معرض رسوم المانجا شخصية من خيالي!! [الأرشيف]

shaheen

11-01-2002, 08:01 PM

يا سلام عليكم يا بنات...
انتوا فنانات مبدعات
( زلزولة: من زمان وهم مبدعات..)
ادري لا تفشليني بس...
رسمك يا روري روعة.. الحين اقدر اقول اني عرفت اسلوبج شلون..
شخصية رائعة و الوان مبدعة... وقصتها حلوة!

لولي ... رسمتج وايد وايد حلوة بس ليش الخطوط مب عدله
اكيد في شئ... بس بشكل عام عجيبة
احب الشخصيات الطفولية
لا والقصة عجيبة

(زلزولة: احسنتوا .. بس وين رسمتك يا شاهين!)

ههههههههه انها قادمة .... انظري هناك!
----------------------------( زلزولة: وين؟؟)
خدعتها ههههههههه

Loly

11-01-2002, 08:46 PM

اخوي ZAYERMA7
الصراحة انا مااعرف موقع للبرنامج ..لان البرنامج عندي من صديقة لي
im so sorry :(

اخوي شاهين ..انا نفسي مادري ليش الرسمة اطلعت تشي؟؟
اظن القلم اللي كنت استعملة كان ..يكح!!! هيه

بس لحظة وين مشاركتك ..:غضب:هاه؟؟

no explanation
والكلام مب موجة بس حج شاهين :غضب: okيلا شاركوا كلكم

totoيلا شاركي ..انا ناطرة:غضب:

link.p

11-01-2002, 09:10 PM

ZAYERMA7/
تقدر تنزل البرنامج من هذا الموقع

http://www.arabsgate.com

orange road

12-01-2002, 12:53 AM

روري... ؤسمتك غاية في الروعة... ما توقعت ان تتعلمين التلوين بهالسرعة... لا وتقول يبي لي وايد علشان اتعلم..
بس تعالي.. انتي ما تعلمتي الا وانتي شاردة من الدراسة.. الحين بس اتصل حق اهلج افتن عليج.. :D
احب افتن...

لولي... الرسمة وايد حلوة... نبي اكثر ترى.. ووين الرسمة اللي وعدتيني فيها؟؟؟؟؟ :غضب:

واذا على مشاركتي.. اكاهي...

هذي ميران من قصة اسمها girl power وهي وغنية في فرقة من ثلاث بنات اسم الفرقة هو اسم القصة.. ويدورون حوالين العالم في جولات حق حفلاتهم وتصير لهم مغامرات...
ميران هي العقل اللي بينهم.. تحب القراية... ودايما تقرى وهم في الباص او الطيارة...
بس القصة انا للحين شغالة عليها...

Ranze Eto

12-01-2002, 07:52 AM

وااااااااااااااااااااو:واو:

رسوماتكم قمة الروعة

Rori
موضوعج روعة ... و رسوماتج و الا اروع :)
و الشخصية اتجنن ...بس ..............مب جنها ( مفصخه:D ) هئ هئ هئ هئ ...ترى اضحك لا احد يصيح علينا بس ;)

Loly

انتي كيوووت و رسمتج اكوت ( حبيت البيبي كريستال :p ) ابي اشوفها و هي كبيره
Keep going 7abebte:)

Ranze Eto

12-01-2002, 07:56 AM

Shaheen Fatoom

بسكم حجي و كلام نبي فعل :)
يالله تحلحلو و ورونا شغلكم :D

Orang Road الطريج البرتقالي :D

الشخصية ممتازه و اسم القصة أمتز :p
ممممممممممم girl power جنها ماره علي من قبل
آه تذكرت Spice Girl >>>> صح ...
هئ هئ هئ ئه ئه ئهئههئئهئه :p

ZAYERMA7
هذا رسم باليد ثم يدخل الكمبيوتر عن طريق الاسكنر
و بعد ذلك يلون بأستخدام برنامج الفوتوشوب Adobe: Photo Shop 4, 5 or 6
مع الاستعانه بالفلاتر الموجوده في البرنامج ;)

Ranze Eto

12-01-2002, 08:22 AM

في النهاية :D

بعد ما شفت رسوماتكم و ابداعاتكم :D

اكتشفت شي :أفكر:

شي خطير :واو:

بالنسبه لي خطير :(

انا فاشلة في الرسم

http://www.plauder-smilies.de/bawling.gif

tm13

12-01-2002, 11:18 PM

انا مع رنزي ............ل كن مب مع كلامها عن نفسها.....بلعكس يارنزي رسمك حلو;)

orange road

12-01-2002, 11:23 PM

كتب العضو (Ranzie Eto)

انا فاشلة في الرسم

http://www.plauder-smilies.de/bawling.gif [/B]

وانا معاج على طول الخط :D

تستاهلين تستاهلين تستاهلين :D

tm13

12-01-2002, 11:36 PM

orange road

رسمتك روعــــــــــــه:واو: طريقت تلوينك فضيعه اتمنى لو تفتحين موضوع عن كيفيت التلوين بلفوتو شوب؟:) وانتظر قصتك

ZAYERMA7

13-01-2002, 09:05 AM

أنا بس أحارس البرنامج ينزل وبعدين راح أرسم والون وراح أتفاعل مع المنتدى بشكل أفضل بس هذي رسمة من برنامج ثاني طبعا أنا ما رسمتها بيدي رسمتها بالكمبيوتر

شو رايكم فيها لواحد مبتدأ في الرسم

fatoom

13-01-2002, 11:26 AM

اوكي عشان ما تقولون بس حجي ...:D
هاي شخصيات قصه أنا ألفتها .....
و فيها بنت أسمها كروسيس.....( ما أدري من وين أيب هل الأسماء)?:
و بيكون معاها واحد أسمه لورايدر وللعلم هو أعمى ....;)
و ........بس .....
شوفوهم و قولو رايكم ......و شنو تتوقعون تكون القصه ؟
يلا نشوف خيالكم .....;)

fatoom

13-01-2002, 11:28 AM

ويا زاير ما تكلمت عن شخصيتك ;)

aya brea 4000

13-01-2002, 11:35 AM

واللة انك فنانة يا فطوم ..حلوة انت تقولين ان البنت عمرها12 سنة انزين من الي في الصورة معاها ..علشان اقدر اكتب قصة من هذول<<<<<<<<<<<مصدقة نفسي..
استمري فوفو انت واللة توب

fatoom

13-01-2002, 11:47 AM

شكرا aya
ونستيني .....بس حابه ان انتوا تتخيلون القصه .....
و سر بيني و بينج ......(القصه ما أكتملت و لا لها نهايه ;) )
و ناديني فطوم aya او توتو ....لأن فوفو أسم وحد من ربعي
;)
و أقول وين شخصيتج ؟؟؟؟

aya brea 4000

13-01-2002, 12:12 PM

فطوم (ولا تزعلين)
اذا تبيني ارسم لك شخصية من خيالي رسمت لك بس الوجة...
اما قصتك..امم
انا اقول انها بنت ماتت امها وبعد ابوها على ايد احد الاشرار هذا الشرير كان يبي ياخذ الملك ( لان كروسيس تطلع بنت الملك والملكة) بس الشرير موت والديها علشان ياخذ الملك وكروسيس اهي الشاهدة الوحيدة على هاذي الجريمة وهي تحاول انها تنتقم لوالديها وبنفس الوقت علشان تسترد الملك..تتعرف على الامير الاعمى وهو يحاول يساعدها من مطاردات الشرير الي يحاول انة يموت كروسيس علشان ما تفضحة...
شرايك ( فلم هندي)

shaheen

13-01-2002, 12:16 PM

wow...
ممتاز يا آيا..
قصتج حلوة وايد... وتلائم الرسمة بعد

على فكرة يا توتو.. انت وربعج خلصتوا الاسامي : فوفو.. توتو.. خوخو.. عوعو.. بس خلاص الحين الواحد لازم يشتري له اسم او يحجز!!!:D :p

fatoom

13-01-2002, 12:58 PM

:واو: نوعا ما في شبه في القصه .....;)
بس قصتج أحلى .... عجبتني وااااايد aya
يلا في حد يتحدا aya >>:D
ههههههههههههه
حلوه شاهين ...هاااااا تبي أسم
باقي شوية اسماء في اللسته...:D

Rori

13-01-2002, 01:20 PM

wow!! رسوماتكم تحف فنية
orange road رسمتج اتهبل وانا وايد حبيتها وقصتها فظيعة ,,فيها مغامرات
ووناسة cool

toto اللحين انا قلت ارسمي صبيان بس :غضب: ما قلت خليهم مع girl friends شيالفايدة اللحين هاه!!
امزح معاج ..رسمة شخصيتج عجيبة ..اتجنن!! بس لجافة مع the sweet loraider
ايجنن مووووووت!! بصرخ ahhhhhhhhhhhhhhhhhhhhhhhhhhh!!!

:واو: :واو: :واو:

رانزي my dear sweet friend حطي رسماتج ولا كلمة شششش!!
بس حطي رسماتج ok dear
شاهين انا بسوي نفسي مب مركزة احسنلك اتحط شي قبل لولي ماتكتشف السالفة
aya قصتج درامية فظيعة please لا تحرميني من تشوفة كروسيس please
حتى لو عينها بس please :)
ZAYERMA7 شخصية الحارس وايد cute استمر والى الامام

fatoom

13-01-2002, 01:25 PM

ههههههههههه نسيت هههههههههههه
خلاص بأحط أولاد مثل ما تبين روري ....;)

Rori

13-01-2002, 01:40 PM

بدون girl friends ok !!

هيه هيه هيه هيه!!

ok هاذي شخصية ثانية اظن toto تذكرينها...

اسمها miss ghost او بس ghost ,وهي زعيمة the night dark queens واقواهم
دمها ثلج وتقتل ببرود شديد ,هي ملكة الاشباح وحذاري من غضبها
لها معزوفة على البيانو اذا عزفتها تتحكم بالاشباح والارواح وتقتل اللي في بالها بس عن طريق التفكير بفلان...معين
اغلب الاوقات تتواجد عند المقابر... لا يخدعكم شكلها الcute
:واو: :واو: :واو:

fatoom

13-01-2002, 01:51 PM

اييييييييييي هاذي .....بعد ما قلتيلي القصه
ما نمت ........كله منج .........
بس وااااااااو روعه .....

أقول روري إذا لولي جنبج و تقرا معاج .....
طقيها و قولي لها وين مشاركاتج إهنيه....:غضب:
أي بس وحده ....

Loly

13-01-2002, 02:14 PM

orange road شخصيتج وايد تعجبني و تلوينج روعه!!!و لاتخافين بطرش

لج الرسمه أول ما أحبرها ok!!

toto,كروسيس واااايد واااااايد( cute) ياريت إتلونينها please ok!!

اخوي ZAYERMA7, الرسمة حلوه والتلوين بعد احلى بالنسبه لمبتدئ و

اتمنى إننا إنشوف لك مشاركات ثانيه في المستقبل...

:o إلى الدكتورة رانزي:

إتجصين على مين يا عيني:غضب:

رسمج يهبل سامعه :غضب: :غضب: وأحسن لج إنج إتحطين شخصيه و إلا...

وهاي الكلام مب موجه لها بروحها, سمعتوا

tmو aya وخاصة الفيلسوف SHAHEEN!!

بس شاطر إتعلق ..وين رسوماتك ها؟؟ وين وين؟؟

على العموم هاي نفس شخصيتي بس لما تكبر....

أوه :واو: كنت بأنسى rori........إخرسي!!!

fatoom

13-01-2002, 02:30 PM

اااااااه اتينن زين سمعتي الكلام لولي .....
وايد حلوه .......;)
فيوووووو فرطت من الهوشه :D :D :D

aya brea 4000

13-01-2002, 02:56 PM

جااايز انتم فنانين بشكل مو طبيعي..ما شا اللة عليكم..فن طالع من عروقكم
واعجبتك القصة توتو ..انا الايام هاذي صايرة مؤلفة.ولولي رسمتك واللة تهبل اول ما شفتها علبالي لقطة من اشرطة انيمي ..وانت ما تدرين شنو قصتي مع الرسم لاتلوميني علشان ما حطيت رسماتي..اقري الموضوع الي كاتبتة(( قصتي مع الرسم غريبة)) وراح تعرفين شالسالفة من طقطق لسلام عليكم
...اهيء اهيء ...;)

Loly

13-01-2002, 03:09 PM

toto إنت أحلى

و aya , شكرا على كلامج الحلو , مع إني مبتدئه في الفوتو شوب

و أنا وااااااايد sorry :(

أتمنى إنج تعذريني توني جاريه شسالفهsorry!!

بس تعرفين رسمج وااااااايد فظيييييييع و ياريت إنشوف أكثر ...;)

shaheen

13-01-2002, 05:06 PM

احم احم...

روري... لولي...

ما اقدر اقول شئ..

غير ما شاء الله عليكم

رسمكم كأنه أنمي حقيقي مأخوذ من الانترنت...

اما عن رسمتي فهي قادمة لا محاله

ههههههههههههه:p

fatoom

13-01-2002, 05:49 PM

هههههههه....اوكي نتابع ....;)

متى يا شاهين متى ؟؟؟؟؟؟؟؟؟

fatoom

13-01-2002, 05:59 PM

fatoom

13-01-2002, 06:04 PM

;)

shaheen

13-01-2002, 07:21 PM

واخيرا يا اخواني واخواتي..
شخصيتي الحربية هههههههههههههههههه
مابخلص من الهواش انا
هذا يشتغل في صيد الوحوش طبعا اللي وراه صديقه واللي يموت بعدين بسببه..
هو مايستخدم اسلحة لانه مايخاف من الوحوش ويقدر يتغلب عليهم بذكائه ماشاء الله عليه:D

Loly

13-01-2002, 08:54 PM

فطوم , يا السوسة إ.ت.ه.ب.ل:واو:

فظييييييييييييييعة ,إتجنن,في منتهى ال(نونو نووو نو و ال لا لا لاااااا لا)

pleeez Toto لونيها!!!!

و شكرا يا شاهين على إطرائك .....و شي ثاني يا شاهين,:o

اتعرف إن رسمك يهبل و في منتهى الروعه!!:غضب:

وياويلك لو مرة ثانيه خشيت روسوماتك فاهم:غضب: :غضب:

مب من مصلحتك ok":"

orange road

13-01-2002, 09:36 PM

فطوم اللئيمة.... اكرهج وانتي تعرفين من زماااااااااان........:غضب: :غضب:

شاهين.. حلوة الرسمة... والله اتعجب من اللي يرسمون وحوش.. اقدرهم لاني ما اعرف :D

Rex

13-01-2002, 09:46 PM

Everything cool!!:)

أنا أموت في شيء اسمه وحوش!!
خاصة الغير مألوف منها

fatoom

14-01-2002, 03:08 PM

woooooooooooooooow
coooooooooooooooool
حلوه شاهين .... حلوه الرسمه .....
بس حرام أيموت رفيجه ...عورت قلبي ...:(

MZM

14-01-2002, 09:17 PM

الله واكبر كل هاذا صار و انا قاعد ادرس
المهم ما فات شيء ان شاء الله ..........
تحيه كبيره للفنانتين روري و لولي و رسمك يا روري قوي حيل حيل و رسم من النوع الحاد و الواضح و سب و قلت لك رسمك للايدين يعجبني و لولو الظاهر انها رومانسيه ورسمها رقيق جدا و قمه في التعبير و ما انكر انه يذكرني برسامه المنتدى الكبيره ( اتعرفونها اكيد )........
ام انتي يا خلودوه ليش بخيله ......... رسمك جميل جميل جدا جدا و استخدامك لبرامج الرسم متقن حيل حيل و يا ليت نشوف المزيد على شان اتبطلين كلام و تتحفيننا برسمك الرائع .(( انتي فنانه و انا ما ادري)).;)
اما انت يا شاهين ....... رسمتك بردت قلبي ...... لانك الرجل الوحيد اللي رد اعتبارنا (نحن الرجال ) في هاذي الحرب و صد الهجوم الفني القوي الاكثر من رائع علنا حنا المساكين .
و رسمك فيه ثقه جميله و لا و بعد استغلالك للفراغات و توزيع الخطوط تدل على رسام مخضرم و ما شاء الله عليك .

بس ما كاني نسيت شي كبير حيل حيل . :واو:

الحقيقه اني ما نسيت بس تناسيت اتكلم عن فنانة المنتدى و يكفي اقولها انتي تدرين يا فطوموه انا شنو ابي اقول لاني بصراحه اقضي و قت كبير على الانترنت امدح رسمك المعبر و رائع ((( بس شاركي بعيال مو بنات )) :D

اما بالنسبه للمشاركه فهي لشخصيه استوحيتها امس بالليل و هي شخصيه لمقاتل و سيم و يتقن فنون القتال و خاصه فن التنين و النمر ويسمى بفن الكونج فو وهو صبور جدا و اسمه ............ صبر اشوي ....... الظاهر اني نسيت اسميه ........ ما ادري ...... جو....... لي .........ريكس ......... و الله ما ادري بس الظاهر ان اسم ( ريكس ) فيه اثاره اكثر .
و ما عليه ادري ان الرسمه حجمها كبير بس على شان اوضح التفاصيل الصغير و لا تنسةن النقد .

ملاحظه لتي ام 3 :
نريد ان نستمتع برؤيه فنك الجميل .:D

Rex

14-01-2002, 10:45 PM

بصراحة رسمتك روعه يا MZM
وأكثر ما أثار استغرابي هو النمر الذي في الأمام!!
ما شاء الله عليك والله ... خليته كأنه حقيقي!!

:واو: :) :p

orange road

14-01-2002, 11:14 PM

اي والله ما شاءالله عليك.. انا بعد انبهرت بالنمر اللي جدام...
تحس انه صورة ملصوقة.. والله اتقنته عدل... خطيييييييييييييييرررررررررررر:D

ممكن خدمة اخ mzm؟؟؟ ?: (عاد الحين اسوي روحي مؤدبة)...
التنين اللي رسمته في الصورة وايد حلو.. ممكن ترسمه مرة ثانية بشكل اوضح في صورة بروحه..؟؟؟
يعني اذا تقدر.. :)

shaheen

15-01-2002, 12:29 AM

شخصيتك يا ام زد ام
رائعة بالحيل

رائع في رسمك وتصورك وخيالك:)
النمور رسمها متقن ورهيب
التنانين بعد حلوين بل ممتازين.. عجبوني وايد!!
الشاب الوسيم ذكرني بكراينج فري مان
بس اللي استغرب منه لبسه.. كأنه في عصر مستقبلي او ينتمي الى عصابة معينة

بس بصورة عامة راااااائعة...

عندي ملاحظة بعد... رسمك بالرصاص وتظليك ممتاز بس لو تعطي درجات غامقة زيادة يكون افضل لان رسوماتك شبه محددة وخوط الاوت لاين الخارجية خفيفة غير واضحة..وبس..مع محبتي ماجد.. اقصد شاهين

Rewayah

15-01-2002, 09:01 AM

رسوماتكم روعة شباب!

روري رسمتش يهبل!
وايد خيالية!
وبعد أختش لولي!
رسمها هادئ! :)
وكل رسومات الموجودين قمم!
أنا بعد بشارك جريب إن شاء الله. :)

حياكم.

fatoom

15-01-2002, 09:37 AM

صج رسمك ايننننن mzm فظييييييييع .....و
ولا يهمك راح أرسم شباب ......ولا يهمكم ...
أرتحت روري .....راح أحط لج شباب ;)
و بدون قيرل فرند :D

Rori

15-01-2002, 09:10 PM

شكرا MZM وايد ...
رسمك الصراحة ...COOOOOOOOOOOOOOOOOOOOOOOOOOOOOOOOL
OUTSTANDING
& SOOOOOOO UNBELIVEABLE
بالعربي يطير العقل ...الشخصية روعة ,و طريقتك حج رسم النمور ولا اروع
احس الحين بينطون من الرسمة ...
رواية THANX ويالله احنا ناطرين مشاركتك يالله ابهرنا يا استاذ رسمك انت بعد روعة..

:) :) :) :)

Rori

15-01-2002, 09:20 PM

TOTO ايوة جي تعجبيني MY DEAR
وخلية ايهبل OK
علشان اقول انا مالي HEHEHEHEHEHEHEHEHEHEHE!!!!!

OK
اللحين هاي شخصية بعد من THE NIGHT DARK QUEENS بس هاي اللي احبها مووت
اسمها D.D.DRACULA وهي VAMPIRE QUEEN
قوتها الخفافيش و الحب ..نعم LOVE
وهي ارق وحدة فيهم والSWEET HEART مالتهم,,,
;) :) :)

Rori

15-01-2002, 09:26 PM

OOPPSS نسيت
اسفة اخوي REFLEX

رسمتك حج الوحش اتهبل لك موهبة فظيعة في رسم الوحوش
تشنة صجي ..اتحس شوي وبياكلك

ههههههههههههههوووووووووووو‍‍

shaheen

15-01-2002, 10:27 PM

وينهي لولي؟؟؟
رسمتك للفامباير عجيبة يا روري.. انتي تحبين هالنوع من الرسومات وايد..
رعب على بنات:) بس حلوات
ماشاء الله اسلوب رائع وموفق!!
استمري يا اختاه... واحب ان تنوعي في اساليبك حتى توجهين موهبتك الى اوسع مدى:)

orange road

15-01-2002, 10:33 PM

روري.. رسمج رووووووووووعة.....
ابي بعد......................................

تعرفين فايدة المنتدى خلتني ايمع رسوماتج انتي ولولي وفطوم...
وبعد رسوم اعضاء المنتدى اللي ما اعرفهم شخصيا..

وقولي حق لولي تطرش لي الرسمة اللي وعدتني فيها.. فهمتوا؟ :غضب:

Rori

16-01-2002, 01:03 PM

شكرا orange road انتي احلى من كل رسمي ,ورسمج ايجنن وتلوينج روعة ...لا تخليني اصيح الحين :( مممممممممممم!!

اخوي شاهين ,thank u زين ان اعجبتكم الرسمة .. بس ترى انا مب بس ارسم وحوش ..ارسم بعد اشياء ثانية وعندي قصص وايد كل وحدة لها طابع معين بس خلني اخلصهم واحطهم هني ..بس انا حبي الوحوش

:D :D :D

Loly

16-01-2002, 02:34 PM

Rori ,حبج برص

REFLEX الوحش شكله وايد ..وايد ..إي ‍‍وايد يخرع...

و MZM رسمك في منتهى الروعه,صج فنان...النمور إتجنن!!!

,الزعيم روايه :o

جاعد إتلف و إتدور, وين رسوماتك؟ها؟؟؟:غضب:

أعرفك ,ترسم من ورانا ,أبي أشوف رسوماتك إهنيه OK:غضب:

هاي شخصيه ثانيه,
بنت دلوعه إسمهاCLAIR و هي وحيدة أبوها

المليونير إلي _لاحقا_بتشوفه مقتول جدامها و من يومها بتبدل ألعابها

بالمسدسات عشان تنتقم... هاي شكلها و هي صغيرة_نفس العمر إلي بتشوف في أبوها مقتول_....

Loly

16-01-2002, 02:49 PM

وهاي شخصيه ثانيه

إسمها مي ,و هي إتموت في أمها و تحبها حب ولا بعده حب!!!

كل ما قالولها شي قالت :أمي,أمي,أمي....

إتنادي أبوها_إلي علىطول مسافر للشغل_:زوج أمي

و إتنادي خالها_طالب في الثانويه_:أخو أمي...

و لقبها المفضل(دلوعة ماما):D

Loly

16-01-2002, 02:53 PM

و هاي نفسها بس غيرت شكل الفقاقيع:o

tm13

16-01-2002, 04:48 PM

REFLEX

الرسمه حلوه ولك طريقه خاصه للتلوين;) MZM
ما اقدر اسميك الا (ملك الرصاص) رسمتك متقنه بشكل كبير

:) وانشاء الله مايكون خاطرك الا طيب وهذي وحده ...... Rori

:واو: رسمتك تجنن يعجبني الاسلوب هذا ولمعت الشعر ________ودراكولا _______ Loly

شخصيه حلوه وناعمه ...رسوماتك بشكل عام ناعمه ...اكيد طالعه عليك :D

Rewayah

16-01-2002, 05:03 PM

OH MY GOD RORI!! SIMPLY OH MY GOD!!!! :واو:
NOTHING ELSE TO SAY!
والله العظيييييم محترفة! :واو:
يا خطيرة الفنتاسيا!

وايد رسوماتش ثمينة وتشحذ الأفكار!
مشكورة ويزاتش الله خير! -_^

الرسمة على درجة كبيرة من الجودة والأتقان! @@
موتي وحياتي أي شيء EVIL :D !

يعطيتش العافية والله يزيد أبداعتش أكثر وأكثر!

:)

روري, كلير ومي وايد جميلات وبريآت... فكرة قصة كلير جلبتني رأساً على عقب! تدرين ليش؟!؟!
لأنه طلَّعتينا من الروتينيات السخيفة مال اليابانيين يا أختي الكريمة!
بتتسائلين كيف قدرتي عل ذلك؟! بسيطة!
رسمة الشخصية من النوع الكيوت الظريف والقصة أو الحبكة من النوع الإجرامي أو "الساسبينس"!!
يعني طلعتي شيء مبتكر!! :)
بس أرجوا إذا رسمتي كلير كبيرة لاحقاً, تظل كيوت OK! -_^

أوووه... بالنسبة لمشاركتي هني, والله ما أنتبهت ولا خطر على بالي!
لأني كنت مشغول في موضوعاتي وخصوصاً الدروس مال الرسم!!
بس ولا يهمتش بشارك في أقرب فرصة, وإن شاء الله تعجبك المشاركة!

God blesses you with your work and improves your talents day by day!

:)

orange road

16-01-2002, 06:19 PM

لولي... شهالرسم الحلو؟؟؟
وروري.. اكرهكم..
يا ريتني ضربتكم اليوم عدل لما جفتكم في الجامعة.. معليش خيرها في غيرها..

Rori

16-01-2002, 10:08 PM

رواية..thank u مع ان رسمك احلى بوايد ,,,وانا اموت في الخيال وايد
والvampires حبي الابدي ..,ولسة في شخصيات وااااااااااااااااااايد باقية..

orange road زين فلت من يدج ,, im saved oh my god
المرة الجاية ان شاءالله ok dear اذبحيني ok

wyna62

17-01-2002, 10:20 AM

اهلا هذه اول رد في موضوعك Rori;)
المهم شخصيتي هذه من قصة االماانجا/انمي الي الفاها فريق عمل من صديقاتي و انا و مع اختي
هي تقريبا مجله اسمها( Peace Angels ) و احنا في الجزء الأول علشان كذا انا ما اشارك كثر في
المنتدى و عشان الأمتحانات ;)
هذه الصوره لأحدى الشخصيات الرئسيه بس هذه مو الصوره الأساسيه لها .:p

orange road

17-01-2002, 03:04 PM

معليش..
مب كل مرة تسلم الجرة يا روري..

Loly

17-01-2002, 03:20 PM

thanx guys!!

tm13شكرا على هالكلام الحلو,

و زعيم_روايه_ أشوى إن القصه إعجبتك ,لإني كنت أحس إنها سخيفه

بس إذا اعجبت الزعيم, خلاص ما عليها كلام:D

و شكرا وايد orange roadإنت رسمج أحلى بس لا اتعصبين علينا ok;)

Loly

17-01-2002, 03:24 PM

و wyna62 ,رسمتج وايد فظيعه , ياريت اتحطين باجي الشخصيات عشان

رسمج وايد حلو ,وخاطري اشوف لج رسومات اكثر;) :) :)

orange road

17-01-2002, 05:10 PM

ليش اعصب يا لولي؟؟ ?:
بالعكس.. ترى انا وايد استانس لما اجوف رسمكم انتي وروري..
انا جفت الدفتر اللي عند فطوم.. وكان روعة.. متعة حق العين..
كيفكم.. باخذه منها وبادخله بالسكانر عندي وبالونه...
عندكم اعتراض؟؟ :غضب:
اكيد لا :D ;)

والله رسمكم يفتح نفس الواحد حق الرسم..
الله يوفقكم ثنتينكم..

shaheen

17-01-2002, 06:48 PM

شخصياتكم روعة تصدقون؟؟؟؟

روري ولولي.... هل انتما اختان فعلا؟؟؟
ارى ان لكل واحدة اسلوب جميل مختلف:)

لولي... شخصية كلير وايد حلوة وقصتهه جديدة وافكر شلون بتصيغينها؟؟؟؟
شخصية مي الدلوعة... رسمها وايد حلو وفكرة الفقاعات ممتازة..
والوانها رائعة..

ماشاء الله عليج... ووفقك الله

shaheen

17-01-2002, 06:51 PM

wyna62... رائعة رسمتك وخطوطك اللطيفة

وقد اعجبتني فكرة المجلة..
انت واختك واصدقائك..مجموعة من الفنانات تتعاون على عمل مجلة.. شئ رائع
ملائكة السلام.. اسم رائع.. اتلهف لرؤية المجلة:)
استمروا وانشاء الله نرى المجلة قريبا!

tm13

17-01-2002, 09:04 PM

wyna62

رسمتك خيــــــــــــــــــــــــــــــــال :واو: :) وفكرتكم حلوه وانشاء الله تنجح.............ومرحبا فيك بعد الفتره الطويله:D

wyna62

18-01-2002, 03:16 PM

tm13 : أن شاء الله ادعي لي..

شاهين : أنت تتريق هااااا ؟؟ :p أن شاء الله نخلص المجله و قريبا بحط صور عنها و اتكلم عنها أكثرررر..
و يا رب تعجبكم :)

لولي : شكراااااااا و أنتي كمان شخصياتك حلووووه .... خاصه مي :D :D

Rewayah

18-01-2002, 05:51 PM

اليوم بخلص رسمتي إن شاء الله! :)

Rewayah

18-01-2002, 05:53 PM

أختي الكريمة روري :)

هاذي الرسمة اللي وعدتكم فيها!
متواضعة وبريئة... بس ما أتقارن برسمكم أنتي وأختش وفطوم وأورانج رود المرح الكيوت
المحترف... أدري... تعودتي تشوفين مني أشياء شريرة :":
رمستي كلها ألوان مني واك... :":

أسم البنت ران إذا حبيت أتعرفين, ووحشها رايمو :)
ران ورايمو في الخدمة!

ياراب تعجبكم وتنال رضاكم! :)

تحياتي :)

orange road

18-01-2002, 07:56 PM

حلوة الرسمة يا اخ رواية..
ذكروني بميمونة ومسعود... :D

orange road

18-01-2002, 08:02 PM

حلوة الرسمة يا اخ رواية..
ذكروني بميمونة ومسعود... :D

Rori

18-01-2002, 09:53 PM

wyna شخصيتج فظيعة ورسمج منجاوي 100%
cooooooooooooooooooooooooooooooooool girl
استمري ابي اتشوف اكثر ok

اخوي rewayah الرسمة وايد cute
its so adorable
المخلوق اللي مع البنت ايجنن و البنت sweet
تشكر على هذة المشاركة يا زعيم ..thank u boss
:D :D :D

Rori

18-01-2002, 10:12 PM

ladies & gentelmens
هذة مشاركتي الجديدة

هذي قصة عن اسطورة الامبراطورة altamera اللي ولادتها غيرت اشياء وايد ,
في عالم الفانتازيا dragons ,deamons والفرسان الابطال هذة الاميرة بواسطة قوتها العظيمة بتنقذ عالمها من الاشرار .وهي اول من شكل جيش كلة بنات cooolصح بس بنات...
واخر شئ اتفكر فيه هو العرش المنتظر , من خلال مغامراتها تتعلم معنى ان تكون امبراطورة نبيلة وشلون اتحب اختها من مرت ابوها الثانية (ادري يا toto انت تكرهينها) لانها تحسب ان مرت ابوها هي سبب موت امها ولازم ماترافق اختها ياقوت .....
جر جر جر جر جر جر القصة طويلة وفيها details وايد يبيلها قعدة ..
اية نسيت اقولكم هي تملك قوة التنين الابيض الاسطوري ,اما اختها ياقوت تملك قوة التنين الاسود

على فكرة صج ام ياقوت تكرة altamera بس ياقوت اتحب اختها وهي رقيقة رغم ان قوتها سوداء بس للاسف altamera مابتحب اختها الا في الاخير ,,
;) ;) :D :D

Rewayah

18-01-2002, 10:30 PM

يا خطيـــــــــــــــــــــــــــــــــــــــرة أنتي :واو:

ماء شاء الله! تف تف تف... عين الحسود فيها "عسكريم" :D

وايد خبال الشخصية يا روري!
والقصة ولا أحلى! :واو:
أتحبين تكتبين قصص وروايات يعني -_^ !
ولا بس تأليف؟ :) إذا تشذيه, لا تنسين تدونينهم في كتيِّب صغير!

ما شاء الله! زيدي زيدي زيدي من هالرسومات اللذيذة والمستساغة! -_^

قصّة: شوه؟ ... "لذيذة ومستساغة"؟!؟!؟! "حشّا"... هاي أكلة مو رسمة :أفكر: ؟!؟!؟!
سيدي رواية, يوعان أنت؟ ?:

رواية: إيه يوعان!... يوعان رسومات يا قصّة! :o

شكراً روري ويعطيتش العافية!

تحياتي :)

Rex

18-01-2002, 10:35 PM

الرسمة روعة!
والقصة أيضا!!

أفااا وين الرجال راحوا عشان يستوي جيش كامل من البنات!! هههههه:D

keep it up :)

Ranma Saotome

18-01-2002, 10:55 PM

الرسمه حلوه وماعليها أي غبار
القصه حلللللللللللللوه COOOOOOOOOOOOOOL و fantastic
أول شي شفته في الرسمه أن العين طالعه فوق خصلة الشعر
وثاني شي أن رسماتك كلها نفش الشكل
يعني كأنه نفس الشخصية تلبسينها باروكه وتغير ملابسها وخلاص
أنا واااايد معجب برسمك لأنه روعه لكن مثل ماقلت أن الشخصيه نفسها نفسها

shaheen

18-01-2002, 10:55 PM

روري شخصياتج ما احلاها....

ماشاء الله عليج فنانة موهوبة

ومؤلفة بعد.... بس يا ليت نشوف رسومات من القصة (متلهف)

وحياك الله يا ليث.. نحن معك!

وكما يقول ريفلكس.. اين الرجال في القصة يا روري؟

fatoom

19-01-2002, 06:56 AM

روري ليييييييييييييش ما حطيتي ياقوت ؟؟؟:غضب: انا و نيكي
نكره ألتميرا ;) نبي ياقوت .....وايد أطيب و أحلى .....ههههههه
هي لا تزعلين حبيبتي انا أموت في رسمكم و قصصكم ....
وأكرهج لين تقتلين حد فيهم ....;) (لا تصدقين أحب الدراما ):D

orange road

19-01-2002, 10:35 AM

حلوة وايد رسمتج روري..
انا وايد يعجبني رسمج..
بس القهر اني ما القى وقت اقعد وياكم علشان تقولين لي القصص.. :(

رانما... غريبة انك تحس جذي.. بس الاحظ وايد ناس يستعملون هالاسلوب.. يعني.. يرسمون الويه تقريبا متاشبه ويغيرون في لون العين وتسريحة الشعر والثياب... جذي اسهل اذا كان عند شخصيات وايد في القصة وانت للحين مبتديء...
قبل كنت جذي.. الحين احاول اغير في الملامح شوي.. بس بعد.. لما ارسم شخصيات حق قصص.. تلقى ملامحهم متقاربة.. اسهل جذي يكون لي في الرسم المتكرر في الشخصية.. :أفكر:

MZM

19-01-2002, 11:37 AM

شكرا شكرا شكرا للجميع .
بصراحه كلامكم يرفع المعنويات و الظاهر اني شفت فن غير شكل طلع من الاخت wyna62
يا سلام عليش رسمش يفتح النفس ............. لا و اللون الوردي عجبني حيل و العيون جميله اتصدقين كان على بالي ما في احد يعرف كيف يرسم العيون باحساس غير فطوموه ........... بس الظاهر فيه فنانين كثير يملكون حس مرهف ........... و كله كوم و الشعر كوم ........... يا خطيره انتي يا فنانه . اتمنى اشوف رسم اكثر و اكثر منك . و تراني طماع حيل حيل ما تشوفيني عقدت خلودوه المسكينه لاني اقولها رسمك يا خلود قليل ... بس رسمها مو قليل انا اللي طماع .......... بس من حقي اكيد .. خلود فنانه و MZM يستاهل كل خير :D

اما انتي يا TM13
الله يصبرني عليش يعني اقولش ارسمي رسم جديد ........... نبي رسم حديث العهد ..... و اقول بعد الله يصبرك علي :D
لاني مثل ما قلت طماع حيل حيل ...... و على فكره رسمك القديم لو حطيتيه مليون مره في المنتدى را اقول انه جميل جميل جميــــــــــــــــــــــــــــــــــــــــــــــــــــــــــــــــــــــــــــــــل جدا جدا جدا . بس نبي جديد

REFLEX
نسيت و الله اعلق على رسمتك ......... العذر و السموحه و هاذي حبت خشم .... رسمتك لراس الحية هاذا اذ كانت حيه .. اكثر من روعه و انا شفت ها الرسمه قبل ها المره و بكل صراح شفتها للمره الثانيه و كأني اشوفها للمره الاولى ... صق قدره و تحكم في التظليل و لاتنسى (((( انا طمــــــــــــــــــــاع )) و الله يعينك علي

Rori
يا سلام ..... و انا بعد اقول الحسود ابعينه قمبله ذريه :D
سبق و قلت يا صاحبت القلم الحاد فنق قوي وواضح جدا جدا ...... و اخلب الرسامين تكون خطوطهم متردده بس انتي ما شاء الله عليكي .... قدره مميزه في التوضيح و رسم نظيف جدا . ما شاء الله
بس يا ليت تتعلمين من اختش لولي اشويه حنان و رقه على شان ما يصير اسلوبش واحد بعدين تتوهقين وما تقدرين اتغيرينه . و لان اختش لولي عندها حنان و رقه بالرسم زايده و حلوه حيل حيل

Loly
هي هي هي ما اقول الا يا ام الاحساس خفي علنا اشوي ........ رسمك ما شاء الله معبر و كله رقه

Rewayah
اما انته يا روايه تثبتلنا كل يوم انك استاذ كبير شفتي يا روري اشلون غير اسلوبه مثل الحرباءه ........ ليش ...... لانه استاذ كبير ما يمشي باسلوب واحد و انما يطور فنه بشكل عام و بكل الاساليب و هاذا ما يمنع التركيز على اسلوب معين اكيد ........... يا استاذ يا كبير انت :D

و الى الامام للجميع يا فنانين و يا فنانات و هاذي تكشيره كبيره قبل ما اروح :D

Rori

19-01-2002, 01:38 PM

اه شكرا جميعا ياريت امي تقرا هاي الكلام ...ترى هي اتقط رسوماتي في ..إهئ إهئ إهئ..:( :( الزبالة

المهم اشكركم كلكم لانكم رفعتو معنوياتي 9000000000 درجة فوج
:": :":
وان شالله بحط ياقوت عن قريب يا toto ;)

thank u all so much باصيح.....!!!

والحين هاذي شخصية بعد غير ,,
اسمهاvectorya وكانت تدرس الاحداث والجرائم في الجامعة بس بعدين غرها جمالها فصارت عارضة ازياء معروفة ومغنية مشهورة ,,ابوها ميلياردير
واخوها الكبير ضابط معروف في الشرطة
مرة من المرات كان ابوها مسوي حفلة علشان شركتة ربحت وايد فالشركاء اللي اخسرو احرقو المكان فمات ابوها واخوها وهي احترق ويها وبعض اجزاء جسمها والكل حسب انها ماتت
بس كان في عالم خبير شاطر في سوالف زرع الاعضاء الصناعية وعمليات التجميل فأعاد تشكيل شكلها الخارجي وزرع فيها اعضاء الية بدل اللي احترق هو قام بذلك علشان هو مخلص حج ابوها اللي مرة انقذ حياتة وخلاة برفسور كبير ,,طبعا كل هاي صار بالسر وvectorya غيرت اسمها الى alexandra james , والحين عادت وكملت مهنتها كمفتشة مباحث
كبيرة ولها صيت كبير (نفس كونان) وتحاول تكتشف مين اللي كانوا السبب في موت ابوها واخوها مع اصدقائها ....اخيرا اوووف خلصت

ايه ترى هي وايد قوية ودمها بارد ثلج واثقة من نفسها 16789000%
وماتخاف من حد :D بطلة ...لولي تكرها ليش مادري ..?:

fatoom

19-01-2002, 02:56 PM

اي والله جان زين ......المهم انا أشوفه صح :D هي هي هي
المهم روعه آخر مشاركه اتييييييييننننننن ;)
:واو:
:غضب: وين ياقوت؟
ابيها ابيها ابيها ما لي خص:(

orange road

19-01-2002, 03:34 PM

روري...
شنو هالرسم الحلو والتلوين الاحلى؟؟؟
وامج تقطهم في الزبالة...
الله ما عطاج اللي عطا فطوم.. لو تدخلين بيتهم تلقين رسوماتها الحزرة والعتيجة مبروزة ومعلقة..
ترى اهلها وايد يقدرون رسمها..
وآنا بعد.. بس مب الكل.. :(

روري .. ترى نبي بعد.. ولولي بعد..
يا ويلكم اذا ما حطيتوا اكثر..

fatoom

19-01-2002, 03:47 PM

الله الله بدا الحسد بدا الحسد:D
هههههههههههههههه إلي يقول خلودوه ماعندها لوحات في البيت ...;)

shaheen

19-01-2002, 06:41 PM

عجبتني وايد شخصية antegra مادري alexandra ...رسمها وايد حلو وشخصيتهه باينة واضحة.
والقصة رهيبة مع اني كأني شايفهه في فيلم بس متأكد انج بتسوينهه غير واحلى... على العموم انا نفس الشئ أتأثر بالافلام واحيانا اخذ قصة معينة عشان ارسمها...
بيني وبينج كل ما افكر في فكرة اشوفهم سووها فيلم ههههههه

بس عندي سؤال:
هل شخصياتج كلها قوية؟؟؟؟
اشوفج كله ترسمين مقاتلات:)
ليكون شايفة روحج قوية؟؟؟؟:غضب:

ههههههه على العموم نبيج تنوعين!:D

Rewayah

19-01-2002, 07:19 PM

روري تسلم إيدتش!! :)
وكثر الله إبداعتش!

تدرين! شخصياتش قوية ولامعة ومن النوع الجيد الذي يصلح للتنفيذ فوراً! :)
يمكن لأي شركة أن تشري شخصياتكِ وبدون صقل! مااا شاااء الله عليتش! :)

الرسمة وايد عجبتني والخلفية الدرامية لنفسيتها متقنة كثير....

يعطيتش العافية روري! :)

بس تدرين! أنا عندي أقتراح إن شاء الله يعجبتش!

لا تخلين أخو فكتوريا يموت في الحريق مع أبوه!
خليه هو بعد يشوَّة ويتم عايش في الظلال بحيث أن فكتوريا تبحث في المجرمين اللي تسببوا في مقتل أبوها "وأخوها"... وأخوها في الخفاء يساعدها وهي ما تدري :)
ولو تحطين بعد جرعة من التعقيد والغموض بحيث أخوها يعتقد إنها هي بعد ماتت في حريق الحفلة, ويساعد هذه الفتاة الغامضة ""فكتوريا"... عشان يقضي على المجرمين والإجرام عموماً.
وطول الوقت ما يدري إنها إخته "لأنها مسوية عملية تجميل" ولا يدري سبب كرهها لهؤلاء المجرمين بالتحديد!
طبعاً سرعان ما تنكشف الحقيقة! لأنه مثل هالنوع من الأسرار ما يستمر دام أنه الأخوين مع بعض!
وكل واحد بيروي للثاني قصتة!
وبعد كل هذا بيشكلون ثنائي تحري ممتاز!

شو رايتش؟ :)

يارب تعجبتش -_^

وحياكم.

Rori

19-01-2002, 10:20 PM

toto ان شاء الله من عيوني الاثنين بارسملج ياقوت عن قريب ..
orange road ياريت ايقدرون رسمي ,,امي اتسمية خرابيط ..بصيح
waaaaaaaaaaaaaaahhhhhhhhhhhhh!!:( :(

اخوي شاهين لا انا مااتشوف نفسي قوية !! بالعكس انا وايد جبانة :":
بس مب وايد وايد !!واحب اخلي شخصياتي قوية علشان انا اكرة الضعف رغم اني شوية جبانة ..واكرة لما البنات بالذات مايعرفون يدافعون عن نفسهم مثال انا اكرة (ليدي ليدي)لان ماعندها غير الصياح !!
بس بعدين انا بعد مسوية قصة عن شلة صبيان (هاي احدث عمل لي) ومغامراتهم كل يوم في حياتهم اليومية ويحاولون يكونون cool ان شاءالله بارسمهم عن قريب ..واسم القصة almost cool

اخوي rewayah الفكرة وايد اعجبتني وايد فيها غموض ومغامرات , بنفذها وايد اعجبتني انا نفسي سبحان الله حسيت ان في القصة شى ناقص وشكرا على تنويرك لنا يا زعيم !!
thank u soooooo much for ur bright ideas
وترى انا استوحي معظم قصصي اما من اغاني اجنبية او افلام اجنبيةaction ,horror

وصدقني اخوي rewayah انا ماعرفت قيمة رسمي وقصصي والشخصيات اللي ارسمها الا لما اتعرفت على فطووم toto
toto my dear friend i love u so much thank u 4 every thing u did to me & to my sister loly
ايه نسيت ترى انا ولولي خوات صج odd huh!!:D

MZM

19-01-2002, 10:43 PM

و هاذي الرسمه حق خلود بس مو الرسمه اللي طلبتيها ........:D
لا ... و بعد لونتها بالفوتوشوب على شانك بعد ;)
الرسمه اللي طلبتيها قيد التنفيذ

shaheen

19-01-2002, 10:54 PM

unbeleivable
!!!!!!!

اقلد على بعض الناس

wow.. cool... u should leave this forum and work in DRAGONHEART2
انت راسم هذا التنين؟؟؟

وااااااااااو روعة ممتاز فنان معتبر

اشوفك يا مجنون الرصاص... بتصير مجنون الفوتوشوب عما قريب.

رسمة راااااااااائعة والله... تحس بالحركة والحيوية!

زدنا بهالنوع... :) 100%

Rex

19-01-2002, 11:04 PM

الله الله الله عليك يا عفريت!!! يا MZM !!

طلعت المواهب طلعت!!
مادام تلوينك ومؤثراتك بهذي الروعة !!
اذا قم بتلوين رسماتك على القدر الذي تستطييييييع!!!

شكل رسم التنين كأنه رسام محترف!!
أقول يا MZM ...
أنت كم جلست في الصين!!:D

بصراحة شوقتني أكثر لرسوماتك ...

Ranma Saotome

19-01-2002, 11:48 PM

آخر شخصيه حطيتيها يا روري الاحلى بالنسبه لي وقصصك وايد روعه
وجاء الاستاذ روايه وكملها بقصه أروع
ولا الشيخه تبين تسوين قصه عن شباب الدوحه ( مستعيد لأي مساعده )
مع أني من شباب الدوحه لكن أكرهم كره.. طبعا مو كلهم
ألا تعالي روري... انتي مسميه نفسك على الشخصيه اللي في martial successor nadesico ؟
وبعد يا mzm كالعاده رسماتك هي الفن نفسه وتلوينك ممتاز وحلو... ليش ماتلون عيل رسماتك لأنها راح تطلع روعه
عندك رسوم عن التنانيين وايد ولو تلونهم كثل ماسويت آخر رسمه راح يكونون أحلى وأحلى

tm13

20-01-2002, 05:10 PM

Roriرسمتك حلوه وشخصيه
":" coooooooool __________________ اما MZM سيد الدقه.......رسمتك عجيبه وابعاد والوان و....و..... كلها حلوه.:) __________________ اما عن شخصيتي ما اقدر احطها الابعد اذن من الكاتب اللي هي صديقتي (nan)

wyna62

20-01-2002, 07:24 PM

الله علبك يا أخMZM انت coooooooooooooool انت فننننننننننننننننان :واو: :واو:
الDragon يجنن و خاصة راسه روووووووووووعه انت تصلح ترسم وحوش و تنانين قصتي
ما اقدر اقول غير انك تصلح ترسم مع كبار الفنانين اليابنين و انك لو اشتركت في احدى مسابقاتهم
أكيد راح تنجح:)

روري شخصيتك روعه و القصه احلى تسلم يدك

روايه انت استاذ ما عليك كلام

hawk

20-01-2002, 07:36 PM

ياسلام عليك يا mzm

وش ذا الفن اللى عليك والله انك رهيب

الزاويه و التلوين و المؤثرات مخليه التنين كأنه حقيقي وااااو :واو:
-------------------------------------------
بس اعتقد انك خذت الفكره من هذا

MZM

21-01-2002, 12:43 PM

هي هي هي هي و الله حمستوني يا جماعه
شكرا شكرا للجميــــــــــــــــــــــــــــــــــــع (( يو بـــــــــــــــــــــــــــــــــي )) <<<<<<على قوله كبامارو ايجانو
هاذا الكلام اللي يخلي الواحد يرسم و ينسى التعب .
شكرا شكرا شكرا

hawk
ما شاء الله عليك متابع ممتاز ............... بالفعل انا استوحيت الرسمه من لقطات للتنين الاخضر و الاحمر و التنين الذهبي ........ بس الرسمه اللي انت حطيتها روعه جدا جدا ..... ما ادري انت امنين طحت عليها .........انتصدق انا اموت بالاسكتشات و خاصه من الناس المحترفيه .......... لا و بعد الرسمه هي اللي انا ابيها بالضبط .... شكرا على الصوره شكرا و انا حطيتها خلفيه للكمبيوتر خلاص اذا عندك زياده يا ليت ياليت تدزهم لي على البريد و هاذا طلب و ليس رجاء و اتمنى انك ما تردني (( انا افدى ذا اللحيه انك تقول تم.. تم..تم ))

MZM

26-01-2002, 10:13 PM

ما عليه بس ابي انقطع عنكم اشوي و ما راح اطول انشاء الله كلها يومين و برجع انشاء الله برسمة التنيين

MZM

26-01-2002, 10:14 PM

هي هي هي
الظاهر محد درى عني :D

MZM

26-01-2002, 10:22 PM

و اخيرا اصبح طلب خلود جاهز و اتمنى ان الرسمه تعجبها
و الرسمه عباره عن ( ليفيثان ) من الخيال يراود فكري دائما و ان شاء الله راح اصممه بالبعد الثلاثي لاني احبه من زمان و رسمت رسمه له من سنة 1995 و يمكن شفتوها و كانت الوضعيه مقاربه للوضعيه الجديده
اتمنى ان تحوز على اعجابكم و بالاخص صاحبة الطلب خلودوه :D

ملاحظه :
ليفيثان = افعى ضخمه

shaheen

26-01-2002, 10:44 PM

wonderful

رسمك عجيب يا ام زد ام .. روعة اتصدق لو عنديبرنتر جان طبعتها وعلقتها عندي ...
ماشاء الله عليك فنان:)

حسين-911

26-01-2002, 10:51 PM

وااااااااااو

ماشاء الله انا طبعتها خلصت وبحتفظ فيها للذكرى :)

orange road

27-01-2002, 12:37 PM

شكرا mzm...
واااااااااااااااوووووووووووووووووووو..........
الرسمة رووووووووووووووووووووووعة..................
رهههههههههههههههههههههههههههههههيبة.......

شاقول عنها؟؟

ما مصدق نفسي (على قولة ابلة عطيات)... :D

باطبعها وباعلقها عندي في الغرفة ......

شكرا mzmooooooooooo.... :D على الرسمة.. حازت على اعجابي .. :D

شكرا ...

hawk

27-01-2002, 12:48 PM

ماشاء الله عليك يامحترف :D

Rex

27-01-2002, 03:21 PM

mzm !!
تصدق ...
هذي بصراحة تحفه من حلاوتها راح أحطها خلفيه عندي على الديسك توب;)
متأثر بفاينل فانتاسي :D

وأنا اؤيد الجميع في كل ما قالوه ... :)
بصراحة فنّك نادر جدا ...

Ranma Saotome

27-01-2002, 07:05 PM

والله عليكم فن ماشفت مثله في حياتي
روري انتي فنانه من الطراز الاول
وماقدر أقول أكثر من just say wwwwwwoooooooooooowwwwwwwwww

Rewayah

27-01-2002, 07:48 PM

رانما! ?:
الله يسامحك! :(
يعني معقولة ما شفت رسمة إم زد إم للتنين ليفياثان؟! :)

إم زد إم, رسمتك وايد حلوة!
والظاهر أني ببدأ في أسلوب جديد للتعامل مع رسومات الأعضاء! :)
الفضل للفكرة يرجع لشاهين وحسين والبقية! :)

راح أسوي برينت (بالعربي " بأطبع") للرسومات اللي تعجبني, ورسمتك للتنين بطبع منها نسخة إضافية لتكون صورة الملف المجلد اللي راح يضم هذه صوركم المطبوعة! :)

أبدعت يا رسامنا الرهيب إم زد إم! :)

حياك.

Rori

27-01-2002, 09:15 PM

MZM رسمك لا يعلى علية رووووووووووووووووووووووووعة
:واو: :واو: :واو:
دقة ولمسات فنان موهوب ,,ولك لمسات عجيبة في كل رسماتك والتنين بالذات ,,oh my god coooooooooooooooooooooooooool

المفروض يسمونك دكتور mzm مب mzm بس...

استمر يادكتور mzm ,u r a true artest

Rori

27-01-2002, 09:19 PM

اخوي ranma
شكرا وايد وهاي الكلام اعلى من مستواى والصراحة لازم ينقال حج رسم mzm الرهيييب وشكرا مرة ثانية..

MZM

28-01-2002, 09:18 AM

:O
و الله ما ادري شنو اقول ........... انا ها الحين قاعد اجمع نفسي ..... بعد ما سمعت كلامكم الطيب تفككت صواميلي :D
ما اقول الا (( تسلمون لي يا اكبر فنانين ))
اوف ........ الموقف محرج مره و الله ما ادري شا اقول
:O
:O
احم احم الى الامـــــــــــــــــــــــــــــــــــــــــــــــام للجميـــــــــــــــــــــع يا فنانيــــــــــــــــــــــــــــن

MZM

28-01-2002, 09:25 AM

و الله الفرحه نستني خسارت فريق الكويت الفاظحه في الدوره كلها............. مع اني ما احب الكوره بس انا احب ديرتي الكويت حيل حيل حيل
و الله فرحتوني :)

Ranma Saotome

28-01-2002, 09:37 PM

sorry sorry sorry
أخ mzm والله ماشفت رسمتك لأني كمبيوتري مب معاي وقاعد في انترنت كافيه والنت عنهدم بطييييء ومب طبيعي
إحرااااااااااااااااااااااااااااااااااااج والله مادري شاقول
رسمتك لما شفتها قعدت اتمعن فيها مب 5 دقايق كامله لين جا واحد وصحاني
رسمتك حلوه حلوه واللي يشوف غير كذيه اعرف أن عنده عمى تنانين:D
أصابعي شيّرت وماتعبر تكتب من جمال الرسمه... أخ والله أفكر أطبع رسومك كلها واوزعها على ربعي وأقول لهم ترى أنا أعرف اللي الفنان اللي يرسم هالرسمات وأقعد أتفاخر بينهم بك
رسمه كلها ابداع

MZM

31-01-2002, 08:53 PM

---------------Ranma Saotome-----------------
وأقول لهم ترى أنا أعرف اللي الفنان اللي يرسم هالرسمات وأقعد أتفاخر -بينهم بك
-----------------------------------------

انت احرجتني و الله و اخدودي صارت حمر و اختبصت و الله
بس الواحد لما يرسم مثل ما قال الاستاذ شاهين ( يرسم في وقت مخصص للرسم ) و هذا هو السر
و الى الامام يا فنانين

fatoom

03-02-2002, 01:37 AM

ما عليك كلام mzm :)
فنان ....وروعه هاي التنين روعه....

shaheen

03-02-2002, 06:31 PM

:) يلا عاد نبي نشوف رسومات وشخصيات:)

fatoom

03-02-2002, 06:51 PM

اوكي هاي أحدث شخصيه ....ما كملت قصتها بالكامل ....
بس شرايكم ؟؟؟

Rori

04-02-2002, 01:11 PM

فطووووم
الرسمة اتهبل ابي اعرف عنها اكثر
فظيعة اللمسات الفطومية فيها ,,cooooooooooooooooooool
تسلم يدج يا امر;) ;)

MZM

04-02-2002, 01:16 PM

----------فطوم --------------
بس شرايكم ؟؟؟
-----------------------------

هي هي هي ......... انا اللي باط كبدي انها تقول (ايش رايكم) مع انها تدري ان الرسمه روعه كلها نعومه .
ما شاء الله عليش راجعه بحماس ........ و الله يستر علينا من الجاي :D

العيون مو بس في ها الرسمه انما في جميع رسماتش خلابه و تسحر كل من نظر اليها ....... و الوان العيون غير شكل :D

اي مو قالوها اللي قبلنا انتي فنانه المنتدى :أفكر:

Ranma Saotome

07-02-2002, 11:35 AM

رسمتك روعه مثل كل رسماتك
ومثل ماقالوا الشباب أنها مليانه نعومه
العيون تذكرني بشخصية في الانيمي pet shop of horror لون كل عين غير عن الثانيه
اسم الشخصيه وايد حلو وياريت تحطين لنا ولو مختصر عن القصه لأن الظاهر القصه حلوه حلوه

Rori

07-02-2002, 01:14 PM

هاذي مشاركتي الجديدة ..

بعدين باقولكم قصتهم هي كانت قصة انا مالفتها من ايام الاعدادية بس لغيتها لاني حسيت انها سخيفة

بس الحين حطيتها في بالي وغيرتها شوي
يالا تشوفوهم
:D :D :D

Rori

07-02-2002, 01:17 PM

وهاذي بعد ....

fatoom

07-02-2002, 02:35 PM

اللااااااااااااااااااااااااااااااي حلو روري أكيد هاي الرسمه
إلي كلمتني عنها لولي .....روووووووووووووووووووووووعه
اتييننننننننننننننننننننن ....وايد حلوه روري ....
تسلم أيدج حبيبتي ....
بس في ملاحظه ................

أي وين لولي ؟؟؟
وين مشاركاتها ؟؟؟؟؟؟؟
ولا يوم السبت ما راح تشوفوني (ههههههههه أمزح)

orange road

07-02-2002, 03:35 PM

واو.. روري...

رسمج فظيع..

بس الاسلوب متغير هالمرة.. بس حلو مثل كل مرة.. :)

يا فنانة انتي..

فطوم.. تسألين عن لولي المسكينة؟؟
انت ما تعرفين ان روري حاكرة الجهاز وما تخلي لولي تقعد عليه كلش..
المسكينة لولي.. مظلومة.. :(

Ranma Saotome

08-02-2002, 12:53 PM

اللااااااااااااااااااي ( أحبها هالكلمه ) على قولت فطوم
رسمتك الاولى وايد اعجبتني لأن اسلوبها مختلف عن الرسمات اللي دايما ترسمينها
الرسمه الاولى وااايد دافيه وهاديه وفيها نعومه مخليتها وايد حلوه
والرسمة الثانيه طبعا تبرز أسلوبك المميز في رسم الساحرات
وين شركات الانيمي خل تستلف منك شوي لأن رسمك صج ينفع حق مسلسلات كرتوينه

hawk

08-02-2002, 07:19 PM

DX :)

MZM

09-02-2002, 02:40 AM

أف مصيبه و الله يا روري يا ساحره :D
روري كلمة صادقه تقال بحقك (( انتي بالفعل مبدعه))
دقيقه في كل شيء ما شاء الله

hawk
اسلوب جميل دخل مزاجي و الله انت رسام لك لمسات جميله

shaheen

09-02-2002, 12:43 PM

هوك؟ انت راسمها بالفلاش؟؟؟
عاجبتني وايد... انا سعات لما ارسم وحش تكون خطوطي معروفة بس انت الحين تخليني افكر بخطوط جديدة... فظيع رسمك و اتمنى لك التوفيق دائما وزدنا من هالرسومات المميزة:)

اختي روري.. رسمك وايد حلو وخيالي البنت الاولية ظريفة وتصميم لباسها متقن جدا يعجبني.
والساحرة الصغيرة مميزة بعد... ولبسها وايد حلو وبالذات الحذاء:) كييووووتت

fatoom

09-02-2002, 12:50 PM

شفت أشلون mzm
رهيبه هل البنت بس اليوم هزئناها هي هي هي ...
و صار أسمها اليديد 10 هي هي هي ...لأنها إخسرت جدامنا ...
بالمركز الأخير....هوهوهوهو
انا و نيكي و لولي ووحده هاهاهاهاهاها
هاهاهاهاهاهاها بأنزل إنتصارنا إهنيه هاهاهاهاها
بس خل أكمل القصه ....
:D هي هي هي ....

وهوك تعجبني خطوطك وايد حلوه و منسقه ....
تابع :)

Rori

09-02-2002, 01:34 PM

فطووووم اخرسي
مب لازم اتشهريني :غضب: :":

واشفيها المهم خسرت بجدارة:o

fatoom

09-02-2002, 01:47 PM

حبيبتي روري هاهاهاهاهاها ...
أخبار لولي
أكيد ميته من الضحك عليج هاهاهاهاها:D
":" على الأقل المركزالثالث حلو هي هي هي :D

Rori

09-02-2002, 01:54 PM

.........................................
.........................................
........................................

:غضب: :غضب: :غضب: :غضب:

جب !!

fatoom

09-02-2002, 02:05 PM

الحمد الله أني بعيده عنج ....الحمد الله ...
ولا كان تدبل الطق إلي طقيتينا عليه كل ما خسرتي :D هي هي هي
محد معور قلبي غير لولي ....مسكينه تأخذ حقها عدل ...brrrrrrrrr:p

Rewayah

09-02-2002, 02:06 PM

جميـــــــــــــــــــــــــــــل!!!!! :واو:

روري فنانة السحرة وبكل جدارة!! :p !!! حلوة القافية؟ ":" هه هه هه

والله سبقني شاهين بالنسبة للملابس في الرسمة الألوى!! :)

ديزاين يهبل!!

والله لو تشاركين في مسابقات تأليف ملابس للسحرة التي تقام في المجلات اليابانية الخاصة بالأنايم, والله بتفوزين على طول! :)
راح تكونين لهم بمثابة "منافسة سحر الشرق"!! -_^

طراز ثوبها ماشي مع تسريحة شعرها!!

والرسمة الثانية عجبتني حيل حيل حيل...

فكرة طقم الأجراس فظيعة ودرجات البنفسجي والأزرق والسماوي مجننتني! :)
(ألواني المفضلة)!

إلــــــــــى الأمــــــــــام :p

وحياتش! :)

MZM

10-02-2002, 12:29 AM

هي هي هي :D
روري
انضمي الينا و تركي عصابة فطوم و حنا بنحطش بالمركز الأول :D

تحسون واحد يستغل المواقف ":"
بس مو مهم انتي اي مركز المهم انتي مبدعه

shaheen

10-02-2002, 08:27 AM

كتب العضو (Rewayah)
والله سبقني شاهين بالنسبة للملابس في الرسمة الألوى!! :)
:p

نياهاهاهاااا

hawk

10-02-2002, 12:06 PM

اشكركم جميعا مع ان الرد متأخر شوي ..

الرسمه بالفوتوشوب

وهذي رسمه ثانيه :) :) :)

MZM

10-02-2002, 12:45 PM

انت رسام دقيق جدا
رسمه متكامله و رائعه ;)
شوفو كيف كل حاجه راكبه في مكانها صح .............:أفكر:
ما شاء الله و اللي عاجبني حيل الرداء اللي لابسه النينجا شكله حلو حيل ;)

shaheen

10-02-2002, 02:50 PM

hawk
رسمتك فظيعة ا اخي .... تصلح حق ساموراي شودون بالقرب من هانزو:)
حركة نينجاوية حلوة وملابس قمة في الروعة
يا سلام عليك اشوفك تخبئ الكثير لنا ههههههه
قدراتك متفجرة وكل يوم نشوف شئ في رسوماتك
الوحوش المقاتلين النينجا وشنو بعد؟:)

انا بالانتظار:)
بس: اذا كان نينجا بالفعل فالسيوف الثلاثة ليست للنينجا... فقط للتنويه:)

Rori

10-02-2002, 03:21 PM

اووووه شكرا جميعا شكرا جزيلا ,,,اخجلتموني

orange road وينج لج وحشة ,,يلا نبي نجوفج مشتاجين لج وايد وايد

ranma ,shaheen ,rewayah شكرا جزيلا وهاي الكلام وايد علي ...صج فرحتوني وايد وشجعتوني ارسم اكثر:) thanx all

فطووم انا بوريج مايسوى علي هالخسارة :غضب: :غضب: انت و لولي العلة

mzm هيه هيه هيه هيه شكرا على هذا العرض القيم سمعتوا فطووم ولولي :غضب: هالناس مب انتوا نازلين فيني تهزيء( عشرة و عشرة )
والله اخوي mzm انت المبدع هني مب انا..

hawk رسمتك قمة من الروعة الحركة وايد ضابطها عدل ...والتفاصيل coool
استمر

orange road

10-02-2002, 03:53 PM

هوك... رسمك رهيب..
خطوطك فظيعة...
وااااااااااااااااااااااااااو.....

روري.. شسالفة؟؟ ليش شصار؟؟؟ كل شي يصير وانا مب موجودة؟؟؟ معليش انشاءالله اجوفكم بكرة واعرف كل اللي صار...
والله حتى انتوا وحشتوني.. :)

fatoom

10-02-2002, 06:28 PM

زين تبين أتعرفين أدخلي إهنيه :
:D http://www.montada.com/showthread.php?s=&postid=603022#post603022

:D

Ranma Saotome

11-02-2002, 12:39 PM

واااااااااااو يا هوك
رسمك وااااايد حلو وااايد دقيق ( طحين ) ويعققققققد
الرسمه الاولى واايد عجبتني
والثانيه أحلى وأحلى وأحلى
ماعندي شي أزيده على اللي قالوه الشباب
لكن اسلوبك واااايد عاجبني وايد مميز

hawk

11-02-2002, 07:37 PM

والله زين يوم عجبتكم :D شكرا

orange road

11-02-2002, 07:41 PM

هوك..

الرسمة فظيعة..

انت استخدمت cutout لها؟؟ صح؟؟؟

shaheen

11-02-2002, 08:53 PM

يا الله...
انت راسمها من خيالك يا هوك؟؟؟
روعة :) فانتاستيك!!

Ranma Saotome

11-02-2002, 10:35 PM

الله ياهوك الله عليك
والله فنان معتبر
رسمتك الاخيره وااايد عجبتني
الحصان والريال اللي عليه
يذكرني بلعبة kessen
لكن هاذي كسن مطور
وايد حلوه

MZM

12-02-2002, 01:30 AM

اب اب اب اب :واو:
شا السالفه يا اخ hawk
ما تفقنا على شذي :D
شها الرسم اللي يبرد الكبد .....
و الله رفعت راسنا فوق فوق بها الرسمه اللي تجنن ;)
شها التفاصيل ;) من ورانا يعني :D
المهم انك قدمة عرض قوي جدا :غضب: و ها التفاصيل ما يسويها اللا واحد شارب الفن شرب ما شاء الله ;)
رسمتك اعجبتني حيل حيل الى الأمام يا أخي العزيز

MZM

12-02-2002, 01:37 AM

اما الآن جاء دوري المتواضع :أفكر:
بعد ما انتها الضغط الدراسي اعلن رجوعي للمشاركت من جديد ;)
و انا بالفعل افتقدت انتقاداتكم الجميله و التعليقات اللطيفه :o
المهم ما اطول بالكلام هاذي مشاركتي و اتمنى ان مستواي ما نزل :D
لا تنسون التعليقات البنائه :أفكر:

shaheen

12-02-2002, 01:46 AM

تواضعك يثير اعجابي:)
رسمتك تثير جنوني
بالفعل لك لمسات خاصة بالرصاص... وخيالك الجميل متأثر بالخفاشيات والأجنحة الجلدية:)
شخصية رائعة بالفعل..
على فكرة لم لا تشترك معنا في تحدي المقاتلين؟؟ ;)
نراك قريبا هناك:)
وبما ان الضغط الدراسي انتهي فارنا اذن ابداعاتك:)

MZM

12-02-2002, 04:10 AM

الاستاذ شاهين ابكبره :D
شكرا شكرا :D
هاذا بعض ما تعلمناه من حضرتكم :o
اما بالنسبه للمشاركه في موضوع المقاتلين ........ بالفعل لم يكن لي وجود :D
و انا ان شاء الله بشارك فيه عن قريب :أفكر:
شكرا مره ثانيه ;)

ساندي

12-02-2002, 11:15 AM

الله الله الله الله وش هااااااااااااالفن يااااااااامبدعين انتوا ;) هووووووك وش هالخطوط عجيبه وام زد الرسممممممممه مرررررررررررررررررررررررره حلوه دخلت مزاجي :o روري الظاهر مايحتاج اقول لك رايي عن رسمك لاني لو قلته ماراح اوفيك حقك :p
-----------------

شاهين
تواضعك يثير اعجابي
رسمتك تثير جنوني

مطلع خاطره ":"

hawk

12-02-2002, 04:58 PM

ياسلام عليك يا ملك الرصاص مذهل نفس كل مره

----------------------

orange road

12-02-2002, 06:29 PM

واو.. mzm :واو:
انت فنان في الاجنحة الخفاشية.. رهيب..

بس هي ريل الريال مقطوعة من تحت؟؟؟ ?:

اييي.. حاسته يعور :(

MZM

12-02-2002, 07:04 PM

-----خلود----------
اييي.. حاسته يعور
---------------------

هي هي هي :D
الميت يا اخت خلود ما يحس :(
لان الشخصيه ماتت من زمان وهاذا الشبح مالها :D

fatoom

12-02-2002, 07:19 PM

مشاااااااااااااااااااء الله عليييييييييييييييييك
اللهم لا حسد ....صج فنان رصاص ....روعه ....:)
بس ليش ماااااااااااات كان حلو .....:(
:غضب:
كله منك ...انت إلي ذبحته ....(:D ههههههههههه)
لا بس روعه رسمك ...
يلا تابع ....تابع تحطيم ....
و بأنضم لصف أخوك و أصيح ...
....يالله خلها على الله ...:D

Rewayah

12-02-2002, 08:30 PM

أخي هوك شكراً على هالرسومات الروعة!!! :واو:

كلها فلاش وااااااااو :p
رسمة الفارس المدرع رهيييييييبة!!!
وطريقتك في رسم الخيل ما عليها كلام أبد أبد!!! :)

درع الفارس وخوذته! ما شاء الله! كل هالتفاصيل... ...
والإكسسوارات اللي على الحصان! يا ربي!
والسيف المشرشر!! أنته من وين تييب هالأفكار؟ :)

روعة!

أما الذيب... رهيييييييييب!!
لا تيي صوب هالموضوع! لا تيي صوب هالموضوع الله يخليك!!! ":"
ما تبي تعرف ليش!
هه هه هه هه هه عندي العديد من الإسكتشات بس على هالموضوع!!!
كلها عن المذؤوبين والهيومن ديمنز!!
وأخرى كلها على الآليجوريكلز!...
بس مو للعرض!! مو للأطفال! بتكون شويه صعبة على نفسياتكم ":" كخخخخ

أنا هالموضوع مادخلت فيه مؤخراً, إسمح لي!
لازم أشارك برسمتين أو ثلاث عشان أوفيه حقه!
ولا إختي روري بتزعل مني! :)

يلّه, نراكم قريباً مع شخصيات من خيالي الخاص جدا!!... "سورت أوف" :p

حياكم!

Rewayah

12-02-2002, 08:32 PM

:واو:

ما شاء الله!

رهيب يا إم زد إم!
والله روعة!
أنت رهيب في رسم الخفاشيات كما قال شاهين! :)
يعجبني أسلوبك المسيطر في الرصاص!!
دايماً تعقدني بالأجنحة اللي ترسمها!!!

بس تدري شو أكثر شيء يشدني في رسوماتك!؟ :)

... ... الوجوه...

بشكل مباشر أقولها... الوجوه!
لك أسلوب مميز الصراحة, وخصب ومبتكر وأهم شيء... "جديد"!
أحب الشخصيات اللي تبتكرها! :)
نبغي المزيد تفهم! :p

يعطيك العافية! :)

hawk

12-02-2002, 08:39 PM

شكرا روايه على ردك الجميل

بس الرسمات مش بالفلاش .... بالفوتوشوب مع استخدام cutout

نفس ما قالت الاخت orange road

MZM

12-02-2002, 11:05 PM

هي هي هي اخجلتوني يا جماعه شكرا شكر شكر للجميع :D
تقول يا أخ روايه ان الوجه عاجبك ........... لا و الإخت فطوم تقول انه حلو
:o
هذا يا اخي العزيز ليس وجه من خيالي :o
انما هو وجهي انا :o
وجه mzm الكشره :D
ان شاء الله راح تشوف صوره شخصيه لي في موقعي الجديد على الانترنت و هو موقع عباره عن معرض فني تعرض فيه رسمات الفنانين و الفنانات بعد اذنهم طبعا .......
و فيه نبذه مختصره عن كل فنان و فنانه
و سبب انشاء الموقع هو احساسي بالواجب تجاه جميع الفنانين
لأن الرسمات اللي يرسمونها بالفعل روعه و تستحق ان تكون في صفحه و موقع خاص جدا هو اشبه بالمعرض
يدخل فيه الزائر و يرى فن اخوانه الخليجيين من الكويت و قطر و الإمارات و البحرين و السعوديه و عمان و جميع الدول العربيه
و يكون لنا وجودنا الخاص على النت :أفكر:
و الموقع قيد الإنشاء حالياً ;)

Rewayah

19-02-2002, 01:54 AM

كتب العضو (MZM)
يدخل فيه الزائر و يرى فن اخوانه الخليجيين من الكويت و قطر و الإمارات و البحرين و السعوديه و عمان و جميع الدول العربيه
و يكون لنا وجودنا الخاص على النت :أفكر:
و الموقع قيد الإنشاء حالياً ;)
وهل خلطة (((الغيرة))) موجودة بعد في الطبخة هناك يا إم زد إم؟

وماذا عن مقبلات (((التَّصَنُّع والإبتذال)))؟

وأواني التقديم... هل ستكون (((سطحيَّة))) مسطَّحة؟ :)

"و يرى فن اخوانه الخليجيين"

"اخوانه الخليجيين"

"اخوانه"

أعتقد أنه "اخوانه" و"اخواته" ما تتوافقان معى "وجودنا الخاص"!