المساعد الشخصي الرقمي

مشاهدة النسخة كاملة : الله يخارجنا..


Sander
22-04-2009, 01:43 AM
السلام عليكم
يا مرحب(ن) بك!

ندخل بالموضوع دغري بلا مقدمات بلا هم < عدوى و أنتقلت :D
الله يخارجنا...

المشهد الأول:
ما تلاحظون أن هالجيل ماشي مقلوب؟ :ds020:خذ عندك مثلاً:
الشباب يتنافسون في مسابقة أطول شعر و البنات على عكسهم يتنافسون في مسابقة أقصر شعر؟ :31:
تشوف الولد شعره لنص ظهره و قصه غير شكل و استشوار و حركات
بينما البنت شعرها يادوب يغطي راسها بالكامل، و تلقاها حاطه جيل و مسويه طاووس فوق راسها :ds018:

ياعمي الأولاد صاروا يعرفون الميك أب و يسوون مسكرة و كحل قبل كل طلعه :ds013:
بكرة بنشوف أولاد مسوين حمام زيت و لافين فوط فوق روسهم و حاطين قناع روب و خيار على وجيههم :ds003:
و بيصير عندنا صالونات تجميل مو حلاقين < خلاص بنوكب التطور :09:

مدري يعني هو تغيير ولا هو تمرد .. الي مستغرب منه كيف مستحمل هالشخص كل نظرات الإستهزاء و السخرية الي تصادفه في كل ظهور له :33:
صراحة.. هالقدر من التطنيش يستحق التصفيق ... لا إحساس ولا تأثر ولا ما يحزنون..
الظاهر شخصية معدومة و ماعاد يأثر فيه شيء ولا كيف يستحمل كل هالعالم و ما يتأثر؟
الله يخارجنا..
__________________

المشهد الثاني:
رايحين عالجامعات اليوم؟ شايفين الطلاب .. طلاب العلم.. كيف صايرين؟؟ :ds022:
الشباب صاروا يسوون حركات غريبة عجيبة في شعرهم و يلبسون سلاسل و أساور.. أهم شيء الأساور! و خواتم حديد... و الفنايل بودي و البنطلون طيحني :ds013:
و كل واحد يمشي و معاه شاب وسيم أصغر منه أو يكون معه شلة مشابهين له مسويين فيها شلة تحدي... الي يشوفهم يحسب نفسه في بلد غربي مو في بلد عربي مسلم.....

و البنات صاروا بويات.. و العدد في إزدياد...... يعني عدد الذكور في العالم أقل و بيعادلوا النسبة ولا ايش الحكاية بالضبط؟ :ds022:
الي لابسه شيرت ريال مدريد و الي برشلونه و الي شعرها ديك و الي دجاجة... عالم مدري وش تبي توصل له...
و أحلى شيء يوم البويه "المسترجلة" تماشي بنوته كلها أنوثة < ينقال nice couple :31:

مدري هو غلاء المهور ولا هو الكبت.... ولا هذا أثر الفضائيات و بلاويها؟
يعني السالفة تقليد أعمى و بس...
الله يخارجنا..

__________________

المشهد الثالث:
مو ملاحظين أن الممثلين و الممثلات الخليجيين بالذات من سيء إلى أسوء؟؟ :ponder:
حد يكلمهم يا جماعة.. ما يصير
أترك مواهب التمثيل على جنب.. هذي كلنا متفقين أنها معدومة
بتكلم عن أشكالهم...:blackeye:

عند الغرب لما الممثل يخسر جاذبية المظهر الخارجي يخسر عروض و يصير الطلب عليه أقل
و كل ما كبر تغيرت أدواره .. طالب في الجامعة، بعدين أستاذ أدب، بعدين بروفيسور بعدها عجوز فاقد للبصر ... لحد ما خلاص ينتهي زمانه و يجي الجيل الجديد .

هنا في الخليج الممثل لا يتأثر لا بعوامل طقس و لا مناخ :D
أم ٥٠ سنة تمثل طالبة جامعية و أم ٨٠ كيلوا تمثل فاتنة تسحر الكل بدلعها و جمال شعرها... وين قاعدين؟ سويتونا بلا ذوق و بلا نظر...
اما الشباب يعجبونك! تشوفه وش كبره... شنب و عضلات و جسم و لابس شيرت بودي و برمودا و يحاول يستخف دمه ينقال كوميدي :silly:
مره يتنطط و مره يرقص... قمنا نحس أن فيه مسابقة سارية شاملة كل القنوات بإسم "الحلقة الأثقل طينة"
يقول إذا ما تستحي ألعب على ما تشتهي....
الله يخارجنا..

__________________

المشهد الرابع:
ملاحظين التشتت و التفرق الي عايشينه؟ أنا غني طيب.. و جاري فقير، تصير عندي مناسبة حلوة بسيطة "أجيب علامة حلوة بالنهائي مثلاً"
أروح مسوي عزومة لا صارت لا أستوت، أجيب كل معارفي و زملائي و أسوي سهرة غير شكل و أخلي الميوزك تدوي و البيت كله يهز للفجر :dancing2:

جاري الفقير ما عنده ياكل و أنا جاي أحتفل بدرجتي الحلوة... هو يتمنى و أنا أتهنى و ياقلب لا تحزن..

و الأحلى من كذه،، لما واحد يجي يتشكى من شيء تافه و يدعي الحزن و الكآبة و ذاك الي حياته صعبة يسمع و بالع قهره و ساكت..

(ايه والله عذاب.. أكره حياتي... أبوي دايماً يهزئني...) و الي جالس جنبه يتيم يتمنى بس يقول كلمة "أبوي".....
منجد القلوب تفرقت..
كنا أخوان و نحس بجروح بعض و اليوم ابد محد داري عن الثاني و ياقلب لاتحزن..
الله يخارجنا..
__________________

المشهد الأخير:
مش مشهد تحديداً، هو إقتباس:
"أكثر شيء أكرهه أن ينصحني واحد و هو معيوب... لاه! و يرفض النصح كمان..
يعني هو وقح و يجي يقول لي خليك ذرب.. و أوعك تقل لي خلك مؤدب!
مدري كيف تصير ذي... شاطر علينا بس..

و لا يجي واحد يعيبك: أنت ماعندك مسؤلية! و هو أكثر شخص إعتمادي عرفته في حياتك..
يشوف عيوب غيره و ناسي نفسه...
أو أنه يبي يعيبك و خلاص.. المهم ما تصير أحسن منه... <<عقد نقص :ponder:

يقولون: كثيري-النقد ينتقدون عيوبهم في غيرهم.. مدري عيونهم معمية عن أنفسهم ولا حلال عليهم حرام علينا...؟
يجيك واحد عنده منصب أعلى منك، يتصيد عليك أي زلة و يجلس ينصح و هو عيوب الدنيا كلها فيه.. بس مين يقدر يكلمه.."
ياللا خليها على ربك..

__________________

هذا ما لدي و لي إضافات و يمكن أخليها بموضوع يخصها طرداً للملل و الرتابة < وش دخل
ماودي أطول عليكم أكثر من كذه، و مايستفاد بخليها عليكم هالمرة >.>

تم و دمتم بود :D
Nissan
22-04-2009, 03:41 PM
السلام عليكم و رحمة الله وبركاتة
واخيرا ..... موضوع جيد نزل في المنتدى ,,,,,,^^^^^^^^ وين كنت؟
_______________________________________________

و بيصير عندنا صالونات تجميل مو حلاقين < خلاص بنوكب التطور


وانت الصادق , الان فيه حلاقين يعملون لك تقشير للبشره و تدليل و عدسات وفيتامينات لا تخاف واكبنا التطور من زمان !

و أحلى شيء يوم البويه "المسترجلة" تماشي بنوته كلها أنوثة < ينقال nice couple

الامر مقلق ................. ! ياساتر لو كانت ( تم التشفير ) ...........!




اما الشباب يعجبونك! تشوفه وش كبره... شنب و عضلات و جسم و لابس شيرت بودي و برمودا و يحاول يستخف دمه ينقال كوميدي
مره يتنطط و مره يرقص...


الشغله الجديد ............. يقولون عن انفسهم نحن مغنو راب ! اتباع مايكل جاسم اقصد جاكسن !


^^^^^^^^^^^^^^^^^^^^^^
تسلم اخي العزيز على الموضوع الجيد:biggthump:biggthump:biggthump
GT4 SKYLINE
22-04-2009, 04:43 PM
وععع انا صابني قرف وانا اتخيل اشكالهم وععععععع طيحني هاااااااااه@@ الله يخلي قمصان النوم ماعندي غيرها خخخخخخخخ

شكرا على المشاهد ^^
Dinal
23-04-2009, 05:15 PM
ده لي لازم يحصل >>>>>> http://up.arab-x.com/pic/4fJ53533.gif

حلو هذه الصورة لي في ثوقيعك يا GT4 SKYLINE (http://www.montada.com/member.php?u=82430)
MiSs.ChiPs
23-04-2009, 05:26 PM
اما الشبااب والبنات .. حدث ولا حرج ..
مااعاد تفرق استغفر الله ,,,



المشهد الثالث:




مو ملاحظين أن الممثلين و الممثلات الخليجيين بالذات من سيء إلى أسوء؟؟ :ponder:

حد يكلمهم يا جماعة.. ما يصير
أترك مواهب التمثيل على جنب.. هذي كلنا متفقين أنها معدومة
بتكلم عن أشكالهم...:blackeye:



هههه جبتها عالجرح ,, ترا مو بس الخليجياات .. حتى المصريات .. يعني العربيات بصفة عاامة
اجل ليلى علوي تسير من بطلات فيلم حب البنات !!! .. لو حب العجاايز تهوون
لا وجايبيلها شااب وسيم ,, اصغر من عيالها وهي مستثقلة عليه بعد ..


الهام شاهين في كل مسلسل والثاني نااقزة انها بنت 16 !!!.. شككتني في نفسي .. اتذكر وعيت عالدونيا وهي عجوز ,, ونا كبرت وسرت شاابة وهي لساتها .. بنت 16 !!



طبعن الخليجياات نفس الحاله .. عجوز مدري قديش كبرها وبرضو ..


وكله كوم والمليقة ميساء مغربي كووم بفيلمها المدري ايش تبغى فيه .. لكن عندها شركة انتاج خااصة فيها ويلا بتطلع نفسها اني انا دلوعه وكيوت وفاني وصوتي حلو ,, xD ..
واهم شي بطلة فيلم وشباب الفيلم كلهم يحبوني !!


مشي حااالك .. شيئوون يقهر .. ويعور القللب ..


يازين الاتراك بس :09: !!



اما شباب الجاامعه شي خاص توك كنت شحليلك واشطر وأاادب واحد في الثانوي .. كيف سرت ملك الراب والروك & روول ومربط بهالاسلااسل مدري !!


بجد الله يخاارجناا :( ..


يسلمو صاانطر عالطررح ..ماننعدمش هالكيبورد يارب :D


اوووبز حتى انا ردي خااش عرض بدون مقدماات .. من جد انتشرت العدوا>> يعني انها ترقع :D:09:
saudi.girl
24-04-2009, 07:18 AM
الصراااحة كل كلمه قلتها اصابت قلب الحقيقه

والبعض من الشباب يطولون شعورهم ويجعدونها وتصير مثل الاعشاش
ولا البناطيل اللي يلبسونها وتسمى طيحني حدث ولا حرج

والبنات مو احسن منهم في شي على سبيل المثال تعال شوف حجاب البنات الحين الصراحه ماكأنه حجاب وخليها على الله

وللأسف انقلبت الاحوال من سيء الى اسوء والحمد لله على كل حال والله يستر علينا وعلى عباده

ولو بنتكلم عن البويات
والممثلات
بناخذ صفحات كثيره وانا شايفه انهم مايستاهلون

جزاك الله الف خير
اخي العزيز
ساندووووور
وسلمت يمناك
Sander
04-05-2009, 01:24 PM
السلام عليكم و رحمة الله وبركاتة
واخيرا ..... موضوع جيد نزل في المنتدى ,,,,,,^^^^^^^^ وين كنت؟
_______________________________________________

وعليكم السلام و رحمة الله و بركاته

تسلم أخوي أوباما ع رأيك بس لا تعم
منتدى طول بعرض و مافيه مواضيع جيدة؟ ما يصير ^^


وانت الصادق , الان فيه حلاقين يعملون لك تقشير للبشره و تدليل و عدسات وفيتامينات لا تخاف واكبنا التطور من زمان !
صادق، و أغلبهم يسمون أنفسهم "حلاقين عرسان" :D
بيسوون سشوار و حف و ميك أب ">.> ايش بقى للحريم؟

الامر مقلق ................. ! ياساتر لو كانت ( تم التشفير ) ...........!
هالزمن مو زمن.. ما استبعد شيء .. الله يستر علينا و على المسلمين.

الشغله الجديد ............. يقولون عن انفسهم نحن مغنو راب ! اتباع مايكل جاسم اقصد جاكسن !
ياشيخ كله تقليد أعمى.. مدري وش شايفين في حثالة الغرب :ponder:


تسلم اخي العزيز على الموضوع الجيد
يسلمك، مشكور ع ردك.
Sander
04-05-2009, 01:33 PM
وععع انا صابني قرف وانا اتخيل اشكالهم وععععععع طيحني هاااااااااه@@ الله يخلي قمصان النوم ماعندي غيرها خخخخخخخخ

شكرا على المشاهد ^^
هذا و أنت تتخيل كذه كيف لو تشوفهم كل يوم حواليك؟
أحلى شيء يوم يتمازحون حدك و أنت تاكل :D قرف غير طبيعي :silly:

تسلم ع مرورك أخوي.



ده لي لازم يحصل >>>>>> http://up.arab-x.com/pic/4fJ53533.gif

أيش الي لازم يحصل بالضبط يا دينال؟ ما وضح عندي قصدك.
Kambootar
04-05-2009, 03:28 PM
والله كلامك كلو صائب..

قرفونا مدري اشبهم عايشين بالشقلوب..
الله يخارجنا بس !!

عالعموم تشكر عالموضوع ^.^
haman
08-05-2009, 07:03 PM
وووووفف...!!

غبار يا عالم غبار !!

الله على هل موضوع !! توني ادخل المنتدى من اخر مره دخلته 28 فبراير .. يعني شهرين و زود.. و اقول افف مافي موضوع شوي محترم يستحق القرايه .. الا اشوف هل اسم المدمغ ! انهو البنادوره الساحره ساندر!!

sup ma playa'!!

الصراحه انا امس افكره في المشهد الثالث الي انت كاتبه ..

تصدق مو بس الادوار محتكرينها .. التمثيل هل ايام بشكل عام صاير ثقيل و fake بكل اختصار

بس فالحين يصبغون ويهم بهل ميك اب و من عمليه لثانيه ..!!

والله شوف ممثلات هوليوود ! تمثيل ويا minimum ميك اب .. الثياب يعني على قد الدور .. و casual لكن احنا العرب .. الي لابسه اخر موديل كانه كل عيال الخليج عيال فلوس !! و اخر موديلات في السيارات ووووو ألخ..! و على شنو مسلسلات او افلام بايخه .. متكرره مافي تنويع .. و ال sound effects o music نفس الاغنيه في كل مسلسل خليجي .. خاصه لين احد يموت .. نفس النغمه ...

ثنكيو منسيور ساندوره ..

p.s
رهيبه يا تساااااااااااالي وطسابز!!! ( شبصايا :P: )
سفاح جدة الدموي
11-05-2009, 01:40 PM
*يطب على الأعضاء ويشيل اللثام عن وجهه*

مساكم الله بالخير :jap002:

شلونكم ، عساكم طيبين :jap037:

ماشاء الله أشوف الشباب متجمعين وكلٍ ماخذ راحته

والله ودنا نقعد معكم ، بس حبينا نطمن على أحوال الرعية على السريع

يلا ، فمان الله :jap039:

*يرمي قنبلة دخانية ويختفي من الموضوع والمنتدى بكبره*


...........................
Sander
11-05-2009, 10:36 PM
اما الشبااب والبنات .. حدث ولا حرج ..
مااعاد تفرق استغفر الله ,,,

صارت موضه :33:

هههه جبتها عالجرح ,, ترا مو بس الخليجياات .. حتى المصريات .. يعني العربيات بصفة عاامة
اجل ليلى علوي تسير من بطلات فيلم حب البنات !!! .. لو حب العجاايز تهوون
لا وجايبيلها شااب وسيم ,, اصغر من عيالها وهي مستثقلة عليه بعد ..

الهام شاهين في كل مسلسل والثاني نااقزة انها بنت 16 !!!.. شككتني في نفسي .. اتذكر وعيت عالدونيا وهي عجوز ,, ونا كبرت وسرت شاابة وهي لساتها .. بنت 16 !!

طبعن الخليجياات نفس الحاله .. عجوز مدري قديش كبرها وبرضو ..
تذكرني بممثلة خليجية اسمها زينب العسكري
مرة طالبة جامعية و مرة بنوته دلع و يقولون صارت تمثل تركي و تركب خيول! حركاااات مو؟ :D
< لميس على غفلة


كله كوم والمليقة ميساء مغربي كووم بفيلمها المدري ايش تبغى فيه .. لكن عندها شركة انتاج خااصة فيها ويلا بتطلع نفسها اني انا دلوعه وكيوت وفاني وصوتي حلو ,, xD ..
واهم شي بطلة فيلم وشباب الفيلم كلهم يحبوني !!
مشكلة يوم الواحد ياخذ من نفسه مقلب
هالممثلة صايره سلعة على قنوات دبي... يجيك برنامج مدري ايش يبغى معتمد في نجاحه على وجه ميساء :p
مادام ميساء تقدم البرنامج خلاص فيه مشاهدين >.>


يازين الاتراك بس !!
خخخخخ ما تابعت لهم شيء بس سمعت أنهم حلوين :D


اما شباب الجاامعه شي خاص توك كنت شحليلك واشطر وأاادب واحد في الثانوي .. كيف سرت ملك الراب والروك & روول ومربط بهالاسلااسل مدري !!
بجد الله يخاارجناا ..
لازم يواكب التغير، خلاص بيصير كول و "خوش شيء" :09:


يسلمو صاانطر عالطررح ..ماننعدمش هالكيبورد يارب
يسلمك بطاطس، الله يخليك.


اوووبز حتى انا ردي خااش عرض بدون مقدماات .. من جد انتشرت العدوا>> يعني انها ترقع
خخخخخ كله من EZOO TAKA يوم يقول "الما أحب المقدمات و الفلسفة و الحركات إلي مدري وش تبي .. بخش بالموضوع على طول .. "
خرب الكل و قعد :09:

مشكورة عالرد شبسه، يسلمو.
Sander
11-05-2009, 11:15 PM
[CENTER]الصراااحة كل كلمه قلتها اصابت قلب الحقيقه

والبعض من الشباب يطولون شعورهم ويجعدونها وتصير مثل الاعشاش
ولا البناطيل اللي يلبسونها وتسمى طيحني حدث ولا حرج


ستايل، موضه ، نيو لووك :ponder:
لو نخلص من هالحركات البايخة كان حنا بخير..

والبنات مو احسن منهم في شي على سبيل المثال تعال شوف حجاب البنات الحين الصراحه ماكأنه حجاب وخليها على الله
منجد... إلا ايش قصة بو نفخة في دول الخليج؟ :أفكر: مو هي موضة و خلصنا منها؟ وراها رجعت؟
أحلى شيء يوم تلبس البنت حجاب بو نفخة و بنطلون جينز ستريش :D مشي حالك بس

لو بنتكلم عن البويات
والممثلات
بناخذ صفحات كثيره وانا شايفه انهم مايستاهلون
صادقة... لو الكلام بيغير شيء كان شفنا إستجابة منذو مبطي... ما نقول غير الله يصلح الجميع.

جزاك الله الف خير
اخي العزيز
ساندووووور
وسلمت يمناك
الله يسلمك، مشكورة على ردك و حياك.
Sander
11-05-2009, 11:23 PM
والله كلامك كلو صائب..

قرفونا مدري اشبهم عايشين بالشقلوب..
الله يخارجنا بس !!




ايه والله قرفونا، المشكلة مو حاسين أنهم منبوذين، شايفينها حركة و تغيير
كله من بايسن يوم يقول كلك حركات :09: خلاهم يصدقون أنفسهم <.<

عالعموم تشكر عالموضوع ^.^
العفو، تسلم عالرد أخوي.
G.F.S.L
16-05-2009, 11:07 PM
موضوع رائع زي منت معودنا:biggthump



ياعمي الأولاد صاروا يعرفون الميك أب و يسوون مسكرة و كحل قبل كل ط:biggthumpلعه
عاد والله هذول اللي يرفعون لي ضغطي:12:
بلا باأشكالهم أش بقوا لنا
ومو بس ميك أب
الا كمان يحدد الحواجب
وياكثرهم عندنا بجدة والله صرت أكره اروح المول من أشكالهم المقرفة
عاد في واحد من طقتهم تقدم لواحده من بنات جيرانا
تقول مرة كنا معزومين عندهم
ونسمعه يطلب من امه علبة الميك أب
والا أشوف أمه تركض تجيب له اللي طلبه
عاد والله هاذي هي المصيبة:bigeyes:




بكرة بنشوف أولاد مسوين حمام زيت و لافين فوط فوق روسهم و حاطين قناع روب و خيار على وجيههم
و بيصير عندنا صالونات تجميل مو حلاقين < خلاص بنوكب التطور

مرة قريت أعلان في الجريدة
لصالون رجالي
يوجد لدينا بدكير ومناكير:blackeye:




الش
باب صاروا يسوون حركات غريبة عجيبة في شعرهم و يلبسون سلاسل و أساور.. أهم شيء الأساور! و خواتم حديد... و الفنايل بودي و البنطلون طيحني
و كل واحد يمشي و معاه شاب وسيم أصغر منه أو يكون معه شلة مشابهين له مسويين فيها شلة تحدي... الي يشوفهم يحسب نفسه في بلد غربي مو في بلد عربي مسلم.....

و البنات صاروا بويات.. و العدد في إزدياد...... يعني عدد الذكور في العالم أقل و بيعادلوا النسبة ولا ايش الحكاية بالضبط؟
الي لابسه شيرت ريال مدريد و الي برشلونه و الي شعرها ديك و الي دجاجة... عالم مدري وش تبي توصل له...
و أحلى شيء يوم البويه "المسترجلة" تماشي بنوته كلها أنوثة < ينقال nice couple

مدري هو غلاء المهور ولا هو الكبت.... ولا هذا أثر الفضائيات و بلاويها؟
يعني السالفة تقليد أعمى و بس...
الله يخارجنا..

بجد والله الله يخارجنا
للأسف بس وين أهاليهم عنهم
كيف بالله يرضون أولادهم يسون كذا
طيب الأهل أذا ماقادرين على أولادهم
أش دور المجتمع
قاعد يتفرج عليهم
ولا ينكرون أنهم موجودين




ملاحظين التشتت و التفرق الي عايشينه؟ أنا غني طيب.. و جاري فقير، تصير عندي مناسبة حلوة بسيطة "أجيب علامة حلوة بالنهائي مثلاً"
أروح مسوي عزومة لا صارت لا أستوت، أجيب كل معارفي و زملائي و أسوي سهرة غير شكل و أخلي الميوزك تدوي و البيت كله يهز للفجر
الله يهديك بس من في هالوقت يعرف جاره
أذا أنت في الطريق مار
وسلمت ماحد يرد عليك
أذا بعض الأقارب مايزورون بعض ولا يعرف فين بيت قريبه ولا أذاأحد من اقاربهم محتاج




هنا في الخليج الممثل لا يتأثر لا بعوامل طقس و لا مناخ
أم 50 سنة تمثل طالبة جامعية و أم 80 كيلوا تمثل فاتنة تسحر الكل بدلعها و جمال شعرها... وين قاعدين؟ سويتونا بلا ذوق و بلا نظر...
الحمدلله ما أتابع لا مسلسل خليجي ولا عربي
ماعاد عندهم سالفة:boggled:
غير أشكالهم الله يستر علينا بس
تلقى الممثلة مرة نافخة براطمها مرة خدودها مرة ماتدري وش مسوي بنفسها على بالها أنه قمر زمانها:33:
والا الملابس مسخرة والله
المسلسلات والافلام الاجنبية أحسن منها بمليون مرة


اجل ليلى علوي تسير من بطلات فيلم حب البنات !!! .. لو حب العجاايز تهوون
لا وجايبيلها شااب وسيم ,, اصغر من عيالها وهي مستثقلة عليه بعد ..
الهام شاهين في كل مسلسل والثاني نااقزة انها بنت 16 !!!.. شككتني في نفسي .. اتذكر وعيت عالدونيا وهي عجوز ,, ونا كبرت وسرت شاابة وهي لساتها .. بنت 16 !!


الله يقطع بليسك ضحكتيني:biggthump
عاد ليلى استلمت كل مسلسل فيه اسم بنت
بنت من شبرا وبنت والله مادري شسمه بس فيه بنت
وضيفي هدى حسين وينب العسكري وزهرة الخرجي والقائمة تطول
كل واحدة فيهم مصدقة عمرها تمشي وتعملي حالها بنت بنوت
وكل الرجال من أول نظرة يعشقوها




هذا ما لدي و لي إضافات و يمكن أخليها بموضوع يخصها طرداً للملل و الرتابة < وش دخل
ماودي أطول عليكم أكثر من كذه، و مايستفاد بخليها عليكم هالمرة >.

تم و دمتم بود

ماشاء الله عليك تصدق ع بالي تقدم نشرة الاخبار.................



ايه والله قرفونا، المشكلة مو حاسين أنهم منبوذين، شايفينها حركة و تغيير
كله من بايسن يوم يقول كلك حركات :09: خلاهم يصدقون أنفسهم <.<

أها ااااااااااااااااا
هذا أثبات لنظريتي<< أتريني عبقرية وأنا مادري :09:




وبالنسبة لما يستفاد :

البشرية حتنقرض دام هالجيل في هالطريق ماشين
الرجولة للرجل أصبحت في هالزمن عيب
لا تشربون أبداً هالبايسن هو اللي خرب هالشباب يقولون أنه كله حركات :09:
صلة الرحم ياجماعة تراها تفك أبواب الرزق
البنت حلاتها بإنوثتها يعني مالو داعي تسوي حركات قروشه لو نجي من ناحية الدين(لعن الله المتشبهين من الرجال بالنساء ولعن الله المتشبهات من النساء بالرجال)هذا الحديث المفروض ما ينسي بس.!.!.!.!.!.!.!.!.!.!.!.!.!.!.!.!.!.!.!.!.!.!
نصيحه قاطعوا المنتجات الخليجيه والعربيه وتفرجوا ع tom & jerry لانهم مابيرفعو الضغط....:biggthump

وأخيراً وليس أخراً
سامحني أخ ساندر عالرغي اللي فوق
بس بنت أش تقول بس:09:
Sander
17-05-2009, 07:03 PM
وووووفف...!!

غبار يا عالم غبار !!

الله على هل موضوع !! توني ادخل المنتدى من اخر مره دخلته 28 فبراير .. يعني شهرين و زود.. و اقول افف مافي موضوع شوي محترم يستحق القرايه .. الا اشوف هل اسم المدمغ ! انهو البنادوره الساحره ساندر!!

:D

أهلين حمونه الكمونه :D كيفك؟ عاش من شافك
وين أيامك يا قاطع :D ؟ عالأقل زورنا بالإجازات.. سوي لنا شوية أكشن هنا زي زمان


الصراحه انا امس افكره في المشهد الثالث الي انت كاتبه ..

تصدق مو بس الادوار محتكرينها .. التمثيل هل ايام بشكل عام صاير ثقيل و fake بكل اختصار

مدري هي مشكلة في الممثلين ولا في الكتاب ولا في المخرجين... الظاهر السيستم كله ضارب (&)
الناس تمشي لقدام و هذولي يرجعون لوراء... تمثيل أيام زمان أحسن بمية مرة من تمثيل هالأيام...
و زي ما قلت، التمثيل صاير مصطنع لحد السخافة و توزيع الأدوار فاشل تماماً..

بس فالحين يصبغون ويهم بهل ميك اب و من عمليه لثانيه ..!!
والله شوف ممثلات هوليوود ! تمثيل ويا minimum ميك اب .. الثياب يعني على قد الدور .. و casual
ليش رايح بعيد، الغرب متقدمين علينا بسنوات ضوئية مافينا نلحق وراهم :ds018:
خليك قريب، عندك أهل الشام و حواليهم، صاير تمثيلهم حلو و لبسهم معقول و أهم شيء مكياجهم مرتب.
ليه الخليج ما يصيرون زيهم؟ خايفين يفشل المسلسل يوم البطلة تخفف ميك أب يعني :D ؟

لكن احنا العرب .. الي لابسه اخر موديل كانه كل عيال الخليج عيال فلوس !! و اخر موديلات في السيارات ووووو ألخ..! و على شنو مسلسلات او افلام بايخه .. متكرره مافي تنويع .. و ال sound effects o music نفس الاغنيه في كل مسلسل خليجي .. خاصه لين احد يموت .. نفس النغمه ...
ايوا صحيح، ليه دايماً يكررون نفس القصص؟ هم يزعمون أنهم يمثلون الواقع، طيب مثلوا واقع متنوع.. مركزين علي زوايا محددة ليش؟

ثنكيو منسيور ساندوره ..
العفو حمني، و تسلم ع الطله، نورت.
Sander
17-05-2009, 07:04 PM
*يطب على الأعضاء ويشيل اللثام عن وجهه*

مساكم الله بالخير :jap002:

شلونكم ، عساكم طيبين :jap037:

ماشاء الله أشوف الشباب متجمعين وكلٍ ماخذ راحته

والله ودنا نقعد معكم ، بس حبينا نطمن على أحوال الرعية على السريع

يلا ، فمان الله :jap039:

*يرمي قنبلة دخانية ويختفي من الموضوع والمنتدى بكبره*


...........................

حياك الله سفاح جدة، الرعية تسلم عليك :D
تسلم عالمرور، الله يوفقك.
Sander
17-05-2009, 07:19 PM
موضوع رائع زي منت معودنا:biggthump

تسلمين، الله يخليك.

عاد والله هذول اللي يرفعون لي ضغطي
بلا باأشكالهم أش بقوا لنا
ومو بس ميك أب
الا كمان يحدد الحواجب
وياكثرهم عندنا بجدة والله صرت أكره اروح المول من أشكالهم المقرفة
عاد في واحد من طقتهم تقدم لواحده من بنات جيرانا
تقول مرة كنا معزومين عندهم
ونسمعه يطلب من امه علبة الميك أب
والا أشوف أمه تركض تجيب له اللي طلبه
عاد والله هاذي هي المصيبة
هههههههههه اما عاد! خخخخخخخخخخ هزُلت XD
الحين بدال ما تعطيه تهزيء مرتب تروح جايبه له ميك اب.. :ponder: عشنا و شفنا :33:

مرة قريت أعلان في الجريدة
لصالون رجالي
يوجد لدينا بدكير ومناكير
ياحبيبي!
يعني لو شفت هالإعلان في لبنان مثلاً ما بستغرب،
هناك فيه كثير شباب مايعين.. عفواً رقيقين و كثير منهم يشتغلون في صالونات نسائية و يفهمون في الميك أب و سوالفه... بس هنا في الخليج! جد ما توقعتها :ponder:

جد والله الله يخارجنا
للأسف بس وين أهاليهم عنهم
كيف بالله يرضون أولادهم يسون كذا
طيب الأهل أذا ماقادرين على أولادهم
أش دور المجتمع
قاعد يتفرج عليهم
ولا ينكرون أنهم موجودين
نقطة تستحق النقاش بصراحة، المجتمع يتهرب من المشكلة و كأنها مش موجودة

الحين يوم عم الفساد توهم يفكرون يسوون حلقات توعية...
هو صح أن شيء أفضل من لا شيء بس المشكلة أنتشرت و صارت ستايل :31: !!
الجماعة مقتنعين بأن الي يسوونه مو غلط.. تمادوا و صار التعامل معهم صعب.

الله يهديك بس من في هالوقت يعرف جاره
أذا أنت في الطريق مار
وسلمت ماحد يرد عليك
أذا بعض الأقارب مايزورون بعض ولا يعرف فين بيت قريبه ولا أذاأحد من اقاربهم محتاج
صادقة، تفرقنا و ماعاد حد يسأل عن الثاني..

الحمدلله ما أتابع لا مسلسل خليجي ولا عربي
ماعاد عندهم سالفة
غير أشكالهم الله يستر علينا بس
تلقى الممثلة مرة نافخة براطمها مرة خدودها مرة ماتدري وش مسوي بنفسها على بالها أنه قمر زمانها
والا الملابس مسخرة والله
المسلسلات والافلام الاجنبية أحسن منها بمليون مرة
أحسن لك والله ما تتابعين.. ماتسوى تضيعين وقتك معهم
أنا زيك ما أتابع و أستغرب من الي يتابعون كيف متحملين...وش عاجبهم!؟ أيش حادهم :bigeyes:؟!

و اما عمليات التجميل من اسمها "تجميل"، القصد منها تحسين... إخفاد عيوب.. شيء كذه مو تشويه، الحمدلله و الشكر.

ماشاء الله عليك تصدق ع بالي تقدم نشرة الاخبار.................
أقدم حصاد العام و أنتي الصادقة، كل خبر أسوء من الثاني.. الله يخارجنا بس

أها ااااااااااااااااا
هذا أثبات لنظريتي<< أتريني عبقرية وأنا مادري
خخخخ تصدقين! كنت جالس أتذكر مين الي قال هالكلمة بكتب حقوق الطبع محفوظة بس عجزت أتذكر آثاريه أنتي :D تشرفنا خخخخخ
نظريتك في محلها و تاخذين عليها الخمس نجوم :biggthump

وبالنسبة لما يستفاد :
البشرية حتنقرض دام هالجيل في هالطريق ماشين
يكون مطنشين خاطر يقل عدد السكان؟ :D
خبرك عندنا إنفجار سكاني في العالم و الكل يبي يحدد النسل، شكلها خطة مدسوسة و محد داري :09:

الرجولة للرجل أصبحت في هالزمن عيب
الميك أب ذوق و اللبس ستايل و حركات الشعر تجديد :sly:


لا تشربون أبداً هالبايسن هو اللي خرب هالشباب يقولون أنه كله حركات
صح :biggthump


نصيحه قاطعوا المنتجات الخليجيه والعربيه وتفرجوا ع tom & jerry لانهم مابيرفعو الضغط....
قاطعوا قنوات أم بي سي كمان لأنها تنشر الفساد بشكل مباشر و غير مباشر <<< حاقد على هالقناة :ds022:

وأخيراً وليس أخراً
سامحني أخ ساندر عالرغي اللي فوق
بس بنت أش تقول بس
هههههههه بالعكس ردك مميز ماشاءالله، يعطيك العافية.
أشكرك على تعقيبك و عالنصائح، لا تحرمينا مشاركاتك.
موفقة.