المساعد الشخصي الرقمي

مشاهدة النسخة كاملة : // يعتبر تشويه .!


أنــفــاسـ
05-03-2009, 02:48 PM
السلام عليكم ورحمة الله وبركاته

كيفكم ياحقين العام :D

طبعا اللي بيلتفت يمين ويسار في الشارع العربي والسعودي خاصه بيلقى امور تشده
وتخليه يقعد يفكر :33:... احيان تكون اشياء جدا بسيطه .. رغم الاغلبيه ما تعطيها بال
او انها مجرد اخطاء تعودنا عليها :blackeye:

المهم .. الموضوع كان في بالي من فتره بس العجز وما يسوي وانا اخوكم :D
وعزمت انزل هالموضوع هنا يوم سافرت من الرياض لجده قبل كمن يوم

السالفه هي
اكيد تلاحظون في الشوار عندنا عبارات ( اذكر الله ... سبحان الله وبحمده سبحان الله العظيم...الخ)
تكون مكتوبه باليد او بالبخاخ... على جدران بيت .. او قدام اشاره ..او فوق جسر
عشان تشوفه السيارات اللي ماره تحت الجسر وتذكر الله .!

اوكي هو شي طيب انه يذكر الناس بذكر الله .. وانا ما نيب معترض على هالشيء

بس باللهي بالعقل على اي اساس يكتب على جدران بيتي عشان يبي الاجر وبدون ما اذن له .!
يعني يعتبر هذا تخريب
او على اي اساس يكتب على مكان عام .. لان هذا تشويه بعد.. او هي عشان يحصد اكبر عدد من الحسنات وهو تاكي( جالس ) ببيتهم .!

هذا يعتبر تشويه لشارع .!

واللي شدني اكثر .. يوم كنا مسافرين من الرياض لجده
كنا نوقف بين فتره وفتره في محطه ( استراحه )
ولما ندخل غرف العوايل .. حدث ولا حرج
مكتوبه على الجدران ( اذكر الله... ويا اختي المسلمه اتقي الله ..الخ)
يعني لو انا صاحب الاستراحه مثلا .. على اي اساس تكتب على جداري وتسوي خطاط وانا مأجرك اياه كمن ساعه .!


اللي ابي اوصل له ... شيء طيب ان الشخص يبي يذكر غيره بذكر الله بس موب هذي الطريقه
لانك تكتب على شيء موب ملك لك ... حتى ما اخذت اذن صاحب الجدار او غرف الاستراحات


يعني يا اخوان الشخص اللي يبي يذكر الناس بذكر الله
فيه لوحات خاصه مكتوبه بخط حلو ( بالكمبيوتر ) يقدر يلزقها في المكان اللي يبيه
بس الاهم قبل هذا

لازم تاخذ الاذن من صاحب الجدار .. خصوصا انك تبي من ورا فعلك وجه الله ونيتك طيبه
واذا كان جدار عام تذكر انه موب من حقك تسوي هالشي .. لانه يعتبر تشويه


هذا اللي كان في خاطري وقلته :D
والعذر والسموحه اذا فيه اخطاء ترا من الكيبورد الى المنتدى :D


بالتوفيق


تحياااااااااااتي
Amarantine
05-03-2009, 03:41 PM
هلا أخوي انفاس شلونك عساك طيب؟


اخوي هالظاهره جدا ً مزعجة ومثل ما ذكرت هي متواجده في اماكن معينه على جدران مجاوره للطرق العامه, لكن لو تأملنا عن سبب تواجد هالكتابات فهو قد يكون احد الامرين التاليين:-
1- بغرض الدعوه للخير لعدم التمكن من وضع لوح رسميه .
2-بغرض عدم مباشر , فقط مجرد كتابه على الجدران "بعضهم مدمن عليها".

لكن عموما ً هي ظاهره ليست جيده حتى وان كانت تحث على خير , لو ندور على حل لهذي المشكله قد يكون دور الحملات التوعويه هاما ً بالاضافه الى تجريم من يعمل مثل هذه الظاهره و ووضع غرامات ماليه عليها بغرض التخويف والترهيب منها وبالتالي تناقص فاعليها مستقبلا ً.

مشكور ع الموضوع اللي من راسك للكيبور للمنتدى مباشرة ً>>> خخخ مسوي يمزح +___+"
Xe'Ngura
05-03-2009, 04:49 PM
معك حق في كلمة كلمة قلتها
والمزعج في بعض الاحيان انها لا تكون كتابات تحمد الله بل تكون لأحزاب سياسية
فمثلاً عندما امشي فالشارع أرى مئات الكتابات تتحدث عن فتح وحماس
.
وايضاً كما قلت ليس من حقهم الكتابة على جدران وبيوت الناس
.
تقبل مروري
أنــفــاسـ
08-03-2009, 07:45 AM
Hearty Emotion
.
.

هلا أخوي انفاس شلونك عساك طيب؟
هلابك والله.. الحمدلله بخير يمال الخير ^^


اخوي هالظاهره جدا ً مزعجة ومثل ما ذكرت هي متواجده في اماكن معينه على جدران مجاوره للطرق العامه, لكن لو تأملنا عن سبب تواجد هالكتابات فهو قد يكون احد الامرين التاليين:-
1- بغرض الدعوه للخير لعدم التمكن من وضع لوح رسميه .
2-بغرض عدم مباشر , فقط مجرد كتابه على الجدران "بعضهم مدمن عليها".
هي مهما تعددت الاسباب .. دام فيها ذكر الله .. غالبا نية اللي كتبها قصده خير

بس موب معناه انها طريقه صحيحه .!


لكن عموما ً هي ظاهره ليست جيده حتى وان كانت تحث على خير ,
صح اخوي هذي طريقه خاطئه عشان نشر الخير

لو ندور على حل لهذي المشكله قد يكون دور الحملات التوعويه هاما ً بالاضافه الى تجريم من يعمل مثل هذه الظاهره و ووضع غرامات ماليه عليها بغرض التخويف والترهيب منها وبالتالي تناقص فاعليها مستقبلا ً.
المشكله كلها في التوعيه والحملات.. للاسف احس نفتقر كثير لهشيء
احيان تبدا حملات وتنتهي ولا احد درا عنها .!

والحملات والبرامج مهمه لكل مجتمع عشان التوعيه



مشكور ع الموضوع اللي من راسك للكيبور للمنتدى مباشرة ً>>> خخخ مسوي يمزح +___+"

خخخخ العفوو يالغلااا :D

نورت ^^


بالتوفيق


تحيااااااااتي
أنــفــاسـ
08-03-2009, 07:48 AM
RbG gAmEr
.
.

معك حق في كلمة كلمة قلتها
والمزعج في بعض الاحيان انها لا تكون كتابات تحمد الله بل تكون لأحزاب سياسية
فمثلاً عندما امشي فالشارع أرى مئات الكتابات تتحدث عن فتح وحماس
.
وايضاً كما قلت ليس من حقهم الكتابة على جدران وبيوت الناس
.
تقبل مروري
طبعا الكتابه على الجدران من اجل احزاب سياسيه او كلمات الحب ..وغيرها هذي مفروغ منها
انها خاطئه... لكن ان يكون على هذه الجدران ذكر الله .. هذا موضوعنا


عموما حيااك RbG gAmEr ^^

بالتوفيق


تحياااااااي