^
ومبروووك الجزيرة سمحت للقنوات ينقلوا وفي النهاية تظل الجزيرة الأبرز في النقل :silly:

أطيب تحية
ابتسامــــــه
04-01-2009, 07:46 PM
:boggled:
من متى الجزيرة محتاجه فلوس !!!

و في أحد مب محتاج بيزات ؟ :أفكر:
الدعم مطلوب بس مب من كيس المشاهد


الجزيرة تشتري البطولات بالملايين واللي اخذته من المواطنين غصب عنها لأن التشفير من بين الشروط ومبلغ رمزي جداً 150 ريال يعني المبلغ ما يعوضها ولا شي من خسائرها + أنا وغيري خلصت السنة وللحين البطاقة تشتغل عاااادي وهذا دليل إن الجزيرة ما فكرت بالفلوس ..
100 درهم أضربها بكم مليون " عدد المشاهدين "
شوف كم بتطلع لك :)



يعني نقل أهداف في الموجز أو الأخبار صار الوقت ضيق !! :boggled:
ونقل أهداف الدوري البلجيكي والهولندي عادي فيه وقت !! :boggled:
هذي وجهة نظري



لا تدخلي في ذمم الناس :12:

وبعدين برنامج الجماهير تابع لقناة دبي والبرنامج الوحيد بين كل البرامج الرياضية في كل القنوات العربية يبغى يشارك والقناة أصلاً ما تملك حق نقل المباريات يعني شيء بالعقل لازم يكون مفهوم إن البرنامج بيلقى الرفض في النقل ..
خلني أختصر لك الموضوع كللله
إلي زعلني طريقة تعامل الجزيره الرياضيه ..
مره يرفعون السعر ! و مره تعط النقل لـ قناة يمنيه! ووو



البطولة حالها حال كل البطولات في النقل ..
والجزيرة ما أرتبكت غلط + نقلها مجاناً للبطولة يعني ما كانت تبغى تستغل المشاهدين + عندها نقل مميز عن باقي القنوات ..

أرجع و أقول بطولة كأس الخليج لها خصوصيتها
و إلا خلاص صاااارت الماااده كل شي بالدنيا !!!!


أنا واحد من اللي ما شاف ولا مباراة على دبي الرياضية ، وكنت أتابع البطولة على الجزيرة وشفت الحيادية + الاستفتاءات في المواقع الرياضية ( مثل كورة ) حصلت الجزيرة على أفضل تغطية :silly:
وانا وحده من الناس إلي ما تابعت خليجي 18 على الجزيره :D
أرجع لـ كلامي
قلت لك كل واااحد يحب يشووف البطوله على قناته أو القناة إلي يريحه
و نحن كـ مشاهدين بالإمارات كنا نتمناها على دبي و أبوظبي الرياضيه
و البطوله الماضيه كنت أشوف المباريات على أبوظبي و أتابع برامج دبي الرياضيه


بطولة الخليج على الجزيرة المفتوحة ويش دخل المشفرة !! :ponder:
إنت تقول بطريقة راقيه و ما في مقارنه وووو


أي راديو !!!
قناة قناة ..
قناة تنقل بنظام الـ HD ..
قلت لك ما في أي قناة عربية عندها هذي التقنية + كثير من القنوات الرياضية العالمية ما تملك هذي التقنية + الجزيرة وفرتها للمشاهد ومجاناً مع إنها مكلفة :)
والله للحين ما أعرف شو معناتها :boggled: :D


أنا تكلمت عن التقنيات اللي وفرتها الجزيرة ومجاناً وما تملكها دبي ولا أبوظبي + مو على قناة أو قناتين + الجزيرة عندها معلقين من أكثر من دولة خليجية يعني الانصاف مضمون ، لكن دبي و أبو ظبي !!؟؟ :blackeye:
شو دراك دبي و أبوظبي ما تملك التقنيات !! :02:
الحين لما فتحنا أول قنوات رياضيه وكنا سبّاقين في هالمجال
صرنا ما نملك التقنيات !!!

إذا كانت بتفرض نفسها غصب بهذا التميز ( مثل تغطية أمم أوروبا ) وبهذي التكاليف اللي ما تقدر عليها القنوات الثانية فحياها الله :D
لا والله أنا ماا قصدت إنها فرضت نفسها بالتميز
فرضت نفسها كرهاً على بعض المشاهدين :)


الجميع يشهد للأفضل لكن للعاطفة الوطنية عندك دور في الانحياز :silly:
طيب برنامج الجماهير إلي ادعت عمان إنه عنصري ووو
فاز بأفضل برنامج عربي و تكرم حسن حبيب مب مذكره بأي دوله بس مو بالإمارات
و راحت قناة الكأس قلدته بـ برنامج على ما اعتقد اسمه المدرجات
بس ماا وصل لـ مستوى برنامج الجماهير
برنامج الجماهير ساند المنتخبات الخليجيه و العربيه في تصفيات كأس العالم و غيرها
و كان يتواجد في بلاد المغرب ويحضر نهائي في الجزائر و المغرب و تونس ووو


ههههههه
يعني الجزيرة تدفع ملايين على البطولات وقيمة الاشتراك ما يعوض ولا واحد بالمية من الخسائر اللي تدفعها القناة + اليطولة مثل ما قلت على المفتوحة وتقولي الرواتب من المواطن العربي XD

الله يوفقك مع قناة الجزيره :D




ومبروووك الجزيرة سمحت للقنوات ينقلوا
بعد شنو !!؟ بعد سوء السلوك والتصرف :)



تظل الجزيرة الأبرز في النقل :silly:
من وجهة نظرك :)
IL C a p i t a n o
04-01-2009, 09:18 PM
بصراحه الحمدلله كانت منقوله على الكويت

بالجزيره

لا حماس مع هجمات الكويت ولا شي

هجمه جميله جدا من الكويت

باص جميل تمريره بالكعب

ورفعه جميله

ابعدها مدافع عمان بكتفه

حتى الله ما قال معلق الجزيره
ابتسامــــــه
04-01-2009, 09:35 PM
بصراحه الحمدلله كانت منقوله على الكويت


بالجزيره

لا حماس مع هجمات الكويت ولا شي

هجمه جميله جدا من الكويت

باص جميل تمريره بالكعب

ورفعه جميله

ابعدها مدافع عمان بكتفه


حتى الله ما قال معلق الجزيره




بصراحه هذا إلي أبغي أوصل له




و للحين أبغي إجابه على سؤالي
إيش معنى كويت و السعوديه ووو نقلت .. و دبي و أبوظبي الرياضيه ما نقلت ؟؟؟

كأنه دبي الرياضيه عاملت الجزيره الرياضيه معامله خاصه و باعت لها النقل بسعر أغلى !! :31:

و الله أرد و أقول نحن إعيال زايد
ما نفرق بين عماني و قطري و سعودي و كويتي وووووو
ابتسامــــــه
04-01-2009, 09:57 PM
نقلاً عن منتدى اتحاد كرة القدم الإماراتي


السلام عليكم ورحمة الله وبركاته


..


تم توضيح سبب عدم نقل مباريات " دورة الخليج التاسعة عشر " على
قنـاتي " أبوظبي \ دبي الرياضيــه "


والتي تم بيعها على جميع القنوت باستثنـاء القنوات التابعة لدولة الامارات
وتـم بيع الحقوق على قناة " دبي الرياضيــه " بشرط عدم اعطــاء البث لقنـاة " ابوظبي الرياضيه "
وذلك على لسـان مدير قناة الجزيرة الريـاضيــه فتـم الرفض من قنـاة " دبي الريـاضيـه "
لشراء الحقوق وذلك تضامنـا مع قناة " أبوظبي الريـاضيـه "


..


المصدر : قناة أبوظبي الرياضيـه

قمة الحقاااره
ابتسامــــــه
04-01-2009, 09:59 PM
شوفوا أبوظبي الرياضيه
Exodia
05-01-2009, 03:34 AM
و في أحد مب محتاج بيزات ؟ :أفكر:
الدعم مطلوب بس مب من كيس المشاهد


وهذي هي وجهة نظر الجزيرة واللي بالبطولة تنقلها على المفتوحة ولو تبغى تستغل كانت عرضتها على المشفرة وبتقول أدفعوا ووقتها نقدر نقول الجزيرة محتاجه فلوس :أفكر:



100 درهم أضربها بكم مليون " عدد المشاهدين "
شوف كم بتطلع لك :)


100 ريال مبلغ رمزي لأن الدوري الايطالي والأسباني كان من شروطهم تشفير البطولة :)
يعني الجزيرة ما كانت بتقول شفرنا القناة وخذوا البطاقة بريال :boggled:



خلني أختصر لك الموضوع كللله
إلي زعلني طريقة تعامل الجزيره الرياضيه ..
مره يرفعون السعر ! و مره تعط النقل لـ قناة يمنيه! ووو


من قال إنها أعطت النقل لقناة يمنية ؟!!



أرجع و أقول بطولة كأس الخليج لها خصوصيتها
و إلا خلاص صاااارت الماااده كل شي بالدنيا !!!!


هذا عمل وتجارة وما في شي اسمه خصوصية وإلا ما كانت المنتخبات تدفع الغالي والرخيص حتى تشارك في البطولة :أفكر:
وللمعلومية البطولة الجاية فيها مبالغ للمنتخبات المشاركة وحوافز ثانية وهذا دليل إن البطولة تجارية بعد :أفكر:



وانا وحده من الناس إلي ما تابعت خليجي 18 على الجزيره :D
أرجع لـ كلامي
قلت لك كل واااحد يحب يشووف البطوله على قناته أو القناة إلي يريحه
و نحن كـ مشاهدين بالإمارات كنا نتمناها على دبي و أبوظبي الرياضيه
و البطوله الماضيه كنت أشوف المباريات على أبوظبي و أتابع برامج دبي الرياضيه


هذا ذنب دبي الرياضية وأبوظبي وإلا ليه ما أشتروا حقوق النقل ؟!
غيرك ما يبغى يشوفها في القنوات الاماراتية وإلا كان تورطنا لأن كل المعلقين اماراتيين وبنشوف قمة الانحياز لمنتخب الامارات ..



والله للحين ما أعرف شو معناتها :boggled: :D


ما ألومك تتابعي دبي الرياضية وأبوظبي :silly:



شو دراك دبي و أبوظبي ما تملك التقنيات !! :02:
الحين لما فتحنا أول قنوات رياضيه وكنا سبّاقين في هالمجال
صرنا ما نملك التقنيات !!!


يعني أول قناة فتحت تعتبر خلاص هي السباقة والمتميزة ؟!!
شوفي الـ ART اللي كانوا أول من فتحوا القنوات الرياضية والحين مساكين ما عندهم غير الشامبينزليج والملاكمة وسباق السيارات ..
التميز بالتطوير وتحديث التقنيات ومب بالأقدمية :أفكر:



لا والله أنا ماا قصدت إنها فرضت نفسها بالتميز
فرضت نفسها كرهاً على بعض المشاهدين :)


الجزيرة ما ضربت أحد علي أيده وقالت شوف قناتنا :09:
الجزيرة بتميزها نجحت وتغطيتها لأمم أوروبا درس لكل القنوات العربية في النقل :)



طيب برنامج الجماهير إلي ادعت عمان إنه عنصري ووو
فاز بأفضل برنامج عربي و تكرم حسن حبيب مب مذكره بأي دوله بس مو بالإمارات
و راحت قناة الكأس قلدته بـ برنامج على ما اعتقد اسمه المدرجات
بس ماا وصل لـ مستوى برنامج الجماهير
برنامج الجماهير ساند المنتخبات الخليجيه و العربيه في تصفيات كأس العالم و غيرها
و كان يتواجد في بلاد المغرب ويحضر نهائي في الجزائر و المغرب و تونس ووو


هذي وجهة نظرك ..
لكن غيرك تابع البرنامج وما شاف شي يشده للمتابعة + قد يكون حصل على جائزة من أي مجلة ويا كثر المجلات اللي توزع الجوائز :D



الله يوفقك مع قناة الجزيره :D


آآآآآآمين :D



بعد شنو !!؟ بعد سوء السلوك والتصرف :)


القنوات كلها متفقه مع الجزيرة وحصلوا على النقل ولكل قاعدة شواذ :)



من وجهة نظرك :)


ومن وجهة نظر المشاهدين والتصويت في كل المواقع أكبر دليل :D




بصراحه الحمدلله كانت منقوله على الكويت


بالجزيره

لا حماس مع هجمات الكويت ولا شي

هجمه جميله جدا من الكويت

باص جميل تمريره بالكعب

ورفعه جميله

ابعدها مدافع عمان بكتفه



حتى الله ما قال معلق الجزيره


أكيد أخوي كابيتانو بتابع على الكويت لأن الحماس يختلف لأن اللي علقوا على المباراة اثنينهم مب كويتين ( سعودي و اماراتي ) ..
لكن لو كان خالد الحربان أو أي معلق كويتي على الجزيرة كان بتابع على الجزيرة ..
صعب القناة ترضي كل الأذواق وبالذات في التعليق ..
أذكر شباب ما كانوا يتابعوا مباريات للسعودية على قناة السعودية بسبب المعلقين ويحطوا على أي قناة ثانية ..




بصراحه هذا إلي أبغي أوصل له




و للحين أبغي إجابه على سؤالي
إيش معنى كويت و السعوديه ووو نقلت .. و دبي و أبوظبي الرياضيه ما نقلت ؟؟؟



اللي ما يدري عن الحال يقول اللي يعجبه ..
الكل من مشاهدين الخليج متفقين على اللي سوته الجزيرة والسبب واضح لكن الوطنية والانتماء يغطي على العيون والقلوب أحيانا :أفكر:
الجزيرة ردت الصاع لأبوظبي ودبي الرياضية لأن القناتين تعاونت مع الـART وكانت البداية من الدوري السعودي ومحاولة نقل البطولة على أبوظبي والـART وبعدها الانتقال للبطولات الثانية بمشاركة مشتركة بين القناتين أبوظبي ودبي الرياضية مع الـART لإيقاف مد الجزيرة بعد حصولها على حقوق النقل لأغلب البطولات المهمة في العالم وبقي لها كأس العالم والشامبينزليج :أفكر:
يعني الشراكة بين الثلاث القنوات كانت قائمة حتى يوقفوا تقدم الجزيرة والجزيرة الان ردت لهم الصاع ..





كأنه دبي الرياضيه عاملت الجزيره الرياضيه معامله خاصه و باعت لها النقل بسعر أغلى !! :31:


من قال إن دبي أصلاً باعت للجزيرة خليجي 18 ؟!!! :boggled:




و الله أرد و أقول نحن إعيال زايد
ما نفرق بين عماني و قطري و سعودي و كويتي وووووو


قلت لك الوطنية غطت عيونك عن الحقيقة :أفكر:
دبي الرياضية في خليجي 18 حرمت حتى الجمهور العماني من مشاهدة البطولة على قناتهم :أفكر:
خليجي 18 : التلفزيون العماني يعلن عدم تمكنه من نقل البطولة ويكتفي بملخصات يومية (http://www.kooora.com/default.aspx?showarticle=16820&obj=2432)
+
الجزيرة حرمت من نقل البطولة :)
وتقولي ما تفرقوا ؟؟!!! :boggled:
وليه الجزيرة تسوي كذا مع دبي الرياضية وأبوظبي ؟!!! :boggled:
يعني كل الأخطاء سوتها القنوات الاماراتية وسبحان الله هي القنوات المحرومة من النقل في خليجي 19 :)

أطيب تحية
FAS
05-01-2009, 03:40 AM
اختي ابتسامه باعتبار انج مراقبة مفروض انج تترفعين عن كلمات مثل "حقارة" و "حقد" وتخلينها للأطفال الي يجهلون اساليب النقاش .
_____

الأخ اكسوديا رد عليج ردود منطقيه لكن ... بالنسبه لج المنطق في وادي آخر ,

اذكر اذا كنتي ناسيه ان هذي اسمها حقوق , والجزيرة الرياضية كسبت الحقوق ومن حقها توزعها وين ما تبي ... تبيع على القنوات الي تحب وتمنعها من قنوات أخرى... فلوسها وشيء راجعلها .

نقطة أخرى ,,, خليجي 18 الي اقيمت في الإمارات اذا تذكرين انهم منعوا الجزيرة من نقل البطولة .... برايج عطيني سبب مقنع , شمعنى الجزيرة من بين القنوات الباقيه ؟؟؟
اترك التعليق والتفكير لج وحدج .

____

وبالنسبة لقضية الرشاوي على كلامج بين الاتحاد العماني والجزيرة الرياضيه ...

تتكلمين في ذمة الناس بأمور كبيرة .... هل عندج دليل ؟ ..... ولا مجرد عصبية ونرفزة و " جهل " في اساليب الحوار كالعادة .. ؟
_____

مثل ما هي العادة .... يقولون ان بطولة الخليج بطولة الأخاء والمحبه .... وفي كل بطولة تظهر الحساسيات الي ما لها داعي في أمور تافهه .

_____

على فكرة أختى , في كل رد تكررين احنا عيال زايد ,...

ونعم فيكم وفي زايد الخير والله يرحمه ويسكنه فسيح جناته ....

بس ع فكره ذكرج للجمله في كل ردي ما له أي علاقة في موضوع نقل المباريات ...
IL C a p i t a n o
05-01-2009, 03:59 AM
هو مساعه كنت بقول ان ما باعت خليجي 18 للجزيره ونسيت

واللحين انتوا سبقوتني قلتوا ^^
Tenkai
05-01-2009, 08:06 AM
بأختصر السالفة
دبي الرياضية حرمت الجزيرة من نقل خليجي 18 وجاء دورها تدفع الثمن ،،
وبعد دبي الرياضية سببت مشاكل كثيرة في نقل البطولة الماضية واللي يذكر اللي صار للسعودية الرياضية والقناة العراقية من معاناة بيدري إن الجزيرة أرحم واللي تسوي في دبي الرياضية وأبوظبي شوي ،،
ابتسامــــــه
05-01-2009, 12:14 PM
الجزيره الرياضيه بنفسها ما كانت تبغي خليجي 18
http://www.kooora.com/default.aspx?showarticle=16819&obj=4000077 (http://www.kooora.com/default.aspx?showarticle=16819&obj=4000077)

و عمان ليش ما نقلت بطولة خليجي 18 ؟؟!! لأنه بالنسبه لهم سعر إلي عرضته دبي الرياضيه غاااالي
معنه كل القنوات انباعت لهم الحقوق بنفس السعر .. و ما فرقت بين قناة رياضيه و قناة فضائيه
عيل شو يقولون الحين على الجزيره كانت تبغي تبيع لـ دبي و ابوظبي بسعر خياااااااااااااااالي 18 مليون !!!!!!!!!!!!!!!!!!!!!!

القصه مب قصة بالمثل
و الدليل اتصال مدير قناة الجزيره الرياضيه لـ دبي الرياضيه لـ يبيعهم النقل

و بعدين أمس على قناة الكاس مدير قناة الجزيره بنفسه يقول هدفنا مب مادي
يا سلام!!؟ هدفك مب مادي و قنوات تعطيهم بسعر و قنوات ترفع عليهم السعر!!!!!

الأحتراف أخلاق و مبدأ قبل المتاجره بالمال أختفت كل المبادئ عند الجزيره الرياضيه

و أعيد و أكرر .. أنا مااا قلت أبغي القناااة حصريه على دبي و أبوظبي الرياضيه
أنا أبغي أتابع البطوله على قنواتي المحليه

و بعدين شو تسمون نقل قناة الكويت و السعوديه ووو بـ اللحظات الأخيره ؟!!!

و ما تكلمت بالرشاااوي إلي قصدته شوووف كم دفعت الجزيره الرياضيه لـ عمان لما خلتها ما تميز الصح من الغلط

و لو في مدير الجزيره الرياضيه خير يطلع على قناة أبوظبي الرياضيه و يصرح
مثل ما صرح أمس في قناة الكاس و قال يعقوب السعدي ما يقدر يكلمنا ومب كفو
اتصل له يعقوب السعدي وقال له نبغيك بـ لقاء على هواء على قناتنا :D

و قبل أمس مدير قناة السعوديه الرياضيه كان مستااء من تصرف الجزيره و أمس غير أقواله بشهادة المذيع جاسم !! :أفكر: ..
ما يدري إن الجزيره الرياضيه ذلته بـ إعطاءه الحقوق بـ اللحظات الأخيره :silly:

.. و كلمة أخيره ..
ادخلوا رابطة منتخب الكويت وشوفوا كيف الأعضاء نقلوا على قناة الكويت بعد ما عرفوا إن الكويت تنقل مباراة منتخبهم
بعدها بتفهمون شعوري
FAS
05-01-2009, 03:32 PM
عفوا ....

الجزيره الرياضيه بنفسها ما كانت تبغي خليجي 18


الجزيرة طلبت نقل البطولة لكن دبي رفضت بيعها على الجزيرة وباعتها لباقي القنوات ,
وقبل يوم من إنطلاق البطولة دبي عرضت البطولة مرة ثانيه على الجزيرة !
مع الأخذ في الاعتبار إن الجزيرة ما اعدت للبطولة واعتبرت ان الوقت " ضاع "
يا اختي كأنج تدرسين لامتحان ... وقبل خمس دقايق واحد يعؤض عليج الأسئله .... هل راح تاخذينها ... ؟ بصرف النظر عن الحرام انا اكلمج عن المبدأ والفكرة ....
طبعا ما راح تاخذينها ......


عيل شو يقولون الحين على الجزيره كانت تبغي تبيع لـ دبي و ابوظبي بسعر خياااااااااااااااالي 18 مليون
ال18 مليون هذا هو عرض الجزيره للاتحاد العماني .... ركزي اختي .


الأحتراف أخلاق و مبدأ قبل المتاجره بالمال أختفت كل المبادئ عند الجزيره الرياضيه



اها .... ومن قبل اختفت كلها عند ابو ظبي ودبي .... ومحمد نجيب صاحب الاسلوب السوقي .... ركزي اختي


و بعدين شو تسمون نقل قناة الكويت و السعوديه ووو بـ اللحظات الأخيره ؟!!!


اسميه رد اعتبار على البطولة السابقه الي تكالبوا فيها ابو ظبي ودبي على الجزيرة الرياضيه ..... ركزي اختي في الماضي ....


و ما تكلمت بالرشاااوي إلي قصدته شوووف كم دفعت الجزيره الرياضيه لـ عمان لما خلتها ما تميز الصح من الغلط



دبي دفعت 23 مليون شرط تكون البطولة حصرية لدبي فقط .
الجزيرة عرضت 18 مليون + يكون نقل مباريات عمان مجاني لقناة عمان + نقل ارضي مجاني ...

ترى التجاره لها ناسها ... مو كل شيء يجي لما تدفع اكثر ... في اسلوب و "شروط " تخليك تاخذ الصفقه بذكائك ..... ومن جديد اختي .... ركزي في التفاصيل ... لا تشوفين الظاهر فقط ...


و لو في مدير الجزيره الرياضيه خير يطلع على قناة أبوظبي الرياضيه و يصرح

احتراما" للأخلاقيات مفروض ما يطلع بعد المعامله السوقيه من محمد ونجيب لما أغلق الخط في وجهه وما اعتذر ...
شوفي الإعلام عندكم كيف يتعامل مع التنافس .... واعتقد انج شفتي ابو ظبي أمس ... وشفتي الي صار ...
ركزي اختي ولا تجاملين ....


و قال يعقوب السعدي ما يقدر يكلمنا ومب كفو
اتصل له يعقوب السعدي وقال له نبغيك بـ لقاء على هواء على قناتنا

المثل الشعبي ..... هذا اخو ذاك ....


و قبل أمس مدير قناة السعوديه الرياضيه كان مستااء من تصرف الجزيره و أمس غير أقواله بشهادة المذيع جاسم !!
عدوج بعد ما يخدمج راح يبقى اقرب صديق .... تجاره وشي طبيعي اختلاف تصريحاته مع اختلاف الوضع ....

ما يدري إن الجزيره الرياضيه ذلته بـ إعطاءه الحقوق بـ اللحظات الأخيره
ما اشوف ان احد انذل غير ابو ظبي ودبي ....


بعدها بتفهمون شعوري
وارجعي سنتين ورى وشوفي لما انحرمت الجزيرة من نقل البطولة في الإمارات .... وما اعتقد انج بتفهمين شعوري .... لأنج مو مركزه صدقيني ...
InTouch
05-01-2009, 07:01 PM
بصراحه انا اماراتي و بقول "رايي الشخصي" و اختلاف الراي لا يفسد للود قضيه

السالفه من الاخر لا فيها رد صاع او شي هاذي "حقوق" و الحق ينقال الي قادر عليها قادر والي مب قادر حياه الله لا في رشاوي للاتحاد العماني والى شي و ان كان في رشاوي اتمنى احد يحط مصدر و يأكد الشي هذا..

السالفه و ما فيها في خليجي 18 الجزيرة ما عرضت بغض النظر عن الاسباب و الحين الجزيرة قدرت تعرض خليجي 19 و ركبوها الناس على انها رد صاع للقنوات كذا و كذا و كبروا السالفه من لا شي

و عن سعر بيع الحقوق على الجزيرة و ليس دبي الرياضية الي دفعت اكثر اتوقع هذا قرار الاتحاد العماني و محد له دخل فيه كل واحد و له اسبابه يمكن شافوها من الناحيه الفنيه انه ما راح يكون تمييز بين المنتخبات و امكانيات الجزيرة الرياضية افضل

اتوقع كل واحد حاب يعيش جو بلاده و يسمع تعليق معلقين بلاده انا عن نفسي ودي اسمع تعليق علي حميد او فارس عوض لمباريات المنتخب الاماراتي بس للاسف مافي قناة اماراتيه قدرت تنقل مباريات كاس الخليج "رغم محاولاتهم"

و ياريت محد ياخذ ردي بحساسيه لانه هذا رايي الشخصي :)
بلا هوية
05-01-2009, 08:50 PM
السلام عليكم ورحمة الله وبركاته


قناة تنقل بنظام الـ HD ..


ما ألومك تتابعي دبي الرياضية وأبوظبي


على فكرة أبوظبي الرياضية بعد تنقل بنظام الـ HD ومن زمان ها الكلام
الـ HD هو اختصار لـ High Definion أي تكون الصورة بنقاوة جودة عالية




ومبروووك الجزيرة سمحت للقنوات ينقلوا


إلا أبوظبي الرياضية ><



لكن غيرك تابع البرنامج وما شاف شي يشده للمتابعة + قد يكون حصل على جائزة من أي مجلة ويا كثر المجلات اللي توزع الجوائز


البرنامج حصل على جائزة أفضل برنامج في آسيا << للأسف ماعندي المصدر
وأفضل برنامج مهتم بالجماهير على حسب استفتاء موقع كوورة



القنوات كلها متفقه مع الجزيرة وحصلوا على النقل ولكل قاعدة شواذ


ابدا ما كانوا متفقين قبل ما حصلوا على النقل حتى بعد ماتناقشو مع رئيس قناة الجزيرة الرياضية قال لهم نحن مب جمعية خيرية نشتري حقوق ونوزعها للغير.... هو كلامه صح لكن في طريقة أحسن لتوصيل فكرته


نقطة أخرى ,,, خليجي 18 الي اقيمت في الإمارات اذا تذكرين انهم منعوا الجزيرة من نقل البطولة .... برايج عطيني سبب مقنع , شمعنى الجزيرة من بين القنوات الباقيه ؟؟؟

لنفرض مثلا إن كلامك صحيح هل هذي هي احترافية الجزيرة الرياضية اللي كلكم تتحدثون عنها ترد الغلط بالغلط

أنا مب كاره الجزيرة الرياضية أبدا ولا أنا ضدها ..

لكن مشاهدة المباريات على أبوظبي الرياضية غير

ولولا الامتحانات ليريحت نفسي من عوار الراس سرت الملعب

واسمحولي اذا ما رديت على كل نقاطكم بسبب العجلة
smoking
05-01-2009, 09:07 PM
حط في اعتبارك ان القناة المفتوحة الوحيدة اللي ممكن تنافس الجزيرة الرياضية المفتوحة هي قنوات دبي وابوظبي الرياضياتان

هل من المعقول ان يساعد المنافس منافسيه بطريقة تجعلهم يتقوفوا عليه ؟

شكرا
FAS
06-01-2009, 12:39 AM
InTouch

و ياريت محد ياخذ ردي بحساسيه لانه هذا رايي الشخصي
بالعكس ردك تماما خالي من الحساسية ... :)
والموضوع كان هادئ لولا الإثارة الي سواها محمد نجيب في ابو ظبي .... في حال شفت البرنامج ...
==========
بلا هوية

لنفرض مثلا إن كلامك صحيح هل هذي هي احترافية الجزيرة الرياضية اللي كلكم تتحدثون عنها ترد الغلط بالغلط
بابسط صورة لتوضيح الفكره ,
كما تدين تدان .... انسى امور الأخلاقيات .... انت ما طبقتها على غيرك .... غيرك ما راح يطبقها عليك ... هذا شيء اسمه بزنس ...
لما تكون قوي ... انت تحكم ....
للاسف هذا مو المبدأ الانساني الصحيح .... لكن هو المبدا المادي والتجاري .... الي تعاملت فيه ابوظبي ودبي ضد الجزيرة .... وحاليا هي تتعامل معاهم فيه .... ببساطه ...

واسمحولي اذا ما رديت على كل نقاطكم بسبب العجلة
مسموح يخوي وشد حيلك في دراستك والله يوفقك ....
ومبروك فوز المنتخب :)
======
smoking


حط في اعتبارك ان القناة المفتوحة الوحيدة اللي ممكن تنافس الجزيرة الرياضية المفتوحة هي قنوات دبي وابوظبي الرياضياتان

هل من المعقول ان يساعد المنافس منافسيه بطريقة تجعلهم يتقوفوا عليه ؟


اختلف معاك تماما في كلمة " مفتوحه "
اذا تذكر ان ابوظبي كانت مشفرة على أيام الدوري الإيطالي .... لا تسمي هذا " مجاني " و "مفتوح "
وبالنسبه لدبي , نعم قناة أقوى من ابوظبي حاليا وتقدم الدوري الألماني بشكل مجاني ,
ولو فازت بحقوق بطولات عالمية أكثر أكيد راح تكون لها منافسه أكبر ,
saw101
06-01-2009, 03:55 PM
الجزيرة الرياضية = العنصرية

وهذا الشي صار امس في مباراة منتخبنا السعودي قدام قطر
مالك معاذ ما كان متسلل و ما عادو التسلل
و بعدها جا خطأ تافة لقطر عادوة عشر مرات
يعني الخطأ احق في الاعادة من التسلل

ببساطة الجزيرة الرياضية في نقل الدوريات الاوربية جيدة و اسعارها رمزية
لكن لما تنقل الدوريات او البطولات المحلية ترا ما عندك احد
لان الدوريات الاوروبية ماسكتها شركات عالمية
و التجارب حقت الجزيرة تصير على المحلية
و الله يعين الي بيقابل قطر ^_^

و المعذرة عالاطالة
ابتسامــــــه
06-01-2009, 05:01 PM
الشي إلي نسيتوه إن خليجي 18 بالأساس انباع لـ قناة الـ ART
و من خلالها كانت دبي الرياضيه تدافع عن نقل البطوله بقوه وهذا أنا شفته بعيني وسمعته
في برنامج يعقوب السعدي الاتجاه السادس


أعلنت اللجنة المنظمة العليا لمنافسات دورة كاس الخليج لكرة القدم للمنتخبات الثامنة عشرة بمدينة أبو ظبي الإماراتية عن منح قناة دبي الرياضية صاحبة الحقوق المباشرة للنقل التلفزيوني لمنافسات البطولة والألعاب المصاحبة خلال الفترة من 17وحتى 30يناير الحالي أكثر من 30قناة متخصصة خليجية وعربية وأجنبية حقوق البث المباشر لمنافسات دورة كاس الخليج الثامنة عشرة لكرة القدم للمنتخبات بدولة الإمارات العربية المتحدة بالمجان في بادرة مثالية تؤكد حرص اللجنة المنظمة والشركة الناقلة على إنجاح البطولة من جميع النواحي ومحاربة ( التشفير).

وكانت الشركة صاحبة الحقوق الحصرية للنقل المباشر قد منحت قنوات إل art ودبي الرياضية وابوظبي فقط حتى قبل انطلاقة البطولة بأسبوع حقوق البث التلفزيوني المباشر قبل إن يتم منح كافة القنوات الراغبة في نقل البطولة الحقوق البث المباشر التلفزيوني بالمجان.

المصدر: الموقع الدائم لكأس الخليج

وبعدها نظموا دبي و ابوظبي الرياضيه مثل المؤتمر صحفي وجمعوا فيه كل القنوات الراغبه بـ نقل البطوله و انباعت لهم بـ سعرين
سعر بـ 3 مليون للقنوات الرسمية
و سعر 3.5 مليون للقنوات الخاصه
القنوات كلها كانت تحت سقف واحد يعني مافي مجال أبيع لـ قناة بـ 3 و قناة ثانيه 18 مليون :)


يا اختي كأنج تدرسين لامتحان ... وقبل خمس دقايق واحد يعؤض عليج الأسئله .... هل راح تاخذينها ... ؟ بصرف النظر عن الحرام انا اكلمج عن المبدأ والفكرة ....
طبعا ما راح تاخذينها ......


ما يدري إن الجزيره الرياضيه ذلته بـ إعطاءه الحقوق بـ اللحظات الأخيره ما اشوف ان احد انذل غير ابو ظبي ودبي ....

ركّز أخويه ركّز بديت تناقض نفسك :D



اسميه رد اعتبار على البطولة السابقه الي تكالبوا فيها ابو ظبي ودبي على الجزيرة الرياضيه

:أفكر:
ذكرتني بـ لفظ جديد أنضاف لـ قاموس مسمعي حديثا
و من شخص تفوه " بالمهاترات " و كل ما بسمعها رح يذكرني بـ عظماء و كبار المجلس :أفكر:


الجزيرة الرياضية = العنصرية

من كم يوم قريت جمله لـ أخ سعودي في أحد المنتديات
قال قناة الجزيره قناة الفتن
وسبحانه الله بعد مباراة البحرين العراق على قناة الجزيره الرياضيه أنسأل الشيخ عيسى آل خليفة >> مو مذكره السؤال <<
لكن رد عليه الشيخ .. لا تسو فتنه بينا :أفكر:
حتى المذيع تلعثم ما عرف شو يقول و أنهى اللقاء بسرعه :D

عموما آخر حديثي ...
من خلال الأحداث إلي صارت رح افكر بطريقة إيجابيه :)
إن قناة دبي و أبوظبي الرياضية بتسعى بكل جهودها إنها تنقل الأحداث البطولات العاليمه
مثل ماا كانت بالسابق و مشوا على خطاها الكثير من القنوات :أفكر:
و هذا من صالحنا بالإمارات و صالح باقي الخليجيين والعرب

و بخصوص المفرده إلي ذكرتها بـ ردي السابق
اعتذر عنها للأعضاء و زوار المنتدى الكرام :)
IL C a p i t a n o
06-01-2009, 05:15 PM
بصراحه الموضوع ما يستاهل كل هالنقاش

اهم شي منقوله على الكويت خخخخ
Exodia
07-01-2009, 10:14 AM
الجزيره الرياضيه بنفسها ما كانت تبغي خليجي 18
http://www.kooora.com/default.aspx?showarticle=16819&obj=4000077 (http://www.kooora.com/default.aspx?showarticle=16819&obj=4000077)


الجزيرة عمرها ما تركت بطولة برغبتها وكل البطولات تحاول تنقلها والدليل الراليات والألعاب الثانية اللي تكون حصرية على القناة ..
وإنتي أخذتي الجزئية اللي تكلمت عن هذا الشيء وتركتي الجزئية اللي نتكلم عنها " هذا عدا المبلغ المالي المبالغ فيه حسب بعض المصادر "
يعني مشاكل النقل في بطولات كأس الخليج بدأت من البطولة الماضية وبسبب دبي الرياضية يعني أي مشكلة في النقل حالياً أو بعدين تعتبر بدايتها من دبي الرياضية .. :أفكر:



و عمان ليش ما نقلت بطولة خليجي 18 ؟؟!! لأنه بالنسبه لهم سعر إلي عرضته دبي الرياضيه غاااالي
معنه كل القنوات انباعت لهم الحقوق بنفس السعر .. و ما فرقت بين قناة رياضيه و قناة فضائيه
عيل شو يقولون الحين على الجزيره كانت تبغي تبيع لـ دبي و ابوظبي بسعر خياااااااااااااااالي 18 مليون !!!!!!!!!!!!!!!!!!!!!!


أعطيني المصدر اللي قال إن الجزيرة عرضت 18 مليون على أبو ظبي أو دبي الرياضية ..
المصدر لازم يكون من جهة ثقة وما يكون من مصدر يحاول يغطي على فشله في القبول بالعرض ..
الجزيرة عرضت على كل القنوات النقل ب 5 مليون لكن دبي الرياضية وأبو ظبي قدموا عرض واحد وبقيمة 5 مليون !
الجزيرة رفضت وطلبت عرض لكل قناة وكل قناة تدفع 5 مليون لأن أبو ظبي قناة ودبي قناة ..
لكن القناتين يبغوا يسووا ( جمعية :D ) ويشاركوا بسعر قناة وحدة !!
يقولوا : ( نحن قناة نمثل دولة الامارات وقناة واحدة واللي ينقل في هذه القناة سوف ينقل في هذه القناة ) ؟؟؟
ناصر الخليفي رد عليهم : كيف تقولون انكم قناة واحد .. ولكل قناة دوري خاص لها .. هل ترضى ان تنقل ابو ظبي الدوري الالماني مثلا من دبي الرياضية ؟؟
هنا المشكلة واللي صارت وما في شيء اسمه 18 مليون وإلا كان تكلم محمد نجيب عنها أو السعدي في رسالتهم لقناة الدوري والكاس لكن هم رافضين يكون التعامل معاهم مثل باقي القنوات ..



القصه مب قصة بالمثل
و الدليل اتصال مدير قناة الجزيره الرياضيه لـ دبي الرياضيه لـ يبيعهم النقل

و بعدين أمس على قناة الكاس مدير قناة الجزيره بنفسه يقول هدفنا مب مادي
يا سلام!!؟ هدفك مب مادي و قنوات تعطيهم بسعر و قنوات ترفع عليهم السعر!!!!!


قلتها لك قبل السعر المعروض على أبوظبي هو نفسه المعروض على دبي الرياضية ولكن القناتين يبغوا يشتركوا ويشتروا بسعر قناة وحدة وهذا اللي رفضته الجزيرة ..



الأحتراف أخلاق و مبدأ قبل المتاجره بالمال أختفت كل المبادئ عند الجزيره الرياضيه


المبادئ أختفت عند دبي الرياضية في البطولة الماضية لأنها أول من تسبب في مشاكل النقل وهذي السنة الجزيرة ما خالفت وقدمت العرض لكل القنوات والغريب إن كل القنوات الراغبة في النقل نقلت ما عدا دبي الرياضية وأبوظبي اللي تسببوا في المشاكل من البطولة الماضية ..



و أعيد و أكرر .. أنا مااا قلت أبغي القناااة حصريه على دبي و أبوظبي الرياضيه
أنا أبغي أتابع البطوله على قنواتي المحليه


ومحد كان بيخسر لو نقلت أبوظبي أو دبي الرياضية لكن لومك المفروض يكون على هذي القناتين لأنهم رفضوا تكون معاملتهم مثل البقية وداخلين بعرض واحد ..



و بعدين شو تسمون نقل قناة الكويت و السعوديه ووو بـ اللحظات الأخيره ؟!!!


هذا السؤال يتوجه لأبوظبي ودبي الرياضية ..
ليه كل القنوات نقلت وإنتوا لا ؟!!
الخلل في هذي القناتين وطريقة تقديمهم للعرض ..
الجزيرة قدمت العرض والجميع نقل وما شفنا نفس اللي صار من دبي الرياضية في البطولة الماضية وحرمان العمانيين للمشاهدة من خلال قناتهم وحرمان القطريين من خلال قناتهم الجزيرة ( دولتين حرموا من المشاهدة في البطولة الماضية بسبب دبي الرياضية واحترافيتها :) ) ..



و ما تكلمت بالرشاااوي إلي قصدته شوووف كم دفعت الجزيره الرياضيه لـ عمان لما خلتها ما تميز الصح من الغلط


بالعقل كيف تقبل عمان برشوة ودبي الرياضية دافعه أكثر ؟!!
عمان مثلها مثل الدول الثانية تتمنى تظهر البطولة بأفضل شكل ..
وطريقتهم في الموافقة كانت تعتمد على أكثر من سبب :
40 بالمية للسعر المقدم ..
40 بالمية لجودة البث والتغطية المناسبة والبرامج ..
20 بالمية للجنة المنظمه ..
+
تقديم ملف لما سوف تقدمه من خدمات ومن تغطية ومن كاميرات ..
ومع العلم إن دبي الرياضية دفعت أكثر لكن الجزيرة فازت بحقوق النقل الحصرية لأن خدماتها ونقلها كان الأفضل بالنسبة للجنة المنظمة !!
وموضوع بيع الحقوق يكون بين القنوات بسرية تامة ( القنوات الاحترافية لا تخبر أحد بكم اشترت حقوق النقل ) ..
+
هذا من حق عمان تبيع النقل لمن تريد مثل البطولة الماضية لما باعت اللجنة المنظمة حقوق النقل لدبي الرياضية :)



و لو في مدير الجزيره الرياضيه خير يطلع على قناة أبوظبي الرياضيه و يصرح
مثل ما صرح أمس في قناة الكاس و قال يعقوب السعدي ما يقدر يكلمنا ومب كفو
اتصل له يعقوب السعدي وقال له نبغيك بـ لقاء على هواء على قناتنا :D


التحدي مو بطول اللسان ..
ومدير الجزيرة الرياضية معاه كل الحق إنه ما طلع لأن اللي يقابله السعدي اللي ما يحترم أحد مثل كلامه عن خالد جاسم وماجد الخليفي ووصفهم بالطفل والقزم الأحمق :)



و قبل أمس مدير قناة السعوديه الرياضيه كان مستااء من تصرف الجزيره و أمس غير أقواله بشهادة المذيع جاسم !! :أفكر: ..
ما يدري إن الجزيره الرياضيه ذلته بـ إعطاءه الحقوق بـ اللحظات الأخيره :silly:


كل الذل شفاته القنوات في البطولة الماضية ..
التلفزيون السعودي يوصف الحصول على النقل بالمباحثات حامية الوطيس ..
التلفزيون العراقي يرسل وفد عشان يخفضوا له السعر ..
الجزيرة الرياضية تحرم من النقل ..
التلفزيون العماني يحرم من النقل ..
هذا الذل بعينه لكل القنوات :أفكر:



.. و كلمة أخيره ..
ادخلوا رابطة منتخب الكويت وشوفوا كيف الأعضاء نقلوا على قناة الكويت بعد ما عرفوا إن الكويت تنقل مباراة منتخبهم

بعدها بتفهمون شعوري



شعورك أفهمه لكن هذا مو ذنب الجزيرة ..
ذنب دبي الرياضية وأبوظبي والمفترض يقدموا عرض لكل قناة على انفراد مثل ما سوت باقي القنوات وحصلوا على النقل ..


بصراحه انا اماراتي و بقول "رايي الشخصي" و اختلاف الراي لا يفسد للود قضيه


ما راح نختلف أخوي والدعوة نقاش ..



السالفه من الاخر لا فيها رد صاع او شي هاذي "حقوق" و الحق ينقال الي قادر عليها قادر والي مب قادر حياه الله لا في رشاوي للاتحاد العماني والى شي و ان كان في رشاوي اتمنى احد يحط مصدر و يأكد الشي هذا..

عين الصواب ..



السالفه و ما فيها في خليجي 18 الجزيرة ما عرضت بغض النظر عن الاسباب و الحين الجزيرة قدرت تعرض خليجي 19 و ركبوها الناس على انها رد صاع للقنوات كذا و كذا و كبروا السالفه من لا شي

تكبير السالفة كان من دبي الرياضية وأبوظبي وتقدر تلاحظ الفرق في البطولة الماضية إن الجزيرة قدمت مرة وحده تصريح إنها ما بتنقل البطولة ولكن شوف دبي الرياضية وأبوظبي في هذي البطولة ويش مسوين من مشاكل ..



و عن سعر بيع الحقوق على الجزيرة و ليس دبي الرياضية الي دفعت اكثر اتوقع هذا قرار الاتحاد العماني و محد له دخل فيه كل واحد و له اسبابه يمكن شافوها من الناحيه الفنيه انه ما راح يكون تمييز بين المنتخبات و امكانيات الجزيرة الرياضية افضل


هذا اللي قلته بالضبط في بداية ردي وذكرت كيف اختارت اللجنة المنظمة الجزيرة رغم دفع لدبي الرياضية لمبلغ أكبر ..



اتوقع كل واحد حاب يعيش جو بلاده و يسمع تعليق معلقين بلاده انا عن نفسي ودي اسمع تعليق علي حميد او فارس عوض لمباريات المنتخب الاماراتي بس للاسف مافي قناة اماراتيه قدرت تنقل مباريات كاس الخليج "رغم محاولاتهم"


ومافي خليجي كان بيزعل لو نقلت أبوظبي أو دبي الرياضية لكن محاولاتهم في الحصول على النقل كانت غير القنوات الباقية عشان كذا ما حصلوا على النقل ..



و ياريت محد ياخذ ردي بحساسيه لانه هذا رايي الشخصي :)

بالعكس أخوي ردك منطقي وما فيه أي حساسية إن شاء الله ..


السلام عليكم ورحمة الله وبركاته


وعليكم السلام ورحمة الله وبركاته



إلا أبوظبي الرياضية ><


ودبي الرياضية بعد لأنهم ما عملوا باحترافية مثل باقي القنوات ..



البرنامج حصل على جائزة أفضل برنامج في آسيا << للأسف ماعندي المصدر
وأفضل برنامج مهتم بالجماهير على حسب استفتاء موقع كوورة


أولاً عدد البرامج المهتمه بالجماهير قليلة وثانياً البرنامج عن الدوري الاماراتي ويمكن تعرف عدد المشاهدين خارج الامارات للدوري الاماراتي قليل جداً وما يذكر يعني فوز البرنامج كان داخلي + الجائزة بتكون من مجلة من المجلات اللي كثرت هذي الأيام وتوزع الجوائز ..



ابدا ما كانوا متفقين قبل ما حصلوا على النقل حتى بعد ماتناقشو مع رئيس قناة الجزيرة الرياضية قال لهم نحن مب جمعية خيرية نشتري حقوق ونوزعها للغير.... هو كلامه صح لكن في طريقة أحسن لتوصيل فكرته


الكلام هذا أول مرة أسمع إنه قاله مدير الجزيرة الرياضية وياريت لو في مصدر تحطه أخوي ..



لنفرض مثلا إن كلامك صحيح هل هذي هي احترافية الجزيرة الرياضية اللي كلكم تتحدثون عنها ترد الغلط بالغلط


الجزيرة تعاملت مع دبي الرياضية وأبوظبي باحترافية وطلبت عرض من كل قناة على انفصال لكن القناتين اللي تعاملوا بطريقة غير عن كل القنوات وتقدموا بعرض واحد وهذا يدل على الفرق في الاحترافية بين الجزيرة وبين القناتين ..



أنا مب كاره الجزيرة الرياضية أبدا ولا أنا ضدها ..

لكن مشاهدة المباريات على أبوظبي الرياضية غير

ولولا الامتحانات ليريحت نفسي من عوار الراس سرت الملعب


الذنب ذنب دبي الرياضية وأبوظبي ..



واسمحولي اذا ما رديت على كل نقاطكم بسبب العجلة

لا عادي وولا يهمك أخوي ..



الشي إلي نسيتوه إن خليجي 18 بالأساس انباع لـ قناة الـ ART
و من خلالها كانت دبي الرياضيه تدافع عن نقل البطوله بقوه وهذا أنا شفته بعيني وسمعته
في برنامج يعقوب السعدي الاتجاه السادس


ما في بطولة في العالم تباع لقناة وبعدها يبيعوها لقناة ثانية إلا لو كان هذا النظام عند اللجنة المنظمة في الامارات فهذا كلام ثاني :D
البطولة اشترتها دبي الرياضية مباشرة لكن السعدي يبغى يسوي أكشن في السالفة :أفكر:



وبعدها نظموا دبي و ابوظبي الرياضيه مثل المؤتمر صحفي وجمعوا فيه كل القنوات الراغبه بـ نقل البطوله و انباعت لهم بـ سعرين
سعر بـ 3 مليون للقنوات الرسمية
و سعر 3.5 مليون للقنوات الخاصه
القنوات كلها كانت تحت سقف واحد يعني مافي مجال أبيع لـ قناة بـ 3 و قناة ثانيه 18 مليون :)


البطولة الماضية حرم من نقلها قناتين خليجية وهذا الأهم ( عمان والجزيرة الرياضية ) + كل قناة قدمت تصريح فقط عن عدم استطاعتهم نقل البطولة ..
وهذي السنة قناتين حرموا نفسهم من النقل بسبب طريقة تقديمهم للعرض لكن سووا مشاكل ما تسويها قناة مبتدءه ..
والسعر كان موحد للجميع لكن القناتين رافضين ومصممين يشتروا النقل بسعر قناة وحدة :أفكر:



:أفكر:
ذكرتني بـ لفظ جديد أنضاف لـ قاموس مسمعي حديثا
و من شخص تفوه " بالمهاترات " و كل ما بسمعها رح يذكرني بـ عظماء و كبار المجلس :أفكر:


" تكالبوا " معناها " تجمعوا " وليس بمعنى الطفل والقزم الأحمق :أفكر:



من كم يوم قريت جمله لـ أخ سعودي في أحد المنتديات
قال قناة الجزيره قناة الفتن


إذا بناخذ كلام الأعضاء بتخسر قناة أبوظبي بالذات الكثير :D
ويكفي إن الأمير عبدالرحمن بن مساعد رئيس الهلال أعلن مقاطعة القناة + شوفي الجمهور الهلالي اللي وافقه على الخطوة + الجميع يقول عنها قناة الفتن :)



وسبحانه الله بعد مباراة البحرين العراق على قناة الجزيره الرياضيه أنسأل الشيخ عيسى آل خليفة >> مو مذكره السؤال <<
لكن رد عليه الشيخ .. لا تسو فتنه بينا :أفكر:
حتى المذيع تلعثم ما عرف شو يقول و أنهى اللقاء بسرعه :D


أي مذيع يحب يسوي اثاره في لقاءه وكثير سواها السعدي بالذات :أفكر:



عموما آخر حديثي ...
من خلال الأحداث إلي صارت رح افكر بطريقة إيجابيه :)
إن قناة دبي و أبوظبي الرياضية بتسعى بكل جهودها إنها تنقل الأحداث البطولات العاليمه
مثل ماا كانت بالسابق و مشوا على خطاها الكثير من القنوات :أفكر:
و هذا من صالحنا بالإمارات و صالح باقي الخليجيين والعرب


وإن شاء الله تتلافى أخطائها وبالذات اللي سوتها هذي السنة مع بطولة الخليج وحاولت تشوه البطولة بسبب عدم نقلها وقلت احترافيتها وخسارتها للنقل ..



و بخصوص المفرده إلي ذكرتها بـ ردي السابق
اعتذر عنها للأعضاء و زوار المنتدى الكرام :)


معذروة ومسموحة وكلنا نغلط : )

أطيب تحية
ToUaReG
07-01-2009, 10:40 AM
يازين القناة الثالثه نقلت البطولة و لا ما نقلت ..
مافرقت معاها +_+ ..
أهم شي تنقل المصارعه الحره XD ..
FAS
07-01-2009, 04:56 PM
اكسوديا ... يعطيك العافيه ريحتني من الشرح الطويل :)

===
saw101


ببساطة الجزيرة الرياضية في نقل الدوريات الاوربية جيدة

بس ابي اقولك ترى كلفت على نفسك وانت تقول جيده .

====

ابتسامه

كلنا نغلط ... والاعتراف بالخطأ من أعظم الفضائل .
ابتسامــــــه
07-01-2009, 07:49 PM
" تكالبوا " معناها " تجمعوا "
و تشوفها مناسبه لو قلت
أكسوديا و FAS تكالبوا على ابتسامه بالراي ؟؟ :33:


ابتسامه

كلنا نغلط ... والاعتراف بالخطأ من أعظم الفضائل .

ابتسامه ما تحتاج شهادتك :)
saw101
07-01-2009, 07:50 PM
saw101



اقتباس:
ببساطة الجزيرة الرياضية في نقل الدوريات الاوربية جيدة
بس ابي اقولك ترى كلفت على نفسك وانت تقول جيده .

اش تبغاني اقول ممتازة
نص الدوري الايطالي السنين الطايفة طار في الهوى
و الشوتايم من اول موسم لها في نقل الدوري الانجليزي بدعة
نقلت كافة مباريات الدوري الانجليزي و برامجها ممتازة لتتبع الدوري
و غير كذا انها تنقل دوري المحترفين الامريكي لكرة السلة
و دواري الروكبي في امريكا و اوروبا
و ما قالو زحمة و طيرو على المتتبع متعة المشاهدة
و جابو افضل المعلقين
و الجزيرة جايبة ملعثمين يعلقون

انا ما اقول الجزيرة سيئة .. لكن لها في مجال الرياضة اكثر من 5 سنين
و هنا جات مقارنتي لها بالشوتايم
يعني على الاقل تجيب معلقين ممتازين
مو فالحة تحتكر دواري بدون ما تجهز طاقم على قد المسؤولية

و بالنسبة لي افضل قناة تنقل الاحداث الرياضية العالمية
قنوات الشوتايم

المحلية ART
saw101
07-01-2009, 07:57 PM
و حالين صرت اتابع الدوري السعودي على ابوظبي الرياضية
طبعا هذا الشي راجع لمستوى التعليق الراقي
و حاس انه في شي ناقص في دورة الخليج بدون ابوظبي (:
FAS
07-01-2009, 11:25 PM
ابتسامه

و تشوفها مناسبه لو قلت
أكسوديا و FAS تكالبوا على ابتسامه بالراي ؟؟
اوضحلج أكثر لأنج كالعاده محتاجه تركيز .
ابو ظبي ودبي في خليجي 18 اتفقوا ضد الجزيره , اتفقوا فيما بينهم .
وفي خليجي 19 رجعوا وتفقوا انهم يهجمون مره وحده مع بعض .

اكسوديا قال رايه ورد على نقاطج من وجهة نظره ,
وانا رديت على نقاطج من وجهة نظري ,

انا واكسوديا ما اتفقنا ان احنا نرد رد واحد ونهجم على شخص واحد ,,,

عرفتي الفرق ؟
ركزي اختي وانتي تقرين


ابتسامه ما تحتاج شهادتك
طبعا ... :)
التواضع صعب وانتي معصبه ع الجزيره .... :)

=====

saw101


و دواري الروكبي في امريكا و اوروبا

يرحم والديك عطني اسم فريقين يلعبون في هذا الشيء الي تقول عنه .


و الجزيرة جايبة ملعثمين يعلقون


اتفق معاك هنا , معظم معلقين الجزيرة مستواهم متواضع إلى سيء ,
وترى الي تعليقهم ممتاز في الشوتايم معدودين .


و هنا جات مقارنتي لها بالشوتايم

مع ان الموضوع عن دبي و اوبوظبي ... بس طيب ...

مو فالحة تحتكر دواري بدون ما تجهز طاقم على قد المسؤولية



ارجع ليورو 2008 وشوف التغطيه الممتازه حبيبي ,
وحاليا في الدورين الإيطالي والاسباني ,
تغطيه ممتازه وتواجد الطاقم في أرض الملعب وبرامج على مدار الاسبوع ...
لا تمسكلي على المعلقين وتقولي التغطيه عاديه .... ياخي التعليق شي والتغطيه شي ....


و بالنسبة لي افضل قناة تنقل الاحداث الرياضية العالمية
قنوات الشوتايم

اسمحلي حاليا ما تستحضرني أي بطوله عالميه نقلتها الشوتايم , يا ليت تذكرني .


و حالين صرت اتابع الدوري السعودي على ابوظبي الرياضية

من حقك تتباعه في القناة الي تعجبك :)


و حاس انه في شي ناقص في دورة الخليج بدون ابوظبي

بعد 3 صفحات لين الحين مو فاهم ليش ابو ظبي مو موجوده ...؟
الله يعينك ... :)
ان شاء الله البطوله الجايه ربك يهدي بعض الناس وتعقل ... وتشوف البطولة على ابو ظبي ...
ابتسامــــــه
08-01-2009, 12:09 PM
ابتسامه


اوضحلج أكثر لأنج كالعاده محتاجه تركيز .
ابو ظبي ودبي في خليجي 18 اتفقوا ضد الجزيره , اتفقوا فيما بينهم .
وفي خليجي 19 رجعوا وتفقوا انهم يهجمون مره وحده مع بعض .

اكسوديا قال رايه ورد على نقاطج من وجهة نظره ,
وانا رديت على نقاطج من وجهة نظري ,

انا واكسوديا ما اتفقنا ان احنا نرد رد واحد ونهجم على شخص واحد ,,,

عرفتي الفرق ؟
ركزي اختي وانتي تقرين



مره تقول استكلبوا و مره تقول يهجمون

الظاهر يا خوي إنك بديت تفقد تركيزك :أفكر:
saw101
08-01-2009, 05:07 PM
يرحم والديك عطني اسم فريقين يلعبون في هذا الشيء الي تقول عنه .

باين عليك انك مافهمت شي من الي اقصدة



مع ان الموضوع عن دبي و اوبوظبي ... بس طيب ...

يعني لا تعطي الجزيرة اكثر من حقها
وهذي وجهة نظري


ارجع ليورو 2008 وشوف التغطيه الممتازه حبيبي ,

يا اخي هذي بطولة و اي قناة تحتكرها تقطع نفسها على التغطية
و لا تنسى انها عالمية
يعني مصدر النقل من اوروبا
الجزيرة عليها بس برامج و تحليل ونقل


وحاليا في الدورين الإيطالي والاسباني ,
تغطيه ممتازه وتواجد الطاقم في أرض الملعب وبرامج على مدار الاسبوع ...
لا تمسكلي على المعلقين وتقولي التغطيه عاديه .... ياخي التعليق شي والتغطيه شي ....
بعد كم سنة صار هالاهتمام
بعد 5 .. 6 سنوات
عشان كذا قارنة الشوتايم الي مالها الا سنتين بس



اسمحلي حاليا ما تستحضرني أي بطوله عالميه نقلتها الشوتايم , يا ليت تذكرني .

اي بطولة الله يرحم والديك .. متأثر ببطولة الخليج :)
انا كنت اتكلم عن الاحداث الرياضية المختلفة
يعني الشوتايم تنقل العاب رياضية عالمية
سنوكير - كرة قدم - كرة ركبي - باسكت بول - باسكت بول سلام - المصارعة الحرة
و غيرها من الاحداث
هل هذا الشي اثر في نقلها على الدوري الانجليزي
اقوى دوري في العالم .. جدولة مضغوط جداً
ورغم ذلك قدرة تعطي المشاهد حقة في المتابعة



اقتباس:

و حاس انه في شي ناقص في دورة الخليج بدون ابوظبي

بعد 3 صفحات لين الحين مو فاهم ليش ابو ظبي مو موجوده ...؟
الله يعينك ... :)


بطولة الخليج + ابوظبي = متعة
بطولة الخليج - ابوظبي = حرق المتعة
فهمت
و تمحلق بالرد عدل مرة تانية
الله يعينك على نفسك
IL C a p i t a n o
08-01-2009, 05:45 PM
ساو استغرب ردك بصراحه بالنسبه للشو تايم والجزيره

الشوتايم بالكويت يجي كامل 295 دينار لسنه كامله

يعني 3500 ريال

والجزيره تجدد الكرت ب7 ونص

يعني 100 ريال

خل نقارن بينهم

الجزيره بدايتها كانت عاديه

لكن احنا نتكلم عن اللحين

الجزيره تنقل الدوري الايطالي والاسباني والارجنتيني والاسكوتلندي والبرتغالي والهولندي والياباني والقطري وكأس الاتحاد الاوربي والكأس الانجليزي والكأس الاسباني وانقلت كأس اسيا للأنديه واللحين تنقل كأس الخليج
وتغطيه لكرة الطائره الايطاليه والاوربيه وفيه سباقات رالي وفيه بطولة العالم لأقوى رجل

<<طبعا انا ما اهتم الا للدوري الايطالي الباقيات ما يهموني لكن حبيت اجيبلك البطولات يوم تقول ما تنقل شي

يرحم امك ابي بطوله عند الشوتايم غير الدوري الانجليزي مهمه عندنا

اقصد بطوله مثل الناس لا تقولي كرة سله وركبي والعاب قوة وتسدح على الجليد

وتقول مافي معلقين

لا تكفى

خالد الغول يعني يعرف يعلق

ولا رؤوف خليف غير الصراخ ما عنده وطبعا اسامي اللاعبين كلها غلط

اجل ريكلمي صار ريكويلمي وين تجي هذه

هذيل احسن معلقين في الشوتايم

والاستيديو التحليلي

لبناني

تقول برنامج العراب

شو هاااااااايدا بجنن الهدف ونص كلامه انجليزي

وين قاعدين

بصراحه اخالفك بشده
FAS
08-01-2009, 06:11 PM
الظاهر يا خوي إنك بديت تفقد تركيزك

المشلكه إن بعض مفردات اللغة صعب عليج ربطها وفهمها وانتي معصبه على ضياع نقل البطوله ,
خفي الضغط على نفسج , وارتاحي , وراح تفهمين الكلام إن شاء الله :)

===

saw101


انا كنت اتكلم عن الاحداث الرياضية المختلفة
يعني الشوتايم تنقل العاب رياضية عالمية
سنوكير - كرة قدم - كرة ركبي - باسكت بول - باسكت بول سلام - المصارعة الحرة
و غيرها من الاحداث


حلو , شو تايم قناة كبيره ومميزه , ما اختلف معاك ,
لكن اتكلم معاك على مبدأك وتفكيرك حول البطولات العالميه ,
الجزيره تنقل راليت وسباقات F1 وبطولات دراجات ناريه, وايضا دوري ابطال اوروبا لكرة السللة واليد ورياضات متعددة ومختلفه , ارجع لرد اكسوديا واعرف أكثر عن الرياضات الي تنقلها الجزيره لو حبيت ,

لكن لو تسمح , اذكرلي شيء عن قناتك المفضله ابو ظبي ,
شو تنقل من البطولات العالميه ؟

الحديث من البدايه كان عن الجزيره وابو ظبي ودبي ... صح ؟
قارنلي بين الجزيرة وبين ابوظبي ودبي من حيث البطولات العالميه .


بعد كم سنة صار هالاهتمام
بعد 5 .. 6 سنواتعشان كذا قارنة الشوتايم الي مالها الا سنتين بس


وابو ظبي ودبي صار لهم أكثر من 10 سنين بس دخيلك قولي التغطيه في القناتين هل يوصل نصف تغطية الجزيرة أو الشوتايم ... ؟


يعني لا تعطي الجزيرة اكثر من حقها
وهذي وجهة نظري

وجهة نظرك وانت حر فيها , ومن مبادئ النقاش اني احترم وجهة نظرك , وكذلك انت تحترم وجهة نظري .
انت قارنت الجزيرة بالشوتايم , وحسب مقارنتك قلت ان الشوتايم أحسن ...

يا ليت ترجعلي للموضوع الأصلي , الجزيرة و ابو ظبي ودبي ....
وعطني وجهة نظرك بشكل موضوعي مثل ما سويت مع الشوتايم , مو بوجهة نظر متعصبه.


بطولة الخليج + ابوظبي = متعة
بطولة الخليج - ابوظبي = حرق المتعة
فهمت

ما يحتاج لها فهم , وجهة نظرك وتشوف القناة الي تعجبك ,
انت مو مجبور تشوف شي ما يعجبك .

و تمحلق بالرد عدل مرة تانية

الي عرفته من ردك ان كل الكلام كان عن الشوتايم وامكانياتها وتفوقها ,
لكن نهاية الرد رجعت لابوظبي .. !
اعذر جهلي اخي العزيز , بس يا ليت تشرحلي ايش علاقة تفوق الشوتايم على الجزيرة في مقارنتنا مع ابو ظبي ؟


الله يعينك على نفسك

آآآآآآآآآآآآآمين وجزاك الله خير ,
النفس أمارة بالسوء , ومحظوظ من سيطر عليها .



=====
ال كابيتانو


يرحم امك ابي بطوله عند الشوتايم غير الدوري الانجليزي مهمه عندنا

لا تعليق :)
ابتسامــــــه
08-01-2009, 06:22 PM
المشلكه إن بعض مفردات اللغة صعب عليج ربطها وفهمها

أها يعني هذي المفردات المتعارفين عليها
حلو حلو معلومه جديده :D



وانتي معصبه على ضياع نقل البطوله ,
خفي الضغط على نفسج , وارتاحي , وراح تفهمين الكلام إن شاء الله :)


عموما آخر حديثي ...
من خلال الأحداث إلي صارت رح افكر بطريقة إيجابيه :)
إن قناة دبي و أبوظبي الرياضية بتسعى بكل جهودها إنها تنقل الأحداث البطولات العاليمه
مثل ماا كانت بالسابق و مشوا على خطاها الكثير من القنوات :أفكر:
و هذا من صالحنا بالإمارات و صالح باقي الخليجيين والعرب

:)
saw101
08-01-2009, 09:45 PM
حبيبي FAS
انت شفت ردي و كان مداخلة بسيطة


الجزيرة الرياضية = العنصرية

وهذا الشي صار امس في مباراة منتخبنا السعودي قدام قطر
مالك معاذ ما كان متسلل و ما عادو التسلل
و بعدها جا خطأ تافة لقطر عادوة عشر مرات
يعني الخطأ احق في الاعادة من التسلل

ببساطة الجزيرة الرياضية في نقل الدوريات الاوربية جيدة و اسعارها رمزية
لكن لما تنقل الدوريات او البطولات المحلية ترا ما عندك احد
لان الدوريات الاوروبية ماسكتها شركات عالمية
و التجارب حقت الجزيرة تصير على المحلية
و الله يعين الي بيقابل قطر ^_^

و المعذرة عالاطالة


لكن انت لسعة كلمة " جيدة " و هذي وجهة نظري
و ردك كان استفزازي
و انا ما كنت داخل عشان افضل قناة على قناة
لكن الي ابغا اوصلة من ردي ان الجزيرة تميل لقطر
و اليوم ثبت هالكلام .. عطت خلفان افضل لاعب مرتين
و هذا الشي يسبب حساسيه للمشاهد
لكن لو بتقارن بين قنوات الجزيرة و ابوظبي و دبي
الجزيرة في النقل افضلهم
لكن برامجها كلها فتن زي ابوظبي
وفضلة ابوظبي للتعليق فقط
اما النقل في الجزيرة فهو افضل

و تطرقة لـ مقارنتها مع الشوتايم بعد ردك الي لطش كلمة " جيدة "
و في فرق لما كانت الجزيرة تنقل الدوري الاسباني اول سنة و بين الشوتايم في اول سنة
و الشوتايم لسا ما دخلت منافسة على بطولات ثانية
يعني بدري عليها


ساو استغرب ردك بصراحه بالنسبه للشو تايم والجزيره

الشوتايم بالكويت يجي كامل 295 دينار لسنه كامله

يعني 3500 ريال

والجزيره تجدد الكرت ب7 ونص

يعني 100 ريال
ما جبت طاري البزنس نهائياً
من ناحية هالشي فالجزيرة اسعارها ممتازة
بعدين انا تابع الشوتايم على رسيفر شيرينغ بدون تقطيع و بـ120 ريال لمدة ثلاث شهور
مع جميع باقات العالم
يعني الامور سهله من هالناحية


خل نقارن بينهم

الجزيره بدايتها كانت عاديه

لكن احنا نتكلم عن اللحين

الجزيره تنقل الدوري الايطالي والاسباني والارجنتيني والاسكوتلندي والبرتغالي والهولندي والياباني والقطري وكأس الاتحاد الاوربي والكأس الانجليزي والكأس الاسباني وانقلت كأس اسيا للأنديه واللحين تنقل كأس الخليج
وتغطيه لكرة الطائره الايطاليه والاوربيه وفيه سباقات رالي وفيه بطولة العالم لأقوى رجل

<<طبعا انا ما اهتم الا للدوري الايطالي الباقيات ما يهموني لكن حبيت اجيبلك البطولات يوم تقول ما تنقل شي

يرحم امك ابي بطوله عند الشوتايم غير الدوري الانجليزي مهمه عندنا

اقصد بطوله مثل الناس لا تقولي كرة سله وركبي والعاب قوة وتسدح على الجليد

الحين تقول الجزيرة الرياضية في بدايتها عادية
و الشوتايم في بدايتها كيف ؟.. طبعا من وجهة نظري ممتازة
كذا تكون المقارنة
مو الجزيرة الرياضية بعد 6 سنوات و الشوتايم بعد سنة ونصف
الجزيرة في بدايتها كانت تنقل الدوري الاسباني بالقطارة
اما الشوتايم نقلة الدوري الانجليزي كامل في اول موسم لها
و لما دخلة الشوتايم في الالعاب المختلفة كانت واثقة انها راح تكون على استعداد تام
و فتحت اربع قنوات رياضية
و زي ما قلة .. ترا الشوتايم في بدايتها
و اتوقع قريب راح تحتكر بطولة عالمية او دوري عالمي


وتقول مافي معلقين

لا تكفى

خالد الغول يعني يعرف يعلق

ولا رؤوف خليف غير الصراخ ما عنده وطبعا اسامي اللاعبين كلها غلط

اجل ريكلمي صار ريكويلمي وين تجي هذه

هذيل احسن معلقين في الشوتايم
خالد الغول بالنسبة لي ما اطيقة لكن اخوي يستمتع بتعليقه .. كل واحد له وجهة نظر
اما رؤوف من افضل المعلقين العرب بصراحه
جيب لي واحد في الجزيرة يخليك مباراة باردة كأنها نهائي
و هذي الميزة ما تلقاها الا في الشوالي و رؤوف
اما عن نطق الاسماء .. رؤوف ينطقها بلهجتة التونسية
و لهجتهم ثقيلة شوي
و عندك العتيبي مثقف و ممتاز في التعليق
و جايبين معلقين شباب ممتازين
و هذا كله في سنة ونص


والاستيديو التحليلي

لبناني

تقول برنامج العراب

شو هاااااااايدا بجنن الهدف ونص كلامه انجليزي

وين قاعدين

بصراحه اخالفك بشده
بالعكس
علي علوية ممتاز
و كلامة كله عربي فصيح
و اذا دخل لهجة عاميه فهو لبناني و هذي لهجتة
و اهم ما فيه انه ما يحرج المحللين زي ما يصير في الجزيرة و ابوظبي

في الاخير اعذروني اذا اخطأة على احد

و هذا الحوار كله يدور حول " وجهة نظر "
ترا كثرة " من وجهة نظري :D "

تحياتي
FAS
09-01-2009, 09:53 AM
و في فرق لما كانت الجزيرة تنقل الدوري الاسباني اول سنة و بين الشوتايم في اول سنة
الجزيرة أول سنه كانت مجانيه
وشو تايم مثل ما ذكرلك الأخ ب295 دينار !
قارن السعر مع الخدمه !
تشوف الدوري الاسباني " مجانا" بنقل عادي وبسيط والقناة " بث تجريبي " وتقارنها مع مشاهدة الدوري الانجليزي مع مقابل مادي أكبر !
شيء طبيعي ان الشوتايم تدخل قويه المنافسه , مو عشان المنافسه فقط , لكن عشان تستحق الفلوس الي تندفع فيها .

و الشوتايم لسا ما دخلت منافسة على بطولات ثانية
وطول فترة المنافسه , في النهايه احنا المستفيدين .

مو الجزيرة الرياضية بعد 6 سنوات و الشوتايم بعد سنة ونصف

ارجع واعيد كلامي , الجزيرة بدأت مجانيه و مع " بث تجريبي "
الشوتايم بدأت بشكل رسمي وفي فترة كانت المنافسه قويه ولازم تظهر بقوه ,

و اتوقع قريب راح تحتكر بطولة عالمية او دوري عالمي
بالانتظار بين كاس العالم وكاس اوروبا القادمين , اذا ما نافست قنوات أخرى .


جيب لي واحد في الجزيرة يخليك مباراة باردة كأنها نهائي
عن رؤوف خليف ترى هو يصارخ وايد على أي هجمه , سواء خطره أو شبه خطره , وعالقه معاه كلمة " مباراة مسعوره " :)
ع العموم جميع القنوات مافيها أكثر من معلقين ممتازين والباقي عاديين ,
والي استمتع بتعليقهم من الجزيره يوسف سيف وعلي سعيد الكعبي ,
وفي الشوتايم العتيبي ,
وفارس عوض من ابوظبي ,
وفي واحد ف دبي مو متذكر اسمه , اعتقد عامر عبدالله ... تعليقه عفوي ويعجبني ...

تبقى مسألة أذواق وآراء .


في الاخير اعذروني اذا اخطأة على احد

اذا بتغلط في القنوات خذ راحتك مالنا ومالهم :)
اما من ناحيتي مسموح ولا اخطيت بشي .... هذا كله نقاش لاأكثر ...
وعلى قولتك وجهة نظر طويله :)