المساعد الشخصي الرقمي

مشاهدة النسخة كاملة : استفسار عن جيب ياشباب....بسرعه


الصقر22
11-01-2002, 02:02 AM
السلام عليكم

كيفكم شباب
انا باشتري جيب شروكي(((رانجلر))) للبر والطعوس بس وانا دفعت العربون لراعي الجيب مديل 93 لاكن توي ماستلمت السياره
الي عنده خلفيه عنه يفيدني في التالي:
1- البر والطعوس هل هو قوي وهل فيه نقطةضعف ولا لا
2-مميزاته
3-عيوبه وش هي
4-خراباته واجد ولا لا
5-سمعت انه اقوى من التويوتا والنيسان في التطعيس هل هذا صحيح.

ولكم تحياتي.......
تركي
11-01-2002, 09:46 AM
أولا ألف مبروك كان إختيارك موفق جيب رنجلر ماهو أي جيب ,من جميع النواحي جيد لإستعمال تطعيس
قوه, ومن ناحيه الخرابات كل السيارات تخرب بعدين تصلح , بعدين من ناحية أقوى من النيسان والتايوتا فهذا الكلام قد يكون صحيح ويرجع السبب لخفته وقوته .......... يعني لاتخاف إختيارك ليس سيء.


لا جيب.................. إلا جيب
sigma
11-01-2002, 09:51 AM
عزيزي صقر 22
تحية طيبة من الكويت الى اهل السعودية الأشقاء.

بالنسبة لسؤالك عن الجيب شيروكي والله يا الحبيب انا سمعت من الشباب الي عندهم هذا النوع انه قوي بس حساس حيل وقطع الغيار نااااار ، أنا أخي كان عنده جيب بس نوع رانجلر اقل ضربة يعني يركب رصيف يدش طعوس بس بعدين تعال صلح قام عنده البكاكس الخلفي يمكن 4 مرات .

وما أدري اكثر من كذا معلومات .

انا كمان عندي كم سؤال حول المكسيما مدام انك ما شاالله اللهم لاحسد عندك فكرة وافية عن المكسيما وأكيد انك مجرب .

ما هي المقارنة والقوة والسرعة بين المكسيما وبين سيارة تيوتا الكامري 6 سلندر وسيارة تيوتا أفالون ولكزس 300 GS وسيارة لكزس 300 ES

ويعطيك الف عافية
الصقر22
11-01-2002, 12:53 PM
شكرا لك اخوي turkifwaa وانا من كلامك ارتحت شوي يالحبيب.
الصقر22
11-01-2002, 01:11 PM
هلا اخوي sigma بالنسبه للمكسيما تراها سياره مقلعه ورهيبه يعني ماراح تنجم ابد انك ركبتها وبترتاح فيها
والمقارنه بها مع الكامري من ناحية القوه انا مجرب مع ثلاث اثنين من اخوياي وتعديتهم وكلهم اناضرهم في المرايه وراي ولا يشفطون مع الماكس هذا بالنسبه للعادي اما الاوتو سراحه ماعندي خلفيه عنها والكامري 6 سلندر قويه بسراحه لاكن الماكس اقوى

وبرضه اقوى من الافالون .من تجربه
وبالنسبه للكزس الي يسمونها كامري الشيوخ لاتهمك ابد

اما الكزس GSوالله مادري سراحه لاكن واحد من الربع قاوم وحده وراح عليها
ويكفيك قوة فزتها والله مجنونه .
بحـــ الشوق ـــور
11-01-2002, 06:16 PM
اخوي الصقر 22 ما أقدر أزيد عن كلام الاخ تركي يعني احسنت الاختيار
الصقر22
12-01-2002, 12:52 AM
هلا بك يالعاشق
يعني السياره تمام وما عليها كلام في البر والطعوس




وشكرا لكم على ردودكم يالغالين........
تركي
12-01-2002, 09:31 AM
لاشكر على واجب يا أخ الصقر22.;) ;) ;) ;)
sigma
13-01-2002, 05:13 PM
أوخي صقر 22

اشكرك على هالمعلومات حول المكسيما والحين بعد الكلام الي سمعته من الالي مجربين المكسيما عندنا بالكويت وكلامك من السعودية الحبيبة صار اختياري على المكسيما 2002 .

والحين راح اثمن سيارتي القديمة سيجما وآخ الماكس

ومشكور حبيبي صقر 22 على هذا التواصل الرائع والتجواب الجميل بين مرتادي المنتدى
الصقر22
14-01-2002, 05:09 PM
ياهلا بك يالغالي sigma واي معلومه عن الماكس

انا في الخدمه.......................:) :) :) :)