المساعد الشخصي الرقمي

مشاهدة النسخة كاملة : طلب بسيط


(animation)
02-05-2009, 05:36 PM
بسم الله الرحمن الرحيم

السلام عليكم و رحمة الله و بركاته

كيف حالكم ؟؟ بخير ان شاء الله ؟

ما اعرف من وين راح ابدي الصراحه .. بس انا من هواة التصوير الا اني لا املك كاميره و اريد وحده.. عندي كامره ديجيتال و قليل اني استعملها لانها ما تعطيني الجوده اللي انا ابيها .. اغلب الصور اللي مصورهم تكون من كاميرة التلفون ....
فارجو منكم المساعده..
قبل كم يوم واحد من الشباب اشترى كاميرا CANON D60
فشنو رايكم فيها ؟؟
+
انا ابي اخذ وحده مثل ما قلت بس ابي سعرها يكون معقول لاني مبتدئ .. اقصى شي يمكن اني ادفعه هو 300 دينار كويتي...
......
هذي بعض الصور اللي صورتها
http://www.freeimagehosting.net/image.php?77ee75b163.jpg

http://www.freeimagehosting.net/image.php?e8e7dc3065.jpg

بس انا ابيها تكون مثل هالجوده
http://farm4.static.flickr.com/3211/2476667795_ce9bb6b194.jpg?v=0

واذا كان لهذي الجوده عدسه معينه ارجو ذكر ذلك


وشاكر لكم مقدما
D3BOL
02-05-2009, 06:02 PM
هلااا شلونك شخبارك ؟
من زمان عنك في منتدى الانمي p:
الاشياء تظهر الصوره بجوده عاليه
الكاميرا + العدسه المستخدمه
وفي شي ثالث يخرج العمل بالطريقه الي انت تبيها وذلك بستخدام برامج متخصص للصور كالفوتوشوب وغيره
اذا كنت من الهواة اعتقد لو تاخذ كاميرا للهواة و لها القدره في تغيير العدسات بعيدين لما تستخدم كل امكانيات الكاميرا وتحس نفسك تعلمت عليها عدل سو upgrade لكاميرا يديده !
Canon 60 D اعتقد انها واايد غاليه وراح تعدي ميزانيتك
فنصحك بكانون 450D كاميرا ممتازه وانا حالياً استخدمها
ونصيحه اخرى لا تشتري بالكويت !!! :)
(animation)
02-05-2009, 06:14 PM
يا هلا حجي

والله موجود بقسم الانمي .. متابع بس
انت بعد مو مبين .. يمكن قبل يومين حطيت كومنت .. يعني انت بعد قاطع
المهم من ناحية الميزانيه .. فعادي .. بس مثل ما قلت لك يعني ما تطوف ال300
ممممم ما تعرف سعرها اللي ذكرتها ؟ واذا ما عليك امر تحط لي جم صوره كمثال D:
D3BOL
02-05-2009, 10:20 PM
ههه والله الحين ما قمت اشوف انمي مثل قبل !


سعرها من امازون ( بدون عدسه )
http://www.amazon.com/gp/product/B0012Y88QQ/sr=8-1/qid=1241291394/ref=noref?ie=UTF8&s=electronics&qid=1241291394&sr=8-1
اذا ابتاخذها بالكويت ( 2 X السعر الاصلي )


وانصحك ما تاخذ العدسة الي تيي ويها ! << سمعت انها ما تعطي نتايج حلوه
ومن هذا الموقع تقدر تقرا معلومات اكثر عنها
http://www.dpreview.com/reviews/CanonEOS450D/

وسمعت فيرجن يديد من الكاميرا بينزل بعد اقل من شهر !


و اذا حاب تاخذ نيكون
ما اقدر افيدك لانه ما اعرف عنها وايد !
q8tya
02-05-2009, 10:39 PM
و عليكم السلام ورحمة الله وبركاته ..

أهلاً بك أخي ( animation) معنا في قسم التصوير الفوتوغرافي :) ..


قبل كم يوم واحد من الشباب اشترى كاميرا CANON D60

أعتقد انك تقصد Nikon D60 ! لأن كانون ليس لديها D60 او 60D !

على العموم .. اختيارك للكاميرة يجب أن يكون مبنيًا على عدة أمور ..

أولها جودة الكاميرة ( و بالنسبة للنيكون و الكانون فجميع كاميراتهم الاحترافية تتوفر بها هذه الميزة) ..

ثانيًا طموحك في هذا المجال .. هل تريد أن تستمر في هذا المجال .. أم أنك تريد أن تكون لديك كاميرة بجودة عاليه للتصوير في المناسبات ؟

و آخرها تجربتك الشخصية لها .. إذا أعجبتك كاميرة ما .. أنصحك بتجربتها ( إما باستعارتها من صديق إن أمكن .. أو بتجربتها في المحل ) لأنها قد تكون ثقيلة، او صغيرة، أو صعبة الحمل و الاستعمال ..


--

أوافق ماذكره الأخ ( D3BOL ) بخصوص شرائك من خارج الكويت .. ففي الانترنت ( و موقع ebay خصوصًا ).. ستجد عروض خيــــالية .. ولكن المجازفة كبيرة، و كفالة جسم الكاميرة محلي فقط ( هذا بالنسبة للنيكون) فإذا كان لديك صديق في الخارج .. فاسأله عن الاسعار و دعه يجرب الكاميرة قبل شرائها ليتأكد من سلامتها ..

بالتوفيق : )
(animation)
03-05-2009, 03:56 PM
يعطييكم العافيه

مشكوور دعبول على المواقع

---

كويتية
صح الكاميرا نيكون مو كانون
الجوده اللي ابيها تكون نفس الصوره اللي حطيتها ببداية الموضوع .. او لو انها بالفوتوشوب اذا ممكن الدرس اللي يوصل الصوره لهذا المستوى
بالنسبه للاستخدام .. انا راح استخدمها حق كل شي .. يعني ان كان مناسبات ولا طلعات ولا مناظر طبيعيه وحيوانات ولا ديكورات ...
اما التجربه فنيكون اللي عند صاحبي كانت حلوه .. بس لو اتعلم عليها شوي يكون زقرت و بشوف اللي قال عنها دعبول وراح اجربها بالمحل

-----

انزين سؤال خارجي ؟؟
ابي اعرف يصير بالكاميرا اني اركز على كوب مثلا واللي حوالين الكوب يصير مو واضح ؟؟
يعني الكوب يصير واضح و الباجي يصير blur ؟؟

انا قالو لي انه تضغط على زر التركيز بالكاميرا focus واللي يكون شعارها ورده اعتقد .. فمادري صح هذا و لا لا ؟؟
q8tya
03-05-2009, 11:14 PM
الجوده اللي ابيها تكون نفس الصوره اللي حطيتها ببداية الموضوع .. او لو انها بالفوتوشوب اذا ممكن الدرس اللي يوصل الصوره لهذا المستو

تستطيع الحصول على هذه الجودة من جميع كاميرات أحادية العدسة و خصوصًا الحديثة منها ( بما فيها D60 ) ..

اعتقد أنها مصورة في استيديوا ( الخلفية صورة و الإضاءة من SoftBox جهة اليسار ) و الألوان تم تعديلها في برنامج لتعديل الصور :) ..

حدة الصورة تعتمد على جودة العدسة التي تملكها ..


بالنسبه للاستخدام .. انا راح استخدمها حق كل شي

جميل .. و انصحك بتجربة كاميرة D90 أيضًا لأن بها خيارات متطورة أكثر من الـ D60


انزين سؤال خارجي ؟؟

بالطبع يمكنك ذلك :) ..

هذه التقنية تسمى بـ عمق الميدان ( Depth Of Field) كلما استخدمت فتحة عدسة كبيرة ( 1.8 - 2.8 .. ) كلما كان العزل أكبر .. ( في نهاية هذا الرد (http://www.montada.com/showpost.php?p=5604216&postcount=7) ستجد شرح بسيط عن عمق الميدان )

بالنسبة للوردة فغالب إستعمالات هذا الخيار يكون في الكاميرات المدمجة الصغيرة لانها لا توفر خاصية التحكم اليدوي .. أما بالنسبة للكاميرات أحادية العدسة ( SLR ) فلن تحتاج إليها لأنك تستطيع التحكم بمقدار العزل بنفسك عن طريق تغير فتحة العدسة ( خيار الوردة موجود أيضًا في الكاميرات أحادية العدسة) ..

اقرأ هذا الموضوع .. أعتقد أنه سيفيدك كثيرًا ..


في حال وجود أي إستفسارات اخرى .. اتمنى أن لا تتردد في طرحها :) ..

بالتوفيق
(animation)
04-05-2009, 07:16 PM
عاااااشت بنت الديره
يعطيج العافيه

بس ابي نصيحه منج باختيار الكاميره ...
انا مثل ما قلت ميزانيتي ما تسمح لي اني اخذ كاميره اكثر من 300 دينار كويتي .. مع العلم اني مبتدأ
مادري اتوكل على الله و اشتري اللي قال عنها دعبول .. ولا عندج رايي ثاني
D3BOL
04-05-2009, 08:49 PM
انصحك تقرا وايد وتجرب كامرت رفيجك
وعندك الحين مشكله ثانيه وهي اختيار العدسه بحيث ترضي كل رغباتك
انصحك تقرا وتسأل اكثر لما تقتنع 100 %
وان شاء الله لما تقرر و تاخذ الكاميرا
في بدايه راح تتحسف ليش قطيت 300 دينار lol
بعدين لما تتعلم عليها راح ترضيك النتايج :)
(animation)
04-05-2009, 09:57 PM
اي اكيييد
انا كاميرة رفيجي تعبثت فيها و حاولت اتعلم .. ما عرفت الا اني ازيد اللون الاحمر او الاخضر على صورة + عرفت اصور صور اسود وابيض D:
بس ما عرفت شي .. لانه ما في احد خبره يعلمنا + الكتيب مال الكاميرة مو معاه ناسيه بالبيت
و سالفة اني راح احس اني متحسف ... هذي انا خايف منها
والسعر مو شويه .. بس انا سمعت انه الكاميره الزينه تكون بهذا السعر لانه فيها مميزات
وانا قلت لك لو اعرف اوصل لجودة الصوره اللي فوق .. ما راح اتحسف عليها

انت ذكرت انه تقدر تسويها بالفوتوشوب .. ممكن الدرس ما عليك امر :)
وشاكر لك حجي دعبول
q8tya
04-05-2009, 11:20 PM
اهلاً ( animation ) :) ..

عذرًا على عدم وضع رابط الموضوع في الرد السابق .. تجد هنا (http://www.montada.com/showthread.php?p=5604216#post5604216) معلومات تفيدك قبل شراء الكاميرة .. و مقارنة بين D80 و 400D ( الاصدارين الأقدم من الكاميرات التي ننصحك بها ) ستعطيك رؤية مبدأية للموضوع .. و كل ما أريد أن أنصحك به مكتوب في هذا الموضوع .. لذا أنصحك بقراءته كاملاً ..

و إذا أردت أن أقوم بعمل مقارنة بين الكامرتين الأحدث ( D90 - 450D - و *D60 ) فأتمنى إخباري بذلك :) ..


--


و سالفة اني راح احس اني متحسف ... هذي انا خايف منها
والسعر مو شويه .. بس انا سمعت انه الكاميره الزينه تكون بهذا السعر لانه فيها مميزات
وانا قلت لك لو اعرف اوصل لجودة الصوره اللي فوق .. ما راح اتحسف عليها

بإذن الله لن تندم على اختيارك .. فكلا الكامرتين ممتاز جدًا .. و ستحصل على الجودة المنشودة .. ولكن لا تتوقع أن تحصل على هذا المستوى من البداية .. فالصورة الناجحه عبارة عن إضاءة و تكوين و توقيت ناجح .. وقد لا تتقن هذه الأمور بمجرد امتلاكك لكاميرة احترافية .. ولكن مع الاستمرار و المحاولة و عرض صورك للإنتقاد .. سيتطور مستواك بشكل كبيــــــــــــــــــــر جدًا ..


ولا تتردد في طرح أي استفسار آخر :) ..
D3BOL
04-05-2009, 11:38 PM
اقصد الفوتوشوب يساعد على تعديل الصوره
من حيث الاضاءات وغيرها ويعتبر افضل برنامج من حيث التعامل مع الصور !
عشان تخرج العمل بصوره جميله ورائعه قد تحتاج الى برنامج !
بس مو شرط ممكن بالاساس ما تحتاج الى تعديل والتعديل قد يسوء الصوره