المساعد الشخصي الرقمي

مشاهدة النسخة كاملة : شعر أبوس إيدك ( نزف قلب : محمد سنجر )


محمد سنجر
17-01-2009, 09:15 PM
أبوس إيدك
أبوس رجلك هوي الحبل على رجلي و لو حبة
و أخرتها معاك يا با
عشا ن خاطري أبوس إيدك
و ليه يا با مكلبشني و بيني و بين ولاد اخويا
مفيش بينا الا بوابة
سامع صوتهم و مش قادر بقى اتحمل
مكتفني و البوابة مفاتيحها معاك يا با
سامع صوتهم و أنا إيديا على خدي
بتنهشهم قرود خنازير كلاب سعرانة و ديابة
و طول الليل سامع صوتهم و متسلسل
و آآآآآآآه يا با ....
ما فيش بينا الا بوابة
و فات كام يوم و سايبنهم ف عز الرعب
وحديهم في قلب الضلمة في الغابة
لا عاد فيه سقف يداريهم من ولاد الكلب
و برق و رعد طول الليل مهانة و ذل و كآبة
و لما الصبح بينور ألاقي كومة م الأشلاء
و نوافير دم تتفجر من لحم يتامى و غلابة
عشان خاطري أبوس إيدك أبوس رجلك
ماعدتش قادر اتحمل خلاص يا با
ولاد أخويا مفيش بينا الا بوابة
سامع صوتهم و حاطط إيدي على خدي
بأدندن و ابكي أطفالنا بمزمار حزن و ربابة
و الاقي صوت ولاد الكلب بيجلجل و فوق صوتي
قرود خنازير ولاد خنازير كلاب سعرانة و ديابة
بتدندن و ترقص غصب بالجزمة و فوق راسنا
بصوت طيارة أو مدفع و دبابة
سيف الكلمة
19-01-2009, 07:42 PM
دوام الحال من المحال ..
لن يخلد أحد إلى الأبد .. إلا وجه الكريم عز وجل ..
وربنا على الظالم ..
-
مشاركة رغم وصفها لواقعنا الأليم الحالي .. لكن صيغت بأسلوب خاص جميل ..
يعطيك العافية ..
shjoonal3in
20-01-2009, 03:52 PM
أبوس إيدك
أبوس رجلك هوي الحبل على رجلي و لو حبة
و أخرتها معاك يا با

أعجبتني بصراحة ...
فيها بساطة وعفوية و توصف حال محزن ومشاعر مؤلمة ):
بالتوفيق يارب
فارس سحابة
27-01-2009, 12:04 PM
رجاء مصبوغ بصبغة الغضب و الرفض والرغبة في التمرد على صيغة التخاذل و الخنوع التي باتت جزءا لا يتجزأ من الهوية العروبية!

أخي صدقت في مشاعرك.. ما أصعب أن يكتفي المرء بفعل المشاهدة و التحسر، ما أصعب ان يكون عاجزا إذا أهان أحد أخاه..

قصيدة حزينة لكنها غاضبة و مطبوعة بالصدق اللطيف!

تقديري لك