مشاهدة النسخة كاملة : اعضاء في مهام رسميه:بداية التعارف.
ganon0
11-01-2002, 12:31 PM
بسم الله الرحمن الرحيم
gan-non international presents:ْ(جميع الحقوق محفوضه لسعد)@
اعضاء في مهام رسميه:بداية التعارف.
هذي قصه الفتها و من مده و انا اخطط لها.طبعا الابطال هم الاعضاء مثل قصتي القديمه رؤيا القلوب.لكن هنا القصه اكثر مرح و لا احد منكم يزعل لانها كلها مزح:) و غير كذا انا ما اضفتكم ولا فكرت فيكم من مده الا و انا اعزكم مثل ما اصرح دائما.
نبداء بأسم الله:
منظر غريب لاستراحه في الليل.في نص الثمامه ما حولها احد.و المطر غزير و السور عالي...فجئه يقفز شخص
من فوق السور قفزه وحده بدون ما يلمسه و مشحله مخلي شكله كأنه سوبر مان...لكنه يوم وقفعلى الارض. و بدى يركض للاستراحه
دخلت رجله بسيم و تكرفس و خبط على خشته قام بسرعه يتلفت...ما لقى احد في الحوش...اشوى محد شافني.
راح مشي للاستارحه يعرج
فتح الباب و قاموا شباب واجد(اكذب ثنين بس)و طلعوا مسدساتهم.قال واحد طويل:نزلوا مسدساتكم.رد الغريب ابو مشلح:
من وين جبت هالسبايك يا الدر؟.دخل هو و ايا الدر غرفه صاده و قعدوا يخططون للجريمه...جرميه القرن...بس المشكله انه القرن اللي افت
اللي فات...الدر:هاه سعد وش الاخبار؟
سعد:و الله ماشي...المهم وش تبي؟خرشتني و قضيت حجار البيجر؟
الدر:لقيت لك صيده بنت كلب...
سعد:و الله؟
الدر:ايه.في البنك المركزي بنص الرياض.
سعد:طيب فهمت الخطه(بلاها ما عمرها تغيرت) بس ما قلت لي من الماصلين اللي برى؟
الدر:شفت اللي على يمين؟اللي تقل متروع؟هذاك ننتندو.تروع بلاه ما تعود على المواجهه.هذا جاسوس مطلوب
على المستوى الدولي و الانتربول مزعجينه.تتذكر السيده البريطانيه الارستقراطيه اللي ذبحت رجلها بهالفايت؟
سعد:اييييه؟
الدر:اكتشفوا جثتها بالحديقه و طلعت ميته قبل زوجها و مع التحقيق اكتشفوا ان اللي ذبح رجلها ننتندو متخفي!
سعد:لعن الله ابليسه؟وشلوون؟
الدر:طيب شفت الثاني اللي على يسار؟هذاك احمد كيوب.مايكل شوةماخر تتلمذ على يدينه!
سعد اخس!اهب عليه!(قصمنجي ما عليه شرهه)
الدر:بس مشكلته انه قبل لا نهربه من الاردن سوا حركه بايخه مع عصابته.سطوا على جمعية بر اسلاميه.
سعد:احسسسسسن(تفكير اجرامي)
الدر:اصبر شوي.يوم سطوا ما سرقوا الا بوسترات مكتوب عليها حث للصدقات و الزكاة.
سعد:افااا.طيب وش سووا بها؟عساهم باعوها لمصنع دواجن يسوون منها كراتين؟
الدر:لا.وزعوا البوسترات و لصقوها في كل عمان عن حقين الجمعيه.و الحين كل مطاوعة الاردن(مطاوعه=متدينين)
يدعون لهم ليل نهار.و الملك عبد الله ناداهم بالتلفزيون عشان يكرمهم بس خافوا.
سعد:يلعن ام السباكه؟؟؟كيف؟كيف يشوهون ما ضيهم بهالتفاهه؟
الدر:ما علينا.اهم شيء ان الرجال افضل سواق في العالم.يلله مشينا نسوي مهمتنا.
بعدها ركبنا سيارة من نوع ميني موديل 2001و نزلنا الدر عند البنك و رحنا لشركه طبيه في الشارع اللي قدامها
.وقف احمد بعيد و نزلنا انا و ننتندو و معي قنبله الكترونيه.ننتندو كان لابس برقع(عشان احلى ما فيه عيونه و الا الباقي اغسل يدك)
و عبايه مخصره.على طول نصينا سياره فان .و يوم وصلنا جانا واحد سكيوريتي دلخ و وقف عند ننتندو.قال وش تسوون هنا؟
قال ننتندو:طيب لحظه...ممكن نتعرف؟الرجال الدلخ خق و قال:ا..أ..أنا بوشي.مرت طيرة في السما و سوت ازعااااج .
يوم جا ننتندو يقول اسمه ما سمعه بوشي زين.قال ننتندو:عهوود.
بوشي:العنود؟
ننتندو:اقلك عهووووود.
بوشي:عاشت الاسامي يالعنود(مع غمزه).راحت الطياره و ننتندو يحسب الرجال فهم اسمه و قال:تسلم.
شايف يا بوشي ذيك البقاله البعييييده؟
بوشي:اييييه؟
ننتندو:خذ هذي 500 ريال روح اصرفها و جيبها.راح بوشي و هو مصدق انه اخيرا تعرف على وحده.
انا(اللي هو سعد) :اسمع لا يجي بسرعه خلني اثبتها زين.
ننتندو:الله يلعنه جاء كيف جاء بسرعه؟
انا :عطه 500 ثانيه.
ننتندو:من وين اجيب؟ما معي الا خمسميتي انا!.
سعد:عطه اياها ما راح تضرك راح نتقاسم بعدين ملايين.
ننتندو:لا اعطيه اياها و تردها لي بعدين!و لو ما رجعت قسما بالله يا سعد لاطلعها من عيونك.هذا وعد.
انا:ايه وعد مكوتي بس عطه.
جاء بوشي و قال:تفضلي مندام!(على باله بيقول مدام.
ننتندو:لا قول فندام احسن(يقصد الممثل)؟أنقلع(الهمزه فوق الالف...مثل ما يقولونها الاخوان اهل الحجاز)أصرف
500 تانيه!هيا أجري!
راح بوشي لكن ما ابعد و رجع.قال ننتندو:ايش يبغى هدا اللزقه؟قلت انا بكيفه يلله النحشه!ما بقى شيء بتنفجر!.
رحنا نجري انا و ننتندو وش افني بوشي و انا اطلع من تحت السياره و عرف ان السالفه فيها تفجير.
ركض بوشي الى سيارته.في الوقت اللي شافنا انا و ننتندو واحد ملقوف دبيبه صغير.و دق على خويهجوال و قال:الوووو
لينك0072 لا يفوتك!تعال لمحلنا بالعليا!انا يوم سمعته قلت لنفسي يلله ناخذه رهينه يمكن نستفيد منه و حسافه ينفجر هنا الولد شكل امه الضعيفه قاعده تعبيه دسم من انولد الى ان صار تقول قربه.مسكت الولد و قام يصارخ و ركضت به للسياره انا و ننتندو.بوشي يراقب حبه و هو ينحاش الى ان شافه يطمر في السياره و رقت العبايه و شاف شعر رجلينه.اول ما ركبنا قلنا بصوت واحد حرك حرك حرك.
المخفه احمد دعس بأقوى ما عنده و الله و مغطت السياره!بس من زين الواقه بعد مترين خشينا بعمود نور.وجه السياره راح.بس بكيفها سيارة الدر.نزلنا و قعدت اهاوش و حنا دايخين و الدب الصغير يتدربى في الشارع.مسكناه و اخذنا سيارة تكسي غصب و انحشنا و مرينا الدر و لقيناه قدام البنك معه كم شنطه و ركبناه.طبعا انا اللي اسوق.و لاحظنا كورولا2000 بيضا قاعده تلحقنا.بس ما اهتمينا.و قعدت استجوب الولد الدب اللي على باله قاعد يصيح و هو نصاب مبسوط يحسبه زي الافلام(و هو فعلا زي الافلام)قلت.هيه انت!وش اسمك! قال:واريو.قلت واريو بن؟قال واريو بن 2002.
وصلنا الاستراحه و قعدنا نهاوش احمد.و شار الدر اننا نتقاسم بكرى اذا هدت الاوضاع.و في الليل حاولت اتعرف عليهم كلهم.جيت ننتندو في الحوش و هو جالس يناظر صورة لوحده.ناظرتها و هو ما يدري لقيتها صورة عبده تبيع حلاوة(اللي يشيلون الحريم في الشعر)في سوق الكندره و موقع على الصوره:محاسن.قلت انا:من ذي؟دخل الصوره بسرعه و قال هذي وحده اعرفها ايش دخلك انتا؟
قلت:لا و الله صحيح؟هذي شكلها حبشيه تشتغل في بيتكم جاي انت تسوي هذي المهمه عشان تعطيها رواتبها المتأخره صح؟قال ننتندو ايش قلت؟هذي عمتك يا بقره!قلت انا و انا مذهول:وشو؟لا تصير تحب هالكوينينه(من القاب العبدات في نجد)؟يا حمار انت ولد شيوخ و نعمه ما لقيت الا هالعبده؟
ننتندو:اولا اسمها محاسن مهو كوينينه.تانيا ما لك دخل انا احبها و راح اتزوجها و نعيش في جزر القمر.قلت انا ايه بس لا تخلفون احد اوكي؟قمت من عنده و رحت الى احمد اللي كان يحلق دقنه.قلت انا:و انت يا احمد ما تحب عبده بعد؟قال:ايش؟قلت: لا ابد سلامتك.سألته وش بيسوي بالفلوس قال:انتا شو دخلك؟ غوووور من وشي ولااا.قلت انا :و الله ابضاي و حنا ماندري؟اخلص بس قل لنا وش بتسوي؟قال:اي بسافر عاورووبا.و بعيش هناك
مع كلوديا.قلت انا اوهوشكلها قطعه!.قال لا هي بنت.قلت انا :خابر خابر, معك صورتها؟طلع صورة عبده تبيع فصفص قدام برج ايفل.مشيت انا الى الدر و سألته:هاه؟وش اخبار شينيكوا(عبده يحبها الدر...تكلمنا مره عنها في المنتدى)؟قال ابد و تراها تسلم عليك.نادى الدر باقي الشباب عشان نتقهوا.جاء واريو و قلت له:هاه واريو وش بتسوي بفلوسك؟ناظروني كلهم.قلت لا تخافون 50 الف ما تضر احد.قال واريو:و الله شكلي بنحاش من البيت و اسكن لحالي.قلت له انا:لا ما يصير و ما لك داعي تترك اهلك و,و,و,و,و,و.قال هو:لا ما راح اتركه بس بشوف وش بتقول(سواها مره في المنتدى برضه و جرني على خشتي).شغلنا تلفزيون ديجيتال من باناسونك.اول ما شغلناه لقينا اخبار على القناة الاولى يقول المذيع ماجد الشبل(مذيع كبير بالقناة الاولى):و فجر فرع شركة الدوائيه السعوديه فجر اليوم و سرق البنك الذي خلفها.و يقال ان سبب التفجر هو نكاية بأدويتها اللي توجع البطن.و طعمها مثل السعابيل المخوره(السعابيل=اللعاب).و قد شوهد المتسببين بالتفجير و التقطت لهم صور واصحه,الاول هو شاب ابيض مفتول العضلات عريض الفك(احمد)الثاني هو شاب متلحف بعبايه مخصره و عيونه ناطه(ننتندو)و الثالث شاب صغير مليان(واريو)و الرابع واحد وسيم يهبل ما شاء الله لا اله الا الله ياخذ العقل(و الله منت بعاقل يا ولد الشبل) وجهه بريء و صافي تقول وجه دعائي لاحد مستحضرات التجميل(هذا طبعا انا)و لانه حلو يشتبه الخبراء انه لم يشترك بالجريمه و انما هو رهينه اختطف من الشركه.تشيو(سكرنا التفزيون)قلت انا بقلق لالدر:هاه متى نتقاسم؟التفت لي و ابتسم بمكر و لمعت عيونه و قال:بعد المهمه الثانيه...و بعدها قطر سعبوله(لعابه
nintendo
11-01-2002, 01:10 PM
ماشاء الله عليك اخوي سعد شكسبير .. صراحة هاذي الرواية ذكرتني برواية حرامي الرياض (( على وزن تاجر البندقية ))
صراحة قصة ولا اروح بس ماتشوف انك صرت البطل على حسابي !!! يعني انا لابس برقع ومتلثم وعباية خصر وبوشي راح يتجنن علي المفروض اكون انا البطل :D
المهم ياريت لو جزء ثاني للقصة وياريت نضيف اعضاء اكثر المرة القادمة واقول وش حكايتك مع العبدات !!!!!!!!! ياخي على الاقل جيب اسماء بنات حلوين :D
انشاء الله نسمع رد الاخ ذا الدر على القصة . واكيد نسمع رد بوشي (( شفت كيف خلاك سكيرتي مخفى ))
بس اقول انا ودي اغير اسمي بالقصة توني عموتشي ............. واسم الحلوة (( شاكي ....... )) انت تعرف الباقي;)
wario2002
11-01-2002, 05:54 PM
احلى ياقصه وش ذا القصص الحلوه... ماشاء الله عليك...توها تطلع هاه...
لا وحاطني في القصه:D ومخليني اشاورك انحاش من البيت ولالا:)...
انشاء الله في جزء ثاني وبدال الكوريلا كامري تفاحيه موديل 2001... لاتنسى.
هههههههههههههه
والله ياهي قصة كوميديه لأبعد درجة ، وين مخفي كل هذا الإبداع ...
خلاص لازم تصدر مسلسل بشكل يومي ، بعدين ماقلت لنا من متى وهذي الشركة موجودة ...
gan-non international presents:ْ(جميع الحقوق محفوضه لسعد)@
أما شركة أي كلام أجل يكتبون الحقوق جنبها @ :p ههههههه أنصحك تعاقد مع غيرهم :D
هذي قصه الفتها و من مده و انا اخطط لها.طبعا الابطال هم الاعضاء مثل قصتي القديمه رؤيا القلوب.لكن هنا القصه اكثر مرح و لا احد منكم يزعل لانها كلها مزح:)و غير كذا انا ما اضفتكم ولا فكرت فيكم من مده الا و انا اعزكم مثل ما اصرح دائما.
هذي أكيد مقابلة مع المخرج ;)
ننتندو:لا اعطيه اياها و تردها لي بعدين!و لو ما رجعت قسما بالله يا سعد لاطلعها من عيونك.هذا وعد.
انا:ايه وعد مكوتي بس عطه.
والله زين صاروا مايقطعون في تطور :p
بس ياليت توضح شوي لأني مافهمت مرة :D
وشكرا ...
COLLEGEGUY
11-01-2002, 10:26 PM
حطمت الحاج متولي
ahmed_cube
12-01-2002, 12:26 AM
ماشاء الله .
والله ابدعت يا احلا كاتب قصص في المنتدى .
و انت والله عزيز علي جدا . و كل الاعضاء الي كتبت عنهم والله اعزهم .
و اعز كل اعضاء منتدانا الرائع .
و لماذا ما تكون هذه القصص بشكل دائم و لها نفس اسم الموضع دائما
و نحن و انا و باسم اعضاء منتدى ننتندو نرحب بمثل هذا الموضوع الذي يرفه عن النفس .
اخوك المحب لك دائما احمد .
و انشاء الله يجي يوم نجتمع فيه و نمثل قصه على الطبيعه و ياريت لما يجي هذا اليوم تخلي القصه واقعيه اكثر على شان نعرف نمثلها .
اخوكم المحب لكم احمد .
ganon0
12-01-2002, 08:57 AM
ننتندو:هاههههههههههه مشكور اخوي على الرد
و لا تخاف الجاي اكثر و الجزء الثاني قريب انشاء الله و بيصير لك بطولات...
طبعا مشتركه:)مهوب معي مع واحد يحبك(كذب و صدق كذبته)
واريو:
لا وحاطني في القصه ومخليني اشاورك انحاش من البيت ولالا...
ما نستغناش حبيبي:)
و سالفة الكامري اذا راعي الكورولا اشترا كامري انشاء الله نحطها بالقصه
بوشي:هاهههههههههههههه رد مهبول المنتدى الثاني(الاول ننتندو)
زين معليش يلله نقول مشكور على الرد(بلا نفس) و نشوف ملاحظاتك اللي يالنذل متنقيها نقاوه:D :
الشركه هذي يا حبيبي اقصد يا عديم الثقافه شركه عالميه ترفيهيه و هي من اليوم و رايح راح تنتج كل مواضيعي(الصراحه هي قدمت عرض افضل من فوكس و وارنر بروس و ديزني)و ال @ هذي يا ذكي اذا صرت متعاقد مع شركه عن طريق النت يحطونها بدل الام او الار:)اصلا ما راح تفهم لانه ما فيه احد يبي ينتج مواضيعك(بدت الغيره)
بعديييييييين تعال هنا؟!يلعن ام الملاحظه اللي انت كاتب!هاهههههههه
يعني خليت القصه كلها و نصيت هالكلمتين؟ اقول اها بس تقلع مانيب شارح شيء(ايالنذل و الله):D
كوليج قاي:مشكور حبيبيعلى الرد:)
احمد كيوب:الله يسلمك يا احمد على ردك اللي ما قدرت استوعبه من جماله,اقصد انت تشجعني بشكل كبير الله يسلمك و بتفسدني بكثر المدح اللي انا اصلا ما استاهله,و انشاء الله بكمل هذي القصه و نشوف بعدين:) و اذا بغينا نتقابل راح اكتب قصه عن كم واحد جالسين في البيت ما يطلعون يسولفون,ما نبي تفجير:)
ganon0
12-01-2002, 11:20 AM
بسم الله الرحمن الرحيم.
gan-non international presents: (جميع الحقوق محفوضه لسعد)@
هذا يا شباب الجزء الثاني.و ه اقل مرح و استهبال من
اللي قبله لكنه لا يخلوا,لكنه يعوض اكثر بالاكشن اللي فيه.و فيه عضوا جديد من المنتدى يجي يوم و يجحد عشره:) .و طبعا مهو هذا الجزء نهاية القصه لكن اعتقد اننا قربنا..او على الاقل دخلنا الشغل الحامي.و انت يا ننتندو بغيت دور اكبر صح؟و هذا اللي انا كنت مخطط له من قبل لا تتكلم:)
نبدا على بركة الله:
الجزء الثاني:اعضاء في مهام رسميه:قلب المدينه
...
وين وقفنا؟ايه بعد ما قطر سعبول الدر اللي دخل التاريخ(اقصد السعبول) جلسنا نناظر بعض في قلق...
التفت علي ننتندو و قال تدري ايش اللي ناقص دحين؟بغيت ارد انا بس اول ما خلص كلمته انكسر الباب فجئه
و ما قدرت اقوم انا و ننتندو لان كل الشباب حضنونا من الخوف.ناظرنا و كانت زويا الغرفه مظلمه و شفنا واحد
طويل يناظرنا و عيونه مولعه.فجئه قمز عندنا و قال وينها!...ايييييه اثره الدلخ بوشي...و مسوي زحمه و الشارع
فاضي.و اثر الكورولا اللي تلحقنا حقته(ترى سيارته صدق كورولا)!.ناظرناه بأستغراب و قال مره ثانيه و هو يصارخ (على باله يروعنا):وييين العنود !طلعوها يا خطافين!
قلت انا وش تبي بها؟
بوشي:ابي انقذها منكم!و اتزوجها و نسافر!
ننتندو:قم(بلع ريقه)
انا:آ آ اسمع انت يا متخلف!من سمح لك تدخل! و انتم ابعدوا عني (اعاني الشباب الخايفين).
بوشي:و من سمح لكم انتم تخطفونها؟
انا:حنا ما خطفنا احد العنود تشتغل معنا!
بوشي:هاه؟طيب انا ابي اشتغل معكم!بس وينها ابي اكلمها!
ننتندو:اسمع يا متخلف انتا.تبغي تساعد العنود روح الى مركز الشرطه و قول انك واحد من عصابة القناع(متأثر بمجلة ميكي) و لا تدلهم علينا.نبغى نشوشهم!.
انا:ننتندو لن حرام...ناظر وجه حتى انه توه ما بلغ.
ننتندو:ما راح يصيبه الا اللي مكتوب!(طبعا وش رايك يعني؟)
بوشي انا حاظر بأي شيء يساعد العنود!
و بعد كذا...دم دم دم.راح بوشي يضرب الارض تحته و هو يجري لمركز الشرطه.واريو النجس
قعد يضحك عليه.و احمد على باله حساس يقول:شو عملت يا زلمه؟.و انا و ننتندو نضحك على
بالنا سوينا شيء خطير.الدر بعد ما رجع من الحمام قال:شوفوا شباب.اليوم راح نهاجم البنك الامريكي
في مبنى المملكه.و راح ننقسم لمجموعات.سعد و ننتندو مع بعض.انا و احمد مع بعض و واريو يروح مع اللي يبي(النذل الدر راح مع السواق حق العصابه عشان اذا صار شي غلط هو اول من يعط.لا و
شوفوا الحين اللي انذل منه)المهم واريو قال انا بروح معك يا ريس(يلعن ام النذاله)الدر يكمل:الحين
بعد التقسيم نخطط:ننتندو انت و سعد بتسوون كل شيء و حنا نسبر لكم(نسبر يعني نراقب)ننتندو:يلله بس!
انا:خيييييير؟الدر:امزح امزح اه هاههه(نصاب بس عشاننا عيينا)ننتندو انت و سعد راح تمرون متنكرين
من بوابة المملكه اللي على شارع العليا..و انا و الباقين بندخل من البوابه اللي عند البنك الامريكي على
الجنب.و هناك نلتقي.و نتفرق برضه هناك بعد المهمه نروح حنا و نبدل السياره و نلقاكم عند برقر كنق على
طريق العروبه.اي اسأله؟ننتندو ايوه يا بويا.الحين احنا ما ندرين ايش الخطه اصلا.الدر هناك اعلمكم اي
اسأله ثانيه؟انا:ايه بس ابلع سعبولك قبل لا تجاوب(على بالي انكت بس قهر محد ضحك)الحين وش الخطه؟
(نفس سؤال ننتندو بس عشان اقول النكته الخايبه)الدر:هه هه هه.يلله مشينا.واريو:لحظه.و شغل التفزيون.
و طلع ماجد الشبل مره ثانيه:و نرى الان الهارب الكبير بوشي اللي صفق المحقق اللورد(انا عند هذي الجمله
تغير لون وجهي و لاحظ ننتندو)و فر هاربا الى مبنى المملكه و ها هو متعلق بالجسر اللي هو اعلى القمه في
العماره!و يجيبون بوشي متعلق بيدينه بالجسر و قاعد يتمرجح.ننتندو:يوووووه هدا الولد ايش قصته؟
الدر ما علينا.يلله مشينا.و قبل لا نركب الجمس الجديد قلت انا لحظه!هذا من حقه؟قال الدر:حق ناس اعرفهم.
قلت انا لا هذا حق الاميره اللي في حارتنا!هييييييي الدر انت السوااااق حق الاميره؟؟؟كيف ما عرفتك؟الدر:آ آ آ
(طاح وجهه)ركبنا و مشينا بسرعه و في نفس الوقت في وزارة الداخليه...اللورد:يقول آآآآآه يا عيني..
يسكت شوي ثم يقول:بك بك بك(ما بعد نسى موضوعه بالمنتدى حق البك بك...مخبط الضعيف).مره ثانيه يقول:الله يلعن
اللي طلعك من المصحه يا بوشي...و بعدها يدخل عميل مخابرات و يقول:رقيب اللورد.لقينا معلومات كافيه
عن اعضاء العصابه.اللورد:اقرها.الاول,سعد,كان طالب ثانويه عادي قبل سنه.لكن بدون اي سبب معروف
توفوا اهله كلهم و...قاطعه اللورد:هاه؟و قعد يكلم نفسه:يعني انت يا سعد الى الان حي؟وين كنت طيب؟و كيف
عشت؟و كيف ما دريت عنك؟.العميل يكمل:الثاني هو ننتندو.اللي ترك البيت عشان حبيبته محاسن.
ترى محاسن مراقبه في جده يالرقيب.و الباقي انت تعرفه.و الثاني:هو احمد.هذا لا يخفى على احد مدى اجرامه.و الاردن الان
تطالب فيه تظننا محتجزينه لكن نكذب عليهم.و الحين بهذا السبب فيه مشكله على الحدود.الثالث:الدر:هذا
مجرم و مزور مشهور .اللورد خلاص!انا اكمل بعدين.و يوم وصلنا المملكه.انا:يلله ننتندو نزلنا و لا تناظر احد
تراك فتنه!ننتندو:الله يلعن هذي العبايات.الدر يلله الله يوفقكم.نزلنا انا و ننتندو و مشينا داخل المملكه و لا ردتنا
الهيئه لاني قلت انه اختي.نزلنا الدور السفلي و درنا شوي الى ان صارت الساعه 9 بالصباح.و بعدها دخلنا
البنك و لقيت الدر واقف مع طلا ب الجامعه اللي يصرفون المكافئات.يوم شافني اشر لي اطلع برى و طلع
قاروره صغيره اعرفها زين...قارورة الريحه(اكيد الشباب بالثانوي يعرفونها)و سديت خشمي بقبعتي.قام الدر
و فجرها و راحوا كل الناس من البنك.طلع ننتندو من قسم النساء و هو دايخ من اللي شافه جوى;).واريو كان يسبر
لنا و دخلنا للسيب اللي يودي للخزينه الكبيره.قام الدر و فتح الخزنه بأله حاسبه شمسيه معه(تباع بريالين او
تجي هديه من هرفي)فتحنا الباب و تفاجئنا ان الباب مرتفع بشكل كبييير عن الارض.قال الدر:يلله شباب انزلوا
قال ننتندو:ما فيه امل!.
الدر:انزلوا و اجيب حبل شللب(شلللب يعني يبلع سعبوله)
انا:طيب من وين؟
الدر:اقووووول انزلوووووا.و دفنا بقوه و طحنا على الايرباقات حقاتنا(الحقيقه اني جربتها من قبل و تراها
تعور) انا و ننتندو:آآآآآه (طب)
انا قمت بسرعه و قعدت احشي اكياس دبنهامز ملايين و قام ننتندو و ساعدني.شوي. خلصنا بسرعه و قعدنا
ربع ساع الى ان جاء الدر:و قال يلله ارموا لي الفلوس.جيت انا برمي له قال ننتندو لا!لحظه وش يضمن لنا
انك تطلعنا؟
الدر:وش يضمن لكم؟انتم اخوياي كيف اخليكم؟
انا:صحيح هو خوينا يا ننتندو...انت شكاك بعدين حتى لو تركنا نفضحه عن الحكومه.
ننتندو:يلعن ام الغباء يا سعد.نسيت انه اكبر مزور؟
انا:لا و الله؟
ننتندو:امووووت على الغباء !انت اللي قلت لي يا بقره!يعني يزور جواز و يهرب زي السلام عليكم.
الدر:......
ننتندو هيا أجري جيب الحبل و الا معاك؟
قعدنا شوي و ما درينا الا نزل علينا سلك خفيف و شفاف.يوم مسكناه انا و ننتندو انقطع و طشر.
قلت انا :يعععععععععععععع الله يلعنك يا الدر انت و سعابيلك!
ننتندو:نذر علي انا اول ما استلم فلوسي و الله لاجيب لك يا الدر سباك يركب لك عوامه!ايش هدا القرف؟
الدر:طيب لحظه....يوووووه الظاهر انهم جوا...الشرطه جت!
انا:آآآآآآآه!ننتندو!وش نسوي؟
ننتندو:جيب الحبل يا بقم!.
الدر:اقول...خلفتكم و نسيتكم انا؟
انا:الدر و الله لأوريك ان ما طلعتنا!
الدر:وش توريني؟هااااااااااااااااااااااااه؟;)
انا:الدر يا حقير!
الدر:...فير ويل(يعني وداعا.فرحان يدرس في امريكا)
ننتندو: سعد اطلع على كتفي.
انا :لكن انت كيف راح تطلع؟
ننتندو:ما عليك مني...
انا:لا...مستحيل...ضف وجهك و الله ما اخليك.
ننتندو:سعد...أستهدي بالله...انا ادري انك ما ذقت غير الشقى في حياتك...و ادري انك ما لك اهل
...روح و سلم لي على محاسن...و قل لها اني احبها اكتر مما كنت اقول لها.و روح الى ابويا
و قل له القصه و قل له اني وصيت قبل لا نفترق انه يلقى لك شغل عنده...و أترك حياة الاجرام و الدنائه هدي.و عيش حياتك بنقاء.
انا:لا...اسمع ما يحتاج نفترق...انا اطمرك على كتفي و انت تنزل لي العبايه اللي عليك و انا اتعلق فيها
و اطلع!..(و الحقيقه اني كنت خايف يتركني لاني ما عمري تعاملت معه...لكن على اي حال طلع ولد اصل)
و كذا طلعنا من البنك بغنايمنا.و لبس ننتندو العبايه.اول ما طلعنا مع البوابه الاماميه للمملكه لقينا امة محمد
تنتظرنا جيوش كثيره و على رأسهم اللورد...
wario2002
12-01-2002, 12:14 PM
وين رحت انا؟
اي صح نسيت اني دب في القصه يعني فاخها نومه لحد الحين:)
ganon0
12-01-2002, 12:27 PM
ما ادري يا واريو بس عندي احساس عجزت امنعه...
و الله ما ادري بس الاحساس هو انك ما قريت شيء من القصه او على الاقل من الجزء الثاني او على الاقل ما قريت الاكم كلمه من الجزء الثاني:)
bowser
12-01-2002, 01:12 PM
حلوة القصة لكن ارجو انك تحطني في الجزء الجديد
هههههههه :D
قصة عن ألف قصة ، أحسن شيء أعجبني بأنك ضابط اللهجات ;)
gan-non international presents: (جميع الحقوق محفوضه لسعد)@
قلت لك من قبل لاتتعاقد معاهم لكن ماسمعتني أجل كلمة(( محفوظة )) مايعرفون يكتبونها :D ====>فرحان مسك شيء :D
بس تصدق عاد فيه شيء غريب
.و ه اقل مرح و استهبال من
اللي قبله لكنه لا يخلوا,لكنه يعوض اكثر بالاكشن اللي فيه.
أبصم بالعشرة بأن كاتب المقدمة جالس يتعلم عربي :p
وشكرا ...
nintendo
12-01-2002, 10:53 PM
والله ولاتقول فيلم ماتريكس الجزء الثاني .... انا كيانو ريفز وسعد صموائيل جاكسون ...
اقول سعد الفيلم فيه كثير ثغرات وفيه شئ اسمه اليات حديثة لسرقة البنك ايش هو الي كورلا وخرابيط اح
يخطف احد ويحطه في كورولا !!!!!
وبعدين ناس رايحين يسرقوا بنك يقوموا يتسلفوا سيارة ويسلتحوا من اولها !!!!! (( واخذ الحكاية جد:D ))
المهم لاتطول على الجزء الثالث وياريت لو اقدر اطير في هذا الجزء واغوص تحت الماء وفوق الماء وياريت (( او تتذكر صاحبي من امريكا يدخل في القصة ))
وبعدين سعد وينك كل مايتصل بندر ماتكون معاه
;) ودنا نسمع صوتك ....:D
ahmed_cube
13-01-2002, 04:00 AM
مشكور اخوي العزيز سعد .
الجزء هذا فيه اثاره اكثر و مع اني كنت اتمنى اني اكون معك هذه المره انت و ننتندو والدر .
و ارجو في الجزء الثالث ان يكون هنك لي دور فيه و انا اقترح عليك انه في الجزء الرابع نغادر السعوديه و نهرب الى الاردن و منها الى امريكا عند الدر .
و اذا سمحت لي في العطله اريد ان اكتب جزء من القصه و الحقوق لك طبعا و باذن منك اولا .
استمر و باقرب وقت اخوك احمد .
كتب العضو (nintendo)
والله ولاتقول فيلم ماتريكس الجزء الثاني .... انا كيانو ريفز وسعد صموائيل جاكسون ...
اقول سعد الفيلم فيه كثير ثغرات وفيه شئ اسمه اليات حديثة لسرقة البنك ايش هو الي كورلا وخرابيط اح
يخطف احد ويحطه في كورولا !!!!!
وبعدين ناس رايحين يسرقوا بنك يقوموا يتسلفوا سيارة ويسلتحوا من اولها !!!!! (( واخذ الحكاية جد:D ))
المهم لاتطول على الجزء الثالث وياريت لو اقدر اطير في هذا الجزء واغوص تحت الماء وفوق الماء وياريت (( او تتذكر صاحبي من امريكا يدخل في القصة ))
وبعدين سعد وينك كل مايتصل بندر ماتكون معاه
;) ودنا نسمع صوتك ....:D
ممكن نتعرف ياالعـ### ======>متأثر بالقصة :D :D
wario2002
13-01-2002, 10:41 AM
لا ياخي ماقريت زين عندي ضعف نظر>>> واحد يصرف:D
لا والله صدق كنت بطفي الكمبيوتر علشان كذا قريت بسرعه>>>>>> ياحبه للتصريف:D
تبي الصدق الصدق ولا الكذب الكذب
الصدق الصدق.......... طيب
كنت جايع وماتحمل الجوع جاني اخوي قال بتروح معي لبرجر كنج..... قلتله لحظه شوي
قال مانب منتظرك بتجي ولا لا قلتله ايه خلاص بطفيه وقريت القصه بسرعه زي البرق.... عاد جايع ماقدر اتحمل لا وبرجر كنج بعد( ياشين زيتهم يحوم الكبد)<===== هاذي عاد تصريفه محترمه:D
الحين الصدق الصدق الصدق الصدق الصدق الصدق..............
قريت بسرعه ادور اسمي اذا كان فيه قريت القصه كلها مب فيه ماقريتها لأني كنت مستعجل.....
ومالقيته وشكرا على ردك اشوه انك علمتني وقريت القصه زين ولقيت كلمتين واريو بس................
بس مشكووووووووووووور على القصه ونشوف قصص جايه لاتبخل علينا عاد وشكرا...
مع أجمل تحياتي
":" صديقكمwario2002 ":"
ganon0
13-01-2002, 10:57 AM
مشكورين شباب على الدعم المعنوي و الجسماني(منوين جت هذي؟) :)
اول شيء:
باوزر:هلا اخوي و الحمد لله ان القصه اعجبتك:) لكن اني موضوع اني احطك في القصه...اممممم اكيد راح تكون قصتي احسن بأضافه شخصيه مثلك لكن المشكله اني ما ابغى اضيفك في دور اي كلام او مثلا دور ما له معني او ما يجيب شيء مهم.لكن يمكن اقدر اضيفك بالقصه هذي اذا لقيت دور ينفع لك و يأثر حتى لو كان صغير.
بوشي:الغلطات المطبعيه هذي ضروريه ما فيه نجاااح من غير غلطاات يأأاخ(زي طاش ما طاش)و انشاء الله اتوسط لك تشتغل في الشركه هذي سكيورتي.بس الله يستر من ننتندو و عبايته:)
ننتندو:تدري؟انا شاك انك ما فهمت القصه؟ما احد خطف احد و حطه في كورولا ترى:)هاههههههه يا حليلك. بس اصبر و انا و اخوك بطولاتنا بتستمر
الى نهاية القصه(و اللي هي طبعا في بالي و مخطط لها انشاء الله زين)
بس لحظه ليش انا سامويل جاكسون؟؟؟انا كينو ريفيز و الا بلاش(اخذها جد الثاني)
بعدين لحظه اتصل بك الدلخ؟ هاههههههه و انا اقول ليش اتصل علي يقول تكفى عجل على الجزء الثالث و خله رومنسي مصدق الولد شكله يحبك صدق:)
احمد:اهلااااا باغلى واحد:)لا تزعل اخوي على انك ما لك دور كبير في هذا الجزء لانه فيه اجزاء جايه و ما ندري يمكن يكون لك فيها الدور الاكبر؟بالاضافه هذا الجزء ما لك طاري كبير فيه لانك كنت برى ما حظرت سوالف البنك.
و اقتراحاتك الحلوه في عين الاعتبار و يمكن استفيد منها لاني راسم للقصه خطه محدده انا ما اكتب بعشوايئه على الاقل مهوب هذي القصه:)
بالاضافه لا تفضح الخيارات اللي انا راسمها(احم انا افكر اننا يمكن نسافر في القصه)
و بالنسبه لكتابتك لجزء منها طبعا اسمح لك:)لكن نخطط له مع بعض عشان يوافق الحبكه الاصليه للقصه هذي.
بوشي مره ثانيه:هاههههههههه يالخبل
ganon0
13-01-2002, 11:01 AM
كتب العضو (wario2002)
ومالقيته وشكرا على ردك اشوه انك علمتني وقريت القصه زين ولقيت كلمتين واريو بس................
\
":" صديقكمwario2002 ":"
لحظه يعني كل اللي يهمك بالقصه هو اسمك؟عجيب.
(ليش ما احد قال لنا ما نتعاقد مع هالممثل؟)
wario2002
13-01-2002, 11:06 AM
انا ماشفت قصتك زين وانت ماشفت ردي بكبره........ جانون انت تشوف زين.
wario2002
13-01-2002, 11:15 AM
انا قصدي قريت القصه بس اعلمك ان دوري قليل بس يعني اسمين واريو بس..........
ولا القصه قريتها كلها من قالك اني ماقريتها بس انت الله يهديك مافهمتني زين.
AL-LORD
13-01-2002, 11:49 AM
السلام عليكم .............
اول شيء اسمحلي يا سعد لأني تاخرت في الرد ضروف صعبه امر فيها في هذا الوقت ، و اعرف انك زعلت لأني تاخر بس والله مشغول و انا ما قطعتكم بدون سبب انا عندي ظرفي وصدقني بستمر معاكم ..........
نعود للموضوع للقصه .........
بصراحه قصه حلوه ( علشان ما تزعل :D ) امزح معاك بالفعل هي قصه حلوه ..
ومسوي فيها انك مجرم خطير و شاب وسيم في نفس الوقت ...... ما تركب ،
و اكثر شيء ضحكني بصراحه( نينتندو = عهود) ولا يوم دخل عليكم بوشي بصراحه تصويرك حلو ..
___________
المحقق اللورد ...... اشوى انك دخلتني في القصه ولا كنت بعتب عليك ....
اقول
اول ما طلعنا مع البوابه الاماميه للمملكه لقينا امة محمد
تنتظرنا جيوش كثيره و على رأسهم اللورد...
ههههههه الله يعينكم على لقاء المحقق اللورد .......... ;)
انتظر التكمله
اخوك
ganon0
13-01-2002, 02:02 PM
واريو: انا اسف اخوي فهمتك غلط. انا اسف سامحني.
اللورد:شكرا على ردك و شكرا لانك عبرتني اخيرا.
باقي الشباب:beware
الجزء الجديد على الطريق!
عساه يعجبكم بس...
ganon0
13-01-2002, 02:30 PM
بسم الله الرحمن الرحيم.
gan-non international presents: (جميع الحقوق محفوظه لسعد)@
اجل وصلنا الجزء الثالث؟جيد و الله و اذا احد فقد الاهتمام يقول لي بس:)
هذا الجزء احداثه اكثر تركيز من اللي قبله و اظنه اقل كوميديه.انشاء الله اعوض الكوميديه بالاجزاء القادمه.لكن الصراحه المقصد من هذا الجزء هو قلة الكوميديه.لاني بغيته يكون درامي اكثر.و انشاء الله يعجبكم و بكل الاحوال غالبا ما راح استمر على نفس الخط في كل جزء مثل ما انتم شايفين.لكن اكيد كل جزء لازم فيه تنكيت .و اقول مره ثانيه انشاء الله يعجبكم(يهمني اذا ما اعجبكم شيء تقولون لي).
الجزء الثالث:اعضاء في مهام رسميه:الثقه.
اجل اخيرا قدرنا انا و ننتندو نطلع من البنك لكن اللورد الله يحسبي عليه ما يخلي احد.
يوم طلعنا و لقينا الجيوش هذي.تقريبا 100 جندي.قال ننتندو:يا وجع!ايش يبغوا هدولا؟
انا:يبغونك يا غبي!الله يلعنك يا الدر.شكله بلغ علينا قبل لا ينحاش.اشوى اننا ما عطيناه الفلوس.
ننتندو:لكن....
قاطعه اللورد:سعد!اترك البنت اللي معك تروح و سلم نفسك!
انا انسبهت و قام ننتندو و رما نفسه علي و قال:اتركوه يمشي يا ناس.الولد مجنون يبغى يدبحني!
انا:قسما بالله لاذبحها و اشرب دمها بعد!و مسكت ننتندو مع رقبته و حطيت عليها سكين.
اللورد:اوهههههههاهههههههاهههههاهههههها...يعني تحسبنا ما نعرف يا ننتندو؟
ننتندو:انا فريده مو ننتندو!حرام عليكم اهىء اهىء.
االورد:بس!و الا ترى محاسن...
ننتنتدو:ما عليك من محاسن يا حقير!
انا:وش السواة يا ننتندو؟
اللورد:بعد الى واحد بس و بعدها نطلق النار!
انا :لا لحظه لحظه
بعد كذا سمعت انا صوت بعييييد ينادي.و بعدي سمعوا الباقين نفس الصوت و يوم ناظرنا
على فوق لقينا السحاب مغطي قمة مبنى المملكه و فيه نقطه طايحه من فوق و تكبر شوي شوي
يوم قربت لاحظت انها كانت ادمي!و بعد شوي لاحظت انه واحد اعرفه!اعرفه زين! بوووشيي!
كان يقرب شوي شوي و فيه حبل مربوط على خصره و كان منبطح على الهواء يعني وجهه على
الارض.مع انه قاعد ينزل بالهواء الى الان بسرعه الا اني حسيت ان الثواني كانت دقايق.استوضحت
وجه و كان شكله مصقول.يلمع كأنه خزف بالضبط خاصة انه ما غير تعابير وجهه ابد كأنه تمثال.
و كان حاط يدينه على جنوبه كأنه حاطها في جيوبه.قال ننتندو:ايش...هدا...أ..آ...
و بلمح البصر وصل بوشي الى الارض لكنه وقف قبل لا يلمس انفه الارض يمكن يأنش او اثنين.
و ارتفع واقف على رجلينه بجزء من الثانيه و حوط خصر ننتندو بيده و اليد الثانيه لفها بالحبل اللي مربوط على خصره هو و ارتفعوا بسرعه فوووووق (لان الحبل يستخدم بالبناء و هو حبل مطاطي)و ننتندو يصرخ و
الاثنين قاعدين يلفون و يدورون حول بعض بشكل لولبي كأنهم دلافين بالضبط.و بعد كم ثانيه اختفوا وسط السحاب.
يوم تبدد السحاب فجئه ما كانوا موجودين.طلعت الشمس و تلاصقت رموشي لان النور كان قوي.
بعد الذهول هذا كله ناظروني كل الناس و انا لوحدي ما اقدر اسوي شيء.قال اللورد سلم نفسك!
انا كنت ابغى ابكي لكن ما ادري ليش ما قدرت.كنت عارف ان اللورد يبغى يذبحني اول ما اسلم نفسي
مثل ما ذبح اهلي قبل سنه.بعد كذا قال للجنود:ارفعوا اسلحتكم.و في نفس الوقت طلعت بنت لابسه
عبايه على الكتف و عطرها فواح.مسكتها و طلعت سكينه مكسوره من جيبي و حطيتها على رقبتها.
كل هذا بثانيه وحده!قلت و الله العلي العطيم اني ذابحها اذا ما رميتوا اسلحتكم.
اللورد:اجل اطلقوا عليه هو و البنت.
البنت:يآآآآآآآآآآآآآآآآآآآآه!.
انا:......... :غضب:
فجئه في اللحظه الحاسمه قبل لا يضغط احد على الزناد جاء واحد و قال:نزلوا اسلحتكم!
انا:هاااااااه؟!
اللورد:اسمعوا كلام الامير!
الامير سلطان بن عبد العزيز وزير الدفاع هنا:سعد.انا اعرف عنك كثير.انت ما كنت كذا
كنت طالب محبوب . هادىء.و الحين انت قاعد تهدد امن الدوله بكبرها!
انا:لازم تلوم الاقدار.
الامير:لا يا سعد ....اسمع.كل شيء يتصلح. و الرب يقبل التوبه .اجل كيف احنى ما نقبلها؟
انت ما ذبحت احد.و الفلوس ممكن ترجعها.و ....و.....
انا قعدت ابلع عبراتي(دموعي)و قلت:و اعيش طول عمري هارب؟
الامير:لا؟ مين بيلاحقك؟انت راح تدخل اصلاحيه لمده محدده و تطلع منها بس.راح نأهل سلوكك.
انا اشرت على اللورد:هذا بيذبحني مثل ما ذبح اهلي...
و لاني حسيت ان السالفه مجرد الهاء لي عشان يفاجئوني من ورى صرخت و قلت:و الله لاذبحها!
اللورد:ارفعوا اسلحتكم!.
الامير:لا انتظر!
انا: بذبحهاااااااااااااااااااااا(و انا قاعد اصارخ بهذي الكلمه الامير قال:ارموا اسلحتكم ارموا اسلحتكم)ااااااااااااا!
رموا الاسلحه و ناظرت انا اللورد بحقد.بعد كذا سحبت البنت بسرعه و رحت اركض بأتجاه اللورد اللي الجنود يحيطون
فيه من كل مكان. و من سرعة ركضي كنت اشوف الجنود مثل التماثيل ما يتحركون و لا حتى امداهم يلتفتون
علي.وصلت اللورد و قلت:يااااااااااااعععععع!و غرزت السكينه في جنبه و لصق و جهي في كتفه العريض.قعد هو يقول.....آآآآآآآه....أي...اووووووه .و طاح
و تراجعت بسرعه و دخلت المبنى اسحب البنت.
البنت:اتركني الله يخليك..اهىء.
انا:لا,عشان تعرفين تغازلين مره ثانيه.
البنت:انا؟انا غازلتك؟و الله ما دريت عنك.
انا:انتي جايه تغازلين و هذا يكفي.صحيح ما تستحين.
البنت الله يخليك.
و كنا على الدرج.و قلت:خلاص خلاص انقلعي.و دفيتها مع الدرج و تدربته عليه و انحاشت.
وصلت السطح و لقيت ننتندو يقول:و الله لو بستني مره تانيه لاقطع شفايفك!
بوشي:ليش انتي زعلانه؟توني انقذت حياتك!
ننتنتدو:سعد؟الحمد لله انك جيت و الله هدا مهو مجنون.هدا وسخ!.
انا :طيب اهم شيء انه انقذ حياتك يالعنود.
ننتندو:ايوه صح.انا ماشيه توصي بشيء؟
بوشي:وين؟
ننتندو:أتأخرت على البيت(و هو كان ناوي يشيل العبايه)
ناظرني ننتندو و غمز .بوشي شافه و يوم راح انقهر بوشي...(سكح)انا:ااااااو...وشوله تطقني؟
بوشي:مزاج عندك مانع؟
انا ناظرته شكله بيضارب...افااااا لا يصير يحسبني انافسه على العنود!الله يلعنك يا ننتندو انت و غمزاتك.
قلت انا:لا لا ابد خذ راحتك.
جاء ننتندو بدون عبايه و قلت انا:عن اذنك بوشي كلمة قفى مع هالتعبان.و اخذت ننتندو بعيد و شديته مع اذنه و قلت:شف يا ملعون مره
ثانيه تغمز و الله افقع عينك.
ننتندو:هههههه.ايش سوا لك؟
انا: ضربني
ابعد ننتندو شوي و هو يضحك و غمز لي مره ثانيه يبي بوشي يضربني.لكن بوشي ما اهتم.الخبل نسى ان
بوشي يحبه اذا ما شاف وجهه كامل.بعد كذا تسللنا مع فتحات التهويه و وصلنا الارض و هربنا...
و جلسنا ندور في العليا.و معنا الفلوس طبعا.فجئه لقينا احمد كيوب في الجمس يدور و يغازل لبنانيات العليا.وقفناه وقلت انا:احمد!الحمد لله لقيناك!بس وين الدر؟
احمد:اي اجا ابل(ابل=قبل) نصف ساعه و سألتو عنكون و قال لي:انكن تركتوا العصابا.انا ما سدقتووو
و رفضت اوصلوا للبيت.
انا:بعدي و الله. طيب واريو وينه؟
احمد:واريو شفت الدر ماسكو و واريو عمال يصرخ و يضرب الدر.وهرب منوا بالنهايا.
انا:و انت وش كنت تسوي طول و الوقت؟
احمد:كنت انتظركم.
انا و ننتندو:و النعم و الله في اهل الاردن ...انا قلت:كلهم.و ننتندو قال:كوللاهم.
انا:طيب نروح الاستراحه يمكن نلقى واريو ناخذه معنا و نروح شقتي.
مشينا للاستراحه و فعلا لقينا واريو.و رحنا الشقه و حنا انواع السواليف و الحش في الدر.وصلناها بالليل.لانها بعيده في حي المنار.اول ما دخلنا قال بوشي:هيه هيه حلليبي السرير!(حليبي يعني السرير محجوز لي بس باللهجه النجديه المقفره حق البزران اول)
انا:اوكي حبيبي نام على السرير.بس ناكل اول.و تدرون؟احمد طلع كريم و عشانا من بيتزا هت
.و يوم جينا ننام.
ننتندو:بوشي يا حمار ادخل الحمام اول لا تتبول على سرير الولد!
بوشي:لا لا لا.مابي مابي مابي.
انا:ننتندو حرام تستقوي عليه. الا بوشي حبيبي ادخل الحمام عشان انا بعد ابي اغير ملابسي.
بوشي :طيب.و راح الحمام.
ننتندو:الا سعد ما قلت لي عندك سراويل داخليه نظيفه؟
انا:الا عندي واحد بس محجوز.
ننتندو :تكفىاديني هو.
انا: ليش ؟تبولت على روحك اليوم؟
ننتندو:آآ لا.
انا:لا عادي ترى انا بعد تبولت يوم يجي النذل اللورد.
ننتندو: يعني ما عندك؟
انا :عندي واحد زايد بس تراه قطن تبيه؟
ننتندو:ايوه.
بعد كذا سمعنا بوشي بالحمام:رشششششششش(يلعب بالرشاش حق الماء) هيه هيه مطر مطر.
انا فتحت الباب حق الحمام و غمضت و قلت:وجع انشاء الله .البس سروالك واترك الماء.
دخل بوشي ينام و قفل عليه ننتندو الباب و فرشنا 4 فرش لنا على الارض.الدب .احمد قعد يسولف شوي.
احمد:ننتندو.احكي لي عن محاسن ؟
ننتنندو:سعد انت ما خليت احد ما قلت له؟
انا :لا عادي هو يحب عبده مثلك.
ننتندو: لا؟
احمد:ايواااا.
ننتندو وريني صورتها.و جلسوا يسولفون عن تجاربهم;),و انا رحت الى واريو و قلت:واريو ما اشتقت الى
امك؟و اريو قال:الا.اليوم مريتها قبل الاستراحه.
انا ما تبي ترجع لها؟.
واريو :الا برجع عشان اخذ الادفانس و اجي.
انا:وش عندك اشرطه؟.
واريو:بكرى اقول لك.يلله بنام انا تصبح على خير.
كلنا انسدحنا و الظاهر اني انا الوحيد اللي ما جاه النوم.او كذا كنت اظن.
الساعه 2 قام ننتندو من محله و ناظرني يظنني نايم.و راح الى التيليفون و جلست انا على الفراش
اتصل على رقم (و سماعة تيلفوني قويه و كنت اقدر اسمع اللي يكلمه ننتندو)
اتصل و قال السلام عليكم.
صوت حرمه وقور رد عليه:و عليكم السلام...مين؟ننتندو حبيبي.
ننتندو:اهلا امي.
ام ننتندو:قلقتني عليك يا ولدي.فينك؟ليش ما ترجع؟
ننتندو انشاء الله قريب يا امي.بس حاجه بسيطه اسويها و ارجع.
ام ننتندو:الله يوفقك يا ولدي.
ننتندو:........
ام ننتندو:كيفك يا ولدي؟و مين يطبخ لك الاكل؟
ننتندو:انا بخير يا امي...امي كيف ابويا؟
انا هنا ما قدرت اقاوم و نزلت من عيني عبره(دمعه)
ام ننتندو:ابوك بخير يا ولدي و هو ماهو زعلان عليك.انتا ارجع بس.
ننتندو:طيب كيف اولاد اختي؟
ام ننتندو:الحمد لله يا ولدي بخير و عافيه.
ننتندو:امي...قولي لهم اني احبهم كتير.
ام ننتندو:انشاء الله يا ولدي.
ننتندو:امي.انا ما راح اضربهم ابدا مرة تانيه.
ام ننتندو:الله يجزاك خير يا ولدي.و يرزقك الرفقه الصالحه.
ننتندو:يلله امي.روحي نامي دحين..تصبحي على خير.
ام ننتندو مع السلامه يا ولدي ارجع اشتقت لك.
ننتندو:مع السلامه يا امي.
وقتها كنت انا غطيت وجهي بالفراش و كنت ابكي بدون صوت.ننتندو لاحظ حركه غريبه و قال.سعد فين
المويه؟.طلعت انا يدي من الغطا و اشرت للمطبخ بدون ما اناظر.و الظاهر كان بيتاكد اذا كنت نايم او لا؟
و بعدها شكله بغى يواسيني.
وقال ننتندو:الله يجزاك خير يا سعد...و الله يرزقنا و اياك الرضا و العافيه.اخوي سعد....
nintendo
13-01-2002, 03:51 PM
ههههههههههههههههه
والله طلعت رومانسي ياسعد :D
اقول بس ماحصلت غير بوشي يبوسني!!!!!!! يارجال كل ما ادخل الفكرو فمخي احس بشعريريرة (( قشعريرة )) واقول ايش دخل الامير في الموضوع ؟؟؟؟؟؟؟ كنت تحبكها شوي وتقول سوبر مان جا وانقذني واعطاك سوبر بوسة شفط مخك فيها .....
بس صراحة بوشي شجاع جدا ويستحق يكون البطل في النهاية (( على الاقل احسن من البطل الثاني الي قاعد يبكي تحت الفراش )) :D
وكمان يا ذا الدر والله مالك داعي تبلغ علينا ?: كيف اتفقنا في البداية وجبتلنا السيارة اوقل نبي نسمع ردك على الموضوع ;)
اقول سعد الحكاية كذا انتهت ولا بتكملها ؟؟؟؟؟
اللورد
السلام عليكم .............
اول شيء اسمحلي يا سعد لأني تاخرت في الرد ضروف صعبه امر فيها في هذا الوقت ، و اعرف انك زعلت لأني تاخر بس والله مشغول و انا ما قطعتكم بدون سبب انا عندي ظرفي وصدقني بستمر معاكم ..........
وين الي يبي يتناقش ، ولا خلااااااص مليت من الموضوع !!!!
المهم خلاص لاترد على الموضوع بالعربي تقدر تقول طفى حماسنا ...
واريو: انا اسف اخوي فهمتك غلط. انا اسف سامحني.
يالله يكسر الخاطر :( ، تصدق عاد هذي الكلمة ذكرتني بأيام الطفولة غريب إلى الآن تستخدم هذي الكلمات :p
بس تبي الصراحة ياواريو لوكنت مكانك كان تدلعت عليه شوي ;) (( أمزح معكم ))
لكن اللورد الله يحسبي عليه ما يخلي احد.
الآن أبصم بالعشرة بأن كاتب الحوار هندي :D
المهم ندخل في الجد .....
القصة ياسعد ممتازة بشكلاً عام ، لكن هذا الجزء أقلهم جودة لسبب ....
في السابق كانت الأحداث أكثر والمواقف كثيرة لكن هنا راح أكثرها في أشياء كان بأمكانك تختصرها ...
ومع أنك أبدعت في ثلاث أرباعه إلا الربع الأخير .....
وسلامتك ...
ganon0
13-01-2002, 06:43 PM
ننتندو:هاهههههههههههههههه اسكت بس لا يجي اكثر من البوسه:D
و الله شكله الدر عطانا اشكل.
و القصه انشاء الله لها تكمله لكن اذا مليتوا عاااااادي جدا قولوا لي و راح اوقف بسعة صدر.صحيح و الله ما ابغى اثقل على احد:).
بس صراحة بوشي شجاع جدا ويستحق يكون البطل في النهاية (( على الاقل احسن من البطل الثاني الي قاعد يبكي تحت الفراش ))
هاههههههههههههههه الله يقطع سواليفك و الله انك فطستني من الضحك .بس متى نسمع من قصه؟
بوشي:مشكور يا بوشي على الملاحظه:)تدري؟و الله اني فرحت فيها بشكل ما تتصوره.لكن اتمنى انها تكون اوضح شوي.يعني وش اللي ما اعجبك بالضبط بالجزء الاخير؟انا ادري ان الموقف الاول طول بزياده لكن هذا اللي قدرت عليه:) و تدري؟الحمد لله ان الثلاث ارباع سلموا:)لاني لو كنت ما ظبطتهم يكون هذا الجزء فاشل مره اكثر مما هو فاشل الان.و ما ادري ليش انا كنت حاس انه بيطلع اسواء الاجزاء:)بس هاه ابي ادري وش اللي ما اعجبك بالضبط انت و الباقين عشان انتبه له.يمكن لانه يرتكز على حدث واحد؟.و انشاء الله الاجزاء الجايه بتعجبكم اكثر بكثيييير.ما اقول الا الله يعين.
وش رايكم؟تبون جزء جديد اليوم و الا بكرى؟
wario2002
14-01-2002, 10:29 AM
لا يابوشي فكنا من الدلع ترى ماطيقه..........
والله قصه حلوه وهذا احسن جزء من الأجزاء الي قبل.....
اجل عندي أدفانس....... ياولد مع انه مب عندي بس قصه...... ويقولون حلو الأدفانس.........
شكرا على الجزء الرهيب وننتنظر اجزاء جديده...........( والله اني ارحمك طول الليل تفكر بذا القصص)
وشكرا...
مع أجمل تحياتي
":" صديقكمwario2002 ":"
مشكووووووووووووووووووووووور بقوة على القصة وما قصرت
أخ سعد أنا متحمممممممممممس جداً على الي جاي لا توقف ترى سواليفك جداً جميلة(بس كثر من الغمزات;) )
بصراحة أحسن نكتة حقت الحمام(هي هي مطر:": )
وأرجو انك تجيب زي هذه
تحياتي:KYO2":"
وش رايكم؟تبون جزء جديد اليوم و الا بكرى؟
والله براحتك متى مابغيت تكتبها أكتبها ، مع أني أفضلها الآن ...
ganon0
14-01-2002, 11:22 AM
واريو:مشكوووور يا واريو على الرد اللي كله احساس(عشانه اعجبه الجزء هذا:))لا و الله صحيح الله يسلمك و تدري؟الحمد لله ان الجزء هذا اعجبكم
لانه عند بوشي و اعتقد عندي انا بعد او اجزم(الا بدايته عند المملكه لان بوشي يوافقني بعد)يعتبر ابيخ جزء.بس الحمد لله ان الناس اذواق و انه اعجبكم و الحين بدى يوم اعجبكم يملى عيني انا:).و يا و اله كلك احساس الوحيد اللي حس بمعاناتي.و اليوم من المجهودات في الاجزاء اللي راحت راسي ما ادري وش فيه فيوزه ضاربه و الا مخبط و الا يبي له توضيب يا اخي صاكني صكه بنت كلب مستلعن اليوم.
kyo2 :مشكور حبيبي و الحمد لله ان القصه اعجبتك و الحمد لله بعد انه فيه غير اللي ردوا من قبل قاعد يقرى و عاطيني و جه:) يلله فيكم البركه و الله:)
و ابشر بالغمزات اللي يحبها قلبك;)
بوشي:و الله ما ادري و انا اخوك:( الراس اليوم مهوب طبيعي شكله لا امس(طبعا امس مات كتبت شيء شفت الدلاخه؟)و لا اليوم.بس بحاول اليوم.
wario2002
14-01-2002, 11:32 AM
والله ودنا بذا القصص رهيبه.............
ويكون احسن لو تكتبها الحين............. والقرار راجع الك( احلى ياجورج قرداحي):).
wario2002
14-01-2002, 11:46 AM
الله يبارك فيك ويسلمك:)
شباب مب انتم تدورون فاس..........
اذن لديكم الخبر ادخلو موضوع هل اشتري لعبة بانجو الجديده على الn64؟( افيدوني الله يرضيكم)
وتشوفون رد فاس ومشاركاته 3336
يارب انه يرجع ولا يطلع................ يارب.
bowser
15-01-2002, 06:04 AM
يا اخ wario شوف تاريخ الموضوع بتشوف انه 2000
يعني المكوضوع مطروح قبل سنتين
wario2002
15-01-2002, 09:05 AM
انا ادري ان الموضوع قديم بس شف مشاركاته اكثر من 3000.............
اذكر انه قبل مايطلع كانت مشاركاته 2000 وشوي..... وشلون خلاها ثلاث آلاف....?:
حلللللللللللللللللللوه سعد
والله مت من الضحك.........
الصراحه عندك روح فكاهيه رهيبه وياريت تكمل القصه بسرعه:)
ganon0
15-01-2002, 06:16 PM
ماري:
ردت؟ ماري؟
هلا و الله بصديقتنا القديمه ماري:) و الله ايام عنك في المنتدى..و لا تسوين نفسك معجبتك هذي القصه و الا انها زينه.لانه لو فيه الفنتازيا حقتك ما احد رد علي هنا(احتكار ) بس انتي اسمعي
ما نبي رد كل مده و الثانيه تسكتينا ...نبي رجعه كامله(ما ودي اقول رجعه كامله و الا بلا اخاف تحسبني اهاوشها و لا ترد ابد)
لا صحيح و الله
نبتس(اذا قلت نبيتس او تس في اي كلمه فهي صدق طالعه من القلب)
تجين هنا بالمنتدى بشكل دائم.و الله ان المنتدى بوجودتس شيء ثاني و بقصص الفنتازيا بعد(يعني اكذب و اقول بوجود ماري بس؟:)) بيصير حاجه تانيه خالص.
و اسألي واريو هالايام في موضوعه قعدت اسولف بك و عن ايامنا انا و انتي و فاس.
الشباب:الحين الجزء الرابع جاي.و لا تنسون تردون على موضوعي الجديد بعد:)
ganon0
15-01-2002, 06:58 PM
بسم الله الرحمن الرحيم.
gan-non international presents: (جميع الحقوق محفوظه لسعد)@
اجل وصلنا الحين للجزء الرابع و انتم ما بعد مليتوا:)هذا انجاز صراحه...لا تناظرون مهوب انجاز لي انا.انجاز لكم انتم اللي صابرين كل هالوقت على خرابيطي:)صحيح و الله.و اذا مليتوا بس قولوا لي و انا اوقف.لان القصه لكم عشان كذا الانجاز اللي تو تكلمت عنه انجازكم.و انشاء الله يعجبكم هذا الجزء .خاصة اني استقعدت عليه.لكن مهوب كل شيء يتعب به العبد يحصل النتيجه اللي يبي.الا اذا كان شغله للاخره.و اذا لقيتوا نقطه ما تعجبكم بس قولوا لي.
الجزء الرابع:اعضاء في مهام رسميه:الحياة اجزاء الثواني.
ونمنا امس متأخرين؟لكن و لانها قصه(يعني نصب)قمنا مبكرين من بكرى بدون ما احد يصحينا ...
اول ما قمنا شمينا ريحة طبخ في البيت.طبخ في البيت؟ لكن انا ما رحت اطبخ.و ننتندو هنا(حتى و لو
كان في المطبخ ما فيه امل هذا الزول يسوي شي)و احمد ما يطبخ لو هو في المطبخ كان سوا لنا حمص
ما يحتاج طبخ...غريب.رحت للمطبخ و لقيت بوشي قاعد يقلي بيض و مجهز نواشف.التفت و قال:سويت
لك خبز بجبن .
قلت انا :مشكور.
بوشي:و دهتنه بيديني برضه.
انا:بيدينك و الا الملعقه؟
بوشي:وين الملاعق اصلا؟
انا:وععع خلاص ما ابيه.
بوشي:بكيفك بس ترى يديني تزيده ملوحه و حلا.
رحت الى الشباب و قلت:تصدقون بوشي قاعد يطبخ؟
ننتندو:لكن كيف طلع من الباب؟
احمد:انا شفتو يكسرو للباب.
انا:هاه؟كسر بابي و انت تناظر؟الله ياخذك.
ننتندو:و الله هذا الولد ما فيه جنون.
دخل بوشي و هو شايل الفطور و حطه عندنا و قعدنا نناظر ما اكلنا.
قال بوشي:كولوا؟خير انشاء الله شيعي ببول في اكلكم؟
سمينا و اكلنا.قال ننتندو:بوشي.فين اهلك؟
بوشي:انا...ما لي اهل...
احمد:كيف؟
بوشي:كنت عايش مع ابوي و امي.لكنهم راحوا في حادث سياره.و اخذني عمي.لكن مل في النهايه
و حطني في المصحه و انا ما فيني جنون...
بعد كذا ناظر على فوق و ابتسم.
انا:لكن...انت احيانا تتصرف ...ما ادري.
بوشي:بهبال؟الدكتور شلبي قال اني اذا تعرفت على العالم برى و لقيت احد يعوضني الحنان الناقص
كل شيء بيتحسن...عشان كذا انا احب العنود...عيونها تذكرني بعيون احد اعزه مره.
ننتندو وهو متأثر:يعني يا بوشي عيون العنود ...مثل عيون امك؟
بوشي:لا...مثل عيون شغالة عمي...سمياتي.
انا:هاهههههههههه...
احمد: :)
ننتندو: لحظه فين واريو؟
انا انادي:وااااااريوووو يا دب تعال افطر.
ما احد يرد.احمد:تعال هون يا دب(يحسبها مدحه)
انا :واريو قم قمت عصبك و بسن ياكل ذنبك!(بس=قطو بالقصيمي)
و رحت الى فراشه اتأكد و لقيته حاط محله وساده!قلت بصوت عالي:واريو اختفى!
قمنا على طول نشوف الفلوس و لقينا الشنطه مفتوحه.عدها ننتندو(خبله قصدي خبره) و لقينا 1500 ناقصه(يلعن ام الطموح
الخايس الحين قدامه 20 مليون و ما اخذ الا 1500؟)
-
انا:الحيوان....كيف وثقنا فيه؟ |
|
ننتندو:و الله خليني امسك الورع هدا(بدى يتعلم نجدي)اقسم بالله افصفص عظامه. |
بوشي:حيوان مهوب قد الثقه.الحين لازم نعيد الحسابات عشان نتقاسم.
|
احمد:يضررب الحب شو بيزل.
(شلة قعاطى) _
بعد كذا قلنا اوفر بعد خله يضف وجهه بدل ما يلهف كم مليون معنا.
قعدنا نسولف الى الظهر و بعدين:بوشي:شباب وش رايكم نتغدى برى؟
ننتندو:ايوه صحيح؟
احمد:بدي اذوقكم المنساااااف
انا:لا شباب محد ذاق الاكل القصيمي منكم!
بوشي:شبعنا منه.
انا :هين انت.بس الباقين؟
ننتندو:ايوه انا ما عندي مشكله.
احمد:يعني شو اصيني؟(يقصد وشلون يعني قصيمي؟)
رحنا لمطعم نجدي في حلة العبيد.و هناك اول ما دخلنا لقينا واحد قصمنجي قح قاعد يبيع.
ننتندو:اقول عندكم تبنياكي؟(اكله صينيه يحبها ننتندو و انا بعد.)
البياع:لا عندنا تبن بس... تبي؟
ننتندو:ايوه ماهوب مشكله ادينا واحد يابويا(ما فهم الدلخ و مسوي نجدي بعد ماهوب)
انا للبياع:هاههههههههههههههههه ما عليك منه يابن الحلال سفيه...
البياع:تكفى يالعاقل؟
بوشي:اقول احترم نسفك!
البياع:هي نفسك يا جلمه(سبه قصيميه)بعدين اصبر ما شفتك انا قبل تسذا؟
احمد:يمكن كنت زميلو في المصحا؟
البياع:اقول اتزلب(اقلب)وجهك يا ابو شكيم.ما لك دخل.
انا:اقووووووووووووول؟تراه طالت و شمخت؟
ننتندو:مين اللي طالت و شخت؟
انا:شمخت مهوب شخت يمل اللي.السالفه يا غبي هي اللي طالت و شمخت.
ننتندو للبياع:ايوه انتا يا قوسمانجي تراها طالت مره!
انا:ننتندو خلني انا احكي تكفى و ترى الرجال قصمنجي مهوب قوسمانجي.
احمد:و كمااااان اصيني و عمال تحكي من اليوووووووم؟غوووووور من وشي!
انا:احمد تراها قصيمي و الله مهيب قصيني.و انا تراني قصيمي فانتبه .
و كملت للبياع:اسمع يا حمار.شرف لك انت و مطعمك اللي ما درت عنه البلديه و لا ضفته اننا ناكل هنا.
البياع:اقول اها بس اطلع برى انت و اياو.
انا:سمعت يا بوشي وش يقول؟
البياع:لا و من زين الطبايع بعد اسمه بوشي؟يالله لك الحمد!
بوشي:تبوني اجلده يا شباب؟
البياع:مد يدك يا ثور و انا اكسره و احطه بقفاك.
و بسرعه مسكه احمد مع ياقة ثوبه و قال:غوووووووور من وشي و لااااا.
و طب عليه بوشي و تخوض في بطنه و ننتندو قعد يقبص(يقرص)ظهر البياع.
و انا قعدت اسبر(تم شرحها سابقا) لا يجيب احد الشرطه.احمد:بوشييي؟شو هايدا؟
بوشي:ما ادري بس الوكاد ان ريحته خايسه.
البياع:اويلااااااااااه.
ننتندو:شباب ما منا لعب بالمصران(مصران=امعاء) حقت الرجال!يلله دخلها بوشي محلها.
انا:يلله مشينا شباب.
و رحنا جري و الرجال طاح مغمي عليه.انا:اففففف اففففف ما بغينا نبعد.وش ذا اللي تلعب به يا بوشي؟
بوشي:................
ننتندو:يا وجع!ايش تبغى بالطحال يا مجرم؟
بوشي:و الله شكله حلو.و صوته زي البوري اسمع(طيط)
احمد:و الله؟هات لشوف؟
انا شت(ضربت برجلي) الطحال حق الرجال بعيد من يد بوشي و انا اقشعر و اقول:وووووععععععععععععععععووووه!
اخر شي دقيناها رجليه الى شقتي و يوم وصلنا...
انا:اوه هاهههه الله يلعن سواليفك يا احمد....اجل رحتوا تشوفون النور(الغجر) و بكرى عندكم اختبار؟؟لحظه شوي؟
وين المفاتيح؟
ننتندو:مهي معي!
احمد:و لا انا.
بوشي:دور زين يا رجال.
انا:لحظه كانت مع ننتندو و حنا راجعين؟
ننتندو:ايوه ايوه ضيع المفاتيح و لزقها فيني يا لوح!
انا:لحظه انت و خشتك تراك من اليوم اخذن راحتك في الكلام؟؟؟اقوووول قم طقني احسن؟
احمد:هدوا الوضع شباااااب.
قربت من ننتندو و حنا قدام الباب ابغى انفخ عليه لكن اذني ارتجفت كاني سمعت او حسيت بشيء.
وقفت فجئه و تغيرت تعابير وجهي و صارت حواجبي اطرافها مرتفعه كأني شكيت في شيء.
ننتندو:ايوه صرف سوي نفسك تذكرت حاجه يا خواف.
اشرت على الباب و انا ساكت لكن السبايك ما فهموا شيء.
احمد:شبنا سعد؟اتكلم ولااا!
و جيت افتح اثمي ابي اهمس لكني سمعت صوت عميق و بعيد وقريب بنفس الوقت من اتجاه الباب...طب طب طب.لكنه كان يقرب و يقرب الى ان قلت ابعدوووووووووووووو و جيت بطيح نفسي على الارض لكن قبل لا اطيح و انا مايل في الهواء
مديت يديني الثنتين و دفعت الشباب كلن في اتجاه بعيد عن الباب.و انطلق وابل الرصاص
الغريب الضخم.درررررتحتحتح...تشيو بننق.و الشباب كلهم تبطحو على الارض و كلنا صرنا نتشهد.فجئه وقف
الرصاص و ناظرنا بعض و المشكله اني انا الوحيد اللي كنت اسمع زين او على الاقل عقلي صافي في اللحظه ذيك.
سمعت مره ثانيه:طب طب طب طب...و كان الصوت يقرب و يقوى اكثر و قلت انحاشوووووا.و قمنا كلنا
انا و ننتندو في اتجاه و احمد و بوشي في الثاني نركض بأسرع ما نقوى.و انكسر الباب فجئه.و اكتشفت ان الصوت الغريب
(طب طب)ما كان الا صوت خطوات جنديين بنعالهم الضخمه يتبعون تنظيم ما نعرفه(يعني لا شرطه و لا جيش و لا غيره)
الشاهد اننا عطينا و لا ناظرنا و رى الا لمم و كنا نحاول نركض بدون صوت.و كان الرصاص يمر بجنبنا.و لفينا بعيد و ننتندو يقول:يالطيف استر يالطيف استر بطريقه هستيريه
سمعت الصوت مره ثانيه و من خوفي كان مع كل صوت اسمعه من الخطوات الثقيله ينبض قلبي بشده بنفس الوقت.انحشنا مره ثانيه و حاولنا نضيع الجنديين في اسياب العماره الضخمه لكن المفاجئه اننا لقينا جنديين ثانين في سيب اخر.يعني ما نقدر ابدا نقدر عددهم.لكن المهم اني شفت بوشي من بعيد و اشر لي.و انا باليالله اطل من الخوف.فهمنا انا و ننتندو من اشاراته بأنه متورط و كنا نلاحظ احمد او اطراف ملابسه بين الحين و الاخر.قلت لننتندو بشويش:وش نسوي؟
ننتندو:لازم نوصل من هناك الجنود الثانين و رانا و بيلقونا بعد شوي.
انا:لكن كيف؟راح يذبحونا اللي قدامنا الان
ننتندو :اسمع انت شيل فنيلتك و لوح فيها بالهواء عشان يحسون و يجي واحد و نذبحه.
انا:ما فيه امل يحسون
ننتندو:سويها ما عليك هدولا مدربين.
انا ابعدت بعديد عن ننتندو مترين او 3 و لوحت.
سمعنا الجنود:الجندي الاول:وش ذا الصوت؟
الجندي الثاني:ما هنا صوت بس كمل وش كنت تقول تو؟
الاول:لا يا ابن الحلال تو سمعت صوت.
الثاني:طيب طيب .انا بروح الحمام و مره و حده اشيك على الصوت.
سمعناه يجي و ننتندو نشف زي التمثال. بجنب الزاويه حقت اللفه اللي بيجي معها الجندي من السيب الثاني.انا ابعدت.
اول ما جاء و مر من عند ننتندو وقف فجئه. انا خفت لكنه ما سوا لي شيء! ثانيتين و مال رأسه شوي يسار و انا كنت اناظر عيونه, ناظرت بشكل اعم شوي و بان القطع اللي
على جنب رقبته يمين.اقشعريت من المنظر.و تقدرون شباب تتخيلون انه كل شعره من شعرات جسمي اقشعرت لحظتها.لانه هذا اللي صار فعلا. طاح بدون اي صوت على ركبته و بعدها على وجهه.مسح ننتندو سكينته على ظهر الميت
و ناظرنا مره ثانيه الجندي الثاني .و الظاهر انه سمع صوت من عند بوشي لانه راح و عرفت بان هذي هي فرصتي.لحقنه و انا
امشي منحني و على جنب.خطواتي كل رجل تقريبا قدام الثانيه الا شوي تقريبا مثل السرطان لكن اقل ميلان و اول ما قربت منه و بقي متر قفزت خلفه قفزتين سريعتين جدا
(تك تك هذا كان صوت القفزات)و نشبت السكين في رقبته.و طاح و كان يشهق و يزفر انا خفت مره و ابعدت .جانا بوشي و قال.فيه اربعه خلفنا بس ينتظرون ظهورنا.ننتندو:طيب فيه طريق ثاني؟
احمد فيه لكن ما اتأكدنا من عدم وجود الجنود فيه.
انا:طيب وش تحترون؟يلله نتأكد. رحت و ناظرت شوي شوي.ما شفت احد.برضه احمد راح و قرب اكثر و لا شاف احد.مشينا كلنا بحذر الى
قبل نهاية السيب بشوي.السيب كان في النهاية ينتهي بشكل حرفT ...وقفنا انا و بوشي و احمد في النهايه حقت السيب بالضبط و رجعنا لقينا وجوهنا لننتندو اللي كان يمشي ما وصل.اول ما وصل قال:الحين وين نروح؟
احمد:في مكان انا لاحظتو في نصف العمارا ما اله سقف.احتمال لو ننزل هنيك نروح مع نوافذ الطابق الاول.
بوشي:يقصد المنور(المنور مكان في العماير السكنيه الكبيره و يكون في النصف ما له سقف.و تطل عليه نوافذ الشقق و عادة يكون ضيق) و الا يا سعد؟
انا:الظاهر ...هاه نروح هناك؟
احمد:طبعا.
انا:يلله مشينا... ... ... ... ... ... ... ... ... . . . . . . ننتندو انتبه آآآآآآآآآآآآآه !
في هذي اللحظه انا في الحقيقه ما شفت شيء.لكن لامس عيوني لمعة لخوذات الجنود المستقبليه.
قفزنا كلنا بأستثنا ننتندو اللي بقى محله يلتفت مذعور للجنود اللى خلفه الى السيب الثاني اللي يقاطع سيب الجنود هذا.سمعنا :آه من ننتندو
و ناظرنا بعض انا و احمد.كان لازم نخطط لشيء في هذا الجزء من الثانيه و نتفق عليه بدون و لا كلمه.و بما ان السلاح الغنيمه كان مع
ننتندو كان لازم يكون الوضع شبه مستحيل حله.لكن في الجزء الثاني من الثانيه بدينا الخطه و ننتندو كان طاير في الهواء و سلاحه ساقط امامه
برضه في الهوا ما بعد لامس الارض.جرينا انا و احمد بأسرع ما يمكن في اتجاه بعض انا متقدم شوي للأمام و احمد متأخر للخلف.انا قفزت و مسكت السلاحه و بديت اطلق على الجنود و احمد مسك ننتندو بدون ما يوقف كأنه التقط قماش من الهواء و جرى في عكس اتجاهي طبعا الى محلي سابقا و انا غطيته هو و ننتندو من الجنود.و سقطت عند بوشي اللي سحبني بسرعه بعيد عن الجنود.سوينا كل شيء في اقل من ثانيه.و بما ان ننتندو ما جلس في وضعه اكثر من ثانيه.و لانه جلس اقل بكثير.ما اكنت اصاباته الا شطفات من الرصاص لامسته فقط.اما انا فأخيرا عرفت كيف شكل الرصاص و هو يتحرك بالهواء لاني شفته بأم عيني.
وين بنروح الان؟ وش بنسوي ؟حرام نموت يعد كل هذي البطولات...و ما عاد فيه مجال للخيانه في هذا الوضع...الخيانه نفسها اللي شبعنا منها...
(رجاء شباب بعد هذا الجزء لا تقترحون شيء عشان ما تحرقون اي حدث محتمل,اما الاجزاء اللي بعدين نقبل اقتراحاتكم :))
wario2002
15-01-2002, 08:08 PM
مادري وش اقول؟
كل جزء افضل من الثاني:) والله قصص ياهي قصص رهيبه:cool:
بس نبي تكمله ودي اشوف وش صار بعد ماخذت الـ1500( والله غبي قدامي20مليون ولاخذت الا 1500) تراني رحمتكم قلت خلني أخلي كم قرش لهم( المليون صار قرش:)) ياكلون كل يوم خبز صامولي وجبن بوك وتشربون بيبسي( عاد ياكثر الغازات بلاوي) وتدبرون نفسكم فيها
بس مايحتاج اقول اقتراحات زياده ودي البي طلبك بس ودنا بالجزء الجديد وشكرا...
مع أجمل تحياتي
":" صديقكمwario2002 ":"
لويس فيغو
15-01-2002, 09:00 PM
مشكور يا ganon0 على القصص الطويله.
مع تحياتي للجميع:
FIGO
ودي أقول رأيي في القصة لكن أخاف تزعل ...
بصراحة ....
القصة خربت وهذا الجزء مهو في المستوى أبداً ...
هذي الصراحة ...
وشكرا ...
ههههههههههه
عارف بأني رفعت ضغطك وجريتك على وجهك :p
القصة ممتازة ...
بس فيه ملاحظة الأحداث قليلة مرة في هذا الجزء ...
وشكرا
ganon0
16-01-2002, 03:44 PM
واريو:مشكووووور على الرد حبيبي...و الله يالغازات و الببسي مشكله عند حقين المتوسطه ذولا هاههههههههههههه
لويس:مشكور عزيزي لكن مهو مهم طولها المهم اعجبتك او قريتها على الاقل او لا.
بوشي.:مشكور على الرد و الملاحظات الحلوه يا حلو.و على فكره تراني ما تروعت لاني فتحت على الصفحه 3 على طول:p
nintendo
17-01-2002, 01:54 AM
ههههههههههههههههههههه
صراحة هذا الجزء خارج عن القصة بشكل كبير وصار كوميدي اكثر بكثييييييييير ننتظر باقي الاجزاء انشاء الله ...
wario2002
17-01-2002, 10:28 PM
ياخي ودنا بأجزاء جديده جديده جديده:)
وكلها ضحك ووناسه.... كم جزء للقصه؟ لحد الحين اربع الظاهر بتجيب العيد ياجانون( ذا العباره ذكرتني بالمدرسه اليوم قالي استاذ الفقه اقول درجتك قلتله لأ وفي نهاية الحصه قالي جبت العيد يا***** واريو)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .