المساعد الشخصي الرقمي

مشاهدة النسخة كاملة : معقولة و [ خليجنا واحد ] .. 11 حالة طرد و 44 انذار !!!


sweet Mio
12-01-2009, 05:54 PM
معقولة و [ خليجنا واحد ] .. 11 حالة طرد و 44 انذار !!!

السلام عليكم و رحمة الله و بركاته ..

انتهى دور المجموعات ..
المجموعتين كل مجموعة فيها 4 منتخبات ..
مقسمة مبارياتها الى 3 جولات كل جولة فيها 4 مباريات ..
المهم ..

أغلب متابعين الدورة [ اذ ما كان كلهم ] لاحظ كثر الانذارات و الطرد ..

فيها سببين .. اما الأخطاء التحكيمية أو أخطاء الاعبين .. او كلاهما

حيث بلغ 11 كرت أحمر [ طرد ] ,, في [ 12 مباراة ] .. يعني تقريبا كرت أحمر كل مباراة [ 0.9 ] ..

و 44 كرت أصفر [ انذار ] .. في [ 12 مباراة ] .. أي بنسبة 3.6 في كل مباراة ..


و الحين بقولكم كل منتخب و عدد أخطاءه بالترتيب


1- [ اليـــــمن ] ,, [ 5 طرد ] ,, [ 7 إنذارات ]
2- [ العـــراق ] ,, [ 3 طرد ] .. [ 3 إنذارات ]
3- [ البـحرين ] ,, [ 2 طرد ] ,, [ 6 إنذارات ]
4- [ الإمـارات ] ,, [ طــــرد ] ,, [ 8 إنذارات ]
5- [ السعودية ] ,, [ --- ] ,, [ 7 إنذارات ]
6- [ الكويـــت ] ,, [ --- ] ,, [ 5 إنذارات ]
6- [ ٌقـــــطــر ] ,, [ --- ] ,, [ 5 إنذارات ]
7- [ عـــــمان ] ,, [ --- ] ,, [ 3 إنذارات ]


*المنتخب اليمني طرد لاعب على الأقل في جميع المباريات التي لعبها ..
*المنتخب العماني أنظف لاعب في دور المجموعات ..

المصــدر (http://vb.forcabarca.com/showthread.php?t=249249)
فـ؛ـاfasterسـ؛تـ؛ـر
12-01-2009, 06:36 PM
هذاا غير هواااش الجماهير والقنوات الناقله للبطوله والتنظيم السئ الخ....
ولا بعد يبونه تكون معتمده من االفيفا... ايـــه هـــين يــصير خييررررررر!!!11
sweet Mio
12-01-2009, 06:47 PM
فعلااا ..
مادري متى يتعلمون ويكون اسلوبهم رااقي !

ماكو حتى روح ريااضيه !!

احناا الله بالخير بس !!!
قبل وبعد المباارااه هوااش ومشااكل بين المنتخباات والجمااهير !!
×_×"

الله يعين بس ..
Danger_Scorpion
12-01-2009, 07:11 PM
مشكورة اختي
.::. The.Queen .::.
على الخبر انا صراحة ما شاهدت المباريات ابدا بسبب الظروف الماساوية التي تحصل في غزة

يعني من خلال النتائج الظاهرة كان الدوري الاول كثير بالخشونة والانذارات


بس اريد ان اعرف من هي الفرق المتاهلة؟

تحياتي
sweet Mio
12-01-2009, 07:22 PM
العفوو وربي يكون بعوون اهل غزة وينصرهم ..

الفرق المتاهله هي

الكويت × السعوديه ..

قطر × عماان ..
ايوب الحسن
12-01-2009, 08:14 PM
والله يا اختي .. كوين ،،

يعود السبب انه الرياضة سيست .. اي اصبحت سياسية ،، صدقي هالشي .. وانه بعد ما احب هالفكرة .. ولكن هذه هي الحقيقة ،،

فقد اصبحت الرياضة الحالية وفي كل الدول العربية .. سياسية اكثر من انها رياضية ولعبة ترفيهية فقط ،،


قبل ايام زمان وراح اتكلم عن الكويت لانني عارف شقاعد يصير ...

قبل على ايام مباراة القادسية والعربي مثلا لمن يشوفونهم الجمهور .. يقولون انه هذيله شوي ويتذابحون ...

بس بعد ما تخلص المباراة ... بالليل انشوفهم قاعدين مع بعض وضحك وسوالف وغشمرة .. وقلوبهم مع بعض .. والكل يحب الثاني .. ولا حتى يصدق انهم هذيله اللي كانو يبون يتهاوشون بالمباراة ... وهالشي يعود انه بالمباراة عندهم روح قتالية ولكن بنفس الوقت يقول اللي قاعد اواجهه اخوي ...

كانوا الرياضيين سابقا يلعبون واهم قلوبهم بالرياضة .. دمهم الكرة .. فعلشان جذي نشوفهم اشتهروا .. وحتى لمن كانوا بالمنتخب الكويت الوطني سابقا عرف بانه اسد الملاعب ..


اما الحين ... فلو انتهت القادسية والعربي .. نشوف الكل ممكن نشوفهم يسلم على بعض بس القلب مو قلب وااحد .. وتشوف اللاعب الفلاني قلبه اسود وحاقد على اللاعب الثاني ... ووصلت انه يحقد حتى على زميله .. تخيلي !!

ومنهم من يلعب بس للشهرة فقط لا غير ..


اعطيكم دليل ؟


لمن تخلص المباراة بين اي منتخبين .... تشوفونهم قاعدين بطاولة وحده ويتعشوون ويضحكون وغشمرة وسوالف ؟

ولا تشوفون انه كل منتخب برووح ؟


وهالشي يرجع سببه انه اللي فوق اي المسؤولين زرعوا هالشي في نفوس اللاعبين للاسف ،، ومو بس اللاعبين بل حتى الجمهور ايضا تاثر وحاشه هالمرض ...


وبالمختصر المفيد ... المحسوبية والتفرقة وصلت الى الرياضة .. كما هي الحال في الديرة ...


وماله داعي اقول اكثر ... -_-


اييه .... مرة كنت قاعد مع جواد القبقب .. والكويتيين يعرفون منو جواد القبقب عدل ... فسالته يوم صارت هوشة في مباراة القادسية والكويت اعتقد .. قلت له ايام قبل جذي صايرة الكرة ؟ قالي لا والله ... قبل ويييين والحين ويين ... يقولي كل شي تغير .. يقولي حتى الجمهور والله تغير مو نفس قبل


ما اقول الا الله يستر بس ... وعسى الله يكون في عون الجميع
FAS
12-01-2009, 08:42 PM
ايوب الحسن ,

للأسف كلامك يزعل بس صحيح,
البطولة قبل ما تبدأ تكون في مشاكل , و وسطها في مشاكل ... وحتى بعدها في مشاكل ,
وكل هاي تحت شعار "الأخويه الخليجيه"


وهالشي يرجع سببه انه اللي فوق اي المسؤولين زرعوا هالشي في نفوس اللاعبين للاسف ،، ومو بس اللاعبين بل حتى الجمهور ايضا تاثر وحاشه هالمرض
الحمدلله هذا المنتدى هادي ,
المنتديات الكرويه الأخرى مليان الطرد وإغلاق المواضيع فيها بسبب كأس الخليج !

والكل يسب ويجرح في اخوانه , وفي المسئولين المنافسين ...

الله يستر من الجاي , لين وين بتوصل ...



استحضرني أكثر لاعب يعجبني في تقبل الهزيمه ,فان نستلروي , بعد المباراة يحي ربعه ويسلم على المنافسين ويهنيهم ... http://http://img80.imageshack.us/img80/7763/ruudvannistelrooy5op.jpg صحيح انه عصبي داخل اجواء المباراة لكن بعدها ... تشوفه فاهم مهما كانت حساسية المباراة وأهميتها.
IL C a p i t a n o
12-01-2009, 09:29 PM
.. ^_^ ..


لاحظوا المنتخبات اللي حصلت على كروت حمراء وصفراء..


>> هي نفس المنتخبات الي طلعت برى..


والمنتخب العماني إلى السعودي هم اللي تأهلوا..


وهذا يمثل ان اللعب للامتاع مع بالطرااااااخ.. XDDDD


:D


والله من اللاعبين الدفاشه


طق وتكسير


اكيد بتصير كروت


شكرا على الخبر كوين ^_^
الازوري1
22-01-2009, 12:41 AM
اعتقد ان خليجنا واحد لا تتعدى كونها شعار من الشعارات اللي نشوفها في الشارع العربي